Jã 16
16
1Mɩ mɩɩ nɛr thɩ̃ɛsɔɔkɛ thakɛ gɩ cʋʋ nɩ na bara ga. 2Wa tiir ner awɩ Thãgba fʋɔr cɔsɔra na faa. Bɔ bɩɛl na daannakɛ, dɩ tibil wo tibilikɛ na kɔ nɩnɩ na kpɩɛrɛ gɛr dɔ Thãgbaa thɔ̃ ɩnɩ‐n donɩ. 3Wa cʋʋrɛ mɛ̃ gɩdonɩ wa jɩ Thɩrɛ dɩ mɛr ga. 4Mɩ‐n mɩɩ nɛr thakɛ dɩ a bɔɔra ɩ̃ na dã, nɩ jɩna gɩ dɩ mɛ̃ mɩ kɔɔ so nar. Ma kɔɔ mɩɩ nɩ wer caca fʋ paar thalaˈ, gɩdonɩ mɩ kɔɔ har kha na nɛrɛ.
Thu Phuu thɔ̃
5Nɛnɛ̃ mɩ‐n kʋɔn ʋrɛraakɛ thɔna mɩnɩ, sɩ tibil bɩɛllakɛ anɩ thɩ̃thɩɩn na bule mi ka mɩ‐n jalnaˈ. 6Sɩ gɩdonɩ mɩ kɔɔ mɩɩ nɛr mɛ̃ ayɩ, gbobire hire anɩ hara. 7Dɩ sobɔrra mɩ so nar, gɩrɛ na baan narnɩ dʋɔn, dɔ ɩ̃ kɔ̃ gɩdonɩ ado ma kɔ̃aˈ, Bubul na ɩ̃ nɛrɛra ga. Sɩ ado mɩ kʋɔn, ma thʋɔnɛ nɛrɛra. 8Dɩ ado a ɩ̃, ɔr na nɛna tɩbɩla fɛʋ thɩɩra gɩrɛ dɔnɩ sopugo, na mɔ̃ Thãgba sarnɩ, na mɔ̃ Thãgbaa kɩɩl hanɩ: 9Sopugodaara, gɩdonɩ wa‐n pɛ mɩ haaraˈ; 10Thãgbaa sardaara, gɩdonɩ mɩ‐n kʋɔn Thɩrɛɛ pa dɩ na yɩ mɩ bã; 11Thãgbaa kɩɩldaara, gɩdonɩ thɩɩkɛɛ fãgadaar ˈlire ˈlɛr so heene pɩ.
12Thɩ̃ jɔjʋɔ hale wo mɩ hananɩ a na so nar, sɩ na mar fɛʋ nɛnãˈ. 13Sɩ Thu Phuukɛ dɔnɩ sobɔ Thue, ado a ɩ̃ ɔr na thɔɔ nɩ dɩ na lõ sobɔrra ɓibi. Gɩdonɩ thɩmɩaakɛ a na mɩɩnɩ, ga the ɔɔ thɛthɛɛ pa ga, sɩ gɩrɛ fɛʋʋkɛ a nɩɛnɩ gɛr a na mɩɩ. A na mɩɩna nɛr dakha gɩrɛ na ɩnanɩ. 14Ɔr thɛthɛ na‐n dʋbɩ mɛr, gɩdonɩ gɩrɛ dɔnɩ ɩ̃da a na gba a na‐n mɩɩ nɩ. 15Gɩrɛ fɛʋʋkɛ Thɩrɛ hananɩ, ɩ̃da gɩ. Gɛr dɔ kɩrʋ dɩ ɩ̃ so: A na gbaar gɩrɛ dɔnɩ ɩ̃da a na‐n mɩɩ nɩ.
Gbobire na debire na do daʋ
16Kɩɛr na bɔɔ gbe na yɩ mɩ bã, sɩ bɔɔ gbe wo na bire na yɩ mɩ, gɩdonɩ Thɩrɛɛ pa mɩ‐n kɔ̃. 17Dɩ ɔɔ kpãkpãadaar ɩkhasɔ na‐n mɩɩ kha awɩ ha ayɩ: Anye dɔ gelela a sonɩɩ kɩr ya fɛ? Aa, kɩɛr na bɔɔ gbe sa yɩ nɩ bã, sɩ bɔɔ gbe wo sa bire na yɩ nɩ, dɩɩ bo ɩnɩ‐n kʋɔn Thɩrɛɛ pa. 18Dɩ wɩ‐n sor: Anye ka do bɔɔ gbe ya fɛ? Sa jɩ thɩ̃ doo a‐n mɩɩnaˈ.
19Mɔ̃ Jeju jɩnɩ dɩɩ do wa bule ner a so warɛ: Nɩ‐n bulele khasɔ bɩɛlbɩɛl gɩrɛraakɛ mɩ sonɩ: Kɩɛr na bɔɔ gbe na yɩ mɩ bã, sɩ bɔɔ gbe wo na bire na yɩ mɩ. 20Sobɔr mɩ so nar gel, ga do narɛ khɩɩrɛ na bɩwɛ sɩɩ do gɛr ka da thɩdarara ka. Na har gbobirera sɩ anɩ gbobira na debire na do daʋ. 21Ado khɛr na wal, a‐n gbobire gɩdonɩ ɔɔ bɔ daan. Sɩ ɔbɔɔkɛ a‐n kɔnɩ bi dɩ pɩ, aa‐n jɩna ɔɔ gaarɩle bã. Daʋ n fʋʋrɛ gɩdonɩ a kʋɔn tibil yire. 22Mɛ̃ gɩ nɛrɛ dakha, nɩ har nɛnɛ̃ gbobirera, sɩ na bire na yɩ mɩ wo dɩ daʋ na fʋ nɛr, sɩ tibil bɩɛllakɛ na hale a na puno na tee nar daʋʋlaˈ. 23Dɩ dawiile na bule mi thɩ̃ bɩɛllakɛ bã. Sobɔr mɩ so nar gel, thɩ̃ɛ wo thɩ̃ɛɛkɛ na bɩɛlnɩ Thɩrɛra, a na ha nɛr gɩ do ɩ̃ i dɔ nɔɔ. 24A dana nɛnɛ̃kɛ, na kɔɔ bɩɛl Thãgbara thɩ̃ɛ na ɩ̃ iəˈ. Nɩ bɩɛlnɛ na ˈlɛr, dɩ mɛ̃ anɩ daʋ na bɔr na thʋ̃ na ka.
Jeju punone thɩdaa
25Sokpaa mɩ‐n mɩɩna nɩ gɩrɛ, sɩ bɔ bɩɛl na hale na dã kɛ ma‐n mɩɩna nɩnɩ sokpaa bã, sɩ casɩ ma mɩɩ nɩ gɩrɛ dɔnɩ Thɩrɛɛda. 26Ga wiile na bɩɛl Thãgba na ɩ̃ i sɩ ma so nar ayɩ, ma bɩɛlɛ Thɩrɛ ma‐n pɛ naraˈ; 27gɩdonɩ Thɩrɛɛ thɛthɛrakɛ n na nɛr, gɩdonɩ nɩ‐n na mɛr a pɛrna haar dɩ Thãgbaa pa mɩ the ɩ̃. 28Thɩrɛɛ pa mɩ the a ɩ̃ thɩɩra. Sɩ nɛnɛ̃ mɩ‐n ther thɩɩra ɩ̃ bir Thɩrɛɛ para.
29Dɩ ɔɔ kpãkpãadara sʋʋraa: Nɛnɛ̃ dɩphã waa casɩ fɩ‐n mɩɩ. Fa‐n mɩɩ dɩkha na sokpaa bã. 30Nɛnɛ̃ sɩ jɩrɛ dɩphã dɩ fɩ jɩrɛ thɩ̃ɛ fɛʋ, sɩ dɩ fa‐n ƴaal tibil n bulene faˈ. Dɩ gɛrra dɔ nɔɔ dɩ sɩ pɛr haar Thãgbaa pa fɩ the. 31Dɩ Jeju birse wi: Nɛnɛ̃ nɩ pɛr haar dɩphã koee? 32Nɩ hɩnɛ bɔ bɩɛl na daan, dɩrakɛ gɩ daan pɩ, dɩ wa bɩ̃bɩlanɛ nɛrɛ fɛʋ bɩɛlbɩɛl na faa ntɛ le ɔɔ pa, dɩ na sɩ marɛ dɩbara; sɩrakɛ ma ha dɩbara gaa koe, gɩdonɩ Thɩrɛ har kha na mɛrɛ. 33Mɩ mɩɩ nɛr thɩ̃ɛ thakɛ dɩ na hana ha ɩɩ mɛrɛra. Na‐n hananɛ bɔ gaarɛ kɛkɛ thɩɩra, sɩ nɩ pɩɛr ˈlar, mɩ punone thɩdaa.
Currently Selected:
Jã 16: LOBIRI
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.
Jã 16
16
1Mɩ mɩɩ nɛr thɩ̃ɛsɔɔkɛ thakɛ gɩ cʋʋ nɩ na bara ga. 2Wa tiir ner awɩ Thãgba fʋɔr cɔsɔra na faa. Bɔ bɩɛl na daannakɛ, dɩ tibil wo tibilikɛ na kɔ nɩnɩ na kpɩɛrɛ gɛr dɔ Thãgbaa thɔ̃ ɩnɩ‐n donɩ. 3Wa cʋʋrɛ mɛ̃ gɩdonɩ wa jɩ Thɩrɛ dɩ mɛr ga. 4Mɩ‐n mɩɩ nɛr thakɛ dɩ a bɔɔra ɩ̃ na dã, nɩ jɩna gɩ dɩ mɛ̃ mɩ kɔɔ so nar. Ma kɔɔ mɩɩ nɩ wer caca fʋ paar thalaˈ, gɩdonɩ mɩ kɔɔ har kha na nɛrɛ.
Thu Phuu thɔ̃
5Nɛnɛ̃ mɩ‐n kʋɔn ʋrɛraakɛ thɔna mɩnɩ, sɩ tibil bɩɛllakɛ anɩ thɩ̃thɩɩn na bule mi ka mɩ‐n jalnaˈ. 6Sɩ gɩdonɩ mɩ kɔɔ mɩɩ nɛr mɛ̃ ayɩ, gbobire hire anɩ hara. 7Dɩ sobɔrra mɩ so nar, gɩrɛ na baan narnɩ dʋɔn, dɔ ɩ̃ kɔ̃ gɩdonɩ ado ma kɔ̃aˈ, Bubul na ɩ̃ nɛrɛra ga. Sɩ ado mɩ kʋɔn, ma thʋɔnɛ nɛrɛra. 8Dɩ ado a ɩ̃, ɔr na nɛna tɩbɩla fɛʋ thɩɩra gɩrɛ dɔnɩ sopugo, na mɔ̃ Thãgba sarnɩ, na mɔ̃ Thãgbaa kɩɩl hanɩ: 9Sopugodaara, gɩdonɩ wa‐n pɛ mɩ haaraˈ; 10Thãgbaa sardaara, gɩdonɩ mɩ‐n kʋɔn Thɩrɛɛ pa dɩ na yɩ mɩ bã; 11Thãgbaa kɩɩldaara, gɩdonɩ thɩɩkɛɛ fãgadaar ˈlire ˈlɛr so heene pɩ.
12Thɩ̃ jɔjʋɔ hale wo mɩ hananɩ a na so nar, sɩ na mar fɛʋ nɛnãˈ. 13Sɩ Thu Phuukɛ dɔnɩ sobɔ Thue, ado a ɩ̃ ɔr na thɔɔ nɩ dɩ na lõ sobɔrra ɓibi. Gɩdonɩ thɩmɩaakɛ a na mɩɩnɩ, ga the ɔɔ thɛthɛɛ pa ga, sɩ gɩrɛ fɛʋʋkɛ a nɩɛnɩ gɛr a na mɩɩ. A na mɩɩna nɛr dakha gɩrɛ na ɩnanɩ. 14Ɔr thɛthɛ na‐n dʋbɩ mɛr, gɩdonɩ gɩrɛ dɔnɩ ɩ̃da a na gba a na‐n mɩɩ nɩ. 15Gɩrɛ fɛʋʋkɛ Thɩrɛ hananɩ, ɩ̃da gɩ. Gɛr dɔ kɩrʋ dɩ ɩ̃ so: A na gbaar gɩrɛ dɔnɩ ɩ̃da a na‐n mɩɩ nɩ.
Gbobire na debire na do daʋ
16Kɩɛr na bɔɔ gbe na yɩ mɩ bã, sɩ bɔɔ gbe wo na bire na yɩ mɩ, gɩdonɩ Thɩrɛɛ pa mɩ‐n kɔ̃. 17Dɩ ɔɔ kpãkpãadaar ɩkhasɔ na‐n mɩɩ kha awɩ ha ayɩ: Anye dɔ gelela a sonɩɩ kɩr ya fɛ? Aa, kɩɛr na bɔɔ gbe sa yɩ nɩ bã, sɩ bɔɔ gbe wo sa bire na yɩ nɩ, dɩɩ bo ɩnɩ‐n kʋɔn Thɩrɛɛ pa. 18Dɩ wɩ‐n sor: Anye ka do bɔɔ gbe ya fɛ? Sa jɩ thɩ̃ doo a‐n mɩɩnaˈ.
19Mɔ̃ Jeju jɩnɩ dɩɩ do wa bule ner a so warɛ: Nɩ‐n bulele khasɔ bɩɛlbɩɛl gɩrɛraakɛ mɩ sonɩ: Kɩɛr na bɔɔ gbe na yɩ mɩ bã, sɩ bɔɔ gbe wo na bire na yɩ mɩ. 20Sobɔr mɩ so nar gel, ga do narɛ khɩɩrɛ na bɩwɛ sɩɩ do gɛr ka da thɩdarara ka. Na har gbobirera sɩ anɩ gbobira na debire na do daʋ. 21Ado khɛr na wal, a‐n gbobire gɩdonɩ ɔɔ bɔ daan. Sɩ ɔbɔɔkɛ a‐n kɔnɩ bi dɩ pɩ, aa‐n jɩna ɔɔ gaarɩle bã. Daʋ n fʋʋrɛ gɩdonɩ a kʋɔn tibil yire. 22Mɛ̃ gɩ nɛrɛ dakha, nɩ har nɛnɛ̃ gbobirera, sɩ na bire na yɩ mɩ wo dɩ daʋ na fʋ nɛr, sɩ tibil bɩɛllakɛ na hale a na puno na tee nar daʋʋlaˈ. 23Dɩ dawiile na bule mi thɩ̃ bɩɛllakɛ bã. Sobɔr mɩ so nar gel, thɩ̃ɛ wo thɩ̃ɛɛkɛ na bɩɛlnɩ Thɩrɛra, a na ha nɛr gɩ do ɩ̃ i dɔ nɔɔ. 24A dana nɛnɛ̃kɛ, na kɔɔ bɩɛl Thãgbara thɩ̃ɛ na ɩ̃ iəˈ. Nɩ bɩɛlnɛ na ˈlɛr, dɩ mɛ̃ anɩ daʋ na bɔr na thʋ̃ na ka.
Jeju punone thɩdaa
25Sokpaa mɩ‐n mɩɩna nɩ gɩrɛ, sɩ bɔ bɩɛl na hale na dã kɛ ma‐n mɩɩna nɩnɩ sokpaa bã, sɩ casɩ ma mɩɩ nɩ gɩrɛ dɔnɩ Thɩrɛɛda. 26Ga wiile na bɩɛl Thãgba na ɩ̃ i sɩ ma so nar ayɩ, ma bɩɛlɛ Thɩrɛ ma‐n pɛ naraˈ; 27gɩdonɩ Thɩrɛɛ thɛthɛrakɛ n na nɛr, gɩdonɩ nɩ‐n na mɛr a pɛrna haar dɩ Thãgbaa pa mɩ the ɩ̃. 28Thɩrɛɛ pa mɩ the a ɩ̃ thɩɩra. Sɩ nɛnɛ̃ mɩ‐n ther thɩɩra ɩ̃ bir Thɩrɛɛ para.
29Dɩ ɔɔ kpãkpãadara sʋʋraa: Nɛnɛ̃ dɩphã waa casɩ fɩ‐n mɩɩ. Fa‐n mɩɩ dɩkha na sokpaa bã. 30Nɛnɛ̃ sɩ jɩrɛ dɩphã dɩ fɩ jɩrɛ thɩ̃ɛ fɛʋ, sɩ dɩ fa‐n ƴaal tibil n bulene faˈ. Dɩ gɛrra dɔ nɔɔ dɩ sɩ pɛr haar Thãgbaa pa fɩ the. 31Dɩ Jeju birse wi: Nɛnɛ̃ nɩ pɛr haar dɩphã koee? 32Nɩ hɩnɛ bɔ bɩɛl na daan, dɩrakɛ gɩ daan pɩ, dɩ wa bɩ̃bɩlanɛ nɛrɛ fɛʋ bɩɛlbɩɛl na faa ntɛ le ɔɔ pa, dɩ na sɩ marɛ dɩbara; sɩrakɛ ma ha dɩbara gaa koe, gɩdonɩ Thɩrɛ har kha na mɛrɛ. 33Mɩ mɩɩ nɛr thɩ̃ɛ thakɛ dɩ na hana ha ɩɩ mɛrɛra. Na‐n hananɛ bɔ gaarɛ kɛkɛ thɩɩra, sɩ nɩ pɩɛr ˈlar, mɩ punone thɩdaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.