মার্ক 8
8
লুঃউঃউ লিঃথংগো আঃচা পিইখ্রাং
(মথি ১৫:৩২; ১৬:৪)
1নক্কা অর তারাক লুঃউবং চুককেলিরি। য়াং লুঃউরোমা তুখুউলি আঃচা-আসক মিহিকলি কিজু, যীশু কোঃ তিবিরোগু খঃরো প্রলিরি, 2“দিঃ লুঃউরোগু ঙামা সাঃনাফুয়ি রকতি, আক্রংগা সুংরাক পেলুং, দিঃসুরো ঙাক নক্কা নক্কা লৈকেতি, অর য়াংসুউরোমা আঃচা-আসকলি মিহিই। 3ছুগি ঙা দিঃ লুঃউরোগু আঃচা-আসক মিপিইব্রি ইংদুঃ রুওয়েলৈকি, য়াংসুউরো লেংমা আম্হেং মিসিইগেমুপ্যা, আক্রংগা দিঃ লুঃউরো আতুওয়ংমা আওয়িই লেংখিরিগা লাঃচালি লুঃউ হিকরি।”
4তিবিরোচা প্রগেলিরি, “ছুগি দিঃ চিঃছি-কাক্রাক আঃরামা দিঃ লুঃউরো কিজু যাসু যাগা দকআম্যা ভংমুং রাঃফুলিঃ?”
5যীশু মিংলিরি, “নাংরোবামা মন্হস্যাক ভংমুং হিকরিলি?”
তিবিরো আফ্রি পিইগেলিরি, “খঃন্হস্যাক।”
6যীশুচা লুঃউরোগু কাবামা থৈংফু আঃনা পিইলিইরি। নক্কা থুঃউ ভংমুং খঃন্হস্যাককো য়ুউরো থাওরা ফুরাগো কিজু তাংরো ফিইলিরি অর লুঃউরোগু পিইফু কিজু তিবিরো আলাকমা পিইলিরি অর তিবিরোচা লুঃউরো আলাকমা পিইগেলিইরি। 7তিবিরোমা লৈগং ঙাশ্যিলি হিকলিরি। যীশু থুউ ঙাশ্যিরোগু য়ুউরোলি কিজু তাংলিরি অর য়াংচাগো লুঃউরোগু রুই পিইফু কিজু তিবিরো আলাকমা পিইলিইরি। 8লুঃউরোচা ওয়েং তিব্রি চাঃগেলিরি। নক্কা চাঃআলো ম্রেচা মুহুকপ্রিরোগু তিবিরোচা ককয়ুউরো -খঃন্হ খারাংমা ফ্রিগেলিইরি। 9-10য়াংদেমা লিথংল্হক মিঃমা-য়ক্ক্যা হিকলিরি। য়াংনক যীশু লুঃউরোগু রুওয়েলৈতি অর তিবিরোনা লং তাজাংমা তাকরো দলমনুথা ম্রুঃ হেঃতেবেদুঃ লাঃখাগেতি।
11-12য়াংদেমা ফরীশীরোচা লাঃরো যীশুনা চাঃগা আখ্যা-তাং প্রগেলিইরি অর যীশুগো চেংফু কিজু সাগ্রাফুংগা তুখু লাকখানা প্রাজিগেলিইরি। য়জংছুখা যীশুচা আসাক আগ্রী খ্যারো প্রলিইরি, “দিঃ খঃমা লুঃউরো যাফু লাকখানা হ্রাগেতিলি? ঙা কোবাংরোগু আম্হেং প্ররি, তুখুউলি লাকখানা-দিঃ লুঃউরোগু মাপ্রা।”
13য়াংনক যীশু য়াংসুউরোগু বৈরো, প্রেংরো লংমা তাকরো ম্রঃ অরতেগেংদুঃ কুঃ লাঃখারি।
তিবিরোগু সিঃদি পিইচা
(মথি ১৬:৫-১২)
14তিবিরোচা নকলৈ ভংমুং য়ুউফু মিংগেলিরি। লংমা য়াংসুউরোমা ভংমুং তাস্যাকরা হিকলিরিব্যা। 15য়াংখা যীশু প্রলিইরি, “নাংরো সিঃদিনা নিংগে, ফরীশীরোনা হেরোদ লুঃউ মকংগা সিঃদিনা নিংগে।”
16য়জংছুগি তিবিরোচা কোরো কোরো আথিইমা প্রগেলিরি, “ঙারোবামা ভংমুং মিহিক কিজু ছারা দিঃপুয়েং প্রচা লঃ।”
17তিবিরোচা যা আক্রংলিলাগো য়ুউরো প্রগেতি, য়াংচাগো সিইরো যীশু তিবিরোগু প্রলিরি, “নাংরো যাফু প্রগেতিলি, নাংরোমা ভংমুং মিহিই? নাংরো আগুতয়ং মিসিইগে লঃ মুহুককি নাঃমিলিগে লঃ? নাংরো চিই-নুন্হুংচা কংগং কেইং লাঃখাব্যা লঃ? 18নাংরোমা ম্যাকচি হিকরো, মাম্রাংগে লঃ? নাঃ হিকরো, মাক্রাগে লঃ? তুওয়করোলি মাঃরাগে লঃ, 19যাখা ঙা লুঃউ ঙাথং কিজু ঙাস্যাক ভংমুং পিইলিরি য়াংখা মন্হক খারাং ভংমুং মুহুকপ্রিঃ, নাংরো কক য়ুগেলিরিলি?”
তিবিরো আফ্রি পিইগেলিইরি, “তিছি নৈইখারাং।”
20যীশু প্রেংরো প্রলিইরি, “ঙা যাখা লুঃউ লিঃথং কিজু খঃন্হস্যাক ভংমুং ফিইলিরি, য়াংখা মন্হক খারাং ভংমুং মুহুকপ্রিঃ, নাংরো কক য়ুগেলিরিলি?”
তিবিরো আফ্রি পিইগেলিরি, “খঃন্হ খারাং।”
21য়াংখা যীশু তিবিরোগু প্রলিরি, “য়জংছুগি নাংরো আগুলি নাঃমিলিগে লঃ?”
আকেইং তয়ক ম্রাংলিরি
22নক্কা যীশুনা তিবিরোচা বৈৎসৈদা রুওয়াদুঃ লাঃখাগেতি। য়াংদেমা লুঃউরোচা আকেইং তয়ককো যীশুবাদুঃ য়ুউ লাঃগেতি অর য়াং লুঃউ কাইংথামা আলাক তাংফু কিজু যীশুগো আতংবেং প্রুককেলিরি। 23যীশু য়াং আকেইং লুঃউ আলাক কৈংরো রুওয়া প্রাংদুঃ য়ুউ লাঃখারি। য়াংনক থুউ লুঃউ ম্যাকচিমা তুওয়েংছি বৈলিরি অর য়াংসুউ কাইংথামা আলাক ম্হেংরো মিংলিরি, “নাং তুখুমাঃসা ম্রাংরি লঃ?”
24লুঃউচা ক্রিরো প্রলিইরি, “ঙা লুঃউ ম্রাংরি; য়াংসুউরোচা সাপাংঞ্যংব্যা, অর আলা-আসুওয়া প্যাংরি।”
25যীশু অরতখক থুঃউ লুঃউ ম্যাকচিমা আলাক থাঃলিইরি। দিঃখকচা য়াংসুউ ম্যাকচি পুওয়ং লাঃখারি অর য়াংসুউ ম্রাংলিরি। য়াংসুউচা কংগং আহ্লাপা প্যাংরো আলুংচাগো ম্রাংলিরিব্যা। 26যীশু য়াংসুউগো ইংদুঃ রুওয়েফুখা প্রলিরি, “বৈৎসৈদা রুওয়াদুঃ মাঃলালিগি।”
আস্যাং যীশুচা মশীহ
(মথি ১৬:১৩-২০; লূক ৯:১৮-২১)
27য়াংনক যীশুনা তিবিরোচা কৈসরিয়ানা ফিলিপি ম্রু নেংবুনেংবা রুওয়াদুঃ লাঃখাগেতি। লাঃরি লেংমা যীশুচা তিবিরোগু মিংলিরি, “ঙা যাসুউলি, দিঃ আক্রংলিলাগো য়ুউরো লুঃউ যা প্রগেতিলি।”
28তিবিরোচা আফ্রি পিইগেলিরি, “তয়কতিরি প্রগেতি, কোবাংচা রিঃঙুক মাঙ্গালা পিইসু যোহন; তয়কতিরি প্রগেতি, কোবাং এলিয়; অর তয়কতিরি প্রগেতি, কোবাং আলংসারোমা তয়ক।”
29য়াংখা যীশু প্রলিইরি, “ছুগি নাংরো যা প্রগেতিলি, ঙা যাসুউলি?”
পিতর আফ্রি পিইলিইরি, “কোবাংচা থুউ মশীহ।”
30যীশু তিবিরোগু সিদি পিইলিইরি, যাফুলিছুগি তিবিরোচা কো আক্রংলিলাগো য়ুউরো তয়ককোলি তুখু মঃপ্ররাঅং।
কো সিইখ্রাংগো য়ুউরো আস্যাং যীশু
(মথি ১৬:২১-২৮; লূক ৯:২২-২৭)
31নক্কা যীশু কো তিবিরোগু সুয়েংসাং পিইলিরিচাগা, মনুসুওয়া সাঃগো কংগং দুঃখাওয়া খেংরাফু। ওয়াগ্রি গংখ্যুকরো, পুরোহিত আগ্রিরোনা কেইং ছারারো য়াংসুউগো লাক মেখেং প্যাংফু। য়াংসুউগো সেঃ বলৈফু অর সুংরাক নক য়াংসুউগো প্রেংরো আঃসিইগা আহ্রাং প্যাংরো থুঃউফু। 32দিঃ চাঃগারোগু যীশু কংগং বিবি-সেঃসেঃ প্রপ্রালিরি। য়াংখা পিতর যীশু আখ্রা তেরেতু য়ুউ লাঃরো, যীশু আপ্রই তাংলিরি। 33যীশুচা ম্যাকন্হা হ্লিরো তিবিরোগু ক্রিলিরি অর পিতরগো হকরো প্রলিরি, “লুঃউছু্ও, ঙাবাগা প্যকলি। থাওরা ছেংদা যাচালি, নাং য়াংচাগো মাছাংখ্রাং, ছুগি লুঃউ ছেংদা যাচালি য়াংচাগোরা ছাংখ্রাংরি।”
34য়াংনক যীশুচা তিবিরোগু অর আখ্রা লুঃউরোগু কোবাদুঃ খঃরো প্ররিলি, “খ্যাংসুউমুছু ঙাক লেংদুঃ লাঃখ্যাংরিছুগিরা, য়াংসুউ কো ছেংদা আলৈই মিনিংরা; কোঃ সিইফুচা থুউগো রুওয়করো ঙা নক্কা লাঃ। 35খ্যাংসুউমুছু কো কিজুরা হ্রাংনিংফু ক্রিগি, য়াংসুউ কো আম্হেংচাংজ বাওয়াগো মাঃরামুঃ; ছুগি খ্যাংসুউমুছু ঙা কিজু অর থাওরা ফুরা ঈ আকং সাদাং কিজু য়াংসুউ আসাক প্যকতিছুগি, য়াংসুউ কো আম্হেংচাংজ বাওয়াগো কিছিমি। 36খ্যাংসুউমুছু দিঃ কাবালুংগো রালো, য়াংচানা কো আম্হেং বাওয়াচা প্যকতিছুগি-য়াংসুউমা তুখুউলি আম্রে মিহি, 37আক্রংগা আম্হেং বাওয়াগো প্রেংরাফু কিজু, য়াংসুউমা পিইফুচা যা হিকরিলিঃ? 38দিঃ খঃমা আক্যুং মিহিনা আপ্রইস্যাং লুঃউরো কিজু, খ্যাংসুউমুছু ঙাগো অর ঙাক চাঃগাগো য়ুউরো হ্রাকতিছুগিরা, যাখা মনুসুওয়া সাঃচা সেংস্যাংস তেমেংদরোনা আতুউ, য়াংসুউ ফাখাং গুংদদুঃ লাঃফু, য়াংখা য়াংসুউলি থুউ লুঃউরোগু য়ুউরো তেথেং হ্রাকমি।”
Currently Selected:
মার্ক 8: BBSRMZ
Highlight
Share
Copy
Want to have your highlights saved across all your devices? Sign up or sign in
Copyright © 2022 Bangladesh Bible Society, All rights reserved.
মার্ক 8
8
লুঃউঃউ লিঃথংগো আঃচা পিইখ্রাং
(মথি ১৫:৩২; ১৬:৪)
1নক্কা অর তারাক লুঃউবং চুককেলিরি। য়াং লুঃউরোমা তুখুউলি আঃচা-আসক মিহিকলি কিজু, যীশু কোঃ তিবিরোগু খঃরো প্রলিরি, 2“দিঃ লুঃউরোগু ঙামা সাঃনাফুয়ি রকতি, আক্রংগা সুংরাক পেলুং, দিঃসুরো ঙাক নক্কা নক্কা লৈকেতি, অর য়াংসুউরোমা আঃচা-আসকলি মিহিই। 3ছুগি ঙা দিঃ লুঃউরোগু আঃচা-আসক মিপিইব্রি ইংদুঃ রুওয়েলৈকি, য়াংসুউরো লেংমা আম্হেং মিসিইগেমুপ্যা, আক্রংগা দিঃ লুঃউরো আতুওয়ংমা আওয়িই লেংখিরিগা লাঃচালি লুঃউ হিকরি।”
4তিবিরোচা প্রগেলিরি, “ছুগি দিঃ চিঃছি-কাক্রাক আঃরামা দিঃ লুঃউরো কিজু যাসু যাগা দকআম্যা ভংমুং রাঃফুলিঃ?”
5যীশু মিংলিরি, “নাংরোবামা মন্হস্যাক ভংমুং হিকরিলি?”
তিবিরো আফ্রি পিইগেলিরি, “খঃন্হস্যাক।”
6যীশুচা লুঃউরোগু কাবামা থৈংফু আঃনা পিইলিইরি। নক্কা থুঃউ ভংমুং খঃন্হস্যাককো য়ুউরো থাওরা ফুরাগো কিজু তাংরো ফিইলিরি অর লুঃউরোগু পিইফু কিজু তিবিরো আলাকমা পিইলিরি অর তিবিরোচা লুঃউরো আলাকমা পিইগেলিইরি। 7তিবিরোমা লৈগং ঙাশ্যিলি হিকলিরি। যীশু থুউ ঙাশ্যিরোগু য়ুউরোলি কিজু তাংলিরি অর য়াংচাগো লুঃউরোগু রুই পিইফু কিজু তিবিরো আলাকমা পিইলিইরি। 8লুঃউরোচা ওয়েং তিব্রি চাঃগেলিরি। নক্কা চাঃআলো ম্রেচা মুহুকপ্রিরোগু তিবিরোচা ককয়ুউরো -খঃন্হ খারাংমা ফ্রিগেলিইরি। 9-10য়াংদেমা লিথংল্হক মিঃমা-য়ক্ক্যা হিকলিরি। য়াংনক যীশু লুঃউরোগু রুওয়েলৈতি অর তিবিরোনা লং তাজাংমা তাকরো দলমনুথা ম্রুঃ হেঃতেবেদুঃ লাঃখাগেতি।
11-12য়াংদেমা ফরীশীরোচা লাঃরো যীশুনা চাঃগা আখ্যা-তাং প্রগেলিইরি অর যীশুগো চেংফু কিজু সাগ্রাফুংগা তুখু লাকখানা প্রাজিগেলিইরি। য়জংছুখা যীশুচা আসাক আগ্রী খ্যারো প্রলিইরি, “দিঃ খঃমা লুঃউরো যাফু লাকখানা হ্রাগেতিলি? ঙা কোবাংরোগু আম্হেং প্ররি, তুখুউলি লাকখানা-দিঃ লুঃউরোগু মাপ্রা।”
13য়াংনক যীশু য়াংসুউরোগু বৈরো, প্রেংরো লংমা তাকরো ম্রঃ অরতেগেংদুঃ কুঃ লাঃখারি।
তিবিরোগু সিঃদি পিইচা
(মথি ১৬:৫-১২)
14তিবিরোচা নকলৈ ভংমুং য়ুউফু মিংগেলিরি। লংমা য়াংসুউরোমা ভংমুং তাস্যাকরা হিকলিরিব্যা। 15য়াংখা যীশু প্রলিইরি, “নাংরো সিঃদিনা নিংগে, ফরীশীরোনা হেরোদ লুঃউ মকংগা সিঃদিনা নিংগে।”
16য়জংছুগি তিবিরোচা কোরো কোরো আথিইমা প্রগেলিরি, “ঙারোবামা ভংমুং মিহিক কিজু ছারা দিঃপুয়েং প্রচা লঃ।”
17তিবিরোচা যা আক্রংলিলাগো য়ুউরো প্রগেতি, য়াংচাগো সিইরো যীশু তিবিরোগু প্রলিরি, “নাংরো যাফু প্রগেতিলি, নাংরোমা ভংমুং মিহিই? নাংরো আগুতয়ং মিসিইগে লঃ মুহুককি নাঃমিলিগে লঃ? নাংরো চিই-নুন্হুংচা কংগং কেইং লাঃখাব্যা লঃ? 18নাংরোমা ম্যাকচি হিকরো, মাম্রাংগে লঃ? নাঃ হিকরো, মাক্রাগে লঃ? তুওয়করোলি মাঃরাগে লঃ, 19যাখা ঙা লুঃউ ঙাথং কিজু ঙাস্যাক ভংমুং পিইলিরি য়াংখা মন্হক খারাং ভংমুং মুহুকপ্রিঃ, নাংরো কক য়ুগেলিরিলি?”
তিবিরো আফ্রি পিইগেলিইরি, “তিছি নৈইখারাং।”
20যীশু প্রেংরো প্রলিইরি, “ঙা যাখা লুঃউ লিঃথং কিজু খঃন্হস্যাক ভংমুং ফিইলিরি, য়াংখা মন্হক খারাং ভংমুং মুহুকপ্রিঃ, নাংরো কক য়ুগেলিরিলি?”
তিবিরো আফ্রি পিইগেলিরি, “খঃন্হ খারাং।”
21য়াংখা যীশু তিবিরোগু প্রলিরি, “য়জংছুগি নাংরো আগুলি নাঃমিলিগে লঃ?”
আকেইং তয়ক ম্রাংলিরি
22নক্কা যীশুনা তিবিরোচা বৈৎসৈদা রুওয়াদুঃ লাঃখাগেতি। য়াংদেমা লুঃউরোচা আকেইং তয়ককো যীশুবাদুঃ য়ুউ লাঃগেতি অর য়াং লুঃউ কাইংথামা আলাক তাংফু কিজু যীশুগো আতংবেং প্রুককেলিরি। 23যীশু য়াং আকেইং লুঃউ আলাক কৈংরো রুওয়া প্রাংদুঃ য়ুউ লাঃখারি। য়াংনক থুউ লুঃউ ম্যাকচিমা তুওয়েংছি বৈলিরি অর য়াংসুউ কাইংথামা আলাক ম্হেংরো মিংলিরি, “নাং তুখুমাঃসা ম্রাংরি লঃ?”
24লুঃউচা ক্রিরো প্রলিইরি, “ঙা লুঃউ ম্রাংরি; য়াংসুউরোচা সাপাংঞ্যংব্যা, অর আলা-আসুওয়া প্যাংরি।”
25যীশু অরতখক থুঃউ লুঃউ ম্যাকচিমা আলাক থাঃলিইরি। দিঃখকচা য়াংসুউ ম্যাকচি পুওয়ং লাঃখারি অর য়াংসুউ ম্রাংলিরি। য়াংসুউচা কংগং আহ্লাপা প্যাংরো আলুংচাগো ম্রাংলিরিব্যা। 26যীশু য়াংসুউগো ইংদুঃ রুওয়েফুখা প্রলিরি, “বৈৎসৈদা রুওয়াদুঃ মাঃলালিগি।”
আস্যাং যীশুচা মশীহ
(মথি ১৬:১৩-২০; লূক ৯:১৮-২১)
27য়াংনক যীশুনা তিবিরোচা কৈসরিয়ানা ফিলিপি ম্রু নেংবুনেংবা রুওয়াদুঃ লাঃখাগেতি। লাঃরি লেংমা যীশুচা তিবিরোগু মিংলিরি, “ঙা যাসুউলি, দিঃ আক্রংলিলাগো য়ুউরো লুঃউ যা প্রগেতিলি।”
28তিবিরোচা আফ্রি পিইগেলিরি, “তয়কতিরি প্রগেতি, কোবাংচা রিঃঙুক মাঙ্গালা পিইসু যোহন; তয়কতিরি প্রগেতি, কোবাং এলিয়; অর তয়কতিরি প্রগেতি, কোবাং আলংসারোমা তয়ক।”
29য়াংখা যীশু প্রলিইরি, “ছুগি নাংরো যা প্রগেতিলি, ঙা যাসুউলি?”
পিতর আফ্রি পিইলিইরি, “কোবাংচা থুউ মশীহ।”
30যীশু তিবিরোগু সিদি পিইলিইরি, যাফুলিছুগি তিবিরোচা কো আক্রংলিলাগো য়ুউরো তয়ককোলি তুখু মঃপ্ররাঅং।
কো সিইখ্রাংগো য়ুউরো আস্যাং যীশু
(মথি ১৬:২১-২৮; লূক ৯:২২-২৭)
31নক্কা যীশু কো তিবিরোগু সুয়েংসাং পিইলিরিচাগা, মনুসুওয়া সাঃগো কংগং দুঃখাওয়া খেংরাফু। ওয়াগ্রি গংখ্যুকরো, পুরোহিত আগ্রিরোনা কেইং ছারারো য়াংসুউগো লাক মেখেং প্যাংফু। য়াংসুউগো সেঃ বলৈফু অর সুংরাক নক য়াংসুউগো প্রেংরো আঃসিইগা আহ্রাং প্যাংরো থুঃউফু। 32দিঃ চাঃগারোগু যীশু কংগং বিবি-সেঃসেঃ প্রপ্রালিরি। য়াংখা পিতর যীশু আখ্রা তেরেতু য়ুউ লাঃরো, যীশু আপ্রই তাংলিরি। 33যীশুচা ম্যাকন্হা হ্লিরো তিবিরোগু ক্রিলিরি অর পিতরগো হকরো প্রলিরি, “লুঃউছু্ও, ঙাবাগা প্যকলি। থাওরা ছেংদা যাচালি, নাং য়াংচাগো মাছাংখ্রাং, ছুগি লুঃউ ছেংদা যাচালি য়াংচাগোরা ছাংখ্রাংরি।”
34য়াংনক যীশুচা তিবিরোগু অর আখ্রা লুঃউরোগু কোবাদুঃ খঃরো প্ররিলি, “খ্যাংসুউমুছু ঙাক লেংদুঃ লাঃখ্যাংরিছুগিরা, য়াংসুউ কো ছেংদা আলৈই মিনিংরা; কোঃ সিইফুচা থুউগো রুওয়করো ঙা নক্কা লাঃ। 35খ্যাংসুউমুছু কো কিজুরা হ্রাংনিংফু ক্রিগি, য়াংসুউ কো আম্হেংচাংজ বাওয়াগো মাঃরামুঃ; ছুগি খ্যাংসুউমুছু ঙা কিজু অর থাওরা ফুরা ঈ আকং সাদাং কিজু য়াংসুউ আসাক প্যকতিছুগি, য়াংসুউ কো আম্হেংচাংজ বাওয়াগো কিছিমি। 36খ্যাংসুউমুছু দিঃ কাবালুংগো রালো, য়াংচানা কো আম্হেং বাওয়াচা প্যকতিছুগি-য়াংসুউমা তুখুউলি আম্রে মিহি, 37আক্রংগা আম্হেং বাওয়াগো প্রেংরাফু কিজু, য়াংসুউমা পিইফুচা যা হিকরিলিঃ? 38দিঃ খঃমা আক্যুং মিহিনা আপ্রইস্যাং লুঃউরো কিজু, খ্যাংসুউমুছু ঙাগো অর ঙাক চাঃগাগো য়ুউরো হ্রাকতিছুগিরা, যাখা মনুসুওয়া সাঃচা সেংস্যাংস তেমেংদরোনা আতুউ, য়াংসুউ ফাখাং গুংদদুঃ লাঃফু, য়াংখা য়াংসুউলি থুউ লুঃউরোগু য়ুউরো তেথেং হ্রাকমি।”
Currently Selected:
:
Highlight
Share
Copy
Want to have your highlights saved across all your devices? Sign up or sign in