Matiyu 15
15
Jahudiyalu ya laanakolu
Malɛkɛ 7.1-13
1Wo kɔ, Falisi ni seliya kalanmɔɔ dɔlu ka bɔ Jelusalɛmu ka na Isa ma k'a maɲininga, 2ai vɛɛ: «Mindɛ lɔ i kɔbiladennu yi mɔ bemanu ya laana tiɲala? Kamasɔlɔn ai tɛ ai bolo lakola a ɲa bɛlɛbɛlɛ ma jani ai yi dɔnni kɛ.»
3Isa k'ai javi, a vɛɛ: «Àilu do? Mindɛ lɔ ài yi Ala ya seliya tiɲala ka bɛn àiya laanalu ma? 4Kamasɔlɔn Ala vɛɛ ko: ‹I i fa ni i ba buɲa.› A vɛɛ fana ko: ‹Ni mɔɔ min v'a fa niwotɛ a ba lafeyala, fɔ wo tii yi faale.› 5Kɛɛ àilu do yi mɔɔlu kalanna ko ni fen ka kɛ mɔɔ bolo a wolobalu madɛmɛnko lɔ, a yi sene a fɔla ai yɛ, ko: ‹M̀'ɛ wo bɛ di Ala ma salaka le.› 6Ko a v'a fɔla ten, a mako tɛ butu a fa buɲako la. Wo ma yi ne, àilu vɛ Ala kumakan to je ka bɛn àiya laana ma. 7Àilu filangafolu, Nabi Ezayi na kelayakuma minu fɔla ka bɛn ài ma, tuɲa le. A do ka Ala kumakan sɛvɛ, ko:
8‹Mɔɔ minu yi m̀ buɲala ai da le la,
kɛɛ wo tɛ ai josokun nɔ feu!
9Ai yi m̀ batola fuun,
kamasɔlɔn aiya kalan yi adamadennu ya jamalilu le le dein.› »
Ko minu yi mɔɔ lakɔsɔla
Malɛkɛ 7.14-23
10Wo kɔ, Isa ka jama kili k'a fɔ ai yɛ, a vɛɛ: «Ài y'ài tolomalɔ ka ko min ɲaye. 11Mɔɔ yi fen fen donna i da k'a dɔn, wo suu suu tɛ se mɔɔ lakɔsɔla. Kɛɛ ko minu yi bɔla mɔɔ da, wolu le yi mɔɔ lakɔsɔla.»
12Wo fɔ Isa bolo, a kɔbiladennu k'i madon a la k'a fɔ a yɛ, ai vɛɛ: «I m'a lɔn ko i kumakan yi gbala Falisilu la?»
13Isa do k'ai javi, a vɛɛ: «Ǹ Fa min yi haijɛnɛ, ni wo gbu ma kɔlɔman min sɛnɛ, wo ju bɔntɔle feu. 14#Luka 6.39.Ài yi Falisilu to je. Ai yi ɲagbɛ ɲabilalu le le. Ni ɲagbɛ ka kɛ a ɲagbɛ ɲɔɔ ɲabila le, ai mɔɔ fila yi benne diɲa lɔ.»
15Piyɛli k'a fɔ Isa yɛ, a vɛɛ: «Sana wo kɔlɔ fɔ mɔ yɛ.» 16Isa vɛɛ: «Àilu fana ma se koɲayena? 17Ài m'a ɲaye ba ko fen fen si vɛ donna mɔɔ da, wo taatɔ a kɔnɔ le lɔ ka ban ka bɔ a kɔma? 18#Matiyu 12.34.Kɛɛ do, kuma minu yi bɔla mɔɔ da, wolu yi bɔla mɔɔ josokun ne lɔ, ado wolu le yi mɔɔ lakɔsɔla. 19Kamasɔlɔn miliya yon bɛ yi bɔla mɔɔ kɔnɔ le lɔ, ani a josokun nɔ: mɔɔfaako, jalonya, kanukɛko, suɲali, faɲafɔ seleya, ani tɔɔtiɲali. 20Ko wolu le yi mɔɔ lakɔsɔla, kɛɛ ka dɔnni kɛ i bolo lakobali la, wo tɛ mɔɔ lakɔsɔla.»
Siboloma gbɛlɛ moso ya limaniya
Malɛkɛ 7.24-30
21Wo kɔ, Isa ka bɔ je ka taa Tili ni Sidɔn solu laminin nɔ. 22Kanaan duulen moso dɔ ka na a ma kasi le. A do vɛɛ a yɛ: «Ǹ Kuntii, Dawuda Bɔzɔn, hena ǹ na! Ǹ denmoso yi tɔlɔyala bubale jina dɔ bolo!»
23Kɛɛ Isa m'a javi. A kɔbiladennu k'i madon a la k'a fɔ a yɛ, ai vɛɛ: «I tɛ moso min laseikɔ? A yi mɔ kɔ gbanɔ le.»
24Wo fɔ, Isa k'ai javi, a vɛɛ: «Ǹ kelayanin Bani Isilankalu le ma dein, minu kɛnin iwo saa tununninu.»
25Kɛɛ moso ka na k'i bilin Isa sen kɔlɔ, a vɛɛ: «Ǹ Kuntii, m̀ madɛmɛn!»
26Isa do vɛɛ a yɛ: «A bɛnnin tɛ ka dennilu ya bulu ta k'a lafili wulunilu kɔlɔ.»
27Moso k'a javi, a vɛɛ: «Ǹ Kuntii, tuɲa le wo le. Kɛɛ wulunilu gbu yi bulu kulunkulunnilu dɔnna, minu yi benna ka bɔ ai tiilu bolo dɔnnikɛya lɔ.»
28Wo fɔ a bolo, Isa vɛɛ a yɛ: «Ɛɛ moso, iya limaniya buɲanin kosɛvɛ! I yi min ɲininna, wo yi kɛ i yɛ.» A denmoso do ka kɛnɛya telemanin.
Isa ka jangalotɔ siyama lakɛnɛya teme
29Isa ka bɔ woja ka taama Galile kɔɔ dafɛ, ka jɛlɛ tini dɔ kɔkan k'i sii je. 30Mɔɔ siyama vɛ nala a ma aiya namalanilu le, ani ɲagbɛlu, ani bobolu ani jangalotɔ suu siyama. Ai ka wolu bɛ lala Isa kɛɛna mingɛ, a k'ai bɛ lakɛnɛya. 31Jama ka kawakoya bobolu yenko lɔ kumala, ka tɔɔkelenmajiilu kɛnɛyanin ye, ka namalanilu ye taamana, ani ka ɲagbɛlu ye yeni kɛla. Ai do ka Bani Isilankalu Tii Ala tanu.
Isa ka mɔɔ waa naani (4 000) balo teme
Malɛkɛ 8.1-10
32Wo kɔ, Isa k'a kɔbiladennu kili k'a fɔ ai yɛ, a vɛɛ: «Jama min hena yi ǹ na. Kamasɔlɔn ai vɛ tele sawa kɛ ǹ fɛ jan, ado balo suu suu tɛ ai bolo. Ǹ t'a fɛ ǹ'ai kɔɔntɔ labila ten, fɔsa ai kana kilon siya la.»
33A kɔbiladennu do vɛɛ a yɛ: «M'i se bulu sɔlɔnna di dingila lɔkolon min nɔ, fɔsa jama ba min bɛ yi dɔnni kɛ k'ai fa?»
34Isa vɛɛ ai yɛ: «Bulukala jein ne ài bolo?»
Ai do vɛɛ: «Bulukala wolowulan, ani jɛɛni dana.»
35Wo lɔ, Isa ka jama lɔ ai siila duu ma. 36Wo kɛ, a ka bulukala wolowulan ni jɛɛni wolu ta, ka balika bɔ Ala yɛ, k'a lɔkalikali, k'a di a kɔbiladennu ma. Wolu do ka wo lɔtala jama wotɛ. 37Ai bɛ ka dɔnni kɛ k'ai fa kpekpe. Ai wɔlinin, Isa kɔbiladennu ka bulu ni jɛɛ kulunkulun tɔlu ladɛn, ka gbɔlɔ ɲa wolowulan lafa wolu le. 38Kɛ́ mɔɔ waa naani (4 000) le ka dɔnni kɛ. Mosolu ni dennilu tɛɛ ma kɔndɛ. 39Wo kɔ, Isa ka jama labila ka don kulun kɔnɔ, ka taa Magadan duu kɔnɔ.
Currently Selected:
Matiyu 15: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023
Matiyu 15
15
Jahudiyalu ya laanakolu
Malɛkɛ 7.1-13
1Wo kɔ, Falisi ni seliya kalanmɔɔ dɔlu ka bɔ Jelusalɛmu ka na Isa ma k'a maɲininga, 2ai vɛɛ: «Mindɛ lɔ i kɔbiladennu yi mɔ bemanu ya laana tiɲala? Kamasɔlɔn ai tɛ ai bolo lakola a ɲa bɛlɛbɛlɛ ma jani ai yi dɔnni kɛ.»
3Isa k'ai javi, a vɛɛ: «Àilu do? Mindɛ lɔ ài yi Ala ya seliya tiɲala ka bɛn àiya laanalu ma? 4Kamasɔlɔn Ala vɛɛ ko: ‹I i fa ni i ba buɲa.› A vɛɛ fana ko: ‹Ni mɔɔ min v'a fa niwotɛ a ba lafeyala, fɔ wo tii yi faale.› 5Kɛɛ àilu do yi mɔɔlu kalanna ko ni fen ka kɛ mɔɔ bolo a wolobalu madɛmɛnko lɔ, a yi sene a fɔla ai yɛ, ko: ‹M̀'ɛ wo bɛ di Ala ma salaka le.› 6Ko a v'a fɔla ten, a mako tɛ butu a fa buɲako la. Wo ma yi ne, àilu vɛ Ala kumakan to je ka bɛn àiya laana ma. 7Àilu filangafolu, Nabi Ezayi na kelayakuma minu fɔla ka bɛn ài ma, tuɲa le. A do ka Ala kumakan sɛvɛ, ko:
8‹Mɔɔ minu yi m̀ buɲala ai da le la,
kɛɛ wo tɛ ai josokun nɔ feu!
9Ai yi m̀ batola fuun,
kamasɔlɔn aiya kalan yi adamadennu ya jamalilu le le dein.› »
Ko minu yi mɔɔ lakɔsɔla
Malɛkɛ 7.14-23
10Wo kɔ, Isa ka jama kili k'a fɔ ai yɛ, a vɛɛ: «Ài y'ài tolomalɔ ka ko min ɲaye. 11Mɔɔ yi fen fen donna i da k'a dɔn, wo suu suu tɛ se mɔɔ lakɔsɔla. Kɛɛ ko minu yi bɔla mɔɔ da, wolu le yi mɔɔ lakɔsɔla.»
12Wo fɔ Isa bolo, a kɔbiladennu k'i madon a la k'a fɔ a yɛ, ai vɛɛ: «I m'a lɔn ko i kumakan yi gbala Falisilu la?»
13Isa do k'ai javi, a vɛɛ: «Ǹ Fa min yi haijɛnɛ, ni wo gbu ma kɔlɔman min sɛnɛ, wo ju bɔntɔle feu. 14#Luka 6.39.Ài yi Falisilu to je. Ai yi ɲagbɛ ɲabilalu le le. Ni ɲagbɛ ka kɛ a ɲagbɛ ɲɔɔ ɲabila le, ai mɔɔ fila yi benne diɲa lɔ.»
15Piyɛli k'a fɔ Isa yɛ, a vɛɛ: «Sana wo kɔlɔ fɔ mɔ yɛ.» 16Isa vɛɛ: «Àilu fana ma se koɲayena? 17Ài m'a ɲaye ba ko fen fen si vɛ donna mɔɔ da, wo taatɔ a kɔnɔ le lɔ ka ban ka bɔ a kɔma? 18#Matiyu 12.34.Kɛɛ do, kuma minu yi bɔla mɔɔ da, wolu yi bɔla mɔɔ josokun ne lɔ, ado wolu le yi mɔɔ lakɔsɔla. 19Kamasɔlɔn miliya yon bɛ yi bɔla mɔɔ kɔnɔ le lɔ, ani a josokun nɔ: mɔɔfaako, jalonya, kanukɛko, suɲali, faɲafɔ seleya, ani tɔɔtiɲali. 20Ko wolu le yi mɔɔ lakɔsɔla, kɛɛ ka dɔnni kɛ i bolo lakobali la, wo tɛ mɔɔ lakɔsɔla.»
Siboloma gbɛlɛ moso ya limaniya
Malɛkɛ 7.24-30
21Wo kɔ, Isa ka bɔ je ka taa Tili ni Sidɔn solu laminin nɔ. 22Kanaan duulen moso dɔ ka na a ma kasi le. A do vɛɛ a yɛ: «Ǹ Kuntii, Dawuda Bɔzɔn, hena ǹ na! Ǹ denmoso yi tɔlɔyala bubale jina dɔ bolo!»
23Kɛɛ Isa m'a javi. A kɔbiladennu k'i madon a la k'a fɔ a yɛ, ai vɛɛ: «I tɛ moso min laseikɔ? A yi mɔ kɔ gbanɔ le.»
24Wo fɔ, Isa k'ai javi, a vɛɛ: «Ǹ kelayanin Bani Isilankalu le ma dein, minu kɛnin iwo saa tununninu.»
25Kɛɛ moso ka na k'i bilin Isa sen kɔlɔ, a vɛɛ: «Ǹ Kuntii, m̀ madɛmɛn!»
26Isa do vɛɛ a yɛ: «A bɛnnin tɛ ka dennilu ya bulu ta k'a lafili wulunilu kɔlɔ.»
27Moso k'a javi, a vɛɛ: «Ǹ Kuntii, tuɲa le wo le. Kɛɛ wulunilu gbu yi bulu kulunkulunnilu dɔnna, minu yi benna ka bɔ ai tiilu bolo dɔnnikɛya lɔ.»
28Wo fɔ a bolo, Isa vɛɛ a yɛ: «Ɛɛ moso, iya limaniya buɲanin kosɛvɛ! I yi min ɲininna, wo yi kɛ i yɛ.» A denmoso do ka kɛnɛya telemanin.
Isa ka jangalotɔ siyama lakɛnɛya teme
29Isa ka bɔ woja ka taama Galile kɔɔ dafɛ, ka jɛlɛ tini dɔ kɔkan k'i sii je. 30Mɔɔ siyama vɛ nala a ma aiya namalanilu le, ani ɲagbɛlu, ani bobolu ani jangalotɔ suu siyama. Ai ka wolu bɛ lala Isa kɛɛna mingɛ, a k'ai bɛ lakɛnɛya. 31Jama ka kawakoya bobolu yenko lɔ kumala, ka tɔɔkelenmajiilu kɛnɛyanin ye, ka namalanilu ye taamana, ani ka ɲagbɛlu ye yeni kɛla. Ai do ka Bani Isilankalu Tii Ala tanu.
Isa ka mɔɔ waa naani (4 000) balo teme
Malɛkɛ 8.1-10
32Wo kɔ, Isa k'a kɔbiladennu kili k'a fɔ ai yɛ, a vɛɛ: «Jama min hena yi ǹ na. Kamasɔlɔn ai vɛ tele sawa kɛ ǹ fɛ jan, ado balo suu suu tɛ ai bolo. Ǹ t'a fɛ ǹ'ai kɔɔntɔ labila ten, fɔsa ai kana kilon siya la.»
33A kɔbiladennu do vɛɛ a yɛ: «M'i se bulu sɔlɔnna di dingila lɔkolon min nɔ, fɔsa jama ba min bɛ yi dɔnni kɛ k'ai fa?»
34Isa vɛɛ ai yɛ: «Bulukala jein ne ài bolo?»
Ai do vɛɛ: «Bulukala wolowulan, ani jɛɛni dana.»
35Wo lɔ, Isa ka jama lɔ ai siila duu ma. 36Wo kɛ, a ka bulukala wolowulan ni jɛɛni wolu ta, ka balika bɔ Ala yɛ, k'a lɔkalikali, k'a di a kɔbiladennu ma. Wolu do ka wo lɔtala jama wotɛ. 37Ai bɛ ka dɔnni kɛ k'ai fa kpekpe. Ai wɔlinin, Isa kɔbiladennu ka bulu ni jɛɛ kulunkulun tɔlu ladɛn, ka gbɔlɔ ɲa wolowulan lafa wolu le. 38Kɛ́ mɔɔ waa naani (4 000) le ka dɔnni kɛ. Mosolu ni dennilu tɛɛ ma kɔndɛ. 39Wo kɔ, Isa ka jama labila ka don kulun kɔnɔ, ka taa Magadan duu kɔnɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023