လ︀ုက︀ႃ 20
20
ၵ︀ူဝ်ႛထၢမ︀် ဢ︀ႃꩫ︀ႃတ︀ꩫ︀်းၵ︀ူဝ်းꩡ︀ဝ်ႛယ︀ေꩬ︀ု
(မ︀တ︀်တ︀ႄး 21.23-27; မ︀ႃက︀ု 11.27-33)
1ဝꩫ︀်းလ︀ိူင︀်ႈ မ︀ိူဝ်ႈꩡ︀ဝ်ႛယ︀ေꩬ︀ု ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩬ︀ွꩫ︀်ꩬ︀င︀်ꩬ︀ီ ၵ︀ႆ︀ႈၵ︀ၢဝ်ႈၵ︀ၢမ︀်းꩫ︀ီႈဢ︀ူꩫ︀ႆ︀ႇ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်၊ ꩬ︀ြႃတ︀ြႃးꩫ︀ႆ︀ႇၵ︀ဝ်၊ ꩭူဝ်က︀ေၸ︀ႃꩬ︀ႃꩫ︀ႆ︀ႇၵ︀ဝ် ထိုင︀်မ︀ႃးꩬ︀ီ 2“မ︀ႂ်းꩡ︀ဝ်ႛ ဢ︀မ︀ူးဢ︀ꩫ︀်ႈꩫ︀ႆ︀ႇၵ︀ဝ် ဢ︀ဝ်ႈဢ︀ၵ︀ၢင︀်းဢ︀ႃꩫ︀ႃက︀ꩬ︀င︀်ꩫ︀ႆ︀ꩭီတ︀်ꩫ︀ႆ︀ႇ။ ဢ︀ၵ︀ၢင︀်းဢ︀ႃꩫ︀ႃဢ︀မ︀ႂ်း ၸ︀ႂ်ꩫ︀ႆ︀မ︀ႂ်းꩡ︀ဝ်ႛမ︀ႆ︀ႛꩭႂ်ႛꩫ︀ႆ︀ႇ။ ၵ︀ႆ︀ႈꩭႂ်ႛမ︀လ︀ႃး” ꩫ︀ဝꩫ︀်ႇ။ 3ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈက︀ေႃႇ ꩬ︀ူမ︀ႆ︀ႛက︀မ︀်းလ︀ိူင︀်ႈထၢမ︀်က︀ွတ︀်။ ၵ︀ႆ︀ႈမ︀ႃးလ︀ႃး။ 4မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇ ဢ︀ꩫ︀်ႈယ︀ေႃးꩭၢꩫ︀်ꩭႂ်ႛꩫ︀ႆ︀ႇ ဢ︀ဝ်ႈဢ︀ၵ︀ၢင︀်းဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛက︀ျႃး။ ဢ︀ဝ်ႈဢ︀ၵ︀ၢင︀်းဢ︀ႃꩫ︀ႃက︀ူꩫ︀်းက︀ျႃး” ꩫ︀ဝꩫ︀်ႇ။ 5ꩫ︀ႆ︀ႇမ︀ႆ︀ႛ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈ “ꩬ︀င︀်ဝႃႈ ဢ︀ဝ်ႈဢ︀ၵ︀ၢင︀်းဢ︀ႃꩫ︀ႃ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩫ︀ꩬ︀ီ ꩭဝ်းဝႃႈက︀ီး ꩬ︀ူ ꩭီတ︀်က︀ꩬ︀င︀်ꩫ︀ႆ︀ ꩬ︀ြႃယ︀ေႃးꩭၢꩫ︀်မ︀ႆ︀ႛမ︀ဝ်ယ︀ုမ︀်ꩫ︀ႆ︀ႇ” ꩫ︀ꩬ︀ီမ︀ꩫ︀်းတ︀ီဝႃႈမ︀ႃးꩬ︀ႃး။ 6ꩬ︀င︀်ဝႃႈ ဢ︀ဝ်ႈဢ︀ၵ︀ၢင︀်းက︀ူꩫ︀်းꩫ︀မ︀်ꩫ︀က︀ီးက︀ေႃႇ လ︀ႆ︀ၢးပ︀ိူဝ်ႈꩬ︀ြႃယ︀ေႃးꩭၢꩫ︀်မ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် မ︀တ︀်ႉပ︀ရ︀ေႃးၸ︀ႅတ︀်ႉꩫ︀ႆ︀ႇꩬ︀ီ ꩭဝ်းမ︀ႆ︀ႛ ၵ︀ဝ် ဢ︀ဝ်ႈꩭိꩫ︀်တ︀ီꩬ︀ိုင︀်းဢ︀ဝ်ႈတ︀ႆ︀ၢႈက︀ꩫ︀်ႈꩬ︀ႃး” ꩫ︀ꩬ︀ီ မ︀ူꩫ︀်ႈက︀ꩫ︀်ႈယ︀ဝ်ႇက︀ီး 7ꩡ︀ဝ်ႛယ︀ေꩬ︀ုမ︀ႆ︀ႛ “တ︀ူႈꩵ︀ႈတ︀ွင︀်း” ꩫ︀ဝꩫ︀်ႇ။ 8ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုက︀ေႃႇ “ꩫ︀ႆ︀ႇက︀ီး က︀ဝ်ႈက︀ေႃႇ က︀ဝ်ႈ ဢ︀ဝ်ႈဢ︀ႃꩫ︀ႃဢ︀ၵ︀ၢင︀်းက︀ꩬ︀င︀်ꩭီတ︀်ꩫ︀ꩫ︀ႆ︀ႇ ꩬ︀ူမ︀ႆ︀ႛꩵ︀ႈၵ︀ႆ︀ႈ” ꩫ︀ဝꩫ︀်ႇ။
ပ︀ုင︀်ၵ︀ိူင︀်ႈၵ︀ၢမ︀်း ꩡ︀ဝ်ႛꩬ︀ူꩫ︀်မ︀က︀်ꩡ︀ပ︀ႅတ︀်ႉ
(မ︀တ︀်တ︀ႄး 21.33-46; မ︀ႃက︀ု 12.1-12)
9ꩡ︀ဝ်ႛယ︀ေꩬ︀ု ဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းဝႃႈꩫ︀ႆ︀ႇယ︀ႃႇ “က︀ူꩫ︀်းက︀ူဝ်ႇလ︀ိူင︀်ႈ ꩬ︀ူꩫ︀်မ︀က︀်ꩡ︀ပ︀ႅတ︀်ႉပ︀ုက︀်ဝႆ︀ႇꩬ︀ီ ၸ︀ူႛမ︀ိုင︀်ႇꩬ︀ူꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ၢပ︀်ႉဝႆ︀ႇင︀ႆ︀း က︀ႃတ︀ီႈက︀ႆ︀ႈဢ︀ူ။ 10ယ︀ၢမ︀်းဢ︀ဝ်ႈမ︀က︀်ထိုင︀်က︀ီး ၸ︀ူႛꩡ︀ႂ်ႇမ︀ꩫ︀်းက︀ူဝ်ႇလ︀ိူင︀်ႈမ︀ႆ︀ႛပ︀ွႆ︀ꩬ︀ီ ꩭႂ်ႛက︀ႃယ︀ွꩫ︀်းက︀ႃႈꩭႅင︀်းꩬ︀ူꩫ︀်ဢ︀ူ။ ၸ︀ူႛမ︀ိုင︀်ႇꩬ︀ူꩫ︀်ꩫ︀ႆ︀ႇၵ︀ဝ်ယ︀ႃႇ ၸ︀ူႛꩡ︀ႂ်ႇဢ︀မ︀ႂ်းမ︀ႆ︀ႛ တ︀ုက︀်ႉꩰပ︀ူဝ်ႇꩰꩬ︀ီ မ︀ိုဝ်းပ︀ဝ်ꩫ︀ႆ︀ၢႈပ︀ွႆ︀ၵ︀ွတ︀်ဢ︀ူ။ 11ꩭႃတ︀ုတ︀ိယ︀ ၸ︀ူႛꩡ︀ႂ်ႇတ︀ၢင︀်က︀ူဝ်ႇမ︀ႆ︀ႛက︀ေႃႇ ပ︀ွႆ︀ꩡ︀ႂ်ႇဢ︀ိက︀်က︀ီး မ︀ꩫ︀်းမ︀ႆ︀ႛက︀ေႃႇ တ︀ုက︀်ႉꩰပ︀ူဝ်ႇꩰင︀ႆ︀းဢ︀ဝ်ႈဢ︀ႆ︀ၢႈꩬ︀ီ မ︀ိုဝ်းပ︀ဝ်ꩫ︀ႆ︀ၢႈပ︀ွႆ︀မ︀ိူဝ်းၵ︀ွတ︀်ဢ︀ူ။ 12ꩭႃတ︀တ︀ိယ︀ ၸ︀ူႛꩡ︀ႂ်ႇတ︀ၢင︀်က︀ူဝ်ႇမ︀ႆ︀ႛက︀ေႃႇ ပ︀ွႆ︀ꩡ︀ႂ်ႇဢ︀ိက︀်က︀ီး မ︀ꩫ︀်းမ︀ႆ︀ႛက︀ေႃႇ တ︀ုက︀်ႉꩰပ︀ူဝ်ႇꩰင︀ႆ︀းဢ︀ဝ်ႈꩫ︀ႆ︀ႛꩡ︀ီပ︀်ꩬ︀ီ ꩭူဝ်ႛဢ︀ွက︀်ၵ︀ွတ︀်ဢ︀ူ။ 13ꩫ︀ႆ︀ႇမ︀ႆ︀ႛ ꩡ︀ဝ်ႛꩬ︀ူꩫ︀်ꩫ︀ႆ︀ႇ “က︀ဝ်ႈတ︀ီꩭလ︀ိုဝ်လ︀ိူဝ်ႊ။ လ︀ႃႉꩫ︀ႆ︀ႇယ︀ႃႇ လ︀ုက︀်ႉꩭၢက︀်ႉက︀ဝ်ႈမ︀ႆ︀ႛ ꩡ︀ႂ်ႇက︀ွတ︀်။ မ︀ꩫ︀်းမ︀ႆ︀ႛယ︀ႃႇ ၵ︀ဝ်ꩫ︀ၢပ︀်ႉယ︀မ︀်ႈꩵ︀ထၢင︀်ႇ” ꩫ︀ဝꩫ︀်ႇ။ 14ꩫ︀ႆ︀ႇꩫ︀က︀ေႃႇ ၸ︀ူႛမ︀ိုင︀်ႇꩬ︀ူꩫ︀်ꩫ︀ႆ︀ႇၵ︀ဝ်ယ︀ႃႇ ၸ︀ူႛလ︀ုက︀်ႉꩡ︀ဝ်ႛꩬ︀ူꩫ︀်မ︀ႆ︀ႛꩭꩫ︀်က︀ီး “မ︀ꩫ︀်းယ︀ႃႇ ၸ︀ူႛꩬ︀ုပ︀်ႉဢ︀မ︀ွေꩬ︀ႃး။ ပ︀ႆ︀ႉ မ︀ꩫ︀်းမ︀ႆ︀ႛဢ︀ဝ်ႈတ︀ႆ︀ၢႈꩫ︀မ︀်။ င︀ႆ︀းက︀ီး ꩬ︀ူꩫ︀်ꩫ︀ႆ︀ႇꩭဝ်းတ︀ီꩫ︀ႆ︀ႛꩬ︀ႃး” ꩫ︀ယ︀ဝ်ႇက︀ီး 15မ︀ꩫ︀်းမ︀ႆ︀ႛဢ︀ဝ်ႈဢ︀ွက︀်က︀ꩫ︀်ႛꩫ︀ွက︀်ႉꩬ︀ူꩫ︀်ꩬ︀ီ ဢ︀ဝ်ႈတ︀ႆ︀ၢႈၵ︀ွတ︀်ဢ︀ူ။ င︀ႆ︀းက︀ီး ꩡ︀ဝ်ႛꩬ︀ူꩫ︀်ꩫ︀ႆ︀ႇ ၵ︀ဝ်မ︀ႆ︀ႛတ︀ီꩭလ︀ိုဝ်ꩫ︀ႆ︀။ 16မ︀ꩫ︀်းမ︀ႃးꩬ︀ီ ၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ဝ်ႈတ︀ႆ︀ၢႈၵ︀ွတ︀်ꩬ︀ီ ꩬ︀ူꩫ︀်ဢ︀မ︀ႂ်း ပ︀ိူꩫ︀်ႈမ︀ႆ︀ႛ တ︀ီꩭႂ်ႛꩫ︀မ︀်” ꩫ︀ဝꩫ︀်ႇ။ ၵ︀ၢမ︀်းꩫ︀ႆ︀ႇမ︀ႆ︀ႛ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ꩫ︀ႆ︀ႛꩥ︀ိꩫ︀်းက︀ီး “င︀ႆ︀းယ︀ႃႇ ပ︀ီꩭႂ်ႛပ︀ီꩫ︀်ႈက︀တ︀ႃႉ” ꩫ︀ဝꩫ︀်ႇ။ 17ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛꩫ︀ူႈꩫ︀ီႈꩫ︀ီႈ င︀ႆ︀းꩬ︀ီ “က︀ျမ︀်းလ︀ိက︀်ႉမ︀ႆ︀ႛ
“ꩭိꩫ︀်ဢ︀ꩫ︀်ႈၸ︀ူႛပ︀ူက︀်ꩭိူꩫ︀်းꩫ︀ႆ︀ႇၵ︀ဝ် ပ︀ႆ︀ၵ︀ွတ︀်ဝႆ︀ႇꩫ︀ႆ︀ႇ
တ︀ီပ︀ီꩫ︀်ႈꩭိꩫ︀် ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉမ︀ႃးꩫ︀မ︀်”
ꩫ︀ꩬ︀ီ ဝႃႈဝႆ︀ႇꩫ︀ႆ︀ႇ က︀ꩬ︀င︀်မ︀ႆ︀ႛꩫ︀ႆ︀ ၵ︀ႂ်ႈဝႃႈꩫ︀ႆ︀ႇ။ 18က︀ူဝ်ႇဢ︀ꩫ︀်ႈက︀ꩫ︀်ႛꩫ︀ိူဝ်ꩭိꩫ︀်ဢ︀မ︀ႂ်းမ︀ႆ︀ႛတ︀ူက︀်ꩫ︀ႆ︀ႇ တ︀ီꩭၢက︀်ꩰꩭွႆ︀ႛꩭွႆ︀ႛက︀ႃꩫ︀မ︀်။ ꩭိꩫ︀်ဢ︀မ︀ႂ်း က︀ꩫ︀်ႛꩫ︀ိူဝ်က︀ူꩫ︀်းမ︀ႆ︀ႛ တ︀ူက︀်က︀ီးက︀ေႃႇ က︀ူဝ်ႇဢ︀မ︀ႂ်းတ︀ီမ︀ွပ︀်ၵ︀ွပ︀်ႉꩰက︀ႃꩫ︀မ︀်” ꩫ︀ဝꩫ︀်ႇ။
လ︀ွင︀်ႈꩬ︀ႂ်ၵ︀ွꩫ︀်
(မ︀တ︀်တ︀ႄး 22.15-22; မ︀ႃက︀ု 12.13-17)
19ꩬ︀ြႃတ︀ြႃးꩫ︀ႆ︀ႇၵ︀ဝ်င︀ႆ︀း ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ ပ︀ုင︀်ၵ︀ိူင︀်ႈၵ︀ၢမ︀်းဢ︀မ︀ႂ်း ၵ︀ဝ်မ︀ႆ︀ႛꩡ︀ိုဝ်ꩬ︀ီဝႃႈꩫ︀မ︀်ꩫ︀ꩫ︀ႆ︀ႇတ︀ွင︀်းက︀ီး မ︀ꩫ︀်းꩡ︀ဝ်ႛမ︀ႆ︀ႛ က︀ꩡ︀ူးꩬ︀ၢင︀်ꩬ︀ႅဝ်ႛဢ︀ူ။ ꩫ︀ႆ︀ႇꩫ︀က︀ေႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ူဝ်ႈꩬ︀ီ ꩵ︀ႈꩬ︀ႅဝ်ႛ။ 20င︀ႆ︀းꩬ︀ီၵ︀ဝ် ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ႅဝ်ႛꩫ︀ႆ︀ႛꩫ︀ႆ︀ႇ ၸ︀ူႛꩡ︀ွပ︀်ꩡ︀ႂ်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩭီတ︀်က︀ူꩫ︀်းꩬ︀ိုဝ်ႈꩫ︀ꩫ︀်ႈင︀ႆ︀းꩬ︀ီ ပ︀ွႆ︀ꩡ︀ႂ်ႇဢ︀ူ။ ၵ︀ဝ်က︀ႅမ︀်ꩫ︀ႆ︀ႇယ︀ႃႇ ꩫ︀ႂ်းၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ၵ︀ႃဢ︀ပ︀ႅတ︀်ႉꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ရ︀ေႃမ︀က︀ွတ︀်ꩫ︀ꩫ︀မ︀်။ 21ၸ︀ူႛꩡ︀ွပ︀်ꩡ︀ႂ်းꩫ︀ႆ︀ႇၵ︀ဝ်က︀ေႃႇ က︀ႃꩬ︀ီ “ꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ꩭူဝ်းꩬ︀ိုဝ်ႈꩰဢ︀ူ။ ꩫ︀ႃႛၸ︀ႂ်မ︀ႆ︀ႛက︀ေႃႇမ︀ဝ်ꩫ︀ူႈꩬ︀ီ ꩬ︀မ︀်မ︀ႃတ︀ြႃး လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ွꩫ︀်ꩬ︀ိုဝ်ႈꩰဢ︀ူꩫ︀ꩫ︀ႆ︀ႇ တ︀ူႈတ︀ွင︀်းတ︀ီၵ︀ႃႛဢ︀ူ။ 22င︀ႆ︀းꩫ︀ႆ︀ႇ ꩡ︀ဝ်ႛꩭူဝ်ꩬ︀ႅင︀်မ︀ႆ︀ႛ ၵ︀ွꩫ︀်ထုက︀်ꩫ︀ီႈꩬ︀ႂ်တ︀ီၵ︀ႃႛဢ︀ေႃး” ꩫ︀ဝꩫ︀်ႇ။ 23ꩡ︀ဝ်ႛယ︀ေꩬ︀ုယ︀ႃႇ ꩥ︀ၢꩫ︀်င︀ွင︀်ႇၵ︀ဝ်မ︀ႆ︀ႛ တ︀ွင︀်းꩫ︀ႆ︀ႇꩬ︀ီ 24“င︀ိူꩫ︀်းၵ︀ႅပ︀်လ︀ိူင︀်ႈ ပ︀ျႃးမ︀လ︀ႃး။ ၵ︀ႅပ︀်င︀ိူꩫ︀်းꩫ︀ႆ︀ႇမ︀ႆ︀ႛ ꩭၢင︀်ႈၸ︀ႂ်၊ ꩡ︀ိုဝ်ႈၸ︀ႂ်ꩫ︀ႆ︀လ︀ွေႛꩫ︀ႆ︀ႇ” ꩫ︀ဝꩫ︀်ႇ။ ၵ︀ဝ်က︀ေႃႇ “ꩭၢင︀်ႈꩡ︀ဝ်ႛꩭူဝ်ꩬ︀ႅင︀်က︀ႄတ︀ႃင︀ႆ︀း ꩡ︀ိုဝ်ႈမ︀ꩫ︀်းꩡ︀ဝ်ႛꩫ︀မ︀်” ꩫ︀က︀ီး 25ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈတ︀င︀်းꩡ︀ဝ်ႛꩭူဝ်ꩬ︀ႅင︀်လ︀ႅင︀်က︀ꩫ︀်ႈꩫ︀ႆ︀ႇ ꩡ︀ဝ်ႛꩭူဝ်ꩬ︀ႅင︀်မ︀ႆ︀ႛꩬ︀ႂ်တ︀ႃႉ။ ဢ︀ꩫ︀်ႈတ︀င︀်းၸ︀ြႃးပ︀ီꩫ︀်ႈꩡ︀ဝ်ႛလ︀ႅင︀်က︀ꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉတ︀ႃႉ” ꩫ︀ဝꩫ︀်ႇ။ 26ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ လ︀ုက︀်ႉၵ︀ၢမ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ပ︀ၢင︀်ႈꩫ︀ႃႛက︀ူꩫ︀်းမ︀ႆ︀ႛဝႃႈက︀ႃꩫ︀ႆ︀ႇမ︀ႆ︀ႛ ၵ︀ႃတ︀ၢင︀်းၸ︀ိတ︀်ꩭၢင︀်းꩬ︀ႅဝ်ႛမ︀ꩫ︀်းꩡ︀ဝ်ႛ မ︀ဝ်ꩭꩫ︀်ꩬ︀ီ ဢ︀ၢမ︀်းင︀ႆ︀း တ︀ီတ︀်ꩡ︀ိပ︀်ႉꩰက︀ꩫ︀်ႈဢ︀ူ။
ၵ︀ူဝ်ႛထၢမ︀်လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩫ︀ိပ︀်ပ︀ွက︀်ႉမ︀ႃး
(မ︀တ︀်တ︀ႄး 22.23-33; မ︀ႃက︀ု 12.18-27)
27က︀ုမ︀်ႛꩡ︀တ︀်တ︀ုက︀ႄ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်တ︀ႆ︀ၢႈယ︀ဝ်ႇက︀ီး ꩵ︀ႈꩫ︀ိပ︀်ပ︀ွက︀်ႉꩫ︀ꩬ︀ီ ယ︀ုမ︀်ꩫ︀ႆ︀ႇၵ︀ဝ်က︀မ︀်ႈၸ︀ွင︀်းမ︀ႃးꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ 28“ꩡ︀ဝ်ႛꩬ︀ြႃꩴ︀း မ︀ေႈမ︀ႆ︀ၢႛဢ︀ꩫ︀်ႈလ︀ုက︀်ႉမ︀ဝ်ယ︀င︀်းမ︀ႆ︀ႛ ꩭႂ်ႛပ︀ူဝ်းၸ︀ူႛလ︀ုက︀်ႉꩡ︀ႃႇꩭၢင︀်းၸ︀ူႛက︀ေꩡ︀ဝ်ႛဢ︀ꩫ︀်ႈတ︀ႆ︀ၢႈက︀ႃဢ︀မ︀ႂ်း ယ︀င︀်းမ︀ႃးꩫ︀ႆ︀ႇ ၸ︀ူႛꩫ︀ွင︀်ႇꩡ︀ႆ︀ၢးၸ︀ူႛၸ︀ူဝ်မ︀ꩫ︀်း ဝႃႈꩬ︀ုပ︀်ႉဢ︀ဝ်ႈဢ︀ူꩫ︀ꩬ︀ီ မ︀ေႃꩬ︀ေဝႃႈဝႆ︀ႇဢ︀ူ။ 29မ︀ိူဝ်ႈꩫ︀ꩫ︀်ႇ မ︀ၢꩫ︀်ႛဢ︀ꩫ︀်ႈလ︀ိူင︀်ႈမ︀ႆ︀ႛ ပ︀ီႈꩫ︀ွင︀်ႇꩡ︀ီတ︀်ꩡ︀ႆ︀ၢးယ︀င︀်းဢ︀ူ။ ၸ︀ူႛပ︀ီꩫ︀်ႈဢ︀ႆ︀ၢႛꩫ︀ႆ︀ႇ မ︀ေးဢ︀ဝ်ႈင︀ႆ︀း လ︀ုက︀်ႉမ︀ဝ်ယ︀င︀်းꩬ︀ီ တ︀ႆ︀ၢႈက︀ႃဢ︀ူ။ 30ꩫ︀ွင︀်ႇꩡ︀ႆ︀ၢးမ︀ꩫ︀်းꩥ︀ီႈꩫ︀ႆ︀ႇ ၸ︀ူႛလ︀ူဝ်းမ︀ႆ︀ႛꩬ︀ုပ︀်ႉဢ︀ဝ်ႈဢ︀ူ။ မ︀ꩫ︀်းက︀ေႃႇလ︀ုက︀်ႉမ︀ဝ်ယ︀င︀်းꩬ︀ီ တ︀ႆ︀ၢႈက︀ႃက︀ီး 31ꩬ︀ၢမ︀်ꩫ︀ႆ︀ႇ ၸ︀ူႛလ︀ူဝ်းမ︀ႆ︀ႛꩬ︀ုပ︀်ႉဢ︀ဝ်ႈꩫ︀က︀ဝ်ဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ီႈꩫ︀ွင︀်ႇတ︀င︀်းꩡ︀ီတ︀်က︀ူဝ်ႇ ၸ︀ူႛယ︀ိင︀်းဢ︀မ︀ႂ်းမ︀ႆ︀ႛ ဢ︀ဝ်ႈင︀ႆ︀းလ︀ုက︀်ႉမ︀ဝ်ယ︀င︀်းꩬ︀ီ တ︀ႆ︀ၢႈက︀ႃမ︀ူတ︀်ဢ︀ူ။ 32ပ︀ႆ︀ၢႈꩭၢင︀်မ︀ႆ︀ႛ ၸ︀ူႛယ︀ိင︀်းဢ︀မ︀ႂ်းက︀ေႃႇ တ︀ႆ︀ၢႈက︀ႃဢ︀ူ။ 33ၸ︀ူႛယ︀ိင︀်းဢ︀မ︀ႂ်းမ︀ႆ︀ႛ ၵ︀ဝ်ပ︀ီႈꩫ︀ွင︀်ႇတ︀င︀်းꩡ︀ီတ︀်က︀ူဝ်ႇ ဢ︀ဝ်ႈဝႆ︀ႇꩫ︀ႆ︀ႇꩬ︀ီ ဝꩫ︀်းမ︀ိူဝ်ႈက︀ူꩫ︀်းꩫ︀ႆ︀ႇၵ︀ဝ် ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ၸ︀ူႛယ︀ိင︀်းဢ︀မ︀ႂ်း တ︀ီပ︀ီꩫ︀်ႈၸ︀ူႛမ︀ေးၸ︀ႂ်တ︀ီၵ︀ႃႛꩫ︀ႆ︀” ꩫ︀ဝꩫ︀်ႇ။ 34ꩡ︀ဝ်ႛယ︀ေꩬ︀ုယ︀ႃႇ “ꩡ︀တ︀်ႉꩫ︀ႆ︀ႇမ︀ႆ︀ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ် တ︀င︀်ႛꩭိူꩫ︀်းတ︀ေယ︀ေးက︀ꩫ︀်ႈဢ︀ူ။ 35ꩫ︀ႆ︀ႇꩫ︀က︀ေႃႇ ꩡ︀တ︀်ႉꩫ︀ႃႛမ︀ႆ︀ႛယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉဢ︀ꩫ︀်ႈထုက︀်ꩫ︀ီႈဢ︀ဝ်ႈꩫ︀ိပ︀်ပ︀ွက︀်ႉꩫ︀ႆ︀ႇၵ︀ဝ် ꩵ︀ႈတ︀င︀်ႛꩭိူꩫ︀်းက︀ꩫ︀်ႈယ︀ဝ်ႇ။ 36ၵ︀ဝ်ယ︀ႃႇ ꩫ︀င︀်ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီꩫ︀်ႈက︀ႃꩬ︀ီ တ︀ႆ︀ၢႈက︀ေႃႇꩵ︀ႈတ︀ႆ︀ၢႈယ︀ဝ်ႇ။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩬ︀ီ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ 37က︀ျမ︀်းလ︀ိက︀်ႉမ︀ႆ︀ႛ လ︀ွင︀်ႈထဝ်ယ︀ုမ︀်းဢ︀ꩫ︀်ႈမ︀ုက︀်ႉၸ︀ႆ︀းဢ︀ွက︀်မ︀ႆ︀ႛ မ︀ေႃꩬ︀ေယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ႃပ︀ြႃꩭၢမ︀်၊ ဢ︀ေꩬ︀က︀်င︀ႆ︀း ယ︀ႃက︀ုၵ︀ဝ်ပ︀ႆ︀ၢႛဝႆ︀ႈꩫ︀ႆ︀ႇꩫ︀မ︀်” ꩫ︀ꩬ︀ီ လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉꩫ︀ႆ︀ႇ ဝႃႈꩡ︀ုꩫ︀်ႈꩰဝႆ︀ႇဢ︀ူ။ 38ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ြႃးၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ ၸ︀ြႃးၸ︀ူႛꩫ︀ိပ︀်ꩫ︀ႆ︀ႇၵ︀ဝ်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းတ︀င︀်းမ︀ိူင︀်း ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀မ︀်” ꩫ︀ဝꩫ︀်ႇ။ 39ꩫ︀ႆ︀ႇမ︀ႆ︀ႛ ꩬ︀ြႃတ︀ြႃးက︀မ︀်ႈၸ︀ွင︀်းယ︀ႃႇ “ꩡ︀ဝ်ႛꩬ︀ြႃꩴ︀း မ︀ႂ်းꩡ︀ဝ်ႛက︀ေႛတ︀ွပ︀်ꩭႂ်ႛꩫ︀ႆ︀ႇ ထုက︀်လ︀ူင︀်တ︀ီၵ︀ႃႛꩫ︀မ︀်” ꩫ︀ဝꩫ︀်ႇ။ 40ဝႆ︀ၢးဢ︀မ︀ႂ်း မ︀ꩫ︀်းꩡ︀ဝ်ႛမ︀ႆ︀ႛ ၸ︀ႂ်က︀ေႃႇ ထၢမ︀်ဢ︀ိက︀်ꩵ︀ႈပ︀ီꩫ︀်ႈယ︀ဝ်ႇ။
ၵ︀ူဝ်ႛထၢမ︀်လ︀ွင︀်ႈꩡ︀ဝ်ႛၵ︀ရ︀ီတ︀်
(မ︀တ︀်တ︀ႄး 22.41-46; မ︀ႃက︀ု 12.35-37)
41ꩡ︀ဝ်ႛယ︀ေꩬ︀ု ၵ︀ဝ်မ︀ႆ︀ႛ “ꩡ︀ဝ်ႛၵ︀ရ︀ီတ︀်ယ︀ႃႇ ပ︀ီꩫ︀်ႈၸ︀ူႛလ︀ုက︀်ႉꩡ︀ႆ︀ၢး ꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်ꩫ︀ꩬ︀ီ ꩭီတ︀်က︀ꩬ︀င︀်ꩫ︀ႆ︀ဝႃႈဝႆ︀ႇꩫ︀ႆ︀ႇ။ 42-43က︀ျမ︀်းꩬ︀ႃလ︀ၢမ︀်မ︀ႆ︀ႛ ꩡ︀ဝ်ႛꩭူဝ်ၵ︀မ︀်းၻႃဝိပ︀ိူꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇ
“ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ႃႈလ︀ꩫ︀်ꩬ︀ူမ︀ႂ်းၵ︀ဝ်မ︀ႆ︀ႛ
က︀ဝ်ႈက︀ꩫ︀်ႛတ︀ႂ်ႛတ︀ိꩫ︀်ႈမ︀ႂ်းမ︀ႆ︀ႛ မ︀ဝ်တ︀မ︀်းဝႆ︀ႇယ︀ႃႇ
ပ︀ႃႛၵ︀ႃက︀ဝ်ႈမ︀ႆ︀ႛဢ︀ူတ︀ႃႉꩫ︀ꩬ︀ီ
ꩡ︀ဝ်ႛက︀ဝ်ႈမ︀ႆ︀ႛဝႃႈဢ︀ူ” ꩫ︀ဝꩫ︀်ႇ။ 44ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ ꩡ︀ဝ်ႛၵ︀ရ︀ီတ︀်မ︀ႆ︀ႛ “ꩡ︀ဝ်ႛ” ꩫ︀ꩬ︀ီꩭွင︀်ႇက︀ီး ꩡ︀ဝ်ႛၵ︀ရ︀ီတ︀်ယ︀ႃႇ တ︀ီꩭလ︀ိုဝ်ꩬ︀ီပ︀ီꩫ︀်ႈ လ︀ုက︀်ႉလ︀ၢꩫ︀်ꩡ︀ဝ်ႛꩭူဝ်ၵ︀မ︀်းၻႃဝိꩫ︀ႆ︀” ꩫ︀ဝꩫ︀်ႇ။
ꩬ︀ြႃတ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိတ︀ႃႉ။
(မ︀တ︀်တ︀ႄး 23.1-36; မ︀ႃက︀ု 12.38-40)
45မ︀ိူဝ်ႈၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ထွမ︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ 46“ꩬ︀ြႃတ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိတ︀ႃႉ။ ၵ︀ဝ်ယ︀ႃႇ ꩬ︀ိူဝ်ႛထမ︀ူင︀်ႇꩫ︀ုင︀်ႈꩬ︀ီ ၸ︀ႆ︀ၢႛလ︀ေဢ︀ူ။ က︀တ︀်မ︀ႆ︀ႛလ︀ေင︀ႆ︀း ꩭႂ်ႛပ︀ူဝ်းပ︀ိူꩫ︀်ႈꩫ︀ၢပ︀်ႉယ︀မ︀်ႈꩫ︀ႆ︀ႇ ꩭီတ︀်ဢ︀ူ။ ၵ︀ဝ်က︀ႃꩡ︀ွင︀်းꩬ︀ွꩫ︀်တ︀ြႃး၊ က︀ႃပ︀ွႆ︀းက︀ီး တ︀ီႈꩫ︀င︀်ႈဢ︀ꩫ︀်ႈက︀ꩫ︀်ႛꩫ︀ႃႛလ︀ေႚလ︀ေႚꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀ိုင︀် ၵ︀ႂ်ႈꩫ︀င︀်ႈဢ︀ူ။ 47ၵ︀ဝ်ယ︀ႃႇꩭိူꩫ︀်းမ︀ေႈမ︀ႆ︀ၢႛꩫ︀ႆ︀ႇၵ︀ဝ်မ︀ႆ︀ႛ ၸ︀ၢမ︀်းဢ︀ဝ်ႈယ︀ဝ်ႇက︀ီး ꩭႂ်ႛပ︀ူဝ်းပ︀ိူꩫ︀်ႈꩫ︀ူႈꩫ︀ီႈꩫ︀ႆ︀ႇ ဢ︀ဝ်ႈꩭိုင︀်ꩰယ︀ွꩫ︀်းꩬ︀ူးင︀ႆ︀းဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ၢမ︀်ဢ︀ꩫ︀်ႈယ︀ႂ်ꩬ︀ႃꩫ︀ႆ︀ႇ တ︀ီꩫ︀ႆ︀ႛၵ︀ၢမ︀်ꩫ︀မ︀်” ꩫ︀ဝꩫ︀်ႇ။
Currently Selected:
လ︀ုက︀ႃ 20: kht
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
လ︀ုက︀ႃ 20
20
ၵ︀ူဝ်ႛထၢမ︀် ဢ︀ႃꩫ︀ႃတ︀ꩫ︀်းၵ︀ူဝ်းꩡ︀ဝ်ႛယ︀ေꩬ︀ု
(မ︀တ︀်တ︀ႄး 21.23-27; မ︀ႃက︀ု 11.27-33)
1ဝꩫ︀်းလ︀ိူင︀်ႈ မ︀ိူဝ်ႈꩡ︀ဝ်ႛယ︀ေꩬ︀ု ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ꩬ︀ွꩫ︀်ꩬ︀င︀်ꩬ︀ီ ၵ︀ႆ︀ႈၵ︀ၢဝ်ႈၵ︀ၢမ︀်းꩫ︀ီႈဢ︀ူꩫ︀ႆ︀ႇ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်၊ ꩬ︀ြႃတ︀ြႃးꩫ︀ႆ︀ႇၵ︀ဝ်၊ ꩭူဝ်က︀ေၸ︀ႃꩬ︀ႃꩫ︀ႆ︀ႇၵ︀ဝ် ထိုင︀်မ︀ႃးꩬ︀ီ 2“မ︀ႂ်းꩡ︀ဝ်ႛ ဢ︀မ︀ူးဢ︀ꩫ︀်ႈꩫ︀ႆ︀ႇၵ︀ဝ် ဢ︀ဝ်ႈဢ︀ၵ︀ၢင︀်းဢ︀ႃꩫ︀ႃက︀ꩬ︀င︀်ꩫ︀ႆ︀ꩭီတ︀်ꩫ︀ႆ︀ႇ။ ဢ︀ၵ︀ၢင︀်းဢ︀ႃꩫ︀ႃဢ︀မ︀ႂ်း ၸ︀ႂ်ꩫ︀ႆ︀မ︀ႂ်းꩡ︀ဝ်ႛမ︀ႆ︀ႛꩭႂ်ႛꩫ︀ႆ︀ႇ။ ၵ︀ႆ︀ႈꩭႂ်ႛမ︀လ︀ႃး” ꩫ︀ဝꩫ︀်ႇ။ 3ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈက︀ေႃႇ ꩬ︀ူမ︀ႆ︀ႛက︀မ︀်းလ︀ိူင︀်ႈထၢမ︀်က︀ွတ︀်။ ၵ︀ႆ︀ႈမ︀ႃးလ︀ႃး။ 4မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇ ဢ︀ꩫ︀်ႈယ︀ေႃးꩭၢꩫ︀်ꩭႂ်ႛꩫ︀ႆ︀ႇ ဢ︀ဝ်ႈဢ︀ၵ︀ၢင︀်းဢ︀ႃꩫ︀ႃၸ︀ြႃးပ︀ီꩫ︀်ႈꩡ︀ဝ်ႛက︀ျႃး။ ဢ︀ဝ်ႈဢ︀ၵ︀ၢင︀်းဢ︀ႃꩫ︀ႃက︀ူꩫ︀်းက︀ျႃး” ꩫ︀ဝꩫ︀်ႇ။ 5ꩫ︀ႆ︀ႇမ︀ႆ︀ႛ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈ “ꩬ︀င︀်ဝႃႈ ဢ︀ဝ်ႈဢ︀ၵ︀ၢင︀်းဢ︀ႃꩫ︀ႃ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩫ︀ꩬ︀ီ ꩭဝ်းဝႃႈက︀ီး ꩬ︀ူ ꩭီတ︀်က︀ꩬ︀င︀်ꩫ︀ႆ︀ ꩬ︀ြႃယ︀ေႃးꩭၢꩫ︀်မ︀ႆ︀ႛမ︀ဝ်ယ︀ုမ︀်ꩫ︀ႆ︀ႇ” ꩫ︀ꩬ︀ီမ︀ꩫ︀်းတ︀ီဝႃႈမ︀ႃးꩬ︀ႃး။ 6ꩬ︀င︀်ဝႃႈ ဢ︀ဝ်ႈဢ︀ၵ︀ၢင︀်းက︀ူꩫ︀်းꩫ︀မ︀်ꩫ︀က︀ီးက︀ေႃႇ လ︀ႆ︀ၢးပ︀ိူဝ်ႈꩬ︀ြႃယ︀ေႃးꩭၢꩫ︀်မ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် မ︀တ︀်ႉပ︀ရ︀ေႃးၸ︀ႅတ︀်ႉꩫ︀ႆ︀ႇꩬ︀ီ ꩭဝ်းမ︀ႆ︀ႛ ၵ︀ဝ် ဢ︀ဝ်ႈꩭိꩫ︀်တ︀ီꩬ︀ိုင︀်းဢ︀ဝ်ႈတ︀ႆ︀ၢႈက︀ꩫ︀်ႈꩬ︀ႃး” ꩫ︀ꩬ︀ီ မ︀ူꩫ︀်ႈက︀ꩫ︀်ႈယ︀ဝ်ႇက︀ီး 7ꩡ︀ဝ်ႛယ︀ေꩬ︀ုမ︀ႆ︀ႛ “တ︀ူႈꩵ︀ႈတ︀ွင︀်း” ꩫ︀ဝꩫ︀်ႇ။ 8ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုက︀ေႃႇ “ꩫ︀ႆ︀ႇက︀ီး က︀ဝ်ႈက︀ေႃႇ က︀ဝ်ႈ ဢ︀ဝ်ႈဢ︀ႃꩫ︀ႃဢ︀ၵ︀ၢင︀်းက︀ꩬ︀င︀်ꩭီတ︀်ꩫ︀ꩫ︀ႆ︀ႇ ꩬ︀ူမ︀ႆ︀ႛꩵ︀ႈၵ︀ႆ︀ႈ” ꩫ︀ဝꩫ︀်ႇ။
ပ︀ုင︀်ၵ︀ိူင︀်ႈၵ︀ၢမ︀်း ꩡ︀ဝ်ႛꩬ︀ူꩫ︀်မ︀က︀်ꩡ︀ပ︀ႅတ︀်ႉ
(မ︀တ︀်တ︀ႄး 21.33-46; မ︀ႃက︀ု 12.1-12)
9ꩡ︀ဝ်ႛယ︀ေꩬ︀ု ဢ︀ဝ်ႈပ︀ုင︀်ၵ︀ိူင︀်ႈၵ︀ၢမ︀်းဝႃႈꩫ︀ႆ︀ႇယ︀ႃႇ “က︀ူꩫ︀်းက︀ူဝ်ႇလ︀ိူင︀်ႈ ꩬ︀ူꩫ︀်မ︀က︀်ꩡ︀ပ︀ႅတ︀်ႉပ︀ုက︀်ဝႆ︀ႇꩬ︀ီ ၸ︀ူႛမ︀ိုင︀်ႇꩬ︀ူꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ၢပ︀်ႉဝႆ︀ႇင︀ႆ︀း က︀ႃတ︀ီႈက︀ႆ︀ႈဢ︀ူ။ 10ယ︀ၢမ︀်းဢ︀ဝ်ႈမ︀က︀်ထိုင︀်က︀ီး ၸ︀ူႛꩡ︀ႂ်ႇမ︀ꩫ︀်းက︀ူဝ်ႇလ︀ိူင︀်ႈမ︀ႆ︀ႛပ︀ွႆ︀ꩬ︀ီ ꩭႂ်ႛက︀ႃယ︀ွꩫ︀်းက︀ႃႈꩭႅင︀်းꩬ︀ူꩫ︀်ဢ︀ူ။ ၸ︀ူႛမ︀ိုင︀်ႇꩬ︀ူꩫ︀်ꩫ︀ႆ︀ႇၵ︀ဝ်ယ︀ႃႇ ၸ︀ူႛꩡ︀ႂ်ႇဢ︀မ︀ႂ်းမ︀ႆ︀ႛ တ︀ုက︀်ႉꩰပ︀ူဝ်ႇꩰꩬ︀ီ မ︀ိုဝ်းပ︀ဝ်ꩫ︀ႆ︀ၢႈပ︀ွႆ︀ၵ︀ွတ︀်ဢ︀ူ။ 11ꩭႃတ︀ုတ︀ိယ︀ ၸ︀ူႛꩡ︀ႂ်ႇတ︀ၢင︀်က︀ူဝ်ႇမ︀ႆ︀ႛက︀ေႃႇ ပ︀ွႆ︀ꩡ︀ႂ်ႇဢ︀ိက︀်က︀ီး မ︀ꩫ︀်းမ︀ႆ︀ႛက︀ေႃႇ တ︀ုက︀်ႉꩰပ︀ူဝ်ႇꩰင︀ႆ︀းဢ︀ဝ်ႈဢ︀ႆ︀ၢႈꩬ︀ီ မ︀ိုဝ်းပ︀ဝ်ꩫ︀ႆ︀ၢႈပ︀ွႆ︀မ︀ိူဝ်းၵ︀ွတ︀်ဢ︀ူ။ 12ꩭႃတ︀တ︀ိယ︀ ၸ︀ူႛꩡ︀ႂ်ႇတ︀ၢင︀်က︀ူဝ်ႇမ︀ႆ︀ႛက︀ေႃႇ ပ︀ွႆ︀ꩡ︀ႂ်ႇဢ︀ိက︀်က︀ီး မ︀ꩫ︀်းမ︀ႆ︀ႛက︀ေႃႇ တ︀ုက︀်ႉꩰပ︀ူဝ်ႇꩰင︀ႆ︀းဢ︀ဝ်ႈꩫ︀ႆ︀ႛꩡ︀ီပ︀်ꩬ︀ီ ꩭူဝ်ႛဢ︀ွက︀်ၵ︀ွတ︀်ဢ︀ူ။ 13ꩫ︀ႆ︀ႇမ︀ႆ︀ႛ ꩡ︀ဝ်ႛꩬ︀ူꩫ︀်ꩫ︀ႆ︀ႇ “က︀ဝ်ႈတ︀ီꩭလ︀ိုဝ်လ︀ိူဝ်ႊ။ လ︀ႃႉꩫ︀ႆ︀ႇယ︀ႃႇ လ︀ုက︀်ႉꩭၢက︀်ႉက︀ဝ်ႈမ︀ႆ︀ႛ ꩡ︀ႂ်ႇက︀ွတ︀်။ မ︀ꩫ︀်းမ︀ႆ︀ႛယ︀ႃႇ ၵ︀ဝ်ꩫ︀ၢပ︀်ႉယ︀မ︀်ႈꩵ︀ထၢင︀်ႇ” ꩫ︀ဝꩫ︀်ႇ။ 14ꩫ︀ႆ︀ႇꩫ︀က︀ေႃႇ ၸ︀ူႛမ︀ိုင︀်ႇꩬ︀ူꩫ︀်ꩫ︀ႆ︀ႇၵ︀ဝ်ယ︀ႃႇ ၸ︀ူႛလ︀ုက︀်ႉꩡ︀ဝ်ႛꩬ︀ူꩫ︀်မ︀ႆ︀ႛꩭꩫ︀်က︀ီး “မ︀ꩫ︀်းယ︀ႃႇ ၸ︀ူႛꩬ︀ုပ︀်ႉဢ︀မ︀ွေꩬ︀ႃး။ ပ︀ႆ︀ႉ မ︀ꩫ︀်းမ︀ႆ︀ႛဢ︀ဝ်ႈတ︀ႆ︀ၢႈꩫ︀မ︀်။ င︀ႆ︀းက︀ီး ꩬ︀ူꩫ︀်ꩫ︀ႆ︀ႇꩭဝ်းတ︀ီꩫ︀ႆ︀ႛꩬ︀ႃး” ꩫ︀ယ︀ဝ်ႇက︀ီး 15မ︀ꩫ︀်းမ︀ႆ︀ႛဢ︀ဝ်ႈဢ︀ွက︀်က︀ꩫ︀်ႛꩫ︀ွက︀်ႉꩬ︀ူꩫ︀်ꩬ︀ီ ဢ︀ဝ်ႈတ︀ႆ︀ၢႈၵ︀ွတ︀်ဢ︀ူ။ င︀ႆ︀းက︀ီး ꩡ︀ဝ်ႛꩬ︀ူꩫ︀်ꩫ︀ႆ︀ႇ ၵ︀ဝ်မ︀ႆ︀ႛတ︀ီꩭလ︀ိုဝ်ꩫ︀ႆ︀။ 16မ︀ꩫ︀်းမ︀ႃးꩬ︀ီ ၵ︀ဝ်တ︀င︀်းမ︀ိူင︀်းမ︀ႆ︀ႛ ဢ︀ဝ်ႈတ︀ႆ︀ၢႈၵ︀ွတ︀်ꩬ︀ီ ꩬ︀ူꩫ︀်ဢ︀မ︀ႂ်း ပ︀ိူꩫ︀်ႈမ︀ႆ︀ႛ တ︀ီꩭႂ်ႛꩫ︀မ︀်” ꩫ︀ဝꩫ︀်ႇ။ ၵ︀ၢမ︀်းꩫ︀ႆ︀ႇမ︀ႆ︀ႛ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ꩫ︀ႆ︀ႛꩥ︀ိꩫ︀်းက︀ီး “င︀ႆ︀းယ︀ႃႇ ပ︀ီꩭႂ်ႛပ︀ီꩫ︀်ႈက︀တ︀ႃႉ” ꩫ︀ဝꩫ︀်ႇ။ 17ꩡ︀ဝ်ႛယ︀ေꩬ︀ုယ︀ႃႇ ၵ︀ဝ်မ︀ႆ︀ႛꩫ︀ူႈꩫ︀ီႈꩫ︀ီႈ င︀ႆ︀းꩬ︀ီ “က︀ျမ︀်းလ︀ိက︀်ႉမ︀ႆ︀ႛ
“ꩭိꩫ︀်ဢ︀ꩫ︀်ႈၸ︀ူႛပ︀ူက︀်ꩭိူꩫ︀်းꩫ︀ႆ︀ႇၵ︀ဝ် ပ︀ႆ︀ၵ︀ွတ︀်ဝႆ︀ႇꩫ︀ႆ︀ႇ
တ︀ီပ︀ီꩫ︀်ႈꩭိꩫ︀် ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉမ︀ႃးꩫ︀မ︀်”
ꩫ︀ꩬ︀ီ ဝႃႈဝႆ︀ႇꩫ︀ႆ︀ႇ က︀ꩬ︀င︀်မ︀ႆ︀ႛꩫ︀ႆ︀ ၵ︀ႂ်ႈဝႃႈꩫ︀ႆ︀ႇ။ 18က︀ူဝ်ႇဢ︀ꩫ︀်ႈက︀ꩫ︀်ႛꩫ︀ိူဝ်ꩭိꩫ︀်ဢ︀မ︀ႂ်းမ︀ႆ︀ႛတ︀ူက︀်ꩫ︀ႆ︀ႇ တ︀ီꩭၢက︀်ꩰꩭွႆ︀ႛꩭွႆ︀ႛက︀ႃꩫ︀မ︀်။ ꩭိꩫ︀်ဢ︀မ︀ႂ်း က︀ꩫ︀်ႛꩫ︀ိူဝ်က︀ူꩫ︀်းမ︀ႆ︀ႛ တ︀ူက︀်က︀ီးက︀ေႃႇ က︀ူဝ်ႇဢ︀မ︀ႂ်းတ︀ီမ︀ွပ︀်ၵ︀ွပ︀်ႉꩰက︀ႃꩫ︀မ︀်” ꩫ︀ဝꩫ︀်ႇ။
လ︀ွင︀်ႈꩬ︀ႂ်ၵ︀ွꩫ︀်
(မ︀တ︀်တ︀ႄး 22.15-22; မ︀ႃက︀ု 12.13-17)
19ꩬ︀ြႃတ︀ြႃးꩫ︀ႆ︀ႇၵ︀ဝ်င︀ႆ︀း ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်ယ︀ႃႇ ပ︀ုင︀်ၵ︀ိူင︀်ႈၵ︀ၢမ︀်းဢ︀မ︀ႂ်း ၵ︀ဝ်မ︀ႆ︀ႛꩡ︀ိုဝ်ꩬ︀ီဝႃႈꩫ︀မ︀်ꩫ︀ꩫ︀ႆ︀ႇတ︀ွင︀်းက︀ီး မ︀ꩫ︀်းꩡ︀ဝ်ႛမ︀ႆ︀ႛ က︀ꩡ︀ူးꩬ︀ၢင︀်ꩬ︀ႅဝ်ႛဢ︀ူ။ ꩫ︀ႆ︀ႇꩫ︀က︀ေႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ူဝ်ႈꩬ︀ီ ꩵ︀ႈꩬ︀ႅဝ်ႛ။ 20င︀ႆ︀းꩬ︀ီၵ︀ဝ် ꩭႂ်ႛပ︀ူဝ်းꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ႅဝ်ႛꩫ︀ႆ︀ႛꩫ︀ႆ︀ႇ ၸ︀ူႛꩡ︀ွပ︀်ꩡ︀ႂ်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩭီတ︀်က︀ူꩫ︀်းꩬ︀ိုဝ်ႈꩫ︀ꩫ︀်ႈင︀ႆ︀းꩬ︀ီ ပ︀ွႆ︀ꩡ︀ႂ်ႇဢ︀ူ။ ၵ︀ဝ်က︀ႅမ︀်ꩫ︀ႆ︀ႇယ︀ႃႇ ꩫ︀ႂ်းၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ၵ︀ႃဢ︀ပ︀ႅတ︀်ႉꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ရ︀ေႃမ︀က︀ွတ︀်ꩫ︀ꩫ︀မ︀်။ 21ၸ︀ူႛꩡ︀ွပ︀်ꩡ︀ႂ်းꩫ︀ႆ︀ႇၵ︀ဝ်က︀ေႃႇ က︀ႃꩬ︀ီ “ꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ꩭူဝ်းꩬ︀ိုဝ်ႈꩰဢ︀ူ။ ꩫ︀ႃႛၸ︀ႂ်မ︀ႆ︀ႛက︀ေႃႇမ︀ဝ်ꩫ︀ူႈꩬ︀ီ ꩬ︀မ︀်မ︀ႃတ︀ြႃး လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ွꩫ︀်ꩬ︀ိုဝ်ႈꩰဢ︀ူꩫ︀ꩫ︀ႆ︀ႇ တ︀ူႈတ︀ွင︀်းတ︀ီၵ︀ႃႛဢ︀ူ။ 22င︀ႆ︀းꩫ︀ႆ︀ႇ ꩡ︀ဝ်ႛꩭူဝ်ꩬ︀ႅင︀်မ︀ႆ︀ႛ ၵ︀ွꩫ︀်ထုက︀်ꩫ︀ီႈꩬ︀ႂ်တ︀ီၵ︀ႃႛဢ︀ေႃး” ꩫ︀ဝꩫ︀်ႇ။ 23ꩡ︀ဝ်ႛယ︀ေꩬ︀ုယ︀ႃႇ ꩥ︀ၢꩫ︀်င︀ွင︀်ႇၵ︀ဝ်မ︀ႆ︀ႛ တ︀ွင︀်းꩫ︀ႆ︀ႇꩬ︀ီ 24“င︀ိူꩫ︀်းၵ︀ႅပ︀်လ︀ိူင︀်ႈ ပ︀ျႃးမ︀လ︀ႃး။ ၵ︀ႅပ︀်င︀ိူꩫ︀်းꩫ︀ႆ︀ႇမ︀ႆ︀ႛ ꩭၢင︀်ႈၸ︀ႂ်၊ ꩡ︀ိုဝ်ႈၸ︀ႂ်ꩫ︀ႆ︀လ︀ွေႛꩫ︀ႆ︀ႇ” ꩫ︀ဝꩫ︀်ႇ။ ၵ︀ဝ်က︀ေႃႇ “ꩭၢင︀်ႈꩡ︀ဝ်ႛꩭူဝ်ꩬ︀ႅင︀်က︀ႄတ︀ႃင︀ႆ︀း ꩡ︀ိုဝ်ႈမ︀ꩫ︀်းꩡ︀ဝ်ႛꩫ︀မ︀်” ꩫ︀က︀ီး 25ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈတ︀င︀်းꩡ︀ဝ်ႛꩭူဝ်ꩬ︀ႅင︀်လ︀ႅင︀်က︀ꩫ︀်ႈꩫ︀ႆ︀ႇ ꩡ︀ဝ်ႛꩭူဝ်ꩬ︀ႅင︀်မ︀ႆ︀ႛꩬ︀ႂ်တ︀ႃႉ။ ဢ︀ꩫ︀်ႈတ︀င︀်းၸ︀ြႃးပ︀ီꩫ︀်ႈꩡ︀ဝ်ႛလ︀ႅင︀်က︀ꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉတ︀ႃႉ” ꩫ︀ဝꩫ︀်ႇ။ 26ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ လ︀ုက︀်ႉၵ︀ၢမ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ပ︀ၢင︀်ႈꩫ︀ႃႛက︀ူꩫ︀်းမ︀ႆ︀ႛဝႃႈက︀ႃꩫ︀ႆ︀ႇမ︀ႆ︀ႛ ၵ︀ႃတ︀ၢင︀်းၸ︀ိတ︀်ꩭၢင︀်းꩬ︀ႅဝ်ႛမ︀ꩫ︀်းꩡ︀ဝ်ႛ မ︀ဝ်ꩭꩫ︀်ꩬ︀ီ ဢ︀ၢမ︀်းင︀ႆ︀း တ︀ီတ︀်ꩡ︀ိပ︀်ႉꩰက︀ꩫ︀်ႈဢ︀ူ။
ၵ︀ူဝ်ႛထၢမ︀်လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩫ︀ိပ︀်ပ︀ွက︀်ႉမ︀ႃး
(မ︀တ︀်တ︀ႄး 22.23-33; မ︀ႃက︀ု 12.18-27)
27က︀ုမ︀်ႛꩡ︀တ︀်တ︀ုက︀ႄ ဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်တ︀ႆ︀ၢႈယ︀ဝ်ႇက︀ီး ꩵ︀ႈꩫ︀ိပ︀်ပ︀ွက︀်ႉꩫ︀ꩬ︀ီ ယ︀ုမ︀်ꩫ︀ႆ︀ႇၵ︀ဝ်က︀မ︀်ႈၸ︀ွင︀်းမ︀ႃးꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ 28“ꩡ︀ဝ်ႛꩬ︀ြႃꩴ︀း မ︀ေႈမ︀ႆ︀ၢႛဢ︀ꩫ︀်ႈလ︀ုက︀်ႉမ︀ဝ်ယ︀င︀်းမ︀ႆ︀ႛ ꩭႂ်ႛပ︀ူဝ်းၸ︀ူႛလ︀ုက︀်ႉꩡ︀ႃႇꩭၢင︀်းၸ︀ူႛက︀ေꩡ︀ဝ်ႛဢ︀ꩫ︀်ႈတ︀ႆ︀ၢႈက︀ႃဢ︀မ︀ႂ်း ယ︀င︀်းမ︀ႃးꩫ︀ႆ︀ႇ ၸ︀ူႛꩫ︀ွင︀်ႇꩡ︀ႆ︀ၢးၸ︀ူႛၸ︀ူဝ်မ︀ꩫ︀်း ဝႃႈꩬ︀ုပ︀်ႉဢ︀ဝ်ႈဢ︀ူꩫ︀ꩬ︀ီ မ︀ေႃꩬ︀ေဝႃႈဝႆ︀ႇဢ︀ူ။ 29မ︀ိူဝ်ႈꩫ︀ꩫ︀်ႇ မ︀ၢꩫ︀်ႛဢ︀ꩫ︀်ႈလ︀ိူင︀်ႈမ︀ႆ︀ႛ ပ︀ီႈꩫ︀ွင︀်ႇꩡ︀ီတ︀်ꩡ︀ႆ︀ၢးယ︀င︀်းဢ︀ူ။ ၸ︀ူႛပ︀ီꩫ︀်ႈဢ︀ႆ︀ၢႛꩫ︀ႆ︀ႇ မ︀ေးဢ︀ဝ်ႈင︀ႆ︀း လ︀ုက︀်ႉမ︀ဝ်ယ︀င︀်းꩬ︀ီ တ︀ႆ︀ၢႈက︀ႃဢ︀ူ။ 30ꩫ︀ွင︀်ႇꩡ︀ႆ︀ၢးမ︀ꩫ︀်းꩥ︀ီႈꩫ︀ႆ︀ႇ ၸ︀ူႛလ︀ူဝ်းမ︀ႆ︀ႛꩬ︀ုပ︀်ႉဢ︀ဝ်ႈဢ︀ူ။ မ︀ꩫ︀်းက︀ေႃႇလ︀ုက︀်ႉမ︀ဝ်ယ︀င︀်းꩬ︀ီ တ︀ႆ︀ၢႈက︀ႃက︀ီး 31ꩬ︀ၢမ︀်ꩫ︀ႆ︀ႇ ၸ︀ူႛလ︀ူဝ်းမ︀ႆ︀ႛꩬ︀ုပ︀်ႉဢ︀ဝ်ႈꩫ︀က︀ဝ်ဢ︀ူ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ီႈꩫ︀ွင︀်ႇတ︀င︀်းꩡ︀ီတ︀်က︀ူဝ်ႇ ၸ︀ူႛယ︀ိင︀်းဢ︀မ︀ႂ်းမ︀ႆ︀ႛ ဢ︀ဝ်ႈင︀ႆ︀းလ︀ုက︀်ႉမ︀ဝ်ယ︀င︀်းꩬ︀ီ တ︀ႆ︀ၢႈက︀ႃမ︀ူတ︀်ဢ︀ူ။ 32ပ︀ႆ︀ၢႈꩭၢင︀်မ︀ႆ︀ႛ ၸ︀ူႛယ︀ိင︀်းဢ︀မ︀ႂ်းက︀ေႃႇ တ︀ႆ︀ၢႈက︀ႃဢ︀ူ။ 33ၸ︀ူႛယ︀ိင︀်းဢ︀မ︀ႂ်းမ︀ႆ︀ႛ ၵ︀ဝ်ပ︀ီႈꩫ︀ွင︀်ႇတ︀င︀်းꩡ︀ီတ︀်က︀ူဝ်ႇ ဢ︀ဝ်ႈဝႆ︀ႇꩫ︀ႆ︀ႇꩬ︀ီ ဝꩫ︀်းမ︀ိူဝ်ႈက︀ူꩫ︀်းꩫ︀ႆ︀ႇၵ︀ဝ် ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ၸ︀ူႛယ︀ိင︀်းဢ︀မ︀ႂ်း တ︀ီပ︀ီꩫ︀်ႈၸ︀ူႛမ︀ေးၸ︀ႂ်တ︀ီၵ︀ႃႛꩫ︀ႆ︀” ꩫ︀ဝꩫ︀်ႇ။ 34ꩡ︀ဝ်ႛယ︀ေꩬ︀ုယ︀ႃႇ “ꩡ︀တ︀်ႉꩫ︀ႆ︀ႇမ︀ႆ︀ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ် တ︀င︀်ႛꩭိူꩫ︀်းတ︀ေယ︀ေးက︀ꩫ︀်ႈဢ︀ူ။ 35ꩫ︀ႆ︀ႇꩫ︀က︀ေႃႇ ꩡ︀တ︀်ႉꩫ︀ႃႛမ︀ႆ︀ႛယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉဢ︀ꩫ︀်ႈထုက︀်ꩫ︀ီႈဢ︀ဝ်ႈꩫ︀ိပ︀်ပ︀ွက︀်ႉꩫ︀ႆ︀ႇၵ︀ဝ် ꩵ︀ႈတ︀င︀်ႛꩭိူꩫ︀်းက︀ꩫ︀်ႈယ︀ဝ်ႇ။ 36ၵ︀ဝ်ယ︀ႃႇ ꩫ︀င︀်ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်ꩫ︀က︀ꩫ︀်ႈပ︀ီꩫ︀်ႈက︀ႃꩬ︀ီ တ︀ႆ︀ၢႈက︀ေႃႇꩵ︀ႈတ︀ႆ︀ၢႈယ︀ဝ်ႇ။ ၵ︀ဝ်ယ︀ႃႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩬ︀ီ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ 37က︀ျမ︀်းလ︀ိက︀်ႉမ︀ႆ︀ႛ လ︀ွင︀်ႈထဝ်ယ︀ုမ︀်းဢ︀ꩫ︀်ႈမ︀ုက︀်ႉၸ︀ႆ︀းဢ︀ွက︀်မ︀ႆ︀ႛ မ︀ေႃꩬ︀ေယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ႃပ︀ြႃꩭၢမ︀်၊ ဢ︀ေꩬ︀က︀်င︀ႆ︀း ယ︀ႃက︀ုၵ︀ဝ်ပ︀ႆ︀ၢႛဝႆ︀ႈꩫ︀ႆ︀ႇꩫ︀မ︀်” ꩫ︀ꩬ︀ီ လ︀ွင︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉꩫ︀ႆ︀ႇ ဝႃႈꩡ︀ုꩫ︀်ႈꩰဝႆ︀ႇဢ︀ူ။ 38ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ြႃးၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ ၸ︀ြႃးၸ︀ူႛꩫ︀ိပ︀်ꩫ︀ႆ︀ႇၵ︀ဝ်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းတ︀င︀်းမ︀ိူင︀်း ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀မ︀်” ꩫ︀ဝꩫ︀်ႇ။ 39ꩫ︀ႆ︀ႇမ︀ႆ︀ႛ ꩬ︀ြႃတ︀ြႃးက︀မ︀်ႈၸ︀ွင︀်းယ︀ႃႇ “ꩡ︀ဝ်ႛꩬ︀ြႃꩴ︀း မ︀ႂ်းꩡ︀ဝ်ႛက︀ေႛတ︀ွပ︀်ꩭႂ်ႛꩫ︀ႆ︀ႇ ထုက︀်လ︀ူင︀်တ︀ီၵ︀ႃႛꩫ︀မ︀်” ꩫ︀ဝꩫ︀်ႇ။ 40ဝႆ︀ၢးဢ︀မ︀ႂ်း မ︀ꩫ︀်းꩡ︀ဝ်ႛမ︀ႆ︀ႛ ၸ︀ႂ်က︀ေႃႇ ထၢမ︀်ဢ︀ိက︀်ꩵ︀ႈပ︀ီꩫ︀်ႈယ︀ဝ်ႇ။
ၵ︀ူဝ်ႛထၢမ︀်လ︀ွင︀်ႈꩡ︀ဝ်ႛၵ︀ရ︀ီတ︀်
(မ︀တ︀်တ︀ႄး 22.41-46; မ︀ႃက︀ု 12.35-37)
41ꩡ︀ဝ်ႛယ︀ေꩬ︀ု ၵ︀ဝ်မ︀ႆ︀ႛ “ꩡ︀ဝ်ႛၵ︀ရ︀ီတ︀်ယ︀ႃႇ ပ︀ီꩫ︀်ႈၸ︀ူႛလ︀ုက︀်ႉꩡ︀ႆ︀ၢး ꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်ꩫ︀ꩬ︀ီ ꩭီတ︀်က︀ꩬ︀င︀်ꩫ︀ႆ︀ဝႃႈဝႆ︀ႇꩫ︀ႆ︀ႇ။ 42-43က︀ျမ︀်းꩬ︀ႃလ︀ၢမ︀်မ︀ႆ︀ႛ ꩡ︀ဝ်ႛꩭူဝ်ၵ︀မ︀်းၻႃဝိပ︀ိူꩫ︀်ႈꩡ︀ဝ်ႛဝႃႈဝႆ︀ႇꩫ︀ႆ︀ႇ
“ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ႃႈလ︀ꩫ︀်ꩬ︀ူမ︀ႂ်းၵ︀ဝ်မ︀ႆ︀ႛ
က︀ဝ်ႈက︀ꩫ︀်ႛတ︀ႂ်ႛတ︀ိꩫ︀်ႈမ︀ႂ်းမ︀ႆ︀ႛ မ︀ဝ်တ︀မ︀်းဝႆ︀ႇယ︀ႃႇ
ပ︀ႃႛၵ︀ႃက︀ဝ်ႈမ︀ႆ︀ႛဢ︀ူတ︀ႃႉꩫ︀ꩬ︀ီ
ꩡ︀ဝ်ႛက︀ဝ်ႈမ︀ႆ︀ႛဝႃႈဢ︀ူ” ꩫ︀ဝꩫ︀်ႇ။ 44ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ ꩡ︀ဝ်ႛၵ︀ရ︀ီတ︀်မ︀ႆ︀ႛ “ꩡ︀ဝ်ႛ” ꩫ︀ꩬ︀ီꩭွင︀်ႇက︀ီး ꩡ︀ဝ်ႛၵ︀ရ︀ီတ︀်ယ︀ႃႇ တ︀ီꩭလ︀ိုဝ်ꩬ︀ီပ︀ီꩫ︀်ႈ လ︀ုက︀်ႉလ︀ၢꩫ︀်ꩡ︀ဝ်ႛꩭူဝ်ၵ︀မ︀်းၻႃဝိꩫ︀ႆ︀” ꩫ︀ဝꩫ︀်ႇ။
ꩬ︀ြႃတ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိတ︀ႃႉ။
(မ︀တ︀်တ︀ႄး 23.1-36; မ︀ႃက︀ု 12.38-40)
45မ︀ိူဝ်ႈၸ︀ုင︀်က︀ူꩫ︀်းꩫ︀ႆ︀ႇၵ︀ဝ်ထွမ︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ 46“ꩬ︀ြႃတ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိတ︀ႃႉ။ ၵ︀ဝ်ယ︀ႃႇ ꩬ︀ိူဝ်ႛထမ︀ူင︀်ႇꩫ︀ုင︀်ႈꩬ︀ီ ၸ︀ႆ︀ၢႛလ︀ေဢ︀ူ။ က︀တ︀်မ︀ႆ︀ႛလ︀ေင︀ႆ︀း ꩭႂ်ႛပ︀ူဝ်းပ︀ိူꩫ︀်ႈꩫ︀ၢပ︀်ႉယ︀မ︀်ႈꩫ︀ႆ︀ႇ ꩭီတ︀်ဢ︀ူ။ ၵ︀ဝ်က︀ႃꩡ︀ွင︀်းꩬ︀ွꩫ︀်တ︀ြႃး၊ က︀ႃပ︀ွႆ︀းက︀ီး တ︀ီႈꩫ︀င︀်ႈဢ︀ꩫ︀်ႈက︀ꩫ︀်ႛꩫ︀ႃႛလ︀ေႚလ︀ေႚꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀ိုင︀် ၵ︀ႂ်ႈꩫ︀င︀်ႈဢ︀ူ။ 47ၵ︀ဝ်ယ︀ႃႇꩭိူꩫ︀်းမ︀ေႈမ︀ႆ︀ၢႛꩫ︀ႆ︀ႇၵ︀ဝ်မ︀ႆ︀ႛ ၸ︀ၢမ︀်းဢ︀ဝ်ႈယ︀ဝ်ႇက︀ီး ꩭႂ်ႛပ︀ူဝ်းပ︀ိူꩫ︀်ႈꩫ︀ူႈꩫ︀ီႈꩫ︀ႆ︀ႇ ဢ︀ဝ်ႈꩭိုင︀်ꩰယ︀ွꩫ︀်းꩬ︀ူးင︀ႆ︀းဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ၢမ︀်ဢ︀ꩫ︀်ႈယ︀ႂ်ꩬ︀ႃꩫ︀ႆ︀ႇ တ︀ီꩫ︀ႆ︀ႛၵ︀ၢမ︀်ꩫ︀မ︀်” ꩫ︀ဝꩫ︀်ႇ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.