Luke 6
6
Iesu go de Ia Aamua o Sabbath
(Mat 12.1-8; Mark 2.23-28)
1Dahi Sabbath gai Iesu ne seesee i lodo hanu veelengaa grain, gai ana dangada agoago ne daamada de hagihagi denga grain ga milimili i lodo olaadeu lima ga gai.#Deut 23.25 2Aagai hanu Pharisee ne ssili ange gi gilaadeu, “Gu aha goodou gu hai ai naa mee e dee alaange i de hai i de laangi o Sabbath?”
3Iesu ne ssili ange gi gilaadeu, “Goodou tigi daulia ange naa donu mee a David ne hai i de masavaa olaadeu ma denga daane madali ia ne saalohia ai?#1 Sa 21.1-6 4Ia ne ulu i de hale o de Maadua ga gai pelaoaa dabu, gai ia ne gaavange hogi hanu gi gilaadeu madali ia. Gai pelaoaa laa e dee alaange donu dana gai, go de gau haimeedabu donu huu.” #Lev 24.9 5Gai Iesu ga hai ange gi gilaadeu, “Tama a Tangada go de Ia Aamua o Sabbath.”
De hagaieiangi a Iesu taane magau de lima
(Mat 12.9-14; Mark 3.1-6)
6Dahi Sabbath i muli mai gai Iesu ne ulu i dahi synagogue ga agoago ai. Gai dahi daane i kilaa gu magau dono lima madau. 7Gai de gau sisi ma denga Pharisee ne dagitilo be ia e hagaieiangi taane laa i de laangi o Sabbath, gai gilaadeu ga hagabaubau ai ia. 8Aagai Iesu gu iloo e ia alaadeu maanadu, gai ia ga hai ange gi taane magau de lima, “Hidi age duu i magavaa o dangada.” Gai taane laa ga hidi age ga duu gi lunga i kilaa.
9Gai Iesu ga hai ange gi gilaadeu, “Au e ssili adu gi goodou, dee hee de mee alaange i de hai i de laangi o Sabbath, go de hai tanuaa aabe go de hai de baubau, go de hagamouli aabe go de daa gi magau?”
10Gai Iesu ga galogalo saele ga haaina gilaadeu alodahi, gai ia ga hai ange gi taane laa, “Haalo ina doo lima.” Gai taane laa ga haalo dono lima, aagai gu ieiangi dono lima. 11Aagai de gau sisi ma denga Pharisee gu llili mmao, gai gilaadeu ga daamada de hagasaele delaadeu hai e hai ai Iesu.
De hili o de gau tala
(Mat 10.1-4; Mark 3.13-19)
12Dahi laangi ange gai Iesu ne hano gi de mounga e dalodalo ai, gai ia ne dalodalo ange gi de Maadua i de boo laa alodahi. 13Gai de masavaa huu ne ao ai de mee, gai Iesu ga hagahi ana dangada agoago ga hili e dinoangahulu ma dogolua i olaadeu magavaa, ga hagaingoo ange go de gau tala: 14go Simon, taane aana ne hagaingoo ange laa go Peter, ma dono daina go Andrew, ma James ma John, ma Philip, ma Bartholomew, 15ma Matthew, ma Thomas, ma James tama daane a Alphaeus, ma Simon e hagaingoo ange laa hogi go Zealot, 16ma Judas tama daane a James, aama Judas Iscariot, taane ne gaavange laa Iesu.
De agoago ma de hagaieiangi a Iesu dangada
(Mat 4.23-25)
17Gai Iesu ne hano iho madali gilaadeu ga duu i dahi mommee soe. Gai ana dangada agoago soa gu i kilaa aama de hagabuulingaa dangada soa mai i Judea, ma Jerusalem, aama mai i denga mommee i tagudai o Tyre ma Sidon; 18gilaadeu ne loomai e hagallongo ana agoago ma de hagaieiangi olaadeu magi. Gilaadeu iai denga hagasaalunga baubau gu ieiangi hogi. 19Gai dangada alodahi ne hagatale de poo ange gi de ia, go hiidinga ssauaa gu sao mai i ono daha ma gu hagaieiangi dangada alodahi.
Denga manuuia ma hagaduasala
(Mat 5.1-12)
20Gai Iesu ne galo ange ga tilo ana dangada agoago, ga hai ange,
“E manuuia goodou e hagaau aloha;
niiodou de nohoanga hodooligi o de Maadua!
21E manuuia goodou e hiikai iainei;
goodou e hai naa ga boobosu!
E manuuia goodou e tangi iainei;
goodou e kada naa!
22E manuuia goodou noo dangada e kino i goodou,
ma de vvae gee goodou ma de pasa baubau i goodou,
ma de hagangadi mee goodou ma de hagamalaia goodou i hiidinga o Tama a Tangada!#1 Pe 4.14
23Goodou malangilangi ma de llodo danuaa i de laangi laa,
go hiidinga e laumalie mmao doodou hagaoanga i de langi.
Olaadeu dubuna madagidagi ne hai ange hogi mee nei gi denga pelaabisi.#2 Ch 36.16; Acts 7.52
24Aagai e vakaa naa goodou e lava;
goodou gu lava i de kave doodou hagaaneane!
25E vakaa naa goodou e boobosu iainei;
goodou e hiikai naa!
E vakaa naa goodou e kada iainei;
goodou e hinangalosaa naa ma de tangi!
26E vakaa naa goodou noo dangada alodahi e tuhi goodou;
olaadeu dubuna madagidagi ne tuhi hogi denga pelaabisi hadu muna.
Aloha ange gi oo hagadaumee
(Mat 5.38-48; 7.12)
27“Aagai au e hai adu gi goodou e langona agu muna: goodou aaloha i oodou hagadaumee, gai haia ange tanuaa gi gilaadeu e kino i goodou; 28goodou hagamanuuia ina gilaadeu e pasa hagamalaia i goodou, gai dalodalo i gilaadeu e vaivai haia goodou. 29Be goai e hagailihia dahi luoo galaahuu, gai koe huli ange doo galaahuu ange laa gi de ia; gai be goai e lodo e kave doo malo laa daha, gai koe gaavange hogi gi de ia doo malo gahu. 30Gaavange gi dangada alodahi e dangidangi adu i dahi mee, gai noo dahi gu kave gee au mee, aagai koe aude haia gi de mahi ia gi hagaahea adu ai e ia au mee. 31Goodou haia ange hogi gi dangada mee oodou e llodo gilaadeu gi haia adu gi goodou.#Mat 7.12
32Noo goodou e aaloha donu huu i dangada e aaloha i goodou, gai e dahi ai naa manuuia oodou e mau? De gau haisala e aaloha hogi i dangada e aaloha i gilaadeu. 33Gai noo goodou e hai ange donu huu tanuaa gi gilaadeu e haia adu tanuaa gi goodou, gai e dahi ai naa oodou manuuia e mau? De gau baubau e hai hogi mee nei. 34Gai noo goodou e gaavange donu huu oodou sseene gi gilaadeu e suuia adu oodou sseene, gai e dahi ai naa oodou manuuia e mau? De gau baubau e gaavange donu hogi alaadeu mee gi de gau baubau ange laa, gai gilaadeu ga kave ai taelodo alodahi alaadeu ne gaavange laa. 35Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau. 36Goodou llodo aaloha, bei dagodo o doodou Damana, ia e lodo aloha.
Aude hagamodu ina muna o dangada
(Mat 7.1-5)
37“Goodou gi dee hagamodu ina muna o dahi, gi dee hagamodu ina ai oodou muna. Goodou gi dee hagabuu ina ange ssala gi dahi, gi dee hagabuu ina adu ai ssala gi goodou. Goodou degi ange gi dangada, gi degi adu ai de Maadua gi goodou. 38Goodou ngadi gaavange mee, gi ngadi gaavadu ai hogi gi goodou, i de hagabaaunga danuaa, gu luuluu laa ma gu kadi aama de honu malingilingi. Go hiidinga de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.”
39Iesu ne tala ange hogi gi gilaadeu dahi mee hagasengasenga: “E maua e tangada dee gide i de dagi dono soa dee gide? E aha, gilaau ngaadahi e dee too ange gi lo te geelonga?#Mat 15.14 40Tangada e hagaskuulu i daho dahi e dee maolunga ange i dono dangada agoago; aagai tangada gu honu danuaa dono hai ne agoago ai e bei naa dagodo o dono dangada agoago.#Mat 10.24-25; John 13.16; 15.20
41Gai gu aha goe gu galo ange ai e tilo talaa gainga i lo te ganomada o doo daina, gai koe e dee gidee tuudangaa laagau i lo too ganomada donu? 42Gai dee hee dau hai e hai ange ai naa gi doo daina, ‘Dogu daina, humai gai au ga aau mai talaa gainga i lo too ganomada,’ gai koe e dee gidee tuudangaa laagau i lo too ganomada donu? Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.
De manu somo ma ono hua
(Mat 7.16-20; 12.33-35)
43“E deai donu se manu somo danuaa e hhua mai ai hanu hua baubau, gai e deai hogi se manu somo baubau e hhua mai ai hanu hua danuaa. 44Gidaadeu e madea denga manu ssomo hugadoo i olaadeu hua. Denga hua o de fig e dee hagihagi mai i denga manu daladala, gai denga grape e dee hagihagi mai i denga manu duiduia. 45Tangada danuaa e hai tanuaa i hiidinga ono lodo e honu i tanuaa, gai tangada baubau e hai de baubau i hiidinga ono lodo e honu i de baubau. Gai muna a tangada e hagaago mai donu mee i ono lodo.
Luu daane hagatuu hale
(Mat 7.24-27)
46“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou? 47Be goai e humai gi de au ma de hagallongo agu muna ga daudali ai, gai au e hagaago adu ono dagodo: 48ia e bei dagodo o tangada e hagaduu laa dono hale, gai ia ga geli gi maolalo ga hagaduu tagelo o dono hale i honga de baba. Gai de masavaa huu ne hagahonu age ai de vai ga usu de hale laa, gai tee maua gi ngalungalue, go hiidinga gu hagaduu ma gu makaga. 49Gai tangada e langona agu muna gai e dee daudali ai, e bei dagodo o tangada e hagaduu laa dono hale i honga de gelegele, gai e deai sono dagelo makaga. Gai ga hagahonu age huu de vai ga usu de hale laa, gai gu moolau donu de baguu, gai gu maoha donu ga odi.”
Currently Selected:
Luke 6: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Luke 6
6
Iesu go de Ia Aamua o Sabbath
(Mat 12.1-8; Mark 2.23-28)
1Dahi Sabbath gai Iesu ne seesee i lodo hanu veelengaa grain, gai ana dangada agoago ne daamada de hagihagi denga grain ga milimili i lodo olaadeu lima ga gai.#Deut 23.25 2Aagai hanu Pharisee ne ssili ange gi gilaadeu, “Gu aha goodou gu hai ai naa mee e dee alaange i de hai i de laangi o Sabbath?”
3Iesu ne ssili ange gi gilaadeu, “Goodou tigi daulia ange naa donu mee a David ne hai i de masavaa olaadeu ma denga daane madali ia ne saalohia ai?#1 Sa 21.1-6 4Ia ne ulu i de hale o de Maadua ga gai pelaoaa dabu, gai ia ne gaavange hogi hanu gi gilaadeu madali ia. Gai pelaoaa laa e dee alaange donu dana gai, go de gau haimeedabu donu huu.” #Lev 24.9 5Gai Iesu ga hai ange gi gilaadeu, “Tama a Tangada go de Ia Aamua o Sabbath.”
De hagaieiangi a Iesu taane magau de lima
(Mat 12.9-14; Mark 3.1-6)
6Dahi Sabbath i muli mai gai Iesu ne ulu i dahi synagogue ga agoago ai. Gai dahi daane i kilaa gu magau dono lima madau. 7Gai de gau sisi ma denga Pharisee ne dagitilo be ia e hagaieiangi taane laa i de laangi o Sabbath, gai gilaadeu ga hagabaubau ai ia. 8Aagai Iesu gu iloo e ia alaadeu maanadu, gai ia ga hai ange gi taane magau de lima, “Hidi age duu i magavaa o dangada.” Gai taane laa ga hidi age ga duu gi lunga i kilaa.
9Gai Iesu ga hai ange gi gilaadeu, “Au e ssili adu gi goodou, dee hee de mee alaange i de hai i de laangi o Sabbath, go de hai tanuaa aabe go de hai de baubau, go de hagamouli aabe go de daa gi magau?”
10Gai Iesu ga galogalo saele ga haaina gilaadeu alodahi, gai ia ga hai ange gi taane laa, “Haalo ina doo lima.” Gai taane laa ga haalo dono lima, aagai gu ieiangi dono lima. 11Aagai de gau sisi ma denga Pharisee gu llili mmao, gai gilaadeu ga daamada de hagasaele delaadeu hai e hai ai Iesu.
De hili o de gau tala
(Mat 10.1-4; Mark 3.13-19)
12Dahi laangi ange gai Iesu ne hano gi de mounga e dalodalo ai, gai ia ne dalodalo ange gi de Maadua i de boo laa alodahi. 13Gai de masavaa huu ne ao ai de mee, gai Iesu ga hagahi ana dangada agoago ga hili e dinoangahulu ma dogolua i olaadeu magavaa, ga hagaingoo ange go de gau tala: 14go Simon, taane aana ne hagaingoo ange laa go Peter, ma dono daina go Andrew, ma James ma John, ma Philip, ma Bartholomew, 15ma Matthew, ma Thomas, ma James tama daane a Alphaeus, ma Simon e hagaingoo ange laa hogi go Zealot, 16ma Judas tama daane a James, aama Judas Iscariot, taane ne gaavange laa Iesu.
De agoago ma de hagaieiangi a Iesu dangada
(Mat 4.23-25)
17Gai Iesu ne hano iho madali gilaadeu ga duu i dahi mommee soe. Gai ana dangada agoago soa gu i kilaa aama de hagabuulingaa dangada soa mai i Judea, ma Jerusalem, aama mai i denga mommee i tagudai o Tyre ma Sidon; 18gilaadeu ne loomai e hagallongo ana agoago ma de hagaieiangi olaadeu magi. Gilaadeu iai denga hagasaalunga baubau gu ieiangi hogi. 19Gai dangada alodahi ne hagatale de poo ange gi de ia, go hiidinga ssauaa gu sao mai i ono daha ma gu hagaieiangi dangada alodahi.
Denga manuuia ma hagaduasala
(Mat 5.1-12)
20Gai Iesu ne galo ange ga tilo ana dangada agoago, ga hai ange,
“E manuuia goodou e hagaau aloha;
niiodou de nohoanga hodooligi o de Maadua!
21E manuuia goodou e hiikai iainei;
goodou e hai naa ga boobosu!
E manuuia goodou e tangi iainei;
goodou e kada naa!
22E manuuia goodou noo dangada e kino i goodou,
ma de vvae gee goodou ma de pasa baubau i goodou,
ma de hagangadi mee goodou ma de hagamalaia goodou i hiidinga o Tama a Tangada!#1 Pe 4.14
23Goodou malangilangi ma de llodo danuaa i de laangi laa,
go hiidinga e laumalie mmao doodou hagaoanga i de langi.
Olaadeu dubuna madagidagi ne hai ange hogi mee nei gi denga pelaabisi.#2 Ch 36.16; Acts 7.52
24Aagai e vakaa naa goodou e lava;
goodou gu lava i de kave doodou hagaaneane!
25E vakaa naa goodou e boobosu iainei;
goodou e hiikai naa!
E vakaa naa goodou e kada iainei;
goodou e hinangalosaa naa ma de tangi!
26E vakaa naa goodou noo dangada alodahi e tuhi goodou;
olaadeu dubuna madagidagi ne tuhi hogi denga pelaabisi hadu muna.
Aloha ange gi oo hagadaumee
(Mat 5.38-48; 7.12)
27“Aagai au e hai adu gi goodou e langona agu muna: goodou aaloha i oodou hagadaumee, gai haia ange tanuaa gi gilaadeu e kino i goodou; 28goodou hagamanuuia ina gilaadeu e pasa hagamalaia i goodou, gai dalodalo i gilaadeu e vaivai haia goodou. 29Be goai e hagailihia dahi luoo galaahuu, gai koe huli ange doo galaahuu ange laa gi de ia; gai be goai e lodo e kave doo malo laa daha, gai koe gaavange hogi gi de ia doo malo gahu. 30Gaavange gi dangada alodahi e dangidangi adu i dahi mee, gai noo dahi gu kave gee au mee, aagai koe aude haia gi de mahi ia gi hagaahea adu ai e ia au mee. 31Goodou haia ange hogi gi dangada mee oodou e llodo gilaadeu gi haia adu gi goodou.#Mat 7.12
32Noo goodou e aaloha donu huu i dangada e aaloha i goodou, gai e dahi ai naa manuuia oodou e mau? De gau haisala e aaloha hogi i dangada e aaloha i gilaadeu. 33Gai noo goodou e hai ange donu huu tanuaa gi gilaadeu e haia adu tanuaa gi goodou, gai e dahi ai naa oodou manuuia e mau? De gau baubau e hai hogi mee nei. 34Gai noo goodou e gaavange donu huu oodou sseene gi gilaadeu e suuia adu oodou sseene, gai e dahi ai naa oodou manuuia e mau? De gau baubau e gaavange donu hogi alaadeu mee gi de gau baubau ange laa, gai gilaadeu ga kave ai taelodo alodahi alaadeu ne gaavange laa. 35Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau. 36Goodou llodo aaloha, bei dagodo o doodou Damana, ia e lodo aloha.
Aude hagamodu ina muna o dangada
(Mat 7.1-5)
37“Goodou gi dee hagamodu ina muna o dahi, gi dee hagamodu ina ai oodou muna. Goodou gi dee hagabuu ina ange ssala gi dahi, gi dee hagabuu ina adu ai ssala gi goodou. Goodou degi ange gi dangada, gi degi adu ai de Maadua gi goodou. 38Goodou ngadi gaavange mee, gi ngadi gaavadu ai hogi gi goodou, i de hagabaaunga danuaa, gu luuluu laa ma gu kadi aama de honu malingilingi. Go hiidinga de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.”
39Iesu ne tala ange hogi gi gilaadeu dahi mee hagasengasenga: “E maua e tangada dee gide i de dagi dono soa dee gide? E aha, gilaau ngaadahi e dee too ange gi lo te geelonga?#Mat 15.14 40Tangada e hagaskuulu i daho dahi e dee maolunga ange i dono dangada agoago; aagai tangada gu honu danuaa dono hai ne agoago ai e bei naa dagodo o dono dangada agoago.#Mat 10.24-25; John 13.16; 15.20
41Gai gu aha goe gu galo ange ai e tilo talaa gainga i lo te ganomada o doo daina, gai koe e dee gidee tuudangaa laagau i lo too ganomada donu? 42Gai dee hee dau hai e hai ange ai naa gi doo daina, ‘Dogu daina, humai gai au ga aau mai talaa gainga i lo too ganomada,’ gai koe e dee gidee tuudangaa laagau i lo too ganomada donu? Koe se dangada e daahangadia dangada! Aaua mai i mua tuudangaa laagau i lo too ganomada donu, gi gidee danuaa ai e goe i de aau mai talaa gainga i lo te ganomada o doo daina.
De manu somo ma ono hua
(Mat 7.16-20; 12.33-35)
43“E deai donu se manu somo danuaa e hhua mai ai hanu hua baubau, gai e deai hogi se manu somo baubau e hhua mai ai hanu hua danuaa. 44Gidaadeu e madea denga manu ssomo hugadoo i olaadeu hua. Denga hua o de fig e dee hagihagi mai i denga manu daladala, gai denga grape e dee hagihagi mai i denga manu duiduia. 45Tangada danuaa e hai tanuaa i hiidinga ono lodo e honu i tanuaa, gai tangada baubau e hai de baubau i hiidinga ono lodo e honu i de baubau. Gai muna a tangada e hagaago mai donu mee i ono lodo.
Luu daane hagatuu hale
(Mat 7.24-27)
46“Gu aha goodou gu hagahi mai ai naa, ‘Tagi Maolunga, Tagi Maolunga,’ gai goodou e dee daudali i agu muna e tala adu gi goodou? 47Be goai e humai gi de au ma de hagallongo agu muna ga daudali ai, gai au e hagaago adu ono dagodo: 48ia e bei dagodo o tangada e hagaduu laa dono hale, gai ia ga geli gi maolalo ga hagaduu tagelo o dono hale i honga de baba. Gai de masavaa huu ne hagahonu age ai de vai ga usu de hale laa, gai tee maua gi ngalungalue, go hiidinga gu hagaduu ma gu makaga. 49Gai tangada e langona agu muna gai e dee daudali ai, e bei dagodo o tangada e hagaduu laa dono hale i honga de gelegele, gai e deai sono dagelo makaga. Gai ga hagahonu age huu de vai ga usu de hale laa, gai gu moolau donu de baguu, gai gu maoha donu ga odi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.