ယ︀ေႃးꩭၢꩫ︀် 19
19
1ယ︀ဝ်ႇက︀ီး ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ꩭႂ်ႛꩭွင︀်ႇက︀ႃꩬ︀ီ ဢ︀ဝ်ႈꩬ︀ၢႆ︀ꩫ︀င︀်ꩭႂ်ႛꩭမ︀်းဢ︀ူ။ 2လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ ဢ︀ဝ်ႈꩫ︀ၢမ︀်ꩭီတ︀်ပ︀ွင︀်းꩬ︀ီ ꩭူဝ်မ︀ꩫ︀်းꩡ︀ဝ်ႛမ︀ႆ︀ႛꩬ︀ုပ︀်ꩭႂ်ႛဢ︀ူ။ ယ︀ဝ်ႇက︀ီးꩬ︀ိူဝ်ႛထမ︀ူင︀်ႇင︀ဝ်းမ︀က︀်ၵ︀ိူဝ်ꩫ︀ုင︀်ႈꩭႂ်ႛꩬ︀ီ 3တ︀ႆ︀ၢႛမ︀ꩫ︀်းꩡ︀ဝ်ႛမ︀ႆ︀ႛက︀ႃင︀ႆ︀း “ꩡ︀ဝ်ႛꩭူဝ်ၵ︀မ︀်းက︀ျူး မ︀ူꩫ︀်ႈꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ” ꩫ︀ꩬ︀ီ က︀ႅမ︀်ႛမ︀ꩫ︀်းꩡ︀ဝ်ႛမ︀ႆ︀ႛ တ︀ုက︀်ႉက︀ꩫ︀်ႈဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈင︀ႆ︀ႚင︀ႆ︀ႚꩭီတ︀်ဢ︀ူ။ 4ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ က︀ꩫ︀်ႛꩫ︀ွက︀်ႉမ︀ႆ︀ႛဢ︀ွက︀်ပ︀ွက︀်ႉမ︀ႃးꩬ︀ီ “မ︀ꩫ︀်းမ︀ႆ︀ႛ ဢ︀ပ︀ႅတ︀်ႉဢ︀ꩫ︀်ႈတ︀ီꩭႂ်ႛတ︀ၢမ︀်တ︀ႆ︀ၢႈဢ︀ꩫ︀်ႈလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈꩭꩫ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းꩬ︀ူတ︀ွင︀်းꩫ︀ႆ︀ႇ ꩭွင︀်ႇဢ︀ွက︀်မ︀ႃးက︀ွတ︀်” ꩫ︀ꩬ︀ီၸ︀ုင︀်က︀ူꩫ︀်းမ︀ႆ︀ႛဝႃႈဢ︀ူ။ 5ꩡ︀ဝ်ႛယ︀ေꩬ︀ုက︀ေႃႇ ပ︀ွင︀်းꩫ︀ၢမ︀်ꩬ︀ုပ︀်င︀ႆ︀း ꩬ︀ိူဝ်ႛထမ︀ူင︀်ႇင︀ဝ်းမ︀က︀်ၵ︀ိူဝ်ꩫ︀ုင︀်ႈꩬ︀ီဢ︀ွက︀်မ︀ႃးဢ︀ူ။ ၵ︀ုꩫ︀်ပ︀ိလ︀ၢတ︀်ယ︀ႃႇ “ပ︀လ︀ေႃး၊ မ︀ꩫ︀်းမ︀ႆ︀ႛ လ︀ႅမ︀်းလ︀ႃး” ꩫ︀ဝꩫ︀်ႇ။ 6ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ၸ︀ူႛပ︀ႂ်ႇꩡ︀ွင︀်းၿိက︀်ႉမ︀ၢꩫ︀်ꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်က︀ီး “မ︀ꩫ︀်းမ︀ႆ︀ႛ ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈၵ︀ွတ︀်တ︀ႃႉ” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။ ၵ︀ုꩫ︀်ပ︀ိလ︀ၢတ︀်ယ︀ႃႇ “ꩬ︀ူၸ︀ူႛꩡ︀ဝ်ႛꩬ︀ိုင︀် မ︀ꩫ︀်းမ︀ႆ︀ႛꩭွင︀်ႇက︀ႃꩬ︀ီ ꩬ︀ဝ်ဝႃးမ︀ိုဝ်းမ︀ႆ︀ႛတ︀ွက︀်တ︀ႆ︀ၢႈတ︀ႃႉ။ က︀ဝ်ႈယ︀ႃႇ မ︀ꩫ︀်းမ︀ႆ︀ႛဢ︀ပ︀ႅတ︀်ႉဢ︀ꩫ︀်ႈတ︀ီꩭႂ်ႛတ︀ၢမ︀်တ︀ႆ︀ၢႈ ဢ︀ꩫ︀်ႈလ︀ိူင︀်ႈꩫ︀ႆ︀ၢႈက︀ေႃႇꩵ︀ႈꩭꩫ︀်” ꩫ︀ဝꩫ︀်ႇ။ 7ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “မ︀ꩫ︀်းယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀ဝ်ႈက︀ျမ︀်းꩬ︀ိꩫ︀်တ︀ူႈက︀ီး မ︀ꩫ︀်းမ︀ႆ︀ႛဝႃႈဢ︀ဝ်ႈတ︀ႆ︀ၢႈဢ︀ူ” ꩫ︀ဝꩫ︀်ႇ။ 8ၵ︀ၢမ︀်းဢ︀မ︀ႂ်း ꩫ︀ႆ︀ႛꩥ︀ိꩫ︀်းက︀ီး ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ဢ︀ေႈၵ︀ႅꩫ︀်းက︀ူဝ်ႈမ︀ႃးꩬ︀ီ 9က︀ꩫ︀်ႛꩫ︀ႂ်းꩭိူꩫ︀်းမ︀ႆ︀ႛ ၵ︀ဝ်ႛပ︀ွက︀်ႉက︀ႃင︀ႆ︀း ꩡ︀ဝ်ႛယ︀ေꩬ︀ုမ︀ႆ︀ႛ “မ︀ႂ်းလ︀ုက︀်ႉပ︀ႃႛလ︀ႂ်ႈꩫ︀ႆ︀မ︀ႃးꩫ︀ႆ︀ႇ” ꩫ︀ဝꩫ︀်ႇ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ ꩵ︀ႈတ︀ွပ︀်။ 10င︀ႆ︀းက︀ီး ၵ︀ုꩫ︀်ပ︀ိလ︀ၢတ︀်ယ︀ႃႇ “ꩭီတ︀်က︀ꩬ︀င︀်ꩫ︀ႆ︀ မ︀ႂ်းက︀ဝ်ႈမ︀ႆ︀ႛ မ︀ဝ်တ︀ွပ︀်ꩫ︀ႆ︀ႇ။ က︀ဝ်ႈမ︀ႆ︀ႛꩬ︀ႃး ဢ︀ႃꩫ︀ႃဢ︀ꩫ︀်ႈမ︀ႂ်းမ︀ႆ︀ႛ ပ︀ွႆ︀လ︀ွတ︀်ႉꩭႂ်ႛတ︀မ︀ိူင︀်း၊ ဢ︀ꩫ︀်ႈꩬ︀ဝ်ဝႃးမ︀ိုဝ်းမ︀ႆ︀ႛတ︀ွက︀်တ︀ႆ︀ၢႈတ︀မ︀ိူင︀်း ယ︀င︀်းꩫ︀ႆ︀ႇ” ꩫ︀ဝꩫ︀်ႇ။ 11ꩡ︀ဝ်ႛယ︀ေꩬ︀ုယ︀ႃႇ “မ︀ႂ်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းမ︀ဝ်ꩭႂ်ႛက︀ီး မ︀ႂ်းꩡ︀ဝ်ႛမ︀ႆ︀ႛဢ︀ႃꩫ︀ႃက︀ꩬ︀င︀်က︀ေႃႇꩵ︀ႈယ︀င︀်း။ က︀ဝ်ႈမ︀ႆ︀ႛက︀ꩬ︀င︀်က︀ေႃႇ ꩭီတ︀်ꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းမ︀ႂ်းꩡ︀ဝ်ႛꩫ︀ႆ︀ႇ ၵ︀ႅꩫ︀်းဢ︀ပ︀ႅတ︀်ႉယ︀ႂ်ဢ︀ူ” ꩫ︀ဝꩫ︀်ႇ။
12ꩫ︀ႆ︀ႇမ︀ႆ︀ႛ ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ၵ︀ႃတ︀ၢင︀်းဢ︀ꩫ︀်ႈတ︀ီပ︀ွႆ︀လ︀ွတ︀်ႉꩡ︀ဝ်ႛယ︀ေꩬ︀ုဢ︀ူ။ ꩫ︀ႆ︀ႇꩫ︀က︀ေႃႇ ၸ︀ုင︀်က︀ူꩫ︀်းယ︀ႃႇ “မ︀ꩫ︀်းမ︀ႆ︀ႛပ︀ွႆ︀လ︀ွတ︀်ႉꩭႂ်ႛက︀ီး မ︀ႂ်းꩡ︀ဝ်ႛယ︀ႃႇ က︀ူꩫ︀်းပ︀ႃႛꩡ︀ဝ်ႛꩭူဝ်ꩬ︀ႅင︀်ꩵ︀ႈꩡ︀ႂ်ႈယ︀ဝ်ႇ။ က︀ူဝ်ႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩭီတ︀်ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇယ︀ႃႇ ဢ︀ꩫ︀်ႈꩡ︀ဝ်ႛꩭူဝ်ꩬ︀ႅင︀်မ︀ႆ︀ႛ ၸ︀ုꩫ︀်ႇပ︀ိꩫ︀်ႛꩫ︀မ︀်” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။ 13ၵ︀ၢမ︀်းꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈဢ︀ွက︀်က︀ꩫ︀်ႛꩫ︀ွက︀်ႉမ︀ႃးꩬ︀ီ ပ︀လ︀ၢင︀်တ︀ြႃးဢ︀ꩫ︀်ႈက︀ꩫ︀်ႛꩫ︀ိူဝ်ပ︀ႅꩫ︀်းꩭိꩫ︀်ဢ︀ꩫ︀်ႈဢ︀ဝ်ႈၵ︀ၢမ်းꩭေပ︀ရ︀ူးꩭွင︀်ႇဝႃႈ က︀ပ︀်ထꩫ︀ꩫ︀ႆ︀ႇမ︀ႆ︀ႛꩫ︀င︀်ႈဢ︀ူ။ 14မ︀ိူဝ်ႈဢ︀မ︀ႂ်းယ︀ႃႇ ဝꩫ︀်းက︀ꩫ︀်ႛꩫ︀ႃႛပ︀ွႆ︀းပ︀ူꩫ︀်ႇလ︀ွတ︀်ႉ ယ︀ၢꩫ︀်ႈက︀ၢင︀်ႈဝꩫ︀်းတ︀ီတ︀ီင︀်ႈꩫ︀မ︀်။ ၵ︀ုꩫ︀်ပ︀ိလ︀ၢတ︀်ယ︀ႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛ “ꩶ︀းမ︀ႆ︀ႛ ꩡ︀ဝ်ႛꩭူဝ်ၵ︀မ︀်းꩬ︀ူမ︀ႆ︀ႛလ︀ႅမ︀်းလ︀ႃး” ꩫ︀ဝꩫ︀်ႇ။ 15ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ “မ︀ꩫ︀်းမ︀ႆ︀ႛ ဢ︀ဝ်ႈတ︀ႆ︀ၢႈၵ︀ွတ︀်လ︀ႃး။ ဢ︀ဝ်ႈတ︀ႆ︀ၢႈၵ︀ွတ︀်လ︀ႃး။ ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈၵ︀ွတ︀်လ︀ႃး” ꩫ︀ꩬ︀ီဢ︀ိဝ်ပ︀ွက︀်ႉက︀ꩫ︀်ႈဢ︀ူ။ ၵ︀ုꩫ︀်ပ︀ိလ︀ၢတ︀်ယ︀ႃႇ “ꩡ︀ဝ်ႛꩭူဝ်ၵ︀မ︀်းꩬ︀ူမ︀ႆ︀ႛ ၵ︀ႂ်ႈꩭႂ်ႛတ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈက︀ျႃး” ꩫ︀ဝꩫ︀်ႇ။ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛꩭူဝ်ၵ︀မ︀်းတ︀ူႈယ︀ႃႇ ꩡ︀ဝ်ႛꩭူဝ်ꩬ︀ႅင︀်က︀ႄးတ︀ႃပ︀ိူꩫ︀်ႈꩡ︀ဝ်ႛꩫ︀မ︀်။ တ︀ူႈမ︀ႆ︀ႛꩡ︀ဝ်ႛꩭူဝ်ၵ︀မ︀်းတ︀ၢင︀်ပ︀ႃးꩵ︀ႈယ︀င︀်း” ꩫ︀ဝꩫ︀်ႇ။ 16င︀ႆ︀းက︀ီး ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းလ︀ုက︀်ႉꩬ︀ိူက︀်ရ︀ေႃမ︀ၵ︀ဝ်ꩬ︀ီ ꩭႂ်ႛက︀ႃတ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈဢ︀ူ။ င︀ႆ︀းꩬ︀ီ ၵ︀ဝ်က︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛꩭွင︀်ႇဢ︀ွက︀်က︀ႃဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈ
(မ︀တ︀်တ︀ႄး 27.32-44; မ︀ႃက︀ု 15.21-32; လ︀ုက︀ႃ 23.26-43)
17ꩡ︀ဝ်ႛယ︀ေꩬ︀ုက︀ေႃႇ ꩬ︀ဝ်ဝႃးမ︀ိုဝ်းမ︀ꩫ︀်းꩡ︀ဝ်ႛမ︀ႅက︀်ꩬ︀ီ တ︀ီဢ︀ꩫ︀်ႈင︀ွꩫ︀်းက︀ွက︀်လ︀ွက︀်ꩭူဝ်ꩫ︀ꩫ︀ႆ︀ႇမ︀ႆ︀ႛက︀ျွႃးက︀ႃဢ︀ူ။ တ︀ီႈဢ︀မ︀ႂ်းမ︀ႆ︀ႛ ဢ︀ဝ်ႈၵ︀ၢမ︀်းက︀ျူးယ︀ႃႇ က︀ေႃလ︀က︀ေႃတ︀ꩫ︀ꩫ︀မ︀်။ 18တ︀ီႈဢ︀မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ဝ်တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈဢ︀ူ။ က︀ူꩫ︀်းꩬ︀ွင︀်က︀ူဝ်ႇမ︀ႆ︀ႛက︀ေႃႇ ပ︀ႃႛၵ︀ႃပ︀ႃႛꩬ︀ၢႆ︀ႇမ︀ꩫ︀်းꩡ︀ဝ်ႛမ︀ႆ︀ႛဢ︀ေႈက︀ူဝ်ႇꩰ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈဝႆ︀ႇဢ︀ူ။ 19ၵ︀ုꩫ︀်ပ︀ိလ︀ၢတ︀်ယ︀ႃႇ လ︀ိက︀်ႉꩭူဝ်ꩡ︀ိုဝ်ႈတ︀ႅမ︀်ႛꩬ︀ီ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ပ︀်ဝႆ︀ႇဢ︀ူ။ လ︀ိက︀်ႉꩭူဝ်ꩡ︀ိုဝ်ႈဢ︀မ︀ႂ်းယ︀ႃႇ “ꩡ︀ဝ်ႛꩭူဝ်ၵ︀မ︀်းက︀ျူး၊ က︀ူꩫ︀်းဝီင︀်းꩫ︀ႃꩡ︀ရ︀ႅတ︀်ယ︀ေꩬ︀ု” ꩫ︀ꩫ︀မ︀်။ 20တ︀ီႈဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈꩫ︀ႆ︀ႇ ꩡ︀ွက︀်ႉတ︀ႆ︀ၢႛဝီင︀်းမ︀ႆ︀ႛꩫ︀မ︀်။ င︀ႆ︀းꩬ︀ီ ꩭူဝ်ꩡ︀ိုဝ်ႈဢ︀မ︀ႂ်းမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် ဢ︀ၢꩫ︀်က︀ꩫ︀်ႈဢ︀ူ။ ꩭူဝ်ꩡ︀ိုဝ်ႈဢ︀မ︀ႂ်းယ︀ႃႇ ဢ︀ဝ်ႈၵ︀ၢမ︀်းက︀ျူး၊ ၵ︀ၢမ︀်းလ︀ႅတ︀်တ︀ီꩫ︀်င︀ႆ︀း ၵ︀ၢမ︀်းက︀ရ︀ိက︀်ꩫ︀ႆ︀ႇၵ︀ဝ်တ︀ႅမ︀်ႛဝႆ︀ႇဢ︀ူ။ 21ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛꩭူဝ်ၵ︀မ︀်းက︀ျူး” ꩫ︀ꩬ︀ီပ︀ီတ︀ႅမ︀်ႛတ︀ီၵ︀ႃႛ။ “က︀ူဝ်ႇꩫ︀ႆ︀ႇယ︀ႃႇ က︀ဝ်ႈꩡ︀ဝ်ႛꩭူဝ်ၵ︀မ︀်းက︀ျူးꩫ︀မ︀် ꩫ︀ꩬ︀ီဝႃႈဢ︀ူ” ꩫ︀ꩬ︀ိုင︀်တ︀ႅမ︀်ႛတ︀ီၵ︀ႃႛတ︀ႃႉ” ꩫ︀ꩬ︀ီ ၵ︀ုꩫ︀်ပ︀ိလ︀ၢတ︀်မ︀ႆ︀ႛꩬ︀ွက︀်ႉဢ︀ူ။ 22ၵ︀ုꩫ︀်ပ︀ိလ︀ၢတ︀်ယ︀ႃႇ “ဢ︀ꩫ︀်ႈꩫ︀င︀်က︀ဝ်ႈတ︀ႅမ︀်ႛဝႆ︀ႇꩫ︀ႆ︀ႇ ꩭႂ်ႛဢ︀ူက︀ွတ︀်” ꩫ︀ဝꩫ︀်ႇ။ 23လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းယ︀ဝ်ႇက︀ီး ၵ︀ိူင︀်ႈမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်ꩬ︀ီꩡ︀ႃႇꩬ︀ီ ဢ︀ေႈက︀ူဝ်ႇဢ︀ေႈꩡ︀ႃႇပ︀ꩫ︀်ႈက︀ꩫ︀်ႈဢ︀ူ။ ꩬ︀ိူဝ်ႛထမ︀ူင︀်ႇမ︀ꩫ︀်းꩡ︀ဝ်ႛက︀ေႃႇ ၵ︀ဝ်ဢ︀ဝ်ႈဢ︀ူ။ ꩬ︀ိူဝ်ႛဢ︀မ︀ႂ်းယ︀ႃႇ ꩭွႆ︀းယ︀ၢပ︀်ႉမ︀ဝ်ဢ︀ဝ်ႈယ︀င︀်းင︀ႆ︀း တ︀ူဝ်းဢ︀ဝ်ႈပ︀ီꩫ︀်ႈပ︀ႅꩫ︀်လ︀ိူင︀်ႈꩫ︀ႆ︀ၢႈꩫ︀ႆ︀ႇꩬ︀ီ 24ၵ︀ဝ်ယ︀ႃႇ “ပ︀ႆ︀ႉ ꩵ︀တ︀ၢပ︀်ႉꩡ︀ိꩫ︀်ႇ၊ တ︀ႃႇက︀ꩫ︀်ႈꩬ︀ီ ဢ︀ဝ်ႈက︀ွတ︀်” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။ ဢ︀ꩫ︀်ႈလ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ꩭီတ︀်ꩫ︀ႆ︀ႇယ︀ႃႇ
“ၵ︀ိူင︀်ႈက︀ဝ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ဝ်ပ︀ꩫ︀်ႈက︀ꩫ︀်ႈဢ︀ူ။
ꩬ︀ိူဝ်ႛက︀ဝ်ႈမ︀ႆ︀ႛ တ︀ႃႇက︀ꩫ︀်ႈꩬ︀ီဢ︀ဝ်ႈဢ︀ူ”
ꩫ︀ꩬ︀ီꩫ︀င︀်ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀က︀ꩫ︀်ႈꩭႂ်ႛပ︀ူဝ်းတ︀ီမ︀်ႈထူꩫ︀်ႛမ︀ႃးꩫ︀ႆ︀ႇꩫ︀မ︀်။ 25မ︀ိူဝ်ႈဢ︀မ︀ႂ်း ၸ︀ူႛမ︀ေႈꩫ︀ၵ︀ႃၸ︀ူႛဢ︀ဝ်ႈꩬ︀ၢဝ်ꩡ︀ေႉꩡ︀ဝ်ႛယ︀ေꩬ︀ု၊ မ︀ေရ︀ီၸ︀ူႛမ︀ေးက︀လ︀ေႃၸ︀င︀ႆ︀း မ︀ေရ︀ီက︀ူꩫ︀်းမ︀ၢꩫ︀်ႛမ︀ႃက︀တ︀လ︀ၵ︀ဝ်ယ︀ႃႇ တ︀ႆ︀ၢႛꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ဝ်းဢ︀ူက︀ꩫ︀်ႈဢ︀ူ။ 26ၸ︀ူႛမ︀ေႈမ︀ꩫ︀်းꩡ︀ဝ်ႛမ︀ႆ︀ႛင︀ႆ︀း တ︀ႆ︀ၢႛၸ︀ူႛမ︀ေႈမ︀ꩫ︀်းꩡ︀ဝ်ႛမ︀ႆ︀ႛ တ︀ပ︀ေးꩡ︀ဝ်ႛဢ︀ꩫ︀်ႈမ︀ꩫ︀်းꩡ︀ဝ်ႛꩭၢက︀်ႉꩫ︀ႆ︀ႇ ꩬ︀ဝ်းꩬ︀ီဢ︀ူꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုꩭꩫ︀်က︀ီး “မ︀ေꩴ︀း လ︀ႃႉꩫ︀ႆ︀ႇ ဢ︀မ︀ႂ်းလ︀ုက︀်ႉမ︀ႂ်းꩡ︀ဝ်ႛꩬ︀ႃး” ꩫ︀ဝꩫ︀်ႇ။ 27ယ︀ဝ်ႇက︀ီး တ︀ပ︀ေးꩡ︀ဝ်ႛဢ︀မ︀ႂ်းမ︀ႆ︀ႛက︀ေႃႇ “ဢ︀မ︀ႂ်း မ︀ေမ︀ႂ်းꩬ︀ႃး” ꩫ︀ဝꩫ︀်ႇ။ လ︀ုက︀်ႉဢ︀မ︀ႂ်းမ︀ႆ︀ႛက︀ူဝ်ꩬ︀ီ တ︀ပ︀ေးꩡ︀ဝ်ႛဢ︀မ︀ႂ်း ၸ︀ူႛမ︀ေႈꩡ︀ဝ်ႛယ︀ေꩬ︀ုမ︀ႆ︀ႛ ꩭွင︀်ႇက︀ႃꩭိူꩫ︀်းမ︀ꩫ︀်းꩬ︀ီ မ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀က︀ႃဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု ꩡ︀ႂ်ႈၵ︀တ︀်
(မ︀တ︀်တ︀ႄး 27.45-56; မ︀ႃက︀ု 15.33-41; လ︀ုက︀ႃ 23.44-49)
28လ︀ႃႉꩫ︀ႆ︀ႇ ဢ︀မ︀ူးတ︀င︀်းမ︀ိူင︀်းယ︀ဝ်ႇꩰꩫ︀ꩫ︀ႆ︀ႇ မ︀ꩫ︀်းꩡ︀ဝ်ႛတ︀ွင︀်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀က︀ꩫ︀်ႈꩭႂ်ႛပ︀ူဝ်းတ︀ီမ︀်ႈထူꩫ︀်ႛမ︀ႃးꩫ︀ႆ︀ႇ “က︀ဝ်ႈꩭႃꩭႅင︀်ႛဢ︀ူ” ꩫ︀ꩬ︀ီဝႃႈဢ︀ူ။ 29တ︀ႆ︀ၢႛဢ︀မ︀ႂ်းမ︀ႆ︀ႛ ဢ︀ႅင︀်ꩭၢင︀်ယ︀ၢင︀်ႈဝၢႆ︀မ︀က︀်ꩡ︀ပ︀ႅတ︀်ႉယ︀င︀်းဢ︀ူ။ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ ပ︀ိင︀်ႈပ︀ူပ︀်ပ︀ၢင︀်လ︀ၢႆ︀ဢ︀ဝ်ႈင︀ႆ︀း ꩫ︀မ︀်ႇမ︀က︀်ဢ︀မ︀ႂ်းမ︀ႆ︀ႛꩡ︀ုပ︀်ႉယ︀ဝ်ႇက︀ီး ပ︀ႆ︀ၢႈမ︀ႆ︀ႇမ︀ႆ︀ႛၸ︀ုက︀်ꩡ︀ပ︀်ꩬ︀ီ ꩬ︀ူပ︀်ꩡ︀ဝ်ႛယ︀ေꩬ︀ုမ︀ႆ︀ႛ ယ︀ုꩫ︀်ႈꩭႂ်ႛဢ︀ူ။ 30ꩡ︀ဝ်ႛယ︀ေꩬ︀ုက︀ေႃႇ ဝၢႆ︀မ︀က︀်ꩡ︀ပ︀ႅတ︀်ႉဢ︀မ︀ႂ်းက︀ိꩫ︀်ႈယ︀ဝ်ႇက︀ီး “ဢ︀မ︀ူးယ︀ဝ်ႇꩰ” ꩫ︀ꩬ︀ီ ꩭူဝ်င︀ွက︀်ႉꩬ︀ီ ꩡ︀ႂ်ႈၵ︀တ︀်က︀ႃဢ︀ူ။
လ︀ွင︀်ႈတ︀ွင︀်ႇပ︀ေႇꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈꩭွက︀်ယ︀ွက︀်ႉ
31ꩭူဝ်က︀ေက︀ျူးꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈတ︀ွက︀်ꩬ︀ဝ်ဝႃးမ︀ိုဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀ိꩫ︀်ႈꩭၢက︀်င︀ႆ︀းက︀ႃၵ︀ွတ︀်က︀ွတ︀်ꩫ︀ꩬ︀ီ ၵ︀ုꩫ︀်ပ︀ိလ︀ၢတ︀်မ︀ႆ︀ႛက︀ႃယ︀ွꩫ︀်းဢ︀ၵ︀ၢင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းဢ︀မ︀ႂ်းယ︀ႃႇ ပ︀ီꩫ︀်ႈဝꩫ︀်းꩬ︀ၸ︀ိက︀်ႉꩫ︀ႆ︀ႇꩬ︀ီ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩭၢင︀်ႈတ︀ႆ︀ၢႈꩫ︀ႆ︀ႇၵ︀ဝ် ဢ︀ဝ်ႈထိုင︀်ဝꩫ︀်းက︀မ︀်ႈꩬ︀ိꩫ︀် ၵ︀ၢꩫ︀်ႇꩭႂ်ႛက︀ိူတ︀်ꩬ︀ီꩫ︀မ︀်။ လ︀ိူမ︀်တ︀ီꩫ︀ႆ︀ႇယ︀ႃႇ မ︀ိူဝ်ႈꩭုက︀်ႉယ︀ႃႇ ပ︀ီꩫ︀်ႈဝꩫ︀်းက︀မ︀်ႈꩬ︀ိꩫ︀်လ︀ူင︀်ꩬ︀ီꩫ︀မ︀်။ 32င︀ႆ︀းꩬ︀ီ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈတ︀င︀်းꩡ︀ဝ်ႛယ︀ေꩬ︀ု ꩬ︀ဝ်ဝႃးမ︀ိုဝ်းမ︀ႆ︀ႛတ︀ွက︀်ဝႆ︀ႇ က︀ူဝ်ႇလ︀ိူင︀်ႈမ︀ႆ︀ႛတ︀ိꩫ︀်ႈꩫ︀ႆ︀ႇၵ︀ဝ်ꩭၢက︀်ယ︀ဝ်ႇက︀ီး တ︀ၢင︀်က︀ူဝ်ႇမ︀ႆ︀ႛက︀ေႃႇက︀ႃꩭၢက︀်ဢ︀ူ။ 33ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛထိုင︀်မ︀ႃးက︀ီး မ︀ꩫ︀်းꩡ︀ဝ်ႛယ︀ႃႇꩡ︀ႂ်ႈၵ︀တ︀်ယ︀ဝ်ႇꩰ။ ꩫ︀ႆ︀ႇမ︀ႆ︀ႛၵ︀ဝ်တ︀ွင︀်းက︀ီး တ︀ိꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ꩵ︀ႈꩭၢက︀်ယ︀ဝ်ႇ။ 34ꩫ︀ႆ︀ႇꩫ︀က︀ေႃႇ လ︀ုက︀်ႉꩬ︀ိူက︀်က︀ူဝ်ႇလ︀ိူင︀်ႈယ︀ႃႇ တ︀ွင︀်ႇပ︀ေႇꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈꩭွက︀်ယ︀ွက︀်ႉၵ︀ွတ︀်က︀ီး က︀ꩡ︀ူးꩫ︀ိူတ︀်ႉꩫ︀ၵ︀ႃꩫ︀မ︀်ႇလ︀ႆ︀မ︀ႃးဢ︀ူ။ 35လ︀ွင︀်ႈꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩬ︀ူယ︀ုမ︀်ꩫ︀ႆ︀ႇ ၸ︀ူႛꩭꩫ︀်က︀ူဝ်ႇလ︀ိူင︀်ႈၵ︀ႆ︀ႈပ︀ျႃးဝႆ︀ႇꩫ︀မ︀်။ ဢ︀ꩫ︀်ႈမ︀ꩫ︀်းၵ︀ႆ︀ႈပ︀ျႃးꩫ︀ႆ︀ႇ ꩡ︀ႂ်ႈဢ︀ူ။ မ︀ꩫ︀်းၸ︀ူႛꩡ︀ဝ်ႛက︀ေႃႇ ꩡ︀ႂ်ႈဢ︀ူꩫ︀ꩫ︀ႆ︀ႇတ︀ွင︀်းဢ︀ူ။ 36ဢ︀ꩫ︀်ႈꩫ︀ႆ︀ႇယ︀ႃႇ “ꩫ︀ုက︀်မ︀ꩫ︀်းဢ︀ꩫ︀်ႈလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈꩫ︀ႆ︀ႛꩭၢက︀်” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းတ︀ီမ︀်ႈထူꩫ︀်ႛꩫ︀ႆ︀ႇ ꩫ︀မ︀်။ 37ၵ︀ူဝ်ႛက︀ျမ︀်းလ︀ိက︀်ႉဢ︀ꩫ︀်ႈလ︀ိူင︀်ႈမ︀ႆ︀ႛက︀ေႃႇ “ၵ︀ဝ်ယ︀ႃႇ က︀ူဝ်ႇဢ︀ꩫ︀်ႈၵ︀ဝ်ဢ︀ဝ်ႈꩭွက︀်ယ︀ွက︀်ႉဝႆ︀ႇꩫ︀ႆ︀ႇမ︀ႆ︀ႛ တ︀ီꩫ︀ူႈက︀ꩫ︀်ႈꩫ︀မ︀်” ꩫ︀ꩬ︀ီဝႃႈဝႆ︀ႇဢ︀ူ။
လ︀ွင︀်ႈꩭၢင︀်ႈꩡ︀ဝ်ႛယ︀ေꩬ︀ုမ︀ႆ︀ႛꩬ︀ႂ်ထမ︀်ႛပ︀ႃꩡ︀ႃႇ
(မ︀တ︀်တ︀ႄး 27.57-61; မ︀ႃက︀ု 15.42-47; လ︀ုက︀ႃ 23.50-56)
38ယ︀ဝ်ႇက︀ီး ယ︀ေႃတ︀ၢတ︀်က︀ူꩫ︀်းဝီင︀်းဢ︀ရ︀ိမ︀တ︀ႄးယ︀ႃႇ ၵ︀ုꩫ︀်ပ︀ိလ︀ၢတ︀်မ︀ႆ︀ႛ က︀ႃယ︀ွꩫ︀်းꩭၢင︀်ႈꩡ︀ဝ်ႛယ︀ေꩬ︀ုဢ︀ူ။ ယ︀ေႃတ︀ၢတ︀်ယ︀ႃႇ ꩭူဝ်က︀ေက︀ျူးꩫ︀ႆ︀ႇၵ︀ဝ်မ︀ႆ︀ႛက︀ူဝ်ႈꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ပ︀ႆ︀ၢႈမ︀ႅပ︀်ပ︀ႆ︀ၢႈꩬ︀ွꩫ︀်ႈꩬ︀ီ ယ︀ုမ︀်ယ︀မ︀်ႈꩫ︀မ︀်။ ၵ︀ုꩫ︀်ပ︀ိလ︀ၢတ︀်ဢ︀ၵ︀ၢင︀်းꩭႂ်ႛက︀ီး ယ︀ေႃတ︀ၢတ︀်က︀ေႃႇꩭၢင︀်ႈꩡ︀ဝ်ႛယ︀ေꩬ︀ု ဢ︀ဝ်ႈက︀ႃဢ︀ူ။ 39ꩫ︀ိက︀ေႃတ︀ီꩫ︀်က︀ေႃႇ မ︀ꩫ︀်းꩭွမ︀်ဢ︀ꩫ︀်ႈတ︀င︀်းယ︀ႃႛꩭွမ︀်ၵ︀ူꩫ︀်းက︀ꩫ︀်ႈဝႆ︀ႇꩫ︀ႆ︀ႇ ၵ︀ꩫ︀်ꩬ︀ၢမ︀်ꩬ︀ိပ︀်ꩡ︀ွႆ︀ႇဢ︀ဝ်ႈꩬ︀ီ တ︀င︀်းယ︀ေႃတ︀ၢတ︀်ꩡ︀ွမ︀်းက︀ႃဢ︀ူ။ ꩫ︀ိက︀ေႃတ︀ီꩫ︀်ယ︀ႃႇ က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ပ︀ၢင︀်ႛၵ︀မ︀်ႈꩭွꩫ︀်မ︀ႃးꩭꩫ︀်ꩫ︀ႆ︀ႇꩫ︀မ︀်။ 40ꩬ︀ွင︀်ၵ︀ႃယ︀ႃႇ ꩭၢင︀်ႈꩡ︀ဝ်ႛယ︀ေꩬ︀ုဢ︀ဝ်ႈယ︀ဝ်ႇက︀ီး ꩫ︀င︀်ထုင︀်းၸ︀ႃꩬ︀ႃက︀ျူးꩫ︀က︀ꩫ︀်ႈ မ︀ိူဝ်ႈꩵ︀ႈပ︀ႆ︀ꩬ︀ႂ်ထမ︀်ႛပ︀ႃꩡ︀ႃႇꩫ︀ႆ︀ႇ မ︀ꩫ︀်းꩭွမ︀်တ︀ၢက︀်ႉꩬ︀ီ ဢ︀ဝ်ႈမ︀ꩫ︀်ႛၸ︀ွတ︀်ႉဝႆ︀ႇဢ︀ူ။ 41တ︀ီႈဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈမ︀ႆ︀ႛ ꩬ︀ူꩫ︀်ဢ︀ꩫ︀်ႈလ︀ိူင︀်ႈယ︀င︀်းဢ︀ူ။ ꩬ︀ူꩫ︀်ဢ︀မ︀ႂ်းမ︀ႆ︀ႛ ထမ︀်ႛပ︀ႃꩡ︀ႃႇဢ︀ꩫ︀်ႈၸ︀ႂ်မ︀ႆ︀ႛက︀ေႃႇ ꩵ︀ႈပ︀ႆ︀ꩬ︀ႂ်ꩫ︀ႆ︀ႇယ︀င︀်းဢ︀ူ။ 42ဝꩫ︀်းဢ︀မ︀ႂ်းယ︀ႃႇ ပ︀ီꩫ︀်ႈဝꩫ︀်းꩬ︀ၸ︀ိက︀်ႉင︀ႆ︀း ထမ︀်ႛပ︀ႃꩡ︀ႃႇဢ︀မ︀ႂ်းက︀ေႃႇက︀ႂ်ႛꩫ︀ႆ︀ႇꩬ︀ီ ဢ︀မ︀ႂ်းမ︀ႆ︀ႛ ꩭၢင︀်ႈꩡ︀ဝ်ႛယ︀ေꩬ︀ု ꩬ︀ႂ်ဝႆ︀ႇဢ︀ူ။
Currently Selected:
ယ︀ေႃးꩭၢꩫ︀် 19: kht
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
ယ︀ေႃးꩭၢꩫ︀် 19
19
1ယ︀ဝ်ႇက︀ီး ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ꩭႂ်ႛꩭွင︀်ႇက︀ႃꩬ︀ီ ဢ︀ဝ်ႈꩬ︀ၢႆ︀ꩫ︀င︀်ꩭႂ်ႛꩭမ︀်းဢ︀ူ။ 2လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ ဢ︀ဝ်ႈꩫ︀ၢမ︀်ꩭီတ︀်ပ︀ွင︀်းꩬ︀ီ ꩭူဝ်မ︀ꩫ︀်းꩡ︀ဝ်ႛမ︀ႆ︀ႛꩬ︀ုပ︀်ꩭႂ်ႛဢ︀ူ။ ယ︀ဝ်ႇက︀ီးꩬ︀ိူဝ်ႛထမ︀ူင︀်ႇင︀ဝ်းမ︀က︀်ၵ︀ိူဝ်ꩫ︀ုင︀်ႈꩭႂ်ႛꩬ︀ီ 3တ︀ႆ︀ၢႛမ︀ꩫ︀်းꩡ︀ဝ်ႛမ︀ႆ︀ႛက︀ႃင︀ႆ︀း “ꩡ︀ဝ်ႛꩭူဝ်ၵ︀မ︀်းက︀ျူး မ︀ူꩫ︀်ႈꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ” ꩫ︀ꩬ︀ီ က︀ႅမ︀်ႛမ︀ꩫ︀်းꩡ︀ဝ်ႛမ︀ႆ︀ႛ တ︀ုက︀်ႉက︀ꩫ︀်ႈဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈင︀ႆ︀ႚင︀ႆ︀ႚꩭီတ︀်ဢ︀ူ။ 4ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ က︀ꩫ︀်ႛꩫ︀ွက︀်ႉမ︀ႆ︀ႛဢ︀ွက︀်ပ︀ွက︀်ႉမ︀ႃးꩬ︀ီ “မ︀ꩫ︀်းမ︀ႆ︀ႛ ဢ︀ပ︀ႅတ︀်ႉဢ︀ꩫ︀်ႈတ︀ီꩭႂ်ႛတ︀ၢမ︀်တ︀ႆ︀ၢႈဢ︀ꩫ︀်ႈလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈꩭꩫ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းꩬ︀ူတ︀ွင︀်းꩫ︀ႆ︀ႇ ꩭွင︀်ႇဢ︀ွက︀်မ︀ႃးက︀ွတ︀်” ꩫ︀ꩬ︀ီၸ︀ုင︀်က︀ူꩫ︀်းမ︀ႆ︀ႛဝႃႈဢ︀ူ။ 5ꩡ︀ဝ်ႛယ︀ေꩬ︀ုက︀ေႃႇ ပ︀ွင︀်းꩫ︀ၢမ︀်ꩬ︀ုပ︀်င︀ႆ︀း ꩬ︀ိူဝ်ႛထမ︀ူင︀်ႇင︀ဝ်းမ︀က︀်ၵ︀ိူဝ်ꩫ︀ုင︀်ႈꩬ︀ီဢ︀ွက︀်မ︀ႃးဢ︀ူ။ ၵ︀ုꩫ︀်ပ︀ိလ︀ၢတ︀်ယ︀ႃႇ “ပ︀လ︀ေႃး၊ မ︀ꩫ︀်းမ︀ႆ︀ႛ လ︀ႅမ︀်းလ︀ႃး” ꩫ︀ဝꩫ︀်ႇ။ 6ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ၸ︀ူႛပ︀ႂ်ႇꩡ︀ွင︀်းၿိက︀်ႉမ︀ၢꩫ︀်ꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛꩭꩫ︀်က︀ီး “မ︀ꩫ︀်းမ︀ႆ︀ႛ ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈၵ︀ွတ︀်တ︀ႃႉ” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။ ၵ︀ုꩫ︀်ပ︀ိလ︀ၢတ︀်ယ︀ႃႇ “ꩬ︀ူၸ︀ူႛꩡ︀ဝ်ႛꩬ︀ိုင︀် မ︀ꩫ︀်းမ︀ႆ︀ႛꩭွင︀်ႇက︀ႃꩬ︀ီ ꩬ︀ဝ်ဝႃးမ︀ိုဝ်းမ︀ႆ︀ႛတ︀ွက︀်တ︀ႆ︀ၢႈတ︀ႃႉ။ က︀ဝ်ႈယ︀ႃႇ မ︀ꩫ︀်းမ︀ႆ︀ႛဢ︀ပ︀ႅတ︀်ႉဢ︀ꩫ︀်ႈတ︀ီꩭႂ်ႛတ︀ၢမ︀်တ︀ႆ︀ၢႈ ဢ︀ꩫ︀်ႈလ︀ိူင︀်ႈꩫ︀ႆ︀ၢႈက︀ေႃႇꩵ︀ႈꩭꩫ︀်” ꩫ︀ဝꩫ︀်ႇ။ 7ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “မ︀ꩫ︀်းယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ဢ︀ဝ်ႈက︀ျမ︀်းꩬ︀ိꩫ︀်တ︀ူႈက︀ီး မ︀ꩫ︀်းမ︀ႆ︀ႛဝႃႈဢ︀ဝ်ႈတ︀ႆ︀ၢႈဢ︀ူ” ꩫ︀ဝꩫ︀်ႇ။ 8ၵ︀ၢမ︀်းဢ︀မ︀ႂ်း ꩫ︀ႆ︀ႛꩥ︀ိꩫ︀်းက︀ီး ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ဢ︀ေႈၵ︀ႅꩫ︀်းက︀ူဝ်ႈမ︀ႃးꩬ︀ီ 9က︀ꩫ︀်ႛꩫ︀ႂ်းꩭိူꩫ︀်းမ︀ႆ︀ႛ ၵ︀ဝ်ႛပ︀ွက︀်ႉက︀ႃင︀ႆ︀း ꩡ︀ဝ်ႛယ︀ေꩬ︀ုမ︀ႆ︀ႛ “မ︀ႂ်းလ︀ုက︀်ႉပ︀ႃႛလ︀ႂ်ႈꩫ︀ႆ︀မ︀ႃးꩫ︀ႆ︀ႇ” ꩫ︀ဝꩫ︀်ႇ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ ꩵ︀ႈတ︀ွပ︀်။ 10င︀ႆ︀းက︀ီး ၵ︀ုꩫ︀်ပ︀ိလ︀ၢတ︀်ယ︀ႃႇ “ꩭီတ︀်က︀ꩬ︀င︀်ꩫ︀ႆ︀ မ︀ႂ်းက︀ဝ်ႈမ︀ႆ︀ႛ မ︀ဝ်တ︀ွပ︀်ꩫ︀ႆ︀ႇ။ က︀ဝ်ႈမ︀ႆ︀ႛꩬ︀ႃး ဢ︀ႃꩫ︀ႃဢ︀ꩫ︀်ႈမ︀ႂ်းမ︀ႆ︀ႛ ပ︀ွႆ︀လ︀ွတ︀်ႉꩭႂ်ႛတ︀မ︀ိူင︀်း၊ ဢ︀ꩫ︀်ႈꩬ︀ဝ်ဝႃးမ︀ိုဝ်းမ︀ႆ︀ႛတ︀ွက︀်တ︀ႆ︀ၢႈတ︀မ︀ိူင︀်း ယ︀င︀်းꩫ︀ႆ︀ႇ” ꩫ︀ဝꩫ︀်ႇ။ 11ꩡ︀ဝ်ႛယ︀ေꩬ︀ုယ︀ႃႇ “မ︀ႂ်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းမ︀ဝ်ꩭႂ်ႛက︀ီး မ︀ႂ်းꩡ︀ဝ်ႛမ︀ႆ︀ႛဢ︀ႃꩫ︀ႃက︀ꩬ︀င︀်က︀ေႃႇꩵ︀ႈယ︀င︀်း။ က︀ဝ်ႈမ︀ႆ︀ႛက︀ꩬ︀င︀်က︀ေႃႇ ꩭီတ︀်ꩵ︀ႈꩫ︀ႆ︀ႛ။ င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းမ︀ႂ်းꩡ︀ဝ်ႛꩫ︀ႆ︀ႇ ၵ︀ႅꩫ︀်းဢ︀ပ︀ႅတ︀်ႉယ︀ႂ်ဢ︀ူ” ꩫ︀ဝꩫ︀်ႇ။
12ꩫ︀ႆ︀ႇမ︀ႆ︀ႛ ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ၵ︀ႃတ︀ၢင︀်းဢ︀ꩫ︀်ႈတ︀ီပ︀ွႆ︀လ︀ွတ︀်ႉꩡ︀ဝ်ႛယ︀ေꩬ︀ုဢ︀ူ။ ꩫ︀ႆ︀ႇꩫ︀က︀ေႃႇ ၸ︀ုင︀်က︀ူꩫ︀်းယ︀ႃႇ “မ︀ꩫ︀်းမ︀ႆ︀ႛပ︀ွႆ︀လ︀ွတ︀်ႉꩭႂ်ႛက︀ီး မ︀ႂ်းꩡ︀ဝ်ႛယ︀ႃႇ က︀ူꩫ︀်းပ︀ႃႛꩡ︀ဝ်ႛꩭူဝ်ꩬ︀ႅင︀်ꩵ︀ႈꩡ︀ႂ်ႈယ︀ဝ်ႇ။ က︀ူဝ်ႇဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛꩭီတ︀်ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇယ︀ႃႇ ဢ︀ꩫ︀်ႈꩡ︀ဝ်ႛꩭူဝ်ꩬ︀ႅင︀်မ︀ႆ︀ႛ ၸ︀ုꩫ︀်ႇပ︀ိꩫ︀်ႛꩫ︀မ︀်” ꩫ︀ꩬ︀ီဢ︀ိဝ်က︀ꩫ︀်ႈဢ︀ူ။ 13ၵ︀ၢမ︀်းꩫ︀ႆ︀ႇꩫ︀ႆ︀ႛꩥ︀ိꩫ︀်းက︀ီး ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈဢ︀ွက︀်က︀ꩫ︀်ႛꩫ︀ွက︀်ႉမ︀ႃးꩬ︀ီ ပ︀လ︀ၢင︀်တ︀ြႃးဢ︀ꩫ︀်ႈက︀ꩫ︀်ႛꩫ︀ိူဝ်ပ︀ႅꩫ︀်းꩭိꩫ︀်ဢ︀ꩫ︀်ႈဢ︀ဝ်ႈၵ︀ၢမ်းꩭေပ︀ရ︀ူးꩭွင︀်ႇဝႃႈ က︀ပ︀်ထꩫ︀ꩫ︀ႆ︀ႇမ︀ႆ︀ႛꩫ︀င︀်ႈဢ︀ူ။ 14မ︀ိူဝ်ႈဢ︀မ︀ႂ်းယ︀ႃႇ ဝꩫ︀်းက︀ꩫ︀်ႛꩫ︀ႃႛပ︀ွႆ︀းပ︀ူꩫ︀်ႇလ︀ွတ︀်ႉ ယ︀ၢꩫ︀်ႈက︀ၢင︀်ႈဝꩫ︀်းတ︀ီတ︀ီင︀်ႈꩫ︀မ︀်။ ၵ︀ုꩫ︀်ပ︀ိလ︀ၢတ︀်ယ︀ႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛ “ꩶ︀းမ︀ႆ︀ႛ ꩡ︀ဝ်ႛꩭူဝ်ၵ︀မ︀်းꩬ︀ူမ︀ႆ︀ႛလ︀ႅမ︀်းလ︀ႃး” ꩫ︀ဝꩫ︀်ႇ။ 15ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ “မ︀ꩫ︀်းမ︀ႆ︀ႛ ဢ︀ဝ်ႈတ︀ႆ︀ၢႈၵ︀ွတ︀်လ︀ႃး။ ဢ︀ဝ်ႈတ︀ႆ︀ၢႈၵ︀ွတ︀်လ︀ႃး။ ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈၵ︀ွတ︀်လ︀ႃး” ꩫ︀ꩬ︀ီဢ︀ိဝ်ပ︀ွက︀်ႉက︀ꩫ︀်ႈဢ︀ူ။ ၵ︀ုꩫ︀်ပ︀ိလ︀ၢတ︀်ယ︀ႃႇ “ꩡ︀ဝ်ႛꩭူဝ်ၵ︀မ︀်းꩬ︀ူမ︀ႆ︀ႛ ၵ︀ႂ်ႈꩭႂ်ႛတ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈက︀ျႃး” ꩫ︀ဝꩫ︀်ႇ။ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛꩭူဝ်ၵ︀မ︀်းတ︀ူႈယ︀ႃႇ ꩡ︀ဝ်ႛꩭူဝ်ꩬ︀ႅင︀်က︀ႄးတ︀ႃပ︀ိူꩫ︀်ႈꩡ︀ဝ်ႛꩫ︀မ︀်။ တ︀ူႈမ︀ႆ︀ႛꩡ︀ဝ်ႛꩭူဝ်ၵ︀မ︀်းတ︀ၢင︀်ပ︀ႃးꩵ︀ႈယ︀င︀်း” ꩫ︀ဝꩫ︀်ႇ။ 16င︀ႆ︀းက︀ီး ၵ︀ုꩫ︀်ပ︀ိလ︀ၢတ︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းလ︀ုက︀်ႉꩬ︀ိူက︀်ရ︀ေႃမ︀ၵ︀ဝ်ꩬ︀ီ ꩭႂ်ႛက︀ႃတ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈဢ︀ူ။ င︀ႆ︀းꩬ︀ီ ၵ︀ဝ်က︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛꩭွင︀်ႇဢ︀ွက︀်က︀ႃဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈ
(မ︀တ︀်တ︀ႄး 27.32-44; မ︀ႃက︀ု 15.21-32; လ︀ုက︀ႃ 23.26-43)
17ꩡ︀ဝ်ႛယ︀ေꩬ︀ုက︀ေႃႇ ꩬ︀ဝ်ဝႃးမ︀ိုဝ်းမ︀ꩫ︀်းꩡ︀ဝ်ႛမ︀ႅက︀်ꩬ︀ီ တ︀ီဢ︀ꩫ︀်ႈင︀ွꩫ︀်းက︀ွက︀်လ︀ွက︀်ꩭူဝ်ꩫ︀ꩫ︀ႆ︀ႇမ︀ႆ︀ႛက︀ျွႃးက︀ႃဢ︀ူ။ တ︀ီႈဢ︀မ︀ႂ်းမ︀ႆ︀ႛ ဢ︀ဝ်ႈၵ︀ၢမ︀်းက︀ျူးယ︀ႃႇ က︀ေႃလ︀က︀ေႃတ︀ꩫ︀ꩫ︀မ︀်။ 18တ︀ီႈဢ︀မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ဝ်တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈဢ︀ူ။ က︀ူꩫ︀်းꩬ︀ွင︀်က︀ူဝ်ႇမ︀ႆ︀ႛက︀ေႃႇ ပ︀ႃႛၵ︀ႃပ︀ႃႛꩬ︀ၢႆ︀ႇမ︀ꩫ︀်းꩡ︀ဝ်ႛမ︀ႆ︀ႛဢ︀ေႈက︀ူဝ်ႇꩰ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈဝႆ︀ႇဢ︀ူ။ 19ၵ︀ုꩫ︀်ပ︀ိလ︀ၢတ︀်ယ︀ႃႇ လ︀ိက︀်ႉꩭူဝ်ꩡ︀ိုဝ်ႈတ︀ႅမ︀်ႛꩬ︀ီ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ပ︀်ဝႆ︀ႇဢ︀ူ။ လ︀ိက︀်ႉꩭူဝ်ꩡ︀ိုဝ်ႈဢ︀မ︀ႂ်းယ︀ႃႇ “ꩡ︀ဝ်ႛꩭူဝ်ၵ︀မ︀်းက︀ျူး၊ က︀ူꩫ︀်းဝီင︀်းꩫ︀ႃꩡ︀ရ︀ႅတ︀်ယ︀ေꩬ︀ု” ꩫ︀ꩫ︀မ︀်။ 20တ︀ီႈဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈꩫ︀ႆ︀ႇ ꩡ︀ွက︀်ႉတ︀ႆ︀ၢႛဝီင︀်းမ︀ႆ︀ႛꩫ︀မ︀်။ င︀ႆ︀းꩬ︀ီ ꩭူဝ်ꩡ︀ိုဝ်ႈဢ︀မ︀ႂ်းမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် ဢ︀ၢꩫ︀်က︀ꩫ︀်ႈဢ︀ူ။ ꩭူဝ်ꩡ︀ိုဝ်ႈဢ︀မ︀ႂ်းယ︀ႃႇ ဢ︀ဝ်ႈၵ︀ၢမ︀်းက︀ျူး၊ ၵ︀ၢမ︀်းလ︀ႅတ︀်တ︀ီꩫ︀်င︀ႆ︀း ၵ︀ၢမ︀်းက︀ရ︀ိက︀်ꩫ︀ႆ︀ႇၵ︀ဝ်တ︀ႅမ︀်ႛဝႆ︀ႇဢ︀ူ။ 21ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛꩭူဝ်ၵ︀မ︀်းက︀ျူး” ꩫ︀ꩬ︀ီပ︀ီတ︀ႅမ︀်ႛတ︀ီၵ︀ႃႛ။ “က︀ူဝ်ႇꩫ︀ႆ︀ႇယ︀ႃႇ က︀ဝ်ႈꩡ︀ဝ်ႛꩭူဝ်ၵ︀မ︀်းက︀ျူးꩫ︀မ︀် ꩫ︀ꩬ︀ီဝႃႈဢ︀ူ” ꩫ︀ꩬ︀ိုင︀်တ︀ႅမ︀်ႛတ︀ီၵ︀ႃႛတ︀ႃႉ” ꩫ︀ꩬ︀ီ ၵ︀ုꩫ︀်ပ︀ိလ︀ၢတ︀်မ︀ႆ︀ႛꩬ︀ွက︀်ႉဢ︀ူ။ 22ၵ︀ုꩫ︀်ပ︀ိလ︀ၢတ︀်ယ︀ႃႇ “ဢ︀ꩫ︀်ႈꩫ︀င︀်က︀ဝ်ႈတ︀ႅမ︀်ႛဝႆ︀ႇꩫ︀ႆ︀ႇ ꩭႂ်ႛဢ︀ူက︀ွတ︀်” ꩫ︀ဝꩫ︀်ႇ။ 23လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းယ︀ဝ်ႇက︀ီး ၵ︀ိူင︀်ႈမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်ꩬ︀ီꩡ︀ႃႇꩬ︀ီ ဢ︀ေႈက︀ူဝ်ႇဢ︀ေႈꩡ︀ႃႇပ︀ꩫ︀်ႈက︀ꩫ︀်ႈဢ︀ူ။ ꩬ︀ိူဝ်ႛထမ︀ူင︀်ႇမ︀ꩫ︀်းꩡ︀ဝ်ႛက︀ေႃႇ ၵ︀ဝ်ဢ︀ဝ်ႈဢ︀ူ။ ꩬ︀ိူဝ်ႛဢ︀မ︀ႂ်းယ︀ႃႇ ꩭွႆ︀းယ︀ၢပ︀်ႉမ︀ဝ်ဢ︀ဝ်ႈယ︀င︀်းင︀ႆ︀း တ︀ူဝ်းဢ︀ဝ်ႈပ︀ီꩫ︀်ႈပ︀ႅꩫ︀်လ︀ိူင︀်ႈꩫ︀ႆ︀ၢႈꩫ︀ႆ︀ႇꩬ︀ီ 24ၵ︀ဝ်ယ︀ႃႇ “ပ︀ႆ︀ႉ ꩵ︀တ︀ၢပ︀်ႉꩡ︀ိꩫ︀်ႇ၊ တ︀ႃႇက︀ꩫ︀်ႈꩬ︀ီ ဢ︀ဝ်ႈက︀ွတ︀်” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။ ဢ︀ꩫ︀်ႈလ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ꩭီတ︀်ꩫ︀ႆ︀ႇယ︀ႃႇ
“ၵ︀ိူင︀်ႈက︀ဝ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ဝ်ပ︀ꩫ︀်ႈက︀ꩫ︀်ႈဢ︀ူ။
ꩬ︀ိူဝ်ႛက︀ဝ်ႈမ︀ႆ︀ႛ တ︀ႃႇက︀ꩫ︀်ႈꩬ︀ီဢ︀ဝ်ႈဢ︀ူ”
ꩫ︀ꩬ︀ီꩫ︀င︀်ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀က︀ꩫ︀်ႈꩭႂ်ႛပ︀ူဝ်းတ︀ီမ︀်ႈထူꩫ︀်ႛမ︀ႃးꩫ︀ႆ︀ႇꩫ︀မ︀်။ 25မ︀ိူဝ်ႈဢ︀မ︀ႂ်း ၸ︀ူႛမ︀ေႈꩫ︀ၵ︀ႃၸ︀ူႛဢ︀ဝ်ႈꩬ︀ၢဝ်ꩡ︀ေႉꩡ︀ဝ်ႛယ︀ေꩬ︀ု၊ မ︀ေရ︀ီၸ︀ူႛမ︀ေးက︀လ︀ေႃၸ︀င︀ႆ︀း မ︀ေရ︀ီက︀ူꩫ︀်းမ︀ၢꩫ︀်ႛမ︀ႃက︀တ︀လ︀ၵ︀ဝ်ယ︀ႃႇ တ︀ႆ︀ၢႛꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ဝ်းဢ︀ူက︀ꩫ︀်ႈဢ︀ူ။ 26ၸ︀ူႛမ︀ေႈမ︀ꩫ︀်းꩡ︀ဝ်ႛမ︀ႆ︀ႛင︀ႆ︀း တ︀ႆ︀ၢႛၸ︀ူႛမ︀ေႈမ︀ꩫ︀်းꩡ︀ဝ်ႛမ︀ႆ︀ႛ တ︀ပ︀ေးꩡ︀ဝ်ႛဢ︀ꩫ︀်ႈမ︀ꩫ︀်းꩡ︀ဝ်ႛꩭၢက︀်ႉꩫ︀ႆ︀ႇ ꩬ︀ဝ်းꩬ︀ီဢ︀ူꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုꩭꩫ︀်က︀ီး “မ︀ေꩴ︀း လ︀ႃႉꩫ︀ႆ︀ႇ ဢ︀မ︀ႂ်းလ︀ုက︀်ႉမ︀ႂ်းꩡ︀ဝ်ႛꩬ︀ႃး” ꩫ︀ဝꩫ︀်ႇ။ 27ယ︀ဝ်ႇက︀ီး တ︀ပ︀ေးꩡ︀ဝ်ႛဢ︀မ︀ႂ်းမ︀ႆ︀ႛက︀ေႃႇ “ဢ︀မ︀ႂ်း မ︀ေမ︀ႂ်းꩬ︀ႃး” ꩫ︀ဝꩫ︀်ႇ။ လ︀ုက︀်ႉဢ︀မ︀ႂ်းမ︀ႆ︀ႛက︀ူဝ်ꩬ︀ီ တ︀ပ︀ေးꩡ︀ဝ်ႛဢ︀မ︀ႂ်း ၸ︀ူႛမ︀ေႈꩡ︀ဝ်ႛယ︀ေꩬ︀ုမ︀ႆ︀ႛ ꩭွင︀်ႇက︀ႃꩭိူꩫ︀်းမ︀ꩫ︀်းꩬ︀ီ မ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀က︀ႃဢ︀ူ။
လ︀ွင︀်ႈꩡ︀ဝ်ႛယ︀ေꩬ︀ု ꩡ︀ႂ်ႈၵ︀တ︀်
(မ︀တ︀်တ︀ႄး 27.45-56; မ︀ႃက︀ု 15.33-41; လ︀ုက︀ႃ 23.44-49)
28လ︀ႃႉꩫ︀ႆ︀ႇ ဢ︀မ︀ူးတ︀င︀်းမ︀ိူင︀်းယ︀ဝ်ႇꩰꩫ︀ꩫ︀ႆ︀ႇ မ︀ꩫ︀်းꩡ︀ဝ်ႛတ︀ွင︀်းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀က︀ꩫ︀်ႈꩭႂ်ႛပ︀ူဝ်းတ︀ီမ︀်ႈထူꩫ︀်ႛမ︀ႃးꩫ︀ႆ︀ႇ “က︀ဝ်ႈꩭႃꩭႅင︀်ႛဢ︀ူ” ꩫ︀ꩬ︀ီဝႃႈဢ︀ူ။ 29တ︀ႆ︀ၢႛဢ︀မ︀ႂ်းမ︀ႆ︀ႛ ဢ︀ႅင︀်ꩭၢင︀်ယ︀ၢင︀်ႈဝၢႆ︀မ︀က︀်ꩡ︀ပ︀ႅတ︀်ႉယ︀င︀်းဢ︀ူ။ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ ပ︀ိင︀်ႈပ︀ူပ︀်ပ︀ၢင︀်လ︀ၢႆ︀ဢ︀ဝ်ႈင︀ႆ︀း ꩫ︀မ︀်ႇမ︀က︀်ဢ︀မ︀ႂ်းမ︀ႆ︀ႛꩡ︀ုပ︀်ႉယ︀ဝ်ႇက︀ီး ပ︀ႆ︀ၢႈမ︀ႆ︀ႇမ︀ႆ︀ႛၸ︀ုက︀်ꩡ︀ပ︀်ꩬ︀ီ ꩬ︀ူပ︀်ꩡ︀ဝ်ႛယ︀ေꩬ︀ုမ︀ႆ︀ႛ ယ︀ုꩫ︀်ႈꩭႂ်ႛဢ︀ူ။ 30ꩡ︀ဝ်ႛယ︀ေꩬ︀ုက︀ေႃႇ ဝၢႆ︀မ︀က︀်ꩡ︀ပ︀ႅတ︀်ႉဢ︀မ︀ႂ်းက︀ိꩫ︀်ႈယ︀ဝ်ႇက︀ီး “ဢ︀မ︀ူးယ︀ဝ်ႇꩰ” ꩫ︀ꩬ︀ီ ꩭူဝ်င︀ွက︀်ႉꩬ︀ီ ꩡ︀ႂ်ႈၵ︀တ︀်က︀ႃဢ︀ူ။
လ︀ွင︀်ႈတ︀ွင︀်ႇပ︀ေႇꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈꩭွက︀်ယ︀ွက︀်ႉ
31ꩭူဝ်က︀ေက︀ျူးꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈတ︀ွက︀်ꩬ︀ဝ်ဝႃးမ︀ိုဝ်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀ိꩫ︀်ႈꩭၢက︀်င︀ႆ︀းက︀ႃၵ︀ွတ︀်က︀ွတ︀်ꩫ︀ꩬ︀ီ ၵ︀ုꩫ︀်ပ︀ိလ︀ၢတ︀်မ︀ႆ︀ႛက︀ႃယ︀ွꩫ︀်းဢ︀ၵ︀ၢင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းဢ︀မ︀ႂ်းယ︀ႃႇ ပ︀ီꩫ︀်ႈဝꩫ︀်းꩬ︀ၸ︀ိက︀်ႉꩫ︀ႆ︀ႇꩬ︀ီ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ꩭၢင︀်ႈတ︀ႆ︀ၢႈꩫ︀ႆ︀ႇၵ︀ဝ် ဢ︀ဝ်ႈထိုင︀်ဝꩫ︀်းက︀မ︀်ႈꩬ︀ိꩫ︀် ၵ︀ၢꩫ︀်ႇꩭႂ်ႛက︀ိူတ︀်ꩬ︀ီꩫ︀မ︀်။ လ︀ိူမ︀်တ︀ီꩫ︀ႆ︀ႇယ︀ႃႇ မ︀ိူဝ်ႈꩭုက︀်ႉယ︀ႃႇ ပ︀ီꩫ︀်ႈဝꩫ︀်းက︀မ︀်ႈꩬ︀ိꩫ︀်လ︀ူင︀်ꩬ︀ီꩫ︀မ︀်။ 32င︀ႆ︀းꩬ︀ီ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈတ︀င︀်းꩡ︀ဝ်ႛယ︀ေꩬ︀ု ꩬ︀ဝ်ဝႃးမ︀ိုဝ်းမ︀ႆ︀ႛတ︀ွက︀်ဝႆ︀ႇ က︀ူဝ်ႇလ︀ိူင︀်ႈမ︀ႆ︀ႛတ︀ိꩫ︀်ႈꩫ︀ႆ︀ႇၵ︀ဝ်ꩭၢက︀်ယ︀ဝ်ႇက︀ီး တ︀ၢင︀်က︀ူဝ်ႇမ︀ႆ︀ႛက︀ေႃႇက︀ႃꩭၢက︀်ဢ︀ူ။ 33ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုမ︀ႆ︀ႛထိုင︀်မ︀ႃးက︀ီး မ︀ꩫ︀်းꩡ︀ဝ်ႛယ︀ႃႇꩡ︀ႂ်ႈၵ︀တ︀်ယ︀ဝ်ႇꩰ။ ꩫ︀ႆ︀ႇမ︀ႆ︀ႛၵ︀ဝ်တ︀ွင︀်းက︀ီး တ︀ိꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ꩵ︀ႈꩭၢက︀်ယ︀ဝ်ႇ။ 34ꩫ︀ႆ︀ႇꩫ︀က︀ေႃႇ လ︀ုက︀်ႉꩬ︀ိူက︀်က︀ူဝ်ႇလ︀ိူင︀်ႈယ︀ႃႇ တ︀ွင︀်ႇပ︀ေႇꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈꩭွက︀်ယ︀ွက︀်ႉၵ︀ွတ︀်က︀ီး က︀ꩡ︀ူးꩫ︀ိူတ︀်ႉꩫ︀ၵ︀ႃꩫ︀မ︀်ႇလ︀ႆ︀မ︀ႃးဢ︀ူ။ 35လ︀ွင︀်ႈꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩬ︀ူယ︀ုမ︀်ꩫ︀ႆ︀ႇ ၸ︀ူႛꩭꩫ︀်က︀ူဝ်ႇလ︀ိူင︀်ႈၵ︀ႆ︀ႈပ︀ျႃးဝႆ︀ႇꩫ︀မ︀်။ ဢ︀ꩫ︀်ႈမ︀ꩫ︀်းၵ︀ႆ︀ႈပ︀ျႃးꩫ︀ႆ︀ႇ ꩡ︀ႂ်ႈဢ︀ူ။ မ︀ꩫ︀်းၸ︀ူႛꩡ︀ဝ်ႛက︀ေႃႇ ꩡ︀ႂ်ႈဢ︀ူꩫ︀ꩫ︀ႆ︀ႇတ︀ွင︀်းဢ︀ူ။ 36ဢ︀ꩫ︀်ႈꩫ︀ႆ︀ႇယ︀ႃႇ “ꩫ︀ုက︀်မ︀ꩫ︀်းဢ︀ꩫ︀်ႈလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈꩫ︀ႆ︀ႛꩭၢက︀်” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းတ︀ီမ︀်ႈထူꩫ︀်ႛꩫ︀ႆ︀ႇ ꩫ︀မ︀်။ 37ၵ︀ူဝ်ႛက︀ျမ︀်းလ︀ိက︀်ႉဢ︀ꩫ︀်ႈလ︀ိူင︀်ႈမ︀ႆ︀ႛက︀ေႃႇ “ၵ︀ဝ်ယ︀ႃႇ က︀ူဝ်ႇဢ︀ꩫ︀်ႈၵ︀ဝ်ဢ︀ဝ်ႈꩭွက︀်ယ︀ွက︀်ႉဝႆ︀ႇꩫ︀ႆ︀ႇမ︀ႆ︀ႛ တ︀ီꩫ︀ူႈက︀ꩫ︀်ႈꩫ︀မ︀်” ꩫ︀ꩬ︀ီဝႃႈဝႆ︀ႇဢ︀ူ။
လ︀ွင︀်ႈꩭၢင︀်ႈꩡ︀ဝ်ႛယ︀ေꩬ︀ုမ︀ႆ︀ႛꩬ︀ႂ်ထမ︀်ႛပ︀ႃꩡ︀ႃႇ
(မ︀တ︀်တ︀ႄး 27.57-61; မ︀ႃက︀ု 15.42-47; လ︀ုက︀ႃ 23.50-56)
38ယ︀ဝ်ႇက︀ီး ယ︀ေႃတ︀ၢတ︀်က︀ူꩫ︀်းဝီင︀်းဢ︀ရ︀ိမ︀တ︀ႄးယ︀ႃႇ ၵ︀ုꩫ︀်ပ︀ိလ︀ၢတ︀်မ︀ႆ︀ႛ က︀ႃယ︀ွꩫ︀်းꩭၢင︀်ႈꩡ︀ဝ်ႛယ︀ေꩬ︀ုဢ︀ူ။ ယ︀ေႃတ︀ၢတ︀်ယ︀ႃႇ ꩭူဝ်က︀ေက︀ျူးꩫ︀ႆ︀ႇၵ︀ဝ်မ︀ႆ︀ႛက︀ူဝ်ႈꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ပ︀ႆ︀ၢႈမ︀ႅပ︀်ပ︀ႆ︀ၢႈꩬ︀ွꩫ︀်ႈꩬ︀ီ ယ︀ုမ︀်ယ︀မ︀်ႈꩫ︀မ︀်။ ၵ︀ုꩫ︀်ပ︀ိလ︀ၢတ︀်ဢ︀ၵ︀ၢင︀်းꩭႂ်ႛက︀ီး ယ︀ေႃတ︀ၢတ︀်က︀ေႃႇꩭၢင︀်ႈꩡ︀ဝ်ႛယ︀ေꩬ︀ု ဢ︀ဝ်ႈက︀ႃဢ︀ူ။ 39ꩫ︀ိက︀ေႃတ︀ီꩫ︀်က︀ေႃႇ မ︀ꩫ︀်းꩭွမ︀်ဢ︀ꩫ︀်ႈတ︀င︀်းယ︀ႃႛꩭွမ︀်ၵ︀ူꩫ︀်းက︀ꩫ︀်ႈဝႆ︀ႇꩫ︀ႆ︀ႇ ၵ︀ꩫ︀်ꩬ︀ၢမ︀်ꩬ︀ိပ︀်ꩡ︀ွႆ︀ႇဢ︀ဝ်ႈꩬ︀ီ တ︀င︀်းယ︀ေႃတ︀ၢတ︀်ꩡ︀ွမ︀်းက︀ႃဢ︀ူ။ ꩫ︀ိက︀ေႃတ︀ီꩫ︀်ယ︀ႃႇ က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ပ︀ၢင︀်ႛၵ︀မ︀်ႈꩭွꩫ︀်မ︀ႃးꩭꩫ︀်ꩫ︀ႆ︀ႇꩫ︀မ︀်။ 40ꩬ︀ွင︀်ၵ︀ႃယ︀ႃႇ ꩭၢင︀်ႈꩡ︀ဝ်ႛယ︀ေꩬ︀ုဢ︀ဝ်ႈယ︀ဝ်ႇက︀ီး ꩫ︀င︀်ထုင︀်းၸ︀ႃꩬ︀ႃက︀ျူးꩫ︀က︀ꩫ︀်ႈ မ︀ိူဝ်ႈꩵ︀ႈပ︀ႆ︀ꩬ︀ႂ်ထမ︀်ႛပ︀ႃꩡ︀ႃႇꩫ︀ႆ︀ႇ မ︀ꩫ︀်းꩭွမ︀်တ︀ၢက︀်ႉꩬ︀ီ ဢ︀ဝ်ႈမ︀ꩫ︀်ႛၸ︀ွတ︀်ႉဝႆ︀ႇဢ︀ူ။ 41တ︀ီႈဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈမ︀ႆ︀ႛ ꩬ︀ူꩫ︀်ဢ︀ꩫ︀်ႈလ︀ိူင︀်ႈယ︀င︀်းဢ︀ူ။ ꩬ︀ူꩫ︀်ဢ︀မ︀ႂ်းမ︀ႆ︀ႛ ထမ︀်ႛပ︀ႃꩡ︀ႃႇဢ︀ꩫ︀်ႈၸ︀ႂ်မ︀ႆ︀ႛက︀ေႃႇ ꩵ︀ႈပ︀ႆ︀ꩬ︀ႂ်ꩫ︀ႆ︀ႇယ︀င︀်းဢ︀ူ။ 42ဝꩫ︀်းဢ︀မ︀ႂ်းယ︀ႃႇ ပ︀ီꩫ︀်ႈဝꩫ︀်းꩬ︀ၸ︀ိက︀်ႉင︀ႆ︀း ထမ︀်ႛပ︀ႃꩡ︀ႃႇဢ︀မ︀ႂ်းက︀ေႃႇက︀ႂ်ႛꩫ︀ႆ︀ႇꩬ︀ီ ဢ︀မ︀ႂ်းမ︀ႆ︀ႛ ꩭၢင︀်ႈꩡ︀ဝ်ႛယ︀ေꩬ︀ု ꩬ︀ႂ်ဝႆ︀ႇဢ︀ူ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.