लुका 9
9
येशुइ योबाक्याला याःबु लेःङ्गो लाःचेला ताङ्क्योक
(मत्ती १०:५-१५; मर्कुस ६:७-१३)
1येशुइ चीङ्ङीरा योबाक्याला ठाउँ चीगलारा केक्याःप्सी। खुङक्याला हेन्डी तेङेन्दी ओःले नेःपाक्याला टाःच्युगेन्दी ल्हे ओःले आङ्ज्या तेर्सी। 2ओःले खुङगीइ कोन्ज्योइ क्याःल्खापकीइ बारेला लेःङ्गो टाःम्जेला ओःले नेःपाक्याला टाःच्युजेला खुङक्याला ताङ्सी। 3येशुइ खुङक्याला लाःसी, “लाःमगीइ लागी चीङ माःखुर। पेःर्का, काःल्दा, चेःप्सुर केःला, डेबा ओःले साःगेन स्याःक्याङ माःखुर। 4काःखो खीमगीइ मीःक्याइ ख्याक्याला तोःङ्ज्याङ पेःबा, ओः युःल माःपोःरथुप ओःखो खीमलारा तेः। 5काःखोङ ठाउँगीइ मीःक्याइ ख्याक्याला तोःङ्ज्याङ माःबे लाःना ओः मीःक्याला कोन्ज्योइ पेःगेन ठीमगीइ चेताउनी तेर्चेला ख्याक्याइ राःङगीइ स्याःप्टाइ तुःल प्रुदी ओः ठाउँला पोःर्तेर।”#९:५ यहुदीक्यादी यहुदीक्या बाहेक राःङ्सा मीःइ मीःक्याइ युःलक्याला ओःले क्याःसाक्याला काःल्मीःजीक खुङक्याइ स्याःप्टाइ तुःल प्रुउके, चीलेलाःना खुङक्याइ राःङ्सा क्युःपाइ मीःक्याला असुद्ध लाःकुके। येशुइयाङ राःङगीइ योबाक्याला तोःङ्ज्याङ मेःबेगेन युःलक्याइ मीःक्याला ओःन्डुरा पेःदो लाःसी। 6ओःले ओः योबाक्या लाःम स्युःसी ओःले युःल युःलला काःल्दी याःबु लेःङ्गो लाःतेरा नेःपाक्याला टाःच्युसी।
क्याःल्बु हेरोद जोल्क्योक
(मत्ती १४:१-१२; मर्कुस ६:१४-२९)
7गालील क्षेत्रला क्याःल्खाप पेःगेन हेरोदकीइ येशुइ पेःक्योक थाम्जेर तामक्याइ बारेला कोःमीःजीक खुङ जोल्सी, चीलेलाःना चीङ मीःक्याइ युहन्ना सीक्योकलाःम्ले सेन्दी एः लाःती लाःकुके। 8काःजेइदी लाःकुके, “एलीया थोङ्दी एः” ओःले राःङ्साक्याइ लाःकुके, “तोःङ्गीइ कोन्ज्योइ लेःङ्गो तेर्केन्दी मीःक्यालाःम्ले मेःन्दा चीग फीर्च्या सेन्दी एः।” 9इःनाङ हेरोदकीइ लाःसी, “बप्तीस्मा तेर्केन्दी युहन्नाइ गो नी ङाःइरा तुप्च्युक्योक इःङे। इःनाङ दीखो मीः सु इःङे ओःखोइ बारेला एःन्डुबा तामक्या ङाः कोःदेरा एः?” ओःले खुङगीइ येशुला फ्रेकेन सेम पेःदेरा एःके।
येशुइ हजार ङा मीःक्याला साःच्युक्योक
(मत्ती १४:१३-२१; मर्कुस ६:३०-४४; युहन्ना ६:१-१४)
10ओःले प्रेरीतक्या लोःमीःजीक खुङक्याइ पेःक्योक थाम्जेर लेःगाक्या येशुला लाःसी। ओःले येशुइ खाजुम्बाले खुङक्याला चीग्रा ङीमुरा खेर्ती बेथसेदा लाःकेन युःलला काःल्सी। 11इःनाङ दीखो ताम छोर्तीमाराङ मीःक्याइ पोर्चोमगीइ खुङला ब्य्राङ्सी। खुङगीइ मीःक्याइ पोर्चोमला तोःङ्ज्याङ पेःसी ओःले कोन्ज्योइ क्याःल्खापकीइ बारेला लाःसी ओःले नेःपाक्याला टाःच्युसी।
12ङीःमा डुप्चे छोल्सुना ओः चीङ्ङी थाल प्रेरीतक्या ओःङ्दी खुङला लाःसी, “पोर्चोमला ताङ्तेर, ओःले खुङक्या छुर फारकीइ युःल खीमक्याला काःल्दी तेःसा साःसाक्या छोल्ज्युक, चीलेलाःना दीखो ठाउँला चीङ म्याः।” 13इःनाङ येशुइ खुङक्याला लाःसी, “ख्याक्याइरा दीखुङक्याला साःजे तेर।” खुङक्याइ लेःन लोदी लाःसी, “ङीः ङीमु नी ङाथाल खुरा ओःले ङीथाल ङ्याः चीग्रा एः। दी थाम्जेर मीःक्याला साःजे तेर्केन्दी एःना नी ङीः काःल्दी साःगेन स्याः ङ्योःकोःन्दी एः।” 14ओःला हजार ङा जे ख्य्वापीःजाक्या एःके। येशुइ योबाक्याला लाःसी, “मीःक्याला मेःन्दा खाल ङी रा च्यु-युइ छोबा जोदी तेःच्युदो।” 15खुङक्याइ मीःक्याला ओःन्डुरा पेःदी तेःच्युसी। 16ओःले येशुइ ओः ङाथाल खुरा ओःले ङीथाल ङ्याः लेःङ्दी नाःम्खालीङछ्योले तादी मोलाम लाङ्सी, ओःले च्यादीमाराङ मीःक्याला केःतेर लाःती योबाक्याला तेर्सी। 17थाम्जेरकीइ डाङेनथुप साःसी। ल्हाक्योक खुरा ओःले ङ्याःइ पुःजुपक्या तुःगासुना पती चीङ्ङी काःङ्सी।
येशु थार्च्युगेन्दी ख्रीष्ट
(मत्ती १६:१३-२३; मर्कुस ८:२७-३३)
18थाङ्मा चीग येशु चीग्रा चीग प्रार्थना पेःदी तेःती एःके, ओःले खुङगीइ योबाक्याङ खुङगीइ सुःरलारा एःके। ओःले येशुइ खुङक्याला टीःसी, “मीःक्याइ ङाःला सु इःङे लाःकुबा?” 19खुङक्याइ लाःसी, “लाःलेइ बप्तीस्मा तेर्केन्दी युहन्ना लाःकुए, लाःलेइ एलीया, ओःले राःङ्साक्याइदी तोःङ्गीइ कोन्ज्योइ लेःङ्गो तेर्केन्दीक्यालाःम्ले फीर्च्या मेःन्दा चीग सेन्दी एः लाःकुए।” 20येशुइ खुङक्याला लाःसी, “इःनाङ ख्याक्यादी ङाःला सु इःङे लाःकुबा?” पत्रुसकीइ लेःन लोदी लाःसी, “कोन्ज्योइ ताङ्क्योक थार्च्युगेन ख्रीष्ट इःङे!”
21ओःले येशुइ खुङक्याला दीखो ताम सुलाङ माःलाःप लाःती चोक्पो आज्ञा तेर्सी। 22ओःले खुङगीइ लाःसी, “ङाः मीःइ पुःइ माःङ्बुरा तुःक्पु ज्योर्कोःउए। ओःले ङाःला छेस्यो मीःक्याइ, छेस्यो पुजाहारीक्याइ ओःले छ्येइ ठीमगीइ लोबेनक्याइ इन्कार पेःगेन एः, ओःले सेकेन एः, इःनाङ ङीःमा सुम तीङ्ला सोम्बो काःल्दी लाःङेन एः।”
राःङगीइ क्रुस खुर्ती येशुला ब्य्राङ्दो
(मत्ती १६:२४-२८; मर्कुस ८:३४–९:१)
23ओःले येशुइ थाम्जेरला लाःसी, “सुङ ङाःइ योबा ओःङेन सेम पेःउए लाःना खुङगीइ राःङलारा च्याःम्बु पेःजे पोःर्च्युक ओःले तेन्दुरा राःङगीइ क्रुस खुर्ती#९:२३ क्रुस खुर्ती क्रुस खुर्चे लाःक्योकदी येशुइ लागी तुःक्पु खुर्चे ओःले सीकोःनाङ सीजे तयार डोगेन्दी इःङे। ङाःला ब्य्राङ्ज्युक। 24चीलेलाःना राःङगीइ मीःली सेन्च्युजे छोल्गेन्दीइ ओःखो सीच्युगेन एः, इःनाङ राःङगीइ मीःली ङाःइ लागी सीच्युगेन्दीइदी ओःखो सेन्च्युगेन एः। 25मीःइ थाम्जेर जाम्बुलीङरा राःङगीइ लाःक्पाला लेःङनाङ राःङगीइ मीःलीदी सीच्युसी लाःना खुङला ची क्युःक्सो काःल्बा ले? 26काःखोइ ङाःइ मीःन ओःले ङाःइ लोप्क्योकला ङोःछा पेःउबा, खुङला ङाः मीःइ पुःइयाङ ङाःइदी ओःले कोन्ज्योइदी ओःले चाङ्मा स्वर्गदुतक्याइदी महीमाला ओःङ्गासुना ओःखोला राःङ्गीइदी लाःचे ङोःछा पेःगे। 27ङाः तेःन्दामरा ख्याक्याला लाःके, कोन्ज्योइ क्याःल्खाप माःथोङ्थुप दीला लाःङ्दी तेःक्योकक्या नाःङ्ला मेःन्दा काःजेदी मीसीगेन एः।”
येशुइ जुबु राःङ्सारा काःल्क्योक
(मत्ती १७:१-८; मर्कुस ९:२-८)
28दी ताम लाःक्योक ङीःमा क्येःजे तीङ्ला पत्रुस, युहन्ना ओःले याकुबला खेर्ती येशु काःङला प्रार्थना पेःजेला काःल्सी। 29खुङ प्रार्थना पेःदेरा एःकासुना खुङगीइ छेन्दा राःङ्सारा काःल्सी ओःले खुङगीइ केःला कार्मु ओःले माःङ्बुरा छ्य्वामे काःल्सी। 30ओःले खुङ ङीमु मेःन्दा ङी मीःक्या ताम लाःतेरा एःके, खुङक्या मोशा ओःले एलीया एःके। 31खुङक्या नाःम्खालीङगीइ महीमाला एःके ओःले यरुशलेमला येशु सीकोःन तामगीइ बारेला खुङ ङीमु ताम लाःतेरा एःके।
32पत्रुस ओःले खुङगीइ रोःक्या ङीपुछेला एःके, इःनाङ ङी छेमीःजीक खुङक्याइ येशुइ महीमा ओःले खुङ ङीमु लाःङ्दी तेःक्योक ओः मेःन्दा ङी मीःक्याला थोङ्सी। 33ओःले ओः ङीथाल मीःक्याइ येशुला पोःर्ती डोजे छोल्सुना पत्रुसकीइ येशुला लाःसी, “लोबेन, दीला ङीः एःक्योक नी याःबु काःल्दु। दीला सुमथाल चाङ्मा पाल जोगा, चीग ख्याला, चीग मोशाला ओःले चीग एलीयाला।” इःनाङ खुङ ची लाःतेरा एःके खुङला टेःम्बारा म्याःके।
34खुङ दीखो लाःतेरा एःकासुना मुक्पा चीग ओःङ्दी खुङक्याला उप्सी ओः सोङ्गारा, खुङक्या माःङ्बुरा जीसी। 35ओःले मुक्पालाःम्ले एःन्डुबा के ओःङ्सी, “दीखो ङाःइ पुः इःङे, खुङला ङाःइ दाम्क्योक इःङे! खुङगीइ लाःक्योक कोःदो ओःले ङीःन्दो।” 36ओः के तेःसीःङ्मीःजीक योबाक्याइ येशुला चीग्रा थोङ्सी। खुङक्या खारोक्पा तेःसी, ओःले राःङगीइ थोङ्क्योक थाम्जेर तामक्या ओः तेःकासु सुलाङ माःलाःप।
येशुइ हेन्डी क्याःप्क्योक स्याराला टाःच्युक्योक
(मत्ती १७:१४-१८; मर्कुस ९:१४-२७)
37ङार्तो च्योःङ्रा येशु योबाक्या ङीमुरा काःङलाःम्ले पाःप्तेरा एःसुना माःङ्बुरा मीःक्याइ छ्योम्बो पोर्चोमगीइ खुङला फ्रेकाला ओःङ्सी। 38पोर्चोमलाःम्ले मेःन्दा चीगकीइ केतेङ्देरा लाःसी, “लोबेन, ङाः ख्याला वासी पेःगे, ङाःइ पुःला नीङ च्योःदी तातेर। चीलेलाःना दीखो ङाःइ चीग्रा चीग पीःजा इःङे। 39खुङला याःम्बा याःम्बा चीगलारा हेन्डीइ उप्कुए ओःले चीरे तेङ्गुए, खुङला साला रील्दी बोलच्युउए ओःले खालाःम्ले प्वाः तेःङ्च्युउए। खुङला माःङ्बुरा मागा जोदीमाराङ याःम्बाचीगला चीग्रा पोःर्कुए। 40ओः हेन्डीला तेङ्तेर लाःती ङाःइ ख्याइ योबाक्याला वासी पेःसी, इःनाङ खुङक्याइ तेङ्माःखु।” 41ओःले येशुइ लेःन लोदी लाःसी, “ए सेमल्हुक मीलुगेनक्या ओःले भ्रमला एःक्योकक्या! ख्याक्या ङीमु ङाः ङीःमा काःजेथुप तेःका ओःले नागा? ख्याइ पुःला दीला खेर्च्यो।” 42ओःले ओः स्याराला ख्योङ्सुना ख्योङ्सुनारा खुङला हेन्डीइ उप्ती साला रील्सी ओःले थाम्जेर जुबु दार्च्युसी। इःनाङ येशुइ ओः हेन्डीला हाप्स्याल तेङ्सी ओःले ओः स्याराला टाःच्युदी खुङगीइ आबाला तेर्सी। 43कोन्ज्योइ एःन्डुबा छ्योम्बो ल्हे थोङ्दी थाम्जेर मीःक्या याःमाछाक्का काःल्सी।
येशुइ फीर्च्या राःङ सीगेन ङीःमाइ बारेला लाःक्योक
(मत्ती १७:२२-२३; मर्कुस ९:३०-३२)
थाम्जेर मीःक्या येशुइ पेःक्योक लेःगाला याःमाछाक्का काःल्क्योक थोङ्दी येशुइ खुङगीइ योबाक्याला लाःसी, 44“ङाःइ लाःचे छोल्क्योक ताम टेःम्बा माःचे: ङाः मीःइ पुःला तुःक तेर्तीमाराङ मीःक्याइ लाःक्पाला तेर्केन्दी एः।” 45इःनाङ योबाक्याइ दीखो ताम सेमाःखु। चीलेलाःना दीखो ताम खुङक्याइ सेमाःखुज्युक लाःती खुङक्यालाःम्ले इप्ती ज्यादी एःके, ओःले दीखोइ बारेला येशुला टीःजेला खुङक्या जीबा पेःसी।
थाम्जेर भन्दा छ्योम्बो सु इःङे?
(मत्ती १८:१-५; मर्कुस ९:३३-४०)
46ओःले योबाक्याइ कील्ला सुदी छ्योम्बो इःङे लाःती ठुक्पा स्योर्काला स्युःसी। 47इःनाङ येशुइ खुङक्याइ सेमगीइ ताम सेगारा पीःजा चीगला लेःङ्दी राःङगीइ सुःरला ज्यासी, 48ओःले खुङक्याला लाःसी, “काँःदीइ ङाःइ मीःनला एःन्डुबा पीःजाला तोःङ्ज्याङ पेःउबा, ओःखोइ ङाःलाङ तोःङ्ज्याङ पेःउए, ओःले काँःदीइ ङाःला तोःङ्ज्याङ पेःउबा, ओःखोइ ङाःला ताङेन्दीला तोःङ्ज्याङ पेःउए। चीलेलाःना ख्याक्या नाःङ्ला थाम्जेर भन्दा छ्यामे सु एःपा, ओःखोरा छ्योम्बो इःङे।”
49युहन्नाइ लाःसी, “लोबेन, मेःन्दा चीग मीःइ ख्याइ मीःनला हेन्डीक्या तेङ्देरा पेःक्योक ङीःइ थोङ्सी ओःले ङीःइ खुङला एःन्डुबा माःबे लाःती लाःसी, चीलेलाःना खुङ उःइ छोबाइ मीः मीःङे।” 50येशुइ खुङक्याला लाःसी, “खुङला ओःन्डु माःलाःप, चीलेलाःना सुइ ख्याक्याला वीरोध मेःबेबा, ओःखो ख्याक्याइदीरा इःङे।”
सामारीक्याइ येशुला इन्कार पेःक्योक
51येशु नाःम्खालीङला डोगेन ङीःमा ओःङ्जे छोल्गारा खुङ यरुशलेमछ्योले डोगेन्दीरा सेम पेःसी। 52ओःले खुङगीइ लेःङ्गो खेर्केन्दी मीःक्याला तोःङ्लारा ताङ्सी। खुङक्या काःल्सी ओःले खुङगीइ लागी थाम्जेर तामक्या तयार पेःजेला सामरीक्याइ युःल चीगला स्युःसी। 53इःनाङ खुङ यरुशलेमछ्योले डोदेरा एः लाःकेन ताम छोर्काराङ ओः युःलगीइ मीःक्याइ सुइयाङ येशुला तोःङ्ज्याङ माःबे। 54दीखो थोङ्दी खुङगीइ योबाक्या याकुब ओःले युहन्नाइ येशुला लाःसी, “प्रभु, ची ङीःइ नाःम्खालीङलाःम्ले मेः केक्याःप्ती दीखुङक्याला सीःङ्च्युतेर लाःती ख्याइ सेम पेःउबा?”
55इःनाङ खुङक्याइ ओःन्डु लाःकारा येशुइ लोःदीमाराङ खुङक्याला हाप्स्याल तेङ्सी। [ओःले एःन्डुले लाःसी, “ख्याक्या नाःङ्ला एःक्योक सेम ख्याक्याइ ङोःमेसेए। ङाः मीःइ पुः नी मीःक्याला सीःङ्दाक जोजेला ओःङ्क्योक मीःङे, बरु खुङक्याला थार्च्युजेला ओःङ्क्योक इःङे।”]#९:५५ चीङ छ्येइ पेज्याक्यालादी दीखो पदकीइ बोक्या म्याः। 56ओः तीङ्ला खुङक्या थाम्जेर राःङ्सा युःलछ्योले काःल्सी।
येशुला ब्य्राङ्जेला काःबु एः
(मत्ती ८:१९-२२)
57येशु ओःले खुङगीइ योबाक्या डोदेरा एःकासुना, मेःन्दा चीग मीः ओःङ्दी येशुला लाःसी, “ख्या काःला काःल्बा ङाः ख्याइ तीङ तीङ्लारा ओःङे।” 58ओःले येशुइ ओः मीःला लेःन लोदी लाःसी, “लुःन्डीक्याइदी इःप्केन्दी फुकक्या एः, च्याःज्युङ्माक्याइदी छाङक्या एः, इःनाङ ङाः मीःइ पुःइदी लाःना ङ्याःल्गेन्दी सा चीगकाङ म्याः।”
59ओःले राःङ्सा मेःन्दा चीग मीःला येशुइ लाःसी, “ङाःला ब्य्राङ्दो।” इःनाङ ओः मीःइ लाःसी, “प्रभु, तोःङ्ला ङाःइ आबाइ रोःला होपला तीःप्चेला ङाःला डोजे तेर।” 60खुङला येशुइ लाःसी, “रोःक्याला रोःक्याइरा होपला तीःप्च्युक। इःनाङ ख्यादी काःल्दी कोन्ज्योइ क्याःल्खापकीइदी प्रचार पेःदो।”
61ओःले राःङ्साइ लाःसी, “प्रभु, ङाः ख्याला ब्य्राङे, इःनाङ तोःङ्ला राःङगीइ खीमला काःल्दी लाःती ओःङ्जे तेर।” 62खुङलादी येशुइ लाःसी, “लाङ मोगासुना क्याःपछ्योले लोःदी तागेन्दी मीःदी कोन्ज्योइ क्याःल्खापकीइ लागी चीङ लेःगा म्याः।”
Currently Selected:
लुका 9: SYW
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
लुका 9
9
येशुइ योबाक्याला याःबु लेःङ्गो लाःचेला ताङ्क्योक
(मत्ती १०:५-१५; मर्कुस ६:७-१३)
1येशुइ चीङ्ङीरा योबाक्याला ठाउँ चीगलारा केक्याःप्सी। खुङक्याला हेन्डी तेङेन्दी ओःले नेःपाक्याला टाःच्युगेन्दी ल्हे ओःले आङ्ज्या तेर्सी। 2ओःले खुङगीइ कोन्ज्योइ क्याःल्खापकीइ बारेला लेःङ्गो टाःम्जेला ओःले नेःपाक्याला टाःच्युजेला खुङक्याला ताङ्सी। 3येशुइ खुङक्याला लाःसी, “लाःमगीइ लागी चीङ माःखुर। पेःर्का, काःल्दा, चेःप्सुर केःला, डेबा ओःले साःगेन स्याःक्याङ माःखुर। 4काःखो खीमगीइ मीःक्याइ ख्याक्याला तोःङ्ज्याङ पेःबा, ओः युःल माःपोःरथुप ओःखो खीमलारा तेः। 5काःखोङ ठाउँगीइ मीःक्याइ ख्याक्याला तोःङ्ज्याङ माःबे लाःना ओः मीःक्याला कोन्ज्योइ पेःगेन ठीमगीइ चेताउनी तेर्चेला ख्याक्याइ राःङगीइ स्याःप्टाइ तुःल प्रुदी ओः ठाउँला पोःर्तेर।”#९:५ यहुदीक्यादी यहुदीक्या बाहेक राःङ्सा मीःइ मीःक्याइ युःलक्याला ओःले क्याःसाक्याला काःल्मीःजीक खुङक्याइ स्याःप्टाइ तुःल प्रुउके, चीलेलाःना खुङक्याइ राःङ्सा क्युःपाइ मीःक्याला असुद्ध लाःकुके। येशुइयाङ राःङगीइ योबाक्याला तोःङ्ज्याङ मेःबेगेन युःलक्याइ मीःक्याला ओःन्डुरा पेःदो लाःसी। 6ओःले ओः योबाक्या लाःम स्युःसी ओःले युःल युःलला काःल्दी याःबु लेःङ्गो लाःतेरा नेःपाक्याला टाःच्युसी।
क्याःल्बु हेरोद जोल्क्योक
(मत्ती १४:१-१२; मर्कुस ६:१४-२९)
7गालील क्षेत्रला क्याःल्खाप पेःगेन हेरोदकीइ येशुइ पेःक्योक थाम्जेर तामक्याइ बारेला कोःमीःजीक खुङ जोल्सी, चीलेलाःना चीङ मीःक्याइ युहन्ना सीक्योकलाःम्ले सेन्दी एः लाःती लाःकुके। 8काःजेइदी लाःकुके, “एलीया थोङ्दी एः” ओःले राःङ्साक्याइ लाःकुके, “तोःङ्गीइ कोन्ज्योइ लेःङ्गो तेर्केन्दी मीःक्यालाःम्ले मेःन्दा चीग फीर्च्या सेन्दी एः।” 9इःनाङ हेरोदकीइ लाःसी, “बप्तीस्मा तेर्केन्दी युहन्नाइ गो नी ङाःइरा तुप्च्युक्योक इःङे। इःनाङ दीखो मीः सु इःङे ओःखोइ बारेला एःन्डुबा तामक्या ङाः कोःदेरा एः?” ओःले खुङगीइ येशुला फ्रेकेन सेम पेःदेरा एःके।
येशुइ हजार ङा मीःक्याला साःच्युक्योक
(मत्ती १४:१३-२१; मर्कुस ६:३०-४४; युहन्ना ६:१-१४)
10ओःले प्रेरीतक्या लोःमीःजीक खुङक्याइ पेःक्योक थाम्जेर लेःगाक्या येशुला लाःसी। ओःले येशुइ खाजुम्बाले खुङक्याला चीग्रा ङीमुरा खेर्ती बेथसेदा लाःकेन युःलला काःल्सी। 11इःनाङ दीखो ताम छोर्तीमाराङ मीःक्याइ पोर्चोमगीइ खुङला ब्य्राङ्सी। खुङगीइ मीःक्याइ पोर्चोमला तोःङ्ज्याङ पेःसी ओःले कोन्ज्योइ क्याःल्खापकीइ बारेला लाःसी ओःले नेःपाक्याला टाःच्युसी।
12ङीःमा डुप्चे छोल्सुना ओः चीङ्ङी थाल प्रेरीतक्या ओःङ्दी खुङला लाःसी, “पोर्चोमला ताङ्तेर, ओःले खुङक्या छुर फारकीइ युःल खीमक्याला काःल्दी तेःसा साःसाक्या छोल्ज्युक, चीलेलाःना दीखो ठाउँला चीङ म्याः।” 13इःनाङ येशुइ खुङक्याला लाःसी, “ख्याक्याइरा दीखुङक्याला साःजे तेर।” खुङक्याइ लेःन लोदी लाःसी, “ङीः ङीमु नी ङाथाल खुरा ओःले ङीथाल ङ्याः चीग्रा एः। दी थाम्जेर मीःक्याला साःजे तेर्केन्दी एःना नी ङीः काःल्दी साःगेन स्याः ङ्योःकोःन्दी एः।” 14ओःला हजार ङा जे ख्य्वापीःजाक्या एःके। येशुइ योबाक्याला लाःसी, “मीःक्याला मेःन्दा खाल ङी रा च्यु-युइ छोबा जोदी तेःच्युदो।” 15खुङक्याइ मीःक्याला ओःन्डुरा पेःदी तेःच्युसी। 16ओःले येशुइ ओः ङाथाल खुरा ओःले ङीथाल ङ्याः लेःङ्दी नाःम्खालीङछ्योले तादी मोलाम लाङ्सी, ओःले च्यादीमाराङ मीःक्याला केःतेर लाःती योबाक्याला तेर्सी। 17थाम्जेरकीइ डाङेनथुप साःसी। ल्हाक्योक खुरा ओःले ङ्याःइ पुःजुपक्या तुःगासुना पती चीङ्ङी काःङ्सी।
येशु थार्च्युगेन्दी ख्रीष्ट
(मत्ती १६:१३-२३; मर्कुस ८:२७-३३)
18थाङ्मा चीग येशु चीग्रा चीग प्रार्थना पेःदी तेःती एःके, ओःले खुङगीइ योबाक्याङ खुङगीइ सुःरलारा एःके। ओःले येशुइ खुङक्याला टीःसी, “मीःक्याइ ङाःला सु इःङे लाःकुबा?” 19खुङक्याइ लाःसी, “लाःलेइ बप्तीस्मा तेर्केन्दी युहन्ना लाःकुए, लाःलेइ एलीया, ओःले राःङ्साक्याइदी तोःङ्गीइ कोन्ज्योइ लेःङ्गो तेर्केन्दीक्यालाःम्ले फीर्च्या मेःन्दा चीग सेन्दी एः लाःकुए।” 20येशुइ खुङक्याला लाःसी, “इःनाङ ख्याक्यादी ङाःला सु इःङे लाःकुबा?” पत्रुसकीइ लेःन लोदी लाःसी, “कोन्ज्योइ ताङ्क्योक थार्च्युगेन ख्रीष्ट इःङे!”
21ओःले येशुइ खुङक्याला दीखो ताम सुलाङ माःलाःप लाःती चोक्पो आज्ञा तेर्सी। 22ओःले खुङगीइ लाःसी, “ङाः मीःइ पुःइ माःङ्बुरा तुःक्पु ज्योर्कोःउए। ओःले ङाःला छेस्यो मीःक्याइ, छेस्यो पुजाहारीक्याइ ओःले छ्येइ ठीमगीइ लोबेनक्याइ इन्कार पेःगेन एः, ओःले सेकेन एः, इःनाङ ङीःमा सुम तीङ्ला सोम्बो काःल्दी लाःङेन एः।”
राःङगीइ क्रुस खुर्ती येशुला ब्य्राङ्दो
(मत्ती १६:२४-२८; मर्कुस ८:३४–९:१)
23ओःले येशुइ थाम्जेरला लाःसी, “सुङ ङाःइ योबा ओःङेन सेम पेःउए लाःना खुङगीइ राःङलारा च्याःम्बु पेःजे पोःर्च्युक ओःले तेन्दुरा राःङगीइ क्रुस खुर्ती#९:२३ क्रुस खुर्ती क्रुस खुर्चे लाःक्योकदी येशुइ लागी तुःक्पु खुर्चे ओःले सीकोःनाङ सीजे तयार डोगेन्दी इःङे। ङाःला ब्य्राङ्ज्युक। 24चीलेलाःना राःङगीइ मीःली सेन्च्युजे छोल्गेन्दीइ ओःखो सीच्युगेन एः, इःनाङ राःङगीइ मीःली ङाःइ लागी सीच्युगेन्दीइदी ओःखो सेन्च्युगेन एः। 25मीःइ थाम्जेर जाम्बुलीङरा राःङगीइ लाःक्पाला लेःङनाङ राःङगीइ मीःलीदी सीच्युसी लाःना खुङला ची क्युःक्सो काःल्बा ले? 26काःखोइ ङाःइ मीःन ओःले ङाःइ लोप्क्योकला ङोःछा पेःउबा, खुङला ङाः मीःइ पुःइयाङ ङाःइदी ओःले कोन्ज्योइदी ओःले चाङ्मा स्वर्गदुतक्याइदी महीमाला ओःङ्गासुना ओःखोला राःङ्गीइदी लाःचे ङोःछा पेःगे। 27ङाः तेःन्दामरा ख्याक्याला लाःके, कोन्ज्योइ क्याःल्खाप माःथोङ्थुप दीला लाःङ्दी तेःक्योकक्या नाःङ्ला मेःन्दा काःजेदी मीसीगेन एः।”
येशुइ जुबु राःङ्सारा काःल्क्योक
(मत्ती १७:१-८; मर्कुस ९:२-८)
28दी ताम लाःक्योक ङीःमा क्येःजे तीङ्ला पत्रुस, युहन्ना ओःले याकुबला खेर्ती येशु काःङला प्रार्थना पेःजेला काःल्सी। 29खुङ प्रार्थना पेःदेरा एःकासुना खुङगीइ छेन्दा राःङ्सारा काःल्सी ओःले खुङगीइ केःला कार्मु ओःले माःङ्बुरा छ्य्वामे काःल्सी। 30ओःले खुङ ङीमु मेःन्दा ङी मीःक्या ताम लाःतेरा एःके, खुङक्या मोशा ओःले एलीया एःके। 31खुङक्या नाःम्खालीङगीइ महीमाला एःके ओःले यरुशलेमला येशु सीकोःन तामगीइ बारेला खुङ ङीमु ताम लाःतेरा एःके।
32पत्रुस ओःले खुङगीइ रोःक्या ङीपुछेला एःके, इःनाङ ङी छेमीःजीक खुङक्याइ येशुइ महीमा ओःले खुङ ङीमु लाःङ्दी तेःक्योक ओः मेःन्दा ङी मीःक्याला थोङ्सी। 33ओःले ओः ङीथाल मीःक्याइ येशुला पोःर्ती डोजे छोल्सुना पत्रुसकीइ येशुला लाःसी, “लोबेन, दीला ङीः एःक्योक नी याःबु काःल्दु। दीला सुमथाल चाङ्मा पाल जोगा, चीग ख्याला, चीग मोशाला ओःले चीग एलीयाला।” इःनाङ खुङ ची लाःतेरा एःके खुङला टेःम्बारा म्याःके।
34खुङ दीखो लाःतेरा एःकासुना मुक्पा चीग ओःङ्दी खुङक्याला उप्सी ओः सोङ्गारा, खुङक्या माःङ्बुरा जीसी। 35ओःले मुक्पालाःम्ले एःन्डुबा के ओःङ्सी, “दीखो ङाःइ पुः इःङे, खुङला ङाःइ दाम्क्योक इःङे! खुङगीइ लाःक्योक कोःदो ओःले ङीःन्दो।” 36ओः के तेःसीःङ्मीःजीक योबाक्याइ येशुला चीग्रा थोङ्सी। खुङक्या खारोक्पा तेःसी, ओःले राःङगीइ थोङ्क्योक थाम्जेर तामक्या ओः तेःकासु सुलाङ माःलाःप।
येशुइ हेन्डी क्याःप्क्योक स्याराला टाःच्युक्योक
(मत्ती १७:१४-१८; मर्कुस ९:१४-२७)
37ङार्तो च्योःङ्रा येशु योबाक्या ङीमुरा काःङलाःम्ले पाःप्तेरा एःसुना माःङ्बुरा मीःक्याइ छ्योम्बो पोर्चोमगीइ खुङला फ्रेकाला ओःङ्सी। 38पोर्चोमलाःम्ले मेःन्दा चीगकीइ केतेङ्देरा लाःसी, “लोबेन, ङाः ख्याला वासी पेःगे, ङाःइ पुःला नीङ च्योःदी तातेर। चीलेलाःना दीखो ङाःइ चीग्रा चीग पीःजा इःङे। 39खुङला याःम्बा याःम्बा चीगलारा हेन्डीइ उप्कुए ओःले चीरे तेङ्गुए, खुङला साला रील्दी बोलच्युउए ओःले खालाःम्ले प्वाः तेःङ्च्युउए। खुङला माःङ्बुरा मागा जोदीमाराङ याःम्बाचीगला चीग्रा पोःर्कुए। 40ओः हेन्डीला तेङ्तेर लाःती ङाःइ ख्याइ योबाक्याला वासी पेःसी, इःनाङ खुङक्याइ तेङ्माःखु।” 41ओःले येशुइ लेःन लोदी लाःसी, “ए सेमल्हुक मीलुगेनक्या ओःले भ्रमला एःक्योकक्या! ख्याक्या ङीमु ङाः ङीःमा काःजेथुप तेःका ओःले नागा? ख्याइ पुःला दीला खेर्च्यो।” 42ओःले ओः स्याराला ख्योङ्सुना ख्योङ्सुनारा खुङला हेन्डीइ उप्ती साला रील्सी ओःले थाम्जेर जुबु दार्च्युसी। इःनाङ येशुइ ओः हेन्डीला हाप्स्याल तेङ्सी ओःले ओः स्याराला टाःच्युदी खुङगीइ आबाला तेर्सी। 43कोन्ज्योइ एःन्डुबा छ्योम्बो ल्हे थोङ्दी थाम्जेर मीःक्या याःमाछाक्का काःल्सी।
येशुइ फीर्च्या राःङ सीगेन ङीःमाइ बारेला लाःक्योक
(मत्ती १७:२२-२३; मर्कुस ९:३०-३२)
थाम्जेर मीःक्या येशुइ पेःक्योक लेःगाला याःमाछाक्का काःल्क्योक थोङ्दी येशुइ खुङगीइ योबाक्याला लाःसी, 44“ङाःइ लाःचे छोल्क्योक ताम टेःम्बा माःचे: ङाः मीःइ पुःला तुःक तेर्तीमाराङ मीःक्याइ लाःक्पाला तेर्केन्दी एः।” 45इःनाङ योबाक्याइ दीखो ताम सेमाःखु। चीलेलाःना दीखो ताम खुङक्याइ सेमाःखुज्युक लाःती खुङक्यालाःम्ले इप्ती ज्यादी एःके, ओःले दीखोइ बारेला येशुला टीःजेला खुङक्या जीबा पेःसी।
थाम्जेर भन्दा छ्योम्बो सु इःङे?
(मत्ती १८:१-५; मर्कुस ९:३३-४०)
46ओःले योबाक्याइ कील्ला सुदी छ्योम्बो इःङे लाःती ठुक्पा स्योर्काला स्युःसी। 47इःनाङ येशुइ खुङक्याइ सेमगीइ ताम सेगारा पीःजा चीगला लेःङ्दी राःङगीइ सुःरला ज्यासी, 48ओःले खुङक्याला लाःसी, “काँःदीइ ङाःइ मीःनला एःन्डुबा पीःजाला तोःङ्ज्याङ पेःउबा, ओःखोइ ङाःलाङ तोःङ्ज्याङ पेःउए, ओःले काँःदीइ ङाःला तोःङ्ज्याङ पेःउबा, ओःखोइ ङाःला ताङेन्दीला तोःङ्ज्याङ पेःउए। चीलेलाःना ख्याक्या नाःङ्ला थाम्जेर भन्दा छ्यामे सु एःपा, ओःखोरा छ्योम्बो इःङे।”
49युहन्नाइ लाःसी, “लोबेन, मेःन्दा चीग मीःइ ख्याइ मीःनला हेन्डीक्या तेङ्देरा पेःक्योक ङीःइ थोङ्सी ओःले ङीःइ खुङला एःन्डुबा माःबे लाःती लाःसी, चीलेलाःना खुङ उःइ छोबाइ मीः मीःङे।” 50येशुइ खुङक्याला लाःसी, “खुङला ओःन्डु माःलाःप, चीलेलाःना सुइ ख्याक्याला वीरोध मेःबेबा, ओःखो ख्याक्याइदीरा इःङे।”
सामारीक्याइ येशुला इन्कार पेःक्योक
51येशु नाःम्खालीङला डोगेन ङीःमा ओःङ्जे छोल्गारा खुङ यरुशलेमछ्योले डोगेन्दीरा सेम पेःसी। 52ओःले खुङगीइ लेःङ्गो खेर्केन्दी मीःक्याला तोःङ्लारा ताङ्सी। खुङक्या काःल्सी ओःले खुङगीइ लागी थाम्जेर तामक्या तयार पेःजेला सामरीक्याइ युःल चीगला स्युःसी। 53इःनाङ खुङ यरुशलेमछ्योले डोदेरा एः लाःकेन ताम छोर्काराङ ओः युःलगीइ मीःक्याइ सुइयाङ येशुला तोःङ्ज्याङ माःबे। 54दीखो थोङ्दी खुङगीइ योबाक्या याकुब ओःले युहन्नाइ येशुला लाःसी, “प्रभु, ची ङीःइ नाःम्खालीङलाःम्ले मेः केक्याःप्ती दीखुङक्याला सीःङ्च्युतेर लाःती ख्याइ सेम पेःउबा?”
55इःनाङ खुङक्याइ ओःन्डु लाःकारा येशुइ लोःदीमाराङ खुङक्याला हाप्स्याल तेङ्सी। [ओःले एःन्डुले लाःसी, “ख्याक्या नाःङ्ला एःक्योक सेम ख्याक्याइ ङोःमेसेए। ङाः मीःइ पुः नी मीःक्याला सीःङ्दाक जोजेला ओःङ्क्योक मीःङे, बरु खुङक्याला थार्च्युजेला ओःङ्क्योक इःङे।”]#९:५५ चीङ छ्येइ पेज्याक्यालादी दीखो पदकीइ बोक्या म्याः। 56ओः तीङ्ला खुङक्या थाम्जेर राःङ्सा युःलछ्योले काःल्सी।
येशुला ब्य्राङ्जेला काःबु एः
(मत्ती ८:१९-२२)
57येशु ओःले खुङगीइ योबाक्या डोदेरा एःकासुना, मेःन्दा चीग मीः ओःङ्दी येशुला लाःसी, “ख्या काःला काःल्बा ङाः ख्याइ तीङ तीङ्लारा ओःङे।” 58ओःले येशुइ ओः मीःला लेःन लोदी लाःसी, “लुःन्डीक्याइदी इःप्केन्दी फुकक्या एः, च्याःज्युङ्माक्याइदी छाङक्या एः, इःनाङ ङाः मीःइ पुःइदी लाःना ङ्याःल्गेन्दी सा चीगकाङ म्याः।”
59ओःले राःङ्सा मेःन्दा चीग मीःला येशुइ लाःसी, “ङाःला ब्य्राङ्दो।” इःनाङ ओः मीःइ लाःसी, “प्रभु, तोःङ्ला ङाःइ आबाइ रोःला होपला तीःप्चेला ङाःला डोजे तेर।” 60खुङला येशुइ लाःसी, “रोःक्याला रोःक्याइरा होपला तीःप्च्युक। इःनाङ ख्यादी काःल्दी कोन्ज्योइ क्याःल्खापकीइदी प्रचार पेःदो।”
61ओःले राःङ्साइ लाःसी, “प्रभु, ङाः ख्याला ब्य्राङे, इःनाङ तोःङ्ला राःङगीइ खीमला काःल्दी लाःती ओःङ्जे तेर।” 62खुङलादी येशुइ लाःसी, “लाङ मोगासुना क्याःपछ्योले लोःदी तागेन्दी मीःदी कोन्ज्योइ क्याःल्खापकीइ लागी चीङ लेःगा म्याः।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.