Yohanna 7
7
Jesu dum Kwughur p'an kihh Tong-Gag
1Bwoon bii mihhse mwopp bhi Jesu kihh mw'aan shi'pee-shi'pee gaar'yill Galili. Baah dh'om mw'aan dum dyi gaar'yill Yahudiya mou, p'ee mwoohnan khi Zhepp Yahuda w'u gaar'yill Yahudiya ni mwopp kihh lang'bhongg nyi tihh mwopp t'u nyi diy. 2Kaarooh Kwughur p'an kihh Tong-Gag khi Zhepp Yahuda l'ang kuss, 3bhi em'nhikhin Jesu mwopp satt nyi le, “Ghi yet pee mhize ghi k'aa ghi dum koghobyill Yahudiya tihh mhi-dumdang gha mwopp naah dhakk bii'aapwoo w'u ghi kihh sh'in diy sihng. 4Baah m'ee gwooh kihh t'ang tihh gurum mwopp man riy diy bhi kihh sh'in bii a lakham-lakham mou. Mihh kan gha phi sh'in bii'aapwoo mhize mwopp a zeenn'zeenn, bhi ghi put kihgaak tihh yill ni kihhdihng man gha diy sihng.” 5Gyet em'nhikhin Jesu ni wu'mwopp maah pihhzeenn Jesu ni mou.
6Bhi Jesu satt em'nhikhin niy ni mwopp le, “Baah pee m'aan wu'dihhreh khi ji wull mou. Kihpee wu'wunn diy bhi kooh a pee wu'rangg bhi nyi a dihhreh wunn. 7Yill ni p'ee shiih kihh wu'wunn mou; kihh shiih kihh wu'an, p'ee wu'an ih kihh sattpwoo kaah dhakk'shin khi yill ni ih le mwopp a wu'bis. 8Wu'wunn wu ka wu duam Kwughur ni; wu'an p'ee khi k'aa dum mou, p'ee baah pee m'aan wu'dihhreh khi ji wull mou.” 9Kaarooh satt kihhsheh bhi dheeh niy nhighin gaar'yill Galili dhangg.
10Dhangg bwoonrooh em'nhikhin nyi mwopp ka duam Kwughur ni, bhi Jesu wu'nyi k'aa dum zag, dhangg baah a kihgaak mou, k'aa dum a kaa bhi-byaah se. 11Nhighin kihpee Kwughur ni bhi mwoohnan khi Zhepp Yahuda mwopp kihh lyap nyi, mwopp kihh nang le, “Wu kad by'ee mhizeh shi a nihyeh?”
12Gurum mwopp y'aa kadpwoo lakham-lakham kihh shag kaah Jesu. Pakk mwopp kihh satt le, “Gwoh mhizeh ni a gurum wu'rett.” Dhangg pakk mwopp kihh satt le, “Haiyou, nyi a phi zhwam gurum mwopp b'aan.” 13Weett kihhsheh, bhi baah menguh satt mee'bii k'aa taah kihgaak kaah nyi mou, p'ee mwopp kihh kihkhirr bii w'u mwoohnan khi Zhepp Yahuda ni mwopp p'ee sh'in nyi runn.
Jesu sh'in kamm kih pee Kwughur
14Dhang kaarooh t'eer mhi Kwughur ni mwopp wull kihnaar, bhi Jesu k'aa dum kihfur LuhNaan, bhi y'aa sh'in kamm gurum mwopp nhighin. 15Bii ni aa'phi Zhepp Yahuda mwopp pwetd, bhi mwopp kihh nang phi shag le, “Gwooh mhize dum kad m'an wu'kihhshe a nihyeh, w'u baah cham dum tang'ran mee'pee mou?”
16Jesu pring mwopp le, “Kamm w'u a'n phi sh'in nyi se a maan'nah mou, a mhi gwooh lop a'n. 17Kapp gwooh dhen-en niy p'ee sh'in bii w'u Gwooh lop a'n kihh dh'om, bhi gwoh ni p'ee man kooh kyed kamm w'u a'n phi sh'in ni se a mhi Naan aa'h, h'aa kooh kyed a kihh kadpwoo a sh'i kaah mhisan oh. 18Gwooh kihh kadpwoo a sh'i kaah mhishin kihh t'ang tihh gurum mwopp kihh tihghin a riy. Gwooh kihh t'ang tihh gurum mwopp tihghin a gwooh lop riy, bhi nyi a guzeenn, baah m'ee shiinzeenn dhighin nyi mou. 19Gyet Musa pihh w'aar khi Naan wunn s'ang? Dhang baah meeh wuh kihh kyeer w'aar ni mou. Wu kihh t'ang t'u a'n a p'ee mihyeh?”
20Bhi dw'uu gurum ni mwopp pring nyi le, “A m'ee riin wu'bis dhel kaah gha s'ang! A wuyeh kihh t'ang t'u gha ayeh?”
21Jesu pring mwopp le, “Deh ih sh'in bii'aapwoo kihmeh bhi aa'pwoo wu pwetd. 22Uwou, dhok wu kihh gab l'aa p'ar Puus Nookdyi pee'rooh gyet Musa pihh w'aar mhi gab wunn e'h! Kooh bhalang phirooh baah gyet w'aar mhi gab ni put a sarr Musa mou, put a sarr puup wu w'u gyetshak mwopp. 23T'o, dheeh kan mihh wu kihh mak gab l'aa p'ar Puus Nookdyi nann'baa wu tep W'aar mhi Musa; dheeh a mihyeh l'e bhi wu kihh lang'tukhup kihh a'n pee'rooh a bar gurum kihhdihng p'ar Puus Nookdyi ayeh? 24Wu nook shanpwoo sh'i naah mhi yit tihh wu shan diy shi'zeenn.”
Zhepp Yahuda mwopp takhar kyed a Jesu a Kristi shi oh?
25Pakk gurum w'u Urshalima y'aa sh'in t'al le, “A gwoh mhize shi a gwooh mwoohnan kihh t'ang t'u nyi mou aa'? 26Dheeh nyi se phi kadpwoo kihgaak naar gurum bazh, dhangg menguh satt mee'bii nyi maah. H'aa baa mwoohnan mwopp shwan kad a nyi a Kristi shi bwaatt? 27Ai mu man yill w'u gwoh mhize ni put diy, dhangg p'ar mihh Kristi diy ji wull bhi baah menguh p'ee man pee w'u put diy mou.”
28Kaarooh Jesu kaah kamm kihfur LuhNaan, bhi peet satt kihh dhekheh niy bhall-bhall le, “Wu kihh ryeeh wu le wunn man an yakhal wunn man pee w'u a put diy 'y? T'o, ih kihh satt wunn, baah ih ji se a sh'i kaah mhisan mou. Gwooh lop a'n a Zeenn; w'u a gwooh baah wu man nyi mou. 29Dhangg wu'an ih man nyi, p'ee ih put a kihpee nyi diy; a nyi lop a'n.”
30A nyi seh, bhi mwopp kihh t'ang y'aa nyi; dhangg baah m'ee gurum l'e sarr sh'i nyi mou, p'ee baah pee khinyi khi ji wull mou. 31Weett kihhsheh bhi dhess dhighin dw'uu gurum ni mwopp pihhzeenn nyi, mwopp kihh satt le, “Par'mihh Kristi ni ji wull bhi nyi p'ee sh'in v'ur bii'aapwoo w'u mett rooh gwoh mhize kihh sh'in se aa'?”
Mwopp lop mhitapp LuhNaan mwopp p'ee y'aa Jesu
32Pakk Farisiiy mwopp klihng gurum mwopp phi kadpwoo mihhseh shi'shau kaah Jesu, bhi Prist wu'nan mwopp, kihshag kihh Farisiiy ni mwopp, mwopp lop mhitapp LuhNaan tihh mwopp dum y'aa Jesu diy lhi'ji runn.
33Bhi Jesu satt mwopp le, “An kihshag kihh wunn a p'ee reb pee lee kyekk, bwoon mihhseh bhi a'n p'ee waa dum kihpee Gwooh lop a'n diy. 34Wunn p'ee p'ar lyap a'n, dhangg wunn p'ee kad a'n mou. A kihhsheh kyekk mou, pee w'u a'n p'ee kwed diy, bhi wunn p'ee mak ja nhighin mou.”
35Bhi Zhepp Yahuda ni mwopp nang phi shag le, “Kihh t'ang dum a nihyeh w'u baah munn p'ee mak kad nyi mou? Nyi p'ee dum a kihpee pakk mwopp'muun w'u mwopp kihh chiit b'uu naar Seghen'gurum mwopp tihh sh'in kamm diy Seghen'gurum ni mwopp dhok s'ang? 36A mihyeh a shiiy khi pwoo mihhse w'u satt le, munn p'ee p'ar lyap riy dhangg munn p'ee kad riy mou, kihh rooh satt le, pee w'u riy diy bhi munn p'ee mak wull nhighin mou seh?”
37P'ar puus sihkhitt Kwughur ni, w'u a puus wu'yon mhi Kwughur ni, bhi Jesu yakhal dharr bhi peet satt sh'i dhekheh niy bhall-bhall le, “Mihh a'm diy t'u menguh, bhi ji kihpee na tihh shwaa diy. 38Koohweeh w'u pihhzeenn a'n bhi kaa Ran'wubhangg sat se le, 'Bhibwutt a'm mhi seen p'ee kihh bwet put dhighin gwoh ni.' ” 39Jesu shin'pwoo mhize a kaah Riin Wu'bhangg w'u mwooh pihhzeenn riy gyet kudyi p'ee lapp nyi. P'ee baah gyet Naan khi pihh Riin ni mwopp mou, p'ee baah gyet Daah Jesu khi kad lappdhess mou.
40Kaarooh pakk gurum w'u dhighin dw'uu gurum ni mwopp klihng bii w'u Jesu satt seh, bhi mwopp kihh satt shag le, “A zeenn'zeenn, gwoh mhize a nyi a Gu-wanggshiiy shi w'u munn phi le'yit naah ji khinyi seh.”
41Pakk mwopp satt le, “A nyi a Kristi fyaatd.” Dhangg pakk mwopp kihh nang le, “Kristi ni diy put a Galili 'ng? 42Dhok Ran'Wubhangg satt le Kristi ni p'ee put a dhighin seghen khi Dauda 'y, yakhal mwopp p'ee l'aa nyi a Baitalami 'y, w'u a kwangyill w'u gyet mwopp l'aa Dauda diy 'y?” 43Pee'mhinyi bhi pwoo gurum ni mwopp shap dyikk-dyikk kaah Jesu. 44Pakk mwopp kihh t'ang y'aa nyi, dhangg baah m'ee gurum l'e sarr sh'i nyi mou.
Shiin-pihhzeenn khi mhi-kihkyeen khi Zhepp Yahuda mwopp
45Kyess ni, bhi mhitapp LuhNaan wu'dyinn mwopp lop mwopp seh baduam kihpee Prist wu'nan kihh Farisiiy mwopp diy, bhi mwopp nang phi mwopp le, “A mihyeh l'e bhi baah wu ji kihh nyi mou?”
46Bhi mhitapp LuhNaan ni mwopp lapp mwopp satt le, “Kai, baah m'ee gurum cham kadpwoo w'u kaa gwoh mhize kihh kad se mou.”
47Bhi Farisiiy ni mwopp nang phi mhitapp LuhNaan ni mwopp le, “Gwooh ni dum dih-dihk wu'wunn zag kan e'? 48Wu cham klihng a wuyeh dhighin mhi-kihkyeen, h'aa kooh a m'ee Farisiiy wu'ranggyeh mwopp pihhzeenn gwoh ni ayeh? 49Ai a v'ur dw'uu gurum w'u baah mwopp man W'aar mhi Musa mou, w'u a gurum w'u Naan baa tih-tu'pangg kih mwopp, a mwopp kyekk kihh pihhzeenn nyi.”
50Nikodemus, w'u a gwooh gyet cham dum kihpee Jesu diy, gyet a kihmeh dhighin mwopp, bhi nang phi mwopp le, 51“Kyed w'aar keemu kihh cham tepdyeell gurum noott klihng n'ook gwoh ni dhangg, tihh mwopp man bii w'u gwoh ni sh'in diy mihngg, wunn'?” 52Bhi mwopp lapp nyi le, “Wu'gha a Gu-Galili zag kan e'? Ghi blihp Ran'Wubhangg bhi gha p'ee kad baah m'ee gu-wanggshiiy p'ee cham yakhal a Galili mou.”
[Pakk r'an w'u gyetshak mwopp kihh Yon 7:53-8:11 mou.]
53Kaarooh mwopp satt kihhsheh, bhi koohweeh dhighin mwopp dhel dum tuluh m'iin.
Currently Selected:
Yohanna 7: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Yohanna 7
7
Jesu dum Kwughur p'an kihh Tong-Gag
1Bwoon bii mihhse mwopp bhi Jesu kihh mw'aan shi'pee-shi'pee gaar'yill Galili. Baah dh'om mw'aan dum dyi gaar'yill Yahudiya mou, p'ee mwoohnan khi Zhepp Yahuda w'u gaar'yill Yahudiya ni mwopp kihh lang'bhongg nyi tihh mwopp t'u nyi diy. 2Kaarooh Kwughur p'an kihh Tong-Gag khi Zhepp Yahuda l'ang kuss, 3bhi em'nhikhin Jesu mwopp satt nyi le, “Ghi yet pee mhize ghi k'aa ghi dum koghobyill Yahudiya tihh mhi-dumdang gha mwopp naah dhakk bii'aapwoo w'u ghi kihh sh'in diy sihng. 4Baah m'ee gwooh kihh t'ang tihh gurum mwopp man riy diy bhi kihh sh'in bii a lakham-lakham mou. Mihh kan gha phi sh'in bii'aapwoo mhize mwopp a zeenn'zeenn, bhi ghi put kihgaak tihh yill ni kihhdihng man gha diy sihng.” 5Gyet em'nhikhin Jesu ni wu'mwopp maah pihhzeenn Jesu ni mou.
6Bhi Jesu satt em'nhikhin niy ni mwopp le, “Baah pee m'aan wu'dihhreh khi ji wull mou. Kihpee wu'wunn diy bhi kooh a pee wu'rangg bhi nyi a dihhreh wunn. 7Yill ni p'ee shiih kihh wu'wunn mou; kihh shiih kihh wu'an, p'ee wu'an ih kihh sattpwoo kaah dhakk'shin khi yill ni ih le mwopp a wu'bis. 8Wu'wunn wu ka wu duam Kwughur ni; wu'an p'ee khi k'aa dum mou, p'ee baah pee m'aan wu'dihhreh khi ji wull mou.” 9Kaarooh satt kihhsheh bhi dheeh niy nhighin gaar'yill Galili dhangg.
10Dhangg bwoonrooh em'nhikhin nyi mwopp ka duam Kwughur ni, bhi Jesu wu'nyi k'aa dum zag, dhangg baah a kihgaak mou, k'aa dum a kaa bhi-byaah se. 11Nhighin kihpee Kwughur ni bhi mwoohnan khi Zhepp Yahuda mwopp kihh lyap nyi, mwopp kihh nang le, “Wu kad by'ee mhizeh shi a nihyeh?”
12Gurum mwopp y'aa kadpwoo lakham-lakham kihh shag kaah Jesu. Pakk mwopp kihh satt le, “Gwoh mhizeh ni a gurum wu'rett.” Dhangg pakk mwopp kihh satt le, “Haiyou, nyi a phi zhwam gurum mwopp b'aan.” 13Weett kihhsheh, bhi baah menguh satt mee'bii k'aa taah kihgaak kaah nyi mou, p'ee mwopp kihh kihkhirr bii w'u mwoohnan khi Zhepp Yahuda ni mwopp p'ee sh'in nyi runn.
Jesu sh'in kamm kih pee Kwughur
14Dhang kaarooh t'eer mhi Kwughur ni mwopp wull kihnaar, bhi Jesu k'aa dum kihfur LuhNaan, bhi y'aa sh'in kamm gurum mwopp nhighin. 15Bii ni aa'phi Zhepp Yahuda mwopp pwetd, bhi mwopp kihh nang phi shag le, “Gwooh mhize dum kad m'an wu'kihhshe a nihyeh, w'u baah cham dum tang'ran mee'pee mou?”
16Jesu pring mwopp le, “Kamm w'u a'n phi sh'in nyi se a maan'nah mou, a mhi gwooh lop a'n. 17Kapp gwooh dhen-en niy p'ee sh'in bii w'u Gwooh lop a'n kihh dh'om, bhi gwoh ni p'ee man kooh kyed kamm w'u a'n phi sh'in ni se a mhi Naan aa'h, h'aa kooh kyed a kihh kadpwoo a sh'i kaah mhisan oh. 18Gwooh kihh kadpwoo a sh'i kaah mhishin kihh t'ang tihh gurum mwopp kihh tihghin a riy. Gwooh kihh t'ang tihh gurum mwopp tihghin a gwooh lop riy, bhi nyi a guzeenn, baah m'ee shiinzeenn dhighin nyi mou. 19Gyet Musa pihh w'aar khi Naan wunn s'ang? Dhang baah meeh wuh kihh kyeer w'aar ni mou. Wu kihh t'ang t'u a'n a p'ee mihyeh?”
20Bhi dw'uu gurum ni mwopp pring nyi le, “A m'ee riin wu'bis dhel kaah gha s'ang! A wuyeh kihh t'ang t'u gha ayeh?”
21Jesu pring mwopp le, “Deh ih sh'in bii'aapwoo kihmeh bhi aa'pwoo wu pwetd. 22Uwou, dhok wu kihh gab l'aa p'ar Puus Nookdyi pee'rooh gyet Musa pihh w'aar mhi gab wunn e'h! Kooh bhalang phirooh baah gyet w'aar mhi gab ni put a sarr Musa mou, put a sarr puup wu w'u gyetshak mwopp. 23T'o, dheeh kan mihh wu kihh mak gab l'aa p'ar Puus Nookdyi nann'baa wu tep W'aar mhi Musa; dheeh a mihyeh l'e bhi wu kihh lang'tukhup kihh a'n pee'rooh a bar gurum kihhdihng p'ar Puus Nookdyi ayeh? 24Wu nook shanpwoo sh'i naah mhi yit tihh wu shan diy shi'zeenn.”
Zhepp Yahuda mwopp takhar kyed a Jesu a Kristi shi oh?
25Pakk gurum w'u Urshalima y'aa sh'in t'al le, “A gwoh mhize shi a gwooh mwoohnan kihh t'ang t'u nyi mou aa'? 26Dheeh nyi se phi kadpwoo kihgaak naar gurum bazh, dhangg menguh satt mee'bii nyi maah. H'aa baa mwoohnan mwopp shwan kad a nyi a Kristi shi bwaatt? 27Ai mu man yill w'u gwoh mhize ni put diy, dhangg p'ar mihh Kristi diy ji wull bhi baah menguh p'ee man pee w'u put diy mou.”
28Kaarooh Jesu kaah kamm kihfur LuhNaan, bhi peet satt kihh dhekheh niy bhall-bhall le, “Wu kihh ryeeh wu le wunn man an yakhal wunn man pee w'u a put diy 'y? T'o, ih kihh satt wunn, baah ih ji se a sh'i kaah mhisan mou. Gwooh lop a'n a Zeenn; w'u a gwooh baah wu man nyi mou. 29Dhangg wu'an ih man nyi, p'ee ih put a kihpee nyi diy; a nyi lop a'n.”
30A nyi seh, bhi mwopp kihh t'ang y'aa nyi; dhangg baah m'ee gurum l'e sarr sh'i nyi mou, p'ee baah pee khinyi khi ji wull mou. 31Weett kihhsheh bhi dhess dhighin dw'uu gurum ni mwopp pihhzeenn nyi, mwopp kihh satt le, “Par'mihh Kristi ni ji wull bhi nyi p'ee sh'in v'ur bii'aapwoo w'u mett rooh gwoh mhize kihh sh'in se aa'?”
Mwopp lop mhitapp LuhNaan mwopp p'ee y'aa Jesu
32Pakk Farisiiy mwopp klihng gurum mwopp phi kadpwoo mihhseh shi'shau kaah Jesu, bhi Prist wu'nan mwopp, kihshag kihh Farisiiy ni mwopp, mwopp lop mhitapp LuhNaan tihh mwopp dum y'aa Jesu diy lhi'ji runn.
33Bhi Jesu satt mwopp le, “An kihshag kihh wunn a p'ee reb pee lee kyekk, bwoon mihhseh bhi a'n p'ee waa dum kihpee Gwooh lop a'n diy. 34Wunn p'ee p'ar lyap a'n, dhangg wunn p'ee kad a'n mou. A kihhsheh kyekk mou, pee w'u a'n p'ee kwed diy, bhi wunn p'ee mak ja nhighin mou.”
35Bhi Zhepp Yahuda ni mwopp nang phi shag le, “Kihh t'ang dum a nihyeh w'u baah munn p'ee mak kad nyi mou? Nyi p'ee dum a kihpee pakk mwopp'muun w'u mwopp kihh chiit b'uu naar Seghen'gurum mwopp tihh sh'in kamm diy Seghen'gurum ni mwopp dhok s'ang? 36A mihyeh a shiiy khi pwoo mihhse w'u satt le, munn p'ee p'ar lyap riy dhangg munn p'ee kad riy mou, kihh rooh satt le, pee w'u riy diy bhi munn p'ee mak wull nhighin mou seh?”
37P'ar puus sihkhitt Kwughur ni, w'u a puus wu'yon mhi Kwughur ni, bhi Jesu yakhal dharr bhi peet satt sh'i dhekheh niy bhall-bhall le, “Mihh a'm diy t'u menguh, bhi ji kihpee na tihh shwaa diy. 38Koohweeh w'u pihhzeenn a'n bhi kaa Ran'wubhangg sat se le, 'Bhibwutt a'm mhi seen p'ee kihh bwet put dhighin gwoh ni.' ” 39Jesu shin'pwoo mhize a kaah Riin Wu'bhangg w'u mwooh pihhzeenn riy gyet kudyi p'ee lapp nyi. P'ee baah gyet Naan khi pihh Riin ni mwopp mou, p'ee baah gyet Daah Jesu khi kad lappdhess mou.
40Kaarooh pakk gurum w'u dhighin dw'uu gurum ni mwopp klihng bii w'u Jesu satt seh, bhi mwopp kihh satt shag le, “A zeenn'zeenn, gwoh mhize a nyi a Gu-wanggshiiy shi w'u munn phi le'yit naah ji khinyi seh.”
41Pakk mwopp satt le, “A nyi a Kristi fyaatd.” Dhangg pakk mwopp kihh nang le, “Kristi ni diy put a Galili 'ng? 42Dhok Ran'Wubhangg satt le Kristi ni p'ee put a dhighin seghen khi Dauda 'y, yakhal mwopp p'ee l'aa nyi a Baitalami 'y, w'u a kwangyill w'u gyet mwopp l'aa Dauda diy 'y?” 43Pee'mhinyi bhi pwoo gurum ni mwopp shap dyikk-dyikk kaah Jesu. 44Pakk mwopp kihh t'ang y'aa nyi, dhangg baah m'ee gurum l'e sarr sh'i nyi mou.
Shiin-pihhzeenn khi mhi-kihkyeen khi Zhepp Yahuda mwopp
45Kyess ni, bhi mhitapp LuhNaan wu'dyinn mwopp lop mwopp seh baduam kihpee Prist wu'nan kihh Farisiiy mwopp diy, bhi mwopp nang phi mwopp le, “A mihyeh l'e bhi baah wu ji kihh nyi mou?”
46Bhi mhitapp LuhNaan ni mwopp lapp mwopp satt le, “Kai, baah m'ee gurum cham kadpwoo w'u kaa gwoh mhize kihh kad se mou.”
47Bhi Farisiiy ni mwopp nang phi mhitapp LuhNaan ni mwopp le, “Gwooh ni dum dih-dihk wu'wunn zag kan e'? 48Wu cham klihng a wuyeh dhighin mhi-kihkyeen, h'aa kooh a m'ee Farisiiy wu'ranggyeh mwopp pihhzeenn gwoh ni ayeh? 49Ai a v'ur dw'uu gurum w'u baah mwopp man W'aar mhi Musa mou, w'u a gurum w'u Naan baa tih-tu'pangg kih mwopp, a mwopp kyekk kihh pihhzeenn nyi.”
50Nikodemus, w'u a gwooh gyet cham dum kihpee Jesu diy, gyet a kihmeh dhighin mwopp, bhi nang phi mwopp le, 51“Kyed w'aar keemu kihh cham tepdyeell gurum noott klihng n'ook gwoh ni dhangg, tihh mwopp man bii w'u gwoh ni sh'in diy mihngg, wunn'?” 52Bhi mwopp lapp nyi le, “Wu'gha a Gu-Galili zag kan e'? Ghi blihp Ran'Wubhangg bhi gha p'ee kad baah m'ee gu-wanggshiiy p'ee cham yakhal a Galili mou.”
[Pakk r'an w'u gyetshak mwopp kihh Yon 7:53-8:11 mou.]
53Kaarooh mwopp satt kihhsheh, bhi koohweeh dhighin mwopp dhel dum tuluh m'iin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation