मट्टि 8
8
साखक्मि टुक्खा नुबक्मिम्पा
(मारकुस १:४०-४५; लुका ५:१२-१६)
1येसु पङ्पङ्माबाङ् युढिन्टा हाङ् डिरिक् याॽमिचिऎ खो टिङुचि। 2आक्रलन साखक्मि टुक्मावाऎ लाप्मिम्पा एक्क याॽमि टाआहाङ् येसुमि लाङ्पि स्यामिसे लोसु, “चिन्खुबो, आनॆ निवाँ टिसुना हाङ्ग काङा नुबक्मिक्हिङाना।” 3हाङ् येसुऎ टाङ्पाम् हुक् आक्क याॽमि सक्पि युङ्से लोसु, “काङा मिनुॽङा। आना नुबक्खारॆ!” मरक्लन आक्क साखक्मि टुक्मावाऎ लाब्मिम्पा याॽमि नुबक्खारा। 4येसुऎ आक्क लोसु, “खेमॆ, ग खानावाँ आसास आइटॆ, टर याटाङ्पाबि खारॆहाङ् टाङ्पा खाङ्मिटॆ हाङ् मोसाऎ लोसिन्ट सङ्टिबिॽमानुङ् टाङ्पा नुबक्मिम्पा खानावाँ चोब्न याॽमिचि चुमॆक्सङ् पिट्टॆ।”#८:४ आक्रल याहुडि चालाना रक्न साखक्मि टुक्खा याॽमि चाइ होइढा याॽमिचि नुङ् सोरि पेन्मा मापिॽयुक्सुचि। खो गाँवाँबाङ् बाहिरा पेन्युक्सा याटाङ्पाऎ टेःॽन खो खाङ्युक्सु हाङ् आना नुबकाना कामानुङ् लोहियुक्सु। टर आक्क याॽमि होइढा याॽमिचि नुङ् पेन्माबाङ् याॽल लेबि १४:२-३२ पदबि लोमिम्पा रक्न सङ्टिॽमॆ चालाना चुआ।
रोमि काप्टानमि योम्पक् मुखुबा नुबक्मिम्पा
(लुका ७:१-१०)
5येसु काफारनुहुमपि टामार एक्क रोमि काप्टान खोबि टाआहाङ् येसु गर कामानुङ् नुःर लोसु, 6“चिन्खुबो, काम् योम्पक् मुखुबामि लाङ् हुक् टानि हाङ् खो ढ्या डुखाबि चु। खो खिम्पि इम्ढॆडा।” 7येसुऎ आक्क लोसु, “काङा टाःॽङा हाङ् आक्क नुबक्मिकुङ।” 8टर काप्टानऎ लोसु, “चिन्खुबो, काङा रक्मा मिःछुॽमा याॽमिऎ आना काम् खिम्पि लाखॆॽमा खॆन्चाउनि। मसॆ याटेयामुबिॽङॆ आक्क नुबखॆ। 9मान्ठाभनॆ काङा सङ्क याॽमिमि ढुप्पाट्ट खुक्माबि चुःॽङा हाङ् काङाम् ढुप्पाट्ट खुक्माबि सङ्क टिलिङ्गाचि चुक्मि। एक्क कॆ ‘खारॆ’ लोकुङ्, आक्क खॆ हाङ् होइक ‘डाबॆ’ लोकुङ् आक्क डाबुक्। हाङ् काम् योम्पक् मुखुबा ‘गर लॆटॆ’ लोकुङ् आक्कसॆ म योम्पक् यिगुकु।”
10ग खानावाँ येसुऎ खेमुहाङ् आक्टिखारा हाङ् खो टिङ्खुबा याॽमिचि लोसुचि, “चाइबान कॆ आन्ना लोकानि, गरक्मा ढ्या निवाँयुङ् लॆखुबा याॽमि कॆ इस्राएलिचिम् लुम्पि स माखाङ्टिॽङा। 11कॆ आन्ना लोकानि, होइढा हॆॽनि बारेक् ओइर याॽमिचि नाम्कॆॽवा नुङ् नाम्डाॽवा पोट्टाबाङ् डाबुक्मि हाङ् पारुबिऎ हाङ्डाम्पि आबाराहाम, इसाहाक हाङ् याकुब नुङ् भोजा चासि टाङ्पाम् ठालबि पेनुक्मि। 12टर निवाँहाङ्मि हाङ्डाम्पि लिमा लॆःॽमिहा इस्राएलिचि चाइ बाहिरा माॽयाक्टबि कहाङ् हाङ् आक्कुबि खोचि हाःबुक्मि हाङ् कॆङ् यिगुक्मि।”
13हाङ् येसुऎ आक्क काप्टान लोसु, “खारॆ, आनॆ मान्टक्मा निवाँयुङ् लॆडुना, मरक्न लिबॽल।” आक्रलन उम् योम्पक् मुखुबा नुबक्खारा।
येसुऎ ओइर याॽमिचि नुबक्मिॽमिम्पा
(मारकुस १:२९-३४; लुका ४:३८-४१)
14येसु पाट्रुसमि खिम्पि खारा हाङ् खोसॆ आक्कुबि पाट्रुसमि नाम्मा एट्टान डॆःटॆकुवॆसॆ इम्ढिङ्खॆम्पा खाङु। 15येसुऎ आक्कमि हुक् डिन्चाउ हाङ् खो डॆःटॆमा याइटु हाङ् पगा हाङ् येसुमि लागि चामा डुङ्मा मुपकु।
16नाम् किक्खारा हाङ् याॽमिचिऎ खारिॽमाङ्ऎ टुम्सिम्पा ओइर याॽमिचि येसुबि लाटॆटुचि। हाङ् येसुऎ खारिॽमाङ्चि वोसुचिहाङ् लाबकुचि हाङ् चोब्न टुक्खाचि नुबक्मिट्टुचि। 17निवाँहाङ्मि खानावाँ लोखुबा यासाइया लोमॆ याॽमिऎ गरहाङ् इमिम्पा खानावाँ टङ्माम् लागि ग लिमिम्पा रेम,
“खोसॆ कानि नुःबक्मिट्टि
हाङ् कानिम् टुक्मावा खोसॆ लासु।”#यासाइया ५३:४
टिङ्खुबाऎ आङ्मा लॆऎ डुखा
(लुका ९:५७-६२)
18येसुऎ खोम् कॆक्पि ऎॽवा ह ऎॽवा याॽमिचि खाङुचि हाङ् खोसॆ टिङ्खुबाचि लु कानि टोम्पॽलिॽवामि मॆआरॆङ् खारियॆ लोसुचि। 19हाङ् मोसामि यायेॽमा चिन्खुबा एक्क याॽमि आक्कुबि टाआहाङ् येसु लोसु, “चिन्खुबो, कॆ आना हाबि खॆःॽना हाङ्स टिङ्खाना।” 20येसुऎ आक्क लोसु, “ठाॽनाम् हुॽवाचिम् पेन्ठाम् ढाणा हाङ् सवाँचिम् हाब्बाङ् चु, टर याॽमिमि पासाम् ग निङ्टवाँ युङ्ठाम् ठाल स माआ।”
21हाङ् होइक खोम् टिङ्खुबाऎ लोसु, “चिन्खुबो, याॽल काङा काम् आपामि सिच्चि हुम्सि खॆॽमा पिॽङॆ।” 22येसुऎ आक्क लोसु, “सिखॆम्पाचिऎ उम्चि सिच्चि हुमुचिर, आनॆ चाइ काङा टिङ्ङॆ।”
येसुऎ ढ्या हिॽयापा नुबक्मिम्पा
(मारकुस ४:३५-४१; लुका ८:२२-२५)
23हाङ् येसु सिङ्खङ्पि भॆना हाङ् टिङ्खुबाचिऎ खो टिङुचि। 24हाङ् मरक्लन आक्कुबि किॽमालुऎ ढ्या हिॽयापा लुबका। मसॆ योवॆ सिङ्खङ् न टेबक्मा परकु, टर येसु चाइ मॆक्मॆक् इम्चाढाङ्पा लॆटा। 25हाङ् टिङ्खुबाचि येसुबि खॆस्से गर कासे हुम्पकुचि, “चिन्खुबो, काङ्का हिङ्पक्मिच्चिमॆ, काङ्का ग रुम्सिखॆॽमा ठाबाकिङ्का!” 26हाङ् येसुऎ आक्खाचि लोसुचि, “आन्नामि निवाँयुङ् खोइ हाङ् मान्ठा किसिकानिहा?” हाङ् येसु पःग्लिन्टा हाङ् म ढ्या हिॽयापा हाङ् योवा वोसु। हाङ् मरक्लन चोब्न नुखारा। 27हाङ् खोचि फोफो आक्टिखॆस्से गर कासामि, “ग मान्टक्मा याॽमिर, खोम् खानावाँ हिॽयापा हाङ् योवॆ सङ्क खेमुकु!”
खारिॽमाङ् टुम्सिम्पा हिॽपा याॽमि येसुऎ नुबक्मिॽमिम्पा
(मारकुस ५:१-२०; लुका ८:२६-३९)
28येसु टोम्पलिॽवा मॆआरॆङ्ऎ गेरासेन लोमॆ ठालबि टाआ। हाङ् खारिॽमाङ् टुम्सिमिम्पा हिप्पा याॽमिचि येःॽमाबाङ् टामे पाइटाचिर येसु चुबाचु। खोचि हिप्पा गर किॽमालुऎ लॆटाचि, आसास आक्क लाम्फुबाङ् किसिमाऎ मालाम्ढुयुक्सामि। 29हाङ् खोचि हिप्पा गर कामानुङ् याकाबकाचि, “ओ, निवाँहाङ्मि पासा, आना काङ्का माल् लॆसि टाडानॆ? माल् लोमिम्पा लबाङ् याॽलन काङ्का डुखा पिस्सि टाडानॆ?”
30खोचिबाङ् मिःक्म मॆअङ् एक्क बाक्चिम हुला नोचामे सिसामि। 31हाङ् आक्खा खारिॽमाङ्चिऎ येसु नुःर लोसाचु, “चाइबान आनॆ काङ्का लाबक्हाङचिम् हाङ्ग, आक्खा बाक्चि हङ्सि भेन्मा पिच्चिमॆ।” 32हाङ् येसुऎ “खारानॆ” लोसुचि। हाङ् आक्खा हिप्पा याॽमिचिबाङ् खारिॽमाङ्चि आम्पकामिहाङ् बाक्चि हङ्सि भॆनामि। हाङ् चोब्न बाक्चि हिरिरि पिन्से युम्फे खारामिहाङ् टम्पलिॽवाबि टाप्सिखारामि।
33बाक् कुखुबाचि चाइ हाटाबि पिल्लाहाराचि हाङ् म लिमिम्पा चोब्न खानावाँ नुङ् खारिॽमाङ् टुम्सिम्पा आक्खा हिप्पा याॽमिचि माङ् लिसाचिहा लोमॆ खानावाँ इसाचु। 34हाङ् हाटाबिहा चोब्न याॽमिचि येसु चुब्सि टाआमि। खोचिऎ खो खाङ्टकुचि हाङ् काङ्काम् ठालबाङ् खाइहाङ् पिच्चिमॆ कामानुङ् काम्नुःर लोसुचि।
Currently Selected:
मट्टि 8: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
मट्टि 8
8
साखक्मि टुक्खा नुबक्मिम्पा
(मारकुस १:४०-४५; लुका ५:१२-१६)
1येसु पङ्पङ्माबाङ् युढिन्टा हाङ् डिरिक् याॽमिचिऎ खो टिङुचि। 2आक्रलन साखक्मि टुक्मावाऎ लाप्मिम्पा एक्क याॽमि टाआहाङ् येसुमि लाङ्पि स्यामिसे लोसु, “चिन्खुबो, आनॆ निवाँ टिसुना हाङ्ग काङा नुबक्मिक्हिङाना।” 3हाङ् येसुऎ टाङ्पाम् हुक् आक्क याॽमि सक्पि युङ्से लोसु, “काङा मिनुॽङा। आना नुबक्खारॆ!” मरक्लन आक्क साखक्मि टुक्मावाऎ लाब्मिम्पा याॽमि नुबक्खारा। 4येसुऎ आक्क लोसु, “खेमॆ, ग खानावाँ आसास आइटॆ, टर याटाङ्पाबि खारॆहाङ् टाङ्पा खाङ्मिटॆ हाङ् मोसाऎ लोसिन्ट सङ्टिबिॽमानुङ् टाङ्पा नुबक्मिम्पा खानावाँ चोब्न याॽमिचि चुमॆक्सङ् पिट्टॆ।”#८:४ आक्रल याहुडि चालाना रक्न साखक्मि टुक्खा याॽमि चाइ होइढा याॽमिचि नुङ् सोरि पेन्मा मापिॽयुक्सुचि। खो गाँवाँबाङ् बाहिरा पेन्युक्सा याटाङ्पाऎ टेःॽन खो खाङ्युक्सु हाङ् आना नुबकाना कामानुङ् लोहियुक्सु। टर आक्क याॽमि होइढा याॽमिचि नुङ् पेन्माबाङ् याॽल लेबि १४:२-३२ पदबि लोमिम्पा रक्न सङ्टिॽमॆ चालाना चुआ।
रोमि काप्टानमि योम्पक् मुखुबा नुबक्मिम्पा
(लुका ७:१-१०)
5येसु काफारनुहुमपि टामार एक्क रोमि काप्टान खोबि टाआहाङ् येसु गर कामानुङ् नुःर लोसु, 6“चिन्खुबो, काम् योम्पक् मुखुबामि लाङ् हुक् टानि हाङ् खो ढ्या डुखाबि चु। खो खिम्पि इम्ढॆडा।” 7येसुऎ आक्क लोसु, “काङा टाःॽङा हाङ् आक्क नुबक्मिकुङ।” 8टर काप्टानऎ लोसु, “चिन्खुबो, काङा रक्मा मिःछुॽमा याॽमिऎ आना काम् खिम्पि लाखॆॽमा खॆन्चाउनि। मसॆ याटेयामुबिॽङॆ आक्क नुबखॆ। 9मान्ठाभनॆ काङा सङ्क याॽमिमि ढुप्पाट्ट खुक्माबि चुःॽङा हाङ् काङाम् ढुप्पाट्ट खुक्माबि सङ्क टिलिङ्गाचि चुक्मि। एक्क कॆ ‘खारॆ’ लोकुङ्, आक्क खॆ हाङ् होइक ‘डाबॆ’ लोकुङ् आक्क डाबुक्। हाङ् काम् योम्पक् मुखुबा ‘गर लॆटॆ’ लोकुङ् आक्कसॆ म योम्पक् यिगुकु।”
10ग खानावाँ येसुऎ खेमुहाङ् आक्टिखारा हाङ् खो टिङ्खुबा याॽमिचि लोसुचि, “चाइबान कॆ आन्ना लोकानि, गरक्मा ढ्या निवाँयुङ् लॆखुबा याॽमि कॆ इस्राएलिचिम् लुम्पि स माखाङ्टिॽङा। 11कॆ आन्ना लोकानि, होइढा हॆॽनि बारेक् ओइर याॽमिचि नाम्कॆॽवा नुङ् नाम्डाॽवा पोट्टाबाङ् डाबुक्मि हाङ् पारुबिऎ हाङ्डाम्पि आबाराहाम, इसाहाक हाङ् याकुब नुङ् भोजा चासि टाङ्पाम् ठालबि पेनुक्मि। 12टर निवाँहाङ्मि हाङ्डाम्पि लिमा लॆःॽमिहा इस्राएलिचि चाइ बाहिरा माॽयाक्टबि कहाङ् हाङ् आक्कुबि खोचि हाःबुक्मि हाङ् कॆङ् यिगुक्मि।”
13हाङ् येसुऎ आक्क काप्टान लोसु, “खारॆ, आनॆ मान्टक्मा निवाँयुङ् लॆडुना, मरक्न लिबॽल।” आक्रलन उम् योम्पक् मुखुबा नुबक्खारा।
येसुऎ ओइर याॽमिचि नुबक्मिॽमिम्पा
(मारकुस १:२९-३४; लुका ४:३८-४१)
14येसु पाट्रुसमि खिम्पि खारा हाङ् खोसॆ आक्कुबि पाट्रुसमि नाम्मा एट्टान डॆःटॆकुवॆसॆ इम्ढिङ्खॆम्पा खाङु। 15येसुऎ आक्कमि हुक् डिन्चाउ हाङ् खो डॆःटॆमा याइटु हाङ् पगा हाङ् येसुमि लागि चामा डुङ्मा मुपकु।
16नाम् किक्खारा हाङ् याॽमिचिऎ खारिॽमाङ्ऎ टुम्सिम्पा ओइर याॽमिचि येसुबि लाटॆटुचि। हाङ् येसुऎ खारिॽमाङ्चि वोसुचिहाङ् लाबकुचि हाङ् चोब्न टुक्खाचि नुबक्मिट्टुचि। 17निवाँहाङ्मि खानावाँ लोखुबा यासाइया लोमॆ याॽमिऎ गरहाङ् इमिम्पा खानावाँ टङ्माम् लागि ग लिमिम्पा रेम,
“खोसॆ कानि नुःबक्मिट्टि
हाङ् कानिम् टुक्मावा खोसॆ लासु।”#यासाइया ५३:४
टिङ्खुबाऎ आङ्मा लॆऎ डुखा
(लुका ९:५७-६२)
18येसुऎ खोम् कॆक्पि ऎॽवा ह ऎॽवा याॽमिचि खाङुचि हाङ् खोसॆ टिङ्खुबाचि लु कानि टोम्पॽलिॽवामि मॆआरॆङ् खारियॆ लोसुचि। 19हाङ् मोसामि यायेॽमा चिन्खुबा एक्क याॽमि आक्कुबि टाआहाङ् येसु लोसु, “चिन्खुबो, कॆ आना हाबि खॆःॽना हाङ्स टिङ्खाना।” 20येसुऎ आक्क लोसु, “ठाॽनाम् हुॽवाचिम् पेन्ठाम् ढाणा हाङ् सवाँचिम् हाब्बाङ् चु, टर याॽमिमि पासाम् ग निङ्टवाँ युङ्ठाम् ठाल स माआ।”
21हाङ् होइक खोम् टिङ्खुबाऎ लोसु, “चिन्खुबो, याॽल काङा काम् आपामि सिच्चि हुम्सि खॆॽमा पिॽङॆ।” 22येसुऎ आक्क लोसु, “सिखॆम्पाचिऎ उम्चि सिच्चि हुमुचिर, आनॆ चाइ काङा टिङ्ङॆ।”
येसुऎ ढ्या हिॽयापा नुबक्मिम्पा
(मारकुस ४:३५-४१; लुका ८:२२-२५)
23हाङ् येसु सिङ्खङ्पि भॆना हाङ् टिङ्खुबाचिऎ खो टिङुचि। 24हाङ् मरक्लन आक्कुबि किॽमालुऎ ढ्या हिॽयापा लुबका। मसॆ योवॆ सिङ्खङ् न टेबक्मा परकु, टर येसु चाइ मॆक्मॆक् इम्चाढाङ्पा लॆटा। 25हाङ् टिङ्खुबाचि येसुबि खॆस्से गर कासे हुम्पकुचि, “चिन्खुबो, काङ्का हिङ्पक्मिच्चिमॆ, काङ्का ग रुम्सिखॆॽमा ठाबाकिङ्का!” 26हाङ् येसुऎ आक्खाचि लोसुचि, “आन्नामि निवाँयुङ् खोइ हाङ् मान्ठा किसिकानिहा?” हाङ् येसु पःग्लिन्टा हाङ् म ढ्या हिॽयापा हाङ् योवा वोसु। हाङ् मरक्लन चोब्न नुखारा। 27हाङ् खोचि फोफो आक्टिखॆस्से गर कासामि, “ग मान्टक्मा याॽमिर, खोम् खानावाँ हिॽयापा हाङ् योवॆ सङ्क खेमुकु!”
खारिॽमाङ् टुम्सिम्पा हिॽपा याॽमि येसुऎ नुबक्मिॽमिम्पा
(मारकुस ५:१-२०; लुका ८:२६-३९)
28येसु टोम्पलिॽवा मॆआरॆङ्ऎ गेरासेन लोमॆ ठालबि टाआ। हाङ् खारिॽमाङ् टुम्सिमिम्पा हिप्पा याॽमिचि येःॽमाबाङ् टामे पाइटाचिर येसु चुबाचु। खोचि हिप्पा गर किॽमालुऎ लॆटाचि, आसास आक्क लाम्फुबाङ् किसिमाऎ मालाम्ढुयुक्सामि। 29हाङ् खोचि हिप्पा गर कामानुङ् याकाबकाचि, “ओ, निवाँहाङ्मि पासा, आना काङ्का माल् लॆसि टाडानॆ? माल् लोमिम्पा लबाङ् याॽलन काङ्का डुखा पिस्सि टाडानॆ?”
30खोचिबाङ् मिःक्म मॆअङ् एक्क बाक्चिम हुला नोचामे सिसामि। 31हाङ् आक्खा खारिॽमाङ्चिऎ येसु नुःर लोसाचु, “चाइबान आनॆ काङ्का लाबक्हाङचिम् हाङ्ग, आक्खा बाक्चि हङ्सि भेन्मा पिच्चिमॆ।” 32हाङ् येसुऎ “खारानॆ” लोसुचि। हाङ् आक्खा हिप्पा याॽमिचिबाङ् खारिॽमाङ्चि आम्पकामिहाङ् बाक्चि हङ्सि भॆनामि। हाङ् चोब्न बाक्चि हिरिरि पिन्से युम्फे खारामिहाङ् टम्पलिॽवाबि टाप्सिखारामि।
33बाक् कुखुबाचि चाइ हाटाबि पिल्लाहाराचि हाङ् म लिमिम्पा चोब्न खानावाँ नुङ् खारिॽमाङ् टुम्सिम्पा आक्खा हिप्पा याॽमिचि माङ् लिसाचिहा लोमॆ खानावाँ इसाचु। 34हाङ् हाटाबिहा चोब्न याॽमिचि येसु चुब्सि टाआमि। खोचिऎ खो खाङ्टकुचि हाङ् काङ्काम् ठालबाङ् खाइहाङ् पिच्चिमॆ कामानुङ् काम्नुःर लोसुचि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society