Matyo 25
25
Nɨgham nə Nanɨ mbɨ́ʼ Ɨbɔ Bəngye bi Nɨghúm ə
1Yeso a ná nɨgham nen ngə́ “A nkfu wa Mɔn Ŋwɔn a ghɨnɨ yen lá, Nɨfɔ nɨ fɔməbvurə ghɨ bé lá tso ɨnə. Ngo tsi nɨghúm lɔ́gɨ́ mɨnkaʼ ɨma ɨ fu ngɛn ɨ ghɛn bom a ta mɨngən ə. 2Bə bi bɨtə̧̂ dzɨ́ŋtə́, bə bi bɨtə̧̂ tsi nɨ zóŋ ə. 3Bə dzɨŋtɨnɨ ba lɔ́gɨ́ mɨnkaʼ ɨma lá nkeʼ nkyi ɨmugɨ wə daŋ tiʼtə; 4lá ba bɨ tsínɨ́ nɨ zóŋ lá, bɨ lɔ́gɨ́ bɨzhwɛʼ bɨ nkyi ɨmugɨ ba bɨ tsínɨ́ a nɨ́lónɨ́ ə. 5Mbáʼ bɨ chwúŋsɨ́nɨ́ a ta mɨngən a ngyiŋə lá, bo bɨtsum kə́ nkfugɨ ɨtú ɨtsa ntsɨ́ŋə́ ndyě ghe.
6Ɨtfúʼ ghɨnə ntə́nɨ́, nji zɨ tse tɔnkɨ ngə́, ‹Zɛnə, ta mɨngən wa a wɛnə ghe! Nɨ fu á bɨgɨnə ghɛn mbom ayi ɛ!› 7A nyom məwa, ngo tsa ɨtsum ló atɨ́ nkwɛ́ʼtɨ́ mɨnkɨ mɨ mɨnkaʼ ɨma ghe. 8Bə adzɨŋtɨnɨ ba tíʼ sóŋ a mbó bə zóŋ ba ngə́, ‹Nɨ lɔntɨ awɨgɨ nɨ nkyi ɨmugɨ ɨwən wu mɔʼɔ, mbɨ́ʼ ngə́ mɨnkaʼ ɨmɨgɨ tiʼnə mbyɛ́nə́ ghe.› 9Bə zóŋ ba chwɨ́gɨ́ ngə́, ‹Ɨ ghɨ keʼ kuʼnɨ a mbó bɨgɨnə bɨtsum ə; nɨ baŋnɨ ngɛn a mbó ɨbɛn ba bɨ fenɨ nkyi ɨmugɨ, ndzuŋ ɨwən ɨwu ə.› 10A nkfu za bo ghɛ́nɨ́ adiʼ a ndzúŋ ɨwa nkyi ɨmugɨ wa lá, ta mɨngən wa a yíŋə. Bə bi bɨtə̧̂ ba bɨ kyáŋtɨ́nɨ́ ɨnye ɨtsa bɨ ghɛ́n bo bɨ ta mɨngən wa nkón a ndá adiʼ a ndzɨ nɨzɔ́ʼ; bɨ vwuʼnɨ ntsundá ə.
11Abaŋ a bənə mbe ɨwu, ngo tsə mɔʼɔ tsa kɨ ngyen, ɨ soŋ ngə́, ‹Tə̧, Tə̧, ŋaʼ ntsundá a mbó bɨgɨ ə.› 12Lá a chwɨ́gɨ́ ngə́, ‹Tsɛʼ a nkənu, ma soŋ a mbó bɨŋ ə, ka ma zhi aghə awɨŋ ə.› ”
13Yeso a tíʼ ndwɨgɨnɨ ngə́, “A nɨ nkyérə́ mbɨ́ʼ ngə́ ka nɨ zhi awɨŋ njwi məza kə a nyom wu wu ə.”
Nɨgham nə Nanɨ mbɨ́ʼ Ngaŋ Afaʼ tsi Tárə́ ghe
(Alu 19:11-27)
14“A nkfu məwa Nɨfɔ nɨ fɔməbvurə ghɨ be lá tso ɨnə. A bé a nkfu tse, ŋwɔn tse a tsi nɨ ngen a nɨghan ə. Wɛrə a tíʼ ntɔ́ŋ ngaŋ afaʼ ɨchi, nga ɨdzúm ɨchi ngə́ á bɨ chwa ntiʼtə. 15A mbó táʼ wɛrə a ghá aban a nkáb, a mbó wu mɔʼɔ nkáb nchwuʼ mɨghúm mi nɨkwa, a mbó wu mɔʼɔ nkáb nchwuʼ tsi nɨghúm ə. Wɛrə a yɛ́btɨ́ nkáb za a mbó bo ndzɔ̌ŋ ndvuŋ adaʼ wa ŋwɔn nɨbo tsum a tsínɨ́ nɨ wɛrə, ntiʼ ɨ fu ayi ɛ. 16Wa mbáʼ a kwárɨ́nɨ́ nkáb táʼ aban lá, a ghɛ́n mbyi mbiʼnɨ a mɨtan nɨ zɛrə ghe. Abi azhi a kón wə ndzum a nye nkáb táʼ aban ə. 17Ndəŋndəŋ, ŋwɔn afaʼ wa a kwárɨ́nɨ́ nkáb nchwuʼ mɨghúm mi nɨkwa, a ghɛ́n mbəgɨrɨ tsə daŋ kon wə ndzum nkáb nchwuʼ mɨghúm mi nɨkwa ghe. 18Lá ngaŋ afaʼ za ɨ kwárɨ́nɨ́ nkáb nchwuʼ nɨghúm lá, a ghɛ́n ntóŋ nɨbɨ́ a tɨshe ndwɛʼ nkáb nchwuʼ nɨghúm tsɨ tafaʼ ɨyi tsa ɨwu ə.
19Abaŋ a ghɨnə ságɨ́ tafaʼ ɨwa wa a kwɛn, ngɨ bo bo sháŋ nkáb za. 20Ngaŋ afaʼ za ɨ kwárɨ́nɨ́ nkáb táʼ aban ɨ kɔ́ʼtɨ́ a ɨshe nga nkáb táʼ aban, ɨ soŋ ngə́, ‹Tə̧, o kɨ chi ngá nkáb táʼ aban a mbó me, zɛn lá mbáʼ ma bənɨ nkwiʼtɨ nkáb táʼ aban wə ndzum ə.› 21Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya nɨ táʼ ntəm ə, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›
22Wa a tsínɨ́ nɨ nkáb nchwuʼ mɨghúm mi nɨkwa lá, a kɔ́ʼtɨ́ a ɨshe, ɨ soŋ ngə́, ‹Tafaʼ, o kɨ chi nga nkáb nchwuʼ mɨghúm mi nɨkwa a mbó me, zɛn lá mbáʼ ma bənɨ nkwiʼtɨ nkáb nchwuʼ mɨghúm mi nɨkwa wə ndzum ə.› 23Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya ɨ shiʼnɨ, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›
24Wa a tsínɨ́ nɨ nkáb nchwuʼ nɨghúm lá, a kɔ́ʼtɨ́ a ɨshe, ɨ soŋ ngə́, ‹Tafaʼ, ma zhi ngə́ o nɨ ŋwɔn atətɨ́ŋ a mbɔm ə, ɨ fuʼə adiʼ wa ka o bi agho, nkə́ sɛ́ʼə adiʼ wa ka o maʼ agho mɨntam ə. 25Ma lan, ma kɨ chyɛ mbɔ́gə́, ntiʼ ngɛn ntoŋ nɨbɨ́ a tɨshe ndwɛʼ nkáb nchwuʼ nɨghúm ɨtso tsa ɨwu ə. Ze azo, ɨ ziŋ ə, koə.›
26Lá tafaʼ ɨyi wa a chwɨ́gɨ́ wəmbo ngə́, ‹Gho ŋwɔn afaʼ abɨgəntəm, anarɨ a nə́nkɔ́ŋ! O kɨ chi nji ngə́ ma fuʼə adiʼ wa ka ma bi aghan, nkə́ sɛ́ʼə adiʼ wa ka ma maʼ aghə mɨntam le? 27O kɨ zhi ma lan lá, muŋ o kɨ ghɛn ɨ nɨŋ nkáb ɨzan a mu nɨlɛnɨ nɨ nkáb, muŋ ma kwɛn lá ngɛn fɨgɨ a zɛrə abɔʼnɨ ndzum ɨzhi ɛ. 28Ma lan, kwárɨ́nə nkáb nchwuʼ nɨghúm tsa wəmbo nga a mbó ŋwɔn wa a tsinɨ nɨ nkáb ɨban tsi bá lá. 29Mbɨ́ʼ ngə́ a mbó ŋwɔn tsum wa a tsinɨ nɨ zɛrə, bɨ ghɨ kwiʼtɨ, á tiʼ nkɨ ntsi nɨ zɛrə a nɨghaʼ ə; lá a mbó ŋwɔn wa ka a tsi ayi nɨ zɛrə, tsɛʼ mədiʼ wa a tsinɨ nɨ wɛrə, bɨ ghɨ kwárɨ́ wəmbo ɨ lo nɨ zɛrə ghe. 30Lá a mbó ŋwɔn afaʼ tɨ ɨlɨŋ wen, wáŋnə ayi a mu ndzumnɨ za ɨ tsinɨ abyɛn; adiʼ wa bɨ búgɨ́nə́ nkə́ nkfúrə́ mɨsɔŋ ɨwu ə.› ”
Nɨsáʼ nɨ Ntsɨrɨndzum ə
31“Nkfu za Mɔn Ŋwɔn a ghɨnɨ yen a mu nɨfáŋ ɨni, abɔʼnɨ bɨtsen bɨ ndá bɨ Ŋwi bɨtsum, wɛrə a mɨ shiʼtɨ tsi atú abərɨ a nɨfáŋ azhi ɛ. 32Ɨbɛn bɨ ɨlaʼ ɨtsum lo bomnkɨ wə ɨshi, á wɛrə tiʼ ntyé awa ɨ fɨgɨ tso mbáʼ ntsiŋ mɨnyam a tyénɨ́ mbyindzɨ a tɨtərɨ mbyindɔ́ŋ lá. 33Wɛrə a mɨ len ɨbɛn ba bɨ chinɨnɨ a bagɨ abó zɨ zə maʼə, lá ɨ byigɨ a bə mɔʼɔ ba a bagɨ abó zə ntə́ŋ ə. 34Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə. 35Mbɨ́ʼ ngə́ nji kə́ ndzáŋə aghan nɨ gha mɨdzɨ ɨ wən, ntɔŋ ɨghə zómnkɨ́ nɨ gha azúm ma no, ma bé ngən nɨ kwarɨ aghan ɨ shiʼnɨ nɨ njwuʼ ɨtsən, 36ma tsí ntyigɨnɨ nɨ wəgɨ ɨtsɛʼ a ɨnye me, ma kə́ ngǒ nɨ ləŋtɨ aghan a nɨghɔ, ma tsí atsáŋ nɨ yen ndəŋtɨ aghə.›
37Ɨbɛn bə chinɨnɨ mɨ tiʼ bitɨ a wɛrə ngə́, ‹Maʼmbyí, bɨgɨ zɛ́n agho lá ɨ ghé nji zaŋnə agho bɨgɨ dzɨgɨ agho kə ntɔŋ ɨgho zomnkɨ bɨgɨ gha azúm o no le? 38Bɨgɨ zɛ́n agho lá ɨ ghé o be ngən bɨgɨ kwarɨ agho ɨ shiʼnɨ, kə ntsi ntyigɨnɨ bɨgɨ wəgɨ ɨtsɛʼ a nye gho le? 39Bɨgɨ zɛ́n agho lá ɨ ghé o ghǒnə kə ntsi atsáŋ bɨgɨ ləŋtɨ agho le?› 40Ɨfɔ a mɨ chwɨ́gɨ́ a mbó bo ngə́, ‹Tsɛʼ a nkənu, ma soŋə awɨŋ ə, adzaŋ za nɨ ghɨ́nɨ́ a mbó táʼ wɛnə wa a bénɨ́ wu nkɨʼnɨ ntsa bɨtsum a tɨtərɨ ɨbɔmbɨma ɨban lá, nɨ ghɨ́ lá a mbó me ghe.›
41Wɛrə a mɨ tiʼ bəŋ ayi a mbó ba a bagɨ abó zɨ zə ntə́ŋ, ɨ soŋ ngə́, ‹Lonə awən a mbyɛn me, bən ba Ŋwi a lɔʼnɨ awɨŋ ə! Nɨ ghɛn a mu ɨmugɨ nɨnkoŋ wa bɨ kyaŋtɨnə a mbó Dəbɨrɨ abɔʼnɨ bɨtsen bɨ ndá bɨ Ŋwi ɨbyi lá! 42Mbɨ́ʼ ngə́ nji kə́ ndzáŋə aghan nɨ zum aghan nɨ mɨdzɨ, ntɔŋ ɨghə zómnkɨ́ nɨ zum aghan nɨ azúm zə nonɨ, 43ma bé ngən nɨ keʼ aghan kwarɨ nɨ njwuʼ ɨtsən, ntsi ntyigɨnɨ, nɨ zum aghan nɨ ɨtsɛʼ, ngǒ nkɨ ntsi atsáŋ nɨ keʼ aghan ləŋtə.›
44Bo mɨ tiʼ kɨ chwɨgɨ ayi ngə́, ‹Maʼmbyí, bɨgɨ zɛ́n agho lá ɨ ghé o tsi nɨ nji kə ntɔŋ ɨgho zomnkɨ kə mbe ngən kə ntsi ntyigɨnɨ kə ngǒ kə ntsi atsáŋ bɨgɨ keʼ agho ləŋtɨ le?› 45Ɨfɔ a mɨ chwɨgɨ a mbó bo ngə́, ‹Tsɛʼ a nkənu, ma soŋə awɨŋ ə, mbáʼ nɨ sé ghɨ a mbó wa a kɨgɨnɨ ntsa bɨtsum a tɨtərɨ ben lá, nɨ sé ghɨ lá a mbó me ghe.› 46Məbiŋ mɨ tiʼ kwarɨ ɨnɨŋ ngɨ́ʼ zɨ nɨnkoŋ, lá á bə chinɨnɨ ghɛn a mu ntsi ntən nɨnkoŋ ə.”
Currently Selected:
Matyo 25: MNT
Highlight
Share
Copy
Want to have your highlights saved across all your devices? Sign up or sign in
© 2023, CABTAL
Matyo 25
25
Nɨgham nə Nanɨ mbɨ́ʼ Ɨbɔ Bəngye bi Nɨghúm ə
1Yeso a ná nɨgham nen ngə́ “A nkfu wa Mɔn Ŋwɔn a ghɨnɨ yen lá, Nɨfɔ nɨ fɔməbvurə ghɨ bé lá tso ɨnə. Ngo tsi nɨghúm lɔ́gɨ́ mɨnkaʼ ɨma ɨ fu ngɛn ɨ ghɛn bom a ta mɨngən ə. 2Bə bi bɨtə̧̂ dzɨ́ŋtə́, bə bi bɨtə̧̂ tsi nɨ zóŋ ə. 3Bə dzɨŋtɨnɨ ba lɔ́gɨ́ mɨnkaʼ ɨma lá nkeʼ nkyi ɨmugɨ wə daŋ tiʼtə; 4lá ba bɨ tsínɨ́ nɨ zóŋ lá, bɨ lɔ́gɨ́ bɨzhwɛʼ bɨ nkyi ɨmugɨ ba bɨ tsínɨ́ a nɨ́lónɨ́ ə. 5Mbáʼ bɨ chwúŋsɨ́nɨ́ a ta mɨngən a ngyiŋə lá, bo bɨtsum kə́ nkfugɨ ɨtú ɨtsa ntsɨ́ŋə́ ndyě ghe.
6Ɨtfúʼ ghɨnə ntə́nɨ́, nji zɨ tse tɔnkɨ ngə́, ‹Zɛnə, ta mɨngən wa a wɛnə ghe! Nɨ fu á bɨgɨnə ghɛn mbom ayi ɛ!› 7A nyom məwa, ngo tsa ɨtsum ló atɨ́ nkwɛ́ʼtɨ́ mɨnkɨ mɨ mɨnkaʼ ɨma ghe. 8Bə adzɨŋtɨnɨ ba tíʼ sóŋ a mbó bə zóŋ ba ngə́, ‹Nɨ lɔntɨ awɨgɨ nɨ nkyi ɨmugɨ ɨwən wu mɔʼɔ, mbɨ́ʼ ngə́ mɨnkaʼ ɨmɨgɨ tiʼnə mbyɛ́nə́ ghe.› 9Bə zóŋ ba chwɨ́gɨ́ ngə́, ‹Ɨ ghɨ keʼ kuʼnɨ a mbó bɨgɨnə bɨtsum ə; nɨ baŋnɨ ngɛn a mbó ɨbɛn ba bɨ fenɨ nkyi ɨmugɨ, ndzuŋ ɨwən ɨwu ə.› 10A nkfu za bo ghɛ́nɨ́ adiʼ a ndzúŋ ɨwa nkyi ɨmugɨ wa lá, ta mɨngən wa a yíŋə. Bə bi bɨtə̧̂ ba bɨ kyáŋtɨ́nɨ́ ɨnye ɨtsa bɨ ghɛ́n bo bɨ ta mɨngən wa nkón a ndá adiʼ a ndzɨ nɨzɔ́ʼ; bɨ vwuʼnɨ ntsundá ə.
11Abaŋ a bənə mbe ɨwu, ngo tsə mɔʼɔ tsa kɨ ngyen, ɨ soŋ ngə́, ‹Tə̧, Tə̧, ŋaʼ ntsundá a mbó bɨgɨ ə.› 12Lá a chwɨ́gɨ́ ngə́, ‹Tsɛʼ a nkənu, ma soŋ a mbó bɨŋ ə, ka ma zhi aghə awɨŋ ə.› ”
13Yeso a tíʼ ndwɨgɨnɨ ngə́, “A nɨ nkyérə́ mbɨ́ʼ ngə́ ka nɨ zhi awɨŋ njwi məza kə a nyom wu wu ə.”
Nɨgham nə Nanɨ mbɨ́ʼ Ngaŋ Afaʼ tsi Tárə́ ghe
(Alu 19:11-27)
14“A nkfu məwa Nɨfɔ nɨ fɔməbvurə ghɨ be lá tso ɨnə. A bé a nkfu tse, ŋwɔn tse a tsi nɨ ngen a nɨghan ə. Wɛrə a tíʼ ntɔ́ŋ ngaŋ afaʼ ɨchi, nga ɨdzúm ɨchi ngə́ á bɨ chwa ntiʼtə. 15A mbó táʼ wɛrə a ghá aban a nkáb, a mbó wu mɔʼɔ nkáb nchwuʼ mɨghúm mi nɨkwa, a mbó wu mɔʼɔ nkáb nchwuʼ tsi nɨghúm ə. Wɛrə a yɛ́btɨ́ nkáb za a mbó bo ndzɔ̌ŋ ndvuŋ adaʼ wa ŋwɔn nɨbo tsum a tsínɨ́ nɨ wɛrə, ntiʼ ɨ fu ayi ɛ. 16Wa mbáʼ a kwárɨ́nɨ́ nkáb táʼ aban lá, a ghɛ́n mbyi mbiʼnɨ a mɨtan nɨ zɛrə ghe. Abi azhi a kón wə ndzum a nye nkáb táʼ aban ə. 17Ndəŋndəŋ, ŋwɔn afaʼ wa a kwárɨ́nɨ́ nkáb nchwuʼ mɨghúm mi nɨkwa, a ghɛ́n mbəgɨrɨ tsə daŋ kon wə ndzum nkáb nchwuʼ mɨghúm mi nɨkwa ghe. 18Lá ngaŋ afaʼ za ɨ kwárɨ́nɨ́ nkáb nchwuʼ nɨghúm lá, a ghɛ́n ntóŋ nɨbɨ́ a tɨshe ndwɛʼ nkáb nchwuʼ nɨghúm tsɨ tafaʼ ɨyi tsa ɨwu ə.
19Abaŋ a ghɨnə ságɨ́ tafaʼ ɨwa wa a kwɛn, ngɨ bo bo sháŋ nkáb za. 20Ngaŋ afaʼ za ɨ kwárɨ́nɨ́ nkáb táʼ aban ɨ kɔ́ʼtɨ́ a ɨshe nga nkáb táʼ aban, ɨ soŋ ngə́, ‹Tə̧, o kɨ chi ngá nkáb táʼ aban a mbó me, zɛn lá mbáʼ ma bənɨ nkwiʼtɨ nkáb táʼ aban wə ndzum ə.› 21Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya nɨ táʼ ntəm ə, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›
22Wa a tsínɨ́ nɨ nkáb nchwuʼ mɨghúm mi nɨkwa lá, a kɔ́ʼtɨ́ a ɨshe, ɨ soŋ ngə́, ‹Tafaʼ, o kɨ chi nga nkáb nchwuʼ mɨghúm mi nɨkwa a mbó me, zɛn lá mbáʼ ma bənɨ nkwiʼtɨ nkáb nchwuʼ mɨghúm mi nɨkwa wə ndzum ə.› 23Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya ɨ shiʼnɨ, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›
24Wa a tsínɨ́ nɨ nkáb nchwuʼ nɨghúm lá, a kɔ́ʼtɨ́ a ɨshe, ɨ soŋ ngə́, ‹Tafaʼ, ma zhi ngə́ o nɨ ŋwɔn atətɨ́ŋ a mbɔm ə, ɨ fuʼə adiʼ wa ka o bi agho, nkə́ sɛ́ʼə adiʼ wa ka o maʼ agho mɨntam ə. 25Ma lan, ma kɨ chyɛ mbɔ́gə́, ntiʼ ngɛn ntoŋ nɨbɨ́ a tɨshe ndwɛʼ nkáb nchwuʼ nɨghúm ɨtso tsa ɨwu ə. Ze azo, ɨ ziŋ ə, koə.›
26Lá tafaʼ ɨyi wa a chwɨ́gɨ́ wəmbo ngə́, ‹Gho ŋwɔn afaʼ abɨgəntəm, anarɨ a nə́nkɔ́ŋ! O kɨ chi nji ngə́ ma fuʼə adiʼ wa ka ma bi aghan, nkə́ sɛ́ʼə adiʼ wa ka ma maʼ aghə mɨntam le? 27O kɨ zhi ma lan lá, muŋ o kɨ ghɛn ɨ nɨŋ nkáb ɨzan a mu nɨlɛnɨ nɨ nkáb, muŋ ma kwɛn lá ngɛn fɨgɨ a zɛrə abɔʼnɨ ndzum ɨzhi ɛ. 28Ma lan, kwárɨ́nə nkáb nchwuʼ nɨghúm tsa wəmbo nga a mbó ŋwɔn wa a tsinɨ nɨ nkáb ɨban tsi bá lá. 29Mbɨ́ʼ ngə́ a mbó ŋwɔn tsum wa a tsinɨ nɨ zɛrə, bɨ ghɨ kwiʼtɨ, á tiʼ nkɨ ntsi nɨ zɛrə a nɨghaʼ ə; lá a mbó ŋwɔn wa ka a tsi ayi nɨ zɛrə, tsɛʼ mədiʼ wa a tsinɨ nɨ wɛrə, bɨ ghɨ kwárɨ́ wəmbo ɨ lo nɨ zɛrə ghe. 30Lá a mbó ŋwɔn afaʼ tɨ ɨlɨŋ wen, wáŋnə ayi a mu ndzumnɨ za ɨ tsinɨ abyɛn; adiʼ wa bɨ búgɨ́nə́ nkə́ nkfúrə́ mɨsɔŋ ɨwu ə.› ”
Nɨsáʼ nɨ Ntsɨrɨndzum ə
31“Nkfu za Mɔn Ŋwɔn a ghɨnɨ yen a mu nɨfáŋ ɨni, abɔʼnɨ bɨtsen bɨ ndá bɨ Ŋwi bɨtsum, wɛrə a mɨ shiʼtɨ tsi atú abərɨ a nɨfáŋ azhi ɛ. 32Ɨbɛn bɨ ɨlaʼ ɨtsum lo bomnkɨ wə ɨshi, á wɛrə tiʼ ntyé awa ɨ fɨgɨ tso mbáʼ ntsiŋ mɨnyam a tyénɨ́ mbyindzɨ a tɨtərɨ mbyindɔ́ŋ lá. 33Wɛrə a mɨ len ɨbɛn ba bɨ chinɨnɨ a bagɨ abó zɨ zə maʼə, lá ɨ byigɨ a bə mɔʼɔ ba a bagɨ abó zə ntə́ŋ ə. 34Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə. 35Mbɨ́ʼ ngə́ nji kə́ ndzáŋə aghan nɨ gha mɨdzɨ ɨ wən, ntɔŋ ɨghə zómnkɨ́ nɨ gha azúm ma no, ma bé ngən nɨ kwarɨ aghan ɨ shiʼnɨ nɨ njwuʼ ɨtsən, 36ma tsí ntyigɨnɨ nɨ wəgɨ ɨtsɛʼ a ɨnye me, ma kə́ ngǒ nɨ ləŋtɨ aghan a nɨghɔ, ma tsí atsáŋ nɨ yen ndəŋtɨ aghə.›
37Ɨbɛn bə chinɨnɨ mɨ tiʼ bitɨ a wɛrə ngə́, ‹Maʼmbyí, bɨgɨ zɛ́n agho lá ɨ ghé nji zaŋnə agho bɨgɨ dzɨgɨ agho kə ntɔŋ ɨgho zomnkɨ bɨgɨ gha azúm o no le? 38Bɨgɨ zɛ́n agho lá ɨ ghé o be ngən bɨgɨ kwarɨ agho ɨ shiʼnɨ, kə ntsi ntyigɨnɨ bɨgɨ wəgɨ ɨtsɛʼ a nye gho le? 39Bɨgɨ zɛ́n agho lá ɨ ghé o ghǒnə kə ntsi atsáŋ bɨgɨ ləŋtɨ agho le?› 40Ɨfɔ a mɨ chwɨ́gɨ́ a mbó bo ngə́, ‹Tsɛʼ a nkənu, ma soŋə awɨŋ ə, adzaŋ za nɨ ghɨ́nɨ́ a mbó táʼ wɛnə wa a bénɨ́ wu nkɨʼnɨ ntsa bɨtsum a tɨtərɨ ɨbɔmbɨma ɨban lá, nɨ ghɨ́ lá a mbó me ghe.›
41Wɛrə a mɨ tiʼ bəŋ ayi a mbó ba a bagɨ abó zɨ zə ntə́ŋ, ɨ soŋ ngə́, ‹Lonə awən a mbyɛn me, bən ba Ŋwi a lɔʼnɨ awɨŋ ə! Nɨ ghɛn a mu ɨmugɨ nɨnkoŋ wa bɨ kyaŋtɨnə a mbó Dəbɨrɨ abɔʼnɨ bɨtsen bɨ ndá bɨ Ŋwi ɨbyi lá! 42Mbɨ́ʼ ngə́ nji kə́ ndzáŋə aghan nɨ zum aghan nɨ mɨdzɨ, ntɔŋ ɨghə zómnkɨ́ nɨ zum aghan nɨ azúm zə nonɨ, 43ma bé ngən nɨ keʼ aghan kwarɨ nɨ njwuʼ ɨtsən, ntsi ntyigɨnɨ, nɨ zum aghan nɨ ɨtsɛʼ, ngǒ nkɨ ntsi atsáŋ nɨ keʼ aghan ləŋtə.›
44Bo mɨ tiʼ kɨ chwɨgɨ ayi ngə́, ‹Maʼmbyí, bɨgɨ zɛ́n agho lá ɨ ghé o tsi nɨ nji kə ntɔŋ ɨgho zomnkɨ kə mbe ngən kə ntsi ntyigɨnɨ kə ngǒ kə ntsi atsáŋ bɨgɨ keʼ agho ləŋtɨ le?› 45Ɨfɔ a mɨ chwɨgɨ a mbó bo ngə́, ‹Tsɛʼ a nkənu, ma soŋə awɨŋ ə, mbáʼ nɨ sé ghɨ a mbó wa a kɨgɨnɨ ntsa bɨtsum a tɨtərɨ ben lá, nɨ sé ghɨ lá a mbó me ghe.› 46Məbiŋ mɨ tiʼ kwarɨ ɨnɨŋ ngɨ́ʼ zɨ nɨnkoŋ, lá á bə chinɨnɨ ghɛn a mu ntsi ntən nɨnkoŋ ə.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, CABTAL