Marka 16
16
Thawhkikna
1Nipi ni a bei khit ciangin, Magdala khua Mari, Jakob’ nu Mari leh Salome te pai uh a; Zeisu’ luang zut nadingin paknamtui a lei uh hi. 2Ni sagih lakah ni kipat ni, zingsang tuung, nisuah lai takin hanah a pai uh hi. 3Amaute in, “Han kong pan kua in suangpi hong likkhiatsak ding hiam?” ci-in khat leh khat a kikum uh hi. 4Tua lai takin a et uh leh, tua suangpi kilikkhia a, om a mu uh hi. Tua suang in a gol mahmah suang ahi hi. 5Han sungah a lut khit uh ciangin, puanpak silh, tangval khat taklam ah tu-in a muh uh ciangin lamdang a sa uh hi. 6Tua tangvalpa in, “Lamdang sa kei un, singlamteh tungah kithat Nazareth mi Zeisu na zong uh hi. A thokik zo hi. Hih lai takah om nawn lo hi. Ama luang koihna mun hong en un. 7Tu-in pai un la, ‘Na mai uh ah Galile gamah a pai ding hi. Thu a piakkholh mah bangin, tua san takah Topa na mu ding uh hi,’ ci-in Piter akipan a nungzuite na hilh un,” a ci hi. 8Amaute paikhia uh a, han panin a tai uh hi. Bang hang hiam i cih leh, lamdang sa-in a liing uh hi. Amaute lau mahmah ahih manunah kuamah kiangah a gen kei uh hi.
Magdala Mari tungah Zeisu Kilang
9Zeisu in ni sagih lakah ni kipat ni, zingtuungin a thawhkik khit ciangin, a sung pan dawi sagih a hawlkhiat Magdala khua Mari kiangah a masa penin a kilak hi. 10Tua Mari pai a, Zeisu tawh kipawlte dah a, a kah laitakun amaute kiangah tua thu a hilh hi. 11Amaute in a zak uh ciangin, Zeisu a thawhkik thu ahi zongin, Mari in a muhna thu ahi zongin a um kei uh hi.
Nungzui Nihte Tungah Zeisu Kilang
12Tua nung ciangin, nungzuite nih, khuaneu ah a pai laitakun Zeisu in meel kilamdan’na tawh a pumpi a kilak hi. 13Tuate pai uh a, nungzui dangte a zaksak uh hangin amau thu a um kei uh hi.
Zeisu in Sawm-le-khatte Sawl
14Tua nung ciangin, nungzui sawm-le-khatte in an a nek laitakun Zeisu amaute kiangah kilang a, amah a thawhkik khit ciangin a mu mite’ thugen um lo ahih uh ciangin, amaute’ upkhialhna leh lungkhauhna hangin a mawhsak hi. 15“Note leitung khempeuh ah vak kawikawi un la, mi khempeuh kiangah Lungdamna Thu na hilh un. 16Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi. 17Thu um mite tungah hih na lamdang a piang ding hi: Keima min tawh dawite a hawlkhia ding uh a, kamthakin a pau ding uh hi; 18gulte man ding uh a, sihna gu a dawn uh hangin gimna a thuak kei ding uh hi. Cinate tungah a khut uh a ngak uh ciangin a dam ding uh hi,” ci-in Zeisu in a vaikhak hi.
Vankahna
19Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi. 20Amaute paikhia uh a, mun khempeuh ah thu a hilh uh hi. Topa in amaute’ tungah nasem a, lim tawh amaute’ thu a kipsak hi. Amen.
Currently Selected:
Marka 16: TB77
Highlight
Share
Copy
Want to have your highlights saved across all your devices? Sign up or sign in
Tedim Bible © Bible Society of Myanmar, 1977.
Marka 16
16
Thawhkikna
1Nipi ni a bei khit ciangin, Magdala khua Mari, Jakob’ nu Mari leh Salome te pai uh a; Zeisu’ luang zut nadingin paknamtui a lei uh hi. 2Ni sagih lakah ni kipat ni, zingsang tuung, nisuah lai takin hanah a pai uh hi. 3Amaute in, “Han kong pan kua in suangpi hong likkhiatsak ding hiam?” ci-in khat leh khat a kikum uh hi. 4Tua lai takin a et uh leh, tua suangpi kilikkhia a, om a mu uh hi. Tua suang in a gol mahmah suang ahi hi. 5Han sungah a lut khit uh ciangin, puanpak silh, tangval khat taklam ah tu-in a muh uh ciangin lamdang a sa uh hi. 6Tua tangvalpa in, “Lamdang sa kei un, singlamteh tungah kithat Nazareth mi Zeisu na zong uh hi. A thokik zo hi. Hih lai takah om nawn lo hi. Ama luang koihna mun hong en un. 7Tu-in pai un la, ‘Na mai uh ah Galile gamah a pai ding hi. Thu a piakkholh mah bangin, tua san takah Topa na mu ding uh hi,’ ci-in Piter akipan a nungzuite na hilh un,” a ci hi. 8Amaute paikhia uh a, han panin a tai uh hi. Bang hang hiam i cih leh, lamdang sa-in a liing uh hi. Amaute lau mahmah ahih manunah kuamah kiangah a gen kei uh hi.
Magdala Mari tungah Zeisu Kilang
9Zeisu in ni sagih lakah ni kipat ni, zingtuungin a thawhkik khit ciangin, a sung pan dawi sagih a hawlkhiat Magdala khua Mari kiangah a masa penin a kilak hi. 10Tua Mari pai a, Zeisu tawh kipawlte dah a, a kah laitakun amaute kiangah tua thu a hilh hi. 11Amaute in a zak uh ciangin, Zeisu a thawhkik thu ahi zongin, Mari in a muhna thu ahi zongin a um kei uh hi.
Nungzui Nihte Tungah Zeisu Kilang
12Tua nung ciangin, nungzuite nih, khuaneu ah a pai laitakun Zeisu in meel kilamdan’na tawh a pumpi a kilak hi. 13Tuate pai uh a, nungzui dangte a zaksak uh hangin amau thu a um kei uh hi.
Zeisu in Sawm-le-khatte Sawl
14Tua nung ciangin, nungzui sawm-le-khatte in an a nek laitakun Zeisu amaute kiangah kilang a, amah a thawhkik khit ciangin a mu mite’ thugen um lo ahih uh ciangin, amaute’ upkhialhna leh lungkhauhna hangin a mawhsak hi. 15“Note leitung khempeuh ah vak kawikawi un la, mi khempeuh kiangah Lungdamna Thu na hilh un. 16Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi. 17Thu um mite tungah hih na lamdang a piang ding hi: Keima min tawh dawite a hawlkhia ding uh a, kamthakin a pau ding uh hi; 18gulte man ding uh a, sihna gu a dawn uh hangin gimna a thuak kei ding uh hi. Cinate tungah a khut uh a ngak uh ciangin a dam ding uh hi,” ci-in Zeisu in a vaikhak hi.
Vankahna
19Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi. 20Amaute paikhia uh a, mun khempeuh ah thu a hilh uh hi. Topa in amaute’ tungah nasem a, lim tawh amaute’ thu a kipsak hi. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tedim Bible © Bible Society of Myanmar, 1977.