Luke 9
9
De hai gi hulo o tinoangahulu ma dogolua
(Mat 10.5-15; Mark 6.7-13)
1Iesu ne hagahi ga hagabuni mai ana dangada agoago ga gaavange gi gilaadeu de mmahi ma ssauaa e hai ai gi hulo gee denga hagasaalunga baubau alodahi, ma de hagaieiangi ai denga magi, 2gai ia ne hai gilaadeu gi hulo gi agoago i dagodo o de nohoanga hodooligi o de Maadua aama de hagaieiangi denga magi. 3Ia ne hai ange gi gilaadeu, “Goodou aude gaavee dahi mee daudahi madali goodou: goodou e dee kave oodou dogo, be ni beagi, be ni gai, aabe ni sseene, goodou e dee kave hogi e dagilua malo gahugahu.#Luke 10.4-11; Acts 13.51 4Gai dee hee naa huu doodou hale e hulo ga nnoho ai, gai goodou nnoho donu huu i kilaa ga dae ai gi doodou hulo gee mai i de aduhale laa. 5Gai be goai naa huu e dee abodonu adu gi goodou, gai de masavaa naa huu oodou e hulo gee ai i de aduhale laa, gai goodou ga luuluu gelegele i oodou vae e hagakana ange ai gilaadeu.” #Acts 13.51 6Gai gilaadeu ne hulo ga hagadaga i denga aduhale ga agoago i de longo danuaa, aama de hagaieiangi denga magi i mommee alodahi.
Herod gu senga ange
(Mat 14.1-12; Mark 6.14-29)
7Gai ga langona huu e Herod, de tetrarch, dagodo mee aana gu hai, gai ia gu senga ange, go hiidinga hanu e hagataba bolo a John gu mouli age mai i de magau,#Mat 16.14; Mark 8.28; Luke 9.19 8gai hanu ne hagataba bolo Elijah gu hagasula mai, gai hanu bolo dahi pelaabisi madagidagi gu mouli age. 9Aagai Herod ne hagadaba, “John gu lava i dagu tuu de ua; gai goai tangada aagu gu langona nei ono longo?” Gai ia gu lodo mmao e tilo Iesu.
De haangai o de limamano
(Mat 14.13-21; Mark 6.30-44; John 6.1-14)
10De masavaa o de gau tala ne aahe mai ai, gai gilaadeu ga tala ange gi de ia mee alodahi alaadeu ne hai. Aagai Iesu ga kave gilaadeu madali ia ga hulo ai gi de aduhale e hagaingoo ange laa go Bethsaida. 11Aagai ga iloo huu e dangada soa, gai gilaadeu ga daudali ange i de ia. Gai ia ga abodonu ange gi gilaadeu ma de agoago ange gilaadeu i dagodo o de nohoanga hodooligi o de Maadua, ma de hagaieiangi gilaadeu e mmagi.
12Gai ga dai boo huu de mee, gai tinoangahulu ma dogolua ga hai ange gi Iesu, “Haia gi hulo dangada soa nei gi denga aduhale ma mommee nnoho e paa mai nei gi sseni ai, ma de ssala ai alaadeu gai, go hiidinga se lodo henua odaadeu iainei.”
13Aagai ia ga hai ange gi gilaadeu, “Goodou gaavange hanu mee e gai gilaadeu.”
Gilaadeu ne hai ange, “E lima donu huu pelaoaa ma e lua mamu i omaadeu daha; ga hulo gimaadeu e hagao mai hanu gai e haangai ai dangada soa nei?” 14Agu made e limamano daane i kilaa.
Iesu ne hai ange gi ana dangada agoago, “Goodou haia gi nnoho gi lalo dangada i denga hagabuulinga, e dagimadalima dangada i dahi hagabuulinga.” 15Gai ga lava huu i de hai a denga dangada agoago mee laa, 16aagai Iesu ga poo mai denga pelaoaa e lima ma mamu e lua laa, gai ia ga galo age gi de langi, ga dalodalo, ga dohidohi, ga gaavange gi denga dangada agoago gi duuhaa ange gi dangada. 17Gai dangada alodahi ne gaimee ga boobosu. Gai ana dangada agoago ga hagabudu mee ne doe ga hhao ai e madaangahulu ma lua gede.
De tala a Peter bolo Iesu go de Klisdo donu
(Mat 16.13-19; Mark 8.27-29)
18Dahi laangi Iesu e dalodalo i dahi mommee, gai ana dangada agoago e nnoho hogi madali ia, gai Iesu ne ssili ange gi gilaadeu, “E hagataba dangada bolo au goai?”
19Gilaadeu ne hai ange gi de ia, “Hanu bolo koe go John taane Babudaisi, hanu bolo go Elijah, aagai hanu bolo dahi pelaabisi madagidagi gu mouli age.” #Mat 14.1-2; Mark 6.14-15; Luke 9.7-8
20Gai Iesu ga ssili ange hogi gi gilaadeu, “Gai goodou e hagataba bolo au goai?”
Gai Peter ga hai ange, “Go koe donu de Klisdo a de Maadua.” #9.20 de Klisdo a de Maadua, aabe go de de Klisdo ne humai laa i daho de Maadua. #John 6.68-69
De tala a Iesu dono hagaduasala ma dono magau
(Mat 16.20-28; Mark 8.30—9.1)
21Gai Iesu ne tala hagasoe ange gilaadeu gi dee daalaa ange de mee laa gi dahi dangada. 22Gai ia ga hai ange, “Tama a Tangada e hagaduasala naa ma de hagangadi mee ina i daho denga dagi, ma de gau haimeedabu maolunga, aama de gau sisi, ga daa ga magau, gai de hagadolu laangi naa huu gai ia gu mouli age.”
23Gai Iesu ne hai ange gi dangada alodahi, “Noo dahi dangada e lodo e daudali mai i de au, gai ia gi hagangadi mee ina ia, ga saabai dono laagau lui i laangi alodahi ga daudali mai ai i de au.#Mat 10.38; Luke 14.27 24Gai be goai e lodo e hagaola dono mouli gai e tili donu, aagai be goai e tili dono mouli i ogu hiidinga gai e hagaola donu dono mouli.#Mat 10.39; Luke 17.33; John 12.25 25Gai ni haigamaiana aha noo tangada e maua henua i lalo alodahi, gai ia e tili dono mouli? 26Be goai e dogaa i de au ma agu muna, gai Tama a Tangada e dogaa naa hogi i de ia i dono masavaa e ahe mai ai ma dono mahamaha, ma de mahamaha o Tamana, aama de gau de langi dabu. 27Ni muna abodonu aagu e hai adu nei gi goodou, e hanu donu dangada e tuu i kinei e dee maakau, ga dae ai gi de masavaa alaadeu e gide ai de nohoanga hodooligi o de Maadua.”
De hagadagodo gee o Iesu
(Mat 17.1-8; Mark 9.2-8)
28Gai ga valu huu laangi i dua de tala muna nei, gai Iesu ga kave Peter, ma John, aama James ga loage ai gilaadeu gi honga de mounga e dalodalo ai.#2 Pe 1.17-18 29Gai de masavaa oona e dalodalo ai, gai luoono mada gu hagadagodo gee, gai ono malo gu malamalama ma de tea mmao. 30Gai tilo, e dogolua daane, Moses ma Elijah, 31gu hagassula mai i de mahamaha ga pasa ange gi de ia i dagodo o dono hano gee, go de mee gu dai hai laa i Jerusalem. 32Gai Peter ma luoono soa ange laa gu sseni tao. Gai de masavaa huu olaadeu ne alahage ai, gai gilaadeu gu gidee de mahamaha o Iesu aama luu daane e tuu laa madali ia. 33Gai ga hulo gee huu luu daane laa mai i ono daha, gai Peter ga hai ange gi Iesu, “Tangada Aamua, e danuaa taadeu nnoho i kinei! Gidaadeu ga hagatuu e dolu baasi hale — e dahi oou, e dahi o Moses, gai e dahi o Elijah.” (Gai ia tee iloo donu ana muna ne tala laa.)
34Gai de masavaa aana e tala ai muna nei, gai dahi giliiga gu hano iho ga haoli gilaadeu; gai gilaadeu gu maatagu i de masavaa a de giliiga laa ne haoli ai gilaadeu. 35Gai dahi leo mai i lo te giliiga laa ga hagadaba, “Deenei dagu Dama Daane, go de ia aagu gu hili; goodou hagalaangona ana muna!” #Isa 42.1; Mat 3.17; 12.18; Mark 1.11; Luke 3.22 36Gai ga lava huu basa o de leo laa, gai go Iesu donu huu alaadeu e gidee. Gai gilaadeu tee tala ange mee alaadeu ne gidee laa gi dahi dangada i laangi laa.
De hagaieiangi o tama iai de hagasaalunga baubau
(Mat 17.14-18; Mark 9.14-27)
37Taiao age i de masavaa olaadeu ne aahe iho ai i de mounga, gai dangada soa gu loomai e hedae ange gi Iesu. 38Gai tilo, e dahi daane i magavaa o dangada ne oo, ga hai ange, “Tangada Agoago, au e dangidangi adu koe gi galo ange diiloo dagodo o dagu dama daane, i hiidinga go ia donu huu dagu dama. 39Gai tilo, dahi hagasaalunga baubau e hai gi de mahi ia, gai ia ga oo ma de hai ia gi lele age ga hagasali dono saavale, aama de hagammae ia, gai e hai ngadaa donu de hano gee mai i ono daha! 40Gai au ne dangidangi ange gi au dangada agoago gilaadeu gi haia gi hano gee de hagasaalunga baubau laa, gai gilaadeu tee maua.”
41Gai Iesu ne basa ange ga hai ange, “Goodou se atangada e dee hagadonusia ma de baubau! Dee hee maa taulooloa dogu noho madali goodou ma de golomagi ogu lodo i goodou? Gaamai dau dama daane gi kinei.”
42Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana. 43Gai dangada alodahi gu llele mouli i ssauaa mmahi o de Maadua.
De ahe ange a Iesu ga tala dono magau
(Mat 17.22-23; Mark 9.30-32)
De masavaa ne llele ai mouli o dangada i hegau hugadoo a Iesu gu hai laa, gai ia ga hai ange gi ana dangada agoago, 44“Hagalaangona gi tonu ange goodou gi muna nei: Tama a Tangada e dugu ange naa gi ssauaa o dangada.” 45Gai gilaadeu tee tonu ange gi muna laa, go hiidinga mee laa gu hagammuni gi dee tonu ange gilaadeu aagena. Gai gilaadeu ne maatagu i de ssili ange gi de ia de hagadoonunga o muna laa.
Goai e maolunga?
(Mat 18.1-5; Mark 9.33-37)
46Denga dangada agoago ne hagadaumee i olaadeu magavaa, be goai e maolunga.#Luke 22.24 47Aagai Iesu ne iloo e ia alaadeu maanadu, gai ia ga gaamai dahi gauligi ga hagaduu i ono gaogao, 48gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.” #Mat 10.40; Luke 10.16; John 13.20
Tangada e dee hai baasi mai se soa donu niiodaadeu
(Mark 9.38-40)
49John ne hai ange gi Iesu, “Tangada Aamua, gimaadeu ne gidee dahi dangada e hai gi hulo denga hagasaalunga baubau i doo ingoo, gai gimaadeu ga hai ange ia gi dee haia, go hiidinga ia e dee hano saele madali gidaadeu.”
50Iesu ne hai ange gi de ia, “Goodou aude buibuia ia, go hiidinga tangada e dee hai baasi adu gi goodou se soa donu niiodou.”
De gau Samaria tee abodonu ange gi Iesu
51Gai ga paa mai huu laangi o Iesu e gaavage ai gi de langi, gai ia ga hagammahi e hano gi Jerusalem. 52Ia ne hai hogi hanu dangada gi hulo i ono mada i mua, gi dahi aduhale o de gau Samaria gi hagadabena ina ai mee i mua dono dae adu gi kilaa. 53Aagai dangada i kilaa tee abodonu ange gi de ia, go hiidinga ia ne hagasoe e hano gi Jerusalem. 54Gai de masavaa a luu dangada agoago go James ma John ne gidee ai de mee laa, gai gilaau ga ssili ange, “Tagi Maolunga, koe e lodo gimaau gi hagahia iho de ahi mai i de langi, gi daia gilaadeu gi maakau [bei hegau a Elijah ne hai]?” #9.54 bei hegau a Elijah ne hai e dee maaleva i lodo hanu beebaa Greek ange laa. #2 Ki 1.9-16 55Aagai Iesu ga huli dua ga hagasee gilaau.#9.55 Hanu beebaa Greek ange laa e hagapuni ange, gai ia ga hai ange, “Gooluu e dee iloo donu dagodo o de hagasaalunga i ooluu lodo naa; go hiidinga Tama a Tangada tee humai e daa gi maakau dangada, aagai ne humai e hagamouli dangada.” 56Gai gilaadeu ga hulo ai loo gi dahi aduhale gee.
Mee e buibuia dangada gi dee daudali ange i Iesu
(Mat 8.19-22)
57De masavaa olaadeu ne seesee ai e hulo gai dahi daane ne hai ange gi Iesu, “Au e lodo e daudali adu i de goe i mommee alodahi oou e hano aagena.”
58Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”
59Iesu ne hai ange hogi gi dahi, “Daudali mai i de au.”
Gai taane laa ga hai ange gi de ia, “De Ia Aamua, dugua mai au e hano e danu dogu damana i mua.”
60Iesu ne hai ange gi de ia, “Dugua ange denga maakau gi danumia alaadeu maakau, gai koe hannoo agoago ina dagodo o de nohoanga hodooligi o de Maadua.”
61Dahi dangada ne hai ange hogi, “Tangada agoago, au e lodo e daudali adu i de goe, gai au e lodo e hano i mua e hagaboo ange gi dogu huaabodu.” #1 Ki 19.20
62Iesu ne hai ange gi de ia, “Tangada e boogia de mee hagabalabala gai ia ga huli dua e dee heohi ange gi de nohoanga hodooligi o de Maadua.”
Currently Selected:
Luke 9: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Luke 9
9
De hai gi hulo o tinoangahulu ma dogolua
(Mat 10.5-15; Mark 6.7-13)
1Iesu ne hagahi ga hagabuni mai ana dangada agoago ga gaavange gi gilaadeu de mmahi ma ssauaa e hai ai gi hulo gee denga hagasaalunga baubau alodahi, ma de hagaieiangi ai denga magi, 2gai ia ne hai gilaadeu gi hulo gi agoago i dagodo o de nohoanga hodooligi o de Maadua aama de hagaieiangi denga magi. 3Ia ne hai ange gi gilaadeu, “Goodou aude gaavee dahi mee daudahi madali goodou: goodou e dee kave oodou dogo, be ni beagi, be ni gai, aabe ni sseene, goodou e dee kave hogi e dagilua malo gahugahu.#Luke 10.4-11; Acts 13.51 4Gai dee hee naa huu doodou hale e hulo ga nnoho ai, gai goodou nnoho donu huu i kilaa ga dae ai gi doodou hulo gee mai i de aduhale laa. 5Gai be goai naa huu e dee abodonu adu gi goodou, gai de masavaa naa huu oodou e hulo gee ai i de aduhale laa, gai goodou ga luuluu gelegele i oodou vae e hagakana ange ai gilaadeu.” #Acts 13.51 6Gai gilaadeu ne hulo ga hagadaga i denga aduhale ga agoago i de longo danuaa, aama de hagaieiangi denga magi i mommee alodahi.
Herod gu senga ange
(Mat 14.1-12; Mark 6.14-29)
7Gai ga langona huu e Herod, de tetrarch, dagodo mee aana gu hai, gai ia gu senga ange, go hiidinga hanu e hagataba bolo a John gu mouli age mai i de magau,#Mat 16.14; Mark 8.28; Luke 9.19 8gai hanu ne hagataba bolo Elijah gu hagasula mai, gai hanu bolo dahi pelaabisi madagidagi gu mouli age. 9Aagai Herod ne hagadaba, “John gu lava i dagu tuu de ua; gai goai tangada aagu gu langona nei ono longo?” Gai ia gu lodo mmao e tilo Iesu.
De haangai o de limamano
(Mat 14.13-21; Mark 6.30-44; John 6.1-14)
10De masavaa o de gau tala ne aahe mai ai, gai gilaadeu ga tala ange gi de ia mee alodahi alaadeu ne hai. Aagai Iesu ga kave gilaadeu madali ia ga hulo ai gi de aduhale e hagaingoo ange laa go Bethsaida. 11Aagai ga iloo huu e dangada soa, gai gilaadeu ga daudali ange i de ia. Gai ia ga abodonu ange gi gilaadeu ma de agoago ange gilaadeu i dagodo o de nohoanga hodooligi o de Maadua, ma de hagaieiangi gilaadeu e mmagi.
12Gai ga dai boo huu de mee, gai tinoangahulu ma dogolua ga hai ange gi Iesu, “Haia gi hulo dangada soa nei gi denga aduhale ma mommee nnoho e paa mai nei gi sseni ai, ma de ssala ai alaadeu gai, go hiidinga se lodo henua odaadeu iainei.”
13Aagai ia ga hai ange gi gilaadeu, “Goodou gaavange hanu mee e gai gilaadeu.”
Gilaadeu ne hai ange, “E lima donu huu pelaoaa ma e lua mamu i omaadeu daha; ga hulo gimaadeu e hagao mai hanu gai e haangai ai dangada soa nei?” 14Agu made e limamano daane i kilaa.
Iesu ne hai ange gi ana dangada agoago, “Goodou haia gi nnoho gi lalo dangada i denga hagabuulinga, e dagimadalima dangada i dahi hagabuulinga.” 15Gai ga lava huu i de hai a denga dangada agoago mee laa, 16aagai Iesu ga poo mai denga pelaoaa e lima ma mamu e lua laa, gai ia ga galo age gi de langi, ga dalodalo, ga dohidohi, ga gaavange gi denga dangada agoago gi duuhaa ange gi dangada. 17Gai dangada alodahi ne gaimee ga boobosu. Gai ana dangada agoago ga hagabudu mee ne doe ga hhao ai e madaangahulu ma lua gede.
De tala a Peter bolo Iesu go de Klisdo donu
(Mat 16.13-19; Mark 8.27-29)
18Dahi laangi Iesu e dalodalo i dahi mommee, gai ana dangada agoago e nnoho hogi madali ia, gai Iesu ne ssili ange gi gilaadeu, “E hagataba dangada bolo au goai?”
19Gilaadeu ne hai ange gi de ia, “Hanu bolo koe go John taane Babudaisi, hanu bolo go Elijah, aagai hanu bolo dahi pelaabisi madagidagi gu mouli age.” #Mat 14.1-2; Mark 6.14-15; Luke 9.7-8
20Gai Iesu ga ssili ange hogi gi gilaadeu, “Gai goodou e hagataba bolo au goai?”
Gai Peter ga hai ange, “Go koe donu de Klisdo a de Maadua.” #9.20 de Klisdo a de Maadua, aabe go de de Klisdo ne humai laa i daho de Maadua. #John 6.68-69
De tala a Iesu dono hagaduasala ma dono magau
(Mat 16.20-28; Mark 8.30—9.1)
21Gai Iesu ne tala hagasoe ange gilaadeu gi dee daalaa ange de mee laa gi dahi dangada. 22Gai ia ga hai ange, “Tama a Tangada e hagaduasala naa ma de hagangadi mee ina i daho denga dagi, ma de gau haimeedabu maolunga, aama de gau sisi, ga daa ga magau, gai de hagadolu laangi naa huu gai ia gu mouli age.”
23Gai Iesu ne hai ange gi dangada alodahi, “Noo dahi dangada e lodo e daudali mai i de au, gai ia gi hagangadi mee ina ia, ga saabai dono laagau lui i laangi alodahi ga daudali mai ai i de au.#Mat 10.38; Luke 14.27 24Gai be goai e lodo e hagaola dono mouli gai e tili donu, aagai be goai e tili dono mouli i ogu hiidinga gai e hagaola donu dono mouli.#Mat 10.39; Luke 17.33; John 12.25 25Gai ni haigamaiana aha noo tangada e maua henua i lalo alodahi, gai ia e tili dono mouli? 26Be goai e dogaa i de au ma agu muna, gai Tama a Tangada e dogaa naa hogi i de ia i dono masavaa e ahe mai ai ma dono mahamaha, ma de mahamaha o Tamana, aama de gau de langi dabu. 27Ni muna abodonu aagu e hai adu nei gi goodou, e hanu donu dangada e tuu i kinei e dee maakau, ga dae ai gi de masavaa alaadeu e gide ai de nohoanga hodooligi o de Maadua.”
De hagadagodo gee o Iesu
(Mat 17.1-8; Mark 9.2-8)
28Gai ga valu huu laangi i dua de tala muna nei, gai Iesu ga kave Peter, ma John, aama James ga loage ai gilaadeu gi honga de mounga e dalodalo ai.#2 Pe 1.17-18 29Gai de masavaa oona e dalodalo ai, gai luoono mada gu hagadagodo gee, gai ono malo gu malamalama ma de tea mmao. 30Gai tilo, e dogolua daane, Moses ma Elijah, 31gu hagassula mai i de mahamaha ga pasa ange gi de ia i dagodo o dono hano gee, go de mee gu dai hai laa i Jerusalem. 32Gai Peter ma luoono soa ange laa gu sseni tao. Gai de masavaa huu olaadeu ne alahage ai, gai gilaadeu gu gidee de mahamaha o Iesu aama luu daane e tuu laa madali ia. 33Gai ga hulo gee huu luu daane laa mai i ono daha, gai Peter ga hai ange gi Iesu, “Tangada Aamua, e danuaa taadeu nnoho i kinei! Gidaadeu ga hagatuu e dolu baasi hale — e dahi oou, e dahi o Moses, gai e dahi o Elijah.” (Gai ia tee iloo donu ana muna ne tala laa.)
34Gai de masavaa aana e tala ai muna nei, gai dahi giliiga gu hano iho ga haoli gilaadeu; gai gilaadeu gu maatagu i de masavaa a de giliiga laa ne haoli ai gilaadeu. 35Gai dahi leo mai i lo te giliiga laa ga hagadaba, “Deenei dagu Dama Daane, go de ia aagu gu hili; goodou hagalaangona ana muna!” #Isa 42.1; Mat 3.17; 12.18; Mark 1.11; Luke 3.22 36Gai ga lava huu basa o de leo laa, gai go Iesu donu huu alaadeu e gidee. Gai gilaadeu tee tala ange mee alaadeu ne gidee laa gi dahi dangada i laangi laa.
De hagaieiangi o tama iai de hagasaalunga baubau
(Mat 17.14-18; Mark 9.14-27)
37Taiao age i de masavaa olaadeu ne aahe iho ai i de mounga, gai dangada soa gu loomai e hedae ange gi Iesu. 38Gai tilo, e dahi daane i magavaa o dangada ne oo, ga hai ange, “Tangada Agoago, au e dangidangi adu koe gi galo ange diiloo dagodo o dagu dama daane, i hiidinga go ia donu huu dagu dama. 39Gai tilo, dahi hagasaalunga baubau e hai gi de mahi ia, gai ia ga oo ma de hai ia gi lele age ga hagasali dono saavale, aama de hagammae ia, gai e hai ngadaa donu de hano gee mai i ono daha! 40Gai au ne dangidangi ange gi au dangada agoago gilaadeu gi haia gi hano gee de hagasaalunga baubau laa, gai gilaadeu tee maua.”
41Gai Iesu ne basa ange ga hai ange, “Goodou se atangada e dee hagadonusia ma de baubau! Dee hee maa taulooloa dogu noho madali goodou ma de golomagi ogu lodo i goodou? Gaamai dau dama daane gi kinei.”
42Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana. 43Gai dangada alodahi gu llele mouli i ssauaa mmahi o de Maadua.
De ahe ange a Iesu ga tala dono magau
(Mat 17.22-23; Mark 9.30-32)
De masavaa ne llele ai mouli o dangada i hegau hugadoo a Iesu gu hai laa, gai ia ga hai ange gi ana dangada agoago, 44“Hagalaangona gi tonu ange goodou gi muna nei: Tama a Tangada e dugu ange naa gi ssauaa o dangada.” 45Gai gilaadeu tee tonu ange gi muna laa, go hiidinga mee laa gu hagammuni gi dee tonu ange gilaadeu aagena. Gai gilaadeu ne maatagu i de ssili ange gi de ia de hagadoonunga o muna laa.
Goai e maolunga?
(Mat 18.1-5; Mark 9.33-37)
46Denga dangada agoago ne hagadaumee i olaadeu magavaa, be goai e maolunga.#Luke 22.24 47Aagai Iesu ne iloo e ia alaadeu maanadu, gai ia ga gaamai dahi gauligi ga hagaduu i ono gaogao, 48gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.” #Mat 10.40; Luke 10.16; John 13.20
Tangada e dee hai baasi mai se soa donu niiodaadeu
(Mark 9.38-40)
49John ne hai ange gi Iesu, “Tangada Aamua, gimaadeu ne gidee dahi dangada e hai gi hulo denga hagasaalunga baubau i doo ingoo, gai gimaadeu ga hai ange ia gi dee haia, go hiidinga ia e dee hano saele madali gidaadeu.”
50Iesu ne hai ange gi de ia, “Goodou aude buibuia ia, go hiidinga tangada e dee hai baasi adu gi goodou se soa donu niiodou.”
De gau Samaria tee abodonu ange gi Iesu
51Gai ga paa mai huu laangi o Iesu e gaavage ai gi de langi, gai ia ga hagammahi e hano gi Jerusalem. 52Ia ne hai hogi hanu dangada gi hulo i ono mada i mua, gi dahi aduhale o de gau Samaria gi hagadabena ina ai mee i mua dono dae adu gi kilaa. 53Aagai dangada i kilaa tee abodonu ange gi de ia, go hiidinga ia ne hagasoe e hano gi Jerusalem. 54Gai de masavaa a luu dangada agoago go James ma John ne gidee ai de mee laa, gai gilaau ga ssili ange, “Tagi Maolunga, koe e lodo gimaau gi hagahia iho de ahi mai i de langi, gi daia gilaadeu gi maakau [bei hegau a Elijah ne hai]?” #9.54 bei hegau a Elijah ne hai e dee maaleva i lodo hanu beebaa Greek ange laa. #2 Ki 1.9-16 55Aagai Iesu ga huli dua ga hagasee gilaau.#9.55 Hanu beebaa Greek ange laa e hagapuni ange, gai ia ga hai ange, “Gooluu e dee iloo donu dagodo o de hagasaalunga i ooluu lodo naa; go hiidinga Tama a Tangada tee humai e daa gi maakau dangada, aagai ne humai e hagamouli dangada.” 56Gai gilaadeu ga hulo ai loo gi dahi aduhale gee.
Mee e buibuia dangada gi dee daudali ange i Iesu
(Mat 8.19-22)
57De masavaa olaadeu ne seesee ai e hulo gai dahi daane ne hai ange gi Iesu, “Au e lodo e daudali adu i de goe i mommee alodahi oou e hano aagena.”
58Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”
59Iesu ne hai ange hogi gi dahi, “Daudali mai i de au.”
Gai taane laa ga hai ange gi de ia, “De Ia Aamua, dugua mai au e hano e danu dogu damana i mua.”
60Iesu ne hai ange gi de ia, “Dugua ange denga maakau gi danumia alaadeu maakau, gai koe hannoo agoago ina dagodo o de nohoanga hodooligi o de Maadua.”
61Dahi dangada ne hai ange hogi, “Tangada agoago, au e lodo e daudali adu i de goe, gai au e lodo e hano i mua e hagaboo ange gi dogu huaabodu.” #1 Ki 19.20
62Iesu ne hai ange gi de ia, “Tangada e boogia de mee hagabalabala gai ia ga huli dua e dee heohi ange gi de nohoanga hodooligi o de Maadua.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.