प्रतिनिधि 6
6
सत सेवक नियुक्त करण
1तेन्हि दिनि, जपल विश्वासी सुआ बधण लगे, तपल यूनानी भाषा बोलुणे बाड़े यहूदी विश्वासी, इब्रानी भाषा बोलुणे बाड़े यहूदी विश्वासी के खिलाफ धूरा दिता कि “रोजे लंगर#प्रतिनिधि 4:35 अन्तर तुस हें विधवा जिल्हाणु सुसुर खाण जे ना देन्ते।” 2तोउं तेन्हि बाराह प्रतिनिधि सोब विश्वासी भिए त बोलु, “ए ट्यारेओ, ईं ठीक नेईं कि अस परमेश्वरे वचन शुणाण छड़ दी कइ मेह्णु धराण बिशियेल। 3तोउं त, तुस अपफ अन्तरा ईं सत खरे मड़द चुणे, जे शुची आत्माई बेलि त ज्ञान बुद्धि जोई भरिए भोल, ताकि से एस कमे जिम्मा नी बटियेल। 4पर अस प्रार्थना दुआ करण त वचन शिचालणे अन्तर अपु पूरा मन त ध्यान देन्ते।” 5ए बोक सोबी खरी लगी। तोउं तेन्हि स्तफनुस, फिलिप्पुस#6:5 ए फिलिप्पुस यीशु मसीहे बाराह चेली बिचा यक नेओथ। ए होरा असा।, प्रुखुरुस, नीकानोर, तीमोन, परमिनास त निकोलास चुणे। स्तफनुस विश्वास अन्तर पक्का थिआ त शुची आत्माई बेलिए भरिए थिआ। निकोलास अन्ताकिया शेहर केईआं थिआ, त से यहूदी बणो थिआ। 6तोउं से प्रतिनिधि के समाणि अण्हे त प्रतिनिधि तेन्हि जे प्रार्थना की त अपु हतेउ रख कइ तेन्हि अशुश दिती। 7ई भोई कइ परमेश्वरे वचन हर जगाई पुजुण लगा त यरुशलेम शेहर अन्तर सुआ विश्वासी बध गे। होर सुआ पुजारे यीशु मान कइ विश्वास करण लगे।
स्तफनुस कैद करण
8स्तफनुस परमेश्वरे कृपाई बेलिए त ताकत जोई भरी कइ मेह्णु बुछ सुआ बोडे बोडे चमत्कारे कम त निशाण हरालताथ। 9तोउं गुलामी केआं अजाद भुओ मेह्णु#6:9 मूल भाषा अन्तर इठि “लिबरतीनोस” लिखो असु। के अराधनालये कुछ मेह्णु जे कुरेनी, सिकन्दरिया शेहर केआं त किलिकिया होर एशिया इलाके केआं थिए, खड़ भोई कइ स्तफनुस जोई बेहसेईण लगे। 10पर तसे ज्ञान त शुची आत्माई दुतो बुद्धि सामणा न कइ बटे, किस कि से शुची आत्माई बेलिए बोके कताथ। 11तोउं तेन्हि गुझि दी कइ कुछ मेह्णु केईआं झूठ बोलाउ कि “असी ए मूसे त परमेश्वरे खिलाफ बुराई कता शुणो असा।” 12ईं कर कइ तेन्हि सुआ मेह्णु, टजे स्याणे त धर्मशास्त्री भड़काए त तेस टाइ कइ टजोट जे घिन गे। 13होर तठि तेन्हि होरे झूठे उगाह खड़ेरे, जेन्हि बोलु, “ए मेह्णु इस शुचे देहरे त मूसे दुतो नियमे बुराई कता रेहन्ता। 14किस कि असी ए ईं बोता शुणो असा कि नासरत ग्रांए यीशु इस देहेर उपाड़ छता, त तेस चाके बदिल छता, जे मूसे हेन्धे दुतो असा।” 15सोब मेह्णु जे टजोट अन्तर बिशो थिए, स्तफनुस धे बोडे ध्यान जोई हेरु त तसे मुंह स्वर्गेदूते ईं काउ।
Currently Selected:
प्रतिनिधि 6: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
प्रतिनिधि 6
6
सत सेवक नियुक्त करण
1तेन्हि दिनि, जपल विश्वासी सुआ बधण लगे, तपल यूनानी भाषा बोलुणे बाड़े यहूदी विश्वासी, इब्रानी भाषा बोलुणे बाड़े यहूदी विश्वासी के खिलाफ धूरा दिता कि “रोजे लंगर#प्रतिनिधि 4:35 अन्तर तुस हें विधवा जिल्हाणु सुसुर खाण जे ना देन्ते।” 2तोउं तेन्हि बाराह प्रतिनिधि सोब विश्वासी भिए त बोलु, “ए ट्यारेओ, ईं ठीक नेईं कि अस परमेश्वरे वचन शुणाण छड़ दी कइ मेह्णु धराण बिशियेल। 3तोउं त, तुस अपफ अन्तरा ईं सत खरे मड़द चुणे, जे शुची आत्माई बेलि त ज्ञान बुद्धि जोई भरिए भोल, ताकि से एस कमे जिम्मा नी बटियेल। 4पर अस प्रार्थना दुआ करण त वचन शिचालणे अन्तर अपु पूरा मन त ध्यान देन्ते।” 5ए बोक सोबी खरी लगी। तोउं तेन्हि स्तफनुस, फिलिप्पुस#6:5 ए फिलिप्पुस यीशु मसीहे बाराह चेली बिचा यक नेओथ। ए होरा असा।, प्रुखुरुस, नीकानोर, तीमोन, परमिनास त निकोलास चुणे। स्तफनुस विश्वास अन्तर पक्का थिआ त शुची आत्माई बेलिए भरिए थिआ। निकोलास अन्ताकिया शेहर केईआं थिआ, त से यहूदी बणो थिआ। 6तोउं से प्रतिनिधि के समाणि अण्हे त प्रतिनिधि तेन्हि जे प्रार्थना की त अपु हतेउ रख कइ तेन्हि अशुश दिती। 7ई भोई कइ परमेश्वरे वचन हर जगाई पुजुण लगा त यरुशलेम शेहर अन्तर सुआ विश्वासी बध गे। होर सुआ पुजारे यीशु मान कइ विश्वास करण लगे।
स्तफनुस कैद करण
8स्तफनुस परमेश्वरे कृपाई बेलिए त ताकत जोई भरी कइ मेह्णु बुछ सुआ बोडे बोडे चमत्कारे कम त निशाण हरालताथ। 9तोउं गुलामी केआं अजाद भुओ मेह्णु#6:9 मूल भाषा अन्तर इठि “लिबरतीनोस” लिखो असु। के अराधनालये कुछ मेह्णु जे कुरेनी, सिकन्दरिया शेहर केआं त किलिकिया होर एशिया इलाके केआं थिए, खड़ भोई कइ स्तफनुस जोई बेहसेईण लगे। 10पर तसे ज्ञान त शुची आत्माई दुतो बुद्धि सामणा न कइ बटे, किस कि से शुची आत्माई बेलिए बोके कताथ। 11तोउं तेन्हि गुझि दी कइ कुछ मेह्णु केईआं झूठ बोलाउ कि “असी ए मूसे त परमेश्वरे खिलाफ बुराई कता शुणो असा।” 12ईं कर कइ तेन्हि सुआ मेह्णु, टजे स्याणे त धर्मशास्त्री भड़काए त तेस टाइ कइ टजोट जे घिन गे। 13होर तठि तेन्हि होरे झूठे उगाह खड़ेरे, जेन्हि बोलु, “ए मेह्णु इस शुचे देहरे त मूसे दुतो नियमे बुराई कता रेहन्ता। 14किस कि असी ए ईं बोता शुणो असा कि नासरत ग्रांए यीशु इस देहेर उपाड़ छता, त तेस चाके बदिल छता, जे मूसे हेन्धे दुतो असा।” 15सोब मेह्णु जे टजोट अन्तर बिशो थिए, स्तफनुस धे बोडे ध्यान जोई हेरु त तसे मुंह स्वर्गेदूते ईं काउ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.