TOKSAKHAIH 2
2
Cai Pakhra Angzohhaih
1Pentikos ni a phak na-ah taangcanawk boih loa ahmuenh maeto khaeah amkhueng o cu. 2Vaipangta ah van hoitoah tuenhpawk maeto angzoh moa takhi kaham kasong batiah a tuenh, moa anihcae anghnuthaih im to a koi king. 3Tona-ah hmai palai hoiah kahmong, kampraek phang moa to ih kaom kaminawk nuiah ka cuk rip to a hnuk o. 4Anihcae loa Cai Pakhra hoiah koi o moa Cai Pakhra mah thuih thai hanah a paek o ih batih toengah lok kalah to apaeh o boih.
5Tona-ah longnui ih kaom a prae kruek hoitoah kangzo bokhaih bangah ka zom Judah kaminawk to Jerusalem ah oh o. 6A to tuenhpawk lok to a thaih o na-ah mipui to amkhueng o cu. 7Taangcanawk mah angmahcae lok hoiah apaeh ihnawk to mi boih mah angmahcae lok ah a thaih o rip pongah anihcae loa a dawn a rai o parai. 8Kawbangmaw aimah lok apaeh ih lok hoiah aicae boih mah thaih o thaih boih vai? 9Aicae loa Parthia prae, Media prae, Elam prae, Mesopotamia prae, Judea prae, Kappadosia prae, Pontas prae, Asia prae, 10Frizia prae, Pamfilia, Izipt prae, hoi Libia prae thungih ka om Sairin vang taenghaek prae hoitoah kangzo kaminawk ni; aicae thungih thoemto loa Rom vang hoitoah kangzo kaminawk ni, 11Judah kaminawk hoi Judah bokhaih thungah ka kun Gentel kaminawk ni, thoemto loa Krit tuilanglum hoi Arabia prae hoitoah kangzo kaminawk ni, to-e Sithaw mah dawnrai hmuen kalen a sak ihnawk kawng thuih o ih to aicae mah aimahcae lok ah thaih o thai rip vai? 12Dawnrai hoi palung anghmang o sut moa, “Hi hae ti thuihkoehhaih ih maw?” tiah longto hoi longto angduengh o.
13To-e mi kalahnawk mah taangcanawk to pahnuihthuih o moa, “Hi kaminawk loa mu paqui o,” tiah a naa o.
Piter Lokthuihhaih
14Tona-ah Piter loa kalah kawkpatoeh hahlaitonawk hoiah angdoet moa, mipui hma-ah khoeh puiah lok a thuih: “Ka caeng ampui Judah kami hoi Jerusalem ah kaom kaminawk boih tahngai oah, hi hmuen mah a thuihkoehhaih ih to kang thuih o han. 15Nangcae mah na dawn o ih batiah hi kaminawk hae mu paqui o ai; akhawnbang nitue takawtto khueh ni oh vop. 16Hi hae tahma Joel mah thuih ih kawng to ni, anih mah thuih ih loa:
17‘Sithaw mah, hnukkhuem ni aloa hitiah ka sak han;
mi boiboih nuiah ka Pakhra to ka bawh han.
Nangcae ih capanawk hoi canunawk mah kai ih lok hae taphong o tih;
nangcae ih thendoengnawk mah hnuksakhaih ih to hnuh o ueloa
nangcae ih mitongnawk mah amang to tawn o tih.
18Oe, ka tamtoeh nongpanawk hoi ka tamtoeh nongpuinawk nuiah mataeng doeh
ato ni aloa ka Pakhra to ka kruen thuih moa
anihcae mah kai ih tamthang lok to taphong o tih.
19Ranuibang van ah dawnrai hmuennawk ka sak moa
ahlimbang long ah matsakhaih ih to ka sak han.
Athii hoi, hmai hoi, hmaikhue kathah parai to om tih;
20Angraeng Ni kalen hoi lensawkhaih to angzoh na-ah,
ni to ving ueloa
khrah to athii batiah thimdang tih.
21Tona-ah Angraeng khaeah abomhaih hnik hoiah ka palawk boih loa pahlong ah om tih,’ tiah a thuih.#Jol 2:28-32
22“Ka caeng ampui Israel kaminawk, hi ka lokthuih ih hae tahngai oah! Nazareth vang ih Jesuh loa kami ah oh eloa Sithaw ih akaatawnhhaih ka tawn kami ni tito, Sithaw mah anih ranghoiah a sak ih dawnrai hmuennawk hoi matsakhaih ihnawk boih hoiah nangcae khaeah kacaipin ah amtuengsak boah. Hi hae nangmahcae roeroe mah na panoek o ih boah ni, kawmawtiah nangmahcae salak thungah ka om ni. 23Sithaw angmah ih khokhanhaih ih batih toengah Jesuh to nangcae khaeah paek hanah dawn oekcoek ih boah ni; kami kazaenawk mah anih to kraws nuiah takhing moa na hum o.#Mat 27:35; Mrk 15:24; Luk 23:33; Jhn 19:18 24To-e Sithaw mah anih to duekhaih thung hoitoah angthawksak let moa duekhaih ih tharahhaih thung hoitoah a loihsak boah, kawmawtiah anih loa duekhaih ih mah patawn thai ai boah.#Mat 28:5-6; Mrk 16:6; Luk 24:5 25David mah anih ih kawng to hitiah a thuih:
‘Angraeng loa ka hma-ah ka hnuk toemoe;
anih loa ka taengah oh moa ka mawn mak ai.#Sam 16:8-11
26Topongah anghoehaih hoiah ka koi moa
ka loklang loa palung nawmhaih hoiah a koi.
Kai loa kadueh han kami ah ka oh e
oepdoenghaih thungah ka mong ta-ah kanghak khaekhaeh han,
27kawmawtiah kadueh kho ah loa kai hae nang caehtak mak ai;
nangmah ih oepom tamtoeh hae taprong thungah ka qong ka prawn ah ohsak han loa na koeh mak ai.
28Hinghaih bangah pahoikung loklam to na patuek boah moa,
nangmah nang oh haih pongah palung anghoehaih hoiah ka koi,’ tiah a thuih.
29“Ka caeng ampui Israel kaminawk, aicae saeza ih ahmin kamthang David Sangpahrang kawng to kacai ta-ah kang thuih o han. Anih loa a duek moa aphum o, anih ih taprong to vaihni karoekto aicae khaeah a oh vop. 30Anih loa tahma ah oh moa Sithaw mah anih khaeah lok amaih ih to a panoek: Sithaw mah lok amaih ih loa, David cadii longlongto to angmah David batiah sangpahrang ah omsak tih, tihae ni.#Sam 132:11; 2 Sam 7:12-13 31David loa Sithaw mah hmalam bangah timaw sah tih tito a hnuk, topongah anih mah Messiah angthawklethaih kawng to a thuih. A thuih ih loa:
‘Kami kadueh vang ah anih loa caehtak sut mak ai;
a takbum loa taprong thungah qong mak ai,’ tiah a thuih.
32Sithaw mah Jesuh to duekhaih thung hoitoah angthawksak let moa ato panoekkung saksi loa aicae hae ni. 33Ampa Sithaw ih bantang bangah anghnutsak boah moa lok amaih batih toengah Cai Pakhra to Ampa khae hoitoah a hnuk. Vaihi na hnuk moa na thaih o ih loa aicae nuiah akruenh ih angmah ih langrae to ni. 34Kawmawtiah van ah ka daw loa David na ai ni; anih mah:
‘Angraeng mah ka Angraeng khaeah
kai ih bantang bangah hae anghnu ah,#Sam 110:1
35na khok hlimah na misanawk to na khokkoenghaih ih batiah ka suek airoekto,’ a ti, tiah a thuih.
36“Topongah Israel kaminawk boiboih, nangcae mah takhing o ih ahi Jesuh hae Sithaw mah Angraeng hoi Messiah a sak boah, tito hoihdak ah panoek oah,” tiah a thuih.
37Hi kawng hae kaminawk mah panoek o na-ah tasoeh o moa Piter hoi kalah kawkpatoehnawk khaeah, “Naukzanawk, kawbangmaw sak o han?” tiah a naa o.
38Piter mah anihcae khaeah, “Nangcae boih mah zaehaih to dawnpakhuem o aloa Jesuh hmin hoiah baptisma to hak oah, totibaloa nangcae ih zaehaih to tahmen ah om ueloa Sithaw ih langrae Cai Pakhra to na hak o tih. 39Kawmawtiah Sithaw ih lok amaihhaih ih loa nangcae hoi nangmahcae ih canawk han hoi, Sithaw hoiah ka hla paraiah kaom kaminawk han hoi, aicae ih Angraeng Sithaw mah kawk ih kami boiboih hanah ni,” tiah a thuih.
40Piter mah anihcae khaeah lok kalahnawk doeh a thuih pae moa tha a paek; anih mah, “Hi kami kahoih ainawk nuiah raekhaih kangzo han thung hoitoah nangmahcae hoi nangmahcae to amhlong oah,” tiah a naa. 41Kami paroeai mah a lok to a taang o moa baptisma to a hak o; tona ni ah anihcae ih abu thungah kami sangthumto roekrak mah a thapthuih o. 42Anihcae loa kawkpatoehnawk khaeah amtukhaih hoiah atue to patoh o, angkomhaih ih thungah a paa o moa angkomzenhaih ih buh to a cak o moa kho a phoeh o toemoe.
Taangcanawk Thungah Hinghaih
43Kawkpatoehnawk mah dawnraihaih paroeai hoi matsakhaih ihnawk to a sak o moa mi boih mah zithaih hoiah koi o. 44Taangcanawk boih loa nawnto ah angkom amzen o toemoe moa a tawnh o ih vawnsainawk to doeh longto hoi longto amzet o.#Tok 4:32-35 45Angmahcae ih vawn hoi a tawnh ihnawk to a zawh o moa a hak o ih tang to avawthaih kaom kaminawk to angtoenghaih ih batiah pazet o. 46Nithokkruek ah abu ta-ah Tempal thungah angqum o cu, angmahcae im ah buh to a cak o nawn moa anghoehaih hoi angdokhaih ih palungthin hoiah to a cak o. 47Sithaw to pahlaw o moa mi boiboih khae hoitoah mikhmai kahoih to a hnuk o. Nithokkruek ah Angraeng mah pahlong ah kaom kaminawk to anihcae ih a bu thungah akunsak o toemoe.
Currently Selected:
TOKSAKHAIH 2: AKNT2023
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.
TOKSAKHAIH 2
2
Cai Pakhra Angzohhaih
1Pentikos ni a phak na-ah taangcanawk boih loa ahmuenh maeto khaeah amkhueng o cu. 2Vaipangta ah van hoitoah tuenhpawk maeto angzoh moa takhi kaham kasong batiah a tuenh, moa anihcae anghnuthaih im to a koi king. 3Tona-ah hmai palai hoiah kahmong, kampraek phang moa to ih kaom kaminawk nuiah ka cuk rip to a hnuk o. 4Anihcae loa Cai Pakhra hoiah koi o moa Cai Pakhra mah thuih thai hanah a paek o ih batih toengah lok kalah to apaeh o boih.
5Tona-ah longnui ih kaom a prae kruek hoitoah kangzo bokhaih bangah ka zom Judah kaminawk to Jerusalem ah oh o. 6A to tuenhpawk lok to a thaih o na-ah mipui to amkhueng o cu. 7Taangcanawk mah angmahcae lok hoiah apaeh ihnawk to mi boih mah angmahcae lok ah a thaih o rip pongah anihcae loa a dawn a rai o parai. 8Kawbangmaw aimah lok apaeh ih lok hoiah aicae boih mah thaih o thaih boih vai? 9Aicae loa Parthia prae, Media prae, Elam prae, Mesopotamia prae, Judea prae, Kappadosia prae, Pontas prae, Asia prae, 10Frizia prae, Pamfilia, Izipt prae, hoi Libia prae thungih ka om Sairin vang taenghaek prae hoitoah kangzo kaminawk ni; aicae thungih thoemto loa Rom vang hoitoah kangzo kaminawk ni, 11Judah kaminawk hoi Judah bokhaih thungah ka kun Gentel kaminawk ni, thoemto loa Krit tuilanglum hoi Arabia prae hoitoah kangzo kaminawk ni, to-e Sithaw mah dawnrai hmuen kalen a sak ihnawk kawng thuih o ih to aicae mah aimahcae lok ah thaih o thai rip vai? 12Dawnrai hoi palung anghmang o sut moa, “Hi hae ti thuihkoehhaih ih maw?” tiah longto hoi longto angduengh o.
13To-e mi kalahnawk mah taangcanawk to pahnuihthuih o moa, “Hi kaminawk loa mu paqui o,” tiah a naa o.
Piter Lokthuihhaih
14Tona-ah Piter loa kalah kawkpatoeh hahlaitonawk hoiah angdoet moa, mipui hma-ah khoeh puiah lok a thuih: “Ka caeng ampui Judah kami hoi Jerusalem ah kaom kaminawk boih tahngai oah, hi hmuen mah a thuihkoehhaih ih to kang thuih o han. 15Nangcae mah na dawn o ih batiah hi kaminawk hae mu paqui o ai; akhawnbang nitue takawtto khueh ni oh vop. 16Hi hae tahma Joel mah thuih ih kawng to ni, anih mah thuih ih loa:
17‘Sithaw mah, hnukkhuem ni aloa hitiah ka sak han;
mi boiboih nuiah ka Pakhra to ka bawh han.
Nangcae ih capanawk hoi canunawk mah kai ih lok hae taphong o tih;
nangcae ih thendoengnawk mah hnuksakhaih ih to hnuh o ueloa
nangcae ih mitongnawk mah amang to tawn o tih.
18Oe, ka tamtoeh nongpanawk hoi ka tamtoeh nongpuinawk nuiah mataeng doeh
ato ni aloa ka Pakhra to ka kruen thuih moa
anihcae mah kai ih tamthang lok to taphong o tih.
19Ranuibang van ah dawnrai hmuennawk ka sak moa
ahlimbang long ah matsakhaih ih to ka sak han.
Athii hoi, hmai hoi, hmaikhue kathah parai to om tih;
20Angraeng Ni kalen hoi lensawkhaih to angzoh na-ah,
ni to ving ueloa
khrah to athii batiah thimdang tih.
21Tona-ah Angraeng khaeah abomhaih hnik hoiah ka palawk boih loa pahlong ah om tih,’ tiah a thuih.#Jol 2:28-32
22“Ka caeng ampui Israel kaminawk, hi ka lokthuih ih hae tahngai oah! Nazareth vang ih Jesuh loa kami ah oh eloa Sithaw ih akaatawnhhaih ka tawn kami ni tito, Sithaw mah anih ranghoiah a sak ih dawnrai hmuennawk hoi matsakhaih ihnawk boih hoiah nangcae khaeah kacaipin ah amtuengsak boah. Hi hae nangmahcae roeroe mah na panoek o ih boah ni, kawmawtiah nangmahcae salak thungah ka om ni. 23Sithaw angmah ih khokhanhaih ih batih toengah Jesuh to nangcae khaeah paek hanah dawn oekcoek ih boah ni; kami kazaenawk mah anih to kraws nuiah takhing moa na hum o.#Mat 27:35; Mrk 15:24; Luk 23:33; Jhn 19:18 24To-e Sithaw mah anih to duekhaih thung hoitoah angthawksak let moa duekhaih ih tharahhaih thung hoitoah a loihsak boah, kawmawtiah anih loa duekhaih ih mah patawn thai ai boah.#Mat 28:5-6; Mrk 16:6; Luk 24:5 25David mah anih ih kawng to hitiah a thuih:
‘Angraeng loa ka hma-ah ka hnuk toemoe;
anih loa ka taengah oh moa ka mawn mak ai.#Sam 16:8-11
26Topongah anghoehaih hoiah ka koi moa
ka loklang loa palung nawmhaih hoiah a koi.
Kai loa kadueh han kami ah ka oh e
oepdoenghaih thungah ka mong ta-ah kanghak khaekhaeh han,
27kawmawtiah kadueh kho ah loa kai hae nang caehtak mak ai;
nangmah ih oepom tamtoeh hae taprong thungah ka qong ka prawn ah ohsak han loa na koeh mak ai.
28Hinghaih bangah pahoikung loklam to na patuek boah moa,
nangmah nang oh haih pongah palung anghoehaih hoiah ka koi,’ tiah a thuih.
29“Ka caeng ampui Israel kaminawk, aicae saeza ih ahmin kamthang David Sangpahrang kawng to kacai ta-ah kang thuih o han. Anih loa a duek moa aphum o, anih ih taprong to vaihni karoekto aicae khaeah a oh vop. 30Anih loa tahma ah oh moa Sithaw mah anih khaeah lok amaih ih to a panoek: Sithaw mah lok amaih ih loa, David cadii longlongto to angmah David batiah sangpahrang ah omsak tih, tihae ni.#Sam 132:11; 2 Sam 7:12-13 31David loa Sithaw mah hmalam bangah timaw sah tih tito a hnuk, topongah anih mah Messiah angthawklethaih kawng to a thuih. A thuih ih loa:
‘Kami kadueh vang ah anih loa caehtak sut mak ai;
a takbum loa taprong thungah qong mak ai,’ tiah a thuih.
32Sithaw mah Jesuh to duekhaih thung hoitoah angthawksak let moa ato panoekkung saksi loa aicae hae ni. 33Ampa Sithaw ih bantang bangah anghnutsak boah moa lok amaih batih toengah Cai Pakhra to Ampa khae hoitoah a hnuk. Vaihi na hnuk moa na thaih o ih loa aicae nuiah akruenh ih angmah ih langrae to ni. 34Kawmawtiah van ah ka daw loa David na ai ni; anih mah:
‘Angraeng mah ka Angraeng khaeah
kai ih bantang bangah hae anghnu ah,#Sam 110:1
35na khok hlimah na misanawk to na khokkoenghaih ih batiah ka suek airoekto,’ a ti, tiah a thuih.
36“Topongah Israel kaminawk boiboih, nangcae mah takhing o ih ahi Jesuh hae Sithaw mah Angraeng hoi Messiah a sak boah, tito hoihdak ah panoek oah,” tiah a thuih.
37Hi kawng hae kaminawk mah panoek o na-ah tasoeh o moa Piter hoi kalah kawkpatoehnawk khaeah, “Naukzanawk, kawbangmaw sak o han?” tiah a naa o.
38Piter mah anihcae khaeah, “Nangcae boih mah zaehaih to dawnpakhuem o aloa Jesuh hmin hoiah baptisma to hak oah, totibaloa nangcae ih zaehaih to tahmen ah om ueloa Sithaw ih langrae Cai Pakhra to na hak o tih. 39Kawmawtiah Sithaw ih lok amaihhaih ih loa nangcae hoi nangmahcae ih canawk han hoi, Sithaw hoiah ka hla paraiah kaom kaminawk han hoi, aicae ih Angraeng Sithaw mah kawk ih kami boiboih hanah ni,” tiah a thuih.
40Piter mah anihcae khaeah lok kalahnawk doeh a thuih pae moa tha a paek; anih mah, “Hi kami kahoih ainawk nuiah raekhaih kangzo han thung hoitoah nangmahcae hoi nangmahcae to amhlong oah,” tiah a naa. 41Kami paroeai mah a lok to a taang o moa baptisma to a hak o; tona ni ah anihcae ih abu thungah kami sangthumto roekrak mah a thapthuih o. 42Anihcae loa kawkpatoehnawk khaeah amtukhaih hoiah atue to patoh o, angkomhaih ih thungah a paa o moa angkomzenhaih ih buh to a cak o moa kho a phoeh o toemoe.
Taangcanawk Thungah Hinghaih
43Kawkpatoehnawk mah dawnraihaih paroeai hoi matsakhaih ihnawk to a sak o moa mi boih mah zithaih hoiah koi o. 44Taangcanawk boih loa nawnto ah angkom amzen o toemoe moa a tawnh o ih vawnsainawk to doeh longto hoi longto amzet o.#Tok 4:32-35 45Angmahcae ih vawn hoi a tawnh ihnawk to a zawh o moa a hak o ih tang to avawthaih kaom kaminawk to angtoenghaih ih batiah pazet o. 46Nithokkruek ah abu ta-ah Tempal thungah angqum o cu, angmahcae im ah buh to a cak o nawn moa anghoehaih hoi angdokhaih ih palungthin hoiah to a cak o. 47Sithaw to pahlaw o moa mi boiboih khae hoitoah mikhmai kahoih to a hnuk o. Nithokkruek ah Angraeng mah pahlong ah kaom kaminawk to anihcae ih a bu thungah akunsak o toemoe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.