यूहना 17
17
यीसू गी म्हान पराथना
1यीसू ऐ बाता कैई अर आपगी आंख्या आसमान कानी देखगे केयो, “हे पिता, थारो चुणेड़ो टेम आ'ग्यो है। अब लोगां नै दिखा दे कै झिको तेरो बेटो हूं कितो म्हान हूं। जद मैं बां लोगां नै दिखा दैयूं कै थे बी किता म्हान हो। 2क्यूंकै झिकै लोगां नै थे मनै मानण खातर चुण्या है बानै मेरै हात में दिया है। बानै सारा नै अनन्त जीवन देण खातर थे मनै अधिकार दियो है। 3अनन्त जीवन ओ है कै बे तनै एकलै सच्चै परमेसर अर यीसू मसी नै झिकनै थे भेज्यो है, जाणै। 4झिको काम थे मनै करण खातर दियो है, बिनै पूरो कर'गे मैं धरती गै लोगां नै दिखा दियो है कै थे किता म्हान हो। 5हे मेरा पिता, संसार गी सरसटी करण ऊं पेलां जद मैं थारै सागै हो, जद मनै कितो मोटो आदर मान मिलतो हो। अब जद मैं थारै सागै रेऊंगा बो ई आदर मान मनै फेर ऊं दे।”
आपगै चेला खातर
6यीसू पराथना में ओ केण लागग्यो, “हे पिता ईं संसार मू कीं लोगां नै थे मेरै हात में दिया है। अर मैं थारो नाम बां आदमियां पर परगट करयो बे तेरा ई लोग है। थे बानै दिया हो, अर बां थारै बचन नै मान लियो है। 7-8मैं बानै बो ई उपदेस दियो है। झिको थे मनै दियो हो। अर बां बिनै मान लियो है। बे जरूर जाणै है कै मैं थारै कनूं आयो हूं अर बां बिस्वास करयो कै थे मनै घाल्यो है। ईंखातर बे जाणै है कै झिको कोई चमत्कार अर बात सिखाण आळो अधिकार थे मनै ई दियो है। 9अब मैं संसार गै सारै लोगां खातर पराथना कोनी करूं हूं क्यूंकै अब मैं झिका चेला थे मनै दिया बां खातर पराथना करूं हूं। 10झिका लोग मनै मानै है बे थारा है अर झिका थारा है, बे मेरा है अर बांगै द्वारा मेरो आदर होवै है। 11मैं अब ओर बोळै टेम तांई ईं संसार में कोनी रेऊंगा, क्यूंकै अब मैं थारै कनै आण लागरयो हूं। पण ऐ संसार में रेवैगा। ईंखातर हे मेरा पवितर पिता, झिकी सकती थे मनै दी है बिं सकती ऊं बांगी रुख्वाळी कर। जिंया थे अर मैं एक हा, बे बी एक हो सकै। 12जद मैं बांगै सागै हो, मैं तेरै बिं नाम गी सकती ऊं बांगी रुख्वाळी करी, झिकी थे मनै दी ही। अर बामूं एक बिनास गै बेटै नै छोड़गे कोई बी नास कोनी होयो कै सासतर गो केणो सच्च हो। 13पण हे पिता अब मैं थारै कनै आण लागरयो हूं, ईंखातर मैं भोत खुस हूं। अर मैं संसार में रेवंता होया इंया पराथना करण लागरयो हूं कै जिंया मैं खुस हूं बिंयाई मेरा चेला बी खुस होणा चईयै। 14मैं तेरो संदेस दियो है अर बां बिं संदेस नै मान लियो है। ईंखातर संसार गै लोगां बांगै सागै बेर करयो। क्यूंकै जिंया मैं संसार गो कोनी हूं, बिंयाई बे बी ईं संसार गै बुरा लोगां जिसा कोनी है। 15मैं आ पराथना कोनी करण लागरयो कै तूं बानै संसार मू काड़ दे पण ओ है कै तूं दुस्ट सैतान ऊं बांगी रुखवाळी कर। 16जिंया मैं संसार गो कोनी हूं बिंयाई बे बी संसार गा कोनी है। 17तेरा बचन सच्चा है। ईंखातर तेरो काम करण गै खातर बी सच्चै बचन गै द्वारा बानै तूं तैयार कर। 18जिंया थे मनै संसार में घाल्यो बिंयाई मैं बानै संसार में घाल्या है। 19अर बांगै खातर मैं अपणै आपनै तैयार करूं हूं कै बे बी सचमुच तेरै खातर तैयार हो जावै।”
सारै बिस्वासिया खातर
20यीसू पराथना में फेर केण लागग्यो, “हे पिता मैं एकला आं खातर बिनती कोनी करूं पण बांगै खातर बी झिको आंगै बचन गै द्वारा मेरै पर बिस्वास करैगो। 21बे सारा एक होवै, जिंया तूं मेरै में अर मैं तेरै में हूं बिंयाई बे बी आपणै में होवै। क्यूंकै संसार गा लोग बिस्वास करै है कै तूं ई मनै घाल्यो है। 22झिको मोटो आदर मान मनै दियो है बो मैं बानै बी दियो है कै बे बी एक हो सकै जिंया आपां एक हां। 23मैं बामै अर तूं मेरै में कै बे सिद्ध होगे एक हो जावै। संसार जाणै कै थे ई मनै घाल्यो है अर झिको थे मेरूं प्रेम राख्यो बिंयाई मैं बानै प्रेम राख्यो। 24हे पिता, मैं चावूं कै झिका लोग थे मनै दिया है बे बी मेरै सागै जठै मैं हूं, बठै बे बी मेरै सागै होवै। क्यूंकै संसार गै सुरूं ऊं पेलां ई थे मनै प्रेम राखगे मोटो आदर मान दियो है, बिनै बे बी देखै। 25हे पिता थे झिका धारमिक हो। संसार गै लोगां थानै कोनी पिछाणयो है, पण मैं थानै पिछाण लिया है। अर मनै मानण आळा नै ठा है कै थे ई मनै घाल्यो है। 26अर थे कुण हो? ओ मैं बानै बतायो है अर आगै बी बताऊंगा कै जिंया थे मेरै सागै प्रेम करयो है बिंयाई बे मेरै सागै बी प्रेम करै। अर मैं सदां बामै रेऊं।”
Currently Selected:
यूहना 17: BGQ
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved. © WIn Publishing Trust
यूहना 17
17
यीसू गी म्हान पराथना
1यीसू ऐ बाता कैई अर आपगी आंख्या आसमान कानी देखगे केयो, “हे पिता, थारो चुणेड़ो टेम आ'ग्यो है। अब लोगां नै दिखा दे कै झिको तेरो बेटो हूं कितो म्हान हूं। जद मैं बां लोगां नै दिखा दैयूं कै थे बी किता म्हान हो। 2क्यूंकै झिकै लोगां नै थे मनै मानण खातर चुण्या है बानै मेरै हात में दिया है। बानै सारा नै अनन्त जीवन देण खातर थे मनै अधिकार दियो है। 3अनन्त जीवन ओ है कै बे तनै एकलै सच्चै परमेसर अर यीसू मसी नै झिकनै थे भेज्यो है, जाणै। 4झिको काम थे मनै करण खातर दियो है, बिनै पूरो कर'गे मैं धरती गै लोगां नै दिखा दियो है कै थे किता म्हान हो। 5हे मेरा पिता, संसार गी सरसटी करण ऊं पेलां जद मैं थारै सागै हो, जद मनै कितो मोटो आदर मान मिलतो हो। अब जद मैं थारै सागै रेऊंगा बो ई आदर मान मनै फेर ऊं दे।”
आपगै चेला खातर
6यीसू पराथना में ओ केण लागग्यो, “हे पिता ईं संसार मू कीं लोगां नै थे मेरै हात में दिया है। अर मैं थारो नाम बां आदमियां पर परगट करयो बे तेरा ई लोग है। थे बानै दिया हो, अर बां थारै बचन नै मान लियो है। 7-8मैं बानै बो ई उपदेस दियो है। झिको थे मनै दियो हो। अर बां बिनै मान लियो है। बे जरूर जाणै है कै मैं थारै कनूं आयो हूं अर बां बिस्वास करयो कै थे मनै घाल्यो है। ईंखातर बे जाणै है कै झिको कोई चमत्कार अर बात सिखाण आळो अधिकार थे मनै ई दियो है। 9अब मैं संसार गै सारै लोगां खातर पराथना कोनी करूं हूं क्यूंकै अब मैं झिका चेला थे मनै दिया बां खातर पराथना करूं हूं। 10झिका लोग मनै मानै है बे थारा है अर झिका थारा है, बे मेरा है अर बांगै द्वारा मेरो आदर होवै है। 11मैं अब ओर बोळै टेम तांई ईं संसार में कोनी रेऊंगा, क्यूंकै अब मैं थारै कनै आण लागरयो हूं। पण ऐ संसार में रेवैगा। ईंखातर हे मेरा पवितर पिता, झिकी सकती थे मनै दी है बिं सकती ऊं बांगी रुख्वाळी कर। जिंया थे अर मैं एक हा, बे बी एक हो सकै। 12जद मैं बांगै सागै हो, मैं तेरै बिं नाम गी सकती ऊं बांगी रुख्वाळी करी, झिकी थे मनै दी ही। अर बामूं एक बिनास गै बेटै नै छोड़गे कोई बी नास कोनी होयो कै सासतर गो केणो सच्च हो। 13पण हे पिता अब मैं थारै कनै आण लागरयो हूं, ईंखातर मैं भोत खुस हूं। अर मैं संसार में रेवंता होया इंया पराथना करण लागरयो हूं कै जिंया मैं खुस हूं बिंयाई मेरा चेला बी खुस होणा चईयै। 14मैं तेरो संदेस दियो है अर बां बिं संदेस नै मान लियो है। ईंखातर संसार गै लोगां बांगै सागै बेर करयो। क्यूंकै जिंया मैं संसार गो कोनी हूं, बिंयाई बे बी ईं संसार गै बुरा लोगां जिसा कोनी है। 15मैं आ पराथना कोनी करण लागरयो कै तूं बानै संसार मू काड़ दे पण ओ है कै तूं दुस्ट सैतान ऊं बांगी रुखवाळी कर। 16जिंया मैं संसार गो कोनी हूं बिंयाई बे बी संसार गा कोनी है। 17तेरा बचन सच्चा है। ईंखातर तेरो काम करण गै खातर बी सच्चै बचन गै द्वारा बानै तूं तैयार कर। 18जिंया थे मनै संसार में घाल्यो बिंयाई मैं बानै संसार में घाल्या है। 19अर बांगै खातर मैं अपणै आपनै तैयार करूं हूं कै बे बी सचमुच तेरै खातर तैयार हो जावै।”
सारै बिस्वासिया खातर
20यीसू पराथना में फेर केण लागग्यो, “हे पिता मैं एकला आं खातर बिनती कोनी करूं पण बांगै खातर बी झिको आंगै बचन गै द्वारा मेरै पर बिस्वास करैगो। 21बे सारा एक होवै, जिंया तूं मेरै में अर मैं तेरै में हूं बिंयाई बे बी आपणै में होवै। क्यूंकै संसार गा लोग बिस्वास करै है कै तूं ई मनै घाल्यो है। 22झिको मोटो आदर मान मनै दियो है बो मैं बानै बी दियो है कै बे बी एक हो सकै जिंया आपां एक हां। 23मैं बामै अर तूं मेरै में कै बे सिद्ध होगे एक हो जावै। संसार जाणै कै थे ई मनै घाल्यो है अर झिको थे मेरूं प्रेम राख्यो बिंयाई मैं बानै प्रेम राख्यो। 24हे पिता, मैं चावूं कै झिका लोग थे मनै दिया है बे बी मेरै सागै जठै मैं हूं, बठै बे बी मेरै सागै होवै। क्यूंकै संसार गै सुरूं ऊं पेलां ई थे मनै प्रेम राखगे मोटो आदर मान दियो है, बिनै बे बी देखै। 25हे पिता थे झिका धारमिक हो। संसार गै लोगां थानै कोनी पिछाणयो है, पण मैं थानै पिछाण लिया है। अर मनै मानण आळा नै ठा है कै थे ई मनै घाल्यो है। 26अर थे कुण हो? ओ मैं बानै बतायो है अर आगै बी बताऊंगा कै जिंया थे मेरै सागै प्रेम करयो है बिंयाई बे मेरै सागै बी प्रेम करै। अर मैं सदां बामै रेऊं।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved. © WIn Publishing Trust