APAN AQAO: 29
29
La Ban Nho: Yham Khyo Yaku Joe" Ye" Ra" Khyo
1Yaku wa gyaung: xo' su" lo" mung:- ba thug' shad' mug: khyo ye" lo" ra". 2Yao: wa lhang" gam: yang: yao sam kyaung" ab' jo, ko" ra" yothaung: yae mae" qid thaung: khyo nyag din taung" joe" ye" lo" ra". Yao jham re ce: qid thaung: mae" jhaug' ako". Ai: qid thaung: anghoe' wa laug zang qi: dazang ngad: ra". 3Yao kyaung" jham alhab' ai: qid thaung: khyo joe" lo gelao" yao lhaug' mo, wa ai: laug' zang re deim" lhang" pye' yang: yao jham re qid lhaung" khe' jhaug' ako". Ai: thao ai: laug zang re dam: nghoe' co' co' kad' ako".
4Yaku wa yao lhaug' mo, re- nga" ba nam qe we" naonhaung" khai: mae" ngad ko" i? ga: myid' ra".
Yao: bam wa Haran mae" ngad: ga: tau" ako".
5Ailao" yao:- wa Naho yao: zo: La Ban re naonhaung" ba ko" i? ga: myid' ra".
Yao: bam wa- ngonhaung" ba: ra" ga:-phaug' tau" ako".
6Yaku wa- yao: qao" na: ra" i? ga: myid' ra".
Yao: bam wa yao: qao" na: ra". Qu" wa,- yao" myiqe: zo: Rakhela wa yao" yao kyaung" we' daga" ce: jo, qo khyo lo: na: ra"- ga: tau" ako".
7Ailao" Yaku wa- ba de, shi" ra"- yao kyaung" re keim" zhang: to: nae" ayo, mangad: shi: ngad: ra". Aijham re qid khe' jhaug' yang: naonhaung" pe"mung: mhin: gyo, jao: khyo madam: jhui" yu: ko" i? ga: myid' ra".
8Yao: bam wa yao kyaung" jham alhab' cekhyo joe" lo mung: ai laug zang re matau: qhui" pye' pye' wa ngonhaung" airu: maqo" kad' ngad: ra"- airu: laug zang tau: qhui" pye' thao re za: ngonhaung" wa yao kyaung" jham re qid khe' jhaug' nae" ngad:- ga: phaug' tau" ako".
9Yaku wa yao: bam we' airu: dao: jho" jhau: na shi" au: Rakhela wa yao kyaung" we' daga" ai: khyo joe" lo: ra". 10Yaku wa yao: phaung" La Ban nho: yao kyaung" we' daga" joe" lo: ra" Rakhela re myao lao" yao: wa qid thaung: khyo ye: mung: ai: laug zang re ye tau: qhui" pye' yang: yao jham re qid khae jhaug' ra". 11Ai: thao Yaku wa Rakhela re bobaug baug mung: bau: yang ngug: ra". 12yao: wa yao: wa Rakhela re- ngo wa ni" pho" nho: amyu" dayaug ngad mung:- Rebekha nho: yao: zo: ngad: ga: ta" kyo" ra".
Rakhela wa yao: pho" re lo" ta" kyo: nae" qhid' mae" tao" lo" ra". 13La Ban wa yao: ug Yaku khyo re the' gyo: lao"-Yaku re qhug' nae" qhid' mae" tao" li" mung:- li" po yang: bobaug baug: ra". Aimung: Yaku re yham khyo jhui" lo" ra". Yaku wa boe" lo: ra" khyo ja: khao: ngo" La Ban re ta" kyo: lao". 14La Ban wa nao wa nga" sa:- nga" sho: yao: gaigai: ngad: ra"- ga: ta" ra". Aimung: Yaku wa aimae lho" dakhye' byang" sho' thang: na: ra".
Rakhela We' Lea Tao: Mathao Mae La Ban Re Yaku Mau" Zaui" Byid' Ra" Khyo
15La Ban wa Yaku re- ngo wa ni" amyu" ba nam ngad: ruyang pe" phug' mayu lo: ngore mau" zaui: byid: nae" maang ngad: ra". Nao aphug' pe" ja: khonho" o: i? ga: myid' ra". 16La Ban wa myiqe: zo: shid' yaug qo" ra". Aqi: yaug: mang wa Lea ngad mung:- angai yaug: mang wa Rakhela ngad: ra". 17Lea nho: myo,jid' wa qu" ngaui taung" #Qu" ngaui taung"ga" rure- Hebre myan" mae lajheim: phyid' phyid' kho' kho' mabo ngad: ra" gatau: jham: paug' jham mae wa qam: nang" ra" ga" tung" to" ra". ngad: ra".
18Yaku wa Rakhela we' jho" jhid'de; mung: La Ban re nao ngore Rakhela we' lo, xo' xo' nhao nae" ngad: re wa nao ngore nhad' zin mau" zaui: byid: nae"- ga: ta" ra".
19Ailao" La Ban wa yao: re su gaje dayaug re byid: zho: nae" tho' ngo nao re byid: nae" cemae ngo we' daga" na: wa,- ga: tau" ra". 20Yaku wa Rakhela re qo" yu sho' nhad' zin mau" zaui" ra". Yao: wa Rakhela re jhid'de: ruyang ba na dajhid' za: ngad: ruru: jho: ra".
21Ai: thao Yaku wa La Ban re ayo, byang" va"- ni" zo: re lo, xo' xo' yu nhao la, se,- ga: ta" ra". 22Airumung: La Ban wa lo, xo' poe" qhid' mae" zo: shaug' poe kad' yang: yaug: khao: ngo" re khai: ra". 23Ngadqere: ai: myi re La Ban wa Rakhela atha" Lea yaug re Yaku re jhui: byid' ra". Amung: Yaku wa Lea we' gaung sho: jho" zam" ako". 24(La Ban wa Lea nho daui daui yaug khyo" yao" jeim myhi" Zilpa re Lea re byid' ra".) 25Yaku wa mug: mabo" shire Lea ngad: rure ba: ra". Aimung: Yaku wa La Ban jhao" ye: mung: nao ngore pe"mung: ceru: kad' i? Ngo wa Rakhela the' nae" mau" zaui" lo va". Nao ngore pe"mung:- mhug' pyag' i? ga: myid' ra".
26La Ban wa ce mug: mae aqi: yaug yham maqo" shire angai yaug re lo,xo' xo' yu nae" akhang" byid' ra" thung" li majo, ngad: ra". 27Lo, xo' poe kad' ra" laban gan sho' lao" shi: wa,- nao nga" qhid' mae" gatau nhad' zin mau" zaui: byid: nae" ngad: re wa ngo nao re Rakhela byid: nae"- ga: ta" ra".
28Yaku wa aire vang" mung: lo, xo' poe" kad' ra" La Ban gan lao"- La Ban wa yao" myiqe: zo: Rakhela re yao" yham sang myhi" khyo" Yaku re byid' ra". 29( La Ban wa Rakhela nho: daui daui yaug khyo" yao" jeim myhi" Billa re yao" myiqe: zo: Rakhela re byid' ra".) 30Yaku wa Rakhela we' re: gaung sho: jho" zam" ako". Yaku wa Lea re tho' Rakhela re je: jhid'de; ra". Airumung: yao: wa La Ban qhid' mae" gatau nhad' zin mau" zaui: byid' ra".
Yaku Nho: Yao: Zo: Qe
31Lea wa Rakhela tho' nang: yang: jhid'de; qhug' rure Asang myao lao"- Lea re zo: dau qo" nae" akhyo boe" nhao: ra". Ngadqere: Rakhela wa zo: dau maqo" lo: na: jo; ra". 32Lea wa gaungla" li" mung: yauggai zo: dayaug khau: ra". Aimung: yao: wa- Asang wa nga" nho: qug: khai: re myao byid' ava"- ana" nga" yham sang pho" wa ngore jhid'de; li" nae"- ga: ta" ra". Aimung: Lea wa yao: re Rubin ga: mhang" byid' ra". 33Yao: wa gaung dam: la" li" mung: yauggai zo: gatau dayaug re dam: khau: ra". Ailao" Lea wa- ngo jhid'de; ru maqhug' yu ga" rure yao: the' gyo: yang: Asang wa- ce: yauggai zo: rere: ngore byid' ra"- ga: ta" ra". Aimung: Lea wa yao: re Simon ga: mhang" byid' ra". 34Yao: wa dalhang gaung dam: la" li" mung: yauggai zo: gatau dayaug re khau: ra". Ailao" Lea wa ngo wa yao: re yauggai zo: sam yaug khau byid: va" ruyang ana"- nga" yham sang pho" wa ngore je: yang: nhag' lam: tang za: taui" jo; li" nae"- ga: ta" ra". Airumung: Lea wa yao: re Levi ga: mhang" byid' ra". 35Ai: thao yao: wa gaung dam: la" li" mung: yauggai zo: gatau dayaug re dam: khau: ra". Ailao" Lea wa- celhang wa Asang re ngo caung:khin" byid: nae"- ga: ta" ra". Aimung: Lea wa yao: re Yuda ga: mhang" byid' ra". Ai: thao yao: wa zoshao khau: ru thang: lo" byaug: ra".
Currently Selected:
APAN AQAO: 29: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
APAN AQAO: 29
29
La Ban Nho: Yham Khyo Yaku Joe" Ye" Ra" Khyo
1Yaku wa gyaung: xo' su" lo" mung:- ba thug' shad' mug: khyo ye" lo" ra". 2Yao: wa lhang" gam: yang: yao sam kyaung" ab' jo, ko" ra" yothaung: yae mae" qid thaung: khyo nyag din taung" joe" ye" lo" ra". Yao jham re ce: qid thaung: mae" jhaug' ako". Ai: qid thaung: anghoe' wa laug zang qi: dazang ngad: ra". 3Yao kyaung" jham alhab' ai: qid thaung: khyo joe" lo gelao" yao lhaug' mo, wa ai: laug' zang re deim" lhang" pye' yang: yao jham re qid lhaung" khe' jhaug' ako". Ai: thao ai: laug zang re dam: nghoe' co' co' kad' ako".
4Yaku wa yao lhaug' mo, re- nga" ba nam qe we" naonhaung" khai: mae" ngad ko" i? ga: myid' ra".
Yao: bam wa Haran mae" ngad: ga: tau" ako".
5Ailao" yao:- wa Naho yao: zo: La Ban re naonhaung" ba ko" i? ga: myid' ra".
Yao: bam wa- ngonhaung" ba: ra" ga:-phaug' tau" ako".
6Yaku wa- yao: qao" na: ra" i? ga: myid' ra".
Yao: bam wa yao: qao" na: ra". Qu" wa,- yao" myiqe: zo: Rakhela wa yao" yao kyaung" we' daga" ce: jo, qo khyo lo: na: ra"- ga: tau" ako".
7Ailao" Yaku wa- ba de, shi" ra"- yao kyaung" re keim" zhang: to: nae" ayo, mangad: shi: ngad: ra". Aijham re qid khe' jhaug' yang: naonhaung" pe"mung: mhin: gyo, jao: khyo madam: jhui" yu: ko" i? ga: myid' ra".
8Yao: bam wa yao kyaung" jham alhab' cekhyo joe" lo mung: ai laug zang re matau: qhui" pye' pye' wa ngonhaung" airu: maqo" kad' ngad: ra"- airu: laug zang tau: qhui" pye' thao re za: ngonhaung" wa yao kyaung" jham re qid khe' jhaug' nae" ngad:- ga: phaug' tau" ako".
9Yaku wa yao: bam we' airu: dao: jho" jhau: na shi" au: Rakhela wa yao kyaung" we' daga" ai: khyo joe" lo: ra". 10Yaku wa yao: phaung" La Ban nho: yao kyaung" we' daga" joe" lo: ra" Rakhela re myao lao" yao: wa qid thaung: khyo ye: mung: ai: laug zang re ye tau: qhui" pye' yang: yao jham re qid khae jhaug' ra". 11Ai: thao Yaku wa Rakhela re bobaug baug mung: bau: yang ngug: ra". 12yao: wa yao: wa Rakhela re- ngo wa ni" pho" nho: amyu" dayaug ngad mung:- Rebekha nho: yao: zo: ngad: ga: ta" kyo" ra".
Rakhela wa yao: pho" re lo" ta" kyo: nae" qhid' mae" tao" lo" ra". 13La Ban wa yao: ug Yaku khyo re the' gyo: lao"-Yaku re qhug' nae" qhid' mae" tao" li" mung:- li" po yang: bobaug baug: ra". Aimung: Yaku re yham khyo jhui" lo" ra". Yaku wa boe" lo: ra" khyo ja: khao: ngo" La Ban re ta" kyo: lao". 14La Ban wa nao wa nga" sa:- nga" sho: yao: gaigai: ngad: ra"- ga: ta" ra". Aimung: Yaku wa aimae lho" dakhye' byang" sho' thang: na: ra".
Rakhela We' Lea Tao: Mathao Mae La Ban Re Yaku Mau" Zaui" Byid' Ra" Khyo
15La Ban wa Yaku re- ngo wa ni" amyu" ba nam ngad: ruyang pe" phug' mayu lo: ngore mau" zaui: byid: nae" maang ngad: ra". Nao aphug' pe" ja: khonho" o: i? ga: myid' ra". 16La Ban wa myiqe: zo: shid' yaug qo" ra". Aqi: yaug: mang wa Lea ngad mung:- angai yaug: mang wa Rakhela ngad: ra". 17Lea nho: myo,jid' wa qu" ngaui taung" #Qu" ngaui taung"ga" rure- Hebre myan" mae lajheim: phyid' phyid' kho' kho' mabo ngad: ra" gatau: jham: paug' jham mae wa qam: nang" ra" ga" tung" to" ra". ngad: ra".
18Yaku wa Rakhela we' jho" jhid'de; mung: La Ban re nao ngore Rakhela we' lo, xo' xo' nhao nae" ngad: re wa nao ngore nhad' zin mau" zaui: byid: nae"- ga: ta" ra".
19Ailao" La Ban wa yao: re su gaje dayaug re byid: zho: nae" tho' ngo nao re byid: nae" cemae ngo we' daga" na: wa,- ga: tau" ra". 20Yaku wa Rakhela re qo" yu sho' nhad' zin mau" zaui" ra". Yao: wa Rakhela re jhid'de: ruyang ba na dajhid' za: ngad: ruru: jho: ra".
21Ai: thao Yaku wa La Ban re ayo, byang" va"- ni" zo: re lo, xo' xo' yu nhao la, se,- ga: ta" ra". 22Airumung: La Ban wa lo, xo' poe" qhid' mae" zo: shaug' poe kad' yang: yaug: khao: ngo" re khai: ra". 23Ngadqere: ai: myi re La Ban wa Rakhela atha" Lea yaug re Yaku re jhui: byid' ra". Amung: Yaku wa Lea we' gaung sho: jho" zam" ako". 24(La Ban wa Lea nho daui daui yaug khyo" yao" jeim myhi" Zilpa re Lea re byid' ra".) 25Yaku wa mug: mabo" shire Lea ngad: rure ba: ra". Aimung: Yaku wa La Ban jhao" ye: mung: nao ngore pe"mung: ceru: kad' i? Ngo wa Rakhela the' nae" mau" zaui" lo va". Nao ngore pe"mung:- mhug' pyag' i? ga: myid' ra".
26La Ban wa ce mug: mae aqi: yaug yham maqo" shire angai yaug re lo,xo' xo' yu nae" akhang" byid' ra" thung" li majo, ngad: ra". 27Lo, xo' poe kad' ra" laban gan sho' lao" shi: wa,- nao nga" qhid' mae" gatau nhad' zin mau" zaui: byid: nae" ngad: re wa ngo nao re Rakhela byid: nae"- ga: ta" ra".
28Yaku wa aire vang" mung: lo, xo' poe" kad' ra" La Ban gan lao"- La Ban wa yao" myiqe: zo: Rakhela re yao" yham sang myhi" khyo" Yaku re byid' ra". 29( La Ban wa Rakhela nho: daui daui yaug khyo" yao" jeim myhi" Billa re yao" myiqe: zo: Rakhela re byid' ra".) 30Yaku wa Rakhela we' re: gaung sho: jho" zam" ako". Yaku wa Lea re tho' Rakhela re je: jhid'de; ra". Airumung: yao: wa La Ban qhid' mae" gatau nhad' zin mau" zaui: byid' ra".
Yaku Nho: Yao: Zo: Qe
31Lea wa Rakhela tho' nang: yang: jhid'de; qhug' rure Asang myao lao"- Lea re zo: dau qo" nae" akhyo boe" nhao: ra". Ngadqere: Rakhela wa zo: dau maqo" lo: na: jo; ra". 32Lea wa gaungla" li" mung: yauggai zo: dayaug khau: ra". Aimung: yao: wa- Asang wa nga" nho: qug: khai: re myao byid' ava"- ana" nga" yham sang pho" wa ngore jhid'de; li" nae"- ga: ta" ra". Aimung: Lea wa yao: re Rubin ga: mhang" byid' ra". 33Yao: wa gaung dam: la" li" mung: yauggai zo: gatau dayaug re dam: khau: ra". Ailao" Lea wa- ngo jhid'de; ru maqhug' yu ga" rure yao: the' gyo: yang: Asang wa- ce: yauggai zo: rere: ngore byid' ra"- ga: ta" ra". Aimung: Lea wa yao: re Simon ga: mhang" byid' ra". 34Yao: wa dalhang gaung dam: la" li" mung: yauggai zo: gatau dayaug re khau: ra". Ailao" Lea wa ngo wa yao: re yauggai zo: sam yaug khau byid: va" ruyang ana"- nga" yham sang pho" wa ngore je: yang: nhag' lam: tang za: taui" jo; li" nae"- ga: ta" ra". Airumung: Lea wa yao: re Levi ga: mhang" byid' ra". 35Ai: thao yao: wa gaung dam: la" li" mung: yauggai zo: gatau dayaug re dam: khau: ra". Ailao" Lea wa- celhang wa Asang re ngo caung:khin" byid: nae"- ga: ta" ra". Aimung: Lea wa yao: re Yuda ga: mhang" byid' ra". Ai: thao yao: wa zoshao khau: ru thang: lo" byaug: ra".
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009