San Marcos 12
12
Je̱'e̱ ju̶bu̶k tuumbu̶du̶jk ijxpe̱jt
(Mt 21.33-46; Lc 20.9-19)
1Chi je̱'e̱ Jesús myu̶dmu̶dyaaktu̶gu̶u̶yu̶ ajku̶xy mu̶u̶d je̱'e̱ ijxpe̱jtu̶ñ, ñu̶maayu̶ ajku̶xy: “Jii ijty ja'ay tu'ug mu̶dyiibu̶ je̱'e̱ uvakam pu̶daaku̶ñ y chi ku'u'agajy, y yaj'oyu̶u̶y tu'ug uvamu̶kxtaakt y yajpu̶du̶'ky tu'ug poch janch ku̶xp ma je̱'e̱ y'uvakam mu̶baad ku̶xyu̶ yaj'ixu̶'u̶yu̶ñ oy yajxón. Chi je̱'e̱ y'uvakam piiwa'kxy yejky ma je̱'e̱ tuumbu̶du̶jk nije̱' ajku̶xyu̶ñ y chi choñ. 2Ko je̱'e̱ uva piw'aatz paaty, chi je̱'e̱ tyuumbu̶ tu'ug kejxy ma je̱'e̱ tuumbu̶du̶jk ajku̶xyu̶ñ ko je̱'e̱ pu̶da'aky wan mo'oyii je̱'e̱ mu̶dyiibu̶ najty paattu̶bu̶ñ. 3Peru̶ je̱'e̱ tuumbu̶du̶jk myajtzku̶x je̱'e̱ kexyo'oybyu̶, chi winwojp ju̶jpwojpku̶xy y yajwimbijtku̶xy du'uñyu̶, ka'p ni tii mooygyu̶xy. 4Mu̶'it je̱'e̱ kugam wiingpu̶ tyuumbu̶ ja'adu'ug kejxy; peru̶ nandu'un je̱'e̱ tuuñ ajku̶xy yajtzu̶chu̶u̶ygyu̶xy ma je̱'e̱ kyu'ubajku̶ñ y win'ojy ju̶jp'ojy ajku̶xy. 5Chi je̱'e̱ wiingpu̶ jadu'ug kejxy, y je̱' yaj'o'kku̶x je̱'. U̶x'aam je̱'e̱ wiingpu̶ may jaktimykejxy, y je̱' nije̱' winwojpy ju̶jpwojpy ajku̶xy y nije̱' yaj'o'ky ajku̶xy.
6“Je̱'e̱ kugam tu'kpajk najty je'eyu̶ jakmu̶u̶du̶ch je̱'e̱ mu̶dyiibu̶ kye̱xe̱e̱mbyu̶ñ: y kyu̶'u̶m'úng najty je̱' je̱'e̱ mu̶dyiibu̶ najty oy chojkypy jyu̶wu̶u̶ybyu̶ñ. Je̱' oy ke̱jxkugu̶xu̶'u̶y, myu̶naañ: ‘Ka'p jékyu̶ch ko u̶u̶ch yu̶'u̶ n'ung xy'ijxu̶ch ajku̶xy, yajmu̶j'ádu̶py yu̶'u̶ ajku̶xy.’ 7Peru̶ chi je̱'e̱ tuumbu̶du̶jk ñayñu̶maayu̶ ajku̶xy amíñ u̶xyu̶py: ‘Yu̶'u̶ yu̶'u̶ tyeedy pyu̶da'agy mu̶wu̶'u̶maanu̶py; tzu̶k yaj'o'ku̶m ajku̶xy y wan yu̶'u̶ kam nje̱'e̱'ajtu̶mu̶ch ajku̶xy.’ 8Y chi majtzku̶xy, yaj'o'ky ajku̶xy y ni'iju̶bijpnajxku̶xy uvakam ni'ináxy.
9“¿Y neby miich m'okmu̶naangu̶xpu̶, tii je̱'e̱ uvakam windzú̶n da'a tyúnu̶py? Pues nú̶kxu̶p je̱'e̱ ku̶'u̶m nu̶kxy je̱'e̱ tuumbu̶du̶jk yaj'o'kta'ay ajku̶xy, y chi je̱'e̱ kyam yé̱gu̶ch ma je̱'e̱ wiingpu̶ tuumbu̶du̶jk ajku̶xyu̶ñ.
10“¿Nej ka'anu̶ miich mgápxku̶xyñu̶ je̱'e̱ Dios ñaky, ma du'un myu̶na'añu̶ñ?:
‘Je̱'e̱ oybyu̶ tzaa mu̶dyiibu̶ je̱'e̱ pojtzpu̶du̶jk ka'p yajtuun ajku̶xyu̶ñ.
Je̱' oy tu̶ wyu̶'u̶mnu̶ ma je̱'e̱ poch chonda'agyu̶ñ.
11Adaa, je̱'e̱ Windzú̶n Dios adaa du'un tuun,
y nmu̶dajpy nmu̶maaby adaa du'un ajtu̶m ajku̶xy.’ ”
12Chi je̱'e̱ Jesús ja'amadzaañ ajku̶xy, je̱' ko wyinju̶wu̶u̶ygyu̶x je̱', ko je̱'e̱ Jesús najty je̱' tu̶ ñimu̶dyaaku̶gu̶xy mu̶u̶d je̱'e̱ ijxpe̱jtu̶ñ. Peru̶ je̱' ko je̱'e̱ mayjya'ay najty tzu̶gu̶u̶ygyu̶xy, chi u̶xmajch ajku̶xy y ñú̶kxku̶xnu̶.
Yajtu̶u̶gu̶xy pu̶nu̶ mu̶baad je̱'e̱ kube̱jtu̶ñ yaj'yéky o pu̶nu̶ ka'p
(Mt 22.15-22; Lc 20.20-26)
13Chi je̱'e̱ fariseotu̶jk y je̱'e̱ Herodes jya'ay nije̱' kejxy ajku̶xy ma je̱'e̱ Jesúsu̶ñ neby je̱'e̱ Jesús mu̶baad yajkapxtu̶gooygyu̶xyu̶ñ, y neby mu̶baad mu̶'it xu̶'u̶gu̶xyu̶ñ. 14Chi je̱'e̱ ñu̶kxy ajku̶xy y nu̶maay ajku̶xy:
—Windzú̶n, u̶u̶ch nnejwu̶u̶ybyu̶ch ajku̶xy ko miich tu̶y'ajt mmu̶dya'agy, miich ka'p miich je̱'e̱ ja'ay mmu̶jpu̶da'agy nebyjyaty myu̶naangu̶xyu̶ñ, je̱' ko ka'p miich je̱'e̱ ja'ay win'ixy myaj'u̶xpú̶ky. Miich tu̶y'ajt je̱'e̱ Dios tyu̶y'ajt myaj'u̶xpu̶jku̶ neby je̱'e̱ ja'ay mu̶baad chu̶naaygyu̶xy jyugy'ajtku̶xyu̶ñ, du'un neby je̱'e̱ Dios tzokyu̶ñ. ¿Nej mu̶baad u̶u̶ch nmu̶gubety ajku̶xy je̱'e̱ mu̶j'ane̱'e̱mbu̶ romano ja'ay, o ka'p? ¿Nmu̶gubé̱ttu̶byu̶ch ajku̶xy o ka'p u̶u̶ch nmu̶gubé̱tu̶ch ajku̶xy?
15Peru̶ je̱' ajku̶xy winju̶wu̶u̶yu̶xu̶ je̱'e̱ Jesús je̱'e̱ cho'oydyu'untukwinma'añ ajku̶xy, chi ñu̶maayu̶ ajku̶xy:
—¿Ti u̶u̶ch ko miich xyjyoot'ijx xywyinma'añ'ijxku̶xy? Yajmiingu̶x je̱'e̱ meeñ tu'ug, wan u̶u̶ch n'ok'íxu̶ch.
16Chi je̱'e̱ meeñ tu'ug yajninú̶kxy ajku̶xy, y chi je̱'e̱ Jesús ñu̶maayu̶ ajku̶xy:
—¿Pu̶n adaa y'awinnax y pu̶n je̱'e̱ xyu̶u̶ yam yujkja'ay miimb ma adaa meeñu̶ñ?
Chi y'adzooy ajku̶xy:
—Je̱'e̱ mu̶j'ane̱'e̱mbu̶.
17Mu̶'it je̱'e̱ Jesús ñu̶maayu̶ ajku̶xy:
—Pues mooygyu̶x je̱'e̱ mu̶j'ane̱'e̱mbu̶ je̱'e̱ mu̶dyiibu̶ je̱'e̱ mu̶j'ane̱'e̱mbu̶ paattu̶bu̶ñ, y mooygyu̶x je̱'e̱ Dios je̱'e̱ mu̶dyiibu̶ je̱'e̱ Dios paattu̶bu̶ñ.
Y ko du'un y'adzoowu̶ ajku̶xy, chi mu̶k yajnú̶kxy yajju̶wu̶u̶y ajku̶xy.
Yajtu̶u̶gu̶xy pu̶nu̶ juugypyu̶gaamb je̱'e̱ o'ogyjya'ay ajku̶xy
(Mt 22.23-33; Lc 20.27-40)
18Mu̶'it je̱'e̱ saduceotu̶jk oy nije̱' ijxku̶xy je̱'e̱ Jesús. Je̱'e̱ saduceotu̶jk du'un je̱'e̱ myu̶naangu̶xy ko ka'p je̱'e̱ o'ogyjya'ay jyuugypyu̶gaangu̶xy; paady adayaaba mu̶dya'agy yajmu̶dmu̶dyaaky ajku̶xy:
19—Windzú̶n, du'un u̶u̶ch je̱'e̱ Moisés kuja'ay xy'u̶xyo'oyu̶ ajku̶xy ko je̱'e̱ pu̶kyya'aydyu̶jk tu'ug y'o'ogu̶ch y pu̶nu̶ ka'p naty je̱'e̱ tyo'oxyu̶jk ni tu'ug tu̶ yaj'ungpaady, je̱'e̱ jamyii pyuya'ay paattu̶p pú̶gu̶ch je̱'e̱ ku'o'ogytyo'oxyu̶jk, wan du'un yaj'ungpaadu̶ch mu̶u̶d je̱'e̱ pyuya'ay gyu̶xpu̶ mu̶dyiibu̶ naty tu̶ y'o'ogyu̶ñ. 20Bueno, jii ijty ja'ay tu'kke̱'e̱xk, nijuxtujk ijty je̱'e̱ tyu'kke̱'e̱xk'ajtku̶xy agu̶ ya'aydyu̶jk. Chi je̱'e̱ kob'ung jayu̶jp pyu̶jky y chi je̱'e̱ tyo'oxyu̶jk u̶x'o'ky, ka'p ni tu'ug yaj'ungpaaty. 21Mu̶'it je̱'e̱ mu̶me̱tzkpu̶ pyuya'ay pyu̶jky mu̶u̶d je̱'e̱ ku'o'ogytyo'oxyu̶jk, peru̶ nan y'u̶x'o'k je̱'e̱ tyo'oxyu̶jk y nan ka'p ni tu'ug yaj'ungpaaty. Nandu'un je̱'e̱ mu̶du̶gu̶u̶kpu̶ jyajty, 22y du'un je̱'e̱ nijuxtujkpu̶ mu̶dtzu̶naay abu̶dzu̶u̶mdaaygyu̶xy je̱'e̱ to'oxyu̶jk y u̶x'o'ktaay ajku̶xy, ka'p ni tu'ug yaj'ungpaaty ajku̶xy. Chi je̱'e̱ to'oxyu̶jk oy nandu'un y'o'knu̶. 23Bueno, y ko naty je̱'e̱ jyuugypyu̶jkku̶xy, ko naty ja'adu'ook chu̶naaygyu̶xnu̶ba, ¿mu̶dyii je̱'e̱ da'a okto'oxyu̶jk'adu̶u̶ju̶p je̱'e̱ to'oxyu̶jk, je̱' ko nijuxtujku̶ je̱'e̱ tu̶ to'oxyu̶jk'ajtu̶gu̶xyu̶?
24Chi je̱'e̱ Jesús y'adzoowu̶ ajku̶xy:
—Miich ajku̶xy mgapxtu̶gooygyu̶xp du'un, je̱' ko je̱'e̱ Dios ñaky ka'p mnejwu̶u̶yu̶ ajku̶xy ni je̱'e̱ Dios myu̶k'ajtu̶ñ. 25Ko naty je̱'e̱ o'ogyjya'ay jyuugypyu̶jkku̶xy, je̱'e̱ ya'aydyu̶jktu̶jk y je̱'e̱ to'oxyu̶jktu̶jk ka'p je̱'e̱ pyu̶gaan y'u'ugaangu̶xnu̶,#12.25 Nije̱' wiingpu̶ versión myu̶na'añ: y nan ka'p je̱'e̱ y'ung y'ana'k ñaymyo'owaanu̶gu̶xnu̶ ko wan pu̶jkku̶xy uukku̶xy. du'un je̱'e̱ y'idaangu̶xnu̶ neby je̱'e̱ ángelestu̶jk mu̶dyiibu̶ jiiby tzajpjooty ajku̶xyu̶ñ. 26Y tu̶y'ajt je̱'e̱ du'un ko je̱'e̱ o'ogyjya'ay jyuugypyu̶gaangu̶xy, ¿nej ka'anu̶ miich mgápxku̶xyñu̶ ma je̱'e̱ Moisés ñakyu̶ñ, jiiby ma du'un myiñu̶ñ ko je̱'e̱ aay ujtz najty tyoy? Ma je̱'e̱ Dios je̱'e̱ Moisés du'un nu̶maayu̶ñ: ‘U̶u̶ch je̱'e̱ Abraham Dyios, je̱'e̱ Isaac Dyios y je̱'e̱ Jacob Dyios.’ 27¡Y je̱'e̱ Dios ka'p je̱'e̱ dyios'aty ma je̱'e̱ o'ogypyu̶ja'ay ajku̶xyu̶ñ, je̱'e̱ Dios, Dios'ajtp je̱' ma je̱'e̱ juugypyu̶ja'ay ajku̶xyu̶ñ! Y du'unu̶tz miich du'un mu̶j mgapxtu̶gooygyu̶xy.
Je̱'e̱ ane̱'e̱mu̶ñ ni'igyu̶ jakmu̶jpu̶
(Mt 22.34-40)
28Jim najty je̱'e̱ ja'ay tu'ug y'amdo'ity, je̱' najty je̱' nidu'ugtu̶ je̱'e̱ Dios y'ane̱'e̱mu̶ñ windzu̶ndu̶jk ajku̶xy je̱'e̱ mu̶dyiibu̶ najty tu̶ mu̶doyu̶ñ ko je̱'e̱ Jesús najty tu̶ ñay'amayu̶u̶yu̶gu̶xy, chi je̱'e̱ Jesús nimu̶jwa'ky y yajtu̶u̶y:
—¿Mu̶dyii ane̱'e̱mu̶ñ ni'igyu̶ jakmu̶j ma je̱'e̱ maybyu̶ myiñu̶ñ?
29Chi je̱'e̱ Jesús y'adzoowu̶:
—Je̱'e̱ ane̱'e̱mu̶ñ ni'igyu̶ jakmu̶jpu̶ ma je̱'e̱ maybyu̶ myiñu̶ñ je̱' je̱'e̱ mu̶dyiibu̶ du'un mu̶naambu̶ñ: ‘Mu̶doogu̶x Israel ja'ay: je̱'e̱ Windzú̶n Dios u̶u̶ch je̱'e̱ nDios ajtu̶m ajku̶xy, je̱' tu'kpajk Windzú̶n Dios'ajtp.#12.29 Nije̱' wiingpu̶ versión myu̶na'añ: Adaa je̱' je̱'e̱ ane̱'e̱mu̶ñ ni'igyu̶ jakmu̶jpu̶. 30Tzok ju̶wu̶'u̶ je̱'e̱ mWindzú̶n Dios mu̶u̶d je̱'e̱ mjoot mwinma'añ ku̶xyu̶, mu̶u̶d je̱'e̱ mjoot m'aanu̶mu̶ ku̶xyu̶, mu̶u̶d je̱'e̱ m'aa mjoot ku̶xyu̶ y mu̶u̶d je̱'e̱ mmu̶k mmu̶jaa ku̶xyu̶.’ 31Y je̱'e̱ mu̶me̱tzkpu̶ du'un je̱'e̱ myu̶na'añ: ‘Tzok ju̶wu̶'u̶ je̱'e̱ mmu̶ju̶u̶n mmu̶du̶jk du'un neby miich ku̶'u̶m mnaychogyiiju̶ñ.’ Adaa me̱tzkpu̶ ane̱'e̱mu̶ñ ni'igyu̶ jakmu̶j ka'p du'un ni mu̶dyiibu̶ñu̶ba.
32Chi je̱'e̱ Dios y'ane̱'e̱mu̶ñ windzú̶n myu̶naañ:
—Janch'oy tu̶ m'adzoy, Windzú̶n. Tu̶y'ajtu̶ñ je̱'e̱ du'un neby miich mmu̶na'añu̶ñ: tu'kpajk je̱'e̱ Dios jii je'eyu̶, y ka'p je̱'e̱ wiingpu̶ jii. 33Y ndzojk nju̶wu̶u̶yu̶mu̶ch je̱'e̱ Dios mu̶u̶d je̱'e̱ joot winma'añ ku̶xyu̶, mu̶u̶d je̱'e̱ wij'ajt ke̱j'ajtu̶ñ ku̶xyu̶,#12.33 Nije̱' wiingpu̶ versión myu̶na'añ: mu̶u̶d je̱'e̱ joot aanu̶mu̶ ku̶xyu̶. y mu̶u̶d je̱'e̱ mu̶k mu̶jaa ku̶xyu̶, y ndzojk nju̶wu̶u̶yu̶mu̶ch je̱'e̱ nmu̶ju̶u̶n nmu̶du̶jk du'un neby u̶u̶ch ku̶'u̶m naychojk nayjyu̶wu̶u̶yu̶mu̶ju̶ñ, ni'igyu̶ je̱'e̱ chobaady ni'igu̶ ka'p je̱'e̱ no'on ju̶yujk windzu̶gu̶'u̶ñ y je̱'e̱ yojxu̶ñ mu̶dyiibu̶ ku̶xyu̶ ja'ayajno'kpu̶ñ ma je̱'e̱ poch ma je̱'e̱ windzu̶gu̶'u̶ñ yaj'yékyu̶ñ.
34Ko je̱'e̱ Jesús du'un ijxy ko je̱'e̱ Dios y'ane̱'e̱mu̶ñ windzú̶n najty tu̶y tu'uda'agy tu̶ y'adzoy, chi nu̶maay:
—Ja'awe̱njáty je̱'e̱ mmu̶bu̶jku̶ñ miich jyaktu̶goy'aty neby mu̶baad mdu̶gu̶'u̶yu̶ñ ma je̱'e̱ Dios y'ane'emyu̶ñ.
Ko je̱'e̱ Jesús je̱'e̱ escribu̶ ja'ay du'un adzooy, ka'p ni pu̶n okjajtnu̶ neby jak'yajtu̶u̶gu̶xu̶chu̶ñ.
¿Pu̶n y'ok'ung y'ok'ana'k je̱' je̱'e̱ Cristo?
(Mt 22.41-46; Lc 20.41-44)
35Yaj'u̶xpu̶jkp najty je̱'e̱ Jesús ma je̱'e̱ mu̶jtzajptu̶jku̶ñ, chi yajtu̶u̶y:
—¿Ti je̱'e̱ Dios y'ane̱'e̱mu̶ñ windzu̶ndu̶jk ko du'un myu̶naangu̶xy ko je̱'e̱ Cristo David y'ok'ung y'ok'ana'k je̱'? 36David ku̶'u̶m myu̶naañ, yajkápxu̶ je̱'e̱ Espíritu Santo:
‘Je̱'e̱ Windzú̶n Dios nu̶maay u̶u̶ch je̱'e̱ nWindzú̶n:
U̶ña'a yaa a'oy'eemby ma u̶u̶ch je̱'e̱ nnamu̶jku̶ñ,
u̶xtu̶ koonu̶ u̶u̶ch naty je̱'e̱ mmu̶dzip tu̶ nmu̶madaakta'ay,
tu̶ nbu̶da'agyu̶ch mdekypya'tku̶'u̶by.’
37¿Peru̶ neby je̱'e̱ Cristo mu̶baad y'ok'ung y'ok'ana'k'adyii je̱'e̱ David y je̱'e̱ David du'un je̱'e̱ ku̶'u̶m myu̶naañ ko je̱'e̱ Cristo Wyindzu̶n'ajtypy?
Y je̱'e̱ mayjya'ay jootkujk najty je̱'e̱ Jesús y'ayuuk amdo'ijtu̶ ajku̶xy.
Jesús ka'p je̱'e̱ Dios y'ane̱'e̱mu̶ñ windzu̶ndu̶jk y'u̶xpu̶jku̶ñ ku'umaayu̶ ajku̶xy
(Mt 23.1-36; Lc 11.37-54; 20.45-47)
38Du'un najty je̱'e̱ Jesús myu̶na'añ ko najty yaj'u̶xpú̶ky: “naygyweentu̶'ajtu̶gu̶x mu̶u̶d je̱'e̱ Dios y'ane̱'e̱mu̶ñ windzu̶ndu̶jk ajku̶xy, je̱' ko oy je̱'e̱ janch adzojkku̶xy mu̶wu̶ditaangu̶xy je̱'e̱ oyjyatypyu̶ yoñjyatypyu̶ wyit tyukxy ajku̶xy y ko je̱'e̱ ja'ay y'u̶u̶bókx kyapxpókxu̶gu̶xu̶ch windzu̶gu̶'u̶ñ'eemby mayjya'ayjyooty. 39Janch adzojkku̶xy je̱'e̱ ku'uduumbu̶ u̶ñaaybye̱jt ma je̱'e̱ naymyujktaaktu̶ñ y je̱'e̱ u̶ñaaybye̱jt ma je̱'e̱ windzu̶ndu̶jk y'u̶ñaaygyu̶xyu̶ñ ma je̱'e̱ ja'ay xyu̶u̶duungu̶xyu̶ñ. 40Y pyu̶jktaayu̶py je̱'e̱ ku'o'ogytyo'oxyu̶jktu̶jk je̱'e̱ tyu̶jk y je̱'e̱ kyojy pyu̶da'agy ajku̶xy, y Dios mu̶bu̶jktzoogu̶xy janch jekyjyaty neby je̱'e̱ ja'ay kyu'umayu̶u̶ju̶chu̶ñ ajku̶xy ko y'oyjya'ay tyu'uda'agyjya'ayu̶ch ajku̶xy. Peru̶ ni'igyu̶ je̱'e̱ Dios chaachtyunu̶u̶ju̶ch ajku̶xy.”
Je̱'e̱ ayoobu̶ ku'o'ogytyo'oxyu̶jk lyimoosnu̶
(Lc 21.1-4)
41Jiiby najty je̱'e̱ Jesús tu'ook y'u̶ña'ay ma je̱'e̱ mu̶jtzajptu̶jku̶ñ ma je̱'e̱ limoosnu̶ kaaxu̶ winduuyu̶ñ wyindu̶kxna'ay neby je̱'e̱ ja'ay meeñ pu̶daakku̶xyu̶ñ ma je̱'e̱ limoosnu̶ kaaxu̶ju̶ñ. Y maygyumeeñjya'ay najty meeñ may janch pu̶daakku̶xp. 42Y timymyu̶'ityu̶ tu'ug jya'ty ayoobu̶ ku'o'ogytyo'oxyu̶jk, y chi oy pu̶da'agy ma je̱'e̱ limoosnu̶ kaaxu̶ju̶ñ me̱tzk pi'kmeeñwya'kxy mu̶dyiibu̶ ka'p mu̶j kyapxyu̶ñ. 43Chi je̱'e̱ Jesús mu̶j'yaaxy je̱'e̱ dyiscípulotu̶jk ajku̶xy, y nu̶maay ajku̶xy:
—Tu̶y'ajtu̶ñ du'un nnu̶maaygyu̶xy ko adayaaba ayoobu̶ ku'o'ogytyo'oxyu̶jk, jakni'igyu̶ lyimoosnu̶ tu̶ yeky ka'p du'un ni pú̶nu̶ñu̶ba mu̶dyiibu̶ je̱'e̱ meeñ pu̶daakku̶xpu̶ñ ma je̱'e̱ limoosnu̶ kaaxu̶ju̶ñ. 44Ku̶xyu̶ je̱'e̱ kumeeñjya'ay ye̱jkku̶xypy lyimoosnu̶ je̱', je̱'e̱ meeñ mu̶dyiibu̶ jaknadu̶gu̶u̶ybyu̶ñ, peru̶ adayaaba ayoobu̶ ku'o'ogytyo'oxyu̶jk, tu̶ yu̶'u̶ ku̶xyu̶ ye̱jkta'ay je̱'e̱ mu̶dyiibu̶ najty ñigayeemby ñi'u'uge̱e̱mbyu̶ñ.
Currently Selected:
San Marcos 12: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
San Marcos 12
12
Je̱'e̱ ju̶bu̶k tuumbu̶du̶jk ijxpe̱jt
(Mt 21.33-46; Lc 20.9-19)
1Chi je̱'e̱ Jesús myu̶dmu̶dyaaktu̶gu̶u̶yu̶ ajku̶xy mu̶u̶d je̱'e̱ ijxpe̱jtu̶ñ, ñu̶maayu̶ ajku̶xy: “Jii ijty ja'ay tu'ug mu̶dyiibu̶ je̱'e̱ uvakam pu̶daaku̶ñ y chi ku'u'agajy, y yaj'oyu̶u̶y tu'ug uvamu̶kxtaakt y yajpu̶du̶'ky tu'ug poch janch ku̶xp ma je̱'e̱ y'uvakam mu̶baad ku̶xyu̶ yaj'ixu̶'u̶yu̶ñ oy yajxón. Chi je̱'e̱ y'uvakam piiwa'kxy yejky ma je̱'e̱ tuumbu̶du̶jk nije̱' ajku̶xyu̶ñ y chi choñ. 2Ko je̱'e̱ uva piw'aatz paaty, chi je̱'e̱ tyuumbu̶ tu'ug kejxy ma je̱'e̱ tuumbu̶du̶jk ajku̶xyu̶ñ ko je̱'e̱ pu̶da'aky wan mo'oyii je̱'e̱ mu̶dyiibu̶ najty paattu̶bu̶ñ. 3Peru̶ je̱'e̱ tuumbu̶du̶jk myajtzku̶x je̱'e̱ kexyo'oybyu̶, chi winwojp ju̶jpwojpku̶xy y yajwimbijtku̶xy du'uñyu̶, ka'p ni tii mooygyu̶xy. 4Mu̶'it je̱'e̱ kugam wiingpu̶ tyuumbu̶ ja'adu'ug kejxy; peru̶ nandu'un je̱'e̱ tuuñ ajku̶xy yajtzu̶chu̶u̶ygyu̶xy ma je̱'e̱ kyu'ubajku̶ñ y win'ojy ju̶jp'ojy ajku̶xy. 5Chi je̱'e̱ wiingpu̶ jadu'ug kejxy, y je̱' yaj'o'kku̶x je̱'. U̶x'aam je̱'e̱ wiingpu̶ may jaktimykejxy, y je̱' nije̱' winwojpy ju̶jpwojpy ajku̶xy y nije̱' yaj'o'ky ajku̶xy.
6“Je̱'e̱ kugam tu'kpajk najty je'eyu̶ jakmu̶u̶du̶ch je̱'e̱ mu̶dyiibu̶ kye̱xe̱e̱mbyu̶ñ: y kyu̶'u̶m'úng najty je̱' je̱'e̱ mu̶dyiibu̶ najty oy chojkypy jyu̶wu̶u̶ybyu̶ñ. Je̱' oy ke̱jxkugu̶xu̶'u̶y, myu̶naañ: ‘Ka'p jékyu̶ch ko u̶u̶ch yu̶'u̶ n'ung xy'ijxu̶ch ajku̶xy, yajmu̶j'ádu̶py yu̶'u̶ ajku̶xy.’ 7Peru̶ chi je̱'e̱ tuumbu̶du̶jk ñayñu̶maayu̶ ajku̶xy amíñ u̶xyu̶py: ‘Yu̶'u̶ yu̶'u̶ tyeedy pyu̶da'agy mu̶wu̶'u̶maanu̶py; tzu̶k yaj'o'ku̶m ajku̶xy y wan yu̶'u̶ kam nje̱'e̱'ajtu̶mu̶ch ajku̶xy.’ 8Y chi majtzku̶xy, yaj'o'ky ajku̶xy y ni'iju̶bijpnajxku̶xy uvakam ni'ináxy.
9“¿Y neby miich m'okmu̶naangu̶xpu̶, tii je̱'e̱ uvakam windzú̶n da'a tyúnu̶py? Pues nú̶kxu̶p je̱'e̱ ku̶'u̶m nu̶kxy je̱'e̱ tuumbu̶du̶jk yaj'o'kta'ay ajku̶xy, y chi je̱'e̱ kyam yé̱gu̶ch ma je̱'e̱ wiingpu̶ tuumbu̶du̶jk ajku̶xyu̶ñ.
10“¿Nej ka'anu̶ miich mgápxku̶xyñu̶ je̱'e̱ Dios ñaky, ma du'un myu̶na'añu̶ñ?:
‘Je̱'e̱ oybyu̶ tzaa mu̶dyiibu̶ je̱'e̱ pojtzpu̶du̶jk ka'p yajtuun ajku̶xyu̶ñ.
Je̱' oy tu̶ wyu̶'u̶mnu̶ ma je̱'e̱ poch chonda'agyu̶ñ.
11Adaa, je̱'e̱ Windzú̶n Dios adaa du'un tuun,
y nmu̶dajpy nmu̶maaby adaa du'un ajtu̶m ajku̶xy.’ ”
12Chi je̱'e̱ Jesús ja'amadzaañ ajku̶xy, je̱' ko wyinju̶wu̶u̶ygyu̶x je̱', ko je̱'e̱ Jesús najty je̱' tu̶ ñimu̶dyaaku̶gu̶xy mu̶u̶d je̱'e̱ ijxpe̱jtu̶ñ. Peru̶ je̱' ko je̱'e̱ mayjya'ay najty tzu̶gu̶u̶ygyu̶xy, chi u̶xmajch ajku̶xy y ñú̶kxku̶xnu̶.
Yajtu̶u̶gu̶xy pu̶nu̶ mu̶baad je̱'e̱ kube̱jtu̶ñ yaj'yéky o pu̶nu̶ ka'p
(Mt 22.15-22; Lc 20.20-26)
13Chi je̱'e̱ fariseotu̶jk y je̱'e̱ Herodes jya'ay nije̱' kejxy ajku̶xy ma je̱'e̱ Jesúsu̶ñ neby je̱'e̱ Jesús mu̶baad yajkapxtu̶gooygyu̶xyu̶ñ, y neby mu̶baad mu̶'it xu̶'u̶gu̶xyu̶ñ. 14Chi je̱'e̱ ñu̶kxy ajku̶xy y nu̶maay ajku̶xy:
—Windzú̶n, u̶u̶ch nnejwu̶u̶ybyu̶ch ajku̶xy ko miich tu̶y'ajt mmu̶dya'agy, miich ka'p miich je̱'e̱ ja'ay mmu̶jpu̶da'agy nebyjyaty myu̶naangu̶xyu̶ñ, je̱' ko ka'p miich je̱'e̱ ja'ay win'ixy myaj'u̶xpú̶ky. Miich tu̶y'ajt je̱'e̱ Dios tyu̶y'ajt myaj'u̶xpu̶jku̶ neby je̱'e̱ ja'ay mu̶baad chu̶naaygyu̶xy jyugy'ajtku̶xyu̶ñ, du'un neby je̱'e̱ Dios tzokyu̶ñ. ¿Nej mu̶baad u̶u̶ch nmu̶gubety ajku̶xy je̱'e̱ mu̶j'ane̱'e̱mbu̶ romano ja'ay, o ka'p? ¿Nmu̶gubé̱ttu̶byu̶ch ajku̶xy o ka'p u̶u̶ch nmu̶gubé̱tu̶ch ajku̶xy?
15Peru̶ je̱' ajku̶xy winju̶wu̶u̶yu̶xu̶ je̱'e̱ Jesús je̱'e̱ cho'oydyu'untukwinma'añ ajku̶xy, chi ñu̶maayu̶ ajku̶xy:
—¿Ti u̶u̶ch ko miich xyjyoot'ijx xywyinma'añ'ijxku̶xy? Yajmiingu̶x je̱'e̱ meeñ tu'ug, wan u̶u̶ch n'ok'íxu̶ch.
16Chi je̱'e̱ meeñ tu'ug yajninú̶kxy ajku̶xy, y chi je̱'e̱ Jesús ñu̶maayu̶ ajku̶xy:
—¿Pu̶n adaa y'awinnax y pu̶n je̱'e̱ xyu̶u̶ yam yujkja'ay miimb ma adaa meeñu̶ñ?
Chi y'adzooy ajku̶xy:
—Je̱'e̱ mu̶j'ane̱'e̱mbu̶.
17Mu̶'it je̱'e̱ Jesús ñu̶maayu̶ ajku̶xy:
—Pues mooygyu̶x je̱'e̱ mu̶j'ane̱'e̱mbu̶ je̱'e̱ mu̶dyiibu̶ je̱'e̱ mu̶j'ane̱'e̱mbu̶ paattu̶bu̶ñ, y mooygyu̶x je̱'e̱ Dios je̱'e̱ mu̶dyiibu̶ je̱'e̱ Dios paattu̶bu̶ñ.
Y ko du'un y'adzoowu̶ ajku̶xy, chi mu̶k yajnú̶kxy yajju̶wu̶u̶y ajku̶xy.
Yajtu̶u̶gu̶xy pu̶nu̶ juugypyu̶gaamb je̱'e̱ o'ogyjya'ay ajku̶xy
(Mt 22.23-33; Lc 20.27-40)
18Mu̶'it je̱'e̱ saduceotu̶jk oy nije̱' ijxku̶xy je̱'e̱ Jesús. Je̱'e̱ saduceotu̶jk du'un je̱'e̱ myu̶naangu̶xy ko ka'p je̱'e̱ o'ogyjya'ay jyuugypyu̶gaangu̶xy; paady adayaaba mu̶dya'agy yajmu̶dmu̶dyaaky ajku̶xy:
19—Windzú̶n, du'un u̶u̶ch je̱'e̱ Moisés kuja'ay xy'u̶xyo'oyu̶ ajku̶xy ko je̱'e̱ pu̶kyya'aydyu̶jk tu'ug y'o'ogu̶ch y pu̶nu̶ ka'p naty je̱'e̱ tyo'oxyu̶jk ni tu'ug tu̶ yaj'ungpaady, je̱'e̱ jamyii pyuya'ay paattu̶p pú̶gu̶ch je̱'e̱ ku'o'ogytyo'oxyu̶jk, wan du'un yaj'ungpaadu̶ch mu̶u̶d je̱'e̱ pyuya'ay gyu̶xpu̶ mu̶dyiibu̶ naty tu̶ y'o'ogyu̶ñ. 20Bueno, jii ijty ja'ay tu'kke̱'e̱xk, nijuxtujk ijty je̱'e̱ tyu'kke̱'e̱xk'ajtku̶xy agu̶ ya'aydyu̶jk. Chi je̱'e̱ kob'ung jayu̶jp pyu̶jky y chi je̱'e̱ tyo'oxyu̶jk u̶x'o'ky, ka'p ni tu'ug yaj'ungpaaty. 21Mu̶'it je̱'e̱ mu̶me̱tzkpu̶ pyuya'ay pyu̶jky mu̶u̶d je̱'e̱ ku'o'ogytyo'oxyu̶jk, peru̶ nan y'u̶x'o'k je̱'e̱ tyo'oxyu̶jk y nan ka'p ni tu'ug yaj'ungpaaty. Nandu'un je̱'e̱ mu̶du̶gu̶u̶kpu̶ jyajty, 22y du'un je̱'e̱ nijuxtujkpu̶ mu̶dtzu̶naay abu̶dzu̶u̶mdaaygyu̶xy je̱'e̱ to'oxyu̶jk y u̶x'o'ktaay ajku̶xy, ka'p ni tu'ug yaj'ungpaaty ajku̶xy. Chi je̱'e̱ to'oxyu̶jk oy nandu'un y'o'knu̶. 23Bueno, y ko naty je̱'e̱ jyuugypyu̶jkku̶xy, ko naty ja'adu'ook chu̶naaygyu̶xnu̶ba, ¿mu̶dyii je̱'e̱ da'a okto'oxyu̶jk'adu̶u̶ju̶p je̱'e̱ to'oxyu̶jk, je̱' ko nijuxtujku̶ je̱'e̱ tu̶ to'oxyu̶jk'ajtu̶gu̶xyu̶?
24Chi je̱'e̱ Jesús y'adzoowu̶ ajku̶xy:
—Miich ajku̶xy mgapxtu̶gooygyu̶xp du'un, je̱' ko je̱'e̱ Dios ñaky ka'p mnejwu̶u̶yu̶ ajku̶xy ni je̱'e̱ Dios myu̶k'ajtu̶ñ. 25Ko naty je̱'e̱ o'ogyjya'ay jyuugypyu̶jkku̶xy, je̱'e̱ ya'aydyu̶jktu̶jk y je̱'e̱ to'oxyu̶jktu̶jk ka'p je̱'e̱ pyu̶gaan y'u'ugaangu̶xnu̶,#12.25 Nije̱' wiingpu̶ versión myu̶na'añ: y nan ka'p je̱'e̱ y'ung y'ana'k ñaymyo'owaanu̶gu̶xnu̶ ko wan pu̶jkku̶xy uukku̶xy. du'un je̱'e̱ y'idaangu̶xnu̶ neby je̱'e̱ ángelestu̶jk mu̶dyiibu̶ jiiby tzajpjooty ajku̶xyu̶ñ. 26Y tu̶y'ajt je̱'e̱ du'un ko je̱'e̱ o'ogyjya'ay jyuugypyu̶gaangu̶xy, ¿nej ka'anu̶ miich mgápxku̶xyñu̶ ma je̱'e̱ Moisés ñakyu̶ñ, jiiby ma du'un myiñu̶ñ ko je̱'e̱ aay ujtz najty tyoy? Ma je̱'e̱ Dios je̱'e̱ Moisés du'un nu̶maayu̶ñ: ‘U̶u̶ch je̱'e̱ Abraham Dyios, je̱'e̱ Isaac Dyios y je̱'e̱ Jacob Dyios.’ 27¡Y je̱'e̱ Dios ka'p je̱'e̱ dyios'aty ma je̱'e̱ o'ogypyu̶ja'ay ajku̶xyu̶ñ, je̱'e̱ Dios, Dios'ajtp je̱' ma je̱'e̱ juugypyu̶ja'ay ajku̶xyu̶ñ! Y du'unu̶tz miich du'un mu̶j mgapxtu̶gooygyu̶xy.
Je̱'e̱ ane̱'e̱mu̶ñ ni'igyu̶ jakmu̶jpu̶
(Mt 22.34-40)
28Jim najty je̱'e̱ ja'ay tu'ug y'amdo'ity, je̱' najty je̱' nidu'ugtu̶ je̱'e̱ Dios y'ane̱'e̱mu̶ñ windzu̶ndu̶jk ajku̶xy je̱'e̱ mu̶dyiibu̶ najty tu̶ mu̶doyu̶ñ ko je̱'e̱ Jesús najty tu̶ ñay'amayu̶u̶yu̶gu̶xy, chi je̱'e̱ Jesús nimu̶jwa'ky y yajtu̶u̶y:
—¿Mu̶dyii ane̱'e̱mu̶ñ ni'igyu̶ jakmu̶j ma je̱'e̱ maybyu̶ myiñu̶ñ?
29Chi je̱'e̱ Jesús y'adzoowu̶:
—Je̱'e̱ ane̱'e̱mu̶ñ ni'igyu̶ jakmu̶jpu̶ ma je̱'e̱ maybyu̶ myiñu̶ñ je̱' je̱'e̱ mu̶dyiibu̶ du'un mu̶naambu̶ñ: ‘Mu̶doogu̶x Israel ja'ay: je̱'e̱ Windzú̶n Dios u̶u̶ch je̱'e̱ nDios ajtu̶m ajku̶xy, je̱' tu'kpajk Windzú̶n Dios'ajtp.#12.29 Nije̱' wiingpu̶ versión myu̶na'añ: Adaa je̱' je̱'e̱ ane̱'e̱mu̶ñ ni'igyu̶ jakmu̶jpu̶. 30Tzok ju̶wu̶'u̶ je̱'e̱ mWindzú̶n Dios mu̶u̶d je̱'e̱ mjoot mwinma'añ ku̶xyu̶, mu̶u̶d je̱'e̱ mjoot m'aanu̶mu̶ ku̶xyu̶, mu̶u̶d je̱'e̱ m'aa mjoot ku̶xyu̶ y mu̶u̶d je̱'e̱ mmu̶k mmu̶jaa ku̶xyu̶.’ 31Y je̱'e̱ mu̶me̱tzkpu̶ du'un je̱'e̱ myu̶na'añ: ‘Tzok ju̶wu̶'u̶ je̱'e̱ mmu̶ju̶u̶n mmu̶du̶jk du'un neby miich ku̶'u̶m mnaychogyiiju̶ñ.’ Adaa me̱tzkpu̶ ane̱'e̱mu̶ñ ni'igyu̶ jakmu̶j ka'p du'un ni mu̶dyiibu̶ñu̶ba.
32Chi je̱'e̱ Dios y'ane̱'e̱mu̶ñ windzú̶n myu̶naañ:
—Janch'oy tu̶ m'adzoy, Windzú̶n. Tu̶y'ajtu̶ñ je̱'e̱ du'un neby miich mmu̶na'añu̶ñ: tu'kpajk je̱'e̱ Dios jii je'eyu̶, y ka'p je̱'e̱ wiingpu̶ jii. 33Y ndzojk nju̶wu̶u̶yu̶mu̶ch je̱'e̱ Dios mu̶u̶d je̱'e̱ joot winma'añ ku̶xyu̶, mu̶u̶d je̱'e̱ wij'ajt ke̱j'ajtu̶ñ ku̶xyu̶,#12.33 Nije̱' wiingpu̶ versión myu̶na'añ: mu̶u̶d je̱'e̱ joot aanu̶mu̶ ku̶xyu̶. y mu̶u̶d je̱'e̱ mu̶k mu̶jaa ku̶xyu̶, y ndzojk nju̶wu̶u̶yu̶mu̶ch je̱'e̱ nmu̶ju̶u̶n nmu̶du̶jk du'un neby u̶u̶ch ku̶'u̶m naychojk nayjyu̶wu̶u̶yu̶mu̶ju̶ñ, ni'igyu̶ je̱'e̱ chobaady ni'igu̶ ka'p je̱'e̱ no'on ju̶yujk windzu̶gu̶'u̶ñ y je̱'e̱ yojxu̶ñ mu̶dyiibu̶ ku̶xyu̶ ja'ayajno'kpu̶ñ ma je̱'e̱ poch ma je̱'e̱ windzu̶gu̶'u̶ñ yaj'yékyu̶ñ.
34Ko je̱'e̱ Jesús du'un ijxy ko je̱'e̱ Dios y'ane̱'e̱mu̶ñ windzú̶n najty tu̶y tu'uda'agy tu̶ y'adzoy, chi nu̶maay:
—Ja'awe̱njáty je̱'e̱ mmu̶bu̶jku̶ñ miich jyaktu̶goy'aty neby mu̶baad mdu̶gu̶'u̶yu̶ñ ma je̱'e̱ Dios y'ane'emyu̶ñ.
Ko je̱'e̱ Jesús je̱'e̱ escribu̶ ja'ay du'un adzooy, ka'p ni pu̶n okjajtnu̶ neby jak'yajtu̶u̶gu̶xu̶chu̶ñ.
¿Pu̶n y'ok'ung y'ok'ana'k je̱' je̱'e̱ Cristo?
(Mt 22.41-46; Lc 20.41-44)
35Yaj'u̶xpu̶jkp najty je̱'e̱ Jesús ma je̱'e̱ mu̶jtzajptu̶jku̶ñ, chi yajtu̶u̶y:
—¿Ti je̱'e̱ Dios y'ane̱'e̱mu̶ñ windzu̶ndu̶jk ko du'un myu̶naangu̶xy ko je̱'e̱ Cristo David y'ok'ung y'ok'ana'k je̱'? 36David ku̶'u̶m myu̶naañ, yajkápxu̶ je̱'e̱ Espíritu Santo:
‘Je̱'e̱ Windzú̶n Dios nu̶maay u̶u̶ch je̱'e̱ nWindzú̶n:
U̶ña'a yaa a'oy'eemby ma u̶u̶ch je̱'e̱ nnamu̶jku̶ñ,
u̶xtu̶ koonu̶ u̶u̶ch naty je̱'e̱ mmu̶dzip tu̶ nmu̶madaakta'ay,
tu̶ nbu̶da'agyu̶ch mdekypya'tku̶'u̶by.’
37¿Peru̶ neby je̱'e̱ Cristo mu̶baad y'ok'ung y'ok'ana'k'adyii je̱'e̱ David y je̱'e̱ David du'un je̱'e̱ ku̶'u̶m myu̶naañ ko je̱'e̱ Cristo Wyindzu̶n'ajtypy?
Y je̱'e̱ mayjya'ay jootkujk najty je̱'e̱ Jesús y'ayuuk amdo'ijtu̶ ajku̶xy.
Jesús ka'p je̱'e̱ Dios y'ane̱'e̱mu̶ñ windzu̶ndu̶jk y'u̶xpu̶jku̶ñ ku'umaayu̶ ajku̶xy
(Mt 23.1-36; Lc 11.37-54; 20.45-47)
38Du'un najty je̱'e̱ Jesús myu̶na'añ ko najty yaj'u̶xpú̶ky: “naygyweentu̶'ajtu̶gu̶x mu̶u̶d je̱'e̱ Dios y'ane̱'e̱mu̶ñ windzu̶ndu̶jk ajku̶xy, je̱' ko oy je̱'e̱ janch adzojkku̶xy mu̶wu̶ditaangu̶xy je̱'e̱ oyjyatypyu̶ yoñjyatypyu̶ wyit tyukxy ajku̶xy y ko je̱'e̱ ja'ay y'u̶u̶bókx kyapxpókxu̶gu̶xu̶ch windzu̶gu̶'u̶ñ'eemby mayjya'ayjyooty. 39Janch adzojkku̶xy je̱'e̱ ku'uduumbu̶ u̶ñaaybye̱jt ma je̱'e̱ naymyujktaaktu̶ñ y je̱'e̱ u̶ñaaybye̱jt ma je̱'e̱ windzu̶ndu̶jk y'u̶ñaaygyu̶xyu̶ñ ma je̱'e̱ ja'ay xyu̶u̶duungu̶xyu̶ñ. 40Y pyu̶jktaayu̶py je̱'e̱ ku'o'ogytyo'oxyu̶jktu̶jk je̱'e̱ tyu̶jk y je̱'e̱ kyojy pyu̶da'agy ajku̶xy, y Dios mu̶bu̶jktzoogu̶xy janch jekyjyaty neby je̱'e̱ ja'ay kyu'umayu̶u̶ju̶chu̶ñ ajku̶xy ko y'oyjya'ay tyu'uda'agyjya'ayu̶ch ajku̶xy. Peru̶ ni'igyu̶ je̱'e̱ Dios chaachtyunu̶u̶ju̶ch ajku̶xy.”
Je̱'e̱ ayoobu̶ ku'o'ogytyo'oxyu̶jk lyimoosnu̶
(Lc 21.1-4)
41Jiiby najty je̱'e̱ Jesús tu'ook y'u̶ña'ay ma je̱'e̱ mu̶jtzajptu̶jku̶ñ ma je̱'e̱ limoosnu̶ kaaxu̶ winduuyu̶ñ wyindu̶kxna'ay neby je̱'e̱ ja'ay meeñ pu̶daakku̶xyu̶ñ ma je̱'e̱ limoosnu̶ kaaxu̶ju̶ñ. Y maygyumeeñjya'ay najty meeñ may janch pu̶daakku̶xp. 42Y timymyu̶'ityu̶ tu'ug jya'ty ayoobu̶ ku'o'ogytyo'oxyu̶jk, y chi oy pu̶da'agy ma je̱'e̱ limoosnu̶ kaaxu̶ju̶ñ me̱tzk pi'kmeeñwya'kxy mu̶dyiibu̶ ka'p mu̶j kyapxyu̶ñ. 43Chi je̱'e̱ Jesús mu̶j'yaaxy je̱'e̱ dyiscípulotu̶jk ajku̶xy, y nu̶maay ajku̶xy:
—Tu̶y'ajtu̶ñ du'un nnu̶maaygyu̶xy ko adayaaba ayoobu̶ ku'o'ogytyo'oxyu̶jk, jakni'igyu̶ lyimoosnu̶ tu̶ yeky ka'p du'un ni pú̶nu̶ñu̶ba mu̶dyiibu̶ je̱'e̱ meeñ pu̶daakku̶xpu̶ñ ma je̱'e̱ limoosnu̶ kaaxu̶ju̶ñ. 44Ku̶xyu̶ je̱'e̱ kumeeñjya'ay ye̱jkku̶xypy lyimoosnu̶ je̱', je̱'e̱ meeñ mu̶dyiibu̶ jaknadu̶gu̶u̶ybyu̶ñ, peru̶ adayaaba ayoobu̶ ku'o'ogytyo'oxyu̶jk, tu̶ yu̶'u̶ ku̶xyu̶ ye̱jkta'ay je̱'e̱ mu̶dyiibu̶ najty ñigayeemby ñi'u'uge̱e̱mbyu̶ñ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005