Luka 13
13
Kisik Ding, Tua Hi Kei Leh, Sia Ding
1Tua lai takin mi kimkhat hong pai-in Pilat mangpa in Galile mite’ sisan amau pasian biakna sa tawh a hel gawpna thu Zeisu kiangah a gen uh hi. 2Zeisu in, “Tua bang a thuak Galile mite in Galile midangte khempeuh sangin mawhna a hauh zawk uh um na hi uh hiam? 3Ahi kei hi, kong ci hi. Note in zong na mawhna uh na kisikkik kei uh leh, tua mah bangin na kisia khin ding uh hi. 4Tua tham loin Siloam inn sangpi puk a, a delhlup mi sawm leh giatte in Jerusalem khua sungah a om mi khempeuhte sangin mawhna a hauh zawk uh um na hi uh hiam? 5Ahi kei hi, kong ci hi. Note in zong na mawhna na kisikkik kei uh leh, tua mah bangin na kisia khin ding uh hi,” a ci hi.
A Gahlo Theikung Thugentehna
6Zeisu in hih thugentehna a gen-inah, “Mi khat in a lo lai-ah theikung khat a suan hi. Theigah zong dingin tua kung kiangah a pai hangin, gah a om kei hi. 7“Topa in lo nasempa kiangah, ‘En in, kum thum tua theikung’ gah zong dingin kong pai hangin ka mu kei hi. Na phuk in. Bang hangin lei a nainawngsak hiam?’ ci-in thu a pia hi. 8Lo nasempa in, ‘Topa aw, tukum hici koih phot dih in. Keimah in a phung kimkot ah tovungin, eklei ka sung ding hi. 9Tu nung ciangin gah hong gah leh, a hoih hi. Ahih kei leh na phuk ding hi,’ a ci hi,” ci-in a gen hi.
Nipi Ni-in Nungkul Numei Khat Kidamsak
10Nipi ni khatin Zeisu in kikhopna inn sungah thu a hilh hi. 11Tua lai-ah kum sawm leh kum giat a cina numei khat a om hi. Ama nung kulgawp a, a pum neukha beek a kizan thei kei hi. 12Zeisu in tua numei a muh ciangin sam a, “Numei aw, nang na cinatna pan hong kikhah ta hi,” a cih khit ciangin a tungah a khut a ngak leh, 13thakhatin a pumpi tang a, Pasian’ min a phat hi. 14Zeisu in Nipi ni-in cina a damsak man-inah kikhopna inn ukpa heh a, mihonpite kiangah, “Nasep nadingin ni guk a om hi. Tua nite sungin hong pai un la, cidamna na ngah ding uh hi. Nipi ni-in hong pai kei un,” ci-in a gen hi. 15Ahih hangin Topa in, “Mi simtatte aw, no na vekpi-un Nipi ni-in na bawng ahi zongin, na la ahi zongin, buk sung pan khahkhia-in tui ne dingin paipih hilo na hi uh hiam? 16Kum sawm leh kum giat Satan in a hencip Abraham’ tanu hih numei in Nipi ni-in kikhah tuak hilo ahi hiam?” ci-in a gen hi. 17Zeisu in hih thu a gen ciangin, a galte a vekpi-un a zum uh hi. Mihonpite khempeuh in ama bawlna pha hangin a nuam uh hi.
Ankam Tang Thugentehna
18Zeisu in, “Pasian’ Gam in bang tawh kibang ahi hiam? Bang tawh ka genteh ding hiam? 19Mi khat in huanah a cin ankam tang tawh kibang hi. Ankam tang khangin kung suak a, vana vasate in a hiangah a tuang thei uh hi,” a ci hi.
Silngo Thugentehna
20Khatvei Zeisu in, “Pasian’ Gam in bang tawh ka genteh ding hiam? 21Numei khat in buhneel seeng thum a pawm khit mateng a sawh silngo tawh kibang hi,” a ci hi.
Kong Kawciik
22Zeisu in khuapi leh khuaneu ah pai kawikawi a, thu hilhin Jerusalem khuapi zuanin a zin hi. 23Mi khat in, “Topa aw, gupna ngahte tawm ding ahi uh hiam?” ci-in a dong hi. 24Zeisu in, “Kong kawciik ah na lut zawh nadingun hahkat un. Bang hang hiam na cih uh leh, tampi in a lut nop ding uh hangin a lut zo kei ding uh hi, kong ci hi. 25Inn neipa tho a, kongkhak a khak khit ciangin, inn pua lamah ding-in kong na kiu uh a, ‘Topa aw, kong hong hon’ in,’ na cih uh hangin topa in, ‘Note kuami na hi uh hiam ke’n kong thei kei hi,’ hong ci ding hi. 26Tua lai takin note in, ‘Nang tawh an i ne tui i dawn khawm zo hi. Ko khua lamzingte ah thu na hilh ngei hi,’ ci-in na gen uh hangin, 27topa in, ‘Note kuami na hi uh hiam, ke’n kong thei kei hi. Mawhna ahih te aw, kei kiang pan paikhia un kong ci hi,’ ci-in hong gen ding hi. 28Abraham, Isaak leh Jakob-te akipan, Pasian’ kamsangte khempeuh in Pasian’ Gam sungah a om na muh uh ciangin, note in hawlkhiatna na thuak ding uh a, kahna leh hagawina om ding hi. 29Ni suahna lam leh ni tumna lam pan, khang lam leh sak lam panin amaute hong pai ding uh a, Pasian’ Gam sungah a tu ding uh hi. 30A nunung kim khatte in a masa ding uh hi.” a ci hi.
Jerusalem Hangin Zeisu Thuum
31Tua lai takin Farisaite kimkhat hong pai uh a, “Paikhia in la, tai in. Herod in nang hong that nuam hi,” a ci uh hi. 32Zeisu in, “Pai un la, ‘Tuni leh zingsang ciangin dawi ka hawlkhia ding a, cinatna ka damsak ding a, ni thum ni-in ka kikhin ding hi,’ ci-in tua ngia kiangah na hilh un. 33Ahih hangin tuni, zing ciang leh thai ciangin ka pai ding hi. Bang hang hiam na cih uh leh, kamsangpa in Jeursalem khua sim loh mun dangah a si thei kei ding hi.”
34“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi. 35En in, na inn in mi om lo gam simthamin kinusia ding hi. Ke’n kong cih-inah:
‘Pasian’ min tawh hong paipa in thupha ngah ta hen,’ na cih matengin kei nong mu kei ding hi,” a ci hi.
Currently Selected:
Luka 13: TB77
Highlight
Share
Copy
Want to have your highlights saved across all your devices? Sign up or sign in
Tedim Bible © Bible Society of Myanmar, 1977.
Luka 13
13
Kisik Ding, Tua Hi Kei Leh, Sia Ding
1Tua lai takin mi kimkhat hong pai-in Pilat mangpa in Galile mite’ sisan amau pasian biakna sa tawh a hel gawpna thu Zeisu kiangah a gen uh hi. 2Zeisu in, “Tua bang a thuak Galile mite in Galile midangte khempeuh sangin mawhna a hauh zawk uh um na hi uh hiam? 3Ahi kei hi, kong ci hi. Note in zong na mawhna uh na kisikkik kei uh leh, tua mah bangin na kisia khin ding uh hi. 4Tua tham loin Siloam inn sangpi puk a, a delhlup mi sawm leh giatte in Jerusalem khua sungah a om mi khempeuhte sangin mawhna a hauh zawk uh um na hi uh hiam? 5Ahi kei hi, kong ci hi. Note in zong na mawhna na kisikkik kei uh leh, tua mah bangin na kisia khin ding uh hi,” a ci hi.
A Gahlo Theikung Thugentehna
6Zeisu in hih thugentehna a gen-inah, “Mi khat in a lo lai-ah theikung khat a suan hi. Theigah zong dingin tua kung kiangah a pai hangin, gah a om kei hi. 7“Topa in lo nasempa kiangah, ‘En in, kum thum tua theikung’ gah zong dingin kong pai hangin ka mu kei hi. Na phuk in. Bang hangin lei a nainawngsak hiam?’ ci-in thu a pia hi. 8Lo nasempa in, ‘Topa aw, tukum hici koih phot dih in. Keimah in a phung kimkot ah tovungin, eklei ka sung ding hi. 9Tu nung ciangin gah hong gah leh, a hoih hi. Ahih kei leh na phuk ding hi,’ a ci hi,” ci-in a gen hi.
Nipi Ni-in Nungkul Numei Khat Kidamsak
10Nipi ni khatin Zeisu in kikhopna inn sungah thu a hilh hi. 11Tua lai-ah kum sawm leh kum giat a cina numei khat a om hi. Ama nung kulgawp a, a pum neukha beek a kizan thei kei hi. 12Zeisu in tua numei a muh ciangin sam a, “Numei aw, nang na cinatna pan hong kikhah ta hi,” a cih khit ciangin a tungah a khut a ngak leh, 13thakhatin a pumpi tang a, Pasian’ min a phat hi. 14Zeisu in Nipi ni-in cina a damsak man-inah kikhopna inn ukpa heh a, mihonpite kiangah, “Nasep nadingin ni guk a om hi. Tua nite sungin hong pai un la, cidamna na ngah ding uh hi. Nipi ni-in hong pai kei un,” ci-in a gen hi. 15Ahih hangin Topa in, “Mi simtatte aw, no na vekpi-un Nipi ni-in na bawng ahi zongin, na la ahi zongin, buk sung pan khahkhia-in tui ne dingin paipih hilo na hi uh hiam? 16Kum sawm leh kum giat Satan in a hencip Abraham’ tanu hih numei in Nipi ni-in kikhah tuak hilo ahi hiam?” ci-in a gen hi. 17Zeisu in hih thu a gen ciangin, a galte a vekpi-un a zum uh hi. Mihonpite khempeuh in ama bawlna pha hangin a nuam uh hi.
Ankam Tang Thugentehna
18Zeisu in, “Pasian’ Gam in bang tawh kibang ahi hiam? Bang tawh ka genteh ding hiam? 19Mi khat in huanah a cin ankam tang tawh kibang hi. Ankam tang khangin kung suak a, vana vasate in a hiangah a tuang thei uh hi,” a ci hi.
Silngo Thugentehna
20Khatvei Zeisu in, “Pasian’ Gam in bang tawh ka genteh ding hiam? 21Numei khat in buhneel seeng thum a pawm khit mateng a sawh silngo tawh kibang hi,” a ci hi.
Kong Kawciik
22Zeisu in khuapi leh khuaneu ah pai kawikawi a, thu hilhin Jerusalem khuapi zuanin a zin hi. 23Mi khat in, “Topa aw, gupna ngahte tawm ding ahi uh hiam?” ci-in a dong hi. 24Zeisu in, “Kong kawciik ah na lut zawh nadingun hahkat un. Bang hang hiam na cih uh leh, tampi in a lut nop ding uh hangin a lut zo kei ding uh hi, kong ci hi. 25Inn neipa tho a, kongkhak a khak khit ciangin, inn pua lamah ding-in kong na kiu uh a, ‘Topa aw, kong hong hon’ in,’ na cih uh hangin topa in, ‘Note kuami na hi uh hiam ke’n kong thei kei hi,’ hong ci ding hi. 26Tua lai takin note in, ‘Nang tawh an i ne tui i dawn khawm zo hi. Ko khua lamzingte ah thu na hilh ngei hi,’ ci-in na gen uh hangin, 27topa in, ‘Note kuami na hi uh hiam, ke’n kong thei kei hi. Mawhna ahih te aw, kei kiang pan paikhia un kong ci hi,’ ci-in hong gen ding hi. 28Abraham, Isaak leh Jakob-te akipan, Pasian’ kamsangte khempeuh in Pasian’ Gam sungah a om na muh uh ciangin, note in hawlkhiatna na thuak ding uh a, kahna leh hagawina om ding hi. 29Ni suahna lam leh ni tumna lam pan, khang lam leh sak lam panin amaute hong pai ding uh a, Pasian’ Gam sungah a tu ding uh hi. 30A nunung kim khatte in a masa ding uh hi.” a ci hi.
Jerusalem Hangin Zeisu Thuum
31Tua lai takin Farisaite kimkhat hong pai uh a, “Paikhia in la, tai in. Herod in nang hong that nuam hi,” a ci uh hi. 32Zeisu in, “Pai un la, ‘Tuni leh zingsang ciangin dawi ka hawlkhia ding a, cinatna ka damsak ding a, ni thum ni-in ka kikhin ding hi,’ ci-in tua ngia kiangah na hilh un. 33Ahih hangin tuni, zing ciang leh thai ciangin ka pai ding hi. Bang hang hiam na cih uh leh, kamsangpa in Jeursalem khua sim loh mun dangah a si thei kei ding hi.”
34“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi. 35En in, na inn in mi om lo gam simthamin kinusia ding hi. Ke’n kong cih-inah:
‘Pasian’ min tawh hong paipa in thupha ngah ta hen,’ na cih matengin kei nong mu kei ding hi,” a ci hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tedim Bible © Bible Society of Myanmar, 1977.