मत्ती 20
20
मजूरी के कथा
1यीशु स्वर्गे राज्य बारे बोक कते-कुते बोलु, “स्वर्गे राज्य केसे गीहे मालिके ईं भुन्ता, जे भ्यागे निसा त अपु बग कमुण जे मजूर लाए। 2तेन मजूरी कें धे यक रोजे धिहाड़ी यक तोड़े चन्नी मेलकी देणे बोल कइ से अपु बग लंघाई छड़े। 3तोउं भ्यागे नौ बजे ईं से बाजार गा त तठि सुआ मेह्णु बेहले काए। 4तेन तेन्हि जे बोलु, ‘तुस बि में बग घिए, त जे कुछ तुं बणतु अउं तुन्धे देन्ता।’ तोउं से बि गे। 5तोउं जपल से दिसाई बाराह बज त टाई बज बाजार गा त तेन तिहांणि किउ। 6ब्यादि पंज बजे टेम फि तेन होरे मेह्णु बेहले काए त तेन्हि जे बोलु, ‘तुस किस इठि दन भइ बेहले बिशो असे?’ 7तेन्हि तेस जे बोलु, ‘अस केनि धिहाड़ी पुठ नेईं लओ।’ तेन तेन्हि जे बोलु, ‘तुस बि में बग घिए।’”
8“ब्यादि बगे मालिके अपु मलाजम जे बोलु, ‘मजूरी भिआई कइ तेन्हि सोबी के धिहाड़ी दी छड़।’ 9जपल से, जे पंज बजे टेम कम जे गो थिए, अपु धिहाड़ी नेण जे आए त तेन्हि यक यक तोड़े चन्नी मेलकी मेई। 10त जे भ्यागे केआं कमुण लगो थिए तेन्हि सोचु कि तेन्हि तेन्हि केआं ज्यादा धिहाड़ी मेती, पर तेन्हि बि यक यक तोड़े चन्नी मेलकी ईं मेई। 11जपल धिहाड़ी मेई त से मालिक जे चरचर करण लगे। 12तेन्हि बोलु, ‘पती अओ अन्हि त यके घंटा ईं कम किउ, त तेईं अन्के धे कीं हें बराबर धिहाड़ी दिती, किस कि असी दन भइ धुप बिश कइ कम किउ?’ 13तेन तेन्हि बुचा यक जेईं जे जवाब दुतु, ‘ए दोस्ता! मेईं तोउ जोई कोई अन्याय नेईं किओ। किस कि यक तोड़ा चन्नी मेलकी धिहाड़ी त मानियेरी थी। 14जे तें भो टाण दे त गा; में त ईंए इच्छा असी कि जतु अउं तेन्धे देन्ता, ततुरु अउं पतुई अओ असे धे बि देन्ता। 15अउं कि अपु रुपेई जीं चहूं तीं खर्च ना बटता ना? ना तोउ में भलु करुण औउजु नउ ना?’ 16इहांणि जे पतूं असे से अगर भोई घेन्ते, होर जे अगर असे से पतूं भोई घेन्ते।”#मत्ती 19:30; मरकुस 10:31; लूका 13:30
अपु मरणे त दुबारी जीणे बारे यीशु टेकी भविष्य वाणि
मरकुस 10:32-34; लूका 18:31-34
17यीशु यरुशलेम शेहर जे घेन्त पेंत बाराह चेली अपफ जोई साते घिन गा, त बथ तेन्हि जे बोलुण लगा, 18“हेरे! अस यरुशलेम शेहर जे घेण लगो असे; त तठि मुख्य पुजारी त धर्मशास्त्री मनखे कुआ मतलब मोउं टान्ते त मरणे दोषी करार देन्ते। 19तोउं से मोउं गैर यहूदी के हतेउ दी छते ताकि से में फूल बणायेल, चाबुके बइ मडीयेल, होर क्रूस पुठ ढनाई कइ मार छड़ियेल। पर टेके रोज अउं दुबारी जी घेन्ता।”
याकूबे त यूहन्ने ईया यीशु छनेअरे करण
मरकुस 10:35-45
20तोउं जबदी जुएली अपु कोयी याकूब त यूहन्ने जोई साते यीशु भेएड़ एई कइ तसे खुर बिने, त तेस केआं कुछ मगण लगी। 21यीशु तेस जे बोलु, “तु की चहन्ती?” तेन तेस जे बोलु, “मेन्धे ईं वचन दिए कि तुस में दुहे कुआ अपु राज्य अन्तर यक अपु देहणा कना त यक बउंआ कना बिशाणते।” 22यीशु तेस जे जवाब दिता, “तुस न जाणते कि तुस की मगण लगो असे।” तोउं तेन्हि दुई भाई जे बोलु, “दुखे जे कटोरा अउं पीण पुठ असा, तुस कि तस पी बटते ना?”#20:22 इठि यीशु बोलुणे मतलब असु कि “जे दुख अउं सेहणे बाड़ा असा, तुस कि सेह सकते ना; होर जीं अउं मरणे बाड़ा असा तुस कि तीं मर सकते ना?” तेन्हि तेस जे बोलु, “पी बटते।” 23यीशु तेन्हि जे बोलु, “तुस में कटोरा केआं त जरूर पीन्ते, पर अपु देहणा त बउंआ कना बिशाणणे कम, में न भो। पर तठि से बिश्ते, जेस जे में बोउए से तेयार किओ असा।”
24ईं शुण कइ दसो चेले तेन्हि दुहि जे लेहरी गे। 25यीशु तेन्हि भेएड़ भिआई कइ जे बोलु, “तुस जाणते कि होर जाति मेह्णु के राजे तेन्हि पुठ राज कते; होर जे अफसर बणते, से मेह्णु पुठ अपु हक जतान्ते।#लूका 22:25 26पर तुसी बुछ ई न भुओ लौतु; बल्कि जे कोउं तुसी बुछ बोडा भुण चहन्ता, तस तुं सेवक बणुण।#मत्ती 23:11; मरकुस 9:35; लूका 22:26 27होर जे कोउं तुं मुखिया बणुण चहन्ता, तस तुं सोबी के नौखर बणुण। 28किस कि अउं मनखे कुआ बि तोउं नेईं अओ कि में सेवा करेउं। अउं तोउं अओ असा कि होरी के सेवा करुं। त सोबी मेह्णु पापे सज्जाई केआं बचाणे लिए अपु प्राण दिउं।”
यीशु दुई अन्हे मेह्णु सारेरण
मरकुस 10:46-52; लूका 18:35-43
29जपल यीशु त तसे चेले यरीहो शेहर केआं नशण लगो थिए, सुआ हुसुड़ा तेन्के पता आ। 30त दुई अन्हे, जे बते औत बिशो थिए, ईं शुणु कि यीशु घेण लगो असा, त हक दी दी कइ बोलुण लगे, “ए प्रभु, राजा दाऊदे कोईया! असी पुठ दाह कर।” 31मेह्णु तेन्हि जे लेहरी कइ बोलु, “चुप बिशे!” पर से जोरी जोरी हुशेरि दी कइ बोलुण लगे, “ए प्रभु, राजा दाऊदे कोईया! असी पुठ दाह कर।” 32तोउं यीशु रुक गा। से भिए त पुछु, “तुस की चहन्ते? मोउं तुसी जे की करुण?” 33तेन्हि तेस जे बोलु, “ए प्रभु, दाह करे कि हें टीर सारी घियेल।” 34तेन्हि पुठ दाह कर कइ यीशु तेन्के टीर छुए, त से तिखेईंए हेरण लग गे; होर तसे पता पता घेई गे।
Currently Selected:
मत्ती 20: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
मत्ती 20
20
मजूरी के कथा
1यीशु स्वर्गे राज्य बारे बोक कते-कुते बोलु, “स्वर्गे राज्य केसे गीहे मालिके ईं भुन्ता, जे भ्यागे निसा त अपु बग कमुण जे मजूर लाए। 2तेन मजूरी कें धे यक रोजे धिहाड़ी यक तोड़े चन्नी मेलकी देणे बोल कइ से अपु बग लंघाई छड़े। 3तोउं भ्यागे नौ बजे ईं से बाजार गा त तठि सुआ मेह्णु बेहले काए। 4तेन तेन्हि जे बोलु, ‘तुस बि में बग घिए, त जे कुछ तुं बणतु अउं तुन्धे देन्ता।’ तोउं से बि गे। 5तोउं जपल से दिसाई बाराह बज त टाई बज बाजार गा त तेन तिहांणि किउ। 6ब्यादि पंज बजे टेम फि तेन होरे मेह्णु बेहले काए त तेन्हि जे बोलु, ‘तुस किस इठि दन भइ बेहले बिशो असे?’ 7तेन्हि तेस जे बोलु, ‘अस केनि धिहाड़ी पुठ नेईं लओ।’ तेन तेन्हि जे बोलु, ‘तुस बि में बग घिए।’”
8“ब्यादि बगे मालिके अपु मलाजम जे बोलु, ‘मजूरी भिआई कइ तेन्हि सोबी के धिहाड़ी दी छड़।’ 9जपल से, जे पंज बजे टेम कम जे गो थिए, अपु धिहाड़ी नेण जे आए त तेन्हि यक यक तोड़े चन्नी मेलकी मेई। 10त जे भ्यागे केआं कमुण लगो थिए तेन्हि सोचु कि तेन्हि तेन्हि केआं ज्यादा धिहाड़ी मेती, पर तेन्हि बि यक यक तोड़े चन्नी मेलकी ईं मेई। 11जपल धिहाड़ी मेई त से मालिक जे चरचर करण लगे। 12तेन्हि बोलु, ‘पती अओ अन्हि त यके घंटा ईं कम किउ, त तेईं अन्के धे कीं हें बराबर धिहाड़ी दिती, किस कि असी दन भइ धुप बिश कइ कम किउ?’ 13तेन तेन्हि बुचा यक जेईं जे जवाब दुतु, ‘ए दोस्ता! मेईं तोउ जोई कोई अन्याय नेईं किओ। किस कि यक तोड़ा चन्नी मेलकी धिहाड़ी त मानियेरी थी। 14जे तें भो टाण दे त गा; में त ईंए इच्छा असी कि जतु अउं तेन्धे देन्ता, ततुरु अउं पतुई अओ असे धे बि देन्ता। 15अउं कि अपु रुपेई जीं चहूं तीं खर्च ना बटता ना? ना तोउ में भलु करुण औउजु नउ ना?’ 16इहांणि जे पतूं असे से अगर भोई घेन्ते, होर जे अगर असे से पतूं भोई घेन्ते।”#मत्ती 19:30; मरकुस 10:31; लूका 13:30
अपु मरणे त दुबारी जीणे बारे यीशु टेकी भविष्य वाणि
मरकुस 10:32-34; लूका 18:31-34
17यीशु यरुशलेम शेहर जे घेन्त पेंत बाराह चेली अपफ जोई साते घिन गा, त बथ तेन्हि जे बोलुण लगा, 18“हेरे! अस यरुशलेम शेहर जे घेण लगो असे; त तठि मुख्य पुजारी त धर्मशास्त्री मनखे कुआ मतलब मोउं टान्ते त मरणे दोषी करार देन्ते। 19तोउं से मोउं गैर यहूदी के हतेउ दी छते ताकि से में फूल बणायेल, चाबुके बइ मडीयेल, होर क्रूस पुठ ढनाई कइ मार छड़ियेल। पर टेके रोज अउं दुबारी जी घेन्ता।”
याकूबे त यूहन्ने ईया यीशु छनेअरे करण
मरकुस 10:35-45
20तोउं जबदी जुएली अपु कोयी याकूब त यूहन्ने जोई साते यीशु भेएड़ एई कइ तसे खुर बिने, त तेस केआं कुछ मगण लगी। 21यीशु तेस जे बोलु, “तु की चहन्ती?” तेन तेस जे बोलु, “मेन्धे ईं वचन दिए कि तुस में दुहे कुआ अपु राज्य अन्तर यक अपु देहणा कना त यक बउंआ कना बिशाणते।” 22यीशु तेस जे जवाब दिता, “तुस न जाणते कि तुस की मगण लगो असे।” तोउं तेन्हि दुई भाई जे बोलु, “दुखे जे कटोरा अउं पीण पुठ असा, तुस कि तस पी बटते ना?”#20:22 इठि यीशु बोलुणे मतलब असु कि “जे दुख अउं सेहणे बाड़ा असा, तुस कि सेह सकते ना; होर जीं अउं मरणे बाड़ा असा तुस कि तीं मर सकते ना?” तेन्हि तेस जे बोलु, “पी बटते।” 23यीशु तेन्हि जे बोलु, “तुस में कटोरा केआं त जरूर पीन्ते, पर अपु देहणा त बउंआ कना बिशाणणे कम, में न भो। पर तठि से बिश्ते, जेस जे में बोउए से तेयार किओ असा।”
24ईं शुण कइ दसो चेले तेन्हि दुहि जे लेहरी गे। 25यीशु तेन्हि भेएड़ भिआई कइ जे बोलु, “तुस जाणते कि होर जाति मेह्णु के राजे तेन्हि पुठ राज कते; होर जे अफसर बणते, से मेह्णु पुठ अपु हक जतान्ते।#लूका 22:25 26पर तुसी बुछ ई न भुओ लौतु; बल्कि जे कोउं तुसी बुछ बोडा भुण चहन्ता, तस तुं सेवक बणुण।#मत्ती 23:11; मरकुस 9:35; लूका 22:26 27होर जे कोउं तुं मुखिया बणुण चहन्ता, तस तुं सोबी के नौखर बणुण। 28किस कि अउं मनखे कुआ बि तोउं नेईं अओ कि में सेवा करेउं। अउं तोउं अओ असा कि होरी के सेवा करुं। त सोबी मेह्णु पापे सज्जाई केआं बचाणे लिए अपु प्राण दिउं।”
यीशु दुई अन्हे मेह्णु सारेरण
मरकुस 10:46-52; लूका 18:35-43
29जपल यीशु त तसे चेले यरीहो शेहर केआं नशण लगो थिए, सुआ हुसुड़ा तेन्के पता आ। 30त दुई अन्हे, जे बते औत बिशो थिए, ईं शुणु कि यीशु घेण लगो असा, त हक दी दी कइ बोलुण लगे, “ए प्रभु, राजा दाऊदे कोईया! असी पुठ दाह कर।” 31मेह्णु तेन्हि जे लेहरी कइ बोलु, “चुप बिशे!” पर से जोरी जोरी हुशेरि दी कइ बोलुण लगे, “ए प्रभु, राजा दाऊदे कोईया! असी पुठ दाह कर।” 32तोउं यीशु रुक गा। से भिए त पुछु, “तुस की चहन्ते? मोउं तुसी जे की करुण?” 33तेन्हि तेस जे बोलु, “ए प्रभु, दाह करे कि हें टीर सारी घियेल।” 34तेन्हि पुठ दाह कर कइ यीशु तेन्के टीर छुए, त से तिखेईंए हेरण लग गे; होर तसे पता पता घेई गे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.