Jaratılıs 31
31
Yaqıptıń Labannan qashıwı
1Yaqıp Labannıń ullarınıń: «Yaqıp ákemizdiń barlıq zatların ózlestirip, pútkil baylıǵın ákemizge tiyisli bolǵan mal-múlikten arttırdı», – dep aytıp júrgenin esitti. 2Jáne de, Labannıń da ózine burınǵıday qarım-qatnasta emes ekenin bayqadı.
3Sonda Jaratqan Iye Yaqıpqa: «Atalarıńnıń jerine, aǵayin-tuwǵanlarıńa qayt! Men seniń menen birge bolaman», – dedi.
4Solay etip, Yaqıp adam jiberip, Rahila menen Leanı óz súriwleri júrgen jaylawǵa shaqırtıp, 5olarǵa bılay dedi:
– Ákeńizdiń maǵan degen qarım-qatnasınıń burınǵıday emes ekenligin kórip turman. Biraq ákemniń Qudayı meniń menen birge boldı. 6Meniń ákeńizge bar kúshim menen xızmet etkenimdi ózlerińiz bilesiz. 7Degen menen, ákeńiz maǵan pánt berip, xızmet haqımdı on mártelep ózgertti. Soǵan qaramastan, Quday onıń maǵan jamanlıq etiwine jol qoymadı. 8Ol: «Jaǵal mallar seniń xızmet haqıń boladı», – degende, barlıq súriw jaǵal tuwatuǵın edi. Al ol: «Ala-shubar mallar seniń xızmet haqıń boladı», – degende, barlıq súriw ala-shubar tuwatuǵın edi. 9Solay etip, Qudaydıń Ózi ákeńizdiń malların alıp qoyıp, olardı maǵan berdi. 10Mallardıń shaǵılısıw máwsiminde, bir kúni tús kórdim. Túsimde súriwdegi urǵashı mallar menen shaǵılısqan erkek mallardıń ala-shubar hám jaǵal ekenin kórdim. 11Qudaydıń perishtesi túsimde maǵan: «Yaqıp!», – dedi. «Lábbáy!», – dedim men. 12Ol: «Qara, urǵashı mallar menen shaǵılısqan erkek mallardıń barlıǵı ala-shubar hám jaǵal. Óytkeni Labannıń saǵan ne islep atırǵanınıń hámmesin kórdim. 13Men saǵan Beyt-Elde kóringen Qudayman. Sen ol jerde estelik tasın ornatqan ediń hám onıń ústine záytún mayın quyıp, Maǵan wáde bergen ediń. Endi bul jerden ketip, ózińniń tuwılǵan elińe qayt», – dedi.
14Sonda Rahila menen Lea Yaqıpqa:
– Endi ákemizdiń úyinde bizler ushın úles te, miyras ta qalıp pa edi? 15Ol ushın bizler jat adamlar sıyaqlı emespiz be? Sebebi ol bizlerdi satıp ǵana qoymastan, bizler ushın alǵan aqshanı da jep qoydı. 16Sonlıqtan ákemizden Quday alıp qoyǵan baylıqlardıń hámmesi bizlerge hám balalarımızǵa tiyisli. Endi Quday saǵan ne aytqan bolsa, sonı isle, – dep juwap berdi.
17Solay etip, Yaqıp ulları menen hayalların túyelerge mindirdi. 18Ol óziniń barlıq malların aldına salıp, Paddan-Aramda arttırǵan barlıq mal-múlkin aldı da, Qanan jerine, ákesi Ísaqqa barıw ushın jolǵa shıqtı. 19Laban qoylarınıń júnlerin qırqıwǵa ketkende, Rahila ákesiniń kiyeli músinlerin urlap aldı. 20Onıń ústine, Yaqıp ta óziniń ketetuǵının aytpay, aramlı Labandı aldap ketti. 21Solay etip, ol óziniń hámme nársesin alıp, qashıp ketti hám Evfrat dáryasınan ótip, tawlı Gilad úlkesine qaray jol aldı.
Labannıń Yaqıptıń izinen quwıwı
22Úshinshi kúni Laban Yaqıptıń qashıp ketkenligi tuwralı xabar taptı. 23Ol aǵayin-tuwǵanların janına alıp, onı quwıp ketti. Jeti kúnnen soń, tawlı Gilad úlkesinde onı quwıp jetti. 24Biraq sol kúni túnde Quday aramlı Labannıń túsine enip, oǵan: «Abaylı bol, Yaqıpqa jaqsı da, jaman da, hesh nárse aytpa!» – dedi.
25Laban Yaqıptı quwıp jetkende, Yaqıp tawlı Gilad úlkesinde shatırın tigip qoyǵan edi. Laban da óziniń aǵayin-tuwǵanları menen birge sol jerge shatır tikti.
26Sonda Laban Yaqıpqa bılay dedi:
– Bul ne qılǵanıń? Meni aldap, qızlarımdı urısta qolǵa túsken tutqın sıyaqlı alıp ketipseń-ǵo. 27Nege meni aldap, jasırın túrde qashıp kettiń? Maǵan nege aytpadıń? Men seni dáp qaqtırıp, lira sherttirip, qosıqlar ayttırıp, oyın-kúlki menen shıǵarıp salar edim-ǵo. 28Sen, hátte, aqlıqlarımdı hám qızlarımdı súyip, xoshlasıwǵa da múmkinshilik bermediń. Sen aqmaqlarsha is tuttıń! 29Sizlerge jamanlıq islewge kúshim jetedi. Biraq ótken túnde ákeńizdiń Qudayı maǵan: «Abaylı bol, Yaqıpqa jaqsı da, jaman da, hesh nárse aytpa», – dedi. 30Túsinemen, ákeńniń úyin qattı saǵınǵanıń ushın ketip qalǵansań. Biraq nege sen qudaylarımnıń músinlerin urlap kettiń?
31Yaqıp Labanǵa bılay dep juwap berdi:
– Men sizdi qızların kúsh penen tartıp aladı dep qorqtım. 32Biraq eger qudaylarıńızdıń músinlerin kimnen tapsańız, ol tiri qalmasın! Aǵayin-tuwǵanlarımızdıń kóz aldında ózińiz tekserip kóriń. Eger mennen siziń bir nárseńiz tabılsa, alıp ketiń!
Yaqıp Rahilanıń butlardıń músinlerin urlaǵanın bilmeytuǵın edi.
33Laban Yaqıptıń, Leanıń hám eki shorınıń shatırların qarap shıqtı, biraq músinlerdi taba almadı. Ol Leanıń shatırınan shıǵıp, Rahilanıń shatırına kirdi. 34Rahila kiyeli músinlerdi alıp, túyeniń eriniń astına qoyıp, onıń ústine otırıp alǵan edi. Laban shatırdı tolıq tekserip shıqsa da, músinlerdi taba almadı.
35Rahila ákesine:
– Mırzam, siz kelgenińizde turıp, kútip almaǵanım ushın ashıwıńız kelmesin. Óytkeni házir hayal-qızlarǵa tán jaǵdaydaman, – dedi.
Solay etip, Laban qansha izlese de, músinlerdi taba almadı.
36Yaqıp ashıwǵa minip, Labanǵa baqırınıp sóylep bılay dedi:
– Ayıbım ne? Búytip izimnen quwǵanday, men ne gúna isledim? 37Siz meniń barlıq zatlarımdı tintip shıqtıńız, biraq ózińizge tiyisli bir nárse taptıńız ba? Eger tapqan bolsańız, onı mına jerge, aǵayin-tuwǵanlarımızdıń aldına qoyıń. Olar ekewimizge tórelik qılsın. 38Men jigirma jıl sizikinde jasadım. Qoy-eshkilerińiz hesh qashan ish taslamadı. Siziń súriwińizden bir qoshqar da jemedim. 39Jabayı haywanlar bawızlap taslaǵanların siziń aldıńızǵa ákelmey, zálelin óz moynıma alatuǵın edim. Al siz bolsańız, malıńızdıń kúndiz yamasa túnde urlanıwına qaramastan, mennen hár bir malıńızdıń qunın talap eter edińiz. 40Kúndiz ıssıdan, túnde suwıqtan azap shegetuǵın edim. Kózlerimnen uyqı qashatuǵın edi. 41Meniń siziń úyińizdegi jigirma jıllıq ómirim usılay ótti. Men sizge on tórt jıl eki qızıńız ushın, altı jıl súriwińiz ushın xızmet ettim. Al siz xızmet haqımdı on ret ózgerttińiz. 42Eger de ákemniń hám babam Ibrayımnıń Qudayı, yaǵnıy Ísaq qorqqan Quday meniń menen birge bolmaǵanda, siz meni qurı qol qaytarǵan bolar edińiz. Biraq Quday meniń shekken azabımdı hám islegen awır miynetimdi kórip, keshe túnde meni jaqlap, tórelik etti.
43Laban Yaqıpqa bılay dep juwap berdi:
– Mına qızlar – meniń qızlarım, bul balalar – meniń aqlıqlarım. Bul súriwler – meniń súriwlerim. Sen kórip turǵan nárselerdiń hámmesi – meniki. Biraq endi men óz qızlarıma hám olardan tuwılǵan aqlıqlarıma ne isley alaman? 44Kel, endi aramızda gúwalıq bolatuǵın kelisim dúzeyik.
45Sonda Yaqıp bir tastı alıp, onı estelik qılıp qoydı. 46Soń aǵayin-tuwǵanlarına: «Tas jıynap kelińler», – dedi. Olar taslardı jıynap ákelip, bir úyinshik isledi hám sol úyinshiktiń janında otırıp awqat jedi. 47Laban úyinshikti Egar-Sahaduta, Yaqıp Gal-Ed#31:47 Egar-Sahaduta… Gal-Ed – birinshi atı arameyshe, ekinshi atı evreyshe bolıp, ekewi de «gúwalıq úyinshigi» degendi bildiredi. dep atadı.
48Laban: «Búgin bul úyinshik biziń aramızda gúwalıq bolsın», – degenlikten, ol jer Gal-Ed dep ataldı. 49Sonday-aq úyinshik Mispa#31:49 Mispa – «gúzetiw ornı» degendi bildiredi. dep te atalǵan. Sebebi Laban: «Bizler bir-birimizden uzaqlasıp ketkenimizden keyin, Jaratqan Iye bizlerdi gúzetip tursın. 50Eger sen qızlarıma jaman qatnasta bolsań yamasa olardıń ústine hayal alsań, buǵan gúwa bolatuǵın adam bolmasa da, bilip qoy, Qudaydıń Ózi gúwa boladı», – degen edi.
51Laban Yaqıpqa jáne bılay dedi:
– Minekey, mınaw úyinshik hám ekewimizdiń aramızda men ornatqan estelik. 52Bular meniń saǵan jamanlıq islew ushın usı úyinshikten arı ótpeytuǵınıma hám seniń de maǵan jamanlıq islew ushın bul úyinshik hám estelikten beri ótpeytuǵınıńa gúwalıq bolsın. 53Ibrayım hám Naxordıń Qudayı, olardıń ata-babalarınıń Qudayı bizlerge tórelik etsin.
Sonda Yaqıp ákesi Ísaq qorqqan Quday haqı ant ishti. 54Sońınan ol sol tawda qurbanlıq shalıp, aǵayin-tuwǵanların awqatqa shaqırdı. Olar awqatlanıp bolıp, tawda túnep qaldı.
55Erteńine Laban tań azanda turıp, aqlıqların hám qızların súyip, olarǵa pátiyasın berdi. Sońınan ol úyine qaytıp ketti.
Currently Selected:
Jaratılıs 31: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Jaratılıs 31
31
Yaqıptıń Labannan qashıwı
1Yaqıp Labannıń ullarınıń: «Yaqıp ákemizdiń barlıq zatların ózlestirip, pútkil baylıǵın ákemizge tiyisli bolǵan mal-múlikten arttırdı», – dep aytıp júrgenin esitti. 2Jáne de, Labannıń da ózine burınǵıday qarım-qatnasta emes ekenin bayqadı.
3Sonda Jaratqan Iye Yaqıpqa: «Atalarıńnıń jerine, aǵayin-tuwǵanlarıńa qayt! Men seniń menen birge bolaman», – dedi.
4Solay etip, Yaqıp adam jiberip, Rahila menen Leanı óz súriwleri júrgen jaylawǵa shaqırtıp, 5olarǵa bılay dedi:
– Ákeńizdiń maǵan degen qarım-qatnasınıń burınǵıday emes ekenligin kórip turman. Biraq ákemniń Qudayı meniń menen birge boldı. 6Meniń ákeńizge bar kúshim menen xızmet etkenimdi ózlerińiz bilesiz. 7Degen menen, ákeńiz maǵan pánt berip, xızmet haqımdı on mártelep ózgertti. Soǵan qaramastan, Quday onıń maǵan jamanlıq etiwine jol qoymadı. 8Ol: «Jaǵal mallar seniń xızmet haqıń boladı», – degende, barlıq súriw jaǵal tuwatuǵın edi. Al ol: «Ala-shubar mallar seniń xızmet haqıń boladı», – degende, barlıq súriw ala-shubar tuwatuǵın edi. 9Solay etip, Qudaydıń Ózi ákeńizdiń malların alıp qoyıp, olardı maǵan berdi. 10Mallardıń shaǵılısıw máwsiminde, bir kúni tús kórdim. Túsimde súriwdegi urǵashı mallar menen shaǵılısqan erkek mallardıń ala-shubar hám jaǵal ekenin kórdim. 11Qudaydıń perishtesi túsimde maǵan: «Yaqıp!», – dedi. «Lábbáy!», – dedim men. 12Ol: «Qara, urǵashı mallar menen shaǵılısqan erkek mallardıń barlıǵı ala-shubar hám jaǵal. Óytkeni Labannıń saǵan ne islep atırǵanınıń hámmesin kórdim. 13Men saǵan Beyt-Elde kóringen Qudayman. Sen ol jerde estelik tasın ornatqan ediń hám onıń ústine záytún mayın quyıp, Maǵan wáde bergen ediń. Endi bul jerden ketip, ózińniń tuwılǵan elińe qayt», – dedi.
14Sonda Rahila menen Lea Yaqıpqa:
– Endi ákemizdiń úyinde bizler ushın úles te, miyras ta qalıp pa edi? 15Ol ushın bizler jat adamlar sıyaqlı emespiz be? Sebebi ol bizlerdi satıp ǵana qoymastan, bizler ushın alǵan aqshanı da jep qoydı. 16Sonlıqtan ákemizden Quday alıp qoyǵan baylıqlardıń hámmesi bizlerge hám balalarımızǵa tiyisli. Endi Quday saǵan ne aytqan bolsa, sonı isle, – dep juwap berdi.
17Solay etip, Yaqıp ulları menen hayalların túyelerge mindirdi. 18Ol óziniń barlıq malların aldına salıp, Paddan-Aramda arttırǵan barlıq mal-múlkin aldı da, Qanan jerine, ákesi Ísaqqa barıw ushın jolǵa shıqtı. 19Laban qoylarınıń júnlerin qırqıwǵa ketkende, Rahila ákesiniń kiyeli músinlerin urlap aldı. 20Onıń ústine, Yaqıp ta óziniń ketetuǵının aytpay, aramlı Labandı aldap ketti. 21Solay etip, ol óziniń hámme nársesin alıp, qashıp ketti hám Evfrat dáryasınan ótip, tawlı Gilad úlkesine qaray jol aldı.
Labannıń Yaqıptıń izinen quwıwı
22Úshinshi kúni Laban Yaqıptıń qashıp ketkenligi tuwralı xabar taptı. 23Ol aǵayin-tuwǵanların janına alıp, onı quwıp ketti. Jeti kúnnen soń, tawlı Gilad úlkesinde onı quwıp jetti. 24Biraq sol kúni túnde Quday aramlı Labannıń túsine enip, oǵan: «Abaylı bol, Yaqıpqa jaqsı da, jaman da, hesh nárse aytpa!» – dedi.
25Laban Yaqıptı quwıp jetkende, Yaqıp tawlı Gilad úlkesinde shatırın tigip qoyǵan edi. Laban da óziniń aǵayin-tuwǵanları menen birge sol jerge shatır tikti.
26Sonda Laban Yaqıpqa bılay dedi:
– Bul ne qılǵanıń? Meni aldap, qızlarımdı urısta qolǵa túsken tutqın sıyaqlı alıp ketipseń-ǵo. 27Nege meni aldap, jasırın túrde qashıp kettiń? Maǵan nege aytpadıń? Men seni dáp qaqtırıp, lira sherttirip, qosıqlar ayttırıp, oyın-kúlki menen shıǵarıp salar edim-ǵo. 28Sen, hátte, aqlıqlarımdı hám qızlarımdı súyip, xoshlasıwǵa da múmkinshilik bermediń. Sen aqmaqlarsha is tuttıń! 29Sizlerge jamanlıq islewge kúshim jetedi. Biraq ótken túnde ákeńizdiń Qudayı maǵan: «Abaylı bol, Yaqıpqa jaqsı da, jaman da, hesh nárse aytpa», – dedi. 30Túsinemen, ákeńniń úyin qattı saǵınǵanıń ushın ketip qalǵansań. Biraq nege sen qudaylarımnıń músinlerin urlap kettiń?
31Yaqıp Labanǵa bılay dep juwap berdi:
– Men sizdi qızların kúsh penen tartıp aladı dep qorqtım. 32Biraq eger qudaylarıńızdıń músinlerin kimnen tapsańız, ol tiri qalmasın! Aǵayin-tuwǵanlarımızdıń kóz aldında ózińiz tekserip kóriń. Eger mennen siziń bir nárseńiz tabılsa, alıp ketiń!
Yaqıp Rahilanıń butlardıń músinlerin urlaǵanın bilmeytuǵın edi.
33Laban Yaqıptıń, Leanıń hám eki shorınıń shatırların qarap shıqtı, biraq músinlerdi taba almadı. Ol Leanıń shatırınan shıǵıp, Rahilanıń shatırına kirdi. 34Rahila kiyeli músinlerdi alıp, túyeniń eriniń astına qoyıp, onıń ústine otırıp alǵan edi. Laban shatırdı tolıq tekserip shıqsa da, músinlerdi taba almadı.
35Rahila ákesine:
– Mırzam, siz kelgenińizde turıp, kútip almaǵanım ushın ashıwıńız kelmesin. Óytkeni házir hayal-qızlarǵa tán jaǵdaydaman, – dedi.
Solay etip, Laban qansha izlese de, músinlerdi taba almadı.
36Yaqıp ashıwǵa minip, Labanǵa baqırınıp sóylep bılay dedi:
– Ayıbım ne? Búytip izimnen quwǵanday, men ne gúna isledim? 37Siz meniń barlıq zatlarımdı tintip shıqtıńız, biraq ózińizge tiyisli bir nárse taptıńız ba? Eger tapqan bolsańız, onı mına jerge, aǵayin-tuwǵanlarımızdıń aldına qoyıń. Olar ekewimizge tórelik qılsın. 38Men jigirma jıl sizikinde jasadım. Qoy-eshkilerińiz hesh qashan ish taslamadı. Siziń súriwińizden bir qoshqar da jemedim. 39Jabayı haywanlar bawızlap taslaǵanların siziń aldıńızǵa ákelmey, zálelin óz moynıma alatuǵın edim. Al siz bolsańız, malıńızdıń kúndiz yamasa túnde urlanıwına qaramastan, mennen hár bir malıńızdıń qunın talap eter edińiz. 40Kúndiz ıssıdan, túnde suwıqtan azap shegetuǵın edim. Kózlerimnen uyqı qashatuǵın edi. 41Meniń siziń úyińizdegi jigirma jıllıq ómirim usılay ótti. Men sizge on tórt jıl eki qızıńız ushın, altı jıl súriwińiz ushın xızmet ettim. Al siz xızmet haqımdı on ret ózgerttińiz. 42Eger de ákemniń hám babam Ibrayımnıń Qudayı, yaǵnıy Ísaq qorqqan Quday meniń menen birge bolmaǵanda, siz meni qurı qol qaytarǵan bolar edińiz. Biraq Quday meniń shekken azabımdı hám islegen awır miynetimdi kórip, keshe túnde meni jaqlap, tórelik etti.
43Laban Yaqıpqa bılay dep juwap berdi:
– Mına qızlar – meniń qızlarım, bul balalar – meniń aqlıqlarım. Bul súriwler – meniń súriwlerim. Sen kórip turǵan nárselerdiń hámmesi – meniki. Biraq endi men óz qızlarıma hám olardan tuwılǵan aqlıqlarıma ne isley alaman? 44Kel, endi aramızda gúwalıq bolatuǵın kelisim dúzeyik.
45Sonda Yaqıp bir tastı alıp, onı estelik qılıp qoydı. 46Soń aǵayin-tuwǵanlarına: «Tas jıynap kelińler», – dedi. Olar taslardı jıynap ákelip, bir úyinshik isledi hám sol úyinshiktiń janında otırıp awqat jedi. 47Laban úyinshikti Egar-Sahaduta, Yaqıp Gal-Ed#31:47 Egar-Sahaduta… Gal-Ed – birinshi atı arameyshe, ekinshi atı evreyshe bolıp, ekewi de «gúwalıq úyinshigi» degendi bildiredi. dep atadı.
48Laban: «Búgin bul úyinshik biziń aramızda gúwalıq bolsın», – degenlikten, ol jer Gal-Ed dep ataldı. 49Sonday-aq úyinshik Mispa#31:49 Mispa – «gúzetiw ornı» degendi bildiredi. dep te atalǵan. Sebebi Laban: «Bizler bir-birimizden uzaqlasıp ketkenimizden keyin, Jaratqan Iye bizlerdi gúzetip tursın. 50Eger sen qızlarıma jaman qatnasta bolsań yamasa olardıń ústine hayal alsań, buǵan gúwa bolatuǵın adam bolmasa da, bilip qoy, Qudaydıń Ózi gúwa boladı», – degen edi.
51Laban Yaqıpqa jáne bılay dedi:
– Minekey, mınaw úyinshik hám ekewimizdiń aramızda men ornatqan estelik. 52Bular meniń saǵan jamanlıq islew ushın usı úyinshikten arı ótpeytuǵınıma hám seniń de maǵan jamanlıq islew ushın bul úyinshik hám estelikten beri ótpeytuǵınıńa gúwalıq bolsın. 53Ibrayım hám Naxordıń Qudayı, olardıń ata-babalarınıń Qudayı bizlerge tórelik etsin.
Sonda Yaqıp ákesi Ísaq qorqqan Quday haqı ant ishti. 54Sońınan ol sol tawda qurbanlıq shalıp, aǵayin-tuwǵanların awqatqa shaqırdı. Olar awqatlanıp bolıp, tawda túnep qaldı.
55Erteńine Laban tań azanda turıp, aqlıqların hám qızların súyip, olarǵa pátiyasın berdi. Sońınan ol úyine qaytıp ketti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022