Maki 2
2
Iesua mupaipounu itema xixinu musoisoli
1Ioxe, voxo se'i mulai mukalu la Iesua mulivu mulai no tuala ne Kapeniamu. La tamitema milomusou lexe anu muxali mo muxolu no tani. 2La tamitema latala mine'ene'e mo mipita nonano mo noale'ale la mivelisi. Mivelisi mole tainu vile so ta'unalai no aitenga uasisi. La Iesua muxolu nonano so muvotone'i no anu Mosinge vaikalaou.
3Anu a uvotone'i la tamitema tami'a mitavulenu itema vile ane xixinu musoisoli. La mitavulenu no anu lu so mine'enu noxou Iesua no tani ne. 4Mine'enu ia tamitema miveli mo vote'i so i'unalaixu noxou Iesua uasi. Laso ane'i mitavulenu mitelaixu teitexi no laxa'u tani ane Iesua muxolu no anu. Mitelaixu mukalu la milokenu tani laxa'u mu'isalili no kisou Iesua so tanixu itema pipiena ne. Milokenu mukalu laso ane'i mililixu itema no lu mulu'elai nonano no tani. 5Milu'elaixu muxali noxou Iesua xe mumaisou lopala noxi'a la muvikalanu itema ne lexe, “Alixeli, tina'uxene so susu mukalu.”
6La tamitema se'i so lavulavu no anu lavuloto a ixoxolu la mixavutala no opone'i lexe, 7“Loxova laso itema ano'o ulemolu vaikala noxou Mosinge vuluvulusi loxo 'o? Mosinge anusisi umomomo so ukalusou tina'u so susu.” 8La alaxu vilesisi Iesua oponu muno'u xavutala ane uxolu no opone'i ne. Mo mutali'isi'a lexe, “Loxova so tangengilili axone? 9Ma'ia ane ialuxu so alemolu noxou itema pipiena 'o? Ialuxu so avikala lexe tina'uxu so susu mukalu o ialuxu so avikala lexe utulu mo uno'u lusou ka umuamua'i? 10Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tamitema so lavulavu axone mukalu la muvikalanu itema e xixinu musoisoli ne lexe, 11“Nini natulu mo nano'u lusine mo nalai no tasine.” 12Sila alaxu vilesisi anu mutulu no ie'i tamitema ne mo muno'u lusou ka mumuamua'i mulai. La ane'i latala mimaisou mo mikuluke la mi'itinu Mosinge ualasou mo mivikalane'i ngato'o lexe, “Ai, tatei ne tamaisou mi aloxo 'o uxali uasi manina.”
13Xe mune'e la Iesua mumuamua'i no pa'umolu kupa toxoxu. La tamitema la'oluxa'a mine'ene'e noxou la anu musoko'u so uvotone'i. 14Muvotone'i xe mumuamua'i xo la muxalisou Livai e Alipiusi olu. Livai ne anu itema so utaxusou taxisi la no voxo anene anu a muxoxolu no tasou taxisi. Iesua muxalisou la muvikalanu lexe, “Nane'e namulileli.” Sila Livai mumulinusi.
15Xe ili'i la Iesua oli'a tatisaipeliou mixolu mi'ani no tasou Livai. Mi'ani la oli'a tamitema so itaxusou taxisi tapiena xe tamitema so ili'ilixo masua iouiou. Xo ane'i tamitema tavu'alo ne mimulimulinu Iesua. 16La tamitema so lavulavu no anu lavuloto no anu laili noxi'a Tapalisi mimaisou Iesua u'ani noxi'a tamitema anene. La mitali'isi'a tatisaipeliou lexe, “Loxova so anu oli'a tamitema so itaxusou taxisi xe tamitema so ili'iloxo masua iouiou a i'ani ne?” 17Xe Iesua mulomusou vaikalai'a ne la muvikalane'i lexe, “Tamitema ipipiena uasi la ilai noxou tokota uasi. Ane'i ane ipipienasi a ilai noxou tokota. Ane'i ane me'a i'oxo lexe ane'i tamalemalenga, la ene'e so a'avali'a uasi. Eni ene'e so a'avali'a ane'i ane ilamana no anu susu noxi'asi.”
Iesua mu'oxonu latilovo se'i so ilixo e so i'apixa'a no anu la'ilali
18Xe mune'e la tatisaipeliou Tioni oli'a tatisaipelii'a Tapalisi mi'oxonu ilixo so ixolu voxo se'i mo i'apixa'a avile no anu la'ilali. La tamitema se'i mine'e noxou Iesua mo mitali'isou aloxo 'o, “Ane'i tatisaipeliou Tioni oli'a tatisaipelii'a Tapalisi a i'apixa'a no anu la'ilali. Ia axova, xo tatisaipelimeni imulinu ilixo axone uasi?” 19La Iesua mukoline'i mo mu'oxonu latilovo aloxo 'o, “Loxo itema vile so utaula'i la tamenexu italo so i'ani'ani? E uasi. Loxo oli'a itema so utaula'i ne ixoxolusio la ane'i i'ani'anisi ane. 20Ia loxo ili'i tamitema isaxanu menexi'a so uxexesi'a laso anu ane. No voxo anene masi italo no anu ani'ani.
21Xe vile aloxo 'o. Loxo lavalava teinu ukaka la umomomo so mosou uno'u lavalava xasixu alavua ka usimenu no anu uasisi. Xo loxo 'o io u'uinu la xasixu alavua ne upipi mo ukakanu teinu ne avile. 22Xe vile aloxo 'ola. Loxo itema vile uno'u uaini alavua la anu unava? Anu uno'u lexa vexasou teinu e mu'oxonu no anu misoposi sosou so utau no anu? Uasi! Anu uno'u lexa vexasou alavuasi, xo uaini alavua masi usoxonixu mo upaunoxu ane teinu ne avile.”
Iesua muvikalasou Voxo so Ma'ila
23Ioxe, no Voxo so Ma'ila vile la Iesua oli'a tatisaipeliou mimuamua'i. Mimuamua'i la mipolo no vote'isou xai so uiti vile. Mipolo la ane'i tatisaipeliou mipitisou uiti ngiaxu se'i ka mi'ou. 24La Tapalisi se'i mimaisi'a la mitali'isou Iesua lexe, “Ai axova so ane'i mi'oxonu mi ane mamu so ta'oxonu no anu Voxo so Ma'ila?” 25La Iesua mukoline'i lexe, “Xo ngingi nga'itisou a'alosou mi e Tevitiena mi'oxonu tatei uasi? No anu voxo vile anu oli'a tamenexu la'ilalixa'a uasi mo misolixa'a. 26No voxo anene Aviatali muxolu tatila noxi'a tapilisiti. Tevitiena misolixa'a laso anu mu'unalai no tasou Mosinge mo mu'ou pileti ane tapilisiti mikalipalanu lexe noxou Mosingesi. No anu lo la uvikala lexe mamu so tamitema vitanisi i'ou pileti ne, anene noxi'a tapilisitisi. Ia Teviti mu'ou mo mulosi'a tamenexu so mi'ou kalumo, la Mosinge la'iaxui'a uasi.” 27Iesua mulivunoxu xavutalai'a no anu a'alo axone xe mukalu la musolonu vaikalaou lexe, “Xe Voxo so Ma'ila ne la Mosinge muxalixu so su'ulisi'a tamitemasi. Anu uxalixa'a tamitema so Voxo so Ma'ila u'uli laxune'i uasi. 28La Itema ane molu noxou Mosinge anu Tatananu mimi mukalusi laso maixene anu Tatananu Voxo so Ma'ila kalumo.”
Currently Selected:
Maki 2: ATA
Highlight
Share
Copy
Want to have your highlights saved across all your devices? Sign up or sign in
Copyright 1999 New Tribes Mission, Sanford, FL 32771-1487
Maki 2
2
Iesua mupaipounu itema xixinu musoisoli
1Ioxe, voxo se'i mulai mukalu la Iesua mulivu mulai no tuala ne Kapeniamu. La tamitema milomusou lexe anu muxali mo muxolu no tani. 2La tamitema latala mine'ene'e mo mipita nonano mo noale'ale la mivelisi. Mivelisi mole tainu vile so ta'unalai no aitenga uasisi. La Iesua muxolu nonano so muvotone'i no anu Mosinge vaikalaou.
3Anu a uvotone'i la tamitema tami'a mitavulenu itema vile ane xixinu musoisoli. La mitavulenu no anu lu so mine'enu noxou Iesua no tani ne. 4Mine'enu ia tamitema miveli mo vote'i so i'unalaixu noxou Iesua uasi. Laso ane'i mitavulenu mitelaixu teitexi no laxa'u tani ane Iesua muxolu no anu. Mitelaixu mukalu la milokenu tani laxa'u mu'isalili no kisou Iesua so tanixu itema pipiena ne. Milokenu mukalu laso ane'i mililixu itema no lu mulu'elai nonano no tani. 5Milu'elaixu muxali noxou Iesua xe mumaisou lopala noxi'a la muvikalanu itema ne lexe, “Alixeli, tina'uxene so susu mukalu.”
6La tamitema se'i so lavulavu no anu lavuloto a ixoxolu la mixavutala no opone'i lexe, 7“Loxova laso itema ano'o ulemolu vaikala noxou Mosinge vuluvulusi loxo 'o? Mosinge anusisi umomomo so ukalusou tina'u so susu.” 8La alaxu vilesisi Iesua oponu muno'u xavutala ane uxolu no opone'i ne. Mo mutali'isi'a lexe, “Loxova so tangengilili axone? 9Ma'ia ane ialuxu so alemolu noxou itema pipiena 'o? Ialuxu so avikala lexe tina'uxu so susu mukalu o ialuxu so avikala lexe utulu mo uno'u lusou ka umuamua'i? 10Ia eni emasaxa lexe ngingi ngalavu lexe Itema ane molu noxou Mosinge uxoxolu no lialia mo xavinu so ukalusou tina'u so susu.” Anu muvikalane'i tamitema so lavulavu axone mukalu la muvikalanu itema e xixinu musoisoli ne lexe, 11“Nini natulu mo nano'u lusine mo nalai no tasine.” 12Sila alaxu vilesisi anu mutulu no ie'i tamitema ne mo muno'u lusou ka mumuamua'i mulai. La ane'i latala mimaisou mo mikuluke la mi'itinu Mosinge ualasou mo mivikalane'i ngato'o lexe, “Ai, tatei ne tamaisou mi aloxo 'o uxali uasi manina.”
13Xe mune'e la Iesua mumuamua'i no pa'umolu kupa toxoxu. La tamitema la'oluxa'a mine'ene'e noxou la anu musoko'u so uvotone'i. 14Muvotone'i xe mumuamua'i xo la muxalisou Livai e Alipiusi olu. Livai ne anu itema so utaxusou taxisi la no voxo anene anu a muxoxolu no tasou taxisi. Iesua muxalisou la muvikalanu lexe, “Nane'e namulileli.” Sila Livai mumulinusi.
15Xe ili'i la Iesua oli'a tatisaipeliou mixolu mi'ani no tasou Livai. Mi'ani la oli'a tamitema so itaxusou taxisi tapiena xe tamitema so ili'ilixo masua iouiou. Xo ane'i tamitema tavu'alo ne mimulimulinu Iesua. 16La tamitema so lavulavu no anu lavuloto no anu laili noxi'a Tapalisi mimaisou Iesua u'ani noxi'a tamitema anene. La mitali'isi'a tatisaipeliou lexe, “Loxova so anu oli'a tamitema so itaxusou taxisi xe tamitema so ili'iloxo masua iouiou a i'ani ne?” 17Xe Iesua mulomusou vaikalai'a ne la muvikalane'i lexe, “Tamitema ipipiena uasi la ilai noxou tokota uasi. Ane'i ane ipipienasi a ilai noxou tokota. Ane'i ane me'a i'oxo lexe ane'i tamalemalenga, la ene'e so a'avali'a uasi. Eni ene'e so a'avali'a ane'i ane ilamana no anu susu noxi'asi.”
Iesua mu'oxonu latilovo se'i so ilixo e so i'apixa'a no anu la'ilali
18Xe mune'e la tatisaipeliou Tioni oli'a tatisaipelii'a Tapalisi mi'oxonu ilixo so ixolu voxo se'i mo i'apixa'a avile no anu la'ilali. La tamitema se'i mine'e noxou Iesua mo mitali'isou aloxo 'o, “Ane'i tatisaipeliou Tioni oli'a tatisaipelii'a Tapalisi a i'apixa'a no anu la'ilali. Ia axova, xo tatisaipelimeni imulinu ilixo axone uasi?” 19La Iesua mukoline'i mo mu'oxonu latilovo aloxo 'o, “Loxo itema vile so utaula'i la tamenexu italo so i'ani'ani? E uasi. Loxo oli'a itema so utaula'i ne ixoxolusio la ane'i i'ani'anisi ane. 20Ia loxo ili'i tamitema isaxanu menexi'a so uxexesi'a laso anu ane. No voxo anene masi italo no anu ani'ani.
21Xe vile aloxo 'o. Loxo lavalava teinu ukaka la umomomo so mosou uno'u lavalava xasixu alavua ka usimenu no anu uasisi. Xo loxo 'o io u'uinu la xasixu alavua ne upipi mo ukakanu teinu ne avile. 22Xe vile aloxo 'ola. Loxo itema vile uno'u uaini alavua la anu unava? Anu uno'u lexa vexasou teinu e mu'oxonu no anu misoposi sosou so utau no anu? Uasi! Anu uno'u lexa vexasou alavuasi, xo uaini alavua masi usoxonixu mo upaunoxu ane teinu ne avile.”
Iesua muvikalasou Voxo so Ma'ila
23Ioxe, no Voxo so Ma'ila vile la Iesua oli'a tatisaipeliou mimuamua'i. Mimuamua'i la mipolo no vote'isou xai so uiti vile. Mipolo la ane'i tatisaipeliou mipitisou uiti ngiaxu se'i ka mi'ou. 24La Tapalisi se'i mimaisi'a la mitali'isou Iesua lexe, “Ai axova so ane'i mi'oxonu mi ane mamu so ta'oxonu no anu Voxo so Ma'ila?” 25La Iesua mukoline'i lexe, “Xo ngingi nga'itisou a'alosou mi e Tevitiena mi'oxonu tatei uasi? No anu voxo vile anu oli'a tamenexu la'ilalixa'a uasi mo misolixa'a. 26No voxo anene Aviatali muxolu tatila noxi'a tapilisiti. Tevitiena misolixa'a laso anu mu'unalai no tasou Mosinge mo mu'ou pileti ane tapilisiti mikalipalanu lexe noxou Mosingesi. No anu lo la uvikala lexe mamu so tamitema vitanisi i'ou pileti ne, anene noxi'a tapilisitisi. Ia Teviti mu'ou mo mulosi'a tamenexu so mi'ou kalumo, la Mosinge la'iaxui'a uasi.” 27Iesua mulivunoxu xavutalai'a no anu a'alo axone xe mukalu la musolonu vaikalaou lexe, “Xe Voxo so Ma'ila ne la Mosinge muxalixu so su'ulisi'a tamitemasi. Anu uxalixa'a tamitema so Voxo so Ma'ila u'uli laxune'i uasi. 28La Itema ane molu noxou Mosinge anu Tatananu mimi mukalusi laso maixene anu Tatananu Voxo so Ma'ila kalumo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 1999 New Tribes Mission, Sanford, FL 32771-1487