Jaratılıs 46
46
Yaqıptıń Mısırǵa kóship barıwı
1Solay etip, Izrail óziniń barlıq mal-múlkin alıp, jolǵa shıqtı. Beer-Shebaǵa jetip kelgende, ákesi Ísaqtıń Qudayına arnap qurbanlıqlar shaldı. 2Quday túnde Izrailǵa ayan berip:
– Yaqıp, Yaqıp! – dedi.
– Lábbáy, – dedi ol.
3Quday oǵan bılay dedi:
– Men Qudayman, ákeńniń Qudayıman. Sen Mısırǵa barıwdan qorqpa. Men ol jerde seniń urpaqlarıńnan ullı xalıq jarataman. 4Men seniń menen birge Mısırǵa baraman hám urpaqlarıńdı usı jerge sózsiz qaytarıp alıp kelemen. Qaytıs bolǵanıńda, Yusup óz qolları menen kózlerińdi jabadı.
5Sońınan Yaqıp Beer-Shebadan jolǵa shıqtı. Izraildıń ulları ákesi Yaqıptı, balaların hám hayalların faraon jibergen arbalarǵa mingizip, alıp ketti. 6Olar malların hám Qanan jerinde jıynaǵan pútkil mal-múlkin alıp, Mısırǵa keldi. Yaqıp penen onıń pútkil urpaqları birge edi. 7Yaqıp ózi menen birge ulların, qızların, aqlıqların, yaǵnıy pútkil urpaqların alıp, Mısırǵa kóship keldi.
8Izraildıń, yaǵnıy Yaqıptıń Mısırǵa alıp kelgen ullarınıń hám urpaqlarınıń atları tómendegishe:
Yaqıptıń tuńǵıshı – Ruben. 9Rubenniń ulları: Xanox, Pallu, Xesron hám Karmiy.
10Shimonnıń ulları: Emuel, Yamin, Ohad, Yaxin, Soxar hám qananlı hayalınan tuwılǵan Shaul.
11Lebiydiń ulları: Gershon, Qohat hám Merariy.
12Yahudanıń ulları: Er, Onan, Shela, Peres hám Zerax. Biraq Er menen Onan Qananda qaytıs bolǵan edi. Perestiń ulları: Xesron hám Xamul.
13Issaxardıń ulları: Tola, Puwa, Iob hám Shimron.
14Zebulonnıń ulları: Sered, Elon hám Yaxleel.
15Bular Leanıń Yaqıpqa tuwıp bergen ulları hám olardıń urpaqları. Lea olardı hám qızı Dinanı Paddan-Aramda tuwǵan edi. Yaqıptıń Lea arqalı taraǵan urpaqları barlıǵı bolıp otız úsh edi.
16Gadtıń ulları: Sifyon, Xaggiy, Shuniy, Esbon, Eriy, Arodiy hám Areliy.
17Asherdiń ulları: Imna, Ishwa, Ishwiy, Beria hám olardıń qarındası Serax.
Beriyanıń ulları: Xeber hám Malkiel. 18Bular Labannıń qızı Leaǵa bergen shorısı Zilpanıń Yaqıpqa tuwıp bergen ulları hám olardıń urpaqları. Olar barlıǵı on altı edi.
19Yaqıptıń hayalı Rahilanıń ulları Yusup hám Benyamin edi. 20Mısırda Yusup Menashshe hám Efrayım degen eki ullı boldı. Yusupke olardı Uon qalasınıń ruwxaniyi bolǵan Potiferanıń qızı Asenat tuwıp berdi.
21Benyaminniń ulları: Bela, Bexer, Ashbel, Gera, Naaman, Exiy, Rosh, Muppim, Xuppim hám Ard.
22Bular Rahilanıń Yaqıpqa tuwıp bergen ulları hám olardıń urpaqları. Olar hámmesi bolıp on tórt edi.
23Dannıń ulı: Xushim.
24Naftaliydiń ulları: Yaxsiel, Guniy, Eser hám Shillem. 25Bular Labannıń qızı Rahilaǵa bergen shorısı Bilhanıń Yaqıpqa tuwıp bergen ulları hám olardıń urpaqları. Olar hámmesi jetew edi.
26Yaqıptıń ullarınıń hayalların qospaǵanda, Yaqıptıń urpaǵınan bolǵan hám onıń menen birge Mısırǵa kelgenlerdiń sanı hámmesi bolıp alpıs altı adam edi. 27Yusuptiń Mısırda tuwılǵan eki ulı menen birlikte Mısırǵa kóshken Yaqıptıń xojalıǵı hámmesi bolıp jetpis adam edi.
Yaqıptıń Yusup penen ushırasıwı
28Yaqxıp Goshen jerinde kórisetuǵının aytıw ushın Yusupke aldın ala Yahudanı jiberdi. Olar Goshen jerine jetip kelgende, 29Yusup óziniń arbasın jegip, ákesi Izraildı kóriw ushın, Goshenge bardı. Yusup ákesin kóre sala, onı moynınan qushaqlap, uzaq jıladı. 30Izrail Yusupke:
– Tiri ekenińdi óz kózim menen kórdim, endi ólsem de, ármanım joq, – dedi.
31Yusup tuwısqanlarına hám ákesiniń úy-ishindegi adamlarǵa bılay dedi:
– Men faraonǵa barıp bılay deymen: «Qanan jerinde jasaǵan tuwısqanlarım hám ákemniń úy-ishindegi adamlar maǵan keldi. 32Olar shopanlar bolıp, sharwashılıq penen shuǵıllanadı. Sonlıqtan olar súriwlerin, padaların hám barlıq mal-múlkin ózleri menen birge alıp kelgen». 33Eger faraon sizlerdi shaqırıp: «Kásip-kárińiz ne?» – dep sorasa, 34sizler: «Ata-babalarımız sıyaqlı, bizler de bala waqtımızdan beri sharwashılıq penen shuǵıllanamız», – dep aytıńlar. Sonda sizlerge Goshen jerine ornalasıwıńızǵa ruxsat etiledi. Sebebi mısırlılar shopanlardan jerkenedi.
Currently Selected:
Jaratılıs 46: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Jaratılıs 46
46
Yaqıptıń Mısırǵa kóship barıwı
1Solay etip, Izrail óziniń barlıq mal-múlkin alıp, jolǵa shıqtı. Beer-Shebaǵa jetip kelgende, ákesi Ísaqtıń Qudayına arnap qurbanlıqlar shaldı. 2Quday túnde Izrailǵa ayan berip:
– Yaqıp, Yaqıp! – dedi.
– Lábbáy, – dedi ol.
3Quday oǵan bılay dedi:
– Men Qudayman, ákeńniń Qudayıman. Sen Mısırǵa barıwdan qorqpa. Men ol jerde seniń urpaqlarıńnan ullı xalıq jarataman. 4Men seniń menen birge Mısırǵa baraman hám urpaqlarıńdı usı jerge sózsiz qaytarıp alıp kelemen. Qaytıs bolǵanıńda, Yusup óz qolları menen kózlerińdi jabadı.
5Sońınan Yaqıp Beer-Shebadan jolǵa shıqtı. Izraildıń ulları ákesi Yaqıptı, balaların hám hayalların faraon jibergen arbalarǵa mingizip, alıp ketti. 6Olar malların hám Qanan jerinde jıynaǵan pútkil mal-múlkin alıp, Mısırǵa keldi. Yaqıp penen onıń pútkil urpaqları birge edi. 7Yaqıp ózi menen birge ulların, qızların, aqlıqların, yaǵnıy pútkil urpaqların alıp, Mısırǵa kóship keldi.
8Izraildıń, yaǵnıy Yaqıptıń Mısırǵa alıp kelgen ullarınıń hám urpaqlarınıń atları tómendegishe:
Yaqıptıń tuńǵıshı – Ruben. 9Rubenniń ulları: Xanox, Pallu, Xesron hám Karmiy.
10Shimonnıń ulları: Emuel, Yamin, Ohad, Yaxin, Soxar hám qananlı hayalınan tuwılǵan Shaul.
11Lebiydiń ulları: Gershon, Qohat hám Merariy.
12Yahudanıń ulları: Er, Onan, Shela, Peres hám Zerax. Biraq Er menen Onan Qananda qaytıs bolǵan edi. Perestiń ulları: Xesron hám Xamul.
13Issaxardıń ulları: Tola, Puwa, Iob hám Shimron.
14Zebulonnıń ulları: Sered, Elon hám Yaxleel.
15Bular Leanıń Yaqıpqa tuwıp bergen ulları hám olardıń urpaqları. Lea olardı hám qızı Dinanı Paddan-Aramda tuwǵan edi. Yaqıptıń Lea arqalı taraǵan urpaqları barlıǵı bolıp otız úsh edi.
16Gadtıń ulları: Sifyon, Xaggiy, Shuniy, Esbon, Eriy, Arodiy hám Areliy.
17Asherdiń ulları: Imna, Ishwa, Ishwiy, Beria hám olardıń qarındası Serax.
Beriyanıń ulları: Xeber hám Malkiel. 18Bular Labannıń qızı Leaǵa bergen shorısı Zilpanıń Yaqıpqa tuwıp bergen ulları hám olardıń urpaqları. Olar barlıǵı on altı edi.
19Yaqıptıń hayalı Rahilanıń ulları Yusup hám Benyamin edi. 20Mısırda Yusup Menashshe hám Efrayım degen eki ullı boldı. Yusupke olardı Uon qalasınıń ruwxaniyi bolǵan Potiferanıń qızı Asenat tuwıp berdi.
21Benyaminniń ulları: Bela, Bexer, Ashbel, Gera, Naaman, Exiy, Rosh, Muppim, Xuppim hám Ard.
22Bular Rahilanıń Yaqıpqa tuwıp bergen ulları hám olardıń urpaqları. Olar hámmesi bolıp on tórt edi.
23Dannıń ulı: Xushim.
24Naftaliydiń ulları: Yaxsiel, Guniy, Eser hám Shillem. 25Bular Labannıń qızı Rahilaǵa bergen shorısı Bilhanıń Yaqıpqa tuwıp bergen ulları hám olardıń urpaqları. Olar hámmesi jetew edi.
26Yaqıptıń ullarınıń hayalların qospaǵanda, Yaqıptıń urpaǵınan bolǵan hám onıń menen birge Mısırǵa kelgenlerdiń sanı hámmesi bolıp alpıs altı adam edi. 27Yusuptiń Mısırda tuwılǵan eki ulı menen birlikte Mısırǵa kóshken Yaqıptıń xojalıǵı hámmesi bolıp jetpis adam edi.
Yaqıptıń Yusup penen ushırasıwı
28Yaqxıp Goshen jerinde kórisetuǵının aytıw ushın Yusupke aldın ala Yahudanı jiberdi. Olar Goshen jerine jetip kelgende, 29Yusup óziniń arbasın jegip, ákesi Izraildı kóriw ushın, Goshenge bardı. Yusup ákesin kóre sala, onı moynınan qushaqlap, uzaq jıladı. 30Izrail Yusupke:
– Tiri ekenińdi óz kózim menen kórdim, endi ólsem de, ármanım joq, – dedi.
31Yusup tuwısqanlarına hám ákesiniń úy-ishindegi adamlarǵa bılay dedi:
– Men faraonǵa barıp bılay deymen: «Qanan jerinde jasaǵan tuwısqanlarım hám ákemniń úy-ishindegi adamlar maǵan keldi. 32Olar shopanlar bolıp, sharwashılıq penen shuǵıllanadı. Sonlıqtan olar súriwlerin, padaların hám barlıq mal-múlkin ózleri menen birge alıp kelgen». 33Eger faraon sizlerdi shaqırıp: «Kásip-kárińiz ne?» – dep sorasa, 34sizler: «Ata-babalarımız sıyaqlı, bizler de bala waqtımızdan beri sharwashılıq penen shuǵıllanamız», – dep aytıńlar. Sonda sizlerge Goshen jerine ornalasıwıńızǵa ruxsat etiledi. Sebebi mısırlılar shopanlardan jerkenedi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022