Luke 19
19
Iesu ma Zacchaeus
1Iesu ne ulu i Jericho ga hano laa lo te aduhale laa. 2Gai e dahi daane dono ingoo go Zacchaeus; ia go tagi o de gau e hagabudulia taagisese i kilaa, gai se daane lava. 3Ia ne lodo gi gidee e ia Iesu, aagai tee maua i hiidinga de soa dangada, gai ia e bodobodo. 4Gai ia ne savini ga hano i mua ga gage i dahi sycamore e tilo ai Iesu, i hiidinga ia e humai laa kilaa.
5Gai de masavaa huu o Iesu ne dae adu ai gi de mommee laa, gai ia ga galo age ga hai ange gi de ia, “Zacchaeus, hagamoolau ma gi iho, ailaa nei gai au e hano gi doo hale.” 6Gai Zacchaeus ga hagamoolau ga iho ga kave Iesu gi dono hale gu malangilangi mmao.
7Gai de masavaa huu a dangada ne gidee ai mee laa, gai gilaadeu alodahi ga nnanu, ga hagataba, “Ia gu hano gi de hale o dahi daane haisala.”
8Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”
9Iesu ne hai ange gi de ia, “De hagamouli gu dae mai gi de hale nei anailaa nei, go hiidinga taane nei se mogobuna donu hogi niio Abraham. 10Go hiidinga Tama a Tangada ne humai e ssala ma de hagaola gilaadeu gu dee maaleva laa.” #Mat 18.11
De mee hagasengasenga o denga dibaa goolo
(Mat 25.14-30)
11De masavaa o dangada e nnoho ai ma e hagallongo ana muna, gai ia ne tala ange gi gilaadeu dahi mee hagasengasenga, go hiidinga ia gu baa ange gi Jerusalem, gai dangada e hagataba bolo gu baa mai de nohoanga hodooligi o de Maadua. 12Gai ia ga hai ange gi gilaadeu, “E dahi daane aamua ne baba ange e hano gi dahi henua mmao e kave ai dono nohoanga hodooligi ga ahe mai ai. 13Gai ia ga hagahi e dinoangahulu ono dangada hai hegau, ga gaavange gi gilaadeu e dagidahi mina,#19.13 dahi mina e bei se 1¼ pauni selevaa, aabe go de hagaoanga o tangada i e 100 laangi. ma de hai ange gi gilaadeu, ‘Goodou hagahai hegau ina mee naa ga dae ai gi dogu ahe mai.’
14Aagai dangada o dono henua e kino i de ia, gai gilaadeu ga hai gi hano dahi dangada sui gi hai ange, ‘Gimaadeu e dee llodo tangada naa gi hodooligi i omaadeu elunga.’
15Gai taane aamua laa gu sula ga se hodooligi; gai ga aahe mai huu ia, gai ia ga aalu gi loomai de gau hai hegau aana ne gaavange laa aagena sseene, e tilo ai be ni aha ne maua i delaadeu hagahai hegau de sseene laa.
16Tangada i mua ne humai, ga hai ange, ‘Tangada aamua, dau mina gu maua ange e madaangahulu mina.’
17Ia ne hai ange gi de ia, ‘E danuaa, koe se dangada hai hegau danuaa. Go hiidinga koe e kana ange gi de mee damaa mee, au e hai goe gi dagina e madaangahulu aduhale.’
18Togolua ne humai hogi, ga hai ange, ‘Tangada aamua, dau mina gu maua ange e lima mina.’
19Tangada aamua ne hai ange hogi gi de ia, ‘Au e hai goe gi dagina e lima aduhale.’
20Gai tangada ange laa ne humai, ga hai ange, ‘Tangada aamua, deenei dau mina, au ne saabini i de hangiseebe ga doange ai. 21Au ne madagu i de goe, go hiidinga koe se dangada vaivai dagodo; koe e kave mee e dee niiau, gai e hagihagi mee e dee go koe ne dooa.’
22Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo? 23Gu aha tee kave ai laa goe dagu sseene e hhao gi lo te banga, gai au ga kave ai dagu sseene ma tama ne maua ai?’
24Gai ia ga hai ange gi gilaadeu e tuu i ono gaogao, ‘Gaavee de mina i ono daha naa gaavange gi tangada e madaangahulu laa ana mina.’
25Gai gilaadeu ga hai ange gi de ia, ‘Tangada aamua, taane laa gu madaangahulu donu ana mina!’
26‘Au e hai adu gi goodou, tangada e hanu ana mee, e gaavange naa donu gi de ia, aagai tangada e deai ana mee e kave gee naa donu hogi mee e hanu i ono daha.#Mat 13.12; Mark 4.25; Luke 8.18 27Aagai goodou gaamai gilaadeu e dee llodo laa au gi hodooligi i gilaadeu, gai daia gi maakau i ogu mada i mua.’ ”
De ulu o Iesu i Jerusalem
(Mat 21.1-11; Mark 11.1-11; John 12.12-19)
28Gai ga lava huu i dana tala muna laa, gai ia ga dagi gilaadeu ga hulo ai gi Jerusalem. 29Gai de masavaa huu oona ne dai dae ai gi Bethphage ma Bethany, i de mounga e hagaingoo ange laa go de Mounga o denga Olive, gai ia ga hai gi hulo e dogolua ana dangada agoago, 30ga hai ange gi gilaau, “Gooluu hulo gi de aduhale i ooluu mada i mua naa; gai ga ulu naa huu gooluu i de aduhale, gai gooluu e gidee naa dahi donkey gauligi e nnoa i kilaa, tigi ai se dangada ne gage ai. Gai gooluu ga tala ga dagi mai gi kinei. 31Gai noo gu siilia adu e dahi dangada be gu aha gooluu gu tala ai de manu laa, gai gooluu hai ange, ‘Tangada Aamua e lodo e hai hegau ai.’ ”
32Gai luu agoago laa ne hulo ga gidee bolo mee alodahi ne bei donu dagodo muna aana gu tala ange laa gi gilaau. 33Gai de masavaa huu alaau ne tala ai de manu laa, aagai tangada niiana ga ssili ange, “Gu aha gu tala ai naa gooluu de manu naa?”
34Gilaau ne hai ange, “Tangada Aamua e lodo e hai hegau ai.”
35Gai gilaau ga dagi de manu laa ga kave gi daho Iesu. Gai gilaadeu ga hhola ange olaadeu malo gi honga de manu gauligi laa ga hai Iesu gi gage ange gi ono elunga. 36Gai de masavaa o Iesu e hano ai i honga de haiava, gai dangada ga hhola ange olaadeu malo gi honga de haiava.
37Gai ga dai baa ange huu ia gi de aduhale, i de mommee e hano iho ai laa i de hadi aho o de Mounga o denga Olive, gai ana dangada agoago soa e daudali ange laa i de ia ga daamada de hevaalogi i de malangilangi ga tuhi de Maadua, i hiidinga denga mee hagalele mouli alodahi alaadeu gu gidee, 38ga hagataba,
“E manuuia de hodooligi e humai i de ingoo o Tagi Maolunga!
Gi dagodo de baba i de langi ma de mahamaha i de mommee maolunga mmao!” #Psa 118.26
39Gai hanu Pharisee i magavaa o dangada soa laa ne hai ange gi de ia, “Tangada Agoago, hagaseegina au dangada agoago gilaadeu gi dee hagalongaa!”
40Iesu ne hai ange gi gilaadeu, “Au e hai adu gi goodou, noo gu hagapuni ngudu o de gau nei, aagai denga hadu ga hevaalogi.”
De dangi o Iesu i hiidinga o Jerusalem
41De masavaa o Iesu ne baa ange ai ga gidee de aduhale, gai ia gu dangi, 42ga hagadaba, “Noo anailaa nei koe ne iloo mee e haia ga noho baba goe — aagai iainei mee nei gu hagammuni i de goe. 43E tae mai naa laangi a oo hagadaumee e hagatuu age ai denga mee e duuli ai luoo baasi alodahi, 44ma de oha de aduhale ga daa gu maakau dangada iai. Gilaadeu e dee dugu naa donu dahi hadu gi dagodo i honga dahi hadu, go hiidinga koe tee iloo de masavaa a de Maadua ne humai ai e bale adu goe.”
De hagagilimalali o de temple
(Mat 21.12-17; Mark 11.15-19; John 2.13-22)
45Iesu ne ulu hogi i lo te buibui o de temple ga alualu gilaadeu e hagao mee i kilaa, 46ga hai ange gi gilaadeu, “Gu sisi e hai ange, ‘Dogu hale e hagabinga bolo se hale dalodalo,’ gai goodou gu hai gi se mommee niio de gau gaiaa.” #Isa 56.7; Jer 7.11
47Laangi alodahi gai Iesu ne agoago i de temple. Gai de gau haimeedabu maolunga, ma de gau sisi, aama dagi o dangada ne ssala delaadeu hai e daa ai ia gi magau.#Luke 21.37 48Gai tee maua, go hiidinga dangada alodahi ne llodo mmao e hagallongo ana agoago.
Currently Selected:
Luke 19: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Luke 19
19
Iesu ma Zacchaeus
1Iesu ne ulu i Jericho ga hano laa lo te aduhale laa. 2Gai e dahi daane dono ingoo go Zacchaeus; ia go tagi o de gau e hagabudulia taagisese i kilaa, gai se daane lava. 3Ia ne lodo gi gidee e ia Iesu, aagai tee maua i hiidinga de soa dangada, gai ia e bodobodo. 4Gai ia ne savini ga hano i mua ga gage i dahi sycamore e tilo ai Iesu, i hiidinga ia e humai laa kilaa.
5Gai de masavaa huu o Iesu ne dae adu ai gi de mommee laa, gai ia ga galo age ga hai ange gi de ia, “Zacchaeus, hagamoolau ma gi iho, ailaa nei gai au e hano gi doo hale.” 6Gai Zacchaeus ga hagamoolau ga iho ga kave Iesu gi dono hale gu malangilangi mmao.
7Gai de masavaa huu a dangada ne gidee ai mee laa, gai gilaadeu alodahi ga nnanu, ga hagataba, “Ia gu hano gi de hale o dahi daane haisala.”
8Aagai Zacchaeus ne duu age ga hai ange gi Tagi Maolunga, “Tilo, Tagi Maolunga, au e gaavange naa dahi luu baasi o agu mee gi de gau hagaau aloha. Gai noo au gu gaiaa mee a dahi dangada, gai au e hagaahe ange naa agu mee ne kave gi haa hanonga e kii ange ai.”
9Iesu ne hai ange gi de ia, “De hagamouli gu dae mai gi de hale nei anailaa nei, go hiidinga taane nei se mogobuna donu hogi niio Abraham. 10Go hiidinga Tama a Tangada ne humai e ssala ma de hagaola gilaadeu gu dee maaleva laa.” #Mat 18.11
De mee hagasengasenga o denga dibaa goolo
(Mat 25.14-30)
11De masavaa o dangada e nnoho ai ma e hagallongo ana muna, gai ia ne tala ange gi gilaadeu dahi mee hagasengasenga, go hiidinga ia gu baa ange gi Jerusalem, gai dangada e hagataba bolo gu baa mai de nohoanga hodooligi o de Maadua. 12Gai ia ga hai ange gi gilaadeu, “E dahi daane aamua ne baba ange e hano gi dahi henua mmao e kave ai dono nohoanga hodooligi ga ahe mai ai. 13Gai ia ga hagahi e dinoangahulu ono dangada hai hegau, ga gaavange gi gilaadeu e dagidahi mina,#19.13 dahi mina e bei se 1¼ pauni selevaa, aabe go de hagaoanga o tangada i e 100 laangi. ma de hai ange gi gilaadeu, ‘Goodou hagahai hegau ina mee naa ga dae ai gi dogu ahe mai.’
14Aagai dangada o dono henua e kino i de ia, gai gilaadeu ga hai gi hano dahi dangada sui gi hai ange, ‘Gimaadeu e dee llodo tangada naa gi hodooligi i omaadeu elunga.’
15Gai taane aamua laa gu sula ga se hodooligi; gai ga aahe mai huu ia, gai ia ga aalu gi loomai de gau hai hegau aana ne gaavange laa aagena sseene, e tilo ai be ni aha ne maua i delaadeu hagahai hegau de sseene laa.
16Tangada i mua ne humai, ga hai ange, ‘Tangada aamua, dau mina gu maua ange e madaangahulu mina.’
17Ia ne hai ange gi de ia, ‘E danuaa, koe se dangada hai hegau danuaa. Go hiidinga koe e kana ange gi de mee damaa mee, au e hai goe gi dagina e madaangahulu aduhale.’
18Togolua ne humai hogi, ga hai ange, ‘Tangada aamua, dau mina gu maua ange e lima mina.’
19Tangada aamua ne hai ange hogi gi de ia, ‘Au e hai goe gi dagina e lima aduhale.’
20Gai tangada ange laa ne humai, ga hai ange, ‘Tangada aamua, deenei dau mina, au ne saabini i de hangiseebe ga doange ai. 21Au ne madagu i de goe, go hiidinga koe se dangada vaivai dagodo; koe e kave mee e dee niiau, gai e hagihagi mee e dee go koe ne dooa.’
22Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo? 23Gu aha tee kave ai laa goe dagu sseene e hhao gi lo te banga, gai au ga kave ai dagu sseene ma tama ne maua ai?’
24Gai ia ga hai ange gi gilaadeu e tuu i ono gaogao, ‘Gaavee de mina i ono daha naa gaavange gi tangada e madaangahulu laa ana mina.’
25Gai gilaadeu ga hai ange gi de ia, ‘Tangada aamua, taane laa gu madaangahulu donu ana mina!’
26‘Au e hai adu gi goodou, tangada e hanu ana mee, e gaavange naa donu gi de ia, aagai tangada e deai ana mee e kave gee naa donu hogi mee e hanu i ono daha.#Mat 13.12; Mark 4.25; Luke 8.18 27Aagai goodou gaamai gilaadeu e dee llodo laa au gi hodooligi i gilaadeu, gai daia gi maakau i ogu mada i mua.’ ”
De ulu o Iesu i Jerusalem
(Mat 21.1-11; Mark 11.1-11; John 12.12-19)
28Gai ga lava huu i dana tala muna laa, gai ia ga dagi gilaadeu ga hulo ai gi Jerusalem. 29Gai de masavaa huu oona ne dai dae ai gi Bethphage ma Bethany, i de mounga e hagaingoo ange laa go de Mounga o denga Olive, gai ia ga hai gi hulo e dogolua ana dangada agoago, 30ga hai ange gi gilaau, “Gooluu hulo gi de aduhale i ooluu mada i mua naa; gai ga ulu naa huu gooluu i de aduhale, gai gooluu e gidee naa dahi donkey gauligi e nnoa i kilaa, tigi ai se dangada ne gage ai. Gai gooluu ga tala ga dagi mai gi kinei. 31Gai noo gu siilia adu e dahi dangada be gu aha gooluu gu tala ai de manu laa, gai gooluu hai ange, ‘Tangada Aamua e lodo e hai hegau ai.’ ”
32Gai luu agoago laa ne hulo ga gidee bolo mee alodahi ne bei donu dagodo muna aana gu tala ange laa gi gilaau. 33Gai de masavaa huu alaau ne tala ai de manu laa, aagai tangada niiana ga ssili ange, “Gu aha gu tala ai naa gooluu de manu naa?”
34Gilaau ne hai ange, “Tangada Aamua e lodo e hai hegau ai.”
35Gai gilaau ga dagi de manu laa ga kave gi daho Iesu. Gai gilaadeu ga hhola ange olaadeu malo gi honga de manu gauligi laa ga hai Iesu gi gage ange gi ono elunga. 36Gai de masavaa o Iesu e hano ai i honga de haiava, gai dangada ga hhola ange olaadeu malo gi honga de haiava.
37Gai ga dai baa ange huu ia gi de aduhale, i de mommee e hano iho ai laa i de hadi aho o de Mounga o denga Olive, gai ana dangada agoago soa e daudali ange laa i de ia ga daamada de hevaalogi i de malangilangi ga tuhi de Maadua, i hiidinga denga mee hagalele mouli alodahi alaadeu gu gidee, 38ga hagataba,
“E manuuia de hodooligi e humai i de ingoo o Tagi Maolunga!
Gi dagodo de baba i de langi ma de mahamaha i de mommee maolunga mmao!” #Psa 118.26
39Gai hanu Pharisee i magavaa o dangada soa laa ne hai ange gi de ia, “Tangada Agoago, hagaseegina au dangada agoago gilaadeu gi dee hagalongaa!”
40Iesu ne hai ange gi gilaadeu, “Au e hai adu gi goodou, noo gu hagapuni ngudu o de gau nei, aagai denga hadu ga hevaalogi.”
De dangi o Iesu i hiidinga o Jerusalem
41De masavaa o Iesu ne baa ange ai ga gidee de aduhale, gai ia gu dangi, 42ga hagadaba, “Noo anailaa nei koe ne iloo mee e haia ga noho baba goe — aagai iainei mee nei gu hagammuni i de goe. 43E tae mai naa laangi a oo hagadaumee e hagatuu age ai denga mee e duuli ai luoo baasi alodahi, 44ma de oha de aduhale ga daa gu maakau dangada iai. Gilaadeu e dee dugu naa donu dahi hadu gi dagodo i honga dahi hadu, go hiidinga koe tee iloo de masavaa a de Maadua ne humai ai e bale adu goe.”
De hagagilimalali o de temple
(Mat 21.12-17; Mark 11.15-19; John 2.13-22)
45Iesu ne ulu hogi i lo te buibui o de temple ga alualu gilaadeu e hagao mee i kilaa, 46ga hai ange gi gilaadeu, “Gu sisi e hai ange, ‘Dogu hale e hagabinga bolo se hale dalodalo,’ gai goodou gu hai gi se mommee niio de gau gaiaa.” #Isa 56.7; Jer 7.11
47Laangi alodahi gai Iesu ne agoago i de temple. Gai de gau haimeedabu maolunga, ma de gau sisi, aama dagi o dangada ne ssala delaadeu hai e daa ai ia gi magau.#Luke 21.37 48Gai tee maua, go hiidinga dangada alodahi ne llodo mmao e hagallongo ana agoago.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.