मत्ती 26
26
यीशु मारण जे यहूदी नेती के मेझर
मरकुस 14:1-2; लूका 22:1-2; यूहन्ना 11:45-53
1ई सोब बोके बोलुण केआं पता, यीशु अपु चेली जे बोलु। 2“तुसी त पता असा कि दुई रोज बाद बचणे त्योहार#26:2 एस यहूदी मेह्णु “फसह” बोते। सुआ जाणकारी जे शब्द संग्रह हेरे। एणे बाड़ा असा, तिखेईं कोउं जेईं मनखे कुआ क्रूस पुठ मारण जे टोवान्ता।”
3होर कना, यहूदी मेह्णु के मुख्य पुजारे त टजे स्याणे, “काइफा” नओएं बोडे पुजारे मेहेल अन्तर किठिए। 4त से अपफ बुच मेझर करण लगे कि यीशु ठगाई कइ कीं टाण त मार छाण। 5पर तेन्हि ई बि बोलु कि “त्योहारे टेम ना करण। ईं न भो कि मेह्णु अन्तर बबाल मच घियाल।”
मुश्कदार तेल लाई कइ यक जिल्हाणु यीशु इज्जत देण
मरकुस 14:3-9; यूहन्ना 12:1-8
6जपल यीशु बैतनिया ग्रां अन्तर शमौन नओएं यक मेह्णु गी थिआ, जेस पेहले कोढ़ भुओ थिआ, 7त यक जिल्हाणु संगमरमरे यक बोतल अन्तर सुआ कीमति इत्र घिन कइ तसे भेएड़ आई त से सोब तसे मगिर पुठ डोल छड़ा। तपल यीशु रौठि खाण जे बिशो थिआ।#लूका 7:37,38 8ईं हेर कइ तसे चेले लेहरी गे त बोलुण लगे, “ए बरबाद किस किआ? 9एस त खरे कीमति बेच कइ कंगाली अन्तर बांटतेथ।” 10ईं शुण कइ यीशु तेन्हि जे बोलु, “तुस एस जिल्हाणु किस तंग करण लगो असे? एन मोउं जोई भलाई किओ असी। 11कंगाल त तुसी जोई हमेशा बिश्ते, पर अउं तुसी जोई हमेशा न रेहन्ता। 12एन जे इत्र में शरीर पुठ डोलो असा, से मोउं पथणे लिए किओ असु। 13अउं तुसी जे बोता, पूरे धरती अन्तर जेठि कोठि इस खुश खबरी प्रचार भोल, तठि एसे इस कमे चर्चा बि हमेशा भुन्ति रेहती।”
यीशु टोवाणे लिए यहूदा इस्कारियती चाल
मरकुस 14:10-11; लूका 22:3-6
14तोउं यहूदा इस्कारियती, जे यीशु बाराह चेली अन्तरा यक थिआ, तेन मुख्य पुजारी केईं घेई कइ बोलु, 15“अगर अउं यीशु तुं हथ टोवाई छउं त तुस मेन्धे की देन्ते?” तेन्हि तसे धे तिह चन्नी मेलकी गिण कइ दी छड़े। 16तोउं से यीशु टोवाणे मौका तोपुण लगा।
यीशु चेली जुए बचणे त्योहार मनाण
मरकुस 14:12-21; लूका 22:7-14; यूहन्ना 13:21-30
17रौठि त्योहारे पेहले रोज, चेले यीशु भेएड़ एई कइ पुछुण लगे, “बचणे त्योहारे रौठि तुस कोठि तेयार करण चहन्ते?” 18तेन बोलु, “यरुशलेम शेहर अन्तर फुलाणे मेह्णु केईं घिए त तेस जे बोले, ‘गुरु बोता कि में टेम भेएड़ एई गो असा। तें गी अउं अपु चेली जोई साते त्योहार मनान्ता।’” 19त जीं यीशु बोलो थिउ तिहांणि चेली किउ। त बचणे त्योहारे रौठि बणाई।
20पता, जपल ब्यादि भुई त यीशु बाराह चेली जोई साते रौठि खाण बिशा। 21होर जपल से खाण लगो थिए, तेन बोलु, “अउं तुसी जे बोता कि तुसी अन्तरा यक जेईं मोउं में दुश्माणी के हथ टोवान्ता।” 22ई शुण कइ चेले ती उदास भोई गे, त हर यक जेईं तेस केआं पुछुण लगे, “प्रभु, से अउं त ना भो?” 23तेन जवाब दुतु, “जेन मोउं जोई साते मंगाई अन्तर हथ छो थिउ, सेईंए मोउं टोवान्ता। 24मनखे कुआ त जीं तसे बारे धरमे कताब अन्तर लिखो असु, घेण असु। पर तेस मेह्णु खेया खाट भोई घेन्ति, जे मनखे कुआ धोखा दी कइ टोवान्ता। तेस मेह्णु लिए खरु भुन्तुथ अगर से जमोरा ना भुन्ताथ।” 25तोउं तेस टोवाणे बाड़ा इस्कारियती यहूदे बोलु, “ए गुरु, से अउं त ना भो?” तेन तेस जे बोलु, “तेईं सही बोलु।”
प्रभु बेह्लु रीति बणाण
मरकुस 14:22-26; लूका 22:15-20; 1 कुरिन्थ 11:23-25
26जपल से रौठि खाण लगो थिए, यीशु यक रौठि टाती, परमेश्वरे धन्यवाद दी कइ टुकड़ेरी, त चेली कें धे दी कइ बोलु, “ए नीए त खाण दिए; ए में जिसम भो।” 27फिर तेन दाखरसे कटोरा टाई कइ परमेश्वरे धन्यवाद किआ, त तेन्के धे दी कइ बोलु, “तुस सोब इस अन्तरा पिए। 28किस कि ए परमेश्वरे जुबाने में से लहु भो,#निसुणे 24:6-8 जे अउं सुआ मेह्णु के पाप माफ करण जे बोहान्ता। 29अउं तुसी जे बोता कि तपल तकर अउं फिर कदी दाखरस न पीन्ता, जपल तकर अउं अपु बोउए राज्य अन्तर तुसी जोई साते ना पीन्ता।” 30तोउं से छुआंरी लाई कइ जैतुन बुटे फाट पुठ जे गे।
पतरसे मुकरणे बारे यीशु भविष्य वाणि
मरकुस 14:27-31; लूका 22:31-34; यूहन्ना 13:36-38
31तोउं यीशु तेन्हि जे बोलु, “आज रात तुस सोब मोउं छड़ देन्ते, किस कि धरमे कताब अन्तर लिखो असु:
‘अउं पुहाल मार छता,
त ढडुड़ इएर-ओवर बिडिड़ घेन्ते।’#जकर्याह 13:7
32पर दुबारी जीण केआं पता अउं तुसी केआं पेहलाई गलील राज्य जे घेई घेन्ता।” #मत्ती 28:16 33त पतरसे तेस जे बोलु, “ए गुरु, ए सोब तोउ छड़ दी कइ नश बि घियेल त अउं कदी तोउ छड़ न देन्ता।” 34यीशु तेस जे बोलु, “पतरसा! अउं तोउ जे बोता, आजे रात कुकड़े बांग देण केआं पेहलाई तु मोउं पिछाणणे केआं टाई लिंगि मुकीर घेन्ता।” 35पतरसे बोलु, “तें लिए मोउं अगर मरुण बि एईयेल ना, तोउं बि अउं तुसी पिछाणणे केआं न मुकरीन्ता।” तिहांणि सोबी चेली बि बोलु।
गतसमनी अन्तर यीशु प्रार्थना करण
मरकुस 14:32-42; लूका 22:39-46
36तोउं यीशु अपु चेली जोई जैतुने फाटे गतसमनी नओएं यक जगाई गा त अपु चेली जे बोलुण लगा, “अउं ओठि घेई कइ प्रार्थना कता, तोउं तकर तुस इठि बिशे।” 37से पतरस त जबदी दुहि कुआ याकूब त यूहन्ना साते घिन गा। तोउं से ती उदास त परेशान भुण लगा। 38तोउं तेन तेन्हि जे बोलु, “मोउं सुआ अवज ईं भुण लगो असु। ईं लगतु जीं में कांया उचेईंण लगो असी। तुस इठि मोउं जोई खड़ खड़ बिशे।” 39तोउं से तठिआ थोड़ा अगर घेई कइ उटेऊ बिश गा, त प्रार्थना करण लगा, “ए में बोउआ! अगर भोई सकतु त एस दुखे घड़ी केआं मोउं बचा। तोउं बि जीं अउं चहन्ता तीं ना, पर जीं तु चहन्ता तीं लौतु भो।” 40तोउं से चेली के भेएड़ एई गा त से उंघोरे मेईंए त तेन पतरस जे बोलु, “तुस मोउं जोई यक घड़ी बि खड़ खड़ न बिश बटे ना? 41खड़ खड़ बिश कइ प्रार्थना कते रिहे, ताकि तुस परीक्षा अन्तर न पड़ेल: तुं मन त तेयार असा, पर जिसम कमजोर असा।” 42तोउं तेन दुबारी घेई कइ प्रार्थना की, “ए में बोउआ, अगर ए दुख मोउं सेहणे ईं असा त तें इच्छा पूरी भो।” 43पता फिर आ त से सोब उंघोरे थिए, किस कि तेन्के टीर लग गो थी। 44त से फिर तेन्हि छड़ दी कइ घेई गा, त टेके लिंगि तिहांणि प्रार्थना की। 45तोउं चेली के भेएड़ एई कइ तेन चेली जे बोलु, “खरी, खरी! की तुस अपल तकर उंघोरे त अराम करणे बिशो असे ना? हेरे, से घड़ी एई गई जपल मनखे कुआ दुष्ट मेह्णु हथे टोवेईन्ता। 46बसे बे, खड़ भुए त हंटे। हेरे! मोउं टोवाणे बाड़ा पुजी गो असा।”
यहूदा इस्कारियतीए धोखे जोई यीशु टोवाण
मरकुस 14:43-50; लूका 22:47-53; यूहन्ना 18:3-12
47यीशु ईं बोलुण लगो थिआ दे यहूदा, जे बाराह चेली बुचा यक थिआ तठि पुजा। तेस जोई मुख्य पुजारे, त टजे स्याणी लंघो सुआ हुसुड़ा तलवार त लठि घिन कइ अओ थिए। 48त तस टोवाणे बाड़ा यहूदा तेन्हि जे निशाणी बारे बोल रखो थिउ कि “जेस अउं गड़ामेड़ा कर कइ फोकड़िआंउ; सेईंए यीशु भो; से टाण।” 49त तेन झठ यीशु भेएड़ एई कइ बोलु, “गुरुजी, नमस्ते!” त गड़ामेड़ा कर कइ फोकड़िआ। 50यीशु तेस जे बोलु, “ए दोस्ता, जेस कम जे तु अओ असा, तेस कइ छड़।” तोउं तेन्हि भेएड़ एई कइ यीशु टाइ कइ बन्ह छड़ा। 51अचानक, यीशु चेली अन्तरा यक जेईं अपु छूरि टाती त बोडे पुजारे यक नौखरे कन छोलि फटा। 52त यीशु तेस जे बोलु, “अपु छूरि अन्तर रख, किस कि जे छूरि चलान्ते, से सोब छूरि बइ खतम भोई घेन्ते। 53तु न जाणता ना कि अगर अउं अपु बोउ केईं प्रार्थना करुं त से यकदम ईं बाराह पलटन केआं बि ज्यादा स्वर्गेदूत इठि लंघान्ता? 54पर अगर तीं करुं त धरमे कताब अन्तर लिखो बोक कीं कइ पूरी भुन्ति, जे बोती कि ईं भुण जरूरी असु?” 55त तेस टेम यीशु हुसुड़े जे बोलु, “तुस तलवार त लठि घिन कइ मोउं ईं टाण जे अओ असे, जीं कोई अउं यक डाकु भो। अउं रोज के रोज देहेर अन्तर एई कइ शिचालताथ। तिखेईं तुसी अउं न टाता।#लूका 19:47; 21:37 56पर ई सोब तोउं भु ताकि भविष्य वक्ती बोलो वचन पूरा भोल।” तोउं सोब चेले तेस छड़ दी कइ तठिआ नश गे।
यहूदी मेह्णु के टजोट अन्तर यीशु पेशी
मरकुस 14:53-65; लूका 22:54-55,63-71; यूहन्ना 18:13-14,19-24
57तोउं तेन्हि यीशु टाइ कइ बोडा पुजारा काइफा केईं नीआ। तठि धर्मशास्त्री त टजे स्याणे किठे भो थिए। 58पर पतरसे दुरारी तसे पता पता बोडा पुजारे आंगण तकर गा त सपाही जुए बिशा ताकि यीशु जुए की भुन्तु से पता लगियेल। 59मुख्य पुजारे त टजोटे मेह्णु यीशु खिलाफ झूठे उगाह तोपुण लगो थिए ताकि तस मार सकियेल। 60सुआ झूठे उगाह देण जे आए, पर कोई बि तेन्हि सही ना लगु। तढ़िया पता दुई मेह्णु आए। 61तेन्हि बोलु, “एन बोलो असु कि ‘अउं परमेश्वरे देहेर ढेई बटता त तेस टाई रोज अन्तर दुबारी बणाई बटता।’”#यूहन्ना 2:19 62तपल बोडा पुजारे खड़ भोई कइ यीशु जे बोलु, “तु कि कोई जवाब न देन्ता ना? ए मेह्णु तें खिलाफ ईं की उगाही देण लगो असे?” 63यीशु नरदोष थिआ, तोउं बि से चुप बिशा। तोउं बोडा पुजारा तेस जे बोलु, “अउं तोउ जीन्ते परमेश्वरे सोह देन्ता कि अगर तु परमेश्वरे कुआ ‘मसीह’ भो त असी जे बोल।” 64यीशु तेस जे बोलु, “तेईं अपफ बोल छउ। तोउं बि अउं तोउ जे बोता कि अभेईं केआं खड़ तुस मनखे कुआ सर्व शक्तिमान परमेश्वरे देहणा कना बिशो त अम्बरे बदेए पुठ एन्ते हेरते।” 65तोउं बोडा पुजारा अपु झिणे चीरे त बोलु, “एन परमेश्वरे बेज्जती की! अब असी उगाही के की जरूरत असी? तुसी त अभेईं शुणु ना! 66तुं पंची की असी?” तेन्हि जवाब दुतु, “ए त मारणे लेएक असा।” 67तोउं तेन्हि तसे मुंह पुठ थुकु, मुकेया दिती त तेस मडण लगे, 68तोउं फूल बणाई कइ बोलु, “ए मसीह! असी जे भविष्य वाणि कर कइ बोल कि तु केन मडा?”
पतरसे यीशु पिछाणुण केआं मुकरुण
मरकुस 14:66-72; लूका 22:56-62; यूहन्ना 18:15-18,25-27
69पतरस बाहर आंगण अन्तर बिशो थिआ। त यक नौखराणि तसे भेएड़ आई त बोलु, “तु बि त गलील राज्ये तेस यीशु जोई साते थिआ।” 70तेन सोबी के सामणि ई बोल कइ ना कइ छड़ा कि “तु की बोलुण लगो असी, मोउं त कुछ पता नेईं।” 71जपल से बाहर दुआर केईं गा त होरी नौखराणि तस हेर कइ तठि बिशो मेह्णु जे बोलु, “ए त नासरत ग्रांए यीशु जोई साते थिआ।” 72से फिर सोह कर कइ मुकीर गा कि “अउं तेस मेह्णु न जाणता।” 73तोउं कुछ देर पता, जे मेह्णु तठि खड़ खड़ थिए पतरसे भेएड़ एई कइ बोलु, “सच्चे, तु बि तेन्हि बुचा यक भो, किस कि तें बोकी केआं पता लग घेन्ता।” 74तोउं तेन अपफ पुठ सोह कर कइ बोलु, “अउं तेस मेह्णु न जाणता।” तिखेईंए कुकड़े बांग दी छइ। 75त पतरस यीशु बोलो बोक याद एई गई: तेन बोलो थिउ “पतरसा! अउं तोउ जे बोता, आजे रात कुकड़े बांग देण केआं पेहलाई तु मोउं पिछाणणे केआं टाई लिंगि मुकीर घेन्ता।” तोउं से तठिआ बाहर घेई कइ जोरी जोरी रोलुण लगा।
Currently Selected:
मत्ती 26: pgg
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.
मत्ती 26
26
यीशु मारण जे यहूदी नेती के मेझर
मरकुस 14:1-2; लूका 22:1-2; यूहन्ना 11:45-53
1ई सोब बोके बोलुण केआं पता, यीशु अपु चेली जे बोलु। 2“तुसी त पता असा कि दुई रोज बाद बचणे त्योहार#26:2 एस यहूदी मेह्णु “फसह” बोते। सुआ जाणकारी जे शब्द संग्रह हेरे। एणे बाड़ा असा, तिखेईं कोउं जेईं मनखे कुआ क्रूस पुठ मारण जे टोवान्ता।”
3होर कना, यहूदी मेह्णु के मुख्य पुजारे त टजे स्याणे, “काइफा” नओएं बोडे पुजारे मेहेल अन्तर किठिए। 4त से अपफ बुच मेझर करण लगे कि यीशु ठगाई कइ कीं टाण त मार छाण। 5पर तेन्हि ई बि बोलु कि “त्योहारे टेम ना करण। ईं न भो कि मेह्णु अन्तर बबाल मच घियाल।”
मुश्कदार तेल लाई कइ यक जिल्हाणु यीशु इज्जत देण
मरकुस 14:3-9; यूहन्ना 12:1-8
6जपल यीशु बैतनिया ग्रां अन्तर शमौन नओएं यक मेह्णु गी थिआ, जेस पेहले कोढ़ भुओ थिआ, 7त यक जिल्हाणु संगमरमरे यक बोतल अन्तर सुआ कीमति इत्र घिन कइ तसे भेएड़ आई त से सोब तसे मगिर पुठ डोल छड़ा। तपल यीशु रौठि खाण जे बिशो थिआ।#लूका 7:37,38 8ईं हेर कइ तसे चेले लेहरी गे त बोलुण लगे, “ए बरबाद किस किआ? 9एस त खरे कीमति बेच कइ कंगाली अन्तर बांटतेथ।” 10ईं शुण कइ यीशु तेन्हि जे बोलु, “तुस एस जिल्हाणु किस तंग करण लगो असे? एन मोउं जोई भलाई किओ असी। 11कंगाल त तुसी जोई हमेशा बिश्ते, पर अउं तुसी जोई हमेशा न रेहन्ता। 12एन जे इत्र में शरीर पुठ डोलो असा, से मोउं पथणे लिए किओ असु। 13अउं तुसी जे बोता, पूरे धरती अन्तर जेठि कोठि इस खुश खबरी प्रचार भोल, तठि एसे इस कमे चर्चा बि हमेशा भुन्ति रेहती।”
यीशु टोवाणे लिए यहूदा इस्कारियती चाल
मरकुस 14:10-11; लूका 22:3-6
14तोउं यहूदा इस्कारियती, जे यीशु बाराह चेली अन्तरा यक थिआ, तेन मुख्य पुजारी केईं घेई कइ बोलु, 15“अगर अउं यीशु तुं हथ टोवाई छउं त तुस मेन्धे की देन्ते?” तेन्हि तसे धे तिह चन्नी मेलकी गिण कइ दी छड़े। 16तोउं से यीशु टोवाणे मौका तोपुण लगा।
यीशु चेली जुए बचणे त्योहार मनाण
मरकुस 14:12-21; लूका 22:7-14; यूहन्ना 13:21-30
17रौठि त्योहारे पेहले रोज, चेले यीशु भेएड़ एई कइ पुछुण लगे, “बचणे त्योहारे रौठि तुस कोठि तेयार करण चहन्ते?” 18तेन बोलु, “यरुशलेम शेहर अन्तर फुलाणे मेह्णु केईं घिए त तेस जे बोले, ‘गुरु बोता कि में टेम भेएड़ एई गो असा। तें गी अउं अपु चेली जोई साते त्योहार मनान्ता।’” 19त जीं यीशु बोलो थिउ तिहांणि चेली किउ। त बचणे त्योहारे रौठि बणाई।
20पता, जपल ब्यादि भुई त यीशु बाराह चेली जोई साते रौठि खाण बिशा। 21होर जपल से खाण लगो थिए, तेन बोलु, “अउं तुसी जे बोता कि तुसी अन्तरा यक जेईं मोउं में दुश्माणी के हथ टोवान्ता।” 22ई शुण कइ चेले ती उदास भोई गे, त हर यक जेईं तेस केआं पुछुण लगे, “प्रभु, से अउं त ना भो?” 23तेन जवाब दुतु, “जेन मोउं जोई साते मंगाई अन्तर हथ छो थिउ, सेईंए मोउं टोवान्ता। 24मनखे कुआ त जीं तसे बारे धरमे कताब अन्तर लिखो असु, घेण असु। पर तेस मेह्णु खेया खाट भोई घेन्ति, जे मनखे कुआ धोखा दी कइ टोवान्ता। तेस मेह्णु लिए खरु भुन्तुथ अगर से जमोरा ना भुन्ताथ।” 25तोउं तेस टोवाणे बाड़ा इस्कारियती यहूदे बोलु, “ए गुरु, से अउं त ना भो?” तेन तेस जे बोलु, “तेईं सही बोलु।”
प्रभु बेह्लु रीति बणाण
मरकुस 14:22-26; लूका 22:15-20; 1 कुरिन्थ 11:23-25
26जपल से रौठि खाण लगो थिए, यीशु यक रौठि टाती, परमेश्वरे धन्यवाद दी कइ टुकड़ेरी, त चेली कें धे दी कइ बोलु, “ए नीए त खाण दिए; ए में जिसम भो।” 27फिर तेन दाखरसे कटोरा टाई कइ परमेश्वरे धन्यवाद किआ, त तेन्के धे दी कइ बोलु, “तुस सोब इस अन्तरा पिए। 28किस कि ए परमेश्वरे जुबाने में से लहु भो,#निसुणे 24:6-8 जे अउं सुआ मेह्णु के पाप माफ करण जे बोहान्ता। 29अउं तुसी जे बोता कि तपल तकर अउं फिर कदी दाखरस न पीन्ता, जपल तकर अउं अपु बोउए राज्य अन्तर तुसी जोई साते ना पीन्ता।” 30तोउं से छुआंरी लाई कइ जैतुन बुटे फाट पुठ जे गे।
पतरसे मुकरणे बारे यीशु भविष्य वाणि
मरकुस 14:27-31; लूका 22:31-34; यूहन्ना 13:36-38
31तोउं यीशु तेन्हि जे बोलु, “आज रात तुस सोब मोउं छड़ देन्ते, किस कि धरमे कताब अन्तर लिखो असु:
‘अउं पुहाल मार छता,
त ढडुड़ इएर-ओवर बिडिड़ घेन्ते।’#जकर्याह 13:7
32पर दुबारी जीण केआं पता अउं तुसी केआं पेहलाई गलील राज्य जे घेई घेन्ता।” #मत्ती 28:16 33त पतरसे तेस जे बोलु, “ए गुरु, ए सोब तोउ छड़ दी कइ नश बि घियेल त अउं कदी तोउ छड़ न देन्ता।” 34यीशु तेस जे बोलु, “पतरसा! अउं तोउ जे बोता, आजे रात कुकड़े बांग देण केआं पेहलाई तु मोउं पिछाणणे केआं टाई लिंगि मुकीर घेन्ता।” 35पतरसे बोलु, “तें लिए मोउं अगर मरुण बि एईयेल ना, तोउं बि अउं तुसी पिछाणणे केआं न मुकरीन्ता।” तिहांणि सोबी चेली बि बोलु।
गतसमनी अन्तर यीशु प्रार्थना करण
मरकुस 14:32-42; लूका 22:39-46
36तोउं यीशु अपु चेली जोई जैतुने फाटे गतसमनी नओएं यक जगाई गा त अपु चेली जे बोलुण लगा, “अउं ओठि घेई कइ प्रार्थना कता, तोउं तकर तुस इठि बिशे।” 37से पतरस त जबदी दुहि कुआ याकूब त यूहन्ना साते घिन गा। तोउं से ती उदास त परेशान भुण लगा। 38तोउं तेन तेन्हि जे बोलु, “मोउं सुआ अवज ईं भुण लगो असु। ईं लगतु जीं में कांया उचेईंण लगो असी। तुस इठि मोउं जोई खड़ खड़ बिशे।” 39तोउं से तठिआ थोड़ा अगर घेई कइ उटेऊ बिश गा, त प्रार्थना करण लगा, “ए में बोउआ! अगर भोई सकतु त एस दुखे घड़ी केआं मोउं बचा। तोउं बि जीं अउं चहन्ता तीं ना, पर जीं तु चहन्ता तीं लौतु भो।” 40तोउं से चेली के भेएड़ एई गा त से उंघोरे मेईंए त तेन पतरस जे बोलु, “तुस मोउं जोई यक घड़ी बि खड़ खड़ न बिश बटे ना? 41खड़ खड़ बिश कइ प्रार्थना कते रिहे, ताकि तुस परीक्षा अन्तर न पड़ेल: तुं मन त तेयार असा, पर जिसम कमजोर असा।” 42तोउं तेन दुबारी घेई कइ प्रार्थना की, “ए में बोउआ, अगर ए दुख मोउं सेहणे ईं असा त तें इच्छा पूरी भो।” 43पता फिर आ त से सोब उंघोरे थिए, किस कि तेन्के टीर लग गो थी। 44त से फिर तेन्हि छड़ दी कइ घेई गा, त टेके लिंगि तिहांणि प्रार्थना की। 45तोउं चेली के भेएड़ एई कइ तेन चेली जे बोलु, “खरी, खरी! की तुस अपल तकर उंघोरे त अराम करणे बिशो असे ना? हेरे, से घड़ी एई गई जपल मनखे कुआ दुष्ट मेह्णु हथे टोवेईन्ता। 46बसे बे, खड़ भुए त हंटे। हेरे! मोउं टोवाणे बाड़ा पुजी गो असा।”
यहूदा इस्कारियतीए धोखे जोई यीशु टोवाण
मरकुस 14:43-50; लूका 22:47-53; यूहन्ना 18:3-12
47यीशु ईं बोलुण लगो थिआ दे यहूदा, जे बाराह चेली बुचा यक थिआ तठि पुजा। तेस जोई मुख्य पुजारे, त टजे स्याणी लंघो सुआ हुसुड़ा तलवार त लठि घिन कइ अओ थिए। 48त तस टोवाणे बाड़ा यहूदा तेन्हि जे निशाणी बारे बोल रखो थिउ कि “जेस अउं गड़ामेड़ा कर कइ फोकड़िआंउ; सेईंए यीशु भो; से टाण।” 49त तेन झठ यीशु भेएड़ एई कइ बोलु, “गुरुजी, नमस्ते!” त गड़ामेड़ा कर कइ फोकड़िआ। 50यीशु तेस जे बोलु, “ए दोस्ता, जेस कम जे तु अओ असा, तेस कइ छड़।” तोउं तेन्हि भेएड़ एई कइ यीशु टाइ कइ बन्ह छड़ा। 51अचानक, यीशु चेली अन्तरा यक जेईं अपु छूरि टाती त बोडे पुजारे यक नौखरे कन छोलि फटा। 52त यीशु तेस जे बोलु, “अपु छूरि अन्तर रख, किस कि जे छूरि चलान्ते, से सोब छूरि बइ खतम भोई घेन्ते। 53तु न जाणता ना कि अगर अउं अपु बोउ केईं प्रार्थना करुं त से यकदम ईं बाराह पलटन केआं बि ज्यादा स्वर्गेदूत इठि लंघान्ता? 54पर अगर तीं करुं त धरमे कताब अन्तर लिखो बोक कीं कइ पूरी भुन्ति, जे बोती कि ईं भुण जरूरी असु?” 55त तेस टेम यीशु हुसुड़े जे बोलु, “तुस तलवार त लठि घिन कइ मोउं ईं टाण जे अओ असे, जीं कोई अउं यक डाकु भो। अउं रोज के रोज देहेर अन्तर एई कइ शिचालताथ। तिखेईं तुसी अउं न टाता।#लूका 19:47; 21:37 56पर ई सोब तोउं भु ताकि भविष्य वक्ती बोलो वचन पूरा भोल।” तोउं सोब चेले तेस छड़ दी कइ तठिआ नश गे।
यहूदी मेह्णु के टजोट अन्तर यीशु पेशी
मरकुस 14:53-65; लूका 22:54-55,63-71; यूहन्ना 18:13-14,19-24
57तोउं तेन्हि यीशु टाइ कइ बोडा पुजारा काइफा केईं नीआ। तठि धर्मशास्त्री त टजे स्याणे किठे भो थिए। 58पर पतरसे दुरारी तसे पता पता बोडा पुजारे आंगण तकर गा त सपाही जुए बिशा ताकि यीशु जुए की भुन्तु से पता लगियेल। 59मुख्य पुजारे त टजोटे मेह्णु यीशु खिलाफ झूठे उगाह तोपुण लगो थिए ताकि तस मार सकियेल। 60सुआ झूठे उगाह देण जे आए, पर कोई बि तेन्हि सही ना लगु। तढ़िया पता दुई मेह्णु आए। 61तेन्हि बोलु, “एन बोलो असु कि ‘अउं परमेश्वरे देहेर ढेई बटता त तेस टाई रोज अन्तर दुबारी बणाई बटता।’”#यूहन्ना 2:19 62तपल बोडा पुजारे खड़ भोई कइ यीशु जे बोलु, “तु कि कोई जवाब न देन्ता ना? ए मेह्णु तें खिलाफ ईं की उगाही देण लगो असे?” 63यीशु नरदोष थिआ, तोउं बि से चुप बिशा। तोउं बोडा पुजारा तेस जे बोलु, “अउं तोउ जीन्ते परमेश्वरे सोह देन्ता कि अगर तु परमेश्वरे कुआ ‘मसीह’ भो त असी जे बोल।” 64यीशु तेस जे बोलु, “तेईं अपफ बोल छउ। तोउं बि अउं तोउ जे बोता कि अभेईं केआं खड़ तुस मनखे कुआ सर्व शक्तिमान परमेश्वरे देहणा कना बिशो त अम्बरे बदेए पुठ एन्ते हेरते।” 65तोउं बोडा पुजारा अपु झिणे चीरे त बोलु, “एन परमेश्वरे बेज्जती की! अब असी उगाही के की जरूरत असी? तुसी त अभेईं शुणु ना! 66तुं पंची की असी?” तेन्हि जवाब दुतु, “ए त मारणे लेएक असा।” 67तोउं तेन्हि तसे मुंह पुठ थुकु, मुकेया दिती त तेस मडण लगे, 68तोउं फूल बणाई कइ बोलु, “ए मसीह! असी जे भविष्य वाणि कर कइ बोल कि तु केन मडा?”
पतरसे यीशु पिछाणुण केआं मुकरुण
मरकुस 14:66-72; लूका 22:56-62; यूहन्ना 18:15-18,25-27
69पतरस बाहर आंगण अन्तर बिशो थिआ। त यक नौखराणि तसे भेएड़ आई त बोलु, “तु बि त गलील राज्ये तेस यीशु जोई साते थिआ।” 70तेन सोबी के सामणि ई बोल कइ ना कइ छड़ा कि “तु की बोलुण लगो असी, मोउं त कुछ पता नेईं।” 71जपल से बाहर दुआर केईं गा त होरी नौखराणि तस हेर कइ तठि बिशो मेह्णु जे बोलु, “ए त नासरत ग्रांए यीशु जोई साते थिआ।” 72से फिर सोह कर कइ मुकीर गा कि “अउं तेस मेह्णु न जाणता।” 73तोउं कुछ देर पता, जे मेह्णु तठि खड़ खड़ थिए पतरसे भेएड़ एई कइ बोलु, “सच्चे, तु बि तेन्हि बुचा यक भो, किस कि तें बोकी केआं पता लग घेन्ता।” 74तोउं तेन अपफ पुठ सोह कर कइ बोलु, “अउं तेस मेह्णु न जाणता।” तिखेईंए कुकड़े बांग दी छइ। 75त पतरस यीशु बोलो बोक याद एई गई: तेन बोलो थिउ “पतरसा! अउं तोउ जे बोता, आजे रात कुकड़े बांग देण केआं पेहलाई तु मोउं पिछाणणे केआं टाई लिंगि मुकीर घेन्ता।” तोउं से तठिआ बाहर घेई कइ जोरी जोरी रोलुण लगा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active) Wycliffe Bible Translators, Inc. All rights reserved.