Matyo 28
28
Adzaŋ za Yeso a Zhwémnɨ́nɨ́ a mbó Nɨvwo ə
(Mar 16:1-10; Alu 24:1-12; Yoa 20:1-10)
1Njwi Alaʼ Ŋwi ghɨnə ntsá, mbáʼ ntsambyi njwi a mu ngabɨ ɨ kɨ́nə́ ntíʼə ndə̌, Mɛrɨ Matarɨna bo wu mɔʼɔ Mɛrɨ wa ghɛ́n a ndzé atú a nɨshe za. 2Ɨshe dúm nɛ́m be a nji adaŋ; ntsendá Ŋwi zɨ Maʼmbyí ɨ shiʼ a fɔməbvurə, ngyen mbɨŋsɨ ngɔʼ za ndo nɨ zɛrə, ɨ shiʼtɨ ntsi ayi wu atú ə. 3Nkyerɨ ɨzhi ɨ bé tso azhwibtɨ a mbəŋ, ɨtsɛʼ ɨchi fúgɨnə tso fɨwɛ ə. 4Bɨgwe bɨ ntsǐŋ ɨdiʼ ba tsí nɨ nɨbɔgɨ be tɨ́sə́n a nye ndóm wa bo kɨ́nə́ ntíʼə mbɨ́ŋnə́, ntiʼ mbe tso ɨkfú ɨbɛn ə.
5Ntsendá Ŋwi za ɨ ghám a mbó bəngye ba ɨ soŋ ngə́, “Njimbɨʼ nɨ tsi nɨ nɨbɔgɨ ə; ma zhi ngə́ nɨ lǒ lá a Yeso wa bɨ kɨ kwemtɨnɨ atɨ abaŋnɨ-baŋnɨ lá. 6Ka a tsi ayi ɨghə; bɨ zhwemnɨ ayi a mbó nɨvwo tsɛʼ adzaŋ za a sóŋnɨ́ lá. Yenə, zɛnə adiʼ za a kɨ nɔŋnɨ ɨwu ə. 7Nɨ waŋnɨ ngɛn tɨtsɔŋnɨ ɨ soŋ a mbó bɨyɛʼ ɨbyi ngə́, ‹Bɨ zhwemnɨ a Yeso a mbó nɨvwo, a ghěn a mbyi bən tɨtsɔŋnɨ a Galili; ɨwu nɨ mɨ zɛn ayi ɛ!› Ngə́ mba le, a nɨ nkən wa ma soŋnɨ a mbó bɨŋ ə.”
8Ma lan, bo tíʼ ngwaŋnɨ ndo atú a nɨshe wa nɨ nɨbɔgɨ abɔʼnɨ nɨdorɨ nə wi, ntiʼə nkɨə ngěn ɨ ghɛn kərɨ bɨyɛʼ ɨbyi ɛ.
9Yeso a vúkɨ́ mbom awa, ɨ soŋ ngə́, “Ma tɔ́ŋtə́ awɨŋ ə!” Bo kɔ́ʼ ngɛn ɨ fatɨ ayi, ngvo a mɨku zɨ, nguʼsɨ ayi ɛ. 10Yeso a sóŋ a mbó bo ngə́, “Nɨ keʼ bɔgə; ghɛnə ngɛn soŋ a mbó ɨbɔmbɨma ɨban ngə́ á bo ghɛn a Galili, ɨwu bo mɨ zɛn aghə.”
Ntsǐŋ Ɨdiʼ a Mɨ a za bo Zɛ́nə́
11Mbáʼ bəngye ba kɨ́nə́ ngěn awa lá, bɨgwe bɨ ntsǐŋ ɨdiʼ ba bə mɔʼɔ ba bɨ kɨ́nə́ ntsǐŋ atú a nɨshe za ghɛ́n a mu ntáʼmbagə wu wi wa, nkərɨ bɨntumshe bə wi nɨ ɨnu ɨtsum tsa tsɨ fúnə́. 12Bɨntumshe bə wi bómnkɨ́ bo bɨ bɨkum bɨ alaʼ nkəmnɨ; nga nkáb zɨ ngwi a mbó bɨgwe ba 13ntiʼ soŋ ngə́, “Nɨ mɨ soŋ a mbó ɨbɛn ngə́ bɨyɛʼ ɨbyi yén nɨ ɨtfúʼ ndze akfú azhi mbáʼ nɨ kɨ́nə́ ndyě ghe. 14Be məzen a ghɨ́ ngɛn fu a ntsu gobɨna, bɨgɨ mɨ zhi ɨnu tsa bɨgɨ mɨ soŋ, á anu zə tse a keʼ awən ghɨə.”
15Bɨgwe bɨ ntsǐŋ ɨdiʼ ba kwárɨ́ nkáb za nkɨ ngɨ tsɛʼ adzaŋ za bɨ tɨ́gɨ́tɨ́nɨ́ awa ghe. Ma lan, nə nɨ njalaʼ za bə Yuda tiʼnə nkərə a mbó ɨbɛn ɨ kɔʼ kuʼ ntsu sɨŋə ghe.
Yeso a Fu a Ɨshe a Ɨshi Bɨyɛʼ ɨbyi ɛ
(Mar 16:14-18; Alu 24:36-49; Yoa 20:19-23; Ɨfa 1:6-8)
16Bɨyɛʼ ba nɨghúm ntsɔb mɔ́ʼɔ́ ghɛ́n a Galili, atú ntáʼ wa Yeso a tɨ́gɨ́tɨ́nɨ́ ngə́ á bo ghɛn ɨwu lá. 17Bo ghɨnə ndzɛ́n a Yeso, nguʼsɨ ayi; lá bo bə tsɛrə mə́ŋnɨ́ ngə́ a nɨ Yeso ghe. 18Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe. 19Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ, 20nkə́ ndiʼnə awa ngə́ á bo ndzúʼnɨ́ ɨnu ɨtsum tsa ma tɨ́gɨ́tɨ́nɨ́ awən ɨwu ə. Ma mɨ tsi bɨgɨnə nkfu ɨtsum ɨ kɔʼ kuʼ a ndwitɨ mbyi ɛ.”
Currently Selected:
Matyo 28: MNT
Highlight
Share
Copy
Want to have your highlights saved across all your devices? Sign up or sign in
© 2023, CABTAL
Matyo 28
28
Adzaŋ za Yeso a Zhwémnɨ́nɨ́ a mbó Nɨvwo ə
(Mar 16:1-10; Alu 24:1-12; Yoa 20:1-10)
1Njwi Alaʼ Ŋwi ghɨnə ntsá, mbáʼ ntsambyi njwi a mu ngabɨ ɨ kɨ́nə́ ntíʼə ndə̌, Mɛrɨ Matarɨna bo wu mɔʼɔ Mɛrɨ wa ghɛ́n a ndzé atú a nɨshe za. 2Ɨshe dúm nɛ́m be a nji adaŋ; ntsendá Ŋwi zɨ Maʼmbyí ɨ shiʼ a fɔməbvurə, ngyen mbɨŋsɨ ngɔʼ za ndo nɨ zɛrə, ɨ shiʼtɨ ntsi ayi wu atú ə. 3Nkyerɨ ɨzhi ɨ bé tso azhwibtɨ a mbəŋ, ɨtsɛʼ ɨchi fúgɨnə tso fɨwɛ ə. 4Bɨgwe bɨ ntsǐŋ ɨdiʼ ba tsí nɨ nɨbɔgɨ be tɨ́sə́n a nye ndóm wa bo kɨ́nə́ ntíʼə mbɨ́ŋnə́, ntiʼ mbe tso ɨkfú ɨbɛn ə.
5Ntsendá Ŋwi za ɨ ghám a mbó bəngye ba ɨ soŋ ngə́, “Njimbɨʼ nɨ tsi nɨ nɨbɔgɨ ə; ma zhi ngə́ nɨ lǒ lá a Yeso wa bɨ kɨ kwemtɨnɨ atɨ abaŋnɨ-baŋnɨ lá. 6Ka a tsi ayi ɨghə; bɨ zhwemnɨ ayi a mbó nɨvwo tsɛʼ adzaŋ za a sóŋnɨ́ lá. Yenə, zɛnə adiʼ za a kɨ nɔŋnɨ ɨwu ə. 7Nɨ waŋnɨ ngɛn tɨtsɔŋnɨ ɨ soŋ a mbó bɨyɛʼ ɨbyi ngə́, ‹Bɨ zhwemnɨ a Yeso a mbó nɨvwo, a ghěn a mbyi bən tɨtsɔŋnɨ a Galili; ɨwu nɨ mɨ zɛn ayi ɛ!› Ngə́ mba le, a nɨ nkən wa ma soŋnɨ a mbó bɨŋ ə.”
8Ma lan, bo tíʼ ngwaŋnɨ ndo atú a nɨshe wa nɨ nɨbɔgɨ abɔʼnɨ nɨdorɨ nə wi, ntiʼə nkɨə ngěn ɨ ghɛn kərɨ bɨyɛʼ ɨbyi ɛ.
9Yeso a vúkɨ́ mbom awa, ɨ soŋ ngə́, “Ma tɔ́ŋtə́ awɨŋ ə!” Bo kɔ́ʼ ngɛn ɨ fatɨ ayi, ngvo a mɨku zɨ, nguʼsɨ ayi ɛ. 10Yeso a sóŋ a mbó bo ngə́, “Nɨ keʼ bɔgə; ghɛnə ngɛn soŋ a mbó ɨbɔmbɨma ɨban ngə́ á bo ghɛn a Galili, ɨwu bo mɨ zɛn aghə.”
Ntsǐŋ Ɨdiʼ a Mɨ a za bo Zɛ́nə́
11Mbáʼ bəngye ba kɨ́nə́ ngěn awa lá, bɨgwe bɨ ntsǐŋ ɨdiʼ ba bə mɔʼɔ ba bɨ kɨ́nə́ ntsǐŋ atú a nɨshe za ghɛ́n a mu ntáʼmbagə wu wi wa, nkərɨ bɨntumshe bə wi nɨ ɨnu ɨtsum tsa tsɨ fúnə́. 12Bɨntumshe bə wi bómnkɨ́ bo bɨ bɨkum bɨ alaʼ nkəmnɨ; nga nkáb zɨ ngwi a mbó bɨgwe ba 13ntiʼ soŋ ngə́, “Nɨ mɨ soŋ a mbó ɨbɛn ngə́ bɨyɛʼ ɨbyi yén nɨ ɨtfúʼ ndze akfú azhi mbáʼ nɨ kɨ́nə́ ndyě ghe. 14Be məzen a ghɨ́ ngɛn fu a ntsu gobɨna, bɨgɨ mɨ zhi ɨnu tsa bɨgɨ mɨ soŋ, á anu zə tse a keʼ awən ghɨə.”
15Bɨgwe bɨ ntsǐŋ ɨdiʼ ba kwárɨ́ nkáb za nkɨ ngɨ tsɛʼ adzaŋ za bɨ tɨ́gɨ́tɨ́nɨ́ awa ghe. Ma lan, nə nɨ njalaʼ za bə Yuda tiʼnə nkərə a mbó ɨbɛn ɨ kɔʼ kuʼ ntsu sɨŋə ghe.
Yeso a Fu a Ɨshe a Ɨshi Bɨyɛʼ ɨbyi ɛ
(Mar 16:14-18; Alu 24:36-49; Yoa 20:19-23; Ɨfa 1:6-8)
16Bɨyɛʼ ba nɨghúm ntsɔb mɔ́ʼɔ́ ghɛ́n a Galili, atú ntáʼ wa Yeso a tɨ́gɨ́tɨ́nɨ́ ngə́ á bo ghɛn ɨwu lá. 17Bo ghɨnə ndzɛ́n a Yeso, nguʼsɨ ayi; lá bo bə tsɛrə mə́ŋnɨ́ ngə́ a nɨ Yeso ghe. 18Yeso a tíʼ nkɔ́ʼtɨ́ ngɛn a mbyɛn bo ɨ soŋ ngə́, “Bɨ ghanə mɨtən mɨtsum a fɔməbvurə bo atuəshe a mbó me ghe. 19Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ, 20nkə́ ndiʼnə awa ngə́ á bo ndzúʼnɨ́ ɨnu ɨtsum tsa ma tɨ́gɨ́tɨ́nɨ́ awən ɨwu ə. Ma mɨ tsi bɨgɨnə nkfu ɨtsum ɨ kɔʼ kuʼ a ndwitɨ mbyi ɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, CABTAL