यूहना 19
19
1फेर पिलातुस यीसू नै पकड़गे सिपाईयां नै कोड़ा मारण खातर दे दियो। 2सिपाईयां कांटा गो मुकुट बणागे बिंगै सिर पर रख्यो अर बेजणी रंग गा गाबा पिरा दिया। 3अर बिंगै कनै आ'गे केण लागग्या यहुदियां गै राजा गी जय होवै, फेर बिंगै थपड़ मारण लागग्या।
4पिलातुस एकर ओर बारै आयो अर बानै केयो, “मैं थारै कनै एकर फेर बिनै बारै ल्याऊं हूं कै थे जाण सको मैं बिमै कोई गुनाह कोनी देख्यो।” 5फेर यीसू कांटा गो मुकुट अर बेगणी गाबा पेरगे बारै आयो जद पिलातुस बानै केयो, “ईं आदमी नै ध्यान ऊं देखो।”
6जद मुख्य याजकां अर मिन्दर गै पेरेदारां बिनै देख्यो तो रोळो मचाण लागग्या अर केण लागग्या, “इनै करूस पर चढाओ, करूस पर चढाओ।” पिलातुस बानै केयो, “थे ई इनै करूस पर चढावो क्यूंकै मनै इमै कोई गुनाह कोनी मिल्यो।”
7यहुदियां बिनै उतर दियो, “म्हारो बी नेम है अर बिं नेम गै अनुसार बिनै मरणो ई हो'सी क्यूंकै बो अपणै आपनै परमेसर गो बेटो बणावै।”
8जद पिलातुस आ बात सुणगे भोत डर ग्यो। 9अर किलै गै मा जा'गे यीसू नै केयो, “तूं कठूं आयो है,” पण यीसू बिनै उतर कोनी दियो। 10फेर पिलातुस बिनै केयो, “तूं मेरूं बात क्यूं कोनी करै? तनै छोड़ण गो अधिकार मेरै कनै है अर करूस पर चढाण गो बी।”
11यीसू उतर दियो, “तनै परमेसर कनूं कोई अधिकार कोनी मिलतो तो मेरै उपर तेरो कोई अधिकार कोनी होवंतो झिका आदमी मनै तेरै कनै लेगे आया बे तेरूं मोटा गुनहेगार है।”
12ओ सुणगे पिलातुस बिनै छोडण गो उपाय ढूंडण गी कोसिस करी। पण यहुदीयां रोळो मचायो जे तूं इनै छोडै है तो तूं सारा ऊं मोटो राजा कैसर गो मित्र कोनी। कोई बी झिको अपणै आपनै राजा होण गो दावो करै है बो कैसर गो दुसमण होवै है। 13जद पिलातुस आ बात सुणी बो यीसू नै बारै लेगे आयो अर फेंसलो करण गै आसण पर बेठयो। बिं जिग्यां नै पथर गो चबूतरो केवंता हा। इब्रानी भासा में इनै गब्बता केवै है। 14ओ फसह त्यूंहार गै हफ्तै गी तैयारी गै दिन गो लगभग बारा बजे गो टेम हो। पिलातुस यहुदियां नै केयो, “थारै राजा नै ध्यान ऊं देखो।”
15बां फेर रोळो मचायो इनै ले जावो इनै करूस पर चढावो पिलातुस बानै केयो कै, “थे चावो हो थारै राजा नै मैं करूस पर चढाऊं।” ईं पर मुख्य याजकां उतर दियो, “कैसर नै छोड़गे म्हारो कोई दूसरो राजा कोनी।” 16जद पिलातुस बिनै करूस पर चढाण खातर बांगै हात में दे दियो। जद सिपाईयां यीसू नै आपगै कब्जै में ले लियो।
करूस पर चढायो जाणो
(मत्ती 27:32-44; मरकुस 15:21-32; लूका 23:26-43)
17अर यीसू आपगो करूस चक'गे यरुसलेम सैहर ऊं बारै एक जिग्यां में लेग्यो। बिं जिग्यां गो नाम “खोपड़ी गी जिग्यां” हो अर इब्रानी बोली में इनै गुलगुता केयो जावै है। 18बठै बां बिनै अर बिंगै सागै दो ओर आदमियां नै करूस पर चढाया। बे दोनूं आदमी आसै पासै अर बिचाळै यीसू नै। 19पिलातुस एक दोस पत्र लिखवागे करूस पर लगावा दियो अर इमै लिखेड़ो हो यहुदियां गो राजा। 20भोत सारा यहुदियां बिं दोस पत्र नै पढयो क्यूंकै जठै यीसू नै करूस पर चढायो हो। बां जिग्यां नगर गै कनै ही। ओ दोस पत्र यहुदियां गी भासा इब्रानी अर रोमी लोगां गी भासा लतीनी अर युनानी लोगां गी भासा युनानी में लिखेड़ो हो। 21जद यहुदियां गै मुख्य याजकां पिलातुस नै केयो, “यहुदियां गो राजा ना लिखो, पण इंया लिखो,” बण केयो हो कै, “मैं यहुदियां गो राजा हूं।” 22पिलातुस उतर दियो, “मैं झिको लिख दियो बिनै बदळ कोनी सकूं।” 23सिपाईयां यीसू नै करूस पर चढा दियो। अर पेलां उतारगे रखेड़ा बिंगा गाबा लिया अर चार सिपाईयां नै बिंगो एक एक हिसो मिलग्यो। बां बिंगो कुड़तो बी लियो अर बो कुड़तो बिना सिडे़ड़ो हो अर उपर ऊं लेगे नीचै तांई टांका लगाएड़ा हा।
24ईंखातर बां आपसरी में केयो, “आपां इनै कोनी पाड़ा। पण ईं पर परची घाल ल्यां किंगो होवैगो,” अर बां सिपाईयां इंयाई करयो। ओ ईंखातर होयो कै परमेसर गै बचन में लिखेड़ी बात पूरी होवै। ओ बचन ओ है कै,
“बां मेरा गाबा आपसरी में बांट लिया,
मेरै कुड़तै पर पर्ची घाली।”
25यीसू गै करूस गै कनै बिंगी मां, अर बिंगी मोसी, क्लोपास गी घराळी मरियम अर मरियम मगदलीनी खड़ी ही। 26अर झिकै चेलै नै यीसू भोत प्रेम करतो हो बो बी बठै खड़यो हो। जद यीसू आपगी मां कानी देखगे बिनै केयो, “हे मां, आज ऊं ओ तेरो बेटो है।” 27जद बठै बिं चेलै नै केयो आ तेरी मां है। बिंगै बाद बो चेलो बिनै आपगै घरे लेग्यो अर बिंगी देखभाळ करण लागग्यो।
यीसू गो मरणो
(मत्ती 27:45-56; मरकुस 15:33-41; लूका 23:44-49)
28इंगै बाद यीसू ओ जाण ग्यो कै अब बिंगो सारो काम पूरो हो'ग्यो है अर परमेसर गै बारै में लिखेड़ी बाता पूरी करण गै खातर बण केयो कै, “मैं तीसो हूं।” 29बठै सिरकै ऊं भरेड़ो एक बठळ पड़यो हो। बां हिस्सप नाम गै दरखत गी लाठी लेगे बिंगै सिरै पर रूई बांधी, बां ईं लाठी नै बठळ में डबोगे जद बा रूई भीज गी तो बिंगै मूं गै कनै लगा दी। 30फेर यीसू सिरको पी लियो तो बो बोल्यो, “पूरो होयो।” जद बण आपगो सिर झुका दियो अर प्राण छोड़ दिया।
31ओ फसह त्यूंहार गी तैयारी गो दिन हो। अगलो दिन सब्त गै होण गै कारण यहुदियां पिलातुस नै केयो कै सब्त गै दिन बांगी ल्हास करूस पर ना लटकी रेवै, क्यूंकै बो सब्त गो दिन मोटो दिन हो। ईंखातर बां आग्या दी कै बांगी लाता तोड़ दी जावै अर बांगी ल्हास करूस पर ऊं नीचै उतारी जावै। 32फेर दो सिपाई गेया अर यीसू गै सागै करूस पर लटकाऐड़ा दो लोगां मू एक गी टांग तोड़ दी। फेर दूसरै गी टांग तोड़ दी। 33पण यीसू गै कनै आ'गे, पेलां ईं मरेड़ो देखगे बिंगी टांगा कोनी तोड़ी। 34पण सिपाईयां मू एक जणै भालो बिंगी पांसळी में मारयो। जद बिमुं खून अर पाणी निकळण लागग्यो। 35ऐ सारी बात झिकै देखी है बण ई गवाई दी अर बिंगी बताएड़ी बात सच्ची है। बो जाणै है कै बो साची केवै है कै थे लोग बिस्वास करो। 36-37पवितर सासतर में एक जिग्यां इंया लिख्यो कै, बिंगी कोई बी हडी तोड़ी कोनी जावैगी अर दूसरी जिग्यां में इंया लिख्यो कै झिकै गै बां भालो मारयो है, बिं कानी बे देखैगा। पवितर बचन में जिंया लिखेड़ी बात इंयाईं पूरी होई।
38इंगै बाद अरमतियाह गो युसुफ नाम गो एक आदमी झिको यीसू नै मानतो हो। पण यहुदी अधिकारियां गै डर ऊं ईं बात नै लकोगे राखतो हो। जद बण पिलातुस कनै आ'गे यीसू गी ल्हास नै ले जाण खातर बिनती करी। पिलातुस बिंगी बात मान ली अर आ'गे बिंगी ल्हास लेग्यो। 39अर झिको निकुदेमुस एक बारी रात में यीसू गै कनै जा'गे बिंऊं मिल्यो हो, बो बी बिंगै सागै हो। बो लगभग बतीस ऊं तैतीस किलो गन्धरस अर एलवा नाम गी सुरम आळी चीज लेगे आयो। 40अर यहुदियां गै ल्हास नै गाडणै गी रीति गै अनुसार बिनै सुरम आळी चीज लगागे कफण में पळेट दियो। 41जठै यीसू नै करूस पर चढायो हो, बठै एक बगीचो हो। अर बिं बगीचै में एक नुई कबर ही झिकी में अजे तांई किनैई कोनी रख्यो हो। 42बिं दिन यहुदियां गो सब्त गी तैयारी गो दिन हो अर बांगो आथण दिन छिपण ऊं बाद सुरू होण ऊं पेलां दफण गो काम हो। ईंखातर यीसू गी ल्हास नै बिं कबर में राखी क्यूंकै बा कबर, कनै ही।
Currently Selected:
यूहना 19: BGQ
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved. © WIn Publishing Trust
यूहना 19
19
1फेर पिलातुस यीसू नै पकड़गे सिपाईयां नै कोड़ा मारण खातर दे दियो। 2सिपाईयां कांटा गो मुकुट बणागे बिंगै सिर पर रख्यो अर बेजणी रंग गा गाबा पिरा दिया। 3अर बिंगै कनै आ'गे केण लागग्या यहुदियां गै राजा गी जय होवै, फेर बिंगै थपड़ मारण लागग्या।
4पिलातुस एकर ओर बारै आयो अर बानै केयो, “मैं थारै कनै एकर फेर बिनै बारै ल्याऊं हूं कै थे जाण सको मैं बिमै कोई गुनाह कोनी देख्यो।” 5फेर यीसू कांटा गो मुकुट अर बेगणी गाबा पेरगे बारै आयो जद पिलातुस बानै केयो, “ईं आदमी नै ध्यान ऊं देखो।”
6जद मुख्य याजकां अर मिन्दर गै पेरेदारां बिनै देख्यो तो रोळो मचाण लागग्या अर केण लागग्या, “इनै करूस पर चढाओ, करूस पर चढाओ।” पिलातुस बानै केयो, “थे ई इनै करूस पर चढावो क्यूंकै मनै इमै कोई गुनाह कोनी मिल्यो।”
7यहुदियां बिनै उतर दियो, “म्हारो बी नेम है अर बिं नेम गै अनुसार बिनै मरणो ई हो'सी क्यूंकै बो अपणै आपनै परमेसर गो बेटो बणावै।”
8जद पिलातुस आ बात सुणगे भोत डर ग्यो। 9अर किलै गै मा जा'गे यीसू नै केयो, “तूं कठूं आयो है,” पण यीसू बिनै उतर कोनी दियो। 10फेर पिलातुस बिनै केयो, “तूं मेरूं बात क्यूं कोनी करै? तनै छोड़ण गो अधिकार मेरै कनै है अर करूस पर चढाण गो बी।”
11यीसू उतर दियो, “तनै परमेसर कनूं कोई अधिकार कोनी मिलतो तो मेरै उपर तेरो कोई अधिकार कोनी होवंतो झिका आदमी मनै तेरै कनै लेगे आया बे तेरूं मोटा गुनहेगार है।”
12ओ सुणगे पिलातुस बिनै छोडण गो उपाय ढूंडण गी कोसिस करी। पण यहुदीयां रोळो मचायो जे तूं इनै छोडै है तो तूं सारा ऊं मोटो राजा कैसर गो मित्र कोनी। कोई बी झिको अपणै आपनै राजा होण गो दावो करै है बो कैसर गो दुसमण होवै है। 13जद पिलातुस आ बात सुणी बो यीसू नै बारै लेगे आयो अर फेंसलो करण गै आसण पर बेठयो। बिं जिग्यां नै पथर गो चबूतरो केवंता हा। इब्रानी भासा में इनै गब्बता केवै है। 14ओ फसह त्यूंहार गै हफ्तै गी तैयारी गै दिन गो लगभग बारा बजे गो टेम हो। पिलातुस यहुदियां नै केयो, “थारै राजा नै ध्यान ऊं देखो।”
15बां फेर रोळो मचायो इनै ले जावो इनै करूस पर चढावो पिलातुस बानै केयो कै, “थे चावो हो थारै राजा नै मैं करूस पर चढाऊं।” ईं पर मुख्य याजकां उतर दियो, “कैसर नै छोड़गे म्हारो कोई दूसरो राजा कोनी।” 16जद पिलातुस बिनै करूस पर चढाण खातर बांगै हात में दे दियो। जद सिपाईयां यीसू नै आपगै कब्जै में ले लियो।
करूस पर चढायो जाणो
(मत्ती 27:32-44; मरकुस 15:21-32; लूका 23:26-43)
17अर यीसू आपगो करूस चक'गे यरुसलेम सैहर ऊं बारै एक जिग्यां में लेग्यो। बिं जिग्यां गो नाम “खोपड़ी गी जिग्यां” हो अर इब्रानी बोली में इनै गुलगुता केयो जावै है। 18बठै बां बिनै अर बिंगै सागै दो ओर आदमियां नै करूस पर चढाया। बे दोनूं आदमी आसै पासै अर बिचाळै यीसू नै। 19पिलातुस एक दोस पत्र लिखवागे करूस पर लगावा दियो अर इमै लिखेड़ो हो यहुदियां गो राजा। 20भोत सारा यहुदियां बिं दोस पत्र नै पढयो क्यूंकै जठै यीसू नै करूस पर चढायो हो। बां जिग्यां नगर गै कनै ही। ओ दोस पत्र यहुदियां गी भासा इब्रानी अर रोमी लोगां गी भासा लतीनी अर युनानी लोगां गी भासा युनानी में लिखेड़ो हो। 21जद यहुदियां गै मुख्य याजकां पिलातुस नै केयो, “यहुदियां गो राजा ना लिखो, पण इंया लिखो,” बण केयो हो कै, “मैं यहुदियां गो राजा हूं।” 22पिलातुस उतर दियो, “मैं झिको लिख दियो बिनै बदळ कोनी सकूं।” 23सिपाईयां यीसू नै करूस पर चढा दियो। अर पेलां उतारगे रखेड़ा बिंगा गाबा लिया अर चार सिपाईयां नै बिंगो एक एक हिसो मिलग्यो। बां बिंगो कुड़तो बी लियो अर बो कुड़तो बिना सिडे़ड़ो हो अर उपर ऊं लेगे नीचै तांई टांका लगाएड़ा हा।
24ईंखातर बां आपसरी में केयो, “आपां इनै कोनी पाड़ा। पण ईं पर परची घाल ल्यां किंगो होवैगो,” अर बां सिपाईयां इंयाई करयो। ओ ईंखातर होयो कै परमेसर गै बचन में लिखेड़ी बात पूरी होवै। ओ बचन ओ है कै,
“बां मेरा गाबा आपसरी में बांट लिया,
मेरै कुड़तै पर पर्ची घाली।”
25यीसू गै करूस गै कनै बिंगी मां, अर बिंगी मोसी, क्लोपास गी घराळी मरियम अर मरियम मगदलीनी खड़ी ही। 26अर झिकै चेलै नै यीसू भोत प्रेम करतो हो बो बी बठै खड़यो हो। जद यीसू आपगी मां कानी देखगे बिनै केयो, “हे मां, आज ऊं ओ तेरो बेटो है।” 27जद बठै बिं चेलै नै केयो आ तेरी मां है। बिंगै बाद बो चेलो बिनै आपगै घरे लेग्यो अर बिंगी देखभाळ करण लागग्यो।
यीसू गो मरणो
(मत्ती 27:45-56; मरकुस 15:33-41; लूका 23:44-49)
28इंगै बाद यीसू ओ जाण ग्यो कै अब बिंगो सारो काम पूरो हो'ग्यो है अर परमेसर गै बारै में लिखेड़ी बाता पूरी करण गै खातर बण केयो कै, “मैं तीसो हूं।” 29बठै सिरकै ऊं भरेड़ो एक बठळ पड़यो हो। बां हिस्सप नाम गै दरखत गी लाठी लेगे बिंगै सिरै पर रूई बांधी, बां ईं लाठी नै बठळ में डबोगे जद बा रूई भीज गी तो बिंगै मूं गै कनै लगा दी। 30फेर यीसू सिरको पी लियो तो बो बोल्यो, “पूरो होयो।” जद बण आपगो सिर झुका दियो अर प्राण छोड़ दिया।
31ओ फसह त्यूंहार गी तैयारी गो दिन हो। अगलो दिन सब्त गै होण गै कारण यहुदियां पिलातुस नै केयो कै सब्त गै दिन बांगी ल्हास करूस पर ना लटकी रेवै, क्यूंकै बो सब्त गो दिन मोटो दिन हो। ईंखातर बां आग्या दी कै बांगी लाता तोड़ दी जावै अर बांगी ल्हास करूस पर ऊं नीचै उतारी जावै। 32फेर दो सिपाई गेया अर यीसू गै सागै करूस पर लटकाऐड़ा दो लोगां मू एक गी टांग तोड़ दी। फेर दूसरै गी टांग तोड़ दी। 33पण यीसू गै कनै आ'गे, पेलां ईं मरेड़ो देखगे बिंगी टांगा कोनी तोड़ी। 34पण सिपाईयां मू एक जणै भालो बिंगी पांसळी में मारयो। जद बिमुं खून अर पाणी निकळण लागग्यो। 35ऐ सारी बात झिकै देखी है बण ई गवाई दी अर बिंगी बताएड़ी बात सच्ची है। बो जाणै है कै बो साची केवै है कै थे लोग बिस्वास करो। 36-37पवितर सासतर में एक जिग्यां इंया लिख्यो कै, बिंगी कोई बी हडी तोड़ी कोनी जावैगी अर दूसरी जिग्यां में इंया लिख्यो कै झिकै गै बां भालो मारयो है, बिं कानी बे देखैगा। पवितर बचन में जिंया लिखेड़ी बात इंयाईं पूरी होई।
38इंगै बाद अरमतियाह गो युसुफ नाम गो एक आदमी झिको यीसू नै मानतो हो। पण यहुदी अधिकारियां गै डर ऊं ईं बात नै लकोगे राखतो हो। जद बण पिलातुस कनै आ'गे यीसू गी ल्हास नै ले जाण खातर बिनती करी। पिलातुस बिंगी बात मान ली अर आ'गे बिंगी ल्हास लेग्यो। 39अर झिको निकुदेमुस एक बारी रात में यीसू गै कनै जा'गे बिंऊं मिल्यो हो, बो बी बिंगै सागै हो। बो लगभग बतीस ऊं तैतीस किलो गन्धरस अर एलवा नाम गी सुरम आळी चीज लेगे आयो। 40अर यहुदियां गै ल्हास नै गाडणै गी रीति गै अनुसार बिनै सुरम आळी चीज लगागे कफण में पळेट दियो। 41जठै यीसू नै करूस पर चढायो हो, बठै एक बगीचो हो। अर बिं बगीचै में एक नुई कबर ही झिकी में अजे तांई किनैई कोनी रख्यो हो। 42बिं दिन यहुदियां गो सब्त गी तैयारी गो दिन हो अर बांगो आथण दिन छिपण ऊं बाद सुरू होण ऊं पेलां दफण गो काम हो। ईंखातर यीसू गी ल्हास नै बिं कबर में राखी क्यूंकै बा कबर, कनै ही।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved. © WIn Publishing Trust