यूहन्ना 21
21
यीशु अपु सत चेली जुए मीण
1तढ़ेया पता, यीशु अपफ गलीले तथे#21:1 इस यूनानी भाषा अन्तर “तिबिरियासे तथ” बोते औत पुठ अपु चेली जुए मिआ। से घटना ईं भुई। 2शमौन पतरस, थोमा जेस जे जूंठ बि बोतेथ, त गलील राज्ये काना ग्रांए नथानयेल त जबदी दुई कुआ त यीशु चेली बुचा होरे दुई चेले किठिए थिए। 3#लूका 5:5त शमौन पतरसे तेन्हि जे बोलु, “अउं मछली टाण जे गो असा” त तेन्हि तस जे बोलु, “अस बि तोउ जुए एन्ते।” त से तठिआ घेई कइ नाव पुठ जे गे। त मछली टाण जे तथ पुठ गे। पर तिएस ब्यादि कुछ ना टाइ बटु।
4त पथवारी ईं यीशु तथे औत एई गा; पर तसे चेली से ना पिछाणे कि “ए यीशु भो।” 5त यीशु तेन्हि जे बोलु, “में मितरों! तुसी कि मेउ ना?” तेन्हि तस जे बोलु, “ना!” 6#लूका 5:6तेन तेन्हि जे बोलु, “नावे सुमले कना अपु जाल छड़े त मेतु।” त तेन्हि जाल छड़ा त सुआ मछली जाल अन्तर फसी त तेन्हि से थूस ना बटा।
7त तेन चेले, जेस यीशु होरी केआं ज्यादा परेम कताथ, पतरस जे बोलु, “ए त प्रभु भो!” ईं शुण कइ कि “प्रभु भो” पतरसे झट अपु झिणे डबे (किस कि तेन कच्छा छड़ कइ कुछ नेओथ डबो।) त तथ अन्तर टाउ दी कइ औत पुठ जे आ। 8पर होरे चेले, मछली जुए भरो जाल थूसते थूसते मठे औत पुठ पुजे। किस कि से सुआ दूर नेओथ, पर कोई यक सौ मिटर दूर थिए। 9जपल से औत पुठ पुजे त हेरु कि अंगारी के आग जाओ असी त तस पुठ मछली रखो असी त कुछ रौठि बि असी। 10यीशु तेन्हि जे बोलु, “जे मछली तुसी अभेईं टातो असी, तेन्हि बुचा कुछ इठि अण्हे।”
11शमौन पतरस नाव पुठ घेई कइ 153 बोडी बोडी मछली के भरो जाल औत पुठ जे थूसा। जाल अन्तर एती मछली थी, तोउं बि से जाल ना टूंटा। 12त यीशु तेन्हि जे बोलु, “एईए, कुछ खे!” पर तेन्हि चेली बुचा केसे बि हिम्मत ना भुई कि तस पुछ सकियेल कि “तुस कोउं भीन्थ?” किस कि तेन्हि पता थिआ कि से प्रभु भो। 13त यीशु अगर घेई कइ रौठि टाती त तेन्के धे दिती, त मछली बि तीं की।
14ईं टेकी बार भु कि यीशु मरुण केआं दुबारी जी कइ अपु चेली दर्शण दिता।
यीशु त शमौन पतरस
15खाणे पता, यीशु शमौन पतरस जे बोलु, “ए शमौन! यूहन्ने कोईया! तु कि सच्चे इन्हि सोबी केआं ज्यादा मोउं जुए परेम कता ना?” त तेन तस जे बोलु, “आं प्रभु, तुसी पता असा कि अउं तुसी जुए परेम कता।” त तेन तस जे बोलु, “में दुन्थ#21:15 “दुन्थु” मतलब “जे यीशु पुठ विश्वास कते त तस मानते”। यूहन्ना 10:11,14 अन्तर यीशु अपफ जे यक पुहाल बतान्ता त जे तसे बोक मानते, से सम्हाई तसे दुन्थु भीन्थ। चरीण दे!”
16तोउं तेन दुबारी तस जे बोलु, “ए शमौना! यूहन्ने कोईया! तु कि सच्चे मोउं जुए परेम कता ना?” त पतरसे बोलु, “आं प्रभु, तुस जाणते कि अउं तुसी जुए परेम कता।” त तेन तस जे बोलु, “में ढडुड़ के ख्याल रख!”
17तोउं तेन टेके लिंगि तस केआं पुछु, “ए शमौना! यूहन्ने कोईया! तु कि सच्चे मोउं जुए परेम कता ना?” त पतरस दुखी भुआ कि तेन टेके लिंगि तस केआं पुछु कि “तु सच्चे मोउं जुए परेम कता ना।” त तेन यीशु जे बोलु, “ए प्रभु, तोउ सम्हाई कुछ पता असा। तु ई बि जाणता कि अउं तुसी जुए परेम कता।” यीशु तस जे बोलु, “में ढडुड़ु चरीण दे। 18अउं तोउ जे बोता कि जपल तु जवान थिआ, त अपफ तेयार#21:18 मूल भाषा अन्तर “अपु कमर बन्हुण” लिखो असु, जेस यहूदी मेह्णु “तेयार भुण” समझतेथ। भोई कइ जेठि मर्जी तठि घेन्ताथ। पर जपल तु स्याणा भोई घेन्ता त अपु हतेउ टडता त कोई होरा तोउ तेयार कइ कइ जेठि तु ना चहन्ता, तठि तोउ नेन्ता।” 19तेन इस बोकी बेलि इशारा किआ कि पतरस कीं मर#21:19 रीति रिवाजे हिसाब जुए पतरस कोई 30 साल बाद लगभग सन 64-65 रोमी सपाही के हतेउ मर गा। तेन्हि से उमला कर कइ क्रूस पुठ ढना। त यीशु जे बुलो थिउ कि “तु अपु हतेउ फैलान्ता त जेठि तु ना घेण चहन्ता, तठि नीइन्ता” तोउं से पूरु भु। कइ परमेश्वर जे सुआ इज्जत देन्ता। ई बोल कइ तस जे बोलु, “में पता एन्ता रेह!”
20पतरस खिरक कइ हेरु कि से चेला तेन्के पता एण लगो असा जेस यीशु होरे केआं ज्यादा परेम कताथ, त जे बचणे त्योहारे रौठि खाणे टेम यीशु छाति कना जे उनकुशी कइ तस केआं पुछो थिउ कि “ए प्रभु, कोउं तोउ टोवान्ता?”#यूहन्ना 13:23-25 21तस हेर कइ पतरस यीशु जे बोलु, “इसे की हाल भुन्ता?” 22त यीशु तस जे बोलु, “अगर अउं चहाल कि से में दुबारी एण तकर जीन्ता रेह, त तोउ तसे बारे कीं स्यापा? तु बस में पतोती हंटता रेह।”
23त सम्हाई विश्वासी बुच इ बोक भुण लगी कि से चेला ना मरता। पर यीशु तस जे ई नेओथ बोलो थिउ कि से ना मरता, पर ईं कि “अगर अउं चहाल कि ए में दुबारी एण तकर जीन्ता रेह, त तस बारे तोउ की स्यापा?”
24अउं, यूहन्ना सेईंए चेला भो, जे इन्हि सोबी बोकी के उगाही देन्ता त इ सोब बोक लिखो असी। त असी सम्हाई जेईं पता असा कि जे उगाही मेईं लिखो असी, से सच्ची असी। 25बोक त इ असी कि यीशु होरे बि सुआ कम किए। अगर तेन्हि सोबी यक यक कइ कताब अन्तर लिखण बिशियेल त सुआ कताब बणती। अउं त ई बोता कि पूरी धरती अन्तर तेन्हि कताबी रखुंण जे बि जगाह ना मेईंयेल।
Currently Selected:
यूहन्ना 21: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
यूहन्ना 21
21
यीशु अपु सत चेली जुए मीण
1तढ़ेया पता, यीशु अपफ गलीले तथे#21:1 इस यूनानी भाषा अन्तर “तिबिरियासे तथ” बोते औत पुठ अपु चेली जुए मिआ। से घटना ईं भुई। 2शमौन पतरस, थोमा जेस जे जूंठ बि बोतेथ, त गलील राज्ये काना ग्रांए नथानयेल त जबदी दुई कुआ त यीशु चेली बुचा होरे दुई चेले किठिए थिए। 3#लूका 5:5त शमौन पतरसे तेन्हि जे बोलु, “अउं मछली टाण जे गो असा” त तेन्हि तस जे बोलु, “अस बि तोउ जुए एन्ते।” त से तठिआ घेई कइ नाव पुठ जे गे। त मछली टाण जे तथ पुठ गे। पर तिएस ब्यादि कुछ ना टाइ बटु।
4त पथवारी ईं यीशु तथे औत एई गा; पर तसे चेली से ना पिछाणे कि “ए यीशु भो।” 5त यीशु तेन्हि जे बोलु, “में मितरों! तुसी कि मेउ ना?” तेन्हि तस जे बोलु, “ना!” 6#लूका 5:6तेन तेन्हि जे बोलु, “नावे सुमले कना अपु जाल छड़े त मेतु।” त तेन्हि जाल छड़ा त सुआ मछली जाल अन्तर फसी त तेन्हि से थूस ना बटा।
7त तेन चेले, जेस यीशु होरी केआं ज्यादा परेम कताथ, पतरस जे बोलु, “ए त प्रभु भो!” ईं शुण कइ कि “प्रभु भो” पतरसे झट अपु झिणे डबे (किस कि तेन कच्छा छड़ कइ कुछ नेओथ डबो।) त तथ अन्तर टाउ दी कइ औत पुठ जे आ। 8पर होरे चेले, मछली जुए भरो जाल थूसते थूसते मठे औत पुठ पुजे। किस कि से सुआ दूर नेओथ, पर कोई यक सौ मिटर दूर थिए। 9जपल से औत पुठ पुजे त हेरु कि अंगारी के आग जाओ असी त तस पुठ मछली रखो असी त कुछ रौठि बि असी। 10यीशु तेन्हि जे बोलु, “जे मछली तुसी अभेईं टातो असी, तेन्हि बुचा कुछ इठि अण्हे।”
11शमौन पतरस नाव पुठ घेई कइ 153 बोडी बोडी मछली के भरो जाल औत पुठ जे थूसा। जाल अन्तर एती मछली थी, तोउं बि से जाल ना टूंटा। 12त यीशु तेन्हि जे बोलु, “एईए, कुछ खे!” पर तेन्हि चेली बुचा केसे बि हिम्मत ना भुई कि तस पुछ सकियेल कि “तुस कोउं भीन्थ?” किस कि तेन्हि पता थिआ कि से प्रभु भो। 13त यीशु अगर घेई कइ रौठि टाती त तेन्के धे दिती, त मछली बि तीं की।
14ईं टेकी बार भु कि यीशु मरुण केआं दुबारी जी कइ अपु चेली दर्शण दिता।
यीशु त शमौन पतरस
15खाणे पता, यीशु शमौन पतरस जे बोलु, “ए शमौन! यूहन्ने कोईया! तु कि सच्चे इन्हि सोबी केआं ज्यादा मोउं जुए परेम कता ना?” त तेन तस जे बोलु, “आं प्रभु, तुसी पता असा कि अउं तुसी जुए परेम कता।” त तेन तस जे बोलु, “में दुन्थ#21:15 “दुन्थु” मतलब “जे यीशु पुठ विश्वास कते त तस मानते”। यूहन्ना 10:11,14 अन्तर यीशु अपफ जे यक पुहाल बतान्ता त जे तसे बोक मानते, से सम्हाई तसे दुन्थु भीन्थ। चरीण दे!”
16तोउं तेन दुबारी तस जे बोलु, “ए शमौना! यूहन्ने कोईया! तु कि सच्चे मोउं जुए परेम कता ना?” त पतरसे बोलु, “आं प्रभु, तुस जाणते कि अउं तुसी जुए परेम कता।” त तेन तस जे बोलु, “में ढडुड़ के ख्याल रख!”
17तोउं तेन टेके लिंगि तस केआं पुछु, “ए शमौना! यूहन्ने कोईया! तु कि सच्चे मोउं जुए परेम कता ना?” त पतरस दुखी भुआ कि तेन टेके लिंगि तस केआं पुछु कि “तु सच्चे मोउं जुए परेम कता ना।” त तेन यीशु जे बोलु, “ए प्रभु, तोउ सम्हाई कुछ पता असा। तु ई बि जाणता कि अउं तुसी जुए परेम कता।” यीशु तस जे बोलु, “में ढडुड़ु चरीण दे। 18अउं तोउ जे बोता कि जपल तु जवान थिआ, त अपफ तेयार#21:18 मूल भाषा अन्तर “अपु कमर बन्हुण” लिखो असु, जेस यहूदी मेह्णु “तेयार भुण” समझतेथ। भोई कइ जेठि मर्जी तठि घेन्ताथ। पर जपल तु स्याणा भोई घेन्ता त अपु हतेउ टडता त कोई होरा तोउ तेयार कइ कइ जेठि तु ना चहन्ता, तठि तोउ नेन्ता।” 19तेन इस बोकी बेलि इशारा किआ कि पतरस कीं मर#21:19 रीति रिवाजे हिसाब जुए पतरस कोई 30 साल बाद लगभग सन 64-65 रोमी सपाही के हतेउ मर गा। तेन्हि से उमला कर कइ क्रूस पुठ ढना। त यीशु जे बुलो थिउ कि “तु अपु हतेउ फैलान्ता त जेठि तु ना घेण चहन्ता, तठि नीइन्ता” तोउं से पूरु भु। कइ परमेश्वर जे सुआ इज्जत देन्ता। ई बोल कइ तस जे बोलु, “में पता एन्ता रेह!”
20पतरस खिरक कइ हेरु कि से चेला तेन्के पता एण लगो असा जेस यीशु होरे केआं ज्यादा परेम कताथ, त जे बचणे त्योहारे रौठि खाणे टेम यीशु छाति कना जे उनकुशी कइ तस केआं पुछो थिउ कि “ए प्रभु, कोउं तोउ टोवान्ता?”#यूहन्ना 13:23-25 21तस हेर कइ पतरस यीशु जे बोलु, “इसे की हाल भुन्ता?” 22त यीशु तस जे बोलु, “अगर अउं चहाल कि से में दुबारी एण तकर जीन्ता रेह, त तोउ तसे बारे कीं स्यापा? तु बस में पतोती हंटता रेह।”
23त सम्हाई विश्वासी बुच इ बोक भुण लगी कि से चेला ना मरता। पर यीशु तस जे ई नेओथ बोलो थिउ कि से ना मरता, पर ईं कि “अगर अउं चहाल कि ए में दुबारी एण तकर जीन्ता रेह, त तस बारे तोउ की स्यापा?”
24अउं, यूहन्ना सेईंए चेला भो, जे इन्हि सोबी बोकी के उगाही देन्ता त इ सोब बोक लिखो असी। त असी सम्हाई जेईं पता असा कि जे उगाही मेईं लिखो असी, से सच्ची असी। 25बोक त इ असी कि यीशु होरे बि सुआ कम किए। अगर तेन्हि सोबी यक यक कइ कताब अन्तर लिखण बिशियेल त सुआ कताब बणती। अउं त ई बोता कि पूरी धरती अन्तर तेन्हि कताबी रखुंण जे बि जगाह ना मेईंयेल।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.