Marɨkusɨ 15
15
Bɨ Lɔgɨ a Yeso Ngɛn nɨ zɨ a Ɨshi Branto ghe
(Mat 27:1-2, 11-14; Alu 23:1-5; Yoa 18:28-38)
1Tsɛʼ mbáʼ njwi byínɨ́ ndán, bɨntumshe bə wi, bɨkum abɔʼnɨ bɨdiʼ bɨ Nyɔngɔŋ nɨ Ngaŋ Saʼ abyɛn bɨtsum kɨ́ənɨ́ ngwɛm ngǒtə́, ngɨ akyaŋtɨ aza ghe. Bo kórɨ́ a Yeso, ntiʼə ntíntə́, ngɛn nga a mbó Branto ghe. 2Branto a tíʼ mbítɨ́ ayi ngə́, “O nɨ Ɨfɔ bə Yuda le?”
Yeso a chwɨ́gɨ́ ayi ngə́, “Adzaŋ za o soŋnɨ lá.”
3Bɨntumshe bə wi kə́ nkaŋə ayi mbɨ́ʼ ɨnu tsɨ ghaʼnɨ ə. 4Ma lan, Branto a kwíʼ mbítɨ́ ayi ngə́, “O so nɨ achwɨgə a ngá tsi le? Zuʼ ndvuŋ ɨnu tsa bɨ kaŋnə agho mbɨ́ʼ a tsɛrə ghe!”
5Lá Yeso a sé anu zə tse kwiʼ mbə́ sóŋə́. A tíʼ nkɨʼnɨ a Branto ghe.
Bɨ Soŋ ngə́ Yeso a Vwo Ɨsáʼ, Ntsi nɨ Nkfo ghe
(Mat 27:15-26; Alu 23:13-25; Yoa 18:39–19:16)
6A yén mbé mbɔm ngə́ a nkfu Nɨdorɨ nɨ Tsa-yɛʼnɨ, Branto a kə́ fɨ́gə́ a táʼ ŋwɔn atsáŋ wa bə Yuda bítɨ́nɨ́ wəmbo ə. 7A nkfu məwa, ŋwɔn tse wa ɨkum ɨyi bénɨ́ Barabasɨ a tsí atsáŋ bo bɨ bɨngvugɨ ndum ba bɨ zhwítɨ́nɨ́ ɨbɛn ə. 8Ɨnɔ ɨbɛn wa ghɨnə ngótɨ́ a ɨshi Branto, ɨ bíʼnɨ́ sóŋə́ ngə́ ghɨ tsɛʼ adzaŋ za o kwɛnə njwɨ́gə́ ngɨə lá. 9A bítɨ́ awa ngə́, “Nɨ lǒ ngə́ á ma fɨgɨ a Ɨfɔ bə Yuda nga nɨ bən le?” 10Wɛrə a zhí ɨ shiʼnɨ ngə́ bɨntumshe bə wi tíntɨ́ a Yeso nga nɨ zɨ lá mbɨ́ʼ aghɨʼnɨ ə.
11Lá bɨntumshe bə wi tótɨ́ ɨnɔ ɨbɛn wa ngə́ á bo soŋ á Branto a baŋnɨ fɨgɨ be a Barabasɨ a mbó bo ghe. 12Branto a bə́ nkwiʼ mbitɨ awa ngə́, “Nɨ tiʼə ndǒ ngə́ á ma ghɨ lə nɨ ŋwɔn wa nɨ tɔ́ŋnə́ ngə́ Ɨfɔ bə Yuda lá le?”
13Bo tɔ́nkɨ́ mbyigɨ wə ntsu ngə́, “Kwemtɨ ayi atɨ abaŋnɨ-baŋnɨ ə.”
14Branto a tíʼ mbítɨ́ ngə́, “Lá ɨbvu wa a ghɨnɨ a nɨ wɨŋə le?” Lá bo kwíʼ ntɔ́nkɨ́ ngɛn nɨ mbyi ngə́, “Kwemtɨ ayi atɨ abaŋnɨ-baŋnɨ ə!” 15Ma lan, mbɨ́ʼ ngə́ Branto a kə́ ndǒ ngɨə á ɨnye ɨnɔ ɨbɛn wa ɨ bɔŋ, a tíʼ fɨ́gɨ́ a Barabasɨ nga nɨ bo; ntiʼ ndəŋ a Yeso nɨ ngwan ntiʼ mbəŋ ayi nga ngə́ á bo ghɛn nkwemtə.
Bɨgwe Werɨ a Yeso ghe
(Mat 27:27-31; Yoa 19:2-3)
16Bɨgwe tíʼ ndɔgɨ ayi ngɛ́n nɨ zɨ a mu saŋntɔ́ʼ gobɨna; ntiʼ ngon akarɨ a bɨgwe aza bɨtsum ə. 17Bo tíʼ ngwə́gɨ́ atsɛʼ za a bvúrɨ́nɨ́ a mbaŋə zə atɨŋndvuŋ wə ɨnye za a fínɨ́ a zə ɨfɔ, mbáʼ ɨsáʼfɔ nɨ ndzɔŋ ndzɔŋ ngwəgɨ wu atú ə. 18Bo chwúʼ ntíʼə ngwérə́ ayi adzaŋ za bɨ kɨ́nə́ ntsaʼtə ayi tso ɨfɔ, ɨ súgɨ́ ntɔ́ʼ ɨ sóŋə́ ngə́, “Kɔʼsɨnə a Ɨfɔ bə Yuda atɨ ə!” 19Bo búʼ atú azhi nɨ mbaŋ, ntsərɨ mɨtwe wə ɨnye nkɨ ntiʼ nkwem mɨkwiʼtɨ ɨma wə ɨshi nguʼsɨ ayi a ngwerɨ zɨə. 20Bo ghɨnə mɛ́tɨ́ a ngwerɨ zɨ, ntiʼ ntsɔʼ atsɛʼ za a bvúrɨ́nɨ́ a mbaŋə lá, ntiʼ ngwəgɨ ɨchi wə ɨnye. Bo tíʼ ntíntɨ́ ayi ngɛn, ɨ ghɛn kwemtɨ ayi ɛ.
Bɨ Kwemtɨ a Yeso ghe
(Mat 27:32-44; Alu 23:26-43; Yoa 19:17-27)
21A ndómnji bo bóm a ŋwɔn wu tse wa ɨkum ɨyi bénɨ́ Samɔn ə. Samɔn məwen a ló ayi a mu alaʼ nkúŋə́ ngyíŋə́ a mu ntáʼmbagə wu wi, bɨgwe ba chwa ayi ɨ nyəm a wɛrə a byɛʼ abaŋnɨ-baŋnɨ a Yeso za. (Samɔn a bé ŋwɔn bə Sirin, mbe ta bɨ Alɛgɨsanda bo Rufusɨ ə.) 22Bɨ lɔ́gɨ́ a Yeso ngɛn nɨ zɨ a nye adiʼ za bɨ kɨ́nə́ ntɔ́ŋə́ ngə́ Gɔlgɔta (ndiʼ lá ngə́ adiʼ aghɔʼrɨ atú ə). 23Bo nyám mɨluʼ nɨ afu za a ghɨnə atú a ŋwɔn a bvurɨnə bɨ tɔŋə ngə́ maya nga ngə́ á wɛrə a no; lá a ton ayi ɛ. 24Bo tíʼ nkwemtɨ ayi atɨ abaŋnɨ-baŋnɨ, ngyɛbtɨ ɨtsɛʼ ɨchi a tɨtərɨ bo ghe. Bo máʼ ndzɔʼ taŋ ɨ zhi abagɨ atsɛʼ za táʼ ŋwɔn a mɨ ghɛn nɨ zɛrə ghe. 25A ghɨ́ mbé lá bɨnyom bi nɨbvuʼə a tənjwi mbáʼ bɨ kwémtɨ́nɨ́ ayi ɛ. 26Abagɨ azúm za bɨ ŋwáʼnɨ́nɨ́ ɨwu nkaŋ ayi, bɨ ŋwáʼnɨ́ ngə́, “Ɨfɔ bə Yuda.” 27Bɨ kɨ́ nkwemtɨ nkákɨ́ mɨzɛrə bi bɨbá bo bɨ Yeso atɨ abaŋnɨ-baŋnɨ; táʼ a bagɨ abó zɨ zə dzɨnɨ, wu mɔʼɔ a bagɨ abó zɨ zə ntə́ŋ ə. 28#15:28 Ɨŋwaʼnɨ tsɨ lvuŋ tsɨ mɔʼɔ tsa bɨ tsánɨ́ mbyi ɨ ŋwáʼnɨ́ kwiʼtɨ nkaŋ 28 ngə́ adzaŋ məwen nɨgham nɨ Ŋwi tíʼ fú a nye nkənu mbáʼ nɨ soŋnɨ ngə́, “Anu za a zɛ́nɨ́ mɨzɛrə a kɨ́ ndzɛ́n ayi ɛ” (ze Alukasɨ 22:37).
29Bɨntsatsanɨ kə́ ngwerə ayi, nchǐʼ ɨtú tsa ɨ sóŋə́ ngə́, “Təbɛ́ʼ! Gho wa o chínɨ́ kum Ndáŋwi zɨ Ngwi ɨ bə vwu atú njwi tsi tárə́, 30loŋ lá atuəmbəm azo ɨ shiʼ ɨ gha atɨ abaŋnɨ-baŋnɨ ə!”
31Ndəŋndəŋ bɨntumshe bə wi abɔʼnɨ bɨdiʼ bɨ Nyɔngɔŋ kɨ́ ngwerɨ ayi ɨ sóŋə́ ngə́, “A lóŋ ɨbɛn bə daŋ ə; a chi keʼ atuəmbəm azhi loŋə! 32A bɨgɨnə ze a Wa bɨ Zɔ́ʼnɨ́, Ɨfɔ bə Izrai, á shiʼ atɨ abaŋnɨ-baŋnɨ tɨtsɔŋnɨ, bɨgɨnə mɨ tiʼ nɨŋ mɨntəm ɨmɨgɨnə wə ɨnye!”
Ɨbɛn ba bi bɨbá ba bɨ kwémtɨ́nɨ́ awa bo bɨ Yeso lá kɨ́ ndzɔm ayi ɛ.
Adzaŋ za Yeso a Kfónə́
(Mat 27:45-56; Alu 23:44-49; Yoa 19:28-30)
33Nyom a ghɨnə ntə́nɨ́, ndzumnɨ ɨ bɔm ɨdiʼ, nkubɨnɨ alaʼ za atsum nkɔʼ nkuʼ bɨnyom bɨtárə́ a ndzəŋ nyom ə. 34A nye bɨnyom bɨtárə́ a ndzəŋ nyom, Yeso a búgɨ́ nɨ nji zɨ ntən ngə́, “Elɔi, Elɔi, lama sabaktani?” ndiʼ ngə́, “Ŋwi ɨghan, Ŋwi ɨghan, o nyɛʼ aghan lá mbɨ́ʼ ake le?”
35Ɨbɛn bə tse ba bɨ tsínɨ́ ɨwu ndzuʼ bɨ sóŋ ngə́, “Zuʼnə, a tɔŋə Alaja ghe.” 36Táʼ ŋwɔn nɨbo a kórɨ́ a kuncha atú atɨ, ndɛrɨkɨ ntsub a mu tɨntsɛgɨ mɨluʼ, nkɔʼsɨ wə ntsu ngə́ á no, ɨ soŋ ngə́, “Tɛmnə! A bɨgɨnə zɛn ngə́ Alaja a mɨ yen shiʼsɨ ayi atɨ abaŋnɨ-baŋnɨ zen kə ngáŋ ə!”
37Yeso a búgɨ́ nɨ nji zɨ ntən, ntiʼ ntsəmə.
38Abagɨ atsɛʼ zə nkwasə za a tsínɨ́ a mu Ndáŋwi zɨ Ngwi a wánɨ́ ɨbagɨ tsi bá ndɔgɨnɨ atú ɨ shiʼ nkuʼ a shwúrɨ́ ə. 39Tantso bɨgwe nkɨ wu fɨgɨnɨ mbáʼ a tɛ́mnɨ́ wə ɨshi ndyiŋə adzaŋ za a kfónɨ́#15:39 Ɨŋwaʼnɨ tsɨ lvuŋ tsɨ mɔʼɔ tsa bɨ tsánɨ́ mbyi ɨ ŋwaʼnɨ soŋ be ngə́, “Adzaŋ za a búgɨ́nɨ́ ntiʼ nkfóə.” a sóŋ ngə́, “Tsɛʼ a nkənu, ŋwɔn wɛnə a bé Mɔn Ŋwi ə!”
40Bəngye bə tse kɨ́ ntsí ɨwu, ntɛm nəghagɨ ndyíŋə́ ghe. A tɨtərɨ bo a tsí Mɛrɨ Matarɨna, Salome abɔʼnɨ Mɛrɨ nɨmi bɨ Jemsɨ mánkɨ́ə bo Yosɛb ə. 41Bo kə́ ndzɔŋə a Yeso, nkwátə́ ayi nchwuʼnɨ a Galili ə. Bəngye bə mɔʼɔ bə ghaʼnɨ ba bɨ zɔ́ŋnɨ́ a wɛrə ɨ shiʼ ngyen nkon a Yerosalɛm kɨ́ ntsí ɨwu ə.
Adzaŋ za Bɨ Twə́ŋnɨ́ a Yeso ghe
(Mat 27:57-61; Alu 23:50-56; Yoa 19:38-42)
42A ghɨnə mbé a nkwɛfɔ, mbáʼ a bénɨ́ njwi akyaŋtɨ, bɔŋ á njwi ɨ lán a nye Njwi Alaʼ Ŋwi lá, 43Yosɛb ŋwɔn Arimatia wa a bénɨ́ táʼ ŋwɔn Ngaŋ Sáʼ Abyɛn nkɨ mbə mbe ŋwɔn wa bɨ kɨ́nə́ ndǐʼ mbɔm zɨ shiʼnɨ wəmbo, wa a kɨ́nə́ ntsǐŋ Nɨfɔ nɨ Ŋwi, a kórɨ́ ntəm ngɛn a mbó Branto, mbitɨ akfú a Yeso wəmbo ə. 44A kɨ́ʼnɨ́ a Branto mbáʼ wɛrə a zúʼnɨ́ ngə́ Yeso a kfónə ghe. Wɛrə a tíʼ ntɔ́ŋ a tantso bɨgwe nkɨ wu fɨgɨnɨ wa, mbitɨ ayi ngə́ abaŋ a ságɨ́nə́ mbáʼ Yeso a kfónə́ le. 45A ghɨnə ndzúʼ a ntsu tantso bɨgwe nkɨ wu fɨgɨnɨ wa ngə́ a kfónə́, ntiʼ nga akfú za a mbó Yosɛb ə. 46Yosɛb a zón abó atsɛʼ zə fú, ɨ shiʼsɨ akfú za, ndwɛrɨ ɨwu, ntiʼ ntwəŋ a mu nɨshe na nɨ bénɨ́ ɨfúʼ wa bɨ tóŋnɨ́ a mu aláŋsə́ ngɔʼ ə. Wɛrə a tíʼ mbɨ́ŋsɨ́ ngɔʼ nkubɨnɨ ntsu nɨshe wa ɨwu ə. 47Mɛrɨ Matarɨna bo Mɛrɨ nɨmi bɨ Yosɛb, bo zɛ́n adiʼ za bɨ nyɔ́ŋnɨ́ akfú a Yeso ɨwu ə.
Currently Selected:
Marɨkusɨ 15: MNT
Highlight
Share
Copy
Want to have your highlights saved across all your devices? Sign up or sign in
© 2023, CABTAL
Marɨkusɨ 15
15
Bɨ Lɔgɨ a Yeso Ngɛn nɨ zɨ a Ɨshi Branto ghe
(Mat 27:1-2, 11-14; Alu 23:1-5; Yoa 18:28-38)
1Tsɛʼ mbáʼ njwi byínɨ́ ndán, bɨntumshe bə wi, bɨkum abɔʼnɨ bɨdiʼ bɨ Nyɔngɔŋ nɨ Ngaŋ Saʼ abyɛn bɨtsum kɨ́ənɨ́ ngwɛm ngǒtə́, ngɨ akyaŋtɨ aza ghe. Bo kórɨ́ a Yeso, ntiʼə ntíntə́, ngɛn nga a mbó Branto ghe. 2Branto a tíʼ mbítɨ́ ayi ngə́, “O nɨ Ɨfɔ bə Yuda le?”
Yeso a chwɨ́gɨ́ ayi ngə́, “Adzaŋ za o soŋnɨ lá.”
3Bɨntumshe bə wi kə́ nkaŋə ayi mbɨ́ʼ ɨnu tsɨ ghaʼnɨ ə. 4Ma lan, Branto a kwíʼ mbítɨ́ ayi ngə́, “O so nɨ achwɨgə a ngá tsi le? Zuʼ ndvuŋ ɨnu tsa bɨ kaŋnə agho mbɨ́ʼ a tsɛrə ghe!”
5Lá Yeso a sé anu zə tse kwiʼ mbə́ sóŋə́. A tíʼ nkɨʼnɨ a Branto ghe.
Bɨ Soŋ ngə́ Yeso a Vwo Ɨsáʼ, Ntsi nɨ Nkfo ghe
(Mat 27:15-26; Alu 23:13-25; Yoa 18:39–19:16)
6A yén mbé mbɔm ngə́ a nkfu Nɨdorɨ nɨ Tsa-yɛʼnɨ, Branto a kə́ fɨ́gə́ a táʼ ŋwɔn atsáŋ wa bə Yuda bítɨ́nɨ́ wəmbo ə. 7A nkfu məwa, ŋwɔn tse wa ɨkum ɨyi bénɨ́ Barabasɨ a tsí atsáŋ bo bɨ bɨngvugɨ ndum ba bɨ zhwítɨ́nɨ́ ɨbɛn ə. 8Ɨnɔ ɨbɛn wa ghɨnə ngótɨ́ a ɨshi Branto, ɨ bíʼnɨ́ sóŋə́ ngə́ ghɨ tsɛʼ adzaŋ za o kwɛnə njwɨ́gə́ ngɨə lá. 9A bítɨ́ awa ngə́, “Nɨ lǒ ngə́ á ma fɨgɨ a Ɨfɔ bə Yuda nga nɨ bən le?” 10Wɛrə a zhí ɨ shiʼnɨ ngə́ bɨntumshe bə wi tíntɨ́ a Yeso nga nɨ zɨ lá mbɨ́ʼ aghɨʼnɨ ə.
11Lá bɨntumshe bə wi tótɨ́ ɨnɔ ɨbɛn wa ngə́ á bo soŋ á Branto a baŋnɨ fɨgɨ be a Barabasɨ a mbó bo ghe. 12Branto a bə́ nkwiʼ mbitɨ awa ngə́, “Nɨ tiʼə ndǒ ngə́ á ma ghɨ lə nɨ ŋwɔn wa nɨ tɔ́ŋnə́ ngə́ Ɨfɔ bə Yuda lá le?”
13Bo tɔ́nkɨ́ mbyigɨ wə ntsu ngə́, “Kwemtɨ ayi atɨ abaŋnɨ-baŋnɨ ə.”
14Branto a tíʼ mbítɨ́ ngə́, “Lá ɨbvu wa a ghɨnɨ a nɨ wɨŋə le?” Lá bo kwíʼ ntɔ́nkɨ́ ngɛn nɨ mbyi ngə́, “Kwemtɨ ayi atɨ abaŋnɨ-baŋnɨ ə!” 15Ma lan, mbɨ́ʼ ngə́ Branto a kə́ ndǒ ngɨə á ɨnye ɨnɔ ɨbɛn wa ɨ bɔŋ, a tíʼ fɨ́gɨ́ a Barabasɨ nga nɨ bo; ntiʼ ndəŋ a Yeso nɨ ngwan ntiʼ mbəŋ ayi nga ngə́ á bo ghɛn nkwemtə.
Bɨgwe Werɨ a Yeso ghe
(Mat 27:27-31; Yoa 19:2-3)
16Bɨgwe tíʼ ndɔgɨ ayi ngɛ́n nɨ zɨ a mu saŋntɔ́ʼ gobɨna; ntiʼ ngon akarɨ a bɨgwe aza bɨtsum ə. 17Bo tíʼ ngwə́gɨ́ atsɛʼ za a bvúrɨ́nɨ́ a mbaŋə zə atɨŋndvuŋ wə ɨnye za a fínɨ́ a zə ɨfɔ, mbáʼ ɨsáʼfɔ nɨ ndzɔŋ ndzɔŋ ngwəgɨ wu atú ə. 18Bo chwúʼ ntíʼə ngwérə́ ayi adzaŋ za bɨ kɨ́nə́ ntsaʼtə ayi tso ɨfɔ, ɨ súgɨ́ ntɔ́ʼ ɨ sóŋə́ ngə́, “Kɔʼsɨnə a Ɨfɔ bə Yuda atɨ ə!” 19Bo búʼ atú azhi nɨ mbaŋ, ntsərɨ mɨtwe wə ɨnye nkɨ ntiʼ nkwem mɨkwiʼtɨ ɨma wə ɨshi nguʼsɨ ayi a ngwerɨ zɨə. 20Bo ghɨnə mɛ́tɨ́ a ngwerɨ zɨ, ntiʼ ntsɔʼ atsɛʼ za a bvúrɨ́nɨ́ a mbaŋə lá, ntiʼ ngwəgɨ ɨchi wə ɨnye. Bo tíʼ ntíntɨ́ ayi ngɛn, ɨ ghɛn kwemtɨ ayi ɛ.
Bɨ Kwemtɨ a Yeso ghe
(Mat 27:32-44; Alu 23:26-43; Yoa 19:17-27)
21A ndómnji bo bóm a ŋwɔn wu tse wa ɨkum ɨyi bénɨ́ Samɔn ə. Samɔn məwen a ló ayi a mu alaʼ nkúŋə́ ngyíŋə́ a mu ntáʼmbagə wu wi, bɨgwe ba chwa ayi ɨ nyəm a wɛrə a byɛʼ abaŋnɨ-baŋnɨ a Yeso za. (Samɔn a bé ŋwɔn bə Sirin, mbe ta bɨ Alɛgɨsanda bo Rufusɨ ə.) 22Bɨ lɔ́gɨ́ a Yeso ngɛn nɨ zɨ a nye adiʼ za bɨ kɨ́nə́ ntɔ́ŋə́ ngə́ Gɔlgɔta (ndiʼ lá ngə́ adiʼ aghɔʼrɨ atú ə). 23Bo nyám mɨluʼ nɨ afu za a ghɨnə atú a ŋwɔn a bvurɨnə bɨ tɔŋə ngə́ maya nga ngə́ á wɛrə a no; lá a ton ayi ɛ. 24Bo tíʼ nkwemtɨ ayi atɨ abaŋnɨ-baŋnɨ, ngyɛbtɨ ɨtsɛʼ ɨchi a tɨtərɨ bo ghe. Bo máʼ ndzɔʼ taŋ ɨ zhi abagɨ atsɛʼ za táʼ ŋwɔn a mɨ ghɛn nɨ zɛrə ghe. 25A ghɨ́ mbé lá bɨnyom bi nɨbvuʼə a tənjwi mbáʼ bɨ kwémtɨ́nɨ́ ayi ɛ. 26Abagɨ azúm za bɨ ŋwáʼnɨ́nɨ́ ɨwu nkaŋ ayi, bɨ ŋwáʼnɨ́ ngə́, “Ɨfɔ bə Yuda.” 27Bɨ kɨ́ nkwemtɨ nkákɨ́ mɨzɛrə bi bɨbá bo bɨ Yeso atɨ abaŋnɨ-baŋnɨ; táʼ a bagɨ abó zɨ zə dzɨnɨ, wu mɔʼɔ a bagɨ abó zɨ zə ntə́ŋ ə. 28#15:28 Ɨŋwaʼnɨ tsɨ lvuŋ tsɨ mɔʼɔ tsa bɨ tsánɨ́ mbyi ɨ ŋwáʼnɨ́ kwiʼtɨ nkaŋ 28 ngə́ adzaŋ məwen nɨgham nɨ Ŋwi tíʼ fú a nye nkənu mbáʼ nɨ soŋnɨ ngə́, “Anu za a zɛ́nɨ́ mɨzɛrə a kɨ́ ndzɛ́n ayi ɛ” (ze Alukasɨ 22:37).
29Bɨntsatsanɨ kə́ ngwerə ayi, nchǐʼ ɨtú tsa ɨ sóŋə́ ngə́, “Təbɛ́ʼ! Gho wa o chínɨ́ kum Ndáŋwi zɨ Ngwi ɨ bə vwu atú njwi tsi tárə́, 30loŋ lá atuəmbəm azo ɨ shiʼ ɨ gha atɨ abaŋnɨ-baŋnɨ ə!”
31Ndəŋndəŋ bɨntumshe bə wi abɔʼnɨ bɨdiʼ bɨ Nyɔngɔŋ kɨ́ ngwerɨ ayi ɨ sóŋə́ ngə́, “A lóŋ ɨbɛn bə daŋ ə; a chi keʼ atuəmbəm azhi loŋə! 32A bɨgɨnə ze a Wa bɨ Zɔ́ʼnɨ́, Ɨfɔ bə Izrai, á shiʼ atɨ abaŋnɨ-baŋnɨ tɨtsɔŋnɨ, bɨgɨnə mɨ tiʼ nɨŋ mɨntəm ɨmɨgɨnə wə ɨnye!”
Ɨbɛn ba bi bɨbá ba bɨ kwémtɨ́nɨ́ awa bo bɨ Yeso lá kɨ́ ndzɔm ayi ɛ.
Adzaŋ za Yeso a Kfónə́
(Mat 27:45-56; Alu 23:44-49; Yoa 19:28-30)
33Nyom a ghɨnə ntə́nɨ́, ndzumnɨ ɨ bɔm ɨdiʼ, nkubɨnɨ alaʼ za atsum nkɔʼ nkuʼ bɨnyom bɨtárə́ a ndzəŋ nyom ə. 34A nye bɨnyom bɨtárə́ a ndzəŋ nyom, Yeso a búgɨ́ nɨ nji zɨ ntən ngə́, “Elɔi, Elɔi, lama sabaktani?” ndiʼ ngə́, “Ŋwi ɨghan, Ŋwi ɨghan, o nyɛʼ aghan lá mbɨ́ʼ ake le?”
35Ɨbɛn bə tse ba bɨ tsínɨ́ ɨwu ndzuʼ bɨ sóŋ ngə́, “Zuʼnə, a tɔŋə Alaja ghe.” 36Táʼ ŋwɔn nɨbo a kórɨ́ a kuncha atú atɨ, ndɛrɨkɨ ntsub a mu tɨntsɛgɨ mɨluʼ, nkɔʼsɨ wə ntsu ngə́ á no, ɨ soŋ ngə́, “Tɛmnə! A bɨgɨnə zɛn ngə́ Alaja a mɨ yen shiʼsɨ ayi atɨ abaŋnɨ-baŋnɨ zen kə ngáŋ ə!”
37Yeso a búgɨ́ nɨ nji zɨ ntən, ntiʼ ntsəmə.
38Abagɨ atsɛʼ zə nkwasə za a tsínɨ́ a mu Ndáŋwi zɨ Ngwi a wánɨ́ ɨbagɨ tsi bá ndɔgɨnɨ atú ɨ shiʼ nkuʼ a shwúrɨ́ ə. 39Tantso bɨgwe nkɨ wu fɨgɨnɨ mbáʼ a tɛ́mnɨ́ wə ɨshi ndyiŋə adzaŋ za a kfónɨ́#15:39 Ɨŋwaʼnɨ tsɨ lvuŋ tsɨ mɔʼɔ tsa bɨ tsánɨ́ mbyi ɨ ŋwaʼnɨ soŋ be ngə́, “Adzaŋ za a búgɨ́nɨ́ ntiʼ nkfóə.” a sóŋ ngə́, “Tsɛʼ a nkənu, ŋwɔn wɛnə a bé Mɔn Ŋwi ə!”
40Bəngye bə tse kɨ́ ntsí ɨwu, ntɛm nəghagɨ ndyíŋə́ ghe. A tɨtərɨ bo a tsí Mɛrɨ Matarɨna, Salome abɔʼnɨ Mɛrɨ nɨmi bɨ Jemsɨ mánkɨ́ə bo Yosɛb ə. 41Bo kə́ ndzɔŋə a Yeso, nkwátə́ ayi nchwuʼnɨ a Galili ə. Bəngye bə mɔʼɔ bə ghaʼnɨ ba bɨ zɔ́ŋnɨ́ a wɛrə ɨ shiʼ ngyen nkon a Yerosalɛm kɨ́ ntsí ɨwu ə.
Adzaŋ za Bɨ Twə́ŋnɨ́ a Yeso ghe
(Mat 27:57-61; Alu 23:50-56; Yoa 19:38-42)
42A ghɨnə mbé a nkwɛfɔ, mbáʼ a bénɨ́ njwi akyaŋtɨ, bɔŋ á njwi ɨ lán a nye Njwi Alaʼ Ŋwi lá, 43Yosɛb ŋwɔn Arimatia wa a bénɨ́ táʼ ŋwɔn Ngaŋ Sáʼ Abyɛn nkɨ mbə mbe ŋwɔn wa bɨ kɨ́nə́ ndǐʼ mbɔm zɨ shiʼnɨ wəmbo, wa a kɨ́nə́ ntsǐŋ Nɨfɔ nɨ Ŋwi, a kórɨ́ ntəm ngɛn a mbó Branto, mbitɨ akfú a Yeso wəmbo ə. 44A kɨ́ʼnɨ́ a Branto mbáʼ wɛrə a zúʼnɨ́ ngə́ Yeso a kfónə ghe. Wɛrə a tíʼ ntɔ́ŋ a tantso bɨgwe nkɨ wu fɨgɨnɨ wa, mbitɨ ayi ngə́ abaŋ a ságɨ́nə́ mbáʼ Yeso a kfónə́ le. 45A ghɨnə ndzúʼ a ntsu tantso bɨgwe nkɨ wu fɨgɨnɨ wa ngə́ a kfónə́, ntiʼ nga akfú za a mbó Yosɛb ə. 46Yosɛb a zón abó atsɛʼ zə fú, ɨ shiʼsɨ akfú za, ndwɛrɨ ɨwu, ntiʼ ntwəŋ a mu nɨshe na nɨ bénɨ́ ɨfúʼ wa bɨ tóŋnɨ́ a mu aláŋsə́ ngɔʼ ə. Wɛrə a tíʼ mbɨ́ŋsɨ́ ngɔʼ nkubɨnɨ ntsu nɨshe wa ɨwu ə. 47Mɛrɨ Matarɨna bo Mɛrɨ nɨmi bɨ Yosɛb, bo zɛ́n adiʼ za bɨ nyɔ́ŋnɨ́ akfú a Yeso ɨwu ə.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, CABTAL