John 12
12
De hagasulu o Iesu i de lolo i Bethany
(Mat 26.6-13; Mark 14.3-9)
1Gai ga ono huu laangi i mua Taonga Hagasili, gai Iesu ga hano gi Bethany, de aduhale o Lazarus, taane a Iesu ne hagamouli age laa i de magau. 2Gai gilaadeu ne hai ange dahi daonga gi Iesu i kilaa. Martha e duha denga gai, gai Lazarus e hakaogao i teebele madali ia. 3Gai Mary ga gaamai dahi pauni vai hagamanongi hagao ngadaa mmao e hai i nard ga hagasulu ai luu vae o Iesu, ma de ssolo luoono vae i ono ngaangaaulu. Gai lo te hale laa alodahi gu manongi i de vai laa.#Luke 7.37-38
4Gai Judas Iscariot, dahi dangada agoago a Iesu, gai go taane ne gaavange laa ia, ga ssili ange, 5“Gu aha tee kave ai laa de vai naa e hagao, gi maua mai ai e dolulau denarius e gaavange gi de gau hagaau aloha?” 6Ia tee tala muna laa i hiidinga ia e aloha i de gau hagaau aloha, gai go hiidinga ia se dangada gaiaa, go ia e doange de beagi sseene. Gai e dee modu donu dana gaiaa denga sseene i lo te beagi laa.
7Deelaa ai, Iesu ne hai ange, “Aude hakoso ina ia, ia e hai de hegau nei i mua de laangi oogu e danu ai. 8De gau hagaau aloha e nnoho i oodou daha i masavaa alodahi, aagai au e dee noho i oodou daha i masavaa alodahi.” #Deut 15.11
Hagasaele ange de hai e daa ai Lazarus gi magau
9Gai ga iloo huu e de gau Ssuu soa bolo Iesu gu dae mai gi kilaa, gai gilaadeu ga loomai i hiidinga o Iesu aama de tilo ai hogi Lazarus, taane a Iesu ne hagamouli age mai i de magau. 10Gai de gau haimeedabu maolunga gu nnoho hogi e sala delaadeu hai e daa ai Lazarus gi magau, 11i hiidinga gu soa de gau Ssuu ne hulo ma gu dau ange gi Iesu ma de hagadonusia ia.
De ulu o Iesu i Jerusalem
(Mat 21.1-11; Mark 11.1-11; Luke 19.28-40)
12De laangi i ono dua, gai dangada soa ne loomai laa gi taonga, ne langona bolo Iesu e humai naa gi Jerusalem. 13Deelaa ai, gilaadeu ne duuduu iho denga lau palm ga hulo ai e hedae ange gi de ia, ga hagataba,
“Hosanna!
E manuuia tangada e humai i de ingoo o Tagi Maolunga,
de Hodooligi o Israel!” #Psa 118.25-26
14Gai Iesu ne gidee e ia dahi donkey gauligi, gai ia ga gage ange ga noho i ono elunga; bei de hai gu sisi ai laa,
15“Tamaa hine o Zion, aude madagu;
tilo, doo hodooligi e humai naa,
gai ia e gage i honga tama a dahi donkey!” #Zec 9.9
16Gai ana dangada agoago tee tonu ange gi de mee nei i taamada. Gai dua huu de hagamahamaha o Iesu, gai gilaadeu gu manadua bolo mee nei gu lava donu i de sisi ma e tala ai ono dagodo, gai mee nei gu hai ange donu gi de ia.
17Gai dangada soa nogo nnoho laa madali ia i de masavaa aana ne hagahi ai Lazarus gi sao mai i lo te daanunga, ga hagamouli age ia, ne hulo ga hagadele mee ne hai laa. 18Gai dangada soa ne hulo e hedae ange gi de ia, go hiidinga gilaadeu gu langona dana hai de hagailonga laa. 19Gai denga Pharisee ne hagataba i olaadeu magavaa, “Kalo ange diiloo, gu deai donu adaadeu mee e mau i de hai. Tilo, henua i lalo alodahi gu daudali ange i de ia.”
De ssala a hanu daane Greek Iesu
20Gai e hanu hogi daane Greek ne loomai e daumaha i masavaa o Taonga. 21Gai gilaadeu ne loomai gi daho Philip, taane Bethsaida i Galilee, ga hai ange, “Tangada aamua, gimaadeu e llodo e hedae ange gi Iesu.” 22Gai a Philip ga hano ga tala ange gi Andrew, gai gilaau ga hulo ga tala ange gi Iesu.
23Gai Iesu ga hai ange gi gilaau, “Gu dae mai de masavaa e hagamahamaha ai Tama a tangada. 24Ni muna abodonu, ni muna abodonu aagu e hai adu nei gi goodou, noo de hua grain e dee doo gi lo te gelegele ga bobo ai, gai e dahi donu huu hua laa, aagai noo e doo iho ga bobo, gai e somo age naa ga lagolago ono hua. 25Be goai e hagamogomogo ina dono mouli aama e tili donu, gai be goai e kino i dono mouli i henua i lalo nei, gai ia e doange dono mouli gi de mouli e dee ngado mai.#Mat 10.39; 16.25; Mark 8.35; Luke 9.24; 17.33 26Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.
De tala a Iesu dono magau
27“Ogu lodo gu daemaha mmao iainei. Gai aahee naa agu muna e tala ange? ‘Tamana, hagaola ina mai au i de aoaa nei’? E deai, gai aanei donu ogu hiidinga ne duu ange ai nei gi de aoaa nei. 28Tamana, hagamahamaha ina doo ingoo.”
De masavaa laa donu huu gai gu langona de leo mai i de langi, e hagadaba, “Gu lava donu i dagu hagamahamaha dogu ingoo, gai au e ahe ange naa hogi ga hagamahamaha.” 29Gai dangada soa e tuu laa i kilaa ma de langona de leo laa ne maanadu bolo se hatuli, gai hanu ne hagataba, “Dahi dangada de langi gu basa ange gi de ia.”
30Iesu ne hai ange, “De leo nei tee humai i ogu hiidinga, aagai ne humai i oodou hiidinga. 31Iainei go de masavaa e hagamodu ai muna o henua i lalo nei; gai tagi o henua i lalo nei e tili naa gi tua. 32Aagai aanei ogu dagodo, de masavaa naa huu oogu e hagaduu age ai i henua i lalo, gai au ga hai gi loomai dangada alodahi gi de au.” 33Gai ia ne tala muna nei e hagaago ange ai dono hai e magau ai.
34Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?” #Psa 110.4; Isa 9.7; Ezk 37.25; Dan 7.14
35Iesu ne hai ange gi gilaadeu, “De maalama e dagodo i oodou daha i dahi damaa masavaa. Goodou seesee i de masavaa e dahi ai maalama kana daea mai e de gohu goodou. Tangada e seesee i de gohu e dee gidee e ia dono mommee e seesee ai. 36Goodou hagadonusia de maalama, i de masavaa o de maalama i oodou daha ai, gi ni dama ai goodou nii de maalama.”
Teai se hagadonu i daho dangada
Gai ga lava huu i de tala a Iesu muna nei, gai ia ga hano gee i kilaa ga mmuni i gilaadeu.
37Aagai e dee galemu donu de lagolago hagailonga a Iesu ne hai i madamada o dangada, gai gilaadeu tee hagadonusia donu ia. 38De mee nei ne hai e hagassula ai muna a de pelaabisi go Isaiah:
“Tagi Maolunga, goai ne hagadonusia amaadeu muna,
gai goai a Tagi Maolunga gu hagaago ange aagena dono sauaa?” #Isa 53.1
39Deelaa ai, gilaadeu tee hagadonusia, go hiidinga e bei de hai a Isaiah gu tala,
40“Ia gu hai gi dee kide gilaadeu
ma de hagamakaga olaadeu lodo,
kana gidee naa huu e gilaadeu
ga tonu ange gai gilaadeu ga daahuli olaadeu lodo,
gai au ga hagaieiangi gilaadeu.” #Isa 6.10
41Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.
42Aagai ne soa i magavaa o denga dagi ne hagadonusia Iesu, aagai gilaadeu tee tala i hiidinga o denga Pharisee, kana alualumia gilaadeu gi dee ulu i de synagogue; 43go hiidinga e kii de tuhi mai i daho dangada i delaadeu llodo ai, i de tuhi mai i daho de Maadua.
Go muna a Iesu e hagamodu ai muna o tangada
44Gai Iesu ne oo ga hagadaba, “Tangada e hagadonusia au e hagadonusia donu hogi de ia ne haia ngau gi humai. 45Tangada gu gidee au gu gidee donu hogi de ia ne haia au gi humai. 46Au ne humai e hai ai de maalama o henua i lalo, gai be goai e hagadonusia au gai ia e dee noho donu i lo te gohu.
47Gai noo tangada e langona agu muna aagai e dee daudali ai, gai au e dee hagamodu ono muna, go hiidinga au tee humai e hagamodu muna o henua i lalo, gai au se humai e hagaola henua i lalo. 48Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi. 49Gai au tee basa i dogu sauaa donu huu, gai go Tamana donu ne haia nei au gi humai ne daalaa mai agu muna e tala ma dagu hai e tala ai. 50Gai au e iloo bolo ana muna e tala go de mouli e dee ngado mai donu. Deelaa ai, agu muna e tala nei e tala donu bei de hai a Tamana gu tala mai ai gi de au.”
Currently Selected:
John 12: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
John 12
12
De hagasulu o Iesu i de lolo i Bethany
(Mat 26.6-13; Mark 14.3-9)
1Gai ga ono huu laangi i mua Taonga Hagasili, gai Iesu ga hano gi Bethany, de aduhale o Lazarus, taane a Iesu ne hagamouli age laa i de magau. 2Gai gilaadeu ne hai ange dahi daonga gi Iesu i kilaa. Martha e duha denga gai, gai Lazarus e hakaogao i teebele madali ia. 3Gai Mary ga gaamai dahi pauni vai hagamanongi hagao ngadaa mmao e hai i nard ga hagasulu ai luu vae o Iesu, ma de ssolo luoono vae i ono ngaangaaulu. Gai lo te hale laa alodahi gu manongi i de vai laa.#Luke 7.37-38
4Gai Judas Iscariot, dahi dangada agoago a Iesu, gai go taane ne gaavange laa ia, ga ssili ange, 5“Gu aha tee kave ai laa de vai naa e hagao, gi maua mai ai e dolulau denarius e gaavange gi de gau hagaau aloha?” 6Ia tee tala muna laa i hiidinga ia e aloha i de gau hagaau aloha, gai go hiidinga ia se dangada gaiaa, go ia e doange de beagi sseene. Gai e dee modu donu dana gaiaa denga sseene i lo te beagi laa.
7Deelaa ai, Iesu ne hai ange, “Aude hakoso ina ia, ia e hai de hegau nei i mua de laangi oogu e danu ai. 8De gau hagaau aloha e nnoho i oodou daha i masavaa alodahi, aagai au e dee noho i oodou daha i masavaa alodahi.” #Deut 15.11
Hagasaele ange de hai e daa ai Lazarus gi magau
9Gai ga iloo huu e de gau Ssuu soa bolo Iesu gu dae mai gi kilaa, gai gilaadeu ga loomai i hiidinga o Iesu aama de tilo ai hogi Lazarus, taane a Iesu ne hagamouli age mai i de magau. 10Gai de gau haimeedabu maolunga gu nnoho hogi e sala delaadeu hai e daa ai Lazarus gi magau, 11i hiidinga gu soa de gau Ssuu ne hulo ma gu dau ange gi Iesu ma de hagadonusia ia.
De ulu o Iesu i Jerusalem
(Mat 21.1-11; Mark 11.1-11; Luke 19.28-40)
12De laangi i ono dua, gai dangada soa ne loomai laa gi taonga, ne langona bolo Iesu e humai naa gi Jerusalem. 13Deelaa ai, gilaadeu ne duuduu iho denga lau palm ga hulo ai e hedae ange gi de ia, ga hagataba,
“Hosanna!
E manuuia tangada e humai i de ingoo o Tagi Maolunga,
de Hodooligi o Israel!” #Psa 118.25-26
14Gai Iesu ne gidee e ia dahi donkey gauligi, gai ia ga gage ange ga noho i ono elunga; bei de hai gu sisi ai laa,
15“Tamaa hine o Zion, aude madagu;
tilo, doo hodooligi e humai naa,
gai ia e gage i honga tama a dahi donkey!” #Zec 9.9
16Gai ana dangada agoago tee tonu ange gi de mee nei i taamada. Gai dua huu de hagamahamaha o Iesu, gai gilaadeu gu manadua bolo mee nei gu lava donu i de sisi ma e tala ai ono dagodo, gai mee nei gu hai ange donu gi de ia.
17Gai dangada soa nogo nnoho laa madali ia i de masavaa aana ne hagahi ai Lazarus gi sao mai i lo te daanunga, ga hagamouli age ia, ne hulo ga hagadele mee ne hai laa. 18Gai dangada soa ne hulo e hedae ange gi de ia, go hiidinga gilaadeu gu langona dana hai de hagailonga laa. 19Gai denga Pharisee ne hagataba i olaadeu magavaa, “Kalo ange diiloo, gu deai donu adaadeu mee e mau i de hai. Tilo, henua i lalo alodahi gu daudali ange i de ia.”
De ssala a hanu daane Greek Iesu
20Gai e hanu hogi daane Greek ne loomai e daumaha i masavaa o Taonga. 21Gai gilaadeu ne loomai gi daho Philip, taane Bethsaida i Galilee, ga hai ange, “Tangada aamua, gimaadeu e llodo e hedae ange gi Iesu.” 22Gai a Philip ga hano ga tala ange gi Andrew, gai gilaau ga hulo ga tala ange gi Iesu.
23Gai Iesu ga hai ange gi gilaau, “Gu dae mai de masavaa e hagamahamaha ai Tama a tangada. 24Ni muna abodonu, ni muna abodonu aagu e hai adu nei gi goodou, noo de hua grain e dee doo gi lo te gelegele ga bobo ai, gai e dahi donu huu hua laa, aagai noo e doo iho ga bobo, gai e somo age naa ga lagolago ono hua. 25Be goai e hagamogomogo ina dono mouli aama e tili donu, gai be goai e kino i dono mouli i henua i lalo nei, gai ia e doange dono mouli gi de mouli e dee ngado mai.#Mat 10.39; 16.25; Mark 8.35; Luke 9.24; 17.33 26Be goai e hai hegau mai gi de au, gai ia gi daudali mai i de au. Gai go hee naa huu oogu iai, gai go kilaa hogi o dogu dangada hai hegau iai. Gai dogu Damana e hagadubu tangada e hai hegau mai gi de au.
De tala a Iesu dono magau
27“Ogu lodo gu daemaha mmao iainei. Gai aahee naa agu muna e tala ange? ‘Tamana, hagaola ina mai au i de aoaa nei’? E deai, gai aanei donu ogu hiidinga ne duu ange ai nei gi de aoaa nei. 28Tamana, hagamahamaha ina doo ingoo.”
De masavaa laa donu huu gai gu langona de leo mai i de langi, e hagadaba, “Gu lava donu i dagu hagamahamaha dogu ingoo, gai au e ahe ange naa hogi ga hagamahamaha.” 29Gai dangada soa e tuu laa i kilaa ma de langona de leo laa ne maanadu bolo se hatuli, gai hanu ne hagataba, “Dahi dangada de langi gu basa ange gi de ia.”
30Iesu ne hai ange, “De leo nei tee humai i ogu hiidinga, aagai ne humai i oodou hiidinga. 31Iainei go de masavaa e hagamodu ai muna o henua i lalo nei; gai tagi o henua i lalo nei e tili naa gi tua. 32Aagai aanei ogu dagodo, de masavaa naa huu oogu e hagaduu age ai i henua i lalo, gai au ga hai gi loomai dangada alodahi gi de au.” 33Gai ia ne tala muna nei e hagaago ange ai dono hai e magau ai.
34Dangada ne hai ange gi de ia, “Gimaadeu gu langona mai i de hainga bolo de Klisdo e mouli naa donu huu ga hano ai. Gai dee hee dau hai e tala mai ai naa bolo Tama a Tangada e hagaduu age? Goai Tama a tangada oou e basa ai naa?” #Psa 110.4; Isa 9.7; Ezk 37.25; Dan 7.14
35Iesu ne hai ange gi gilaadeu, “De maalama e dagodo i oodou daha i dahi damaa masavaa. Goodou seesee i de masavaa e dahi ai maalama kana daea mai e de gohu goodou. Tangada e seesee i de gohu e dee gidee e ia dono mommee e seesee ai. 36Goodou hagadonusia de maalama, i de masavaa o de maalama i oodou daha ai, gi ni dama ai goodou nii de maalama.”
Teai se hagadonu i daho dangada
Gai ga lava huu i de tala a Iesu muna nei, gai ia ga hano gee i kilaa ga mmuni i gilaadeu.
37Aagai e dee galemu donu de lagolago hagailonga a Iesu ne hai i madamada o dangada, gai gilaadeu tee hagadonusia donu ia. 38De mee nei ne hai e hagassula ai muna a de pelaabisi go Isaiah:
“Tagi Maolunga, goai ne hagadonusia amaadeu muna,
gai goai a Tagi Maolunga gu hagaago ange aagena dono sauaa?” #Isa 53.1
39Deelaa ai, gilaadeu tee hagadonusia, go hiidinga e bei de hai a Isaiah gu tala,
40“Ia gu hai gi dee kide gilaadeu
ma de hagamakaga olaadeu lodo,
kana gidee naa huu e gilaadeu
ga tonu ange gai gilaadeu ga daahuli olaadeu lodo,
gai au ga hagaieiangi gilaadeu.” #Isa 6.10
41Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.
42Aagai ne soa i magavaa o denga dagi ne hagadonusia Iesu, aagai gilaadeu tee tala i hiidinga o denga Pharisee, kana alualumia gilaadeu gi dee ulu i de synagogue; 43go hiidinga e kii de tuhi mai i daho dangada i delaadeu llodo ai, i de tuhi mai i daho de Maadua.
Go muna a Iesu e hagamodu ai muna o tangada
44Gai Iesu ne oo ga hagadaba, “Tangada e hagadonusia au e hagadonusia donu hogi de ia ne haia ngau gi humai. 45Tangada gu gidee au gu gidee donu hogi de ia ne haia au gi humai. 46Au ne humai e hai ai de maalama o henua i lalo, gai be goai e hagadonusia au gai ia e dee noho donu i lo te gohu.
47Gai noo tangada e langona agu muna aagai e dee daudali ai, gai au e dee hagamodu ono muna, go hiidinga au tee humai e hagamodu muna o henua i lalo, gai au se humai e hagaola henua i lalo. 48Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi. 49Gai au tee basa i dogu sauaa donu huu, gai go Tamana donu ne haia nei au gi humai ne daalaa mai agu muna e tala ma dagu hai e tala ai. 50Gai au e iloo bolo ana muna e tala go de mouli e dee ngado mai donu. Deelaa ai, agu muna e tala nei e tala donu bei de hai a Tamana gu tala mai ai gi de au.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.