मत्ती 22
22
ब्याहे धामे कथा
लूका 14:15-24
1यीशु तोउ कथा शुणाई कइ मेह्णु शिचालुण लगा। 2तेन बोलु, “स्वर्गे राज्य यक तेस राजे ईं असु, जेन अपु कोईये ब्याहे धाम दिती। 3तेन अपु नौखर धामि भिआण जे लंघाए; पर से एण न चहतेथ। 4तोउं तेन होरे नौखर भिआण जे लंघाए कि धामि जे ईं बोलुण ‘हेरे! मेईं रौठि बड़ाई छओ असी। होर मासुं-धासुं, सोब कुछ बण गो असु। त तुस अब धाम खाण जे एईए।’ 5पर तेन्हि तसे कोई परवाह न की। कोउं अपु बग त कोउं अपु व्यापार जे घेई गे। 6होर जे मेह्णु गी थिए तेन्हि तसे नौखर टाते, तेन्के बेज्जती की त मार छड़े।”
7“त राजे लेहेर एई गई, तेन अपु सपाही लंघाए, से खतम कइ छड़े त पूरा शेहर फुक छड़ा। 8तोउं तेन अपु नौखरी जे बोलु, ‘ब्याहे रौठि त बणो असी, पर धामिए मेह्णु हें जोग न थिए। 9त तुस बत घिए त जत बि मेह्णु मेईंयेल, तेन्हि सोबी ब्याहे धाम खाण जे अण्हे।’ 10त से नौखर गे, बत जत बि खरे-खोटे मेह्णु मेईंए सोब किठे कर कइ घिन आए त पूरा घर मेहमानी बइ भरी गा। 11जपल राजा मेहमानी जोई मीण जे अन्तर आ, त तेन तठि यक मेह्णु काआ, जेन अब्बल झिणे नेओथ डबो। 12त तेन तेस केआं पुछु, ‘ए दोस्ता! तु अब्बल झिणे बजन डबणे इठि किस आ?’ त तेस मेह्णु टेठु यकदम ईं शुख गोउ। 13तोउं राजे नौखरी जे बोलु, ‘असे हथ खुर बन्ह कइ बाहर अन्हारे छड़े, जेठि रोलुण शींकुण त मगिरि चठ देण भुण असु।’#मत्ती 8:12; 25:30; लूका 13:28 14किस कि स्वर्गे राज्य जे भिहो त सुआ जेईं असे, पर परमेश्वरे तेन्हि बिचा थोड़े ईं चुणो असे।”
रोमी राजा कैसरे धे मामला देण बारे सवाल
मरकुस 12:13-17; लूका 20:20-26
15तोउं फरीसी तठिआ घेई कइ अपफ बुच बोक विचार करण लगे कि यीशु अपु बोकी अन्तर कीं फसाणण। 16तोउं फरीसी अपु चेले राजा हेरोदेसे मेह्णु जोई साते तसे भेएड़ ईं बोलुण जे लंघाए, “ए गुरु! अस जाणते कि तुस सच्चे असे, त परमेश्वरे बोक बि सच्चाई जोई शिचालते। होर केसेरी परवाह न कते, किस कि तुस मेह्णु के मुंह हेर कइ बोक न कते। 17त असी जे बोले कि तुस की सोचते? रोमी मेह्णु के राजा कैसरे धे मामला देण ठीक असु कि नेईं?” 18यीशु तेन्के मने पाप जाण कइ बोलु, “ओई कपटियो! मोउं किस परखते? 19मामला देणे मेलकी मोउं हराले।” तोउं से यक मेलकी घिन आए। 20तेन तेन्हि केआं पुछु, “ई छाप त नओं केसे भो?” 21तेन्हि तेस जे बोलु, “कैसर राजे।” तोउं तेन तेन्हि जे बोलु, “तोउं त, जे कैसरे भो, से कैसरे धे; त जे परमेश्वरे भो, तस परमेश्वरे धे दिए।” 22ईं शुण कइ से हैरान भोई गे त यीशु अकेले छड़ दी कइ तठिआ नश गे।
दुबारी जीण त ब्याह बारे सवाल
मरकुस 12:18-27; लूका 20:27-40
23पता तेस रोज, सदूकी नओएं यक दले मेह्णु यीशु केईं आए। से सोब मानतेथ कि मरो मेह्णु दुबारी ना जीन्ते, तोउं बि से यीशु केआं इरुह पुछुण लगे, 24“ए गुरु! मूसे बोलो थिउ कि ‘अगर कोई मड़द बजन औलादे मर घियाल, त तसे भाई तसे जुएली टोप दी कइ तस जे गभुर जमाणण।’#22:24 इस निआंगी मुताविक दोके भाई जे पेहला कुआ जमता, से “पेहला भाई कुआ” बोलिन्ता त तसे वंश बधान्ता। (विधि 25:5-6) 25त माने कि हें इठि सत भाई थिए; पेहला भाई ब्याह कर कइ मर गा, औलाद न भुणे बझई जोई जुएली अपु भाई जे छड़ दी गा। 26तिहांणि दोके त टेके जोई बि भु, त अखिर अन्तर सातवां भाई बि टोप दी कइ मर गा। 27सोबी केआं पता से जिल्हाणु बि मर गई। 28तोउं दुबारी जीणे टेम से तेन्हि सतहोई बुचा केसे जुएली भुन्ति? किस कि से सोबी के जुएली बण गो थी।”
29यीशु तेन्हि जे जवाब दिता, “तुस गलत असे। तुस ना त धरमे कताब जाणते, होर ना परमेश्वरे ताकते बारे जाणते। 30मर कइ दुबारी जीण केआं पता मेह्णु न त ब्याह कते, होर ना करेईन्ते, पर से स्वर्ग अन्तर परमेश्वरे दूते ईं भुन्ते। 31मरो तेन्हि दुबारी जीणे बारे तुसी ई वचन नेईं न पढ़ो जे परमेश्वरे तुसी जे बोलो थिआ?
32‘अउं अब्राहमे परमेश्वर, इसहाके परमेश्वर त याकूबे परमेश्वर भो।’#निसुणे 3:6
से मरो तेन्के न, पर जीन्ती के परमेश्वर भो।” 33जपल मेह्णु के हुसुड़े ई शुणु, त तसे शिक्षा बेलि हैरान भोई गे।
सोबी केआं बोडी निआंग
मरकुस 12:28-34; लूका 10:25-28
34जपल फरीसी शुणु कि यीशु सदूकी के मुंह बन्न कइ छोउ, त से सोब किठि गे। 35त तेन्हि अन्तरा मूसा नियमे यक पण्डित यीशु परखणे लिए तेस केआं पुछु, 36“ए गुरु! नियम#22:36 “नियम” मतलब जे कुछ बि परमेश्वरे मूसा बेलि इस्राएली मेह्णु जे बुलो थी। बुछ कोउं बाड़ी निआंग सोबी केआं बोडी असी?” 37तेन तेस जे बोलु, “‘तु परमेश्वर अपु प्रभु जोई पूरे मन, पूरे प्राण त पूरे ताकत जोई परेम कर।’#विधि 6:5 38सोबी केआं बोडी त पेहली निआंग त एईएं भो। 39तसेरी ईं दोकी निआंग ई भो कि ‘तु अपु भेयाड़ी जोई अपु बराबर परेम कर।’#पुजारोठि 19:18 40एईएं दुई निआंग पुठ ईं पूरा नियम त भविष्य वक्ती के शिक्षा टिगो असी।”
मसीह केसे कुआ भो?
मरकुस 12:35-37; लूका 20:41-44
41जपल फरीसी किठे भो थिए, त यीशु तेन्हि केआं पुछु, 42“मसीहे बारे तुस की सोचते? से केसे गभुर भो?” तेन्हि तेस जे बोलु, “राजा दाऊदे भो।” 43त तेन तेन्हि केआं पुछु, “त राजा दाऊदे पूजाई टेम, शुची आत्माई तस ‘मसीह’ जे ‘प्रभु’ बोलुण जे किस बोलु? धरमे कताब अन्तर लिखो असु,
44‘प्रभु परमेश्वर में प्रभु जे बोलु,
जोउं तकर अउं तें दुश्माणी तें खुर पड्डे ना छइ छउं,
तोउं तकर तु में सुमले कना बिश।’”#छुआंरी 110:1
45“भला, जपल दाऊद तेस जे ‘प्रभु’ बोता, त से तसे कुआ कीं भुआ?” 46तसे जवाब अन्तर केनि यक बोक बि बोल न बटी। तेस रोज केआं पता तेस केआं कुछ पुछणे केसेरी हिम्मत न भुई।
Currently Selected:
मत्ती 22: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
मत्ती 22
22
ब्याहे धामे कथा
लूका 14:15-24
1यीशु तोउ कथा शुणाई कइ मेह्णु शिचालुण लगा। 2तेन बोलु, “स्वर्गे राज्य यक तेस राजे ईं असु, जेन अपु कोईये ब्याहे धाम दिती। 3तेन अपु नौखर धामि भिआण जे लंघाए; पर से एण न चहतेथ। 4तोउं तेन होरे नौखर भिआण जे लंघाए कि धामि जे ईं बोलुण ‘हेरे! मेईं रौठि बड़ाई छओ असी। होर मासुं-धासुं, सोब कुछ बण गो असु। त तुस अब धाम खाण जे एईए।’ 5पर तेन्हि तसे कोई परवाह न की। कोउं अपु बग त कोउं अपु व्यापार जे घेई गे। 6होर जे मेह्णु गी थिए तेन्हि तसे नौखर टाते, तेन्के बेज्जती की त मार छड़े।”
7“त राजे लेहेर एई गई, तेन अपु सपाही लंघाए, से खतम कइ छड़े त पूरा शेहर फुक छड़ा। 8तोउं तेन अपु नौखरी जे बोलु, ‘ब्याहे रौठि त बणो असी, पर धामिए मेह्णु हें जोग न थिए। 9त तुस बत घिए त जत बि मेह्णु मेईंयेल, तेन्हि सोबी ब्याहे धाम खाण जे अण्हे।’ 10त से नौखर गे, बत जत बि खरे-खोटे मेह्णु मेईंए सोब किठे कर कइ घिन आए त पूरा घर मेहमानी बइ भरी गा। 11जपल राजा मेहमानी जोई मीण जे अन्तर आ, त तेन तठि यक मेह्णु काआ, जेन अब्बल झिणे नेओथ डबो। 12त तेन तेस केआं पुछु, ‘ए दोस्ता! तु अब्बल झिणे बजन डबणे इठि किस आ?’ त तेस मेह्णु टेठु यकदम ईं शुख गोउ। 13तोउं राजे नौखरी जे बोलु, ‘असे हथ खुर बन्ह कइ बाहर अन्हारे छड़े, जेठि रोलुण शींकुण त मगिरि चठ देण भुण असु।’#मत्ती 8:12; 25:30; लूका 13:28 14किस कि स्वर्गे राज्य जे भिहो त सुआ जेईं असे, पर परमेश्वरे तेन्हि बिचा थोड़े ईं चुणो असे।”
रोमी राजा कैसरे धे मामला देण बारे सवाल
मरकुस 12:13-17; लूका 20:20-26
15तोउं फरीसी तठिआ घेई कइ अपफ बुच बोक विचार करण लगे कि यीशु अपु बोकी अन्तर कीं फसाणण। 16तोउं फरीसी अपु चेले राजा हेरोदेसे मेह्णु जोई साते तसे भेएड़ ईं बोलुण जे लंघाए, “ए गुरु! अस जाणते कि तुस सच्चे असे, त परमेश्वरे बोक बि सच्चाई जोई शिचालते। होर केसेरी परवाह न कते, किस कि तुस मेह्णु के मुंह हेर कइ बोक न कते। 17त असी जे बोले कि तुस की सोचते? रोमी मेह्णु के राजा कैसरे धे मामला देण ठीक असु कि नेईं?” 18यीशु तेन्के मने पाप जाण कइ बोलु, “ओई कपटियो! मोउं किस परखते? 19मामला देणे मेलकी मोउं हराले।” तोउं से यक मेलकी घिन आए। 20तेन तेन्हि केआं पुछु, “ई छाप त नओं केसे भो?” 21तेन्हि तेस जे बोलु, “कैसर राजे।” तोउं तेन तेन्हि जे बोलु, “तोउं त, जे कैसरे भो, से कैसरे धे; त जे परमेश्वरे भो, तस परमेश्वरे धे दिए।” 22ईं शुण कइ से हैरान भोई गे त यीशु अकेले छड़ दी कइ तठिआ नश गे।
दुबारी जीण त ब्याह बारे सवाल
मरकुस 12:18-27; लूका 20:27-40
23पता तेस रोज, सदूकी नओएं यक दले मेह्णु यीशु केईं आए। से सोब मानतेथ कि मरो मेह्णु दुबारी ना जीन्ते, तोउं बि से यीशु केआं इरुह पुछुण लगे, 24“ए गुरु! मूसे बोलो थिउ कि ‘अगर कोई मड़द बजन औलादे मर घियाल, त तसे भाई तसे जुएली टोप दी कइ तस जे गभुर जमाणण।’#22:24 इस निआंगी मुताविक दोके भाई जे पेहला कुआ जमता, से “पेहला भाई कुआ” बोलिन्ता त तसे वंश बधान्ता। (विधि 25:5-6) 25त माने कि हें इठि सत भाई थिए; पेहला भाई ब्याह कर कइ मर गा, औलाद न भुणे बझई जोई जुएली अपु भाई जे छड़ दी गा। 26तिहांणि दोके त टेके जोई बि भु, त अखिर अन्तर सातवां भाई बि टोप दी कइ मर गा। 27सोबी केआं पता से जिल्हाणु बि मर गई। 28तोउं दुबारी जीणे टेम से तेन्हि सतहोई बुचा केसे जुएली भुन्ति? किस कि से सोबी के जुएली बण गो थी।”
29यीशु तेन्हि जे जवाब दिता, “तुस गलत असे। तुस ना त धरमे कताब जाणते, होर ना परमेश्वरे ताकते बारे जाणते। 30मर कइ दुबारी जीण केआं पता मेह्णु न त ब्याह कते, होर ना करेईन्ते, पर से स्वर्ग अन्तर परमेश्वरे दूते ईं भुन्ते। 31मरो तेन्हि दुबारी जीणे बारे तुसी ई वचन नेईं न पढ़ो जे परमेश्वरे तुसी जे बोलो थिआ?
32‘अउं अब्राहमे परमेश्वर, इसहाके परमेश्वर त याकूबे परमेश्वर भो।’#निसुणे 3:6
से मरो तेन्के न, पर जीन्ती के परमेश्वर भो।” 33जपल मेह्णु के हुसुड़े ई शुणु, त तसे शिक्षा बेलि हैरान भोई गे।
सोबी केआं बोडी निआंग
मरकुस 12:28-34; लूका 10:25-28
34जपल फरीसी शुणु कि यीशु सदूकी के मुंह बन्न कइ छोउ, त से सोब किठि गे। 35त तेन्हि अन्तरा मूसा नियमे यक पण्डित यीशु परखणे लिए तेस केआं पुछु, 36“ए गुरु! नियम#22:36 “नियम” मतलब जे कुछ बि परमेश्वरे मूसा बेलि इस्राएली मेह्णु जे बुलो थी। बुछ कोउं बाड़ी निआंग सोबी केआं बोडी असी?” 37तेन तेस जे बोलु, “‘तु परमेश्वर अपु प्रभु जोई पूरे मन, पूरे प्राण त पूरे ताकत जोई परेम कर।’#विधि 6:5 38सोबी केआं बोडी त पेहली निआंग त एईएं भो। 39तसेरी ईं दोकी निआंग ई भो कि ‘तु अपु भेयाड़ी जोई अपु बराबर परेम कर।’#पुजारोठि 19:18 40एईएं दुई निआंग पुठ ईं पूरा नियम त भविष्य वक्ती के शिक्षा टिगो असी।”
मसीह केसे कुआ भो?
मरकुस 12:35-37; लूका 20:41-44
41जपल फरीसी किठे भो थिए, त यीशु तेन्हि केआं पुछु, 42“मसीहे बारे तुस की सोचते? से केसे गभुर भो?” तेन्हि तेस जे बोलु, “राजा दाऊदे भो।” 43त तेन तेन्हि केआं पुछु, “त राजा दाऊदे पूजाई टेम, शुची आत्माई तस ‘मसीह’ जे ‘प्रभु’ बोलुण जे किस बोलु? धरमे कताब अन्तर लिखो असु,
44‘प्रभु परमेश्वर में प्रभु जे बोलु,
जोउं तकर अउं तें दुश्माणी तें खुर पड्डे ना छइ छउं,
तोउं तकर तु में सुमले कना बिश।’”#छुआंरी 110:1
45“भला, जपल दाऊद तेस जे ‘प्रभु’ बोता, त से तसे कुआ कीं भुआ?” 46तसे जवाब अन्तर केनि यक बोक बि बोल न बटी। तेस रोज केआं पता तेस केआं कुछ पुछणे केसेरी हिम्मत न भुई।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.