मत्ती 12
12
यीसू सब्त गै दिन गो प्रभु
(मरकुस 2:23-28; लूका 6:1-5)
1यीसू सब्त गै दिन खेतां माखर आपगै चेलां सागै जाण लागरयो हो। जद चेला नै भूख लागी अर बे कणक गी बालां मरोड़गे खाण लागग्या। 2फरीसियां बानै देखगे केयो, “देख तेरा चेला के करण लागरया है? ओ सब्त गै दिन करणो ठीक कोनी।” 3जद यीसू बानै पूछयो, “थानै ठा के कै जद दाऊद अर बिंगै साथियां नै भूख लागी तो बां के करयो? 4बां परमेसर गै मिन्दर में बड़गे चढायेड़ी पवितर रोटी किंया खाई? बानै इंया करणो नेम विधान गै खिलाफ हो। बां रोटियां नै सिरफ याजक खा सका। 5नेम विधान गै द्वारा थानै ईं बात गो पतो होणो कै याजक लोग मिन्दर में सब्त गै दिन नेम विधान नै तोडै़, फेर बी बे दोसी कोनी ठेरै। 6पण मैं थानै केऊं मिन्दर ऊं मोटो आदमी अठै है। 7सासतर इंया केवै लोगां गै द्वारा करेड़ै बलिदान ऊं आच्छी दया है। थानै ईं बात गो पतो है तो थे बिना दोस गै लोगां नै दोसी कोनी बणावंता।#होसया 6:6 8मिनख गै बेटै नै सब्त गै दिन गो बी अधिकार है।”
सुकेड़ै हात आळै नै ठीक करणो
(मरकुस 3:1-6; लूका 6:6-11)
9फेर बो बठूं चालगे यहुदियां गै सतसंग घर में उड़ग्यो। 10बठै एक आदमी हो। बिंगो एक हात सुकेड़ो हो। जद लोगां बिनै पूछयो, “मूसा गै नेम विधान ऊं सब्त गै दिन कोई आदमी नै ठीक करणो सई है या कोनी? क्यूंकै बे लोग यीसू पर दोस लगाणो चावा।” 11यीसू बानै केयो, “मान्ल्यो थारै में किंगैई कनै एक ई भेड़ है। बा सब्त गै दिन कुअ में पड़ज्यै तो बिनै बारै कोनी काडोगा के? 12पण आदमी तो फेर ईं भेड़ ऊं भोत जादा किमती है। ईंखातर मूसा गै नेम विधान गै अनुसार सब्त गै दिन भलाई करणी सई है।” 13जद बण बिं सुकेड़ै हात आळै आदमी नै केयो, “तेरो हात आ'गै कर” अर बिंगो हात बिं टेम ई ठीक कर दियो। 14फेर फरीसियां बठूं बारै जा'गे बिनै मारण गो तरिको ढूंडण लागग्या।
15यीसू आ बात समझग्यो अर बठूं उड़ग्यो अर लोगां गी भीड़ बिंगै लारै चाल पड़ी। बण बानै ठीक करया अर केयो। 16थे मेरै बारै में लोगां नै कीं ना बताईयो। 17ओ ईंखातर होयो कै यसयाह परमेसर गी बात बताण आळै गै द्वारा केयेड़ो बचन पूरो हो'ज्यै।
18“ओ मेरो सेवक है झिकै नै मैं चुण्यो है,
ओ मेरो लाडलो है, मैं इंऊं खुस हूं।
आपगी आत्मा इनै देऊंगा।
अर सारै देसां गै सारै लोगां नै न्याय गो समाचार दैयगो।
19बो कदी लड़ाई कोनी करैगो।
लोग इनै कदी गळियां में कोनी सुणैगा
अर ओ कदी रोळा कोनी मचावैगो।
20ओ लटकैड़ सरकणा नै कोनी तोडै़गो,
ओ बुजतै दीयै नै बी कोनी भूजावैगो।
जद तांई लाग्यो रेवै जद तांई न्याय पर जीत ना हो'ज्यै।
21अर सारा लोग बिंगै उपर ई आस राखसी।”#यसयाह 42:1-4
यीसू अर बेलजबूल
(मरकुस 3:20-30; लूका 11:14-23)
22फेर लोग यीसू कनै हिस्यै आदमी नै लेगे आया झिको आंधो गूंगो अर बिमै ओपरी बी ही। बण बिनै ठीक कर दियो बो देखण अर बोलण लागग्यो। 23ओ देखगे सारा हेरान हो'ग्या। अर केण लागग्या, “ओ आदमी दाऊद गो बेटो हो सकै।” 24जद फरीसियां ओ सुणयो तो केण लागग्या, “ओ सैतान गै राजा बेलजबूल गी मदद ऊं ओपरी काडै।” 25यीसू बांगै मन गी बात जाणग्यो, जद बानै केयो, “झिकै राज में फूट पड़ज्यै तो बो चालै कोनी। जे कोई घर में फूट पड़ज्यै तो बो बी कोनी बण्यो रेवै। 26इंया जे सैतान अपणै आपनै बारै काडण लागग्यो तो बिंगै आपगै घर में ई फूट पड़गी तो बिंगो राज किंया बण्यो रेसी? 27जे आ बात साची है कै बेलजबूल गी मदद ऊं ओपरी काडूं तो थारी उळाद किंगी मदद ऊं काडै? इंऊं सारा समझैगा कै थे गळत हो। 28जे मैं ओपरियां परमेसर गी आत्मा ऊं बारै काडूं तो आ बात सच्च होवै कै परमेसर गो राज थारै कनैई आ'ग्यो। 29फेर एक तकड़ै आदमी गै घर में बड़गे चोरी किंया कर सकै? जद तांई बिनै बांदयो ना जावै बिंगै घर में चोरी कोनी कर सकै। 30झिको मेरो साथी कोनी बो मेरो बिरोधी है। अर झिको मेरै सागै भेड़ा गी तरियां लोगां नै भेळा कोनी करावै बो बानै खिण्डाण आळो है। 31ईंखातर मैं थानै केऊं, आदमी गा सारा पाप अर चुगली माफ करीज्यैगी। पण जे पवितर आत्मा गै खिलाफ बोल्यो तो बिंगी माफी कोनी मिलैगी। 32जे कोई मिनख गै बेटै गै खिलाफ कीं केवैगो तो बिनै माफी मिलज्यैगी। पण जे कणी पवितर आत्मा गै खिलाफ कीं केयो, बिनै माफ कोनी करिज्यैगो, ना ईं लोक में, ना परलोक में।”
दरखत अर बिंगो फळ
(लूका 6:43-45)
33“थे लोग जाणो हो कै आच्छा फळ ल्याण खातर आच्छो दरखत होणो चईयै अर माड़ै दरखत ऊं माड़ो फळ ई मिलै क्यूंकै दरखत गी पिछाण बिंगै फळा ऊं होवै। 34हे सांप गा बच्चों, जद थे आप ई माड़ा हो तो आच्छी बात किंया कर सको? आदमी गा सब्द बिंगै मन में भरेड़ा है, बे बठूं ई निकळै है। 35एक आच्छै आदमी में झिकी अच्छाई बिंगै मन में भरेड़ी है बिंऊं आच्छी बात ई बारै निकळै। अर बुरै आदमी कनूं बुरी बात निकळै। 36पण मैं थानै केऊं, न्याय गै दिन हर एक आदमी झिकै गळत बात बोली है बिनै ईं बात गो हिसाब देणो पड़सी। 37तूं आपगी बाता ऊं गुनहेगार अर साऊकार बणायो जावैगो।”
योना गो निसान
(मरकुस 8:11,12; लूका 11:29-32)
38फेर कीं नेम सिखाण आळा अर फरीसियां बिनै केयो, “हे गुरूजी, म्हे थारूं चमत्कारां गो निसान प्रकट करतां देखणो चावां।” 39यीसू उतर दियो, “थे लोग बुरा काम अर बेबीचार करो अर फेर बी चमत्कार गो निसान देखणो चावो। मैं परमेसर गी बात बताण आळै योना गै निसान गै सिवा ओर कोई दूसरो निसान कोनी देईजै। 40जिंया योना तीन दिन रात एक समुंदर गी मोटी मछली गै पेट में रेयो बिंयाई मिनख गो बेटो तीन दिन रात धरती गै मा रेवैगो। 41न्याय गै दिन नीनवे सैहर गा लोग आज गी पीढी गै लोगां गै सागै खड़या होवैगा अर बानै दोसी बणावैगा। क्यूंकै बां योना गो संदेस सुणगे मन बदळ्यो। अब अठै योना ऊं मोटो है। 42न्याय गै दिन दिखणाद गी राणी ईं पीढी गै लोगां सागै खड़ी हो'सी अर बानै गुनहेगार बणावैगी। क्यूंकै बा धरती गै दूसरै पासै ऊं सुलेमान गो संदेस सुणगे आई। पण अठै तो सुलेमान ऊं मोटो है।
43जद कोई ओपरी आदमी नै छोडै है तो बा आराम खातर सुखी जिग्यां ढूंढै, पण बिनै लादै कोनी। 44जद बा सोचै झिकै घर मू आयी बिमै ई पाछी उड़ जाऊं। जद बा पाछी जावै तो बिनै बो घर साफ सुतरो अर सजाईड़ो लादै। 45अर आवंती आपगै सागै सात ओर ओपरियां नै ल्यावै झिकी बिंऊं खतरनाक होवै। अर फेर बिं आदमी गी हालत ओर बी माड़ी होज्यै। आज गी पीढी गै लोगां गी हालत बी हिसी होवैगी।”
यीसू गी मां अर भाई
(मरकुस 3:31-35; लूका 8:19-21)
46जद बो लोगां ऊं बात करण लागरयो तो बिंगा मां अर भाई बारै खड़या अर बे बिंऊं बात करण गी उडीक करा। 47जद कणैई आ'गे केयो, “तेरी मां अर भाई बात करण खातर अडीकै है।” 48यीसू बिनै उतर दियो, “कुण है मेरी मां, अर कुण है मेरो भाई?” 49जद बण आपगै चेला कानी हात कर'गे केयो, “ऐ है मेरी मां अर मेरा भाई। 50मेरो पिता झिका सुरग में है झिको बिंगी इच्छा पर चालै है बा मेरी मां, मेरो भाई अर मेरी भेन है।”
Currently Selected:
मत्ती 12: BGQ
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved. © WIn Publishing Trust
मत्ती 12
12
यीसू सब्त गै दिन गो प्रभु
(मरकुस 2:23-28; लूका 6:1-5)
1यीसू सब्त गै दिन खेतां माखर आपगै चेलां सागै जाण लागरयो हो। जद चेला नै भूख लागी अर बे कणक गी बालां मरोड़गे खाण लागग्या। 2फरीसियां बानै देखगे केयो, “देख तेरा चेला के करण लागरया है? ओ सब्त गै दिन करणो ठीक कोनी।” 3जद यीसू बानै पूछयो, “थानै ठा के कै जद दाऊद अर बिंगै साथियां नै भूख लागी तो बां के करयो? 4बां परमेसर गै मिन्दर में बड़गे चढायेड़ी पवितर रोटी किंया खाई? बानै इंया करणो नेम विधान गै खिलाफ हो। बां रोटियां नै सिरफ याजक खा सका। 5नेम विधान गै द्वारा थानै ईं बात गो पतो होणो कै याजक लोग मिन्दर में सब्त गै दिन नेम विधान नै तोडै़, फेर बी बे दोसी कोनी ठेरै। 6पण मैं थानै केऊं मिन्दर ऊं मोटो आदमी अठै है। 7सासतर इंया केवै लोगां गै द्वारा करेड़ै बलिदान ऊं आच्छी दया है। थानै ईं बात गो पतो है तो थे बिना दोस गै लोगां नै दोसी कोनी बणावंता।#होसया 6:6 8मिनख गै बेटै नै सब्त गै दिन गो बी अधिकार है।”
सुकेड़ै हात आळै नै ठीक करणो
(मरकुस 3:1-6; लूका 6:6-11)
9फेर बो बठूं चालगे यहुदियां गै सतसंग घर में उड़ग्यो। 10बठै एक आदमी हो। बिंगो एक हात सुकेड़ो हो। जद लोगां बिनै पूछयो, “मूसा गै नेम विधान ऊं सब्त गै दिन कोई आदमी नै ठीक करणो सई है या कोनी? क्यूंकै बे लोग यीसू पर दोस लगाणो चावा।” 11यीसू बानै केयो, “मान्ल्यो थारै में किंगैई कनै एक ई भेड़ है। बा सब्त गै दिन कुअ में पड़ज्यै तो बिनै बारै कोनी काडोगा के? 12पण आदमी तो फेर ईं भेड़ ऊं भोत जादा किमती है। ईंखातर मूसा गै नेम विधान गै अनुसार सब्त गै दिन भलाई करणी सई है।” 13जद बण बिं सुकेड़ै हात आळै आदमी नै केयो, “तेरो हात आ'गै कर” अर बिंगो हात बिं टेम ई ठीक कर दियो। 14फेर फरीसियां बठूं बारै जा'गे बिनै मारण गो तरिको ढूंडण लागग्या।
15यीसू आ बात समझग्यो अर बठूं उड़ग्यो अर लोगां गी भीड़ बिंगै लारै चाल पड़ी। बण बानै ठीक करया अर केयो। 16थे मेरै बारै में लोगां नै कीं ना बताईयो। 17ओ ईंखातर होयो कै यसयाह परमेसर गी बात बताण आळै गै द्वारा केयेड़ो बचन पूरो हो'ज्यै।
18“ओ मेरो सेवक है झिकै नै मैं चुण्यो है,
ओ मेरो लाडलो है, मैं इंऊं खुस हूं।
आपगी आत्मा इनै देऊंगा।
अर सारै देसां गै सारै लोगां नै न्याय गो समाचार दैयगो।
19बो कदी लड़ाई कोनी करैगो।
लोग इनै कदी गळियां में कोनी सुणैगा
अर ओ कदी रोळा कोनी मचावैगो।
20ओ लटकैड़ सरकणा नै कोनी तोडै़गो,
ओ बुजतै दीयै नै बी कोनी भूजावैगो।
जद तांई लाग्यो रेवै जद तांई न्याय पर जीत ना हो'ज्यै।
21अर सारा लोग बिंगै उपर ई आस राखसी।”#यसयाह 42:1-4
यीसू अर बेलजबूल
(मरकुस 3:20-30; लूका 11:14-23)
22फेर लोग यीसू कनै हिस्यै आदमी नै लेगे आया झिको आंधो गूंगो अर बिमै ओपरी बी ही। बण बिनै ठीक कर दियो बो देखण अर बोलण लागग्यो। 23ओ देखगे सारा हेरान हो'ग्या। अर केण लागग्या, “ओ आदमी दाऊद गो बेटो हो सकै।” 24जद फरीसियां ओ सुणयो तो केण लागग्या, “ओ सैतान गै राजा बेलजबूल गी मदद ऊं ओपरी काडै।” 25यीसू बांगै मन गी बात जाणग्यो, जद बानै केयो, “झिकै राज में फूट पड़ज्यै तो बो चालै कोनी। जे कोई घर में फूट पड़ज्यै तो बो बी कोनी बण्यो रेवै। 26इंया जे सैतान अपणै आपनै बारै काडण लागग्यो तो बिंगै आपगै घर में ई फूट पड़गी तो बिंगो राज किंया बण्यो रेसी? 27जे आ बात साची है कै बेलजबूल गी मदद ऊं ओपरी काडूं तो थारी उळाद किंगी मदद ऊं काडै? इंऊं सारा समझैगा कै थे गळत हो। 28जे मैं ओपरियां परमेसर गी आत्मा ऊं बारै काडूं तो आ बात सच्च होवै कै परमेसर गो राज थारै कनैई आ'ग्यो। 29फेर एक तकड़ै आदमी गै घर में बड़गे चोरी किंया कर सकै? जद तांई बिनै बांदयो ना जावै बिंगै घर में चोरी कोनी कर सकै। 30झिको मेरो साथी कोनी बो मेरो बिरोधी है। अर झिको मेरै सागै भेड़ा गी तरियां लोगां नै भेळा कोनी करावै बो बानै खिण्डाण आळो है। 31ईंखातर मैं थानै केऊं, आदमी गा सारा पाप अर चुगली माफ करीज्यैगी। पण जे पवितर आत्मा गै खिलाफ बोल्यो तो बिंगी माफी कोनी मिलैगी। 32जे कोई मिनख गै बेटै गै खिलाफ कीं केवैगो तो बिनै माफी मिलज्यैगी। पण जे कणी पवितर आत्मा गै खिलाफ कीं केयो, बिनै माफ कोनी करिज्यैगो, ना ईं लोक में, ना परलोक में।”
दरखत अर बिंगो फळ
(लूका 6:43-45)
33“थे लोग जाणो हो कै आच्छा फळ ल्याण खातर आच्छो दरखत होणो चईयै अर माड़ै दरखत ऊं माड़ो फळ ई मिलै क्यूंकै दरखत गी पिछाण बिंगै फळा ऊं होवै। 34हे सांप गा बच्चों, जद थे आप ई माड़ा हो तो आच्छी बात किंया कर सको? आदमी गा सब्द बिंगै मन में भरेड़ा है, बे बठूं ई निकळै है। 35एक आच्छै आदमी में झिकी अच्छाई बिंगै मन में भरेड़ी है बिंऊं आच्छी बात ई बारै निकळै। अर बुरै आदमी कनूं बुरी बात निकळै। 36पण मैं थानै केऊं, न्याय गै दिन हर एक आदमी झिकै गळत बात बोली है बिनै ईं बात गो हिसाब देणो पड़सी। 37तूं आपगी बाता ऊं गुनहेगार अर साऊकार बणायो जावैगो।”
योना गो निसान
(मरकुस 8:11,12; लूका 11:29-32)
38फेर कीं नेम सिखाण आळा अर फरीसियां बिनै केयो, “हे गुरूजी, म्हे थारूं चमत्कारां गो निसान प्रकट करतां देखणो चावां।” 39यीसू उतर दियो, “थे लोग बुरा काम अर बेबीचार करो अर फेर बी चमत्कार गो निसान देखणो चावो। मैं परमेसर गी बात बताण आळै योना गै निसान गै सिवा ओर कोई दूसरो निसान कोनी देईजै। 40जिंया योना तीन दिन रात एक समुंदर गी मोटी मछली गै पेट में रेयो बिंयाई मिनख गो बेटो तीन दिन रात धरती गै मा रेवैगो। 41न्याय गै दिन नीनवे सैहर गा लोग आज गी पीढी गै लोगां गै सागै खड़या होवैगा अर बानै दोसी बणावैगा। क्यूंकै बां योना गो संदेस सुणगे मन बदळ्यो। अब अठै योना ऊं मोटो है। 42न्याय गै दिन दिखणाद गी राणी ईं पीढी गै लोगां सागै खड़ी हो'सी अर बानै गुनहेगार बणावैगी। क्यूंकै बा धरती गै दूसरै पासै ऊं सुलेमान गो संदेस सुणगे आई। पण अठै तो सुलेमान ऊं मोटो है।
43जद कोई ओपरी आदमी नै छोडै है तो बा आराम खातर सुखी जिग्यां ढूंढै, पण बिनै लादै कोनी। 44जद बा सोचै झिकै घर मू आयी बिमै ई पाछी उड़ जाऊं। जद बा पाछी जावै तो बिनै बो घर साफ सुतरो अर सजाईड़ो लादै। 45अर आवंती आपगै सागै सात ओर ओपरियां नै ल्यावै झिकी बिंऊं खतरनाक होवै। अर फेर बिं आदमी गी हालत ओर बी माड़ी होज्यै। आज गी पीढी गै लोगां गी हालत बी हिसी होवैगी।”
यीसू गी मां अर भाई
(मरकुस 3:31-35; लूका 8:19-21)
46जद बो लोगां ऊं बात करण लागरयो तो बिंगा मां अर भाई बारै खड़या अर बे बिंऊं बात करण गी उडीक करा। 47जद कणैई आ'गे केयो, “तेरी मां अर भाई बात करण खातर अडीकै है।” 48यीसू बिनै उतर दियो, “कुण है मेरी मां, अर कुण है मेरो भाई?” 49जद बण आपगै चेला कानी हात कर'गे केयो, “ऐ है मेरी मां अर मेरा भाई। 50मेरो पिता झिका सुरग में है झिको बिंगी इच्छा पर चालै है बा मेरी मां, मेरो भाई अर मेरी भेन है।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved. © WIn Publishing Trust