San Marcos 5
5
Je̱'e̱ gerasaja'ay ka'a'oybyu̶mu̶u̶dpu̶
(Mt 8.28-34; Lc 8.26-39)
1Chi oy mejy'awiimb jya'tku̶xy ma je̱'e̱ Gerasa ja'ay ñaaxjootyu̶ñ. 2Ko je̱'e̱ Jesús byarcu̶pu̶dzu̶u̶my, chi ja'ay tu'ug mu̶k'eemby ñimiinu̶ mu̶dyiibu̶ najty ka'a'óybyu̶ mu̶u̶du̶ñ. Jim najty je̱'e̱ chooñ ma je̱'e̱ o'kpu̶ jutu̶ñ, 3je̱' najty je̱'e̱ yajtzu̶na'ayu̶u̶by. Ni pu̶n najty je̱'e̱ kya'amu̶mada'agyii y nan ka'p mu̶baad pu̶n kyu̶'u̶xóch tyekyxochyii mu̶u̶d je̱'e̱ cadeenu̶. 4Ka'anaag'ook najty je̱'e̱ tu̶ ja'aku̶'u̶xojtz ja'atekyxyojtzku̶xy mu̶u̶d je̱'e̱ cadeenu̶, du'uñyu̶ je̱'e̱ cadeenu̶ najty apot apu̶gu̶'u̶y, y ni pu̶n najty ka'amu̶winma'añbyaady neby mu̶baad mu̶madaakku̶xyu̶ñ. 5Xu̶u̶m tzum najty je̱'e̱ wyu̶dity tunjooty koptjooty y majaty je̱'e̱ o'kpu̶ jutu̶ñ, cham mu̶kjaty yaaxke'egy jyojkke'egy y jyanchnayyajtzu̶chu̶'u̶yii najty mu̶u̶d je̱'e̱ tzaa naax. 6Peru̶ ko je̱'e̱ Jesús ju̶gue̱m ju̶jpku'ixu̶u̶y, chi poyu̶'u̶gyu̶ ninu̶kxy y ñayñajtzkojxtu̶na'awu̶u̶yu̶ ma je̱' wyinduuyu̶ñ, 7y chi mu̶k winguyaxu̶u̶y:
—¡Ka'p u̶u̶ch xymyu̶mayu̶'u̶y, miich Jesús, je̱'e̱ mu̶jmu̶k'ajtmu̶u̶dpu̶ Dios y'Ung! ¡Cham nmu̶nukxta'agy mu̶u̶d je̱'e̱ Dios kyu̶xpu̶ ko ka'p u̶u̶ch xychaachtyúñ!
8Du'un myu̶naañ, je̱' ko tu̶ najty je̱'e̱ Jesús ñu̶ma'ayii:
—¡Ka'a'óybyu̶, pu̶dzu̶m ma adayaaba ja'ayu̶ñ!
9Chi je̱'e̱ Jesús yajtu̶u̶y je̱'e̱ ka'a'óybyu̶:
—¿Ti mxu̶u̶'ajtypy?
Chi je̱' y'adzooy:
—Legión u̶u̶ch nxu̶u̶'ajtypy, je̱' ko u̶u̶ch njanchnimáyu̶ch ajku̶xy mu̶dyiibu̶ yeeby yajpaatp ma adaa ja'ayu̶ñ.
10Mu̶'it je̱'e̱ ka'a'óybyu̶ je̱'e̱ Jesús mu̶nukxtaakku̶xy, ka'pu̶ y'u̶xke̱jxu̶gu̶xu̶ch ma je̱'e̱ jimbu̶ naaxjootyu̶ñ. 11Y je̱' ko wingón najty kop tu'ug ma je̱'e̱ maygyuch najty jyú̶kxku̶xy y'ojkku̶xyu̶ñ. 12Chi je̱'e̱ maygya'a'óybyu̶ je̱'e̱ Jesús mu̶nukxtaakku̶xy:
—Ke̱jxku̶ch ajku̶xy ma je̱'e̱ maygyuchu̶ñ, wan u̶u̶ch je̱'e̱ n'aadu̶gu̶u̶ygyu̶x njoottu̶gu̶u̶ygyu̶xu̶ch.
13Chi je̱'e̱ Jesús du'un ku'ubu̶jky, y chi je̱'e̱ maygya'a'óybyu̶ pyu̶dzu̶u̶mdaaygyu̶xy ma je̱'e̱ ja'ayu̶ñ y tyu̶gu̶u̶ydyaaygyu̶xy ma je̱'e̱ maygyuchu̶ñ. Jii najty je̱'e̱ kuch da'a kyu̶xy'ajta'ay me̱jtz mil, mu̶'it je̱'e̱ maygyuch lyooku̶ju̶ydyaay y ñu̶kxy janch poyu̶'u̶gyu̶ ajku̶xy ma tu'ug tzaaju̶jpu̶ñ; oy nu̶u̶jooty kya'adaaygyu̶xy, y jiiby ñu̶u̶'o'ktaay ajku̶xy.
14Je̱'e̱ kuch kyweentu̶'ajtpu̶ ke̱e̱ktaay je̱'e̱ ajku̶xy, y oy kajptjooty myu̶dyaakku̶xy y majaty je̱'e̱ tuundaaktu̶ñ neby najty tu̶ tyuñ tu̶ jyadyii mu̶u̶d je̱'e̱ kyuch ajku̶xy. Chi je̱'e̱ mayjya'ay mu̶k'eemby ñajtzónu̶ ajku̶xy oy y'ijxku̶xy jyu̶wu̶u̶ygyu̶xy neby najty tu̶ tyuñ tu̶ jyadyiiju̶ñ. 15Y ko oy jya'tku̶xy ma je̱'e̱ Jesús najtyu̶ñ, chi je̱'e̱ ja'ay ka'a'oybyu̶mu̶u̶dpu̶ ijxy ajku̶xy mu̶dyiibu̶ je̱'e̱ maygya'a'óybyu̶ najty mu̶u̶du̶ñ, y'u̶ña'ay witmu̶u̶d y wijy kejy tu̶ najty je̱'e̱ y'oyu̶u̶yñu̶. Je̱'e̱ ja'ay mu̶k najty je̱'e̱ chu̶gu̶u̶ygyu̶xy jyu̶wu̶u̶ygyu̶xy, 16y je̱'e̱ ja'ay mu̶dyiibu̶ najty du'un tu̶ ijxku̶xy tú̶kxku̶xyu̶ñ ko je̱'e̱ ka'a'oybyu̶mu̶u̶dpu̶ najty tu̶ y'oyu̶'u̶y, y neby najty tu̶ tyuñ tu̶ jyadyii mu̶u̶d je̱'e̱ maygyuch, chi je̱'e̱ wiingpu̶ myu̶gu'ugtu̶jk yajmu̶dmu̶dyaaktaay ajku̶xy neby najty tu̶ ijxku̶xy tú̶kxku̶xyu̶ñ. 17Mu̶'it je̱'e̱ ja'ay je̱'e̱ Jesús mu̶nukxtaaktu̶gu̶u̶ygyu̶xy ko wan jim tzooñ ma je̱'e̱ jimbu̶ ittu̶ñ.
18Ko je̱'e̱ Jesús ja'adu'ook byarcu̶tu̶gu̶u̶y, chi je̱'e̱ ja'ay je̱'e̱ mu̶dyiibu̶ je̱'e̱ ka'a'óybyu̶ najty tu̶ ñi'iwa'ach kyu'uwa'achyii je̱'e̱ Jesús mu̶nukxtaaky ko wan mu̶dnu̶kxyii. 19Peru̶ ka'p je̱'e̱ Jesús du'un ku'ubu̶jky, ni'igyu̶ je̱'e̱ du'un nu̶maay:
—Wimbit ma je̱'e̱ mdu̶jku̶ñ, ma je̱'e̱ mjuugy mmu̶gu'ugu̶ñ, y yajmu̶dmu̶dyaakku̶x adaa mu̶jpu̶ winma'añ ku̶xyu̶ mu̶dyiibu̶ je̱'e̱ Windzú̶n Dios tu̶ tuñu̶ñ mu̶u̶d miich kyu̶xpu̶, y du'un neby tu̶ xypya'a''ayóyu̶ñ.
20Chi je̱'e̱ ja'ay wyimbijtnu̶, y wyu̶dijttu̶gu̶u̶y kajpt kajpt jim Decápolis naaxjooty, myu̶dyaaktaay du'un ku̶xyu̶ neby je̱'e̱ Jesús najty tu̶ yajtzo'ogyiiju̶ñ; y ku̶xyu̶ je̱'e̱ mayjya'ay mu̶k yajnú̶kxy yajju̶wu̶u̶y ajku̶xy.
Je̱'e̱ Jairo tyo'oxy'úng y je̱'e̱ to'oxyu̶jk mu̶dyiibu̶ je̱'e̱ Jesús wyitpa'a ni'idoonu̶ju̶ñ
(Mt 9.18-26; Lc 8.40-56)
21Ko je̱'e̱ Jesús wyimbijty barcu̶jooty jim mejy'awiimb, chi je̱'e̱ mayjya'ay ñimiinu̶ ajku̶xy, y je̱' jim mejypya'a je̱'e̱ wya'kxu̶jp. 22Mu̶'it je̱'e̱ ja'ay tu'ug ñija'ttu̶ mu̶dyiibu̶ najty niwindzu̶n'ajtpu̶ñ je̱'e̱ judío ja'ay ñaymyujktaakt ajku̶xy; tu'ug je̱'e̱ ja'ay mu̶dyiibu̶ najty xu̶u̶'ajtpu̶ñ Jairo. Ko je̱'e̱ Jairo ijxpaaty je̱'e̱ Jesús, chi ñayñajtzkojxtu̶na'awu̶u̶yu̶ ma je̱'e̱ Jesús tyekymyu̶jku̶ñ, 23y chi mu̶kta'agy mu̶nukxtaaky; cham nu̶ma'ay:
—O'kp u̶u̶ch je̱'e̱ ndo'oxy'úng jimu̶ñ; tun may'ajt nu̶kx ma u̶u̶ch je̱'e̱ ndu̶jku̶ñ y nu̶kx ku̶'u̶ni'ixaj, wan myu̶baadu̶'u̶wu̶ch y jyakjugy'ádu̶ch.
24Chi je̱'e̱ Jesús ñu̶kxy mu̶u̶d je̱'e̱ Jairo, y mayjya'ay najty janch panú̶kxu̶p, du'un najty jyanch'adij jyanch'abonu̶'u̶yii ju'uwu̶dítyu̶. 25Y ma je̱'e̱ mayjya'ayu̶ñ; jiiby najty to'oxyu̶jk tu'ug mu̶dyiibu̶ najty xyu̶u̶ pyo'o janch mu̶'ayoobu̶ñ, ka'p najty y'ok'adujknu̶. Mu̶majmé̱tzk jumu̶jt najty du'un kujk mu̶'ijtnu̶. 26Tu̶ najty jya'ayajtzooydyúñ ma je̱'e̱ maychooydyuumbu̶ju̶ñ, y tu̶ najty je̱'e̱ wyit myeeñ wa'adzu̶ yajtuunda'ay y ni tii pube̱jtu̶ñ ka'apaaty. Ni'igyu̶ najty myu̶jwaan'adu̶'u̶ch. 27Ko je̱'e̱ to'oxyu̶jk mu̶dooy ko je̱'e̱ Jesús yajnigápxy yajnimu̶dya'agy, chi nimu̶jwa'ky ju̶xku̶'u̶by'eemby y ni'idoonu̶ je̱'e̱ wyitpa'a mayjya'ayjyooty. 28Je̱'e̱ to'oxyu̶jk du'un najty je̱'e̱ jootjooty winma'añjyooty tu̶ myu̶na'añ: “Mu̶u̶d timyjye'eyu̶ch je̱'e̱ Jesús wyitpa'a ni'idoonu̶yu̶ch, tzo'ogu̶bu̶ch.” 29Ko je̱'e̱ to'oxyu̶jk ni'idooñ je̱'e̱ Jesús wyitpa'a, janch timymyu̶'ityu̶ je̱'e̱ xyu̶u̶ pyo'o y'adujky y ju̶wu̶u̶y ko najty tu̶ cho'ogy. 30Y je̱'e̱ Jesús ñejwu̶u̶y je̱' ko najty je̱'e̱ ja'ay tu'ug tu̶ yajtzo'ogy mu̶u̶d je̱'e̱ myu̶k'ajtu̶ñ, chi je̱'e̱ mayjya'ay ni''ijxwimbijty y yajtu̶u̶y ajku̶xy:
—¿Pu̶n u̶u̶ch je̱'e̱ nwit tu̶ xyñi'idoonu̶yu̶?
31Mu̶'it je̱'e̱ dyiscípulotu̶jk y'adzoowu̶ ajku̶xy:
—Miich m'ijxypy ko yu̶'u̶ mayjya'ay xy'adij xy'abonu̶'u̶y xii yaa, y myajtú̶yu̶tz: ‘¿Pu̶n u̶u̶ch tu̶ xyñi'idóñ?’
32Peru̶ je̱'e̱ Jesús wyindu̶kxpe̱jt'adu̶u̶chpy najty je̱'e̱ mayjya'ay ni'igyu̶ ju'uwu̶dítyu̶, ok'ixa'añ oknejwu̶'u̶wa'añ pu̶n najty tu̶ ñi'idoñyiiju̶ñ. 33Mu̶'it je̱'e̱ to'oxyu̶jk janch tzu̶yuuyu̶p, y je̱' ñejwu̶u̶by najty ko je̱'e̱ Jesús najty tu̶ yajtzo'ogyii, chi ninu̶kxy y ñayñajtzkojxtu̶na'awu̶u̶yu̶ ma je̱' wyinduuyu̶ñ, y yajmu̶dmu̶dyaaktaay je̱'e̱ tu̶y'ajt ku̶xyu̶. 34Chi je̱'e̱ Jesús ñu̶maayu̶:
—To'oxy'úng, tu̶ mdzo'ogy, je̱' ko u̶u̶ch tu̶ xymyu̶bu̶ky. Nu̶kxnu̶ agujk jootkujk y tu̶ je̱'e̱ mba'am ñaxy.
35Kapxp mu̶dyaaknu̶ najty je̱'e̱ Jesús ko je̱'e̱ ja'ay nije̱' ñija'ttu̶ mu̶dyiibu̶ najty tu̶ chooñu̶ñ ajku̶xy ma je̱'e̱ judío ja'ay ñaymyujktaakt windzú̶n tyu̶jku̶ñ, y nu̶maaygyu̶xy je̱'e̱ to'oxy'ana'k tyeedy:
—Tu̶ je̱'e̱ mdo'oxy'úng y'o'ogy. ¿Ti ko nigoo ni'igyu̶ mjaknu̶ne̱'e̱mu̶'u̶y yu̶'u̶ Windzú̶n Jesús?
36Peru̶ je̱'e̱ Jesús ka'p je̱'e̱ kweentu̶tuuñ neby je̱'e̱ najty jya'amu̶naangu̶xyu̶ñ,#5.36 Je̱'e̱ Jesús ka'p je̱'e̱ kweentu̶tuuñ neby je̱'e̱ najty jya'amu̶naangu̶xyu̶ñ: nije̱' jaaybyu̶du̶jk myu̶naangu̶xy: ko je̱'e̱ Jesús du'un mu̶dooy neby najty ñayñu̶maayu̶gu̶xyu̶ñ. chi je̱'e̱ naymyujktaakt windzú̶n nu̶maay:
—Ka'p mdzu̶gu̶'u̶y; mu̶bu̶jku̶ch je'eyu̶.
37Y ka'p ni pu̶n ku'ubu̶jky pyanu̶kxu̶u̶ju̶ch, je̱'e̱du̶'ajty myu̶dnu̶kx je̱'e̱ Pedro, Santiago y je̱'e̱ Juan, je̱'e̱ Santiago pyuya'ay. 38Y ko jim jya'ty ma je̱'e̱ naymyujktaakt windzú̶n tyu̶jku̶ñ, y ijxy neby je̱'e̱ ja'ay najty jiiby jyanchne̱'e̱mgu̶xyu̶ñ y jyu̶u̶ygyu̶xy yaaxku̶xy y yaaxku̶xy jyojkku̶xy. 39Chi tyu̶jktu̶gu̶u̶y y nu̶maay je̱'e̱ ja'ay ajku̶xy:
—¿Ti ko nigoo m'okjanchñe̱'e̱mgu̶xnu̶, y mju̶u̶ygyu̶xy myaaxku̶xy? Yu̶'u̶ to'oxy'ana'k ka'p yu̶'u̶ y'o'ogyu̶ch, maab yu̶'u̶.
40Chi je̱'e̱ ja'ay Jesús nixiiktu̶gu̶u̶y ajku̶xy. Mu̶'it je̱'e̱ Jesús jiiby tu̶gooty nigu̶xyu̶ y'u̶xke̱jxpu̶dzu̶u̶mdaayu̶ ajku̶xy, y je̱'e̱du̶'ajty myu̶dtu̶jktu̶gu̶u̶y je̱'e̱ ungteedy y ungtaj, y je̱'e̱ tu̶gu̶u̶kpu̶ dyiscípulotu̶jk mu̶dyiibu̶ najty tu̶ mu̶dmiñu̶ñ, chi tyu̶gu̶u̶ygyu̶xy ma je̱'e̱ to'oxy'ana'k najty yajpaadyu̶ñ. 41Chi je̱'e̱ to'oxy'ana'k kyu̶'u̶ majtzu̶ y nu̶maay:
—Talita, kum#5.41 Arameo ayuuk mu̶dyiibu̶ najty je̱'e̱ jimbu̶ ja'ay kyápxku̶xypyu̶ñ ko je̱'e̱ Jesús jim wyu̶dijty. (mu̶dyiibu̶ du'un wimbu̶dzu̶u̶mbu̶ñ: “To'oxy'ana'k, u̶u̶ch miich yam nnu̶maaby, pu̶du̶'u̶g.”)
42Mu̶'ityu̶ je̱'e̱ to'oxy'ana'k, je̱'e̱ mu̶dyiibu̶ jyumu̶jt najty majmé̱tzku̶ñ, pyu̶du̶'ky y yo'oychóñ. Y mu̶k je̱'e̱ ja'ay yajnú̶kxy yajju̶wu̶u̶y ajku̶xy. 43Mu̶'it je̱'e̱ Jesús mu̶kta'agy ñu̶maayu̶ ajku̶xy ko ka'p du'un mu̶baad ni pu̶n nu̶maaygyu̶xy neby najty je̱'e̱ to'oxy'ana'k tu̶ jyuugypyú̶kyu̶ñ, y chi ñu̶maayu̶ ajku̶xy ko je̱'e̱ to'oxy'ana'k wan yajkaaygyu̶xy.
Currently Selected:
San Marcos 5: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
San Marcos 5
5
Je̱'e̱ gerasaja'ay ka'a'oybyu̶mu̶u̶dpu̶
(Mt 8.28-34; Lc 8.26-39)
1Chi oy mejy'awiimb jya'tku̶xy ma je̱'e̱ Gerasa ja'ay ñaaxjootyu̶ñ. 2Ko je̱'e̱ Jesús byarcu̶pu̶dzu̶u̶my, chi ja'ay tu'ug mu̶k'eemby ñimiinu̶ mu̶dyiibu̶ najty ka'a'óybyu̶ mu̶u̶du̶ñ. Jim najty je̱'e̱ chooñ ma je̱'e̱ o'kpu̶ jutu̶ñ, 3je̱' najty je̱'e̱ yajtzu̶na'ayu̶u̶by. Ni pu̶n najty je̱'e̱ kya'amu̶mada'agyii y nan ka'p mu̶baad pu̶n kyu̶'u̶xóch tyekyxochyii mu̶u̶d je̱'e̱ cadeenu̶. 4Ka'anaag'ook najty je̱'e̱ tu̶ ja'aku̶'u̶xojtz ja'atekyxyojtzku̶xy mu̶u̶d je̱'e̱ cadeenu̶, du'uñyu̶ je̱'e̱ cadeenu̶ najty apot apu̶gu̶'u̶y, y ni pu̶n najty ka'amu̶winma'añbyaady neby mu̶baad mu̶madaakku̶xyu̶ñ. 5Xu̶u̶m tzum najty je̱'e̱ wyu̶dity tunjooty koptjooty y majaty je̱'e̱ o'kpu̶ jutu̶ñ, cham mu̶kjaty yaaxke'egy jyojkke'egy y jyanchnayyajtzu̶chu̶'u̶yii najty mu̶u̶d je̱'e̱ tzaa naax. 6Peru̶ ko je̱'e̱ Jesús ju̶gue̱m ju̶jpku'ixu̶u̶y, chi poyu̶'u̶gyu̶ ninu̶kxy y ñayñajtzkojxtu̶na'awu̶u̶yu̶ ma je̱' wyinduuyu̶ñ, 7y chi mu̶k winguyaxu̶u̶y:
—¡Ka'p u̶u̶ch xymyu̶mayu̶'u̶y, miich Jesús, je̱'e̱ mu̶jmu̶k'ajtmu̶u̶dpu̶ Dios y'Ung! ¡Cham nmu̶nukxta'agy mu̶u̶d je̱'e̱ Dios kyu̶xpu̶ ko ka'p u̶u̶ch xychaachtyúñ!
8Du'un myu̶naañ, je̱' ko tu̶ najty je̱'e̱ Jesús ñu̶ma'ayii:
—¡Ka'a'óybyu̶, pu̶dzu̶m ma adayaaba ja'ayu̶ñ!
9Chi je̱'e̱ Jesús yajtu̶u̶y je̱'e̱ ka'a'óybyu̶:
—¿Ti mxu̶u̶'ajtypy?
Chi je̱' y'adzooy:
—Legión u̶u̶ch nxu̶u̶'ajtypy, je̱' ko u̶u̶ch njanchnimáyu̶ch ajku̶xy mu̶dyiibu̶ yeeby yajpaatp ma adaa ja'ayu̶ñ.
10Mu̶'it je̱'e̱ ka'a'óybyu̶ je̱'e̱ Jesús mu̶nukxtaakku̶xy, ka'pu̶ y'u̶xke̱jxu̶gu̶xu̶ch ma je̱'e̱ jimbu̶ naaxjootyu̶ñ. 11Y je̱' ko wingón najty kop tu'ug ma je̱'e̱ maygyuch najty jyú̶kxku̶xy y'ojkku̶xyu̶ñ. 12Chi je̱'e̱ maygya'a'óybyu̶ je̱'e̱ Jesús mu̶nukxtaakku̶xy:
—Ke̱jxku̶ch ajku̶xy ma je̱'e̱ maygyuchu̶ñ, wan u̶u̶ch je̱'e̱ n'aadu̶gu̶u̶ygyu̶x njoottu̶gu̶u̶ygyu̶xu̶ch.
13Chi je̱'e̱ Jesús du'un ku'ubu̶jky, y chi je̱'e̱ maygya'a'óybyu̶ pyu̶dzu̶u̶mdaaygyu̶xy ma je̱'e̱ ja'ayu̶ñ y tyu̶gu̶u̶ydyaaygyu̶xy ma je̱'e̱ maygyuchu̶ñ. Jii najty je̱'e̱ kuch da'a kyu̶xy'ajta'ay me̱jtz mil, mu̶'it je̱'e̱ maygyuch lyooku̶ju̶ydyaay y ñu̶kxy janch poyu̶'u̶gyu̶ ajku̶xy ma tu'ug tzaaju̶jpu̶ñ; oy nu̶u̶jooty kya'adaaygyu̶xy, y jiiby ñu̶u̶'o'ktaay ajku̶xy.
14Je̱'e̱ kuch kyweentu̶'ajtpu̶ ke̱e̱ktaay je̱'e̱ ajku̶xy, y oy kajptjooty myu̶dyaakku̶xy y majaty je̱'e̱ tuundaaktu̶ñ neby najty tu̶ tyuñ tu̶ jyadyii mu̶u̶d je̱'e̱ kyuch ajku̶xy. Chi je̱'e̱ mayjya'ay mu̶k'eemby ñajtzónu̶ ajku̶xy oy y'ijxku̶xy jyu̶wu̶u̶ygyu̶xy neby najty tu̶ tyuñ tu̶ jyadyiiju̶ñ. 15Y ko oy jya'tku̶xy ma je̱'e̱ Jesús najtyu̶ñ, chi je̱'e̱ ja'ay ka'a'oybyu̶mu̶u̶dpu̶ ijxy ajku̶xy mu̶dyiibu̶ je̱'e̱ maygya'a'óybyu̶ najty mu̶u̶du̶ñ, y'u̶ña'ay witmu̶u̶d y wijy kejy tu̶ najty je̱'e̱ y'oyu̶u̶yñu̶. Je̱'e̱ ja'ay mu̶k najty je̱'e̱ chu̶gu̶u̶ygyu̶xy jyu̶wu̶u̶ygyu̶xy, 16y je̱'e̱ ja'ay mu̶dyiibu̶ najty du'un tu̶ ijxku̶xy tú̶kxku̶xyu̶ñ ko je̱'e̱ ka'a'oybyu̶mu̶u̶dpu̶ najty tu̶ y'oyu̶'u̶y, y neby najty tu̶ tyuñ tu̶ jyadyii mu̶u̶d je̱'e̱ maygyuch, chi je̱'e̱ wiingpu̶ myu̶gu'ugtu̶jk yajmu̶dmu̶dyaaktaay ajku̶xy neby najty tu̶ ijxku̶xy tú̶kxku̶xyu̶ñ. 17Mu̶'it je̱'e̱ ja'ay je̱'e̱ Jesús mu̶nukxtaaktu̶gu̶u̶ygyu̶xy ko wan jim tzooñ ma je̱'e̱ jimbu̶ ittu̶ñ.
18Ko je̱'e̱ Jesús ja'adu'ook byarcu̶tu̶gu̶u̶y, chi je̱'e̱ ja'ay je̱'e̱ mu̶dyiibu̶ je̱'e̱ ka'a'óybyu̶ najty tu̶ ñi'iwa'ach kyu'uwa'achyii je̱'e̱ Jesús mu̶nukxtaaky ko wan mu̶dnu̶kxyii. 19Peru̶ ka'p je̱'e̱ Jesús du'un ku'ubu̶jky, ni'igyu̶ je̱'e̱ du'un nu̶maay:
—Wimbit ma je̱'e̱ mdu̶jku̶ñ, ma je̱'e̱ mjuugy mmu̶gu'ugu̶ñ, y yajmu̶dmu̶dyaakku̶x adaa mu̶jpu̶ winma'añ ku̶xyu̶ mu̶dyiibu̶ je̱'e̱ Windzú̶n Dios tu̶ tuñu̶ñ mu̶u̶d miich kyu̶xpu̶, y du'un neby tu̶ xypya'a''ayóyu̶ñ.
20Chi je̱'e̱ ja'ay wyimbijtnu̶, y wyu̶dijttu̶gu̶u̶y kajpt kajpt jim Decápolis naaxjooty, myu̶dyaaktaay du'un ku̶xyu̶ neby je̱'e̱ Jesús najty tu̶ yajtzo'ogyiiju̶ñ; y ku̶xyu̶ je̱'e̱ mayjya'ay mu̶k yajnú̶kxy yajju̶wu̶u̶y ajku̶xy.
Je̱'e̱ Jairo tyo'oxy'úng y je̱'e̱ to'oxyu̶jk mu̶dyiibu̶ je̱'e̱ Jesús wyitpa'a ni'idoonu̶ju̶ñ
(Mt 9.18-26; Lc 8.40-56)
21Ko je̱'e̱ Jesús wyimbijty barcu̶jooty jim mejy'awiimb, chi je̱'e̱ mayjya'ay ñimiinu̶ ajku̶xy, y je̱' jim mejypya'a je̱'e̱ wya'kxu̶jp. 22Mu̶'it je̱'e̱ ja'ay tu'ug ñija'ttu̶ mu̶dyiibu̶ najty niwindzu̶n'ajtpu̶ñ je̱'e̱ judío ja'ay ñaymyujktaakt ajku̶xy; tu'ug je̱'e̱ ja'ay mu̶dyiibu̶ najty xu̶u̶'ajtpu̶ñ Jairo. Ko je̱'e̱ Jairo ijxpaaty je̱'e̱ Jesús, chi ñayñajtzkojxtu̶na'awu̶u̶yu̶ ma je̱'e̱ Jesús tyekymyu̶jku̶ñ, 23y chi mu̶kta'agy mu̶nukxtaaky; cham nu̶ma'ay:
—O'kp u̶u̶ch je̱'e̱ ndo'oxy'úng jimu̶ñ; tun may'ajt nu̶kx ma u̶u̶ch je̱'e̱ ndu̶jku̶ñ y nu̶kx ku̶'u̶ni'ixaj, wan myu̶baadu̶'u̶wu̶ch y jyakjugy'ádu̶ch.
24Chi je̱'e̱ Jesús ñu̶kxy mu̶u̶d je̱'e̱ Jairo, y mayjya'ay najty janch panú̶kxu̶p, du'un najty jyanch'adij jyanch'abonu̶'u̶yii ju'uwu̶dítyu̶. 25Y ma je̱'e̱ mayjya'ayu̶ñ; jiiby najty to'oxyu̶jk tu'ug mu̶dyiibu̶ najty xyu̶u̶ pyo'o janch mu̶'ayoobu̶ñ, ka'p najty y'ok'adujknu̶. Mu̶majmé̱tzk jumu̶jt najty du'un kujk mu̶'ijtnu̶. 26Tu̶ najty jya'ayajtzooydyúñ ma je̱'e̱ maychooydyuumbu̶ju̶ñ, y tu̶ najty je̱'e̱ wyit myeeñ wa'adzu̶ yajtuunda'ay y ni tii pube̱jtu̶ñ ka'apaaty. Ni'igyu̶ najty myu̶jwaan'adu̶'u̶ch. 27Ko je̱'e̱ to'oxyu̶jk mu̶dooy ko je̱'e̱ Jesús yajnigápxy yajnimu̶dya'agy, chi nimu̶jwa'ky ju̶xku̶'u̶by'eemby y ni'idoonu̶ je̱'e̱ wyitpa'a mayjya'ayjyooty. 28Je̱'e̱ to'oxyu̶jk du'un najty je̱'e̱ jootjooty winma'añjyooty tu̶ myu̶na'añ: “Mu̶u̶d timyjye'eyu̶ch je̱'e̱ Jesús wyitpa'a ni'idoonu̶yu̶ch, tzo'ogu̶bu̶ch.” 29Ko je̱'e̱ to'oxyu̶jk ni'idooñ je̱'e̱ Jesús wyitpa'a, janch timymyu̶'ityu̶ je̱'e̱ xyu̶u̶ pyo'o y'adujky y ju̶wu̶u̶y ko najty tu̶ cho'ogy. 30Y je̱'e̱ Jesús ñejwu̶u̶y je̱' ko najty je̱'e̱ ja'ay tu'ug tu̶ yajtzo'ogy mu̶u̶d je̱'e̱ myu̶k'ajtu̶ñ, chi je̱'e̱ mayjya'ay ni''ijxwimbijty y yajtu̶u̶y ajku̶xy:
—¿Pu̶n u̶u̶ch je̱'e̱ nwit tu̶ xyñi'idoonu̶yu̶?
31Mu̶'it je̱'e̱ dyiscípulotu̶jk y'adzoowu̶ ajku̶xy:
—Miich m'ijxypy ko yu̶'u̶ mayjya'ay xy'adij xy'abonu̶'u̶y xii yaa, y myajtú̶yu̶tz: ‘¿Pu̶n u̶u̶ch tu̶ xyñi'idóñ?’
32Peru̶ je̱'e̱ Jesús wyindu̶kxpe̱jt'adu̶u̶chpy najty je̱'e̱ mayjya'ay ni'igyu̶ ju'uwu̶dítyu̶, ok'ixa'añ oknejwu̶'u̶wa'añ pu̶n najty tu̶ ñi'idoñyiiju̶ñ. 33Mu̶'it je̱'e̱ to'oxyu̶jk janch tzu̶yuuyu̶p, y je̱' ñejwu̶u̶by najty ko je̱'e̱ Jesús najty tu̶ yajtzo'ogyii, chi ninu̶kxy y ñayñajtzkojxtu̶na'awu̶u̶yu̶ ma je̱' wyinduuyu̶ñ, y yajmu̶dmu̶dyaaktaay je̱'e̱ tu̶y'ajt ku̶xyu̶. 34Chi je̱'e̱ Jesús ñu̶maayu̶:
—To'oxy'úng, tu̶ mdzo'ogy, je̱' ko u̶u̶ch tu̶ xymyu̶bu̶ky. Nu̶kxnu̶ agujk jootkujk y tu̶ je̱'e̱ mba'am ñaxy.
35Kapxp mu̶dyaaknu̶ najty je̱'e̱ Jesús ko je̱'e̱ ja'ay nije̱' ñija'ttu̶ mu̶dyiibu̶ najty tu̶ chooñu̶ñ ajku̶xy ma je̱'e̱ judío ja'ay ñaymyujktaakt windzú̶n tyu̶jku̶ñ, y nu̶maaygyu̶xy je̱'e̱ to'oxy'ana'k tyeedy:
—Tu̶ je̱'e̱ mdo'oxy'úng y'o'ogy. ¿Ti ko nigoo ni'igyu̶ mjaknu̶ne̱'e̱mu̶'u̶y yu̶'u̶ Windzú̶n Jesús?
36Peru̶ je̱'e̱ Jesús ka'p je̱'e̱ kweentu̶tuuñ neby je̱'e̱ najty jya'amu̶naangu̶xyu̶ñ,#5.36 Je̱'e̱ Jesús ka'p je̱'e̱ kweentu̶tuuñ neby je̱'e̱ najty jya'amu̶naangu̶xyu̶ñ: nije̱' jaaybyu̶du̶jk myu̶naangu̶xy: ko je̱'e̱ Jesús du'un mu̶dooy neby najty ñayñu̶maayu̶gu̶xyu̶ñ. chi je̱'e̱ naymyujktaakt windzú̶n nu̶maay:
—Ka'p mdzu̶gu̶'u̶y; mu̶bu̶jku̶ch je'eyu̶.
37Y ka'p ni pu̶n ku'ubu̶jky pyanu̶kxu̶u̶ju̶ch, je̱'e̱du̶'ajty myu̶dnu̶kx je̱'e̱ Pedro, Santiago y je̱'e̱ Juan, je̱'e̱ Santiago pyuya'ay. 38Y ko jim jya'ty ma je̱'e̱ naymyujktaakt windzú̶n tyu̶jku̶ñ, y ijxy neby je̱'e̱ ja'ay najty jiiby jyanchne̱'e̱mgu̶xyu̶ñ y jyu̶u̶ygyu̶xy yaaxku̶xy y yaaxku̶xy jyojkku̶xy. 39Chi tyu̶jktu̶gu̶u̶y y nu̶maay je̱'e̱ ja'ay ajku̶xy:
—¿Ti ko nigoo m'okjanchñe̱'e̱mgu̶xnu̶, y mju̶u̶ygyu̶xy myaaxku̶xy? Yu̶'u̶ to'oxy'ana'k ka'p yu̶'u̶ y'o'ogyu̶ch, maab yu̶'u̶.
40Chi je̱'e̱ ja'ay Jesús nixiiktu̶gu̶u̶y ajku̶xy. Mu̶'it je̱'e̱ Jesús jiiby tu̶gooty nigu̶xyu̶ y'u̶xke̱jxpu̶dzu̶u̶mdaayu̶ ajku̶xy, y je̱'e̱du̶'ajty myu̶dtu̶jktu̶gu̶u̶y je̱'e̱ ungteedy y ungtaj, y je̱'e̱ tu̶gu̶u̶kpu̶ dyiscípulotu̶jk mu̶dyiibu̶ najty tu̶ mu̶dmiñu̶ñ, chi tyu̶gu̶u̶ygyu̶xy ma je̱'e̱ to'oxy'ana'k najty yajpaadyu̶ñ. 41Chi je̱'e̱ to'oxy'ana'k kyu̶'u̶ majtzu̶ y nu̶maay:
—Talita, kum#5.41 Arameo ayuuk mu̶dyiibu̶ najty je̱'e̱ jimbu̶ ja'ay kyápxku̶xypyu̶ñ ko je̱'e̱ Jesús jim wyu̶dijty. (mu̶dyiibu̶ du'un wimbu̶dzu̶u̶mbu̶ñ: “To'oxy'ana'k, u̶u̶ch miich yam nnu̶maaby, pu̶du̶'u̶g.”)
42Mu̶'ityu̶ je̱'e̱ to'oxy'ana'k, je̱'e̱ mu̶dyiibu̶ jyumu̶jt najty majmé̱tzku̶ñ, pyu̶du̶'ky y yo'oychóñ. Y mu̶k je̱'e̱ ja'ay yajnú̶kxy yajju̶wu̶u̶y ajku̶xy. 43Mu̶'it je̱'e̱ Jesús mu̶kta'agy ñu̶maayu̶ ajku̶xy ko ka'p du'un mu̶baad ni pu̶n nu̶maaygyu̶xy neby najty je̱'e̱ to'oxy'ana'k tu̶ jyuugypyú̶kyu̶ñ, y chi ñu̶maayu̶ ajku̶xy ko je̱'e̱ to'oxy'ana'k wan yajkaaygyu̶xy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005