युहान्ना 11
11
लाजारास सिखॆॽमिम्पा
1लाजारास लोमॆ एक्क याॽमि चुआ। खो टुक्पम्पा लॆटा हाङ् खो चाइ मारियम नुङ् खोम् नाना मारठा रक्न बेठानिया लोमॆ गाँवाँबि पेयुक्सा। खोचि चोब्न बेठानिय लोमॆ गाँवाँबिहा याॽमिचि लॆटामि। 2हाङ् ग मारियामऎन येसुमि लाङ्पि नाम्नुऎ केवा होढिन्टु हाङ् उम् टाङाॽऎ टुःक्पिमिम्पा लॆटु। खोम् नुसा लाजारास चाइ टुक्पम्पा लॆटा। 3मसॆ मारठा नुङ् मारियामऎ गरक्मा खानावाँ येसुबि पाहाङ्साचु “पारभु, आनॆ नाम्नाम् पिस्सिम्पा याॽमि टुक्टिखॆडा।”
4टर येसुऎ आक्क खानावाँ खेमुहाङ् लोसु, “ग टुक्मावा चाइ सिखॆॽमॆ खालॆ हॆॽनॆ, टर निवाँहाङ्मि निङ्लावा लिर कामानुङ्ऎ यो, मसॆ निवाँहाङ्मि पासामि निङ्लावा लिर।” 5येसुऎ मारठा, उम् नुसा मारियम हाङ् लाजारास एट्टान नाम्नाम् पिस्सियुक्सुचि। 6हाङ् लाजारास टुक्मिम्पा खानावाँ खेमुहाङ् सङ्क येसु खो चुऎ ठालब्न हिच्चि डिनाढारि पेना। 7आक्क डॆङ्पि येसुऎ खोम् टिङ्खुबाचि लोसुचि, “लु ह कानि होइखेपा सङ्क याहुडिया खारियॆ।”
8हाङ् टिङ्खुबाचिऎ खो लोसुचि, “चिन्खुबो, याहुडियाबिऎ याॽमिचिऎ एक्क हिच्चि डिना याॽल टे आना लुङ्कॽवॆ डॆःॽमा यगामि। हाङ् माल् होइखेपा सङ्क आना आक्कुबि खॆॽमा काग्नॆ?”
9हाङ् येसुऎ लोसुचि, “माल् डिनाबि एपङ्हि घान्टा लि हॆॽनॆ? लेन्टा वाइटिखुबा याॽमि टःक्सिनि मान्ठाभनॆ आक्कसॆ बाखाटेम्पिऎ ओप्लिङ् टक्चामिम्पा लि। 10टर सेन्टा वाइटिखुबा याॽमि चाइ टःक्सि मान्ठाभनॆ आक्क याॽमि नुङ् ओप्लिङ् लिनि।” 11आक्क डॆङ्पि येसुऎ आक्खाचि लोसुचि, “कानिम् लाङ्काम् लाजारास इम्टिखॆडा। मसॆ काङा खो हुम्पक्सि आक्कुबि खॆङा।”
12हाङ् खोम् टिङ्बाचिऎ लोसुचि, “पारभु खो इम्टिखॆडॆन हाङ्ग आक्क नुबक्।”
13हाङ् येसुऎ चाइ लाजारास सिखॆमिम्पामि खानावाँ इमिम्पा लॆटा टर टिङ्खुबाचिऎ चाइ लाजारास इम्टिखॆॽमिम्पा कामानुङ् मिॽलाउचि। 14मसॆ येसुऎ “लाजारास सिखॆडा” कामानुङ् खानावाँ मायिङ्रे इबिटुचि। 15टर आम्नि निवाँयुङ् डिरिक् लिर कामानुङ् आक्कुबि माखॆॽमिम्पाबि काङा चेन्चाडिङ। ह खो चुब्सि खारियॆ। 16हाङ् ठोमा खो डुडुमास#११:१६ डिडुमास लोमिम्पा चाइ काप्चॆ लोमिम्पा रेम। स लोयुक्सुचि खोसॆ खोम् टिङ्खुबा लाङ्काम्चि लोसुचि, “कानि स येसु नुङ् सोरि खारियॆ हाङ् सिखारियॆ।”
येसुऎ लाजारास सिखॆम्पाबाङ् हिङ्पमिडुवॆ
17हाङ् येसु बेठानियाबि टामार लाजारास येःॽमाबि युङ्मिम्पा रिचि डिना याक्खॆटु लोमॆ खेमु। 18यरुसालेमबाङ्कॆ बेठानिया चाइ एक्क घान्टार लाम्ढुमार टाऎ ठाल लॆटा। 19हाङ् डिरिक् याहुडिचि मारठा नुङ् मारियम उम्चि नुसा माखॆॽमिम्पाबि निवाँ ऎटुगाचॆ कामानुङ् लोसि टामिम्पा लॆटामि। 20हाङ् येसु डाप्मे सि लोमॆ खेमुहाङ् खो चुब्सि मारठा लाम्फुब्न खारा। टर मारियम चाइ खिम्पिॽन पेन्याका। 21हाङ् मारठाऎ येसु लोसु, “पारभु, आना गुबि चुआना ग उङ्नुसा आसिखॆखुबा लॆटा। 22टर हस कॆ लेकुङ्, आनॆ निवाँहाङ् नुङ् माङ् ङागुकुना म खोसॆ पि।”
23हाङ् येसुऎ मारठा लोसु, “आम्नुसा फेरि हिङ्प।”
24हाङ् मारठाऎ खो लोसु, “डॆङ्पिऎ डिनाबि याॽमिचि सिखॆम्पाबाङ् हिङ्पक्मिर होइखेपा सङ्क खो हिङ्प लोमॆ लेकुङ।”
25हाङ् येसुऎ लोसु, “सिखॆम्पाचि हिङ्पक्खुबा हाङ् हिङ्खामा पिक्खुबा काङान। काबि निवाँयुङ् लॆखुबा चाइ सिखॆ हाङ्स आक्क हिङ्प। 26हाङ् आसा चाइ काबि हिङ्चा हाङ् काङा निवाँयुङ् लॆङा, आक्क हानाम्स सिखॆॽनि। माल् आनॆ ग खानावाँ निवाँयुङ् लॆकुनॆ?”
27हाङ् मारठाऎ खो लोसु, “एमो पारभु, आना बाखाबाटेमपि टाखुबा निवाँहाङ्मि पासा खिरिस्ट ना कामानुङ् निवाँयुङ् लॆक्ना।”
28हाङ् आक्र लोसिटुहाङ् मारठा खाइटा हाङ् खुनिङ्म उम् नुसा मारियाम् सेःरुहाङ् लोसु, “चिन्खुबा टाडा, हाङ् खोसॆ आना सेःॽमेपाइ।” 29हाङ् म खानावाँ खेम्मा अक्सि मारियम पःक्लिन्टाहाङ् येसु चुब्सि खारा। 30येसु आक्रलढारि गाँवाँबि मान्भॆन्सिम्पा लॆटा, टर खो मारठाऎ चुप्मिम्पा ठालब्न चुङिसा। 31हाङ् निवाँ आटुगॆ लोसि खोम् खिम्पि डाप्मिम्पा याॽमिचिऎ मरक्लन मारियम पःक्लिन्मानुङ् लङ्पडॆ खाङुचि। हाङ् उम्नुसामि येःॽमाबि हाप्सि खॆडॆरु मिन्मानुङ् खो डॆङ्डॆङ् टिङ्खॆटुचि।
32हाङ् मारियम येसु चुऎ ठालबि टाआ हाङ् येसु खोम् लाङ्पि स्यामिसे लोसु, “पारभु, आना गुबि चुआना ग उङ्नुसा आसिखॆखुबा लॆटा।” 33हाङ् येसुऎ मारियम हाङ् खोनुङ् टाखुबा याहुडिचि सङ्क हाःप्ढाङ्पा खाङुचि। आक्क खाङुहाङ् खो निवाँबि काइर चाइखॆटु। 34हाङ् खोसॆ आक्खाचि सिमुचि, “आन्नॆ लाजारास हाम्पि हुम्डाम्नॆ?” आक्खाचिऎ खो लोसुचि, “पारभु, डाबॆहाङ् खाङॆ।” 35हाङ् येसु स हाःबा। 36हाङ् येसु हाःप्मिम्पा खाङुचिहाङ् याहुडिचि कासामि, “खाङाम्नॆ, खोसॆ आक्क लाजारास ऎॽवा नाम्नाम् पिस्सियुक्सुयॆ!” 37टर ऎॽवाचिऎ चाइ लोसुचि, “गसॆ मिक्सुरुम्पा याॽमि चाइ मिक् खाङ्खुबा मुहिसु, लाजारास चाइ सिखॆॽमाबाङ् आऎॽहिखुबा लॆटॆ?”
38हाङ् होइखेपा सङ्क येसु ऎट्टान चाइखॆटु हाङ् येःॽमाबि खारा। आक्क येःॽमा एक्क ढाणाबि चुआ हाङ् आक्कमि या चाइ एक्क लुङ्कॽवाऎ डॆक्मिम्पा लॆटा। 39येसुऎ लोसु, “डॆक्मिम्पा लुङ्कॽवा लाराक्साम्नॆ।” हाङ् लाजारासमि उम्ना मारठाऎ येसु लोसु, “पारभु, गरक्लढारि ग आक्क नाम्बक्खारा हला, मान्ठाभनॆ खो येःॽमाबि हुम्मिम्पा स आयु रिचि डिना याक्खॆटु।”
40हाङ् येसुऎ लोसु, “माल् कॆ आनॆ निवाँयुङ् लॆटुना हाङ्ग निवाँहाङ्मि निङ्लावा खाङ्टकुना कामानुङ् लोमिम्पा लॆटाना हॆॽनॆ?”
41मसॆ आक्खाचिऎ लुङ्कॽवा लाराङ्सुचि। हाङ् येसुऎ मिट्टु खाङ्ठासे लोसु, “ओ आपा, कॆ आना ओहाक् पिक्खाना मान्ठाभनॆ आनॆ काम् खानावाँ खेम्पिटिङ्ना। 42आनॆ हानाम्स काम् खानावाँ खेम्कुना कामानुङ् कॆ लेकुङ। हाङ्स गुबि चुक्मिहा याॽमिचिऎ आनॆ काङा पाङ्हाङ्पा याॽमिन कामानुङ् वाबुचिर कामानुङ् कॆ आना गरहाङ् यामिटाना।” 43येसु आक्र कासिटाहाङ् खोसॆ ढ्या साम्लाबि लोसु, “ओ लाजारास, बाहिरा आम्पकॆ!” 44हाङ् आक्क सिखॆम्पा लाजारास चेऎ नॆःॽमिम्पा हुक् लाङ् हाङ् चेऎ मोम्मिम्पा ङाचिक् नुङ्न पःक्टाआ। हाङ् येसुऎ आक्खाचि लोसुचि, “आक्कमि चे हेल्लाङ् पिट्टाम्नॆ हाङ् खॆॽमिटाम्नॆ।”
येसु सेॽमॆ खानावाँ
(मट्टि २६:१-५; मारकुस १४:१-२; लुका २२:१-२)
45मसॆ मारियम चुब्सि डाप्मिम्पा डिरिक् याॽमिचिऎ येसुऎ यिक्मिम्पा योम्पक् खाङुचिहाङ् खो सक्पि निवाँयुङ् लॆटामि। 46टर आक्खाचिबाङ् ऎॽवा याॽमिचि चाइ फारिसिचिबि खारामिहाङ् येसुऎ यिक्मिम्पा योम्पक् खेम्मिटुचिमि। 47हाङ् ढ्या याटाङ्पाचि नुङ् फारिसिचि याहुडिचिम् टुङ्घङ्पाचि खोम्ठाम् खिम्पि खोमामिहाङ् गर कासामि, “ह कानिऎ माङ् लॆःॽमॆ? मान्ठाभनॆ आक्क याॽमिऎ ग डिरिक् आक्खॆमाहा योम्पक् यिक्मे पाइकु। 48कानिऎ ग याॽमि गरहाङ्न पाइमिटा हाङ्ग चोब्न याॽमिचिऎ खो सक्पि निवाँयुङ् लॆकुचि हाङ् रोमि याॽमिचि टाक्मिहाङ् कानिम् निवाँहाङ्मि खिम् नुङ् कानि याहुडि हॆॽनिबारेक्चि लाफॆमि।”
49हाङ् आक्खाचि हङ्सिबिऎ एक्क काइयाफा निङ् लॆखुबा याॽमि चुआ। खो चाइ आक्क निङ् ढ्या याटाङ्पा लॆटा। खोसॆ आक्खाचि लोसुचि, “आन्नॆ माङ्स वाबाम्निनि। 50चोब्न याहुडिचि लुक्खॆॽमा भान्डा ग उम्चि लागि एक्क याॽमि सिखॆॽमा नुऎ लि लोमॆ खानावाँ आन्नॆ लेसाम्निनि।” 51हाङ् खोसॆ म खानावाँ उम् टाङ्पाम् निवाँबाङ् मायामुमिम्पा लॆटा, टर खो आक्क निङ्ऎ ढ्या याटाङ्पा लिमिम्पासॆ येसु चाइ चोब्न याहुडिचिम् लागि सिखॆॽमा लॆ कामानुङ् निवाँहाङ् बाङ्न यामुमिम्पा लॆटा। 52हाङ् याहुडिचिम् लागि टेःॽन हॆॽनॆ, टर गिउमिउ फुमिम्पा निवाँहाङ्मि याॽमिचि एक्क ठालबि खोम्से एक्कन मुमाम् लागि येसु सिखॆ लोमिम्पा लॆटा। 53मसॆ आक्क डिनाबाङ् खोचिऎ येसु सेॽमॆ लाम् चोप्पकुचि। 54मसॆ येसु आक्क डिनाबाङ् याहुडिचिम् लुम्पि खाङ्चिङ् खाङ्चिङ् वाइटिॽमा याइटु। टर खो आक्कबाङ् आसास पेन्मिनिहा ठालमि कॆक्पिॽन चुऎ एफाराइम लोमॆ गाँवाँबि खारा हाङ् खोम् टिङ्खुबाचि नुङ् आक्कुबि पेना।
55हाङ् याहुडिचिम् फाक्मा लोमॆ चाडा टामा परम्पा लॆटा। हाङ् म चाडाबाङ् याॽलन टाङ्पा सॆङ्सॆङॆ मुमाम् लागि गॆअङ्मॆअङ्हा ठालबाङ् डिरिक् याहुडिचि यारुसालेम खारामि। 56हाङ् खोचिऎ येसु यक्पकुचि हाङ् निवाँहाङ्मि खिम्पि येप्मार टाङ्पाटाङ्पाबि गरहाङ् कासामि, “आना माङ् मिन्नॆ? माल् खो ग चाडाबि टानिहॆ?” 57मान्ठाभनॆ ढ्या याटाङ्पाचि नुङ् फारिसिचिऎ येसु लाप्मा मिॽमिम्पा लॆटुचि। मसॆ खोचिऎ “आसॆ येसु हाबि चुऎ लोमॆ खानावाँ लेटकु, काङ्का इचिमॆ” कामानुङ् लोमिम्पा लॆटुचि।
Currently Selected:
युहान्ना 11: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
युहान्ना 11
11
लाजारास सिखॆॽमिम्पा
1लाजारास लोमॆ एक्क याॽमि चुआ। खो टुक्पम्पा लॆटा हाङ् खो चाइ मारियम नुङ् खोम् नाना मारठा रक्न बेठानिया लोमॆ गाँवाँबि पेयुक्सा। खोचि चोब्न बेठानिय लोमॆ गाँवाँबिहा याॽमिचि लॆटामि। 2हाङ् ग मारियामऎन येसुमि लाङ्पि नाम्नुऎ केवा होढिन्टु हाङ् उम् टाङाॽऎ टुःक्पिमिम्पा लॆटु। खोम् नुसा लाजारास चाइ टुक्पम्पा लॆटा। 3मसॆ मारठा नुङ् मारियामऎ गरक्मा खानावाँ येसुबि पाहाङ्साचु “पारभु, आनॆ नाम्नाम् पिस्सिम्पा याॽमि टुक्टिखॆडा।”
4टर येसुऎ आक्क खानावाँ खेमुहाङ् लोसु, “ग टुक्मावा चाइ सिखॆॽमॆ खालॆ हॆॽनॆ, टर निवाँहाङ्मि निङ्लावा लिर कामानुङ्ऎ यो, मसॆ निवाँहाङ्मि पासामि निङ्लावा लिर।” 5येसुऎ मारठा, उम् नुसा मारियम हाङ् लाजारास एट्टान नाम्नाम् पिस्सियुक्सुचि। 6हाङ् लाजारास टुक्मिम्पा खानावाँ खेमुहाङ् सङ्क येसु खो चुऎ ठालब्न हिच्चि डिनाढारि पेना। 7आक्क डॆङ्पि येसुऎ खोम् टिङ्खुबाचि लोसुचि, “लु ह कानि होइखेपा सङ्क याहुडिया खारियॆ।”
8हाङ् टिङ्खुबाचिऎ खो लोसुचि, “चिन्खुबो, याहुडियाबिऎ याॽमिचिऎ एक्क हिच्चि डिना याॽल टे आना लुङ्कॽवॆ डॆःॽमा यगामि। हाङ् माल् होइखेपा सङ्क आना आक्कुबि खॆॽमा काग्नॆ?”
9हाङ् येसुऎ लोसुचि, “माल् डिनाबि एपङ्हि घान्टा लि हॆॽनॆ? लेन्टा वाइटिखुबा याॽमि टःक्सिनि मान्ठाभनॆ आक्कसॆ बाखाटेम्पिऎ ओप्लिङ् टक्चामिम्पा लि। 10टर सेन्टा वाइटिखुबा याॽमि चाइ टःक्सि मान्ठाभनॆ आक्क याॽमि नुङ् ओप्लिङ् लिनि।” 11आक्क डॆङ्पि येसुऎ आक्खाचि लोसुचि, “कानिम् लाङ्काम् लाजारास इम्टिखॆडा। मसॆ काङा खो हुम्पक्सि आक्कुबि खॆङा।”
12हाङ् खोम् टिङ्बाचिऎ लोसुचि, “पारभु खो इम्टिखॆडॆन हाङ्ग आक्क नुबक्।”
13हाङ् येसुऎ चाइ लाजारास सिखॆमिम्पामि खानावाँ इमिम्पा लॆटा टर टिङ्खुबाचिऎ चाइ लाजारास इम्टिखॆॽमिम्पा कामानुङ् मिॽलाउचि। 14मसॆ येसुऎ “लाजारास सिखॆडा” कामानुङ् खानावाँ मायिङ्रे इबिटुचि। 15टर आम्नि निवाँयुङ् डिरिक् लिर कामानुङ् आक्कुबि माखॆॽमिम्पाबि काङा चेन्चाडिङ। ह खो चुब्सि खारियॆ। 16हाङ् ठोमा खो डुडुमास#११:१६ डिडुमास लोमिम्पा चाइ काप्चॆ लोमिम्पा रेम। स लोयुक्सुचि खोसॆ खोम् टिङ्खुबा लाङ्काम्चि लोसुचि, “कानि स येसु नुङ् सोरि खारियॆ हाङ् सिखारियॆ।”
येसुऎ लाजारास सिखॆम्पाबाङ् हिङ्पमिडुवॆ
17हाङ् येसु बेठानियाबि टामार लाजारास येःॽमाबि युङ्मिम्पा रिचि डिना याक्खॆटु लोमॆ खेमु। 18यरुसालेमबाङ्कॆ बेठानिया चाइ एक्क घान्टार लाम्ढुमार टाऎ ठाल लॆटा। 19हाङ् डिरिक् याहुडिचि मारठा नुङ् मारियम उम्चि नुसा माखॆॽमिम्पाबि निवाँ ऎटुगाचॆ कामानुङ् लोसि टामिम्पा लॆटामि। 20हाङ् येसु डाप्मे सि लोमॆ खेमुहाङ् खो चुब्सि मारठा लाम्फुब्न खारा। टर मारियम चाइ खिम्पिॽन पेन्याका। 21हाङ् मारठाऎ येसु लोसु, “पारभु, आना गुबि चुआना ग उङ्नुसा आसिखॆखुबा लॆटा। 22टर हस कॆ लेकुङ्, आनॆ निवाँहाङ् नुङ् माङ् ङागुकुना म खोसॆ पि।”
23हाङ् येसुऎ मारठा लोसु, “आम्नुसा फेरि हिङ्प।”
24हाङ् मारठाऎ खो लोसु, “डॆङ्पिऎ डिनाबि याॽमिचि सिखॆम्पाबाङ् हिङ्पक्मिर होइखेपा सङ्क खो हिङ्प लोमॆ लेकुङ।”
25हाङ् येसुऎ लोसु, “सिखॆम्पाचि हिङ्पक्खुबा हाङ् हिङ्खामा पिक्खुबा काङान। काबि निवाँयुङ् लॆखुबा चाइ सिखॆ हाङ्स आक्क हिङ्प। 26हाङ् आसा चाइ काबि हिङ्चा हाङ् काङा निवाँयुङ् लॆङा, आक्क हानाम्स सिखॆॽनि। माल् आनॆ ग खानावाँ निवाँयुङ् लॆकुनॆ?”
27हाङ् मारठाऎ खो लोसु, “एमो पारभु, आना बाखाबाटेमपि टाखुबा निवाँहाङ्मि पासा खिरिस्ट ना कामानुङ् निवाँयुङ् लॆक्ना।”
28हाङ् आक्र लोसिटुहाङ् मारठा खाइटा हाङ् खुनिङ्म उम् नुसा मारियाम् सेःरुहाङ् लोसु, “चिन्खुबा टाडा, हाङ् खोसॆ आना सेःॽमेपाइ।” 29हाङ् म खानावाँ खेम्मा अक्सि मारियम पःक्लिन्टाहाङ् येसु चुब्सि खारा। 30येसु आक्रलढारि गाँवाँबि मान्भॆन्सिम्पा लॆटा, टर खो मारठाऎ चुप्मिम्पा ठालब्न चुङिसा। 31हाङ् निवाँ आटुगॆ लोसि खोम् खिम्पि डाप्मिम्पा याॽमिचिऎ मरक्लन मारियम पःक्लिन्मानुङ् लङ्पडॆ खाङुचि। हाङ् उम्नुसामि येःॽमाबि हाप्सि खॆडॆरु मिन्मानुङ् खो डॆङ्डॆङ् टिङ्खॆटुचि।
32हाङ् मारियम येसु चुऎ ठालबि टाआ हाङ् येसु खोम् लाङ्पि स्यामिसे लोसु, “पारभु, आना गुबि चुआना ग उङ्नुसा आसिखॆखुबा लॆटा।” 33हाङ् येसुऎ मारियम हाङ् खोनुङ् टाखुबा याहुडिचि सङ्क हाःप्ढाङ्पा खाङुचि। आक्क खाङुहाङ् खो निवाँबि काइर चाइखॆटु। 34हाङ् खोसॆ आक्खाचि सिमुचि, “आन्नॆ लाजारास हाम्पि हुम्डाम्नॆ?” आक्खाचिऎ खो लोसुचि, “पारभु, डाबॆहाङ् खाङॆ।” 35हाङ् येसु स हाःबा। 36हाङ् येसु हाःप्मिम्पा खाङुचिहाङ् याहुडिचि कासामि, “खाङाम्नॆ, खोसॆ आक्क लाजारास ऎॽवा नाम्नाम् पिस्सियुक्सुयॆ!” 37टर ऎॽवाचिऎ चाइ लोसुचि, “गसॆ मिक्सुरुम्पा याॽमि चाइ मिक् खाङ्खुबा मुहिसु, लाजारास चाइ सिखॆॽमाबाङ् आऎॽहिखुबा लॆटॆ?”
38हाङ् होइखेपा सङ्क येसु ऎट्टान चाइखॆटु हाङ् येःॽमाबि खारा। आक्क येःॽमा एक्क ढाणाबि चुआ हाङ् आक्कमि या चाइ एक्क लुङ्कॽवाऎ डॆक्मिम्पा लॆटा। 39येसुऎ लोसु, “डॆक्मिम्पा लुङ्कॽवा लाराक्साम्नॆ।” हाङ् लाजारासमि उम्ना मारठाऎ येसु लोसु, “पारभु, गरक्लढारि ग आक्क नाम्बक्खारा हला, मान्ठाभनॆ खो येःॽमाबि हुम्मिम्पा स आयु रिचि डिना याक्खॆटु।”
40हाङ् येसुऎ लोसु, “माल् कॆ आनॆ निवाँयुङ् लॆटुना हाङ्ग निवाँहाङ्मि निङ्लावा खाङ्टकुना कामानुङ् लोमिम्पा लॆटाना हॆॽनॆ?”
41मसॆ आक्खाचिऎ लुङ्कॽवा लाराङ्सुचि। हाङ् येसुऎ मिट्टु खाङ्ठासे लोसु, “ओ आपा, कॆ आना ओहाक् पिक्खाना मान्ठाभनॆ आनॆ काम् खानावाँ खेम्पिटिङ्ना। 42आनॆ हानाम्स काम् खानावाँ खेम्कुना कामानुङ् कॆ लेकुङ। हाङ्स गुबि चुक्मिहा याॽमिचिऎ आनॆ काङा पाङ्हाङ्पा याॽमिन कामानुङ् वाबुचिर कामानुङ् कॆ आना गरहाङ् यामिटाना।” 43येसु आक्र कासिटाहाङ् खोसॆ ढ्या साम्लाबि लोसु, “ओ लाजारास, बाहिरा आम्पकॆ!” 44हाङ् आक्क सिखॆम्पा लाजारास चेऎ नॆःॽमिम्पा हुक् लाङ् हाङ् चेऎ मोम्मिम्पा ङाचिक् नुङ्न पःक्टाआ। हाङ् येसुऎ आक्खाचि लोसुचि, “आक्कमि चे हेल्लाङ् पिट्टाम्नॆ हाङ् खॆॽमिटाम्नॆ।”
येसु सेॽमॆ खानावाँ
(मट्टि २६:१-५; मारकुस १४:१-२; लुका २२:१-२)
45मसॆ मारियम चुब्सि डाप्मिम्पा डिरिक् याॽमिचिऎ येसुऎ यिक्मिम्पा योम्पक् खाङुचिहाङ् खो सक्पि निवाँयुङ् लॆटामि। 46टर आक्खाचिबाङ् ऎॽवा याॽमिचि चाइ फारिसिचिबि खारामिहाङ् येसुऎ यिक्मिम्पा योम्पक् खेम्मिटुचिमि। 47हाङ् ढ्या याटाङ्पाचि नुङ् फारिसिचि याहुडिचिम् टुङ्घङ्पाचि खोम्ठाम् खिम्पि खोमामिहाङ् गर कासामि, “ह कानिऎ माङ् लॆःॽमॆ? मान्ठाभनॆ आक्क याॽमिऎ ग डिरिक् आक्खॆमाहा योम्पक् यिक्मे पाइकु। 48कानिऎ ग याॽमि गरहाङ्न पाइमिटा हाङ्ग चोब्न याॽमिचिऎ खो सक्पि निवाँयुङ् लॆकुचि हाङ् रोमि याॽमिचि टाक्मिहाङ् कानिम् निवाँहाङ्मि खिम् नुङ् कानि याहुडि हॆॽनिबारेक्चि लाफॆमि।”
49हाङ् आक्खाचि हङ्सिबिऎ एक्क काइयाफा निङ् लॆखुबा याॽमि चुआ। खो चाइ आक्क निङ् ढ्या याटाङ्पा लॆटा। खोसॆ आक्खाचि लोसुचि, “आन्नॆ माङ्स वाबाम्निनि। 50चोब्न याहुडिचि लुक्खॆॽमा भान्डा ग उम्चि लागि एक्क याॽमि सिखॆॽमा नुऎ लि लोमॆ खानावाँ आन्नॆ लेसाम्निनि।” 51हाङ् खोसॆ म खानावाँ उम् टाङ्पाम् निवाँबाङ् मायामुमिम्पा लॆटा, टर खो आक्क निङ्ऎ ढ्या याटाङ्पा लिमिम्पासॆ येसु चाइ चोब्न याहुडिचिम् लागि सिखॆॽमा लॆ कामानुङ् निवाँहाङ् बाङ्न यामुमिम्पा लॆटा। 52हाङ् याहुडिचिम् लागि टेःॽन हॆॽनॆ, टर गिउमिउ फुमिम्पा निवाँहाङ्मि याॽमिचि एक्क ठालबि खोम्से एक्कन मुमाम् लागि येसु सिखॆ लोमिम्पा लॆटा। 53मसॆ आक्क डिनाबाङ् खोचिऎ येसु सेॽमॆ लाम् चोप्पकुचि। 54मसॆ येसु आक्क डिनाबाङ् याहुडिचिम् लुम्पि खाङ्चिङ् खाङ्चिङ् वाइटिॽमा याइटु। टर खो आक्कबाङ् आसास पेन्मिनिहा ठालमि कॆक्पिॽन चुऎ एफाराइम लोमॆ गाँवाँबि खारा हाङ् खोम् टिङ्खुबाचि नुङ् आक्कुबि पेना।
55हाङ् याहुडिचिम् फाक्मा लोमॆ चाडा टामा परम्पा लॆटा। हाङ् म चाडाबाङ् याॽलन टाङ्पा सॆङ्सॆङॆ मुमाम् लागि गॆअङ्मॆअङ्हा ठालबाङ् डिरिक् याहुडिचि यारुसालेम खारामि। 56हाङ् खोचिऎ येसु यक्पकुचि हाङ् निवाँहाङ्मि खिम्पि येप्मार टाङ्पाटाङ्पाबि गरहाङ् कासामि, “आना माङ् मिन्नॆ? माल् खो ग चाडाबि टानिहॆ?” 57मान्ठाभनॆ ढ्या याटाङ्पाचि नुङ् फारिसिचिऎ येसु लाप्मा मिॽमिम्पा लॆटुचि। मसॆ खोचिऎ “आसॆ येसु हाबि चुऎ लोमॆ खानावाँ लेटकु, काङ्का इचिमॆ” कामानुङ् लोमिम्पा लॆटुचि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society