लूका 3
3
बप्तिस्मा तेर्केन यूहन्नागी सुङ ख्येप्टा तेरक्यो
(मत्ती ३:१-१२; मर्क १:१-८; यूह १:१९-२८)
1रोमी क्याहल्बु छ्यिम्बु तिबेरिअसगी रोम क्याहल-खामगी थो़ला ओङ छ्य़ेदी लोह च्ये़ङा काहल सिहन्दी येहकें। ओहजे काहङला पन्तियस पिलातस यहूदीया लुहङबागी पोम्बो छ्यिम्बु येहकें। ओहले रोमी क्याहल्बुगी ओङ चो़ला हेरोदगी गालील साने़ थो़ला ओङ छ्ये़उ येहकें, ओहले हेरोदगी नो़ह फिलिपगीदी इतुरिया दाङ त्राखोनितिस लुहङबा थो़ला ओङ छ्ये़उ येहकें, ओहले अबिलेने लुहङबाला लुसानियासगी ओङ छ्ये़उ येहकें। 2ओ़ह ती़हजीला हन्नास दाङ कैयाफा गो-छ्येवा पूजाहारी येहकें। ओहले ओहजे ती़हजीलाराङ जकरियागी पुह यूहन्नादी रिह-काम्बुला तेहको येहकें। ओहले किन्ज्योगी यूहन्नाला ख्येप्टा तेर्च्येला कुल नाङसीन। 3ओहले यूहन्ना रिह काम्बुलेगी थेन्दी यर्दन चाङबुगी पोहला येहकेन थाम्ज्यीराङ दे-खाम कोर्ती दि ल़ेहमु म़ेदी लोप्च्युङ तेर्सीन, “सेमगी स्या़बा पेहती तिहक्पा पाङदोङ, ओहले छ्युगी बप्तिस्मा लेहन्दोङ, ओहले किन्ज्योगी ख्यागी पेहक्योगी तिहक्पाया़ ता़ह च्य़ू नाङज्ये येह।” 4यशैया लुहङतेम्बागी छ्य़ेला दि ल़ेहमु म़ेदी प्रुहक्यो येहबा,
“ङ्यिहन्दोङ, रिह-काम्बुला मेहन्दा च्यी़गी फे़रा तेन्दी दि ल़ेहमु मासीन,
चो़वो छ्येवा फेप नाङगेन्गी फेप-लाहम साल्दोङ,
चो़वो छ्येवा फेप नाङज्ये येह, चो़वो छ्येवागी फेप-लाहम थेका जे़दोङ।#यशै ४०:३-५
5लाहङ-लुहङ थाम्ज्यीराङ काङज्ये येह, लाह काहङदो थाम्ज्यीराङ ङ्योमे ज़ोज्ये येह,
ओहले ख्याक्ताङ-ख्योक्तोङ लाहमया़ थेका डोज्ये येह,
ओहले का़हबु लाहमया़ ङ्योमे डोज्ये येह,
6ओहले मिह थाम्ज्यीगीराङ किन्ज्योगी थार्पा थोङज्ये येह।”
7ओहले मिह माहङबुराङ बप्तिस्मा लेहन्ज्ये म़ेदी यूहन्नासाला ओहङसीन। ओहले यूहन्नागी बप्तिस्मा लेहन्ज्ये म़ेदी ओहङग्यो मिहया़ला दि ल़ेहमु मासीन, “ए प्रुहलगी छार्क्यीनया़, किन्ज्योगी काल नाङगेन्गी ङ्य़ेहबालेगी ख्या थार ख़ूएँ म़ेदी ख्याला सुगी लोप्पा?#मत्ती १२:३४; २३:३३ 8ख्याया़गी तेहम्बाराङ राहङ-राहङगी तिहक्पाया़ स्या़बा डुप्ती राहङगी सेम किन्ज्यो ङो़ले लो़हक्यो यिहन्सीमाना ओ़हला ते़बे डोलु-तेहलु या़हबु पेहतोङ। यिहॱनाङ ‘ङ्यिहनी अब्राहामगी छार्क्यीन यिहम्बा’ म़ेदी ख्याया़ थार ख़ूएँ म़ेदी नोम्साङ माहताङ। ङाह ख्याला माएँ, किन्ज्योगी अब्राहामकी छार्क्यीनला दि तोहया़लेगीॱआङ ठुङ च्य़ू थुप्कें।#यूह ८:३३ 9ता़हनी तोहङबो तुप्च्येला तारी तोहङबो रिङला क्याहप सिहन्दी येह। सेदो या़हबु मे़हयाहएँगी तोहङबो का़ह येहकेन्दी तुप्ती मेहला क्युर्च्ये येह!” म़ेदी यूहन्नागी ख्येप्टा तेर्सीन।#मत्ती ७:१९
10ओहले मिहया़गी, “आहन्डा यिहॱना़ ङ्यिह च्यि पेहतोङ ले लाह?” म़ेदी टी़हसीन। 11“छ्युबा ङ्यी़ येहकेन मिहगी छ्युबा म़ेहबा मिहला च्यी़ तेर्च्यु, ओहले तोप्च्या येहकेन मिहगी तोप्च्या म़ेहबा मिहला तोप्च्या तेर्च्यु” म़ेदी यूहन्नागी मासीन। 12ठाल तुहएँ मिहया़ॱआङ बप्तिस्मा लेहन्ज्ये म़ेदी ओहङदी यूहन्नाला टी़हसीन, “लोबेन ला़ह, ङ्यिहगी च्यि पेहतोङ ले लाह?”#लूक ७:२९ 13ओहले खुङया़ला यूहन्नागी मासीन, “स्युहङगी कुल्ग्यो म़ेदी ल्हाक्पु ठाल माहतुह!” 14ओहले येहपाराङ माक्मीया़ ओहङदी ओ़हठी पेहतीराङ टी़हसीन। ओहले यूहन्नागी, “ख्यागी सुॱलाङ ठो़ पेहती तुहक्पु तेर्ते टाङगा लेहन्ज्ये माहछोल, स्यिती काम्बुला सुॱलाङ फातुर मा़हचु, ज्योर्केन्गी ले़गालाराङ सेम काहसो पेहतोङ!” म़ेदी यूहन्नागी मासीन।
15मिहया़गी कू़हदी तेहकेमु थाम्ज्यीगी राहङगी सेमला यूहन्नागी तेहन्दाला, “यिहॱना़ मिह-रो़हराङ मास्यीका यिहम्बानी” म़ेदी नोम्साङ ताङ तेहक्यो येहकें, 16ओहले यूहन्नागी थाम्ज्यीलाराङ मासीन, “ङाहगीनी ख्याला छ्युगी बप्तिस्मा तेर्को येह। ङाह म़ेदी वाङज्या छ्यिम्बु येहकेन्गी मेहन्दा च्यी़ फेप नाङगेराङ येहबा। ङाहनी मिहरोगी स्याहप्चेनगी थाक्पा स्युज्ये च्यिॱआङ सी़हज्ये म़ेह। मिहरोगीनी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। त़ेदोङ, डु टाप्च्येला मिहरोगी छ्या़ला लोमा नोम्दी येह। 17डु टाप्ते चाहङला ज़्या़ नाङज्ये येह, पोलादी नाहमॱआङ मिहस्यीएँ मेहला सा़ज्ये येह!”
18यूहन्नागी दि ल़ेहमु माहङबुराङ लोप्तामया़ क्याहप्ती मिहया़ला या़हबु लेहङगु स्येसीन। 19यिहॱनाङ पोम्बो हेरोदगी राहङगी नो़हगी पी़हमी हेरोदियासला राहङ ङ्याम्बु ज़्या़क्यो सुङबे ओहले खोगी पेहक्योगी थाम्ज्यी ल़ेह ङ्येहम्बाया़गी तेहन्दाला यूहन्नागी खोला बार्ता लाङग्यो येहकें। #मत्ती १४:३,४; मर्क ६:१७,१८ 20ओ़ह सोङबे हेरोदगी यूहन्नाला चोन-खाङला लू़सीन। ओहले चोक्पा ल़ेह थो़ला लेहमेन ल़ेह चोक्पा पेहती तोहरोङॱआङ तिहक्पा पेहसीन।
येशूगी छ्युला नुप्ती बप्तिस्मा नोम्ग्यो
(मत्ती ३:१३-१७; मर्क १:९-११; यूह १:३२-३४)
21ओहले मिह थाम्ज्यीगी बप्तिस्मा लेहन्सीन, ओहले येशूगीॱआङ बप्तिस्मा नोम्दी सोल्वाङ ताप्ती ज़्य़ू नाङगेमु स्यिहङगाम खा फ़ेसीन, 22ओहले नाम्पार-ताहक्पा थु दुङगुकुरगी ङ्य़ेहरीला येशू थो़ला फेप नाङसीन ओहले स्यिहङगामले माहर दि ल़ेहमु सुङ-क़े च्यी़ थ़ेसीन, “ख्ये ङाहगी च्याहम्बु पेहक्योगी स़ेबु यिहम्बा, ख्ये ङ्याम्बु ङाह ज्यिबुराङ सेम काहसो येह।”#उत २२:२; भज २:७; यशै ४२:१; मत्ती ३:१७; मर्क १:११; लूक ९:३५
येशूगी चावाया़
(मत्ती १:१-१७)
23येशूगी राहङगी छ्या़ले जेच्ये छ़ूगेमु येशूगी कोहङ-लोह सुमच्यू काहल सिहन्दी येहकें। योसेफराङ येशूगी आबा यिहम्बा माएँदी मिहया़गी सेमला ने़दी येहकें। ओहले योसेफकी आबा एली यिहन्गे, 24ओहले एलीगी आबा मत्तात, मत्तातगी आबा लेवी, लेवीगी आबा मल्की, मल्कीगी आबा यान्ना, यान्नागी आबा योसेफ, 25योसेफगी आबा मत्ताथियास, मत्ताथियासगी आबा आमोस, आमोसगी आबा नहूम, नहूमगी आबा इसली, इसलीगी आबा नग्गै 26नग्गैगी आबा माथ, माथगी आबा मत्ताथियास, मत्ताथियासगी आबा सेमैन, सेमैनगी आबा योसेख, योसेखगी आबा योदा, 27योदागी आबा योआनन, योआननगी आबा रेसा, रेसागी आबा यरूबाबेल, यरूबाबेलगी आबा शालतिएल, शालतिएलगी आबा नेरी, 28नेरीगी आबा मल्की, मल्कीगी आबा अद्दी, अद्दीगी आबा कोसाम, कोसामगी आबा एल्मादम, एल्मादमकी आबा एर, 29एरगी आबा यहोशू, यहोशूगी आबा एलीएजर, एलीएजरगी आबा योरीम, योरीमगी आबा मत्तात, मत्तातगी आबा लेवी, 30लेवीगी आबा शिमियोन, शिमियोनगी आबा यहूदा, यहूदागी आबा योसेफ, योसेफगी आबा योनाम, योनामगी आबा एल्याकीम।
31एल्याकीमगी आबा मलेआ, मलेआगी आबा मिन्ना, मिन्नागी आबा मत्ताथा, मत्ताथागी आबा नातान, नातानगी आबा दाऊद, 32दाऊदगी आबा यिशै, यिशैकी आबा ओबेद, ओबेदगी आबा बोअज, बोअजगी आबा सल्मोन, सल्मोनगी आबा नहशोन, 33नहशोनगी आबा अम्मीनादाब, अम्मीनादाबकी आबा राम, रामगी आबा हेस्रोन, हेस्रोनगी आबा फारेस, फारेसगी आबा यहूदा,#१ लुहक २:९-१०
34यहूदागी आबा याकूब, याकूबगी आबा इसहाक, इसहाकगी आबा अब्राहाम, अब्राहामगी आबा तेरह, तेरहगी आबा नाहोर, 35नाहोरगी आबा सरूग, सरूगगी आबा रऊ, रऊगी आबा पेलेग, पेलेगगी आबा एबेर, एबेरगी आबा शेलह, 36शेलहगी आबा केनान, केनानगी आबा अर्पक्षद, अर्पक्षदगी आबा शेम, शेमगी आबा नोआ, नोआगी आबा लेमेख, 37लेमेखगी आबा मतूशेलह, मतूशेलहगी आबा हनोक, हनोकगी आबा येरेद, येरेदगी आबा महलालेल, महलालेलगी आबा केनान, 38केनानगी आबा एनोश, एनोशगी आबा शेत, शेतगी आबा आदम, ओहले आदमगी याहपती किन्ज्यो यिहम्बा।
Currently Selected:
लूका 3: HYLM
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
लूका 3
3
बप्तिस्मा तेर्केन यूहन्नागी सुङ ख्येप्टा तेरक्यो
(मत्ती ३:१-१२; मर्क १:१-८; यूह १:१९-२८)
1रोमी क्याहल्बु छ्यिम्बु तिबेरिअसगी रोम क्याहल-खामगी थो़ला ओङ छ्य़ेदी लोह च्ये़ङा काहल सिहन्दी येहकें। ओहजे काहङला पन्तियस पिलातस यहूदीया लुहङबागी पोम्बो छ्यिम्बु येहकें। ओहले रोमी क्याहल्बुगी ओङ चो़ला हेरोदगी गालील साने़ थो़ला ओङ छ्ये़उ येहकें, ओहले हेरोदगी नो़ह फिलिपगीदी इतुरिया दाङ त्राखोनितिस लुहङबा थो़ला ओङ छ्ये़उ येहकें, ओहले अबिलेने लुहङबाला लुसानियासगी ओङ छ्ये़उ येहकें। 2ओ़ह ती़हजीला हन्नास दाङ कैयाफा गो-छ्येवा पूजाहारी येहकें। ओहले ओहजे ती़हजीलाराङ जकरियागी पुह यूहन्नादी रिह-काम्बुला तेहको येहकें। ओहले किन्ज्योगी यूहन्नाला ख्येप्टा तेर्च्येला कुल नाङसीन। 3ओहले यूहन्ना रिह काम्बुलेगी थेन्दी यर्दन चाङबुगी पोहला येहकेन थाम्ज्यीराङ दे-खाम कोर्ती दि ल़ेहमु म़ेदी लोप्च्युङ तेर्सीन, “सेमगी स्या़बा पेहती तिहक्पा पाङदोङ, ओहले छ्युगी बप्तिस्मा लेहन्दोङ, ओहले किन्ज्योगी ख्यागी पेहक्योगी तिहक्पाया़ ता़ह च्य़ू नाङज्ये येह।” 4यशैया लुहङतेम्बागी छ्य़ेला दि ल़ेहमु म़ेदी प्रुहक्यो येहबा,
“ङ्यिहन्दोङ, रिह-काम्बुला मेहन्दा च्यी़गी फे़रा तेन्दी दि ल़ेहमु मासीन,
चो़वो छ्येवा फेप नाङगेन्गी फेप-लाहम साल्दोङ,
चो़वो छ्येवा फेप नाङज्ये येह, चो़वो छ्येवागी फेप-लाहम थेका जे़दोङ।#यशै ४०:३-५
5लाहङ-लुहङ थाम्ज्यीराङ काङज्ये येह, लाह काहङदो थाम्ज्यीराङ ङ्योमे ज़ोज्ये येह,
ओहले ख्याक्ताङ-ख्योक्तोङ लाहमया़ थेका डोज्ये येह,
ओहले का़हबु लाहमया़ ङ्योमे डोज्ये येह,
6ओहले मिह थाम्ज्यीगीराङ किन्ज्योगी थार्पा थोङज्ये येह।”
7ओहले मिह माहङबुराङ बप्तिस्मा लेहन्ज्ये म़ेदी यूहन्नासाला ओहङसीन। ओहले यूहन्नागी बप्तिस्मा लेहन्ज्ये म़ेदी ओहङग्यो मिहया़ला दि ल़ेहमु मासीन, “ए प्रुहलगी छार्क्यीनया़, किन्ज्योगी काल नाङगेन्गी ङ्य़ेहबालेगी ख्या थार ख़ूएँ म़ेदी ख्याला सुगी लोप्पा?#मत्ती १२:३४; २३:३३ 8ख्याया़गी तेहम्बाराङ राहङ-राहङगी तिहक्पाया़ स्या़बा डुप्ती राहङगी सेम किन्ज्यो ङो़ले लो़हक्यो यिहन्सीमाना ओ़हला ते़बे डोलु-तेहलु या़हबु पेहतोङ। यिहॱनाङ ‘ङ्यिहनी अब्राहामगी छार्क्यीन यिहम्बा’ म़ेदी ख्याया़ थार ख़ूएँ म़ेदी नोम्साङ माहताङ। ङाह ख्याला माएँ, किन्ज्योगी अब्राहामकी छार्क्यीनला दि तोहया़लेगीॱआङ ठुङ च्य़ू थुप्कें।#यूह ८:३३ 9ता़हनी तोहङबो तुप्च्येला तारी तोहङबो रिङला क्याहप सिहन्दी येह। सेदो या़हबु मे़हयाहएँगी तोहङबो का़ह येहकेन्दी तुप्ती मेहला क्युर्च्ये येह!” म़ेदी यूहन्नागी ख्येप्टा तेर्सीन।#मत्ती ७:१९
10ओहले मिहया़गी, “आहन्डा यिहॱना़ ङ्यिह च्यि पेहतोङ ले लाह?” म़ेदी टी़हसीन। 11“छ्युबा ङ्यी़ येहकेन मिहगी छ्युबा म़ेहबा मिहला च्यी़ तेर्च्यु, ओहले तोप्च्या येहकेन मिहगी तोप्च्या म़ेहबा मिहला तोप्च्या तेर्च्यु” म़ेदी यूहन्नागी मासीन। 12ठाल तुहएँ मिहया़ॱआङ बप्तिस्मा लेहन्ज्ये म़ेदी ओहङदी यूहन्नाला टी़हसीन, “लोबेन ला़ह, ङ्यिहगी च्यि पेहतोङ ले लाह?”#लूक ७:२९ 13ओहले खुङया़ला यूहन्नागी मासीन, “स्युहङगी कुल्ग्यो म़ेदी ल्हाक्पु ठाल माहतुह!” 14ओहले येहपाराङ माक्मीया़ ओहङदी ओ़हठी पेहतीराङ टी़हसीन। ओहले यूहन्नागी, “ख्यागी सुॱलाङ ठो़ पेहती तुहक्पु तेर्ते टाङगा लेहन्ज्ये माहछोल, स्यिती काम्बुला सुॱलाङ फातुर मा़हचु, ज्योर्केन्गी ले़गालाराङ सेम काहसो पेहतोङ!” म़ेदी यूहन्नागी मासीन।
15मिहया़गी कू़हदी तेहकेमु थाम्ज्यीगी राहङगी सेमला यूहन्नागी तेहन्दाला, “यिहॱना़ मिह-रो़हराङ मास्यीका यिहम्बानी” म़ेदी नोम्साङ ताङ तेहक्यो येहकें, 16ओहले यूहन्नागी थाम्ज्यीलाराङ मासीन, “ङाहगीनी ख्याला छ्युगी बप्तिस्मा तेर्को येह। ङाह म़ेदी वाङज्या छ्यिम्बु येहकेन्गी मेहन्दा च्यी़ फेप नाङगेराङ येहबा। ङाहनी मिहरोगी स्याहप्चेनगी थाक्पा स्युज्ये च्यिॱआङ सी़हज्ये म़ेह। मिहरोगीनी ख्याया़ला नाम्पार-ताहक्पा थु दाङ मेहगी बप्तिस्मा नाङज्ये येह। त़ेदोङ, डु टाप्च्येला मिहरोगी छ्या़ला लोमा नोम्दी येह। 17डु टाप्ते चाहङला ज़्या़ नाङज्ये येह, पोलादी नाहमॱआङ मिहस्यीएँ मेहला सा़ज्ये येह!”
18यूहन्नागी दि ल़ेहमु माहङबुराङ लोप्तामया़ क्याहप्ती मिहया़ला या़हबु लेहङगु स्येसीन। 19यिहॱनाङ पोम्बो हेरोदगी राहङगी नो़हगी पी़हमी हेरोदियासला राहङ ङ्याम्बु ज़्या़क्यो सुङबे ओहले खोगी पेहक्योगी थाम्ज्यी ल़ेह ङ्येहम्बाया़गी तेहन्दाला यूहन्नागी खोला बार्ता लाङग्यो येहकें। #मत्ती १४:३,४; मर्क ६:१७,१८ 20ओ़ह सोङबे हेरोदगी यूहन्नाला चोन-खाङला लू़सीन। ओहले चोक्पा ल़ेह थो़ला लेहमेन ल़ेह चोक्पा पेहती तोहरोङॱआङ तिहक्पा पेहसीन।
येशूगी छ्युला नुप्ती बप्तिस्मा नोम्ग्यो
(मत्ती ३:१३-१७; मर्क १:९-११; यूह १:३२-३४)
21ओहले मिह थाम्ज्यीगी बप्तिस्मा लेहन्सीन, ओहले येशूगीॱआङ बप्तिस्मा नोम्दी सोल्वाङ ताप्ती ज़्य़ू नाङगेमु स्यिहङगाम खा फ़ेसीन, 22ओहले नाम्पार-ताहक्पा थु दुङगुकुरगी ङ्य़ेहरीला येशू थो़ला फेप नाङसीन ओहले स्यिहङगामले माहर दि ल़ेहमु सुङ-क़े च्यी़ थ़ेसीन, “ख्ये ङाहगी च्याहम्बु पेहक्योगी स़ेबु यिहम्बा, ख्ये ङ्याम्बु ङाह ज्यिबुराङ सेम काहसो येह।”#उत २२:२; भज २:७; यशै ४२:१; मत्ती ३:१७; मर्क १:११; लूक ९:३५
येशूगी चावाया़
(मत्ती १:१-१७)
23येशूगी राहङगी छ्या़ले जेच्ये छ़ूगेमु येशूगी कोहङ-लोह सुमच्यू काहल सिहन्दी येहकें। योसेफराङ येशूगी आबा यिहम्बा माएँदी मिहया़गी सेमला ने़दी येहकें। ओहले योसेफकी आबा एली यिहन्गे, 24ओहले एलीगी आबा मत्तात, मत्तातगी आबा लेवी, लेवीगी आबा मल्की, मल्कीगी आबा यान्ना, यान्नागी आबा योसेफ, 25योसेफगी आबा मत्ताथियास, मत्ताथियासगी आबा आमोस, आमोसगी आबा नहूम, नहूमगी आबा इसली, इसलीगी आबा नग्गै 26नग्गैगी आबा माथ, माथगी आबा मत्ताथियास, मत्ताथियासगी आबा सेमैन, सेमैनगी आबा योसेख, योसेखगी आबा योदा, 27योदागी आबा योआनन, योआननगी आबा रेसा, रेसागी आबा यरूबाबेल, यरूबाबेलगी आबा शालतिएल, शालतिएलगी आबा नेरी, 28नेरीगी आबा मल्की, मल्कीगी आबा अद्दी, अद्दीगी आबा कोसाम, कोसामगी आबा एल्मादम, एल्मादमकी आबा एर, 29एरगी आबा यहोशू, यहोशूगी आबा एलीएजर, एलीएजरगी आबा योरीम, योरीमगी आबा मत्तात, मत्तातगी आबा लेवी, 30लेवीगी आबा शिमियोन, शिमियोनगी आबा यहूदा, यहूदागी आबा योसेफ, योसेफगी आबा योनाम, योनामगी आबा एल्याकीम।
31एल्याकीमगी आबा मलेआ, मलेआगी आबा मिन्ना, मिन्नागी आबा मत्ताथा, मत्ताथागी आबा नातान, नातानगी आबा दाऊद, 32दाऊदगी आबा यिशै, यिशैकी आबा ओबेद, ओबेदगी आबा बोअज, बोअजगी आबा सल्मोन, सल्मोनगी आबा नहशोन, 33नहशोनगी आबा अम्मीनादाब, अम्मीनादाबकी आबा राम, रामगी आबा हेस्रोन, हेस्रोनगी आबा फारेस, फारेसगी आबा यहूदा,#१ लुहक २:९-१०
34यहूदागी आबा याकूब, याकूबगी आबा इसहाक, इसहाकगी आबा अब्राहाम, अब्राहामगी आबा तेरह, तेरहगी आबा नाहोर, 35नाहोरगी आबा सरूग, सरूगगी आबा रऊ, रऊगी आबा पेलेग, पेलेगगी आबा एबेर, एबेरगी आबा शेलह, 36शेलहगी आबा केनान, केनानगी आबा अर्पक्षद, अर्पक्षदगी आबा शेम, शेमगी आबा नोआ, नोआगी आबा लेमेख, 37लेमेखगी आबा मतूशेलह, मतूशेलहगी आबा हनोक, हनोकगी आबा येरेद, येरेदगी आबा महलालेल, महलालेलगी आबा केनान, 38केनानगी आबा एनोश, एनोशगी आबा शेत, शेतगी आबा आदम, ओहले आदमगी याहपती किन्ज्यो यिहम्बा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.