ယ︀ေႃးꩭၢꩫ︀် 12
12
လ︀ွင︀်ႈတ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ၢက︀်ႉမ︀ꩫ︀်းꩭွမ︀်
(မ︀တ︀်တ︀ႄး 26.6-13; မ︀ႃက︀ု 14.3-9)
1မ︀ိူဝ်ႈပ︀ွႆ︀းပ︀ူꩫ︀်ႇလ︀ွတ︀်ႉတ︀ီထိုင︀်ꩡ︀မ︀်ႈꩬ︀ီ ꩭူက︀်ဝꩫ︀်းꩭၢင︀်ႇꩫ︀ႆ︀ႇ ꩡ︀ဝ်ႛယ︀ေꩬ︀ု မ︀ၢꩫ︀်ႛၿေတ︀ꩫ︀ိ ဢ︀ꩫ︀်ႈလ︀ႃꩡ︀ရ︀ုဢ︀ူမ︀ႆ︀ႛက︀ႃဢ︀ူ။ လ︀ႃꩡ︀ရ︀ုယ︀ႃႇ က︀ူဝ်ႇဢ︀ꩫ︀်ႈတ︀ႆ︀ၢႈက︀ႃꩬ︀ီ ꩡ︀ဝ်ႛယ︀ေꩬ︀ုဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛမ︀ႃးꩫ︀ႆ︀ႇꩫ︀မ︀်။ 2မ︀ိူဝ်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ႆ︀းက︀ူဝ်ႇမ︀ꩫ︀်းꩡ︀ဝ်ႛၵ︀ဝ်လ︀ီင︀်ႇၵ︀ဝ်ႛပ︀ၢင︀်ႛၵ︀မ︀်ႈꩫ︀ႆ︀ႇ မ︀ႃႈထႃးယ︀ႃႇမ︀ိုင︀်ႇꩭႂ်ႛဢ︀ူ။ လ︀ႃꩡ︀ရ︀ုက︀ေႃႇ တ︀င︀်းꩡ︀ဝ်ႛယ︀ေꩬ︀ုၵ︀ဝ် ꩭူမ︀်ႈက︀ိꩫ︀်ႈဢ︀ူ။ 3မ︀ိူဝ်ႈဢ︀မ︀ႂ်း မ︀ေရ︀ီယ︀ႃႇ မ︀ꩫ︀်းꩭွမ︀်ꩫ︀ႃၻုꩡ︀ႅတ︀်ႉꩰ ဢ︀ꩫ︀်ႈၵ︀ꩫ︀်ယ︀ႂ်လ︀ူင︀်ꩫ︀ႆ︀ႇ တ︀င︀်းတ︀ဝ်ႛဢ︀ဝ်ႈꩬ︀ီ တ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛလ︀ူဝ်ယ︀ဝ်ႇက︀ီး ဢ︀ဝ်ႈၸ︀ူမ︀်မ︀ꩫ︀်းꩡ︀ဝ်ႛꩡ︀ီတ︀်ႉꩭႂ်ႛဢ︀ူ။ ဢ︀ႆ︀ၢႈမ︀ꩫ︀်းꩭွမ︀်ဢ︀မ︀ႂ်းယ︀ႃႇ တ︀င︀်းꩭိူꩫ︀်းမ︀ႆ︀ႛꩭွမ︀်ꩭီင︀်းꩰဢ︀ူ။ 4ꩫ︀ႆ︀ႇꩫ︀က︀ေႃႇ ꩫ︀ႂ်းတ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ယ︀ုတ︀ꩬ︀က︀ႃရ︀ုတ︀်ꩫ︀ꩫ︀ႆ︀ႇ က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ီၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇယ︀ႃႇ 5“က︀ႃႊ တ︀ႃႇတ︀ီင︀ႆ︀းယ︀ႃႇ မ︀ꩫ︀်းꩭွမ︀်ဢ︀မ︀ႂ်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႇပ︀ꩫ︀်ႈꩭႂ်ႛက︀ႃလ︀ႃး။ ဢ︀မ︀ႂ်း ၵ︀ꩫ︀်ꩬ︀ၢမ︀်ပ︀ၢက︀်ၻေꩫ︀ႃရ︀ိတ︀မ︀ိူင︀်းယ︀င︀်းက︀ေႃႇ” ꩫ︀ဝꩫ︀်ႇ။ 6မ︀ꩫ︀်းဝႃႈင︀ႆ︀းꩫ︀ႆ︀ႇယ︀ႃႇ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈတ︀ေႇတ︀ေႇꩬ︀ီꩵ︀ႈꩡ︀ႂ်ႈ။ မ︀ꩫ︀်းၸ︀ူႛꩡ︀ဝ်ႛပ︀ီꩫ︀်ႈၸ︀ူႛလ︀ၢက︀်ႉꩬ︀ီꩫ︀မ︀်။ မ︀ꩫ︀်းယ︀ႃႇ ပ︀ၢက︀်ႉထူင︀်င︀ိူꩫ︀်းၸ︀ုင︀်ꩬ︀ီ လ︀ုက︀်ႉထူင︀်င︀ိူꩫ︀်းမ︀ႆ︀ႛ လ︀ၢက︀်ႉꩰꩬ︀ီတ︀ိုဝ်းင︀ႆ︀းꩫ︀မ︀်။ 7ꩡ︀ဝ်ႛယ︀ေꩬ︀ုယ︀ႃႇ “ꩭႂ်ႛဢ︀ူက︀ွတ︀်။ မ︀ꩫ︀်းꩭီတ︀်င︀ႆ︀းꩫ︀ႆ︀ႇ ဢ︀ꩫ︀်ႈမ︀ေးꩭႅမ︀်းꩡ︀ႃႇၸ︀င︀်က︀ဝ်ႈꩫ︀မ︀်။ 8ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇတ︀ႆ︀ၢႛꩬ︀ူမ︀ႆ︀ႛယ︀င︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇတ︀င︀်းꩬ︀ူ မ︀ိူဝ်ႈလ︀ႂ်ႈက︀ေႃႇ တ︀ီဢ︀ူက︀ꩫ︀်ႈꩬ︀ူꩵ︀ႈꩡ︀ႂ်ႈ” ꩫ︀ဝꩫ︀်ႇ။
လ︀ွင︀်ႈလ︀ႃꩡ︀ရ︀ုမ︀ႆ︀ႛက︀ႅမ︀်တ︀ႆ︀ၢႈ
9ꩡ︀ဝ်ႛယ︀ေꩬ︀ု မ︀ၢꩫ︀်ႛၿေတ︀ꩫ︀ိမ︀ႆ︀ႛထိုင︀်မ︀ႃးယ︀ဝ်ႇꩫ︀ꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်း လ︀ႃꩡ︀ရ︀ုဢ︀ꩫ︀်ႈမ︀ꩫ︀်းꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးမ︀ႆ︀ႛတ︀မ︀ိူင︀်းၵ︀ႂ်ႈꩭꩫ︀်ꩬ︀ီ တ︀င︀်းၸ︀ုင︀်တ︀င︀်းꩡ︀ေႈမ︀ႃးက︀ꩫ︀်ႈဢ︀ူ။ 10-11က︀ွပ︀်ႉပ︀ိူဝ်ႈလ︀ႃꩡ︀ရ︀ုꩬ︀ီ က︀ျူးꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်မ︀ႆ︀ႛပ︀ႆ︀ၵ︀ွတ︀်ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩬ︀ိုင︀် ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ င︀ႆ︀းꩬ︀ီ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ လ︀ႃꩡ︀ရ︀ုမ︀ႆ︀ႛတ︀မ︀ိူင︀်းက︀ေႃႇ က︀ႅမ︀်တ︀ႆ︀ၢႈက︀ꩫ︀်ႈဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ုၵ︀ဝ်ႛဝီင︀်းယ︀ေရ︀ုꩬ︀လ︀ိမ︀်
(မ︀တ︀်တ︀ႄး 21.1-11; မ︀ႃက︀ု 11.1-11; လ︀ုက︀ႃ 19.28-40)
12ꩫ︀င︀်မ︀ိူဝ်ႈꩭုက︀်ႉ က︀ူꩫ︀်းဢ︀ꩫ︀်ႈမ︀ႃးပ︀ွႆ︀းပ︀ူꩫ︀်ႇလ︀ွတ︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ꩡ︀ဝ်ႛယ︀ေꩬ︀ု တ︀ီက︀ျွႃးမ︀ႃးဝီင︀်းယ︀ေရ︀ုꩬ︀လ︀ိမ︀်ꩫ︀မ︀်ꩫ︀ꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး 13ၵ︀ႃႈꩡ︀ူꩫ︀်ပ︀လ︀ူꩫ︀် ꩫ︀ႆ︀ႇၵ︀ဝ်တ︀ိုဝ်းင︀ႆ︀း မ︀ꩫ︀်းꩡ︀ဝ်ႛမ︀ႆ︀ႛက︀ႃက︀ꩫ︀်ႈꩬ︀ီ “ꩭေလ︀ိူဝ်း ꩭေလ︀ႃး မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈလ︀ိူဝ်း။ ꩡ︀ဝ်ႛဢ︀ꩫ︀်ႈတ︀ၢင︀်ႈတ︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ျွႃးမ︀ႃးꩫ︀ႆ︀ႇ မ︀ၢင︀်က︀လ︀ႃꩭႂ်ႛယ︀င︀်းတ︀ီၵ︀ႃႛက︀ႃတ︀ႃႉ။ ꩡ︀ဝ်ႛꩭူဝ်ၵ︀မ︀်းဢ︀ီတ︀်ꩬ︀ြေးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ူင︀်ႈဢ︀က︀ိဝ်းက︀ႃတ︀ႃႉ။ ꩭေလ︀ိူဝ်း ꩭေလ︀ႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။
14-15“ဝီင︀်းယ︀ေရ︀ုꩬ︀လ︀ိမ︀်ꩴ︀း က︀ꩬ︀င︀်မ︀ႆ︀ႛက︀ေႃႇပ︀ီက︀ူဝ်ႈ။ ꩡ︀ဝ်ႛꩭူဝ်ၵ︀မ︀်းမ︀ႂ်း မ︀ႃႇလ︀ူဝ်ႇဢ︀ွꩫ︀်ၵ︀ီꩬ︀ီ က︀ျွႃးမ︀ႃးယ︀ဝ်ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုက︀ေႃႇ မ︀ႃႇလ︀ူဝ်ႇဢ︀ွꩫ︀်တ︀ူဝ်ႈလ︀ိူင︀်ႈꩫ︀ႆ︀ႛꩬ︀ီ ၵ︀ီမ︀ႃးဢ︀ူ။ 16မ︀ိူဝ်ႈဢ︀မ︀ႂ်း တ︀ပ︀ေးꩡ︀ဝ်ႛၵ︀ဝ်ယ︀ႃႇ ၵ︀ူဝ်ႛက︀ျမ︀်းလ︀ိက︀်ႉဢ︀မ︀ႂ်း ꩵ︀ႈပ︀ွင︀်ꩡ︀ႂ်ႈမ︀ႃး။ ꩡ︀ဝ်ႛယ︀ေꩬ︀ု လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးက︀ႃꩫ︀ႆ︀ႇꩬ︀င︀် ၵ︀ူဝ်ႛက︀ျမ︀်းလ︀ိက︀်ႉဢ︀မ︀ႂ်း ဢ︀ꩫ︀်ႈၿျႃၻိက︀်ႉလ︀ွင︀်ႈꩡ︀ဝ်ႛယ︀ေꩬ︀ုꩫ︀မ︀်ꩫ︀ꩫ︀ႆ︀ႇလ︀ိူင︀်ႈ၊ ꩫ︀င︀်ၿျႃၻိက︀်ႉဢ︀မ︀ႂ်းꩫ︀က︀ꩫ︀်ႈ ပ︀ၢင︀်ႈꩫ︀ႃႛၵ︀ဝ်ၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးတ︀ေႇတ︀ေႇယ︀ဝ်ႇꩫ︀ꩫ︀ႆ︀ႇလ︀ိူင︀်ႈ ဢ︀ွက︀်ꩡ︀ႂ်ႈမ︀ႃးက︀ꩫ︀်ႈဢ︀ူ။ 17မ︀ိူဝ်ႈꩡ︀ဝ်ႛယ︀ေꩬ︀ု လ︀ႃꩡ︀ရ︀ုမ︀ႆ︀ႛ လ︀ုက︀်ႉထမ︀်ႛပ︀ႃꩡ︀ႃႇမ︀ႆ︀ႛꩭွင︀်ႇဢ︀ွက︀်ꩬ︀ီ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ၸ︀ူႛဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းဢ︀မ︀ႂ်းၵ︀ဝ် ပ︀ိူꩫ︀်ႈမ︀ႆ︀ႛက︀ႃၵ︀ႆ︀ႈလ︀ေဢ︀ူ။ 18င︀ႆ︀းꩬ︀ီ ၸ︀ူႛဢ︀ꩫ︀်ႈꩫ︀ႆ︀ႛꩥ︀ိꩫ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ႆ︀က︀ꩫ︀်ႈꩬ︀ီမ︀ႃးမ︀ꩫ︀မ︀်။ 19ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ “ဢ︀ေး ꩭဝ်းယ︀ႃႇ ꩬ︀ုမ︀်းယ︀ဝ်ႇ။ ꩡ︀ဝ်ႛတ︀င︀်းၸ︀ႃႇ ꩡ︀ွမ︀်းꩭၢင︀်မ︀ꩫ︀်းက︀ႃမ︀ူတ︀်ယ︀ဝ်ႇꩫ︀ေႃး” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။
လ︀ွင︀်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ၵ︀ႃꩡ︀ဝ်ႛယ︀ေꩬ︀ု
20ꩫ︀ႂ်းၸ︀ုင︀်က︀ူꩫ︀်းဢ︀ꩫ︀်ႈက︀ႃဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀မ︀်ႈၸ︀ွင︀်းလ︀ွေႛဢ︀ူ။ ၵ︀ဝ်ယ︀ႃႇ ဝူင︀်ႈပ︀ွႆ︀းပ︀ူꩫ︀်ႇလ︀ွတ︀်ႉမ︀ႆ︀ႛ က︀ႃဝႆ︀ႈၸ︀ြႃးꩫ︀မ︀်။ 21ၵ︀ဝ်ယ︀ႃႇ ၸ︀ိလ︀ိပ︀် က︀ူꩫ︀်းတ︀ိူင︀်းက︀ႃလ︀ိလ︀ႄ၊ ဝီင︀်းပ︀ႅတ︀်ꩡ︀ႄးတ︀) မ︀ႆ︀ႛက︀ႃꩬ︀ီ “တ︀ႆ︀းက︀ူဝ်ႇꩴ︀း ꩡ︀ဝ်ႛယ︀ေꩬ︀ုမ︀ႆ︀ႛ တ︀ူႈၵ︀ႂ်ႈꩭꩫ︀်ဢ︀ူ” ꩫ︀ဝꩫ︀်ႇ။ 22ၸ︀ိလ︀ိပ︀်က︀ေႃႇ ဢ︀ꩫ︀်တ︀ြေမ︀ႆ︀ႛက︀ႃၵ︀ႆ︀ႈင︀ႆ︀း ꩬ︀ွင︀်ၵ︀ႃတ︀င︀်းꩬ︀ွင︀် ꩡ︀ဝ်ႛယ︀ေꩬ︀ုမ︀ႆ︀ႛက︀ႃꩬ︀ီ လ︀ွင︀်ႈဢ︀မ︀ႂ်းက︀ႃꩬ︀ွက︀်ႉဢ︀ူ။ 23ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း မ︀ူꩫ︀်ႈၸ︀ုင︀်းလ︀ူင︀် တ︀ီꩫ︀ႆ︀ႛꩭၢပ︀်ႉယ︀ဝ်ႇ။ 24က︀ဝ်ႈꩬ︀ိုဝ်ႈꩰဝႃႈက︀ွတ︀်။ ꩭွေၸ︀ꩫ︀်းꩫ︀ꩫ︀ႆ︀ႇယ︀ႃႇ မ︀ဝ်တ︀ူက︀်ꩫ︀ိꩫ︀်ႈ၊ မ︀ဝ်ၸ︀ေႛက︀ီး မ︀ိတ︀်ႉလ︀ိူင︀်ႈမ︀ႆ︀ႛလ︀ိူဝ်ꩬ︀ီ ꩵ︀ႈꩫ︀မ︀်မ︀ႃး။ ၸ︀ေႛက︀ႃက︀ီးꩬ︀ိုင︀် လ︀ုက︀်ႉမ︀က︀်ဢ︀ၢꩫ︀်တ︀ၢꩫ︀်ပ︀ီꩫ︀်ႈမ︀ႃးꩫ︀မ︀်။ 25က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇ ဢ︀ꩬ︀ၢက︀်ႉꩬ︀ုမ︀်းက︀ႃဢ︀ူ။ မ︀ိူင︀်းက︀ၢင︀်ႈမ︀ႆ︀ႛ က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛမ︀ဝ်ꩬ︀ီꩫ︀ႆ︀ၢႈꩫ︀ႆ︀ႇယ︀ႃႇ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ူဝ်ႈထႃဝရ︀ꩫ︀ႆ︀ႛဢ︀ူ။ 26က︀ူဝ်ႇဢ︀ꩫ︀်ႈၵ︀ႂ်ႈꩭီတ︀်ဢ︀မ︀ူးက︀ဝ်ႈꩫ︀ႆ︀ႇ ဝႃႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀မ︀်။ င︀ႆ︀းက︀ီးꩬ︀င︀် တ︀ီႈဢ︀ꩫ︀်ႈက︀ဝ်ႈဢ︀ူမ︀ႆ︀ႛ မ︀ꩫ︀်းတ︀ီꩫ︀ႆ︀ႛဢ︀ူꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်ဢ︀မ︀ူးက︀ဝ်ႈမ︀ႆ︀ႛ ပ︀ူဝ်က︀ဝ်ႈက︀ေႃႇ တ︀ီယ︀ွင︀်ႛꩫ︀မ︀်” ꩫ︀ဝꩫ︀်ႇ။
လ︀ွင︀်ႈꩡ︀ဝ်ႛယ︀ေꩬ︀ု ၵ︀ႆ︀ႈပ︀ျႃးဢ︀ꩫ︀်ႈမ︀ꩫ︀်းꩡ︀ဝ်ႛတ︀ီၵ︀ၢမ︀်တ︀ႆ︀ၢႈ
27ꩡ︀ဝ်ႛယ︀ေꩬ︀ုက︀ၢပ︀်ꩬ︀ီဝႃႈꩫ︀ႆ︀ႇ က︀ဝ်ႈယ︀ၢက︀်ႉꩡ︀ႂ်ႈလ︀ူင︀်ꩫ︀မ︀်။ တ︀ီꩭိုဝ်လ︀ိုဝ်က︀လ︀ူꩵ︀ႈတ︀ွင︀်း။ ꩫ︀ႆ︀ႇꩫ︀က︀ေႃႇ ꩭႂ်ႛပ︀ူဝ်းလ︀ွတ︀်ႉတ︀ၢင︀်းၵ︀ၢမ︀်ꩡ︀ီပ︀်ၵ︀ၢမ︀်ယ︀ၢက︀်ႉယ︀ႃႇ ပ︀ူဝ်က︀ဝ်ႈမ︀ႆ︀ႛꩵ︀ႈဝႃႈယ︀ွꩫ︀်းꩬ︀ူး။ က︀ဝ်ႈမ︀ိူင︀်းက︀ၢင︀်ႈမ︀ႆ︀ႛမ︀ႃးꩫ︀ႆ︀ႇ ꩭၢင︀်းၵ︀ၢမ︀်ꩡ︀ီပ︀်ၵ︀ၢမ︀်ယ︀ၢက︀်ႉꩫ︀မ︀်။ 28ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩴ︀း မ︀ူꩫ︀်ႈမ︀ႂ်းꩡ︀ဝ်ႛ ဢ︀ဝ်ႈꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ီး “မ︀ူꩫ︀်ႈၸ︀ုင︀်းက︀ဝ်ႈ ဢ︀ဝ်ႈꩭိူဝ်ႈꩭိုင︀်းပ︀ိုင︀်းꩬ︀ႂ်မ︀ႃးယ︀ဝ်ႇ။ ꩭႃလ︀ိူင︀်ႈတ︀ီဢ︀ဝ်ႈ ꩭိူဝ်ႈꩭိုင︀်းပ︀ိုင︀်းꩬ︀ႂ်ဢ︀ိက︀်ꩫ︀မ︀်” ꩫ︀ꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။ 29ၸ︀ုင︀်က︀ူꩫ︀်းဢ︀ꩫ︀်ႈဢ︀မ︀ႂ်းမ︀ႆ︀ႛ ꩬ︀ဝ်းꩬ︀ီဢ︀ူꩫ︀ႆ︀ႇၵ︀ဝ်ယ︀ႃႇ ꩬ︀ီင︀်ဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး က︀မ︀်ႈၸ︀ွင︀်းယ︀ႃႇ “က︀ွေး ၸ︀ႃႇꩫ︀င︀်ႈဢ︀ူဢ︀ိူဝ်း” ꩫ︀ဝꩫ︀်ႇ။ ၵ︀ိုꩫ︀်းꩫ︀က︀ဝ် က︀မ︀်ႈၸ︀ွင︀်းယ︀ႃႇ “ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ုꩫ︀်ꩬ︀ၢင︀်တ︀ၢꩫ︀်ႛၵ︀ၢမ︀်းဢ︀ူ” ꩫ︀ꩬ︀ီဝႃႈက︀ꩫ︀်ႈဢ︀ူ။ 30ꩡ︀ဝ်ႛယ︀ေꩬ︀ုယ︀ႃႇ “ꩬ︀ီင︀်ꩫ︀ႆ︀ႇဢ︀ွက︀်မ︀ႃးꩫ︀ႆ︀ႇ ꩡ︀ႃႇက︀ဝ်ႈꩵ︀ႈꩡ︀ႂ်ႈ။ ꩡ︀ႃႇဢ︀က︀ိဝ်းꩬ︀ူꩫ︀မ︀်။ 31မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးယ︀ဝ်ႇ။ ၵ︀ုꩫ︀်မ︀ိူင︀်းက︀ၢင︀်ႈမ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ယ︀ဝ်ႇ။ 32မ︀ိူဝ်ႈက︀ဝ်ႈမ︀ႆ︀ႛ ပ︀ိူꩫ︀်ႈလ︀ုက︀်ႉꩫ︀ိꩫ︀်ႈမ︀ႆ︀ႛၵ︀ႅꩫ︀်ဝႆ︀ႇꩫ︀ႆ︀ႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီလ︀ဝ်ꩭွင︀်ႇဢ︀ဝ်ႈꩫ︀မ︀်” ꩫ︀ဝꩫ︀်ႇ။ 33မ︀ꩫ︀်းꩡ︀ဝ်ႛဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛꩭိုဝ်လ︀ိုဝ်တ︀ီၵ︀ၢမ︀်တ︀ႆ︀ၢႈꩫ︀ꩫ︀ႆ︀ႇမ︀ႆ︀ႛ ꩡ︀ီႇပ︀ျႃးဝႆ︀ႇꩫ︀မ︀်။ 34ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “မ︀ေꩬ︀ိယ︀ယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉတ︀ီꩫ︀ိပ︀်က︀ႃꩫ︀မ︀် ꩫ︀ꩬ︀ီက︀ျမ︀်းꩬ︀ိꩫ︀်မ︀ႆ︀ႛ ဝႃႈဝႆ︀ႇတ︀ီၵ︀ႃႛဢ︀ူ။ င︀ႆ︀းꩫ︀ႆ︀ႇမ︀ႂ်းꩡ︀ဝ်ႛယ︀ႃႇ လ︀ုက︀်ႉက︀ူꩫ︀်းမ︀ႆ︀ႛ ပ︀ိူꩫ︀်ႈတ︀ီၵ︀ႅꩫ︀်ဝႆ︀ႇꩫ︀မ︀်ꩫ︀ꩬ︀ီ ꩭိုဝ်လ︀ိုဝ်ꩬ︀ီဝႃႈတ︀ီၵ︀ႃႛꩫ︀ႆ︀။ လ︀ုက︀်ႉက︀ူꩫ︀်းဢ︀မ︀ႂ်းယ︀ႃႇ ၸ︀ႂ်တ︀ီၵ︀ႃႛꩫ︀ႆ︀” ꩫ︀ꩬ︀ီမ︀ꩫ︀်းꩡ︀ဝ်ႛမ︀ႆ︀ႛ ထၢမ︀်က︀ꩫ︀်ႈဢ︀ူ။ 35ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇဢ︀ꩫ︀်ႈလ︀ႅင︀်းꩫ︀က︀ꩫ︀်ႈꩫ︀မ︀်။ က︀ဝ်ႈမ︀ိူင︀်းက︀ၢင︀်ႈမ︀ႆ︀ႛ က︀ိုမ︀်ႇဢ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်တ︀ီဢ︀ူꩫ︀ႆ︀ႇ။ ꩬ︀မ︀်မ︀ႃတ︀ြႃးက︀ဝ်ႈယ︀ႃႇ တ︀ၢင︀်းဢ︀ꩫ︀်ႈက︀ူꩫ︀်းၸ︀ႆ︀ၢႛမ︀ႆ︀ႛ ဢ︀ꩫ︀်ႈလ︀ႅင︀်းꩫ︀က︀ꩫ︀်ႈꩫ︀မ︀်။ တ︀ၢင︀်းꩬ︀မ︀်မ︀ႃတ︀ြႃးက︀ဝ်ႈမ︀ႆ︀ႛ ꩡ︀ွမ︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ဝ်ꩭိုင︀်က︀ꩬ︀င︀်မ︀ႆ︀ႛ က︀ဝ်ႈတ︀ီဢ︀ွက︀်က︀ႃꩫ︀မ︀်။ က︀ူꩫ︀်းဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛၸ︀ႆ︀ၢႛꩫ︀ႆ︀ႇၵ︀ဝ်ယ︀ႃႇတ︀ီက︀ိူတ︀်ꩫ︀မ︀်။ က︀ူꩫ︀်းဢ︀ꩫ︀်ႈ ꩬ︀မ︀်မ︀ႃတ︀ြႃးက︀ဝ်ႈမ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇၵ︀ဝ်ယ︀ႃႇ ၵ︀ဝ်ဢ︀မ︀ႆ︀ႚက︀ႃက︀ꩫ︀်ႈꩫ︀ꩫ︀ႆ︀ႇꩵ︀ႈတ︀ွင︀်း။ ၵ︀ဝ်ယ︀ႃႇꩫ︀င︀်က︀ူꩫ︀်းဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛၸ︀ႆ︀ၢႛꩫ︀က︀ꩫ︀်ႈ တ︀ီႈဢ︀ꩫ︀်ႈၵ︀ဝ်က︀ႃမ︀ႆ︀ႛ ꩵ︀ႈꩭꩫ︀်။ 36င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈယ︀င︀်းꩫ︀ႆ︀ႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈက︀ꩫ︀်ႈတ︀ႃႉ။ င︀ႆ︀းက︀ီးꩬ︀ိုင︀် ꩬ︀ူတ︀ီပ︀ီꩫ︀်ႈလ︀ုက︀်ႉက︀ဝ်ႈꩫ︀မ︀်” ꩫ︀ဝꩫ︀်ႇ။ မ︀ꩫ︀်းꩡ︀ဝ်ႛဝႃႈင︀ႆ︀းယ︀ဝ်ႇက︀ီး လ︀ုက︀်ႉဢ︀မ︀ႂ်းမ︀ႆ︀ႛ ဢ︀ွက︀်ꩭႆ︀ၢꩫ︀ႆ︀ၢႈက︀ႃဢ︀ူ။
လ︀ွင︀်ႈက︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ မ︀ဝ်ယ︀ုမ︀်
37ပ︀ၢင︀်ႈꩫ︀ႃႛၵ︀ဝ်မ︀ႆ︀ႛ ꩡ︀ဝ်ႛယ︀ေꩬ︀ု လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ꩭီတ︀်မ︀ႃးꩫ︀က︀ေႃႇ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩵ︀ႈယ︀ုမ︀်ယ︀မ︀်ႈ။ 38ပ︀ီꩫ︀်ႈင︀ႆ︀းꩫ︀ႆ︀ႇယ︀ႃႇ
“ၸ︀ြႃးပ︀ီꩫ︀်ႈꩡ︀ဝ်ႛꩴ︀း ဢ︀ꩫ︀်ႈက︀ဝ်ႈၵ︀ႃႛꩭူဝ်းမ︀ႆ︀ႛ ၸ︀ႂ်ꩫ︀ႆ︀ယ︀ုမ︀်တ︀ီၵ︀ႃꩫ︀ႆ︀ႇ။
ၸ︀ြႃးပ︀ီꩫ︀်ႈꩡ︀ဝ်ႛ ၸ︀ႂ်မ︀ႆ︀ႛꩫ︀ႆ︀ ပ︀ျႃးတ︀ꩫ︀်းၵ︀ူဝ်းꩭႂ်ႛမ︀ႃးတ︀ီၵ︀ႃႛꩫ︀ႆ︀ႇ”
ꩫ︀ꩬ︀ီဝႃႈဝႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်မ︀ဝ်ယ︀ုမ︀်ꩫ︀မ︀်။
39-40ꩡ︀ႃႇလ︀ိူင︀်ႈ က︀ျမ︀်းဢ︀မ︀ႂ်းတ︀ီႈလ︀ိူင︀်ႈမ︀ႆ︀ႛက︀ေႃႇ
“ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းၵ︀ဝ်တ︀ႃႈမ︀ဝ်ꩭꩫ︀်ꩫ︀ႆ︀ႇ တ︀ႃႈၵ︀ဝ်ဢ︀ဝ်ႈမ︀ွတ︀်ဝႆ︀ႇဢ︀ူ။
ꩭႂ်ႛပ︀ူဝ်းၵ︀ဝ်မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇ ꩡ︀ႂ်ႈၵ︀ဝ်ဢ︀ဝ်ႈတ︀ꩫ︀်ႈဝႆ︀ႇဢ︀ူ။
င︀ႆ︀းꩬ︀ီ ꩭႂ်ႛပ︀ူဝ်းဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်ၵ︀ဝ်မ︀ႆ︀ႛ က︀ဝ်ႈဢ︀ဝ်ႈꩫ︀ီႈꩭႂ်ႛꩫ︀ႆ︀ႇ က︀ဝ်ႈမ︀ႆ︀ႛၵ︀ဝ်ပ︀ွက︀်ႉမ︀ႃးꩵ︀ႈပ︀ီꩫ︀်ႈ
ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇဢ︀ူ”
ꩫ︀ꩬ︀ီဝႃႈဝႆ︀ႇꩫ︀က︀ꩫ︀်ႈ ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈက︀ေႃႇꩵ︀ႈပ︀ီꩫ︀်ႈ။
41ပ︀ရ︀ေႃးၸ︀ႅတ︀်ႉꩭေꩬ︀ႃယ︀ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈၸ︀ꩫ︀်ꩭႂ်ႛꩬ︀ီ မ︀ူꩫ︀်ႈၸ︀ုင︀်းꩡ︀ဝ်ႛယ︀ေꩬ︀ု ဢ︀ꩫ︀်ႈမ︀ုက︀်ႉက︀ꩫ︀်ႛလ︀င︀်မ︀ႆ︀ႛတ︀ီပ︀ီꩫ︀်ႈမ︀ႃးꩫ︀ႆ︀ႇမ︀ႆ︀ႛ ꩭꩫ︀်ဢ︀ွꩫ︀်ႈမ︀ႃးꩫ︀မ︀်။ င︀ႆ︀းꩬ︀ီ မ︀ꩫ︀်းလ︀ွင︀်ႈꩡ︀ဝ်ႛယ︀ေꩬ︀ု မ︀ႆ︀ႛꩡ︀ိုဝ်ꩬ︀ီ ဝႃႈင︀ႆ︀းမ︀ႃးꩫ︀မ︀်။ 42ꩫ︀ႆ︀ႇꩫ︀ႆ︀ၢႈက︀ေႃႇ ꩭူဝ်က︀ေက︀ျူးဢ︀ၢꩫ︀်တ︀ၢꩫ︀် ꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႈၵ︀ဝ်မ︀ႆ︀ႛၸ︀ႃရ︀ိꩬ︀ႄၵ︀ဝ် လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛꩭူဝ်ႛဢ︀ွက︀်ꩬ︀ီ ဢ︀ꩫ︀်ႈၵ︀ဝ်ယ︀ုမ︀်ယ︀မ︀်ႈꩫ︀ႆ︀ႇ ၸ︀ႂ်မ︀ႆ︀ႛက︀ေႃႇꩵ︀ႈပ︀ျႃးꩡ︀ုꩫ︀်ႈꩰ။ 43က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛပ︀ူꩫ︀်ႇꩬ︀ီ လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩬ︀င︀် ၵ︀ႅꩫ︀်းၵ︀ႂ်ႈꩫ︀ႆ︀ႛꩫ︀ႃႛꩬ︀ီꩫ︀မ︀်။
လ︀ွင︀်ႈၵ︀ၢမ︀်းꩡ︀ဝ်ႛယ︀ေꩬ︀ု တ︀ီပ︀ီꩫ︀်ႈꩡ︀ဝ်ႛတ︀ြႃးလ︀ူင︀်
44င︀ႆ︀းꩬ︀ီ ꩡ︀ဝ်ႛယ︀ေꩬ︀ုယ︀ႃႇ ꩬ︀ီင︀်ဢ︀ဝ်ႈꩭႅင︀်းꩰꩬ︀ီၵ︀ဝ်မ︀ႆ︀ႛဝႃႈꩫ︀ႆ︀ႇ။ “က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇ က︀ဝ်ႈမ︀ႆ︀ႛꩫ︀ႆ︀ၢႈယ︀ုမ︀်ယ︀မ︀်ႈꩵ︀ႈꩡ︀ႂ်ႈ။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇယ︀ုမ︀်ယ︀မ︀်ႈဢ︀ူ။ 45က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭꩫ︀်ꩫ︀ႆ︀ႇ က︀ဝ်ႈမ︀ႆ︀ႛꩫ︀ႆ︀ၢႈꩭꩫ︀်ꩵ︀ႈꩡ︀ႂ်ႈ။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭꩫ︀်ဢ︀ူ။ 46ဢ︀ꩫ︀်ႈက︀ႃႈꩡ︀ိုဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛမ︀ဝ်ဢ︀ူꩫ︀ႆ︀ႇ က︀ဝ်ႈယ︀ႃႇ ꩭီတ︀်ဢ︀ꩫ︀်ႈလ︀ႅင︀်းꩬ︀ီ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးမ︀ꩫ︀မ︀်။ 47က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းၵ︀ၢမ︀်းက︀ဝ်ႈꩬ︀ီ မ︀ဝ်ꩭၢပ︀်ႉဢ︀ဝ်ႈမ︀ႆ︀ႛ က︀ဝ်ႈꩵ︀ႈပ︀ႅတ︀်ႉတ︀ြႃး။ က︀ဝ်ႈက︀ျွႃးမ︀ႃးမ︀ိူင︀်းက︀ၢင︀်ႈꩫ︀ႆ︀ႇ မ︀ႃးပ︀ႅတ︀်ႉတ︀ြႃးꩵ︀ႈꩡ︀ႂ်ႈ။ မ︀ႃးၵ︀ေꩬ︀ေꩫ︀မ︀်။ 48က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛပ︀ႆ︀ၵ︀ွတ︀်ꩬ︀ီ ၵ︀ၢမ︀်းက︀ဝ်ႈမ︀ႆ︀ႛမ︀ဝ်ယ︀ုမ︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ၢမ︀်းဢ︀ꩫ︀်ႈက︀ဝ်ႈဝႃႈဝႆ︀ႇꩫ︀ႆ︀ႇꩫ︀မ︀် ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ တ︀ီပ︀ႅတ︀်ႉတ︀ြႃးꩫ︀ႆ︀ႇ။ 49က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇဢ︀ဝ်ႈဢ︀ႃꩫ︀ႃက︀ဝ်ႈၸ︀ူႛꩡ︀ဝ်ႛဝႃႈꩵ︀ႈꩡ︀ႂ်ႈ။ က︀ဝ်ႈꩭူဝ်းꩫ︀ႆ︀ႇ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ ꩫ︀ေꩭႂ်ႛꩫ︀က︀ꩫ︀်ႈꩫ︀မ︀်။ 50ဢ︀မ︀ိင︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩬ︀ၢက︀်ႉထႃဝရ︀ꩭႂ်ႛဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ င︀ႆ︀းꩫ︀ႆ︀ႇꩬ︀ီ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛၵ︀ႂ်ႈꩭႂ်ႛꩭူဝ်းꩫ︀က︀ꩫ︀်ႈꩫ︀မ︀် က︀ဝ်ႈꩭူဝ်းꩫ︀ႆ︀ႇ” ꩫ︀ဝꩫ︀်ႇ။
Currently Selected:
ယ︀ေႃးꩭၢꩫ︀် 12: kht
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
ယ︀ေႃးꩭၢꩫ︀် 12
12
လ︀ွင︀်ႈတ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ၢက︀်ႉမ︀ꩫ︀်းꩭွမ︀်
(မ︀တ︀်တ︀ႄး 26.6-13; မ︀ႃက︀ု 14.3-9)
1မ︀ိူဝ်ႈပ︀ွႆ︀းပ︀ူꩫ︀်ႇလ︀ွတ︀်ႉတ︀ီထိုင︀်ꩡ︀မ︀်ႈꩬ︀ီ ꩭူက︀်ဝꩫ︀်းꩭၢင︀်ႇꩫ︀ႆ︀ႇ ꩡ︀ဝ်ႛယ︀ေꩬ︀ု မ︀ၢꩫ︀်ႛၿေတ︀ꩫ︀ိ ဢ︀ꩫ︀်ႈလ︀ႃꩡ︀ရ︀ုဢ︀ူမ︀ႆ︀ႛက︀ႃဢ︀ူ။ လ︀ႃꩡ︀ရ︀ုယ︀ႃႇ က︀ူဝ်ႇဢ︀ꩫ︀်ႈတ︀ႆ︀ၢႈက︀ႃꩬ︀ီ ꩡ︀ဝ်ႛယ︀ေꩬ︀ုဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛမ︀ႃးꩫ︀ႆ︀ႇꩫ︀မ︀်။ 2မ︀ိူဝ်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ႆ︀းက︀ူဝ်ႇမ︀ꩫ︀်းꩡ︀ဝ်ႛၵ︀ဝ်လ︀ီင︀်ႇၵ︀ဝ်ႛပ︀ၢင︀်ႛၵ︀မ︀်ႈꩫ︀ႆ︀ႇ မ︀ႃႈထႃးယ︀ႃႇမ︀ိုင︀်ႇꩭႂ်ႛဢ︀ူ။ လ︀ႃꩡ︀ရ︀ုက︀ေႃႇ တ︀င︀်းꩡ︀ဝ်ႛယ︀ေꩬ︀ုၵ︀ဝ် ꩭူမ︀်ႈက︀ိꩫ︀်ႈဢ︀ူ။ 3မ︀ိူဝ်ႈဢ︀မ︀ႂ်း မ︀ေရ︀ီယ︀ႃႇ မ︀ꩫ︀်းꩭွမ︀်ꩫ︀ႃၻုꩡ︀ႅတ︀်ႉꩰ ဢ︀ꩫ︀်ႈၵ︀ꩫ︀်ယ︀ႂ်လ︀ူင︀်ꩫ︀ႆ︀ႇ တ︀င︀်းတ︀ဝ်ႛဢ︀ဝ်ႈꩬ︀ီ တ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛလ︀ူဝ်ယ︀ဝ်ႇက︀ီး ဢ︀ဝ်ႈၸ︀ူမ︀်မ︀ꩫ︀်းꩡ︀ဝ်ႛꩡ︀ီတ︀်ႉꩭႂ်ႛဢ︀ူ။ ဢ︀ႆ︀ၢႈမ︀ꩫ︀်းꩭွမ︀်ဢ︀မ︀ႂ်းယ︀ႃႇ တ︀င︀်းꩭိူꩫ︀်းမ︀ႆ︀ႛꩭွမ︀်ꩭီင︀်းꩰဢ︀ူ။ 4ꩫ︀ႆ︀ႇꩫ︀က︀ေႃႇ ꩫ︀ႂ်းတ︀ပ︀ေးꩡ︀ဝ်ႛၵ︀ဝ်မ︀ႆ︀ႛ ယ︀ုတ︀ꩬ︀က︀ႃရ︀ုတ︀်ꩫ︀ꩫ︀ႆ︀ႇ က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ီၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇယ︀ႃႇ 5“က︀ႃႊ တ︀ႃႇတ︀ီင︀ႆ︀းယ︀ႃႇ မ︀ꩫ︀်းꩭွမ︀်ဢ︀မ︀ႂ်းၵ︀ႆ︀ၢꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႇပ︀ꩫ︀်ႈꩭႂ်ႛက︀ႃလ︀ႃး။ ဢ︀မ︀ႂ်း ၵ︀ꩫ︀်ꩬ︀ၢမ︀်ပ︀ၢက︀်ၻေꩫ︀ႃရ︀ိတ︀မ︀ိူင︀်းယ︀င︀်းက︀ေႃႇ” ꩫ︀ဝꩫ︀်ႇ။ 6မ︀ꩫ︀်းဝႃႈင︀ႆ︀းꩫ︀ႆ︀ႇယ︀ႃႇ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈတ︀ေႇတ︀ေႇꩬ︀ီꩵ︀ႈꩡ︀ႂ်ႈ။ မ︀ꩫ︀်းၸ︀ူႛꩡ︀ဝ်ႛပ︀ီꩫ︀်ႈၸ︀ူႛလ︀ၢက︀်ႉꩬ︀ီꩫ︀မ︀်။ မ︀ꩫ︀်းယ︀ႃႇ ပ︀ၢက︀်ႉထူင︀်င︀ိူꩫ︀်းၸ︀ုင︀်ꩬ︀ီ လ︀ုက︀်ႉထူင︀်င︀ိူꩫ︀်းမ︀ႆ︀ႛ လ︀ၢက︀်ႉꩰꩬ︀ီတ︀ိုဝ်းင︀ႆ︀းꩫ︀မ︀်။ 7ꩡ︀ဝ်ႛယ︀ေꩬ︀ုယ︀ႃႇ “ꩭႂ်ႛဢ︀ူက︀ွတ︀်။ မ︀ꩫ︀်းꩭီတ︀်င︀ႆ︀းꩫ︀ႆ︀ႇ ဢ︀ꩫ︀်ႈမ︀ေးꩭႅမ︀်းꩡ︀ႃႇၸ︀င︀်က︀ဝ်ႈꩫ︀မ︀်။ 8ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇတ︀ႆ︀ၢႛꩬ︀ူမ︀ႆ︀ႛယ︀င︀်းဢ︀ူ။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇတ︀င︀်းꩬ︀ူ မ︀ိူဝ်ႈလ︀ႂ်ႈက︀ေႃႇ တ︀ီဢ︀ူက︀ꩫ︀်ႈꩬ︀ူꩵ︀ႈꩡ︀ႂ်ႈ” ꩫ︀ဝꩫ︀်ႇ။
လ︀ွင︀်ႈလ︀ႃꩡ︀ရ︀ုမ︀ႆ︀ႛက︀ႅမ︀်တ︀ႆ︀ၢႈ
9ꩡ︀ဝ်ႛယ︀ေꩬ︀ု မ︀ၢꩫ︀်ႛၿေတ︀ꩫ︀ိမ︀ႆ︀ႛထိုင︀်မ︀ႃးယ︀ဝ်ႇꩫ︀ꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး က︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်း လ︀ႃꩡ︀ရ︀ုဢ︀ꩫ︀်ႈမ︀ꩫ︀်းꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးမ︀ႆ︀ႛတ︀မ︀ိူင︀်းၵ︀ႂ်ႈꩭꩫ︀်ꩬ︀ီ တ︀င︀်းၸ︀ုင︀်တ︀င︀်းꩡ︀ေႈမ︀ႃးက︀ꩫ︀်ႈဢ︀ူ။ 10-11က︀ွပ︀်ႉပ︀ိူဝ်ႈလ︀ႃꩡ︀ရ︀ုꩬ︀ီ က︀ျူးꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်မ︀ႆ︀ႛပ︀ႆ︀ၵ︀ွတ︀်ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩬ︀ိုင︀် ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ င︀ႆ︀းꩬ︀ီ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ လ︀ႃꩡ︀ရ︀ုမ︀ႆ︀ႛတ︀မ︀ိူင︀်းက︀ေႃႇ က︀ႅမ︀်တ︀ႆ︀ၢႈက︀ꩫ︀်ႈဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ုၵ︀ဝ်ႛဝီင︀်းယ︀ေရ︀ုꩬ︀လ︀ိမ︀်
(မ︀တ︀်တ︀ႄး 21.1-11; မ︀ႃက︀ု 11.1-11; လ︀ုက︀ႃ 19.28-40)
12ꩫ︀င︀်မ︀ိူဝ်ႈꩭုက︀်ႉ က︀ူꩫ︀်းဢ︀ꩫ︀်ႈမ︀ႃးပ︀ွႆ︀းပ︀ူꩫ︀်ႇလ︀ွတ︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ꩡ︀ဝ်ႛယ︀ေꩬ︀ု တ︀ီက︀ျွႃးမ︀ႃးဝီင︀်းယ︀ေရ︀ုꩬ︀လ︀ိမ︀်ꩫ︀မ︀်ꩫ︀ꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး 13ၵ︀ႃႈꩡ︀ူꩫ︀်ပ︀လ︀ူꩫ︀် ꩫ︀ႆ︀ႇၵ︀ဝ်တ︀ိုဝ်းင︀ႆ︀း မ︀ꩫ︀်းꩡ︀ဝ်ႛမ︀ႆ︀ႛက︀ႃက︀ꩫ︀်ႈꩬ︀ီ “ꩭေလ︀ိူဝ်း ꩭေလ︀ႃး မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈလ︀ိူဝ်း။ ꩡ︀ဝ်ႛဢ︀ꩫ︀်ႈတ︀ၢင︀်ႈတ︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ျွႃးမ︀ႃးꩫ︀ႆ︀ႇ မ︀ၢင︀်က︀လ︀ႃꩭႂ်ႛယ︀င︀်းတ︀ီၵ︀ႃႛက︀ႃတ︀ႃႉ။ ꩡ︀ဝ်ႛꩭူဝ်ၵ︀မ︀်းဢ︀ီတ︀်ꩬ︀ြေးမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ူင︀်ႈဢ︀က︀ိဝ်းက︀ႃတ︀ႃႉ။ ꩭေလ︀ိူဝ်း ꩭေလ︀ႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။
14-15“ဝီင︀်းယ︀ေရ︀ုꩬ︀လ︀ိမ︀်ꩴ︀း က︀ꩬ︀င︀်မ︀ႆ︀ႛက︀ေႃႇပ︀ီက︀ူဝ်ႈ။ ꩡ︀ဝ်ႛꩭူဝ်ၵ︀မ︀်းမ︀ႂ်း မ︀ႃႇလ︀ူဝ်ႇဢ︀ွꩫ︀်ၵ︀ီꩬ︀ီ က︀ျွႃးမ︀ႃးယ︀ဝ်ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုက︀ေႃႇ မ︀ႃႇလ︀ူဝ်ႇဢ︀ွꩫ︀်တ︀ူဝ်ႈလ︀ိူင︀်ႈꩫ︀ႆ︀ႛꩬ︀ီ ၵ︀ီမ︀ႃးဢ︀ူ။ 16မ︀ိူဝ်ႈဢ︀မ︀ႂ်း တ︀ပ︀ေးꩡ︀ဝ်ႛၵ︀ဝ်ယ︀ႃႇ ၵ︀ူဝ်ႛက︀ျမ︀်းလ︀ိက︀်ႉဢ︀မ︀ႂ်း ꩵ︀ႈပ︀ွင︀်ꩡ︀ႂ်ႈမ︀ႃး။ ꩡ︀ဝ်ႛယ︀ေꩬ︀ု လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးက︀ႃꩫ︀ႆ︀ႇꩬ︀င︀် ၵ︀ူဝ်ႛက︀ျမ︀်းလ︀ိက︀်ႉဢ︀မ︀ႂ်း ဢ︀ꩫ︀်ႈၿျႃၻိက︀်ႉလ︀ွင︀်ႈꩡ︀ဝ်ႛယ︀ေꩬ︀ုꩫ︀မ︀်ꩫ︀ꩫ︀ႆ︀ႇလ︀ိူင︀်ႈ၊ ꩫ︀င︀်ၿျႃၻိက︀်ႉဢ︀မ︀ႂ်းꩫ︀က︀ꩫ︀်ႈ ပ︀ၢင︀်ႈꩫ︀ႃႛၵ︀ဝ်ၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးတ︀ေႇတ︀ေႇယ︀ဝ်ႇꩫ︀ꩫ︀ႆ︀ႇလ︀ိူင︀်ႈ ဢ︀ွက︀်ꩡ︀ႂ်ႈမ︀ႃးက︀ꩫ︀်ႈဢ︀ူ။ 17မ︀ိူဝ်ႈꩡ︀ဝ်ႛယ︀ေꩬ︀ု လ︀ႃꩡ︀ရ︀ုမ︀ႆ︀ႛ လ︀ုက︀်ႉထမ︀်ႛပ︀ႃꩡ︀ႃႇမ︀ႆ︀ႛꩭွင︀်ႇဢ︀ွက︀်ꩬ︀ီ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ၸ︀ူႛဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်မ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းဢ︀မ︀ႂ်းၵ︀ဝ် ပ︀ိူꩫ︀်ႈမ︀ႆ︀ႛက︀ႃၵ︀ႆ︀ႈလ︀ေဢ︀ူ။ 18င︀ႆ︀းꩬ︀ီ ၸ︀ူႛဢ︀ꩫ︀်ႈꩫ︀ႆ︀ႛꩥ︀ိꩫ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ႆ︀က︀ꩫ︀်ႈꩬ︀ီမ︀ႃးမ︀ꩫ︀မ︀်။ 19ၸ︀ႃရ︀ိꩬ︀ႄꩫ︀ႆ︀ႇၵ︀ဝ်ယ︀ႃႇ “ဢ︀ေး ꩭဝ်းယ︀ႃႇ ꩬ︀ုမ︀်းယ︀ဝ်ႇ။ ꩡ︀ဝ်ႛတ︀င︀်းၸ︀ႃႇ ꩡ︀ွမ︀်းꩭၢင︀်မ︀ꩫ︀်းက︀ႃမ︀ူတ︀်ယ︀ဝ်ႇꩫ︀ေႃး” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။
လ︀ွင︀်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ၵ︀ႃꩡ︀ဝ်ႛယ︀ေꩬ︀ု
20ꩫ︀ႂ်းၸ︀ုင︀်က︀ူꩫ︀်းဢ︀ꩫ︀်ႈက︀ႃဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀မ︀်ႈၸ︀ွင︀်းလ︀ွေႛဢ︀ူ။ ၵ︀ဝ်ယ︀ႃႇ ဝူင︀်ႈပ︀ွႆ︀းပ︀ူꩫ︀်ႇလ︀ွတ︀်ႉမ︀ႆ︀ႛ က︀ႃဝႆ︀ႈၸ︀ြႃးꩫ︀မ︀်။ 21ၵ︀ဝ်ယ︀ႃႇ ၸ︀ိလ︀ိပ︀် က︀ူꩫ︀်းတ︀ိူင︀်းက︀ႃလ︀ိလ︀ႄ၊ ဝီင︀်းပ︀ႅတ︀်ꩡ︀ႄးတ︀) မ︀ႆ︀ႛက︀ႃꩬ︀ီ “တ︀ႆ︀းက︀ူဝ်ႇꩴ︀း ꩡ︀ဝ်ႛယ︀ေꩬ︀ုမ︀ႆ︀ႛ တ︀ူႈၵ︀ႂ်ႈꩭꩫ︀်ဢ︀ူ” ꩫ︀ဝꩫ︀်ႇ။ 22ၸ︀ိလ︀ိပ︀်က︀ေႃႇ ဢ︀ꩫ︀်တ︀ြေမ︀ႆ︀ႛက︀ႃၵ︀ႆ︀ႈင︀ႆ︀း ꩬ︀ွင︀်ၵ︀ႃတ︀င︀်းꩬ︀ွင︀် ꩡ︀ဝ်ႛယ︀ေꩬ︀ုမ︀ႆ︀ႛက︀ႃꩬ︀ီ လ︀ွင︀်ႈဢ︀မ︀ႂ်းက︀ႃꩬ︀ွက︀်ႉဢ︀ူ။ 23ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်း မ︀ူꩫ︀်ႈၸ︀ုင︀်းလ︀ူင︀် တ︀ီꩫ︀ႆ︀ႛꩭၢပ︀်ႉယ︀ဝ်ႇ။ 24က︀ဝ်ႈꩬ︀ိုဝ်ႈꩰဝႃႈက︀ွတ︀်။ ꩭွေၸ︀ꩫ︀်းꩫ︀ꩫ︀ႆ︀ႇယ︀ႃႇ မ︀ဝ်တ︀ူက︀်ꩫ︀ိꩫ︀်ႈ၊ မ︀ဝ်ၸ︀ေႛက︀ီး မ︀ိတ︀်ႉလ︀ိူင︀်ႈမ︀ႆ︀ႛလ︀ိူဝ်ꩬ︀ီ ꩵ︀ႈꩫ︀မ︀်မ︀ႃး။ ၸ︀ေႛက︀ႃက︀ီးꩬ︀ိုင︀် လ︀ုက︀်ႉမ︀က︀်ဢ︀ၢꩫ︀်တ︀ၢꩫ︀်ပ︀ီꩫ︀်ႈမ︀ႃးꩫ︀မ︀်။ 25က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛꩭၢက︀်ႉꩫ︀ႆ︀ႇ ဢ︀ꩬ︀ၢက︀်ႉꩬ︀ုမ︀်းက︀ႃဢ︀ူ။ မ︀ိူင︀်းက︀ၢင︀်ႈမ︀ႆ︀ႛ က︀ူဝ်ႇဢ︀ꩫ︀်ႈဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛမ︀ဝ်ꩬ︀ီꩫ︀ႆ︀ၢႈꩫ︀ႆ︀ႇယ︀ႃႇ ဢ︀ꩬ︀ၢက︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ူဝ်ႈထႃဝရ︀ꩫ︀ႆ︀ႛဢ︀ူ။ 26က︀ူဝ်ႇဢ︀ꩫ︀်ႈၵ︀ႂ်ႈꩭီတ︀်ဢ︀မ︀ူးက︀ဝ်ႈꩫ︀ႆ︀ႇ ဝႃႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀မ︀်။ င︀ႆ︀းက︀ီးꩬ︀င︀် တ︀ီႈဢ︀ꩫ︀်ႈက︀ဝ်ႈဢ︀ူမ︀ႆ︀ႛ မ︀ꩫ︀်းတ︀ီꩫ︀ႆ︀ႛဢ︀ူꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်ဢ︀မ︀ူးက︀ဝ်ႈမ︀ႆ︀ႛ ပ︀ူဝ်က︀ဝ်ႈက︀ေႃႇ တ︀ီယ︀ွင︀်ႛꩫ︀မ︀်” ꩫ︀ဝꩫ︀်ႇ။
လ︀ွင︀်ႈꩡ︀ဝ်ႛယ︀ေꩬ︀ု ၵ︀ႆ︀ႈပ︀ျႃးဢ︀ꩫ︀်ႈမ︀ꩫ︀်းꩡ︀ဝ်ႛတ︀ီၵ︀ၢမ︀်တ︀ႆ︀ၢႈ
27ꩡ︀ဝ်ႛယ︀ေꩬ︀ုက︀ၢပ︀်ꩬ︀ီဝႃႈꩫ︀ႆ︀ႇ က︀ဝ်ႈယ︀ၢက︀်ႉꩡ︀ႂ်ႈလ︀ူင︀်ꩫ︀မ︀်။ တ︀ီꩭိုဝ်လ︀ိုဝ်က︀လ︀ူꩵ︀ႈတ︀ွင︀်း။ ꩫ︀ႆ︀ႇꩫ︀က︀ေႃႇ ꩭႂ်ႛပ︀ူဝ်းလ︀ွတ︀်ႉတ︀ၢင︀်းၵ︀ၢမ︀်ꩡ︀ီပ︀်ၵ︀ၢမ︀်ယ︀ၢက︀်ႉယ︀ႃႇ ပ︀ူဝ်က︀ဝ်ႈမ︀ႆ︀ႛꩵ︀ႈဝႃႈယ︀ွꩫ︀်းꩬ︀ူး။ က︀ဝ်ႈမ︀ိူင︀်းက︀ၢင︀်ႈမ︀ႆ︀ႛမ︀ႃးꩫ︀ႆ︀ႇ ꩭၢင︀်းၵ︀ၢမ︀်ꩡ︀ီပ︀်ၵ︀ၢမ︀်ယ︀ၢက︀်ႉꩫ︀မ︀်။ 28ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩴ︀း မ︀ူꩫ︀်ႈမ︀ႂ်းꩡ︀ဝ်ႛ ဢ︀ဝ်ႈꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ီး “မ︀ူꩫ︀်ႈၸ︀ုင︀်းက︀ဝ်ႈ ဢ︀ဝ်ႈꩭိူဝ်ႈꩭိုင︀်းပ︀ိုင︀်းꩬ︀ႂ်မ︀ႃးယ︀ဝ်ႇ။ ꩭႃလ︀ိူင︀်ႈတ︀ီဢ︀ဝ်ႈ ꩭိူဝ်ႈꩭိုင︀်းပ︀ိုင︀်းꩬ︀ႂ်ဢ︀ိက︀်ꩫ︀မ︀်” ꩫ︀ꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။ 29ၸ︀ုင︀်က︀ူꩫ︀်းဢ︀ꩫ︀်ႈဢ︀မ︀ႂ်းမ︀ႆ︀ႛ ꩬ︀ဝ်းꩬ︀ီဢ︀ူꩫ︀ႆ︀ႇၵ︀ဝ်ယ︀ႃႇ ꩬ︀ီင︀်ဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး က︀မ︀်ႈၸ︀ွင︀်းယ︀ႃႇ “က︀ွေး ၸ︀ႃႇꩫ︀င︀်ႈဢ︀ူဢ︀ိူဝ်း” ꩫ︀ဝꩫ︀်ႇ။ ၵ︀ိုꩫ︀်းꩫ︀က︀ဝ် က︀မ︀်ႈၸ︀ွင︀်းယ︀ႃႇ “ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ုꩫ︀်ꩬ︀ၢင︀်တ︀ၢꩫ︀်ႛၵ︀ၢမ︀်းဢ︀ူ” ꩫ︀ꩬ︀ီဝႃႈက︀ꩫ︀်ႈဢ︀ူ။ 30ꩡ︀ဝ်ႛယ︀ေꩬ︀ုယ︀ႃႇ “ꩬ︀ီင︀်ꩫ︀ႆ︀ႇဢ︀ွက︀်မ︀ႃးꩫ︀ႆ︀ႇ ꩡ︀ႃႇက︀ဝ်ႈꩵ︀ႈꩡ︀ႂ်ႈ။ ꩡ︀ႃႇဢ︀က︀ိဝ်းꩬ︀ူꩫ︀မ︀်။ 31မ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီပ︀ႅတ︀်ႉတ︀ြႃးယ︀ဝ်ႇ။ ၵ︀ုꩫ︀်မ︀ိူင︀်းက︀ၢင︀်ႈမ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ယ︀ဝ်ႇ။ 32မ︀ိူဝ်ႈက︀ဝ်ႈမ︀ႆ︀ႛ ပ︀ိူꩫ︀်ႈလ︀ုက︀်ႉꩫ︀ိꩫ︀်ႈမ︀ႆ︀ႛၵ︀ႅꩫ︀်ဝႆ︀ႇꩫ︀ႆ︀ႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛ က︀ဝ်ႈတ︀ီလ︀ဝ်ꩭွင︀်ႇဢ︀ဝ်ႈꩫ︀မ︀်” ꩫ︀ဝꩫ︀်ႇ။ 33မ︀ꩫ︀်းꩡ︀ဝ်ႛဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛꩭိုဝ်လ︀ိုဝ်တ︀ီၵ︀ၢမ︀်တ︀ႆ︀ၢႈꩫ︀ꩫ︀ႆ︀ႇမ︀ႆ︀ႛ ꩡ︀ီႇပ︀ျႃးဝႆ︀ႇꩫ︀မ︀်။ 34ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “မ︀ေꩬ︀ိယ︀ယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉတ︀ီꩫ︀ိပ︀်က︀ႃꩫ︀မ︀် ꩫ︀ꩬ︀ီက︀ျမ︀်းꩬ︀ိꩫ︀်မ︀ႆ︀ႛ ဝႃႈဝႆ︀ႇတ︀ီၵ︀ႃႛဢ︀ူ။ င︀ႆ︀းꩫ︀ႆ︀ႇမ︀ႂ်းꩡ︀ဝ်ႛယ︀ႃႇ လ︀ုက︀်ႉက︀ူꩫ︀်းမ︀ႆ︀ႛ ပ︀ိူꩫ︀်ႈတ︀ီၵ︀ႅꩫ︀်ဝႆ︀ႇꩫ︀မ︀်ꩫ︀ꩬ︀ီ ꩭိုဝ်လ︀ိုဝ်ꩬ︀ီဝႃႈတ︀ီၵ︀ႃႛꩫ︀ႆ︀။ လ︀ုက︀်ႉက︀ူꩫ︀်းဢ︀မ︀ႂ်းယ︀ႃႇ ၸ︀ႂ်တ︀ီၵ︀ႃႛꩫ︀ႆ︀” ꩫ︀ꩬ︀ီမ︀ꩫ︀်းꩡ︀ဝ်ႛမ︀ႆ︀ႛ ထၢမ︀်က︀ꩫ︀်ႈဢ︀ူ။ 35ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇဢ︀ꩫ︀်ႈလ︀ႅင︀်းꩫ︀က︀ꩫ︀်ႈꩫ︀မ︀်။ က︀ဝ်ႈမ︀ိူင︀်းက︀ၢင︀်ႈမ︀ႆ︀ႛ က︀ိုမ︀်ႇဢ︀ွꩫ︀်လ︀ိူင︀်ႈꩫ︀ႆ︀ၢႈꩫ︀မ︀်တ︀ီဢ︀ူꩫ︀ႆ︀ႇ။ ꩬ︀မ︀်မ︀ႃတ︀ြႃးက︀ဝ်ႈယ︀ႃႇ တ︀ၢင︀်းဢ︀ꩫ︀်ႈက︀ူꩫ︀်းၸ︀ႆ︀ၢႛမ︀ႆ︀ႛ ဢ︀ꩫ︀်ႈလ︀ႅင︀်းꩫ︀က︀ꩫ︀်ႈꩫ︀မ︀်။ တ︀ၢင︀်းꩬ︀မ︀်မ︀ႃတ︀ြႃးက︀ဝ်ႈမ︀ႆ︀ႛ ꩡ︀ွမ︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ဝ်ꩭိုင︀်က︀ꩬ︀င︀်မ︀ႆ︀ႛ က︀ဝ်ႈတ︀ီဢ︀ွက︀်က︀ႃꩫ︀မ︀်။ က︀ူꩫ︀်းဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛၸ︀ႆ︀ၢႛꩫ︀ႆ︀ႇၵ︀ဝ်ယ︀ႃႇတ︀ီက︀ိူတ︀်ꩫ︀မ︀်။ က︀ူꩫ︀်းဢ︀ꩫ︀်ႈ ꩬ︀မ︀်မ︀ႃတ︀ြႃးက︀ဝ်ႈမ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇၵ︀ဝ်ယ︀ႃႇ ၵ︀ဝ်ဢ︀မ︀ႆ︀ႚက︀ႃက︀ꩫ︀်ႈꩫ︀ꩫ︀ႆ︀ႇꩵ︀ႈတ︀ွင︀်း။ ၵ︀ဝ်ယ︀ႃႇꩫ︀င︀်က︀ူꩫ︀်းဢ︀ꩫ︀်ႈ ဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛၸ︀ႆ︀ၢႛꩫ︀က︀ꩫ︀်ႈ တ︀ီႈဢ︀ꩫ︀်ႈၵ︀ဝ်က︀ႃမ︀ႆ︀ႛ ꩵ︀ႈꩭꩫ︀်။ 36င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈယ︀င︀်းꩫ︀ႆ︀ႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈက︀ꩫ︀်ႈတ︀ႃႉ။ င︀ႆ︀းက︀ီးꩬ︀ိုင︀် ꩬ︀ူတ︀ီပ︀ီꩫ︀်ႈလ︀ုက︀်ႉက︀ဝ်ႈꩫ︀မ︀်” ꩫ︀ဝꩫ︀်ႇ။ မ︀ꩫ︀်းꩡ︀ဝ်ႛဝႃႈင︀ႆ︀းယ︀ဝ်ႇက︀ီး လ︀ုက︀်ႉဢ︀မ︀ႂ်းမ︀ႆ︀ႛ ဢ︀ွက︀်ꩭႆ︀ၢꩫ︀ႆ︀ၢႈက︀ႃဢ︀ူ။
လ︀ွင︀်ႈက︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုမ︀ႆ︀ႛ မ︀ဝ်ယ︀ုမ︀်
37ပ︀ၢင︀်ႈꩫ︀ႃႛၵ︀ဝ်မ︀ႆ︀ႛ ꩡ︀ဝ်ႛယ︀ေꩬ︀ု လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ဢ︀ၢꩫ︀်တ︀ၢꩫ︀်ꩭီတ︀်မ︀ႃးꩫ︀က︀ေႃႇ ၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩵ︀ႈယ︀ုမ︀်ယ︀မ︀်ႈ။ 38ပ︀ီꩫ︀်ႈင︀ႆ︀းꩫ︀ႆ︀ႇယ︀ႃႇ
“ၸ︀ြႃးပ︀ီꩫ︀်ႈꩡ︀ဝ်ႛꩴ︀း ဢ︀ꩫ︀်ႈက︀ဝ်ႈၵ︀ႃႛꩭူဝ်းမ︀ႆ︀ႛ ၸ︀ႂ်ꩫ︀ႆ︀ယ︀ုမ︀်တ︀ီၵ︀ႃꩫ︀ႆ︀ႇ။
ၸ︀ြႃးပ︀ီꩫ︀်ႈꩡ︀ဝ်ႛ ၸ︀ႂ်မ︀ႆ︀ႛꩫ︀ႆ︀ ပ︀ျႃးတ︀ꩫ︀်းၵ︀ူဝ်းꩭႂ်ႛမ︀ႃးတ︀ီၵ︀ႃႛꩫ︀ႆ︀ႇ”
ꩫ︀ꩬ︀ီဝႃႈဝႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်မ︀ဝ်ယ︀ုမ︀်ꩫ︀မ︀်။
39-40ꩡ︀ႃႇလ︀ိူင︀်ႈ က︀ျမ︀်းဢ︀မ︀ႂ်းတ︀ီႈလ︀ိူင︀်ႈမ︀ႆ︀ႛက︀ေႃႇ
“ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းၵ︀ဝ်တ︀ႃႈမ︀ဝ်ꩭꩫ︀်ꩫ︀ႆ︀ႇ တ︀ႃႈၵ︀ဝ်ဢ︀ဝ်ႈမ︀ွတ︀်ဝႆ︀ႇဢ︀ူ။
ꩭႂ်ႛပ︀ူဝ်းၵ︀ဝ်မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇ ꩡ︀ႂ်ႈၵ︀ဝ်ဢ︀ဝ်ႈတ︀ꩫ︀်ႈဝႆ︀ႇဢ︀ူ။
င︀ႆ︀းꩬ︀ီ ꩭႂ်ႛပ︀ူဝ်းဢ︀ꩫ︀်ႈၵ︀ႆ︀ႛဢ︀ꩫ︀်ႈꩡ︀ီပ︀်ၵ︀ဝ်မ︀ႆ︀ႛ က︀ဝ်ႈဢ︀ဝ်ႈꩫ︀ီႈꩭႂ်ႛꩫ︀ႆ︀ႇ က︀ဝ်ႈမ︀ႆ︀ႛၵ︀ဝ်ပ︀ွက︀်ႉမ︀ႃးꩵ︀ႈပ︀ီꩫ︀်ႈ
ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇဢ︀ူ”
ꩫ︀ꩬ︀ီဝႃႈဝႆ︀ႇꩫ︀က︀ꩫ︀်ႈ ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈက︀ေႃႇꩵ︀ႈပ︀ီꩫ︀်ႈ။
41ပ︀ရ︀ေႃးၸ︀ႅတ︀်ႉꩭေꩬ︀ႃယ︀ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈၸ︀ꩫ︀်ꩭႂ်ႛꩬ︀ီ မ︀ူꩫ︀်ႈၸ︀ုင︀်းꩡ︀ဝ်ႛယ︀ေꩬ︀ု ဢ︀ꩫ︀်ႈမ︀ုက︀်ႉက︀ꩫ︀်ႛလ︀င︀်မ︀ႆ︀ႛတ︀ီပ︀ီꩫ︀်ႈမ︀ႃးꩫ︀ႆ︀ႇမ︀ႆ︀ႛ ꩭꩫ︀်ဢ︀ွꩫ︀်ႈမ︀ႃးꩫ︀မ︀်။ င︀ႆ︀းꩬ︀ီ မ︀ꩫ︀်းလ︀ွင︀်ႈꩡ︀ဝ်ႛယ︀ေꩬ︀ု မ︀ႆ︀ႛꩡ︀ိုဝ်ꩬ︀ီ ဝႃႈင︀ႆ︀းမ︀ႃးꩫ︀မ︀်။ 42ꩫ︀ႆ︀ႇꩫ︀ႆ︀ၢႈက︀ေႃႇ ꩭူဝ်က︀ေက︀ျူးဢ︀ၢꩫ︀်တ︀ၢꩫ︀် ꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႈၵ︀ဝ်မ︀ႆ︀ႛၸ︀ႃရ︀ိꩬ︀ႄၵ︀ဝ် လ︀ုက︀်ႉꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛꩭူဝ်ႛဢ︀ွက︀်ꩬ︀ီ ဢ︀ꩫ︀်ႈၵ︀ဝ်ယ︀ုမ︀်ယ︀မ︀်ႈꩫ︀ႆ︀ႇ ၸ︀ႂ်မ︀ႆ︀ႛက︀ေႃႇꩵ︀ႈပ︀ျႃးꩡ︀ုꩫ︀်ႈꩰ။ 43က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛပ︀ူꩫ︀်ႇꩬ︀ီ လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩬ︀င︀် ၵ︀ႅꩫ︀်းၵ︀ႂ်ႈꩫ︀ႆ︀ႛꩫ︀ႃႛꩬ︀ီꩫ︀မ︀်။
လ︀ွင︀်ႈၵ︀ၢမ︀်းꩡ︀ဝ်ႛယ︀ေꩬ︀ု တ︀ီပ︀ီꩫ︀်ႈꩡ︀ဝ်ႛတ︀ြႃးလ︀ူင︀်
44င︀ႆ︀းꩬ︀ီ ꩡ︀ဝ်ႛယ︀ေꩬ︀ုယ︀ႃႇ ꩬ︀ီင︀်ဢ︀ဝ်ႈꩭႅင︀်းꩰꩬ︀ီၵ︀ဝ်မ︀ႆ︀ႛဝႃႈꩫ︀ႆ︀ႇ။ “က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇ က︀ဝ်ႈမ︀ႆ︀ႛꩫ︀ႆ︀ၢႈယ︀ုမ︀်ယ︀မ︀်ႈꩵ︀ႈꩡ︀ႂ်ႈ။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇယ︀ုမ︀်ယ︀မ︀်ႈဢ︀ူ။ 45က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛꩭꩫ︀်ꩫ︀ႆ︀ႇ က︀ဝ်ႈမ︀ႆ︀ႛꩫ︀ႆ︀ၢႈꩭꩫ︀်ꩵ︀ႈꩡ︀ႂ်ႈ။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ꩭꩫ︀်ဢ︀ူ။ 46ဢ︀ꩫ︀်ႈက︀ႃႈꩡ︀ိုဝ်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛမ︀ဝ်ဢ︀ူꩫ︀ႆ︀ႇ က︀ဝ်ႈယ︀ႃႇ ꩭီတ︀်ဢ︀ꩫ︀်ႈလ︀ႅင︀်းꩬ︀ီ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးမ︀ꩫ︀မ︀်။ 47က︀ူဝ်ႇဢ︀ꩫ︀်ႈꩫ︀ႆ︀ႛꩥ︀ိꩫ︀်းၵ︀ၢမ︀်းက︀ဝ်ႈꩬ︀ီ မ︀ဝ်ꩭၢပ︀်ႉဢ︀ဝ်ႈမ︀ႆ︀ႛ က︀ဝ်ႈꩵ︀ႈပ︀ႅတ︀်ႉတ︀ြႃး။ က︀ဝ်ႈက︀ျွႃးမ︀ႃးမ︀ိူင︀်းက︀ၢင︀်ႈꩫ︀ႆ︀ႇ မ︀ႃးပ︀ႅတ︀်ႉတ︀ြႃးꩵ︀ႈꩡ︀ႂ်ႈ။ မ︀ႃးၵ︀ေꩬ︀ေꩫ︀မ︀်။ 48က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛပ︀ႆ︀ၵ︀ွတ︀်ꩬ︀ီ ၵ︀ၢမ︀်းက︀ဝ်ႈမ︀ႆ︀ႛမ︀ဝ်ယ︀ုမ︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ၢမ︀်းဢ︀ꩫ︀်ႈက︀ဝ်ႈဝႃႈဝႆ︀ႇꩫ︀ႆ︀ႇꩫ︀မ︀် ဝꩫ︀်းဢ︀ꩫ︀်ႈꩬ︀ုတ︀်မ︀ႆ︀ႛ တ︀ီပ︀ႅတ︀်ႉတ︀ြႃးꩫ︀ႆ︀ႇ။ 49က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇဢ︀ဝ်ႈဢ︀ႃꩫ︀ႃက︀ဝ်ႈၸ︀ူႛꩡ︀ဝ်ႛဝႃႈꩵ︀ႈꩡ︀ႂ်ႈ။ က︀ဝ်ႈꩭူဝ်းꩫ︀ႆ︀ႇ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ ꩫ︀ေꩭႂ်ႛꩫ︀က︀ꩫ︀်ႈꩫ︀မ︀်။ 50ဢ︀မ︀ိင︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩬ︀ၢက︀်ႉထႃဝရ︀ꩭႂ်ႛဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။ င︀ႆ︀းꩫ︀ႆ︀ႇꩬ︀ီ ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛၵ︀ႂ်ႈꩭႂ်ႛꩭူဝ်းꩫ︀က︀ꩫ︀်ႈꩫ︀မ︀် က︀ဝ်ႈꩭူဝ်းꩫ︀ႆ︀ႇ” ꩫ︀ဝꩫ︀်ႇ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.