Markus 7
7
Bii wu'bhangg kihh bii w'u noott bhangg
(Mat 15:1-9)
1Par'meeh shi, bhi pakk Farisiiy kihh Mhikamm-w'aar w'u mwopp tong Urshalima sam diy mwopp ja okhor Jesu. 2Kaarooh mwopp nhighin bhi mwopp naah pakk zheppkamm khinyi mwopp kihh so soh kihh sarr w'u noott bhangg, w'u a sarr w'u baah mwopp vwang-angg mwopp mou. 3(Baah Farisiiy mwopp kihhsheh kihh kapp Zhepp Yahuda mwopp kihh cham so soh noott vwang-angg sarr ruh rih-rett dhangg, tihh mwopp kyeer wass khi mhishak ru diy. 4Mihh mwopp tong kih luhtukk b'aa ji tuluh, bhi baah mwopp kihh so soh mou, seeh mwopp vwang-angg shut dhangg. Yakhal mwopp kihh kyeer pakk v'ur wass mwopp dyi dhess kaa vwang-angg v'ur zhangg mwopp, kihh tukhull mwopp, kihh zhepp dleng mwopp zag.)
5A nyi seh, bhi Farisiiy kihh Mhikamm-w'aar ni mwopp nang phi Jesu le, “A mihyeh l'e bhi baah zheppkamm keegha mwopp kihh kyeer wass khi mwoohnan mwopp mou ayeh? Kop kihhsheh bhi mwopp kihh so soh kihh sarr ruh noott vwang-angg?”
6Bhi Jesu lapp mwopp satt le, “Ishaya gyet satt a dihhreh kaarooh sh'in wanggshiiy kaah wuh mhi-raanaan mwopp, kaa nyi a rih-ran se le,
“ ‘Gurum mhize mwopp kihh pihhdhess a'n a sh'i mispwoo ru kyekk,
dhangg phitukhup mwopp zhong kihh a'n.
7Mwopp phi gab'zhakham soyill a'n a b'aan;
Kamm khimwopp a v'ur w'aar w'u gurum mwopp mwan l'e.’ ”
8Bhi Jesu satt dyi mwopp le, “Wu kor w'aar khi Naan tihh wu dy'iin diy wu lang sh'i wass mhi zhepp gurum mwopp.”
9Jesu waa satt dyi mwopp le, “Harr wunn kihh arr s'oon w'u wu raa wu dhen p'ee bw'oor w'aar khi Naan tihh wu kyeer wass keewu diy! 10P'ee Musa gyet satt le, ‘Ghi pihhdhess pag mwopp kihh nhikhin keegha.’#7:10 Putyill 20:12; WSW 5:16 Yakhal satt dyi le ‘Koohweeh w'u mihh kas pukhun kooh nhikhin, bhi mwopp tih'tu nyi a ching.’#Put 20:12; 21:17; Lev 20:9; WSW 5:16 11Weett kihhsheh bhi wu'wunn wu kihh sh'in kamm wu le mihh gurum diy satt pukhun kooh nhikhin le, ‘Kapp m'ee bh'am w'u dyinn wunn p'ee kad nyi kihpee na diy, bhi nyi a Korban’ (Shiiy khinyi a zhukhum w'u a-angg dhen Naan.) 12A kihhsheh bhi baah wu kihh yet tihh gwoh ni waa sh'in m'ee bh'am dyi pukhun kooh nhikhin mou. 13A kihhsheh bhi wu kihh bheez pw'oo khi Naan sh'i v'ur wass keewu w'u wu kihh kamm zhepp wuh mwopp. Yakhal wunn phi sh'in v'ur pakk bii wu'kihhsheh ni mwopp dyi dhess zag.”
14Bhi Jesu waa peet dw'uu gurum ni mwopp dyi lhija, bhi satt mwopp le, “Wunn weett, wu lang kom wu, wu klihng a'n tihh wu manshiiy bii mihhse diy. 15Baah mee'bii w'u kihtekhell shoopshik gurum w'u mihh dhel bwut nyi, bhi kihh mak l'e tihh gwoh ni dhen noott mihhseh-wu'bhangg. A bii w'u kihh put dhighin gurum kihh l'e tihh gwoh ni dhen noott mihhseh-wu'bhangg. 16Kapp gwooh kihh kom klihngpee bhi klihng.”#7:16 Pakk r'an ni mwopp kihh t'ang wu 16 ni mou.
17Kaarooh Jesu yet dw'uu gurum ni mwopp dheeh, bhi ji dhel dhighin luh, bhi zheppkamm khinyi mwopp nangshiiy shumpwoo mhizeh phi nyi. 18Bhi Jesu pring mwopp le, “Hah, harr mwasseh bhi wu kudyi a kihh shiin'man vitt a'ng? Kan wu man rooh baah mee'bii w'u kihtekhell w'u mihh dhel dhighin shoopshik gurum bhi kihh mak l'e tihh gwoh ni dhen noott mihhseh-wu'bhangg mou maah? 19P'ee baah kihh dhel a dhighin phitukhup nyi mou; kihh sam a dhighin bwut nyi, yakhal put dhighin shoopshik nyi.” (Bii w'u Jesu satt seh kihh kamm munn le Jesu baa satt le biisoh weett a wu'bhangg.)
20Jesu waa satt dyi mwopp le, “A bii w'u kihh put dhighin gurum a nyi kihh le tihh gwoh ni dhen noott mihhseh-wu'bhangg. 21P'ee kapp v'ur p'an wu'bis kihh tong pwat a dhighin phitukhup gurum: w'u a v'ur p'an mhi dhakk'yez, kihh watt, kihh tu'kaah, 22kihh dhakk-gaa, kihh ramm, kihh bwutdhood, kihh zhwampee, kihh shiin-yitlwaann, kihh yitbis, kihh kaspee, kihh roghob, kihh dhakk'yoghor. 23Kapp bii wu'bis mhize mwopp kihh tong pwat a dhighin phitukhup gurum; a mwopp kihh l'e tihh gwoh ni dhen noott mihhseh-wu'bhangg.”
Pihhzeenn khi m'ee mat Fonishiya
(Mat 15:21-28)
24Kaarooh Jesu yakhal nhighin, bhi dhel dum koghobyill Taaya#7:24 Taaya Dhighin pakk r'an w'u gyet sh'ee bhi mwopp ran a Taaya kihh Sidon.. Byaah shin dhel m'ee luh, bhi baah kihh dh'om tihh menguh man le riy nhighin mou. Weett kihhsheh bhi baah mak zok shin gurum mwopp mou. 25A nyi seh, bhi kaarooh m'ee mat shi w'u reb laa'reep khinyi kihh mumullung dhighin sat klihng rooh Jesu ji, bhi ji taah yill tekhem nyi. 26Mat mihhseh ni gyet a mat Heleni w'u mwopp l'aa nyi a yill Fonishiya, dhighin yill khi Siriya. Kaarooh ji taah yill tekhem Jesu, bhi so'kumbokk nyi tihh put diy kihh mumullung w'u dhighin reep ra seh.
27Bhi Jesu satt nyi le, “Yet tihh zhepp mwopp so abbhal diy dhangg. P'ee baah nyi dihhreh tihh mwopp m'ang so khi zhepp mwopp kon as#7:27 as Zhepp Yahuda gyet mwopp kihh m'ang kakhar gurum w'u baah mwopp a zhepp Yahuda mou a kaa as khimwopp mou.”
28Bhi mat ni pring Jesu le, “Ee'h nyi a kihhsheh, Daah, weett kihhsheh, bhi as w'u der tebul mwopp kihh chakk a dwurruk soh khi zhepp ni mwopp e'h.”
29Bhi Jesu satt mat ni le, “Kai, p'ee pwoo w'u yi pring seh, bhi yi mwan yi; mumullung ni baa yet reep yi.”
30Mat ni baa'dum tuluh, bhi dum kad reep ra kihh saam bwakhapp kih pee'saam, mumullung ni baa put dhel.
Jesu bar m'ee komduakhar w'u a pwoobhipp
31Jesu yakhal koghobyill Taaya bhi waa arr Sidoniya, sam dum pwoo Kur'am Galili, harr sam wull koghob Dekapolis. 32Kaarooh nyi nhighin, bhi m'ee gurum mwopp ji kihh m'ee komduakhar w'u a pwoobhipp nyi; mwopp so'kumbokk nyi tihh l'e sarr niy diy kihh gwoh ni.
33Kaarooh Jesu put kihh gwoh ni naar dw'uu gurum ni mwopp, dum kihh nyi m'ee koghob, bhi zhwal zheppsarr niy kom gwoh ni, yakhal t'en l'ii kih liiss nyi. 34Bhi eep yit niy naahpee kih dhengNaan, bhi del n'ook niy kwer-kwer, bhi satt komduakhar ni le, “Efata!” Shiiy khinyi a, “Wangg!”
35Kaarooh Jesu satt kihhsheh bhi kom gwoh ni wangg, yakhal liiss nyi mak kadpwoo, bhi gwoh ni y'aa kadpwoo rih-rett.
36Jesu gab-bhellepp mwopp le tapp nw'aa diy satt bii mihhse menguh mou. Dhangg kooh bhalang phirooh Jesu kihh d'aam mwopp satt bii mihhseh, weett kihhsheh bhi mwopp kihh sihkhitt sih-satt orr ni. 37Bii nyi aa'phi gurum mwopp harr mett bhall mhi mwopp pwetd, bhi mwopp kihh satt le, “Kai, kapp bii w'u Jesu sh'in rett pwetd! Harr kihh l'e tihh komduakhar mwopp klihngpee, yakhal l'e tihh pwoobhipp mwopp mak kadpwoo 'y, mwopp'muun!”
Currently Selected:
Markus 7: Chakfem
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Markus 7
7
Bii wu'bhangg kihh bii w'u noott bhangg
(Mat 15:1-9)
1Par'meeh shi, bhi pakk Farisiiy kihh Mhikamm-w'aar w'u mwopp tong Urshalima sam diy mwopp ja okhor Jesu. 2Kaarooh mwopp nhighin bhi mwopp naah pakk zheppkamm khinyi mwopp kihh so soh kihh sarr w'u noott bhangg, w'u a sarr w'u baah mwopp vwang-angg mwopp mou. 3(Baah Farisiiy mwopp kihhsheh kihh kapp Zhepp Yahuda mwopp kihh cham so soh noott vwang-angg sarr ruh rih-rett dhangg, tihh mwopp kyeer wass khi mhishak ru diy. 4Mihh mwopp tong kih luhtukk b'aa ji tuluh, bhi baah mwopp kihh so soh mou, seeh mwopp vwang-angg shut dhangg. Yakhal mwopp kihh kyeer pakk v'ur wass mwopp dyi dhess kaa vwang-angg v'ur zhangg mwopp, kihh tukhull mwopp, kihh zhepp dleng mwopp zag.)
5A nyi seh, bhi Farisiiy kihh Mhikamm-w'aar ni mwopp nang phi Jesu le, “A mihyeh l'e bhi baah zheppkamm keegha mwopp kihh kyeer wass khi mwoohnan mwopp mou ayeh? Kop kihhsheh bhi mwopp kihh so soh kihh sarr ruh noott vwang-angg?”
6Bhi Jesu lapp mwopp satt le, “Ishaya gyet satt a dihhreh kaarooh sh'in wanggshiiy kaah wuh mhi-raanaan mwopp, kaa nyi a rih-ran se le,
“ ‘Gurum mhize mwopp kihh pihhdhess a'n a sh'i mispwoo ru kyekk,
dhangg phitukhup mwopp zhong kihh a'n.
7Mwopp phi gab'zhakham soyill a'n a b'aan;
Kamm khimwopp a v'ur w'aar w'u gurum mwopp mwan l'e.’ ”
8Bhi Jesu satt dyi mwopp le, “Wu kor w'aar khi Naan tihh wu dy'iin diy wu lang sh'i wass mhi zhepp gurum mwopp.”
9Jesu waa satt dyi mwopp le, “Harr wunn kihh arr s'oon w'u wu raa wu dhen p'ee bw'oor w'aar khi Naan tihh wu kyeer wass keewu diy! 10P'ee Musa gyet satt le, ‘Ghi pihhdhess pag mwopp kihh nhikhin keegha.’#7:10 Putyill 20:12; WSW 5:16 Yakhal satt dyi le ‘Koohweeh w'u mihh kas pukhun kooh nhikhin, bhi mwopp tih'tu nyi a ching.’#Put 20:12; 21:17; Lev 20:9; WSW 5:16 11Weett kihhsheh bhi wu'wunn wu kihh sh'in kamm wu le mihh gurum diy satt pukhun kooh nhikhin le, ‘Kapp m'ee bh'am w'u dyinn wunn p'ee kad nyi kihpee na diy, bhi nyi a Korban’ (Shiiy khinyi a zhukhum w'u a-angg dhen Naan.) 12A kihhsheh bhi baah wu kihh yet tihh gwoh ni waa sh'in m'ee bh'am dyi pukhun kooh nhikhin mou. 13A kihhsheh bhi wu kihh bheez pw'oo khi Naan sh'i v'ur wass keewu w'u wu kihh kamm zhepp wuh mwopp. Yakhal wunn phi sh'in v'ur pakk bii wu'kihhsheh ni mwopp dyi dhess zag.”
14Bhi Jesu waa peet dw'uu gurum ni mwopp dyi lhija, bhi satt mwopp le, “Wunn weett, wu lang kom wu, wu klihng a'n tihh wu manshiiy bii mihhse diy. 15Baah mee'bii w'u kihtekhell shoopshik gurum w'u mihh dhel bwut nyi, bhi kihh mak l'e tihh gwoh ni dhen noott mihhseh-wu'bhangg. A bii w'u kihh put dhighin gurum kihh l'e tihh gwoh ni dhen noott mihhseh-wu'bhangg. 16Kapp gwooh kihh kom klihngpee bhi klihng.”#7:16 Pakk r'an ni mwopp kihh t'ang wu 16 ni mou.
17Kaarooh Jesu yet dw'uu gurum ni mwopp dheeh, bhi ji dhel dhighin luh, bhi zheppkamm khinyi mwopp nangshiiy shumpwoo mhizeh phi nyi. 18Bhi Jesu pring mwopp le, “Hah, harr mwasseh bhi wu kudyi a kihh shiin'man vitt a'ng? Kan wu man rooh baah mee'bii w'u kihtekhell w'u mihh dhel dhighin shoopshik gurum bhi kihh mak l'e tihh gwoh ni dhen noott mihhseh-wu'bhangg mou maah? 19P'ee baah kihh dhel a dhighin phitukhup nyi mou; kihh sam a dhighin bwut nyi, yakhal put dhighin shoopshik nyi.” (Bii w'u Jesu satt seh kihh kamm munn le Jesu baa satt le biisoh weett a wu'bhangg.)
20Jesu waa satt dyi mwopp le, “A bii w'u kihh put dhighin gurum a nyi kihh le tihh gwoh ni dhen noott mihhseh-wu'bhangg. 21P'ee kapp v'ur p'an wu'bis kihh tong pwat a dhighin phitukhup gurum: w'u a v'ur p'an mhi dhakk'yez, kihh watt, kihh tu'kaah, 22kihh dhakk-gaa, kihh ramm, kihh bwutdhood, kihh zhwampee, kihh shiin-yitlwaann, kihh yitbis, kihh kaspee, kihh roghob, kihh dhakk'yoghor. 23Kapp bii wu'bis mhize mwopp kihh tong pwat a dhighin phitukhup gurum; a mwopp kihh l'e tihh gwoh ni dhen noott mihhseh-wu'bhangg.”
Pihhzeenn khi m'ee mat Fonishiya
(Mat 15:21-28)
24Kaarooh Jesu yakhal nhighin, bhi dhel dum koghobyill Taaya#7:24 Taaya Dhighin pakk r'an w'u gyet sh'ee bhi mwopp ran a Taaya kihh Sidon.. Byaah shin dhel m'ee luh, bhi baah kihh dh'om tihh menguh man le riy nhighin mou. Weett kihhsheh bhi baah mak zok shin gurum mwopp mou. 25A nyi seh, bhi kaarooh m'ee mat shi w'u reb laa'reep khinyi kihh mumullung dhighin sat klihng rooh Jesu ji, bhi ji taah yill tekhem nyi. 26Mat mihhseh ni gyet a mat Heleni w'u mwopp l'aa nyi a yill Fonishiya, dhighin yill khi Siriya. Kaarooh ji taah yill tekhem Jesu, bhi so'kumbokk nyi tihh put diy kihh mumullung w'u dhighin reep ra seh.
27Bhi Jesu satt nyi le, “Yet tihh zhepp mwopp so abbhal diy dhangg. P'ee baah nyi dihhreh tihh mwopp m'ang so khi zhepp mwopp kon as#7:27 as Zhepp Yahuda gyet mwopp kihh m'ang kakhar gurum w'u baah mwopp a zhepp Yahuda mou a kaa as khimwopp mou.”
28Bhi mat ni pring Jesu le, “Ee'h nyi a kihhsheh, Daah, weett kihhsheh, bhi as w'u der tebul mwopp kihh chakk a dwurruk soh khi zhepp ni mwopp e'h.”
29Bhi Jesu satt mat ni le, “Kai, p'ee pwoo w'u yi pring seh, bhi yi mwan yi; mumullung ni baa yet reep yi.”
30Mat ni baa'dum tuluh, bhi dum kad reep ra kihh saam bwakhapp kih pee'saam, mumullung ni baa put dhel.
Jesu bar m'ee komduakhar w'u a pwoobhipp
31Jesu yakhal koghobyill Taaya bhi waa arr Sidoniya, sam dum pwoo Kur'am Galili, harr sam wull koghob Dekapolis. 32Kaarooh nyi nhighin, bhi m'ee gurum mwopp ji kihh m'ee komduakhar w'u a pwoobhipp nyi; mwopp so'kumbokk nyi tihh l'e sarr niy diy kihh gwoh ni.
33Kaarooh Jesu put kihh gwoh ni naar dw'uu gurum ni mwopp, dum kihh nyi m'ee koghob, bhi zhwal zheppsarr niy kom gwoh ni, yakhal t'en l'ii kih liiss nyi. 34Bhi eep yit niy naahpee kih dhengNaan, bhi del n'ook niy kwer-kwer, bhi satt komduakhar ni le, “Efata!” Shiiy khinyi a, “Wangg!”
35Kaarooh Jesu satt kihhsheh bhi kom gwoh ni wangg, yakhal liiss nyi mak kadpwoo, bhi gwoh ni y'aa kadpwoo rih-rett.
36Jesu gab-bhellepp mwopp le tapp nw'aa diy satt bii mihhse menguh mou. Dhangg kooh bhalang phirooh Jesu kihh d'aam mwopp satt bii mihhseh, weett kihhsheh bhi mwopp kihh sihkhitt sih-satt orr ni. 37Bii nyi aa'phi gurum mwopp harr mett bhall mhi mwopp pwetd, bhi mwopp kihh satt le, “Kai, kapp bii w'u Jesu sh'in rett pwetd! Harr kihh l'e tihh komduakhar mwopp klihngpee, yakhal l'e tihh pwoobhipp mwopp mak kadpwoo 'y, mwopp'muun!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation