Jã 9
9
Jeju khɛrrɛ kuunikɛ wɩ kɔnanɩ yaarɛ yinə
1Mɔ̃ Jeju n kanɩ na hʋɛ, a yɩrɛ kũu bɩɛlɩkɛ wɩ kɔnɩ na yaarɛ. 2Dɩ ɔɔ kpãkpãadara bulee: Dɩɩrdaar, amɛ kɔɔ cʋɛ sopugo dɩ wɩ kʋ̃ɔ na yaarɛ, ɔr gɩ yaa, ɔɔ thɩ na ɔɔ nɩ gɩ? 3Dɩ Jeju birse wi: Ga do ɔr ga, dɩ ga do wo ɔɔ thɩ na ɔɔ nɩ kɔɔ cʋɛ sopugoəˈ, sɩ Thãgba n nɩna ɔɔ thɔ̃ ɔrra. 4Dɔ sɩ do ʋrɛɛkɛ thɔna mɩnɩɩ thɔ̃ ɔbɔɔkɛ sɩ hanɩ gɩrɛ dɩwɩlʋla. Dɩɩ n tɩnɛ kɛ tibil na punoni a na do thɔma bã. 5Mɩ dor dahɩrɛ tɩbɩlala fɛʋ thɩɩra bɔɔkɛ mɩ hanɩ thɩɩra.#Mat 5:14; Jã 8:12
6Mɔ̃ a sonɩ thale pɩ, a phiire nyɔ̃thɩ̃ɩ thɩɩra a dʋ jaar na ɔɔ nyɔ̃thɩna. Agɩpɩ dɩ gba jaarɩlera a bʋl yaarʋ yinə, 7sɩ a sʋʋraa: Jala hɔ nyʋɔn Siloe yɔ hulẽ paar. Siloe kɩrʋ dʋɔn thɔnanɛ. Dɩ ɔbɔɔkɛ a jalnɩ a hʋ nyʋɔn pɩ sa kɛr da‐n bir, a‐n yɩrɛ.
8Dɩ ɔɔ cɔ khʋdara nakha wɩrɛɛkɛ kɔɔ jɩɛnɛɛnɩ mamara dɩ dona bɛ̃bɩɛl n sor aa: Ga do kɩɛr ʋrɛɛkɛ n kɔɔ too sɩ da‐n bɩɛl thɩ̃aa? 9Dɩ ɩkhasɔ sor: Ɔr gɩ: sɩ ɩkhasɔ wo sor: Kpeehe, ɔr ga, sɩ wɩ‐n hʋrɛ kha. Sɩ dɩ yaarʋʋ thɛthɛ so war ayɩ: Mɛr gɩ sobɔr. 10Dɩ wɩ bulee: Dɩ mɔ̃ gɩ fʋ sɩ afɩ yisɔ khɛr? 11Dɩ birse wi: Kuunikɛ wɩ‐n wenɩ Jeju, ɔr kɔɔ do jaar a bʋl mɩ yinə sa so mar: Jala hɔ nyʋɔn Siloe yɔ hulẽ paar. Dɩ ɩ̃ jal a hʋ nyʋɔn, dɩ ma‐n yɩ. 12Dɩ wɩ bulee: Ka kuunilera ha? Dɩ birse wi: Ma jaˈ.
Buleleekɛ jɔfʋ bʋ dʋdarasɔ buleni yaarʋʋlera
13Dɩ wɩ kpa kuunikɛra kɔɔ dɔnɩ yaarʋ a jalna jɔfʋ bʋ dʋdarasɔɔ pa. 14Sɩ hɩɩr wire Jeju kɔɔ dʋ jaarra a khɛrnaa yinə. 15Gɛr gɩ dɩ jɔfʋ bʋ dʋdarasɔ dakha bule kuunile mɔ̃kɛ gɩ kɔɔ cʋʋnɩ sɩ dɩ ɔɔ yisɔ khɛr da‐n yɩ. Dɩ birse wi: Jaar a bʋl mɩ yinə sɩ dɩ ɩ̃ hʋ nyʋɔn, dɩ ma‐n yɩ. 16Gɛr gɩ dɩ ɩkhaa jɔfʋ bʋ dʋdarasɔ kɔɔ so: Kuunikɛ dɔnɩ thɔ̃ caakɛ ga do Thãgbaa pa a thaˈ, gɩdonɩ aa‐n hɩɩn hɩɩr wirəˈ. Dɩ ɩkhasɔ kɔɔ sor dakha wo: Mɔ̃ tibilikɛ dɔnɩ sopugodaar na puno a na cʋʋ ga nɔ kpaa thɩ̃sɔɔkɛ? Dɩ liir dɔ leereekɛ ɩrɛnɩ awɩ thɩ̃thɩɩn. 17Dɩ wɩ bir bule wo ʋrɛɛkɛra kɔɔ yaarɛnɩ ayɩ: Sɩ fɛrɛ, anye fɩ‐n so ɔɔdara gɩrɛraakɛ a khɛr fɩnɩ yinə? Dɩ birse wi: Thãgbaa bobon gɩ.
18Sɩ Juifisɔ na kɔɔ pɛr haar kpɩɩrakɛ dɩ a kɔɔ dor yaarʋ sa bir da‐n yaˈ, phaphapha dɩɩ ba dana bɔɔkɛ wɩ wenɩ ɔɔ thɩ na ɔɔ nɩ, 19a bule wi: Ʋrɛ dʋɔn anɩ bikuunikɛra nɩ sonɩ ayɩ, nɩ kʋɔnɛ na yaarɛɛ? Dɩ mɔ̃ gɩ fʋ sɩ da‐n yɩ nɛnɛ̃? 20Dɩ ɔɔ thɩ na ɔɔ nɩ birse wi: Sɩ jɩrɛ wer asɩ bikuun gɩ dɩ sɩ kɔnaa yaarɛ. 21Sɩ mɔ̃kɛ a‐n yɩnɩ nɛnɛ̃, sa jɩ geraˈ, dɩ ntɛɛkɛ khɛraanɩ yinə dakha wo, sa jɩaˈ. Nɩ bulenee, a daan a mɩɩ dɩbara gɩrɛ baannɩ. 22Ɔɔ thɩ na ɔɔ nɩ sor thale gɩdonɩ maar fɔ wɩ Juifisɔra, gɩdonɩ Juifisɔ kɔɔ ˈlire gʋʋrɛ kha nɔ bɩɛl ayɩ: Ado tibil tu ayɩ, Jeju dor Kirisiti, wa tiire awɩ Thãgba fʋɔr cɔra a na faa. 23Gɛr dɔ nɔɔ dɩ ɔɔ thɩ na ɔɔ nɩ kɔɔ so ayɩ, a daan a mɩɩ dɩbara wɩ bulenee.
Juifisɔ hɛllɛ ʋrɛɛkɛ kɔɔ dɔnɩ yaarʋ awɩ thɩ̃thɩɩn a faa
24Dɩ jɔfʋ bʋ dʋdara bir a we kuunikɛ kɔɔ dɔnɩ yaarʋ wo a sʋʋraa: Dʋba Thãgbaa i. Sɛrɛ, sɩ jɩrɛ dɩ sopugodaar kuunikɛ do. 25Dɩ birse wi: Ado sopugodaar a do, ma jɩ geraˈ, sɩ thɩ̃ bɩɛlɩkɛ mɩ jɩnɩ dʋɔn: Mɩ kɔɔ dor yaarʋ, sɩ nɛnɛ̃ mɩ‐n yɩrɛ. 26Dɩ wɩ bulee: Mɔ̃ a khɛr fɩ yinə, dɩ anye a cʋʋ fɩ? 27Dɩ birse wi: Mɩ kɔɔ mãa so nar sɩ na kɔɔ pɛ nũəˈ. Mɔ̃gɩdo dɩ nɩ bir na‐n ƴaal nɩ nɩɛ wo? Nɩ‐n ƴaalɛ nɩ debi nɩ do ɔɔ kpãkpãadara dakha yaa? 28Dɩ wɩ nɩɩrʋʋ sa sʋʋraa: Fɛr dʋɔn ɔɔ kpãkpãadaar, se wer Mʋɩjɩɩ kpãkpãadara ha sɩ. 29Dɩ ado Mʋɩjɩ gɩ, sɩ jɩrɛ dɩ Thãgba kɔɔ mɩanaa, sɩ ado ʋrɛɛkɛ gɩ sa jɩ kãkɛ a thenaˈ. 30Dɩ kuunile birse wi: Pha, nɔ kpaa thɩ̃ɛ gɩ na jɩ kãkɛ a thenaˈ, sɩ a khɛr mɛr yinə. 31Sɩ jɩrɛ dɩɩ do Thãgba na‐n tu sopugodaraa bɩɛlaˈ, sɩ tibil wo tibilikɛ n maannɩ Thãgba da‐n cʋʋna Thãgbaa tuur, ɔ tibil caalee bɩɛl Thãgba n tu. 32Dɩ wo sa kɔɔ nɩɛ kpɩɩrakɛ dɩ wɩ mɩɩna ayɩ, tibil bɩɛl kɔɔ khɛrrɛ yaarʋʋkɛ wɩ kɔnanɩ yaarɛ yinə ga. 33Ado kuunikɛ na kɔɔ the Thãgbaa pa ga, a na puno na cʋʋ thɩ̃ bɩɛllakɛ kpɩɩaˈ. 34Dɩ wɩ birsee: Fɛrkɛ wɩ kɔnɩ sopugo haarra, fɛr n ka dɩɩr sɩ bɛɛ? Agɩpɩ dɩ wɩ weguu.
Wɩrɛ dɔnɩ yara Thãgbaa thɩna
35Ɔbɔɔkɛ Jeju nɩɛnɩ dɩ wɩ yɩ wɩ weguure a faa, a ƴaalʋʋlɛ a yɩɩ a bulee: Fɩ pɛr tibili Bikuun haar bɛ? 36Dɩ bule Jeju: Amɛ a do ya Kɔ̃tɩn dɩ ma pɩɛ haar? 37Dɩ Jeju birsee: Fɩ yɩɩrɛ, ʋrɛɛkɛra n mɩana fɩnɩ ɔr gɩ. 38Dɩ tu: Kɔ̃tɩn, mɩ pɛrɛ haar; sa gburõku da‐n fʋɔrʋʋ.
39Agɩpɩ Jeju so: Kɩɩlʋ dɔ nɔɔ dɩ ɩ̃ ɩnɔ thɩɩraakɛ, dɩ wɩrɛɛkɛ na‐n yɛnaˈ wa‐n yɩrɛ, sɩ wɩrɛɛkɛ n yɛnɩ wa debire na do yara. 40Dɩ jɔfʋ bʋ dʋdaar ɩkhasɔɔkɛ kɔɔ hananɩ kha Jeju, ɔbɔɔkɛ wɩ nɩɛnɩ thɩmɩaale pɩ, wɩ buleele: Dɩ sɛrɛ, yarara sɩ do dakha gaa bɛ? 41Dɩ Jeju birse wi: Ado yara nɩ kɔɔ do, na hana sopugoəˈ, sɩ nɛnɛ̃kɛ dɩ nɩ so: Sɩ‐n yɩrɛ; gɛr gɩ dɩ anɩ sopugo dakha hale ˈlo.
Currently Selected:
Jã 9: LOBIRI
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.
Jã 9
9
Jeju khɛrrɛ kuunikɛ wɩ kɔnanɩ yaarɛ yinə
1Mɔ̃ Jeju n kanɩ na hʋɛ, a yɩrɛ kũu bɩɛlɩkɛ wɩ kɔnɩ na yaarɛ. 2Dɩ ɔɔ kpãkpãadara bulee: Dɩɩrdaar, amɛ kɔɔ cʋɛ sopugo dɩ wɩ kʋ̃ɔ na yaarɛ, ɔr gɩ yaa, ɔɔ thɩ na ɔɔ nɩ gɩ? 3Dɩ Jeju birse wi: Ga do ɔr ga, dɩ ga do wo ɔɔ thɩ na ɔɔ nɩ kɔɔ cʋɛ sopugoəˈ, sɩ Thãgba n nɩna ɔɔ thɔ̃ ɔrra. 4Dɔ sɩ do ʋrɛɛkɛ thɔna mɩnɩɩ thɔ̃ ɔbɔɔkɛ sɩ hanɩ gɩrɛ dɩwɩlʋla. Dɩɩ n tɩnɛ kɛ tibil na punoni a na do thɔma bã. 5Mɩ dor dahɩrɛ tɩbɩlala fɛʋ thɩɩra bɔɔkɛ mɩ hanɩ thɩɩra.#Mat 5:14; Jã 8:12
6Mɔ̃ a sonɩ thale pɩ, a phiire nyɔ̃thɩ̃ɩ thɩɩra a dʋ jaar na ɔɔ nyɔ̃thɩna. Agɩpɩ dɩ gba jaarɩlera a bʋl yaarʋ yinə, 7sɩ a sʋʋraa: Jala hɔ nyʋɔn Siloe yɔ hulẽ paar. Siloe kɩrʋ dʋɔn thɔnanɛ. Dɩ ɔbɔɔkɛ a jalnɩ a hʋ nyʋɔn pɩ sa kɛr da‐n bir, a‐n yɩrɛ.
8Dɩ ɔɔ cɔ khʋdara nakha wɩrɛɛkɛ kɔɔ jɩɛnɛɛnɩ mamara dɩ dona bɛ̃bɩɛl n sor aa: Ga do kɩɛr ʋrɛɛkɛ n kɔɔ too sɩ da‐n bɩɛl thɩ̃aa? 9Dɩ ɩkhasɔ sor: Ɔr gɩ: sɩ ɩkhasɔ wo sor: Kpeehe, ɔr ga, sɩ wɩ‐n hʋrɛ kha. Sɩ dɩ yaarʋʋ thɛthɛ so war ayɩ: Mɛr gɩ sobɔr. 10Dɩ wɩ bulee: Dɩ mɔ̃ gɩ fʋ sɩ afɩ yisɔ khɛr? 11Dɩ birse wi: Kuunikɛ wɩ‐n wenɩ Jeju, ɔr kɔɔ do jaar a bʋl mɩ yinə sa so mar: Jala hɔ nyʋɔn Siloe yɔ hulẽ paar. Dɩ ɩ̃ jal a hʋ nyʋɔn, dɩ ma‐n yɩ. 12Dɩ wɩ bulee: Ka kuunilera ha? Dɩ birse wi: Ma jaˈ.
Buleleekɛ jɔfʋ bʋ dʋdarasɔ buleni yaarʋʋlera
13Dɩ wɩ kpa kuunikɛra kɔɔ dɔnɩ yaarʋ a jalna jɔfʋ bʋ dʋdarasɔɔ pa. 14Sɩ hɩɩr wire Jeju kɔɔ dʋ jaarra a khɛrnaa yinə. 15Gɛr gɩ dɩ jɔfʋ bʋ dʋdarasɔ dakha bule kuunile mɔ̃kɛ gɩ kɔɔ cʋʋnɩ sɩ dɩ ɔɔ yisɔ khɛr da‐n yɩ. Dɩ birse wi: Jaar a bʋl mɩ yinə sɩ dɩ ɩ̃ hʋ nyʋɔn, dɩ ma‐n yɩ. 16Gɛr gɩ dɩ ɩkhaa jɔfʋ bʋ dʋdarasɔ kɔɔ so: Kuunikɛ dɔnɩ thɔ̃ caakɛ ga do Thãgbaa pa a thaˈ, gɩdonɩ aa‐n hɩɩn hɩɩr wirəˈ. Dɩ ɩkhasɔ kɔɔ sor dakha wo: Mɔ̃ tibilikɛ dɔnɩ sopugodaar na puno a na cʋʋ ga nɔ kpaa thɩ̃sɔɔkɛ? Dɩ liir dɔ leereekɛ ɩrɛnɩ awɩ thɩ̃thɩɩn. 17Dɩ wɩ bir bule wo ʋrɛɛkɛra kɔɔ yaarɛnɩ ayɩ: Sɩ fɛrɛ, anye fɩ‐n so ɔɔdara gɩrɛraakɛ a khɛr fɩnɩ yinə? Dɩ birse wi: Thãgbaa bobon gɩ.
18Sɩ Juifisɔ na kɔɔ pɛr haar kpɩɩrakɛ dɩ a kɔɔ dor yaarʋ sa bir da‐n yaˈ, phaphapha dɩɩ ba dana bɔɔkɛ wɩ wenɩ ɔɔ thɩ na ɔɔ nɩ, 19a bule wi: Ʋrɛ dʋɔn anɩ bikuunikɛra nɩ sonɩ ayɩ, nɩ kʋɔnɛ na yaarɛɛ? Dɩ mɔ̃ gɩ fʋ sɩ da‐n yɩ nɛnɛ̃? 20Dɩ ɔɔ thɩ na ɔɔ nɩ birse wi: Sɩ jɩrɛ wer asɩ bikuun gɩ dɩ sɩ kɔnaa yaarɛ. 21Sɩ mɔ̃kɛ a‐n yɩnɩ nɛnɛ̃, sa jɩ geraˈ, dɩ ntɛɛkɛ khɛraanɩ yinə dakha wo, sa jɩaˈ. Nɩ bulenee, a daan a mɩɩ dɩbara gɩrɛ baannɩ. 22Ɔɔ thɩ na ɔɔ nɩ sor thale gɩdonɩ maar fɔ wɩ Juifisɔra, gɩdonɩ Juifisɔ kɔɔ ˈlire gʋʋrɛ kha nɔ bɩɛl ayɩ: Ado tibil tu ayɩ, Jeju dor Kirisiti, wa tiire awɩ Thãgba fʋɔr cɔra a na faa. 23Gɛr dɔ nɔɔ dɩ ɔɔ thɩ na ɔɔ nɩ kɔɔ so ayɩ, a daan a mɩɩ dɩbara wɩ bulenee.
Juifisɔ hɛllɛ ʋrɛɛkɛ kɔɔ dɔnɩ yaarʋ awɩ thɩ̃thɩɩn a faa
24Dɩ jɔfʋ bʋ dʋdara bir a we kuunikɛ kɔɔ dɔnɩ yaarʋ wo a sʋʋraa: Dʋba Thãgbaa i. Sɛrɛ, sɩ jɩrɛ dɩ sopugodaar kuunikɛ do. 25Dɩ birse wi: Ado sopugodaar a do, ma jɩ geraˈ, sɩ thɩ̃ bɩɛlɩkɛ mɩ jɩnɩ dʋɔn: Mɩ kɔɔ dor yaarʋ, sɩ nɛnɛ̃ mɩ‐n yɩrɛ. 26Dɩ wɩ bulee: Mɔ̃ a khɛr fɩ yinə, dɩ anye a cʋʋ fɩ? 27Dɩ birse wi: Mɩ kɔɔ mãa so nar sɩ na kɔɔ pɛ nũəˈ. Mɔ̃gɩdo dɩ nɩ bir na‐n ƴaal nɩ nɩɛ wo? Nɩ‐n ƴaalɛ nɩ debi nɩ do ɔɔ kpãkpãadara dakha yaa? 28Dɩ wɩ nɩɩrʋʋ sa sʋʋraa: Fɛr dʋɔn ɔɔ kpãkpãadaar, se wer Mʋɩjɩɩ kpãkpãadara ha sɩ. 29Dɩ ado Mʋɩjɩ gɩ, sɩ jɩrɛ dɩ Thãgba kɔɔ mɩanaa, sɩ ado ʋrɛɛkɛ gɩ sa jɩ kãkɛ a thenaˈ. 30Dɩ kuunile birse wi: Pha, nɔ kpaa thɩ̃ɛ gɩ na jɩ kãkɛ a thenaˈ, sɩ a khɛr mɛr yinə. 31Sɩ jɩrɛ dɩɩ do Thãgba na‐n tu sopugodaraa bɩɛlaˈ, sɩ tibil wo tibilikɛ n maannɩ Thãgba da‐n cʋʋna Thãgbaa tuur, ɔ tibil caalee bɩɛl Thãgba n tu. 32Dɩ wo sa kɔɔ nɩɛ kpɩɩrakɛ dɩ wɩ mɩɩna ayɩ, tibil bɩɛl kɔɔ khɛrrɛ yaarʋʋkɛ wɩ kɔnanɩ yaarɛ yinə ga. 33Ado kuunikɛ na kɔɔ the Thãgbaa pa ga, a na puno na cʋʋ thɩ̃ bɩɛllakɛ kpɩɩaˈ. 34Dɩ wɩ birsee: Fɛrkɛ wɩ kɔnɩ sopugo haarra, fɛr n ka dɩɩr sɩ bɛɛ? Agɩpɩ dɩ wɩ weguu.
Wɩrɛ dɔnɩ yara Thãgbaa thɩna
35Ɔbɔɔkɛ Jeju nɩɛnɩ dɩ wɩ yɩ wɩ weguure a faa, a ƴaalʋʋlɛ a yɩɩ a bulee: Fɩ pɛr tibili Bikuun haar bɛ? 36Dɩ bule Jeju: Amɛ a do ya Kɔ̃tɩn dɩ ma pɩɛ haar? 37Dɩ Jeju birsee: Fɩ yɩɩrɛ, ʋrɛɛkɛra n mɩana fɩnɩ ɔr gɩ. 38Dɩ tu: Kɔ̃tɩn, mɩ pɛrɛ haar; sa gburõku da‐n fʋɔrʋʋ.
39Agɩpɩ Jeju so: Kɩɩlʋ dɔ nɔɔ dɩ ɩ̃ ɩnɔ thɩɩraakɛ, dɩ wɩrɛɛkɛ na‐n yɛnaˈ wa‐n yɩrɛ, sɩ wɩrɛɛkɛ n yɛnɩ wa debire na do yara. 40Dɩ jɔfʋ bʋ dʋdaar ɩkhasɔɔkɛ kɔɔ hananɩ kha Jeju, ɔbɔɔkɛ wɩ nɩɛnɩ thɩmɩaale pɩ, wɩ buleele: Dɩ sɛrɛ, yarara sɩ do dakha gaa bɛ? 41Dɩ Jeju birse wi: Ado yara nɩ kɔɔ do, na hana sopugoəˈ, sɩ nɛnɛ̃kɛ dɩ nɩ so: Sɩ‐n yɩrɛ; gɛr gɩ dɩ anɩ sopugo dakha hale ˈlo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Burkino Faso 1985.