TOKSAKHAIH 4
4
Piter hoi Johan Kawngsi Hma-ah
1Piter hoi Johan loa mipui khaeah lok a thuih hoi li na-ah qaihma thoemto,#4:1 qaihma thoemto thoemto banrikcabu pongah loa qaihma kalennawk, tiah oh. tempal congkung angraengnawk hoi Sadusi thoemto ang phak o. 2Jesuh loa duekhaih thung hoitoah angthawklet tiah kawkpatoeh longhnetto hnit mah patuk hoi ih to loa kami kadueh to angthawklet tih tito angcaksak pongah anih hnit nuiah katingai palungphui o. 3Topongah anih hnit to a naeh o, ni duemh boah pongah akhawnbang khoekto thongim ah paung o. 4To-e lokthuih ih ka thaih kami paroeai mah a taang o moa nongpa sangpangato roekrak to a pung o tahang.
5Akhawnbang ah Judah pahoikungnawk, kacoetanawk, hoi Tawklok patukkungnawk to Jerusalem ah amkhueng o cu. 6Anihcae loa Qaihma Kalen Annas hoi Kaiafas, Johan, Alekzandar hoi Qaihma Kalen imthungtako thungih kami kalahnawk hoiah angqum o cu. 7Kawkpatoeh hnitto anihcae hma-ah angdoetsak o moa, “Ahi hmuen hae kawbangmaw na sak o? Ti hmuensak thaihaih to maw na tawnh o moa ami ih hmin to maw na patoh o,” tiah a duengh pae o.
8Cai Pakhra hoiah kakoi Piter mah anihcae khaeah, “Mipui pahoikungnawk hoi kacoetanawk: 9Khokbai kami nuiah hmuen kahoih sak ih kawng hoi kawbangmaw hoihsak ah ohhaih ih kawng to vaihni ah nang duengh o nahaeloa, 10nangcae boih hoi Israel kaminawk boih mah panoek hanih loa, hi kami mah ka hoihpoeng ah nangcae hma-ah angdoet thaihaih ih loa nangcae mah takhing o moa duekhaih thung hoitoah kangthawk let Nazareth kami, Jesuh Khrih ih ahmin tharahhaih hoiah ni. 11Cabu Kacai mah:
‘Im sahkungnawk mah khetsae o ih hlung loa
kalahnawk boih thungah atho ka om koek ah coengh boah,’ tiah a thuih ih to Jesuh hae ni.#Sam 118:22
12Pahlonghaih hae angmah ranghoiah khueh ni hnuk thai; longnui bum boih ah hae aicae pahlong hanah Sithaw mah paek ih hmin kalah mi doeh om ai,” tiah a thuih.
13Lokcaekhaih kawngsi kacoetanawk loa Piter hoi Johan hnit ih misa kahoih to a hnuk o moa anih hnit loa ca ka kop ai kami romram ni tito panoek o na-ah paroeai dawn a rai o. Tona-ah anih hnit loa Jesuh ih ampui ni tito panoek o let. 14To-e anihcae loa a thuih thai ih tidoeh om ai, kawmawtiah khokbai kahoih kami to Piter hoi Johan hnit khaeah kangdoe to a hnuk pongah ni. 15Topongah anih hnit to lokcaekhaih akhaan thung hoitoah tasabang ah tacawtsak o moa angmahcae khueh ah lok aram o. 16Longto hoi longto, “Hi kami hnit hae kawbangmaw sak han? Anih hnit mah kalah kang dawnraihaih hmuen sak ih hae Jerusalem vang thungih ka omnawk boih mah panoek o boah, aicae mah aek thai mak ai boah. 17To-e hi hmuen hae mipui salak thungah pung aep han aiah, ahi hnit hae Jesuh hmin hoiah mita khaeah natuekah doeh thui hoi hmah laiah, tiah naa pae si,” a ti o.
18Topongah anih hnit to imthung ah kawk o let moa, kawbangah doehsoe, Jesuh hmin hoiah mita khaeah doeh lok na thui hoi mak ai moa na patuk hoi mak ai, tiah a thuih pae o. 19To-e Piter hoi Johan mah loa anihcae khaeah, “Sithaw mikhnuk ah nangcae ih lok tahngai to maw, tiaibaloa Sithaw ih lok tahngai to maw kamsoem kue tito nangmahcae mah lok takroek oah. 20Kawmawtiah kai hnit loa kaimah hnit khaekhaeh mah ka hnuk ih hoi ka thaih ih to loa thuih aiah loa ka om hoi thaih ai,” tiah a naa hoi. 21Topongah lokcaekhaih kawngsi kacoetanawk mah kana aep ah acoehaih to a paek o moa a prawt o. Hmuen ka om kawng pongah mi boiboih mah Sithaw to pahlaw o pongah anih hnit to danpaek thaihaih ih lam to hnuh o ai. 22Hi ngantuihaih ih dawnraihaih a sak pae hoi ih kami hae saning quipalito cang ai boah.
Misahoih Hanah Khophoeh O
23Piter hoi Johan hnit loa a loih hoi pacoeng rumhoi angmah hnit ih ampuinawk khaeah amlaem hoi moa qaihma kacoetanawk hoi kacoetanawk mah a thuih ih to a thuih pae hoi. 24Ato to taangcanawk mah a thaih o na-ah anihcae boih mah vanto ah Sithaw khaeah khophoeh o: “Angraeng, van hoi long hoi tuiculi hoi a thungih ka om hmuennawk boih ka Sahkung,#Exo 20:11; Neh 9:6; Sam 146:6 25Cai Pakhra ranghoiah aicae ih saeza David na tamtoeh khaeah lok na thuih moa:
‘Tipongah maw Gentel kaminawk loa palungphui o moa,
tipongmaw kaminawk mah ka vanglang ai ih tamqu bangah khokhanhaih ih to a sak o? #Sam 2:1-2
26Angraeng hoi angmah ih Messiah to tuk hanah
longnui sangpahrangnawk loa amsak o moa
ukkungnawk loa angqum o cu,’ tiah na thuih o.
27Kawmawtiah nangcae ih Tamtoeh kacai, Messiah ah na suek o ih Jesuh to aek hanah Herod hoi Pontias Pilat hnit mah hi vangpui thungah hae Gentel kaminawk hoi Israel kaminawk hoiah angqum o cu tangtang.#Mat 27:1-2; Mrk 15:1; Luk 23:1,7-11; Jhn 18:28-29 28Nangmahcae ih tharahhaih hoi patoephaih hoiah ka om hankoi na thuih o coek ih cungriboih to sak hanah anihcae loa amkhueng o. 29Topongah vaihiah Angraeng, anihcae mah angpazihhaih ih hae na dawn pae aloa kaicae nang ih tamtoehnawk mah misahoihhaih boih hoiah na lok to thuih thai hanah akaa na paek ah. 30Ngantui haih hnuk hanah na ban to pazang aloa na tamtoeh kacai Jesuh hmin hoiah matsakhaih ih hoi dawnraihaih ih sak thai hanah na paek ah,” tiah lawk thuih o.
31Anihcae mah khophoeh o pacoeng na-ah acuhaih ih hmuenh loa anghuen. Anihcae loa Cai Pakhra hoiah a koi o boih moa Sithaw lok to misahoihhaih hoiah taphong o.
A Tawnh O Ih Vawn To Amzet O
32Taangcanawk bu tanawk loa dawnhaih hoi palungthin maeto ah amhong o. Amimah doeh a tawnh o ih hmuen to kai ih ni ti o ai moa a tawnh ih hmuen boih to longto hoi longto kangvan ah amzet o.#Tok 2:44-45 33Kawkpatoehnawk loa tharahhaih hoiah Angraeng Jesuh Khrih angthawklethaih kawng to saksi ah angdoet o haih moa Sithaw mah anihcae boih nuiah tahamhoihhaih zetpui a kruen pae. 34Anihcae ih abu thungah kangtoeng kavawt kami amita doeh om ai. Lawk doeh, im doeh ka tawn kaminawk mah a zawh o, zawh tho a hnuk o ih tangka to a sinh o moa, 35kawkpatoehnawk ban ah paek o; ato tangka loa angtoenghaih ih batih toengah longto hoi longto khaeah pazet o.
36Tobatih toengah Saipras tuilanglum ah ka za, Levi caeng Joseph mah, 37angmah ih lawk to a zawh, tangka to a sinh moa kawkpatoehnawk ban thungah a paek. Joseph loa kawkpatoehnawk mah Barnabas tiah kawk o, thuihkoehhaih loa “Tha Paekkung,” tihaih ih ni.
Currently Selected:
TOKSAKHAIH 4: AKNT2023
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.
TOKSAKHAIH 4
4
Piter hoi Johan Kawngsi Hma-ah
1Piter hoi Johan loa mipui khaeah lok a thuih hoi li na-ah qaihma thoemto,#4:1 qaihma thoemto thoemto banrikcabu pongah loa qaihma kalennawk, tiah oh. tempal congkung angraengnawk hoi Sadusi thoemto ang phak o. 2Jesuh loa duekhaih thung hoitoah angthawklet tiah kawkpatoeh longhnetto hnit mah patuk hoi ih to loa kami kadueh to angthawklet tih tito angcaksak pongah anih hnit nuiah katingai palungphui o. 3Topongah anih hnit to a naeh o, ni duemh boah pongah akhawnbang khoekto thongim ah paung o. 4To-e lokthuih ih ka thaih kami paroeai mah a taang o moa nongpa sangpangato roekrak to a pung o tahang.
5Akhawnbang ah Judah pahoikungnawk, kacoetanawk, hoi Tawklok patukkungnawk to Jerusalem ah amkhueng o cu. 6Anihcae loa Qaihma Kalen Annas hoi Kaiafas, Johan, Alekzandar hoi Qaihma Kalen imthungtako thungih kami kalahnawk hoiah angqum o cu. 7Kawkpatoeh hnitto anihcae hma-ah angdoetsak o moa, “Ahi hmuen hae kawbangmaw na sak o? Ti hmuensak thaihaih to maw na tawnh o moa ami ih hmin to maw na patoh o,” tiah a duengh pae o.
8Cai Pakhra hoiah kakoi Piter mah anihcae khaeah, “Mipui pahoikungnawk hoi kacoetanawk: 9Khokbai kami nuiah hmuen kahoih sak ih kawng hoi kawbangmaw hoihsak ah ohhaih ih kawng to vaihni ah nang duengh o nahaeloa, 10nangcae boih hoi Israel kaminawk boih mah panoek hanih loa, hi kami mah ka hoihpoeng ah nangcae hma-ah angdoet thaihaih ih loa nangcae mah takhing o moa duekhaih thung hoitoah kangthawk let Nazareth kami, Jesuh Khrih ih ahmin tharahhaih hoiah ni. 11Cabu Kacai mah:
‘Im sahkungnawk mah khetsae o ih hlung loa
kalahnawk boih thungah atho ka om koek ah coengh boah,’ tiah a thuih ih to Jesuh hae ni.#Sam 118:22
12Pahlonghaih hae angmah ranghoiah khueh ni hnuk thai; longnui bum boih ah hae aicae pahlong hanah Sithaw mah paek ih hmin kalah mi doeh om ai,” tiah a thuih.
13Lokcaekhaih kawngsi kacoetanawk loa Piter hoi Johan hnit ih misa kahoih to a hnuk o moa anih hnit loa ca ka kop ai kami romram ni tito panoek o na-ah paroeai dawn a rai o. Tona-ah anih hnit loa Jesuh ih ampui ni tito panoek o let. 14To-e anihcae loa a thuih thai ih tidoeh om ai, kawmawtiah khokbai kahoih kami to Piter hoi Johan hnit khaeah kangdoe to a hnuk pongah ni. 15Topongah anih hnit to lokcaekhaih akhaan thung hoitoah tasabang ah tacawtsak o moa angmahcae khueh ah lok aram o. 16Longto hoi longto, “Hi kami hnit hae kawbangmaw sak han? Anih hnit mah kalah kang dawnraihaih hmuen sak ih hae Jerusalem vang thungih ka omnawk boih mah panoek o boah, aicae mah aek thai mak ai boah. 17To-e hi hmuen hae mipui salak thungah pung aep han aiah, ahi hnit hae Jesuh hmin hoiah mita khaeah natuekah doeh thui hoi hmah laiah, tiah naa pae si,” a ti o.
18Topongah anih hnit to imthung ah kawk o let moa, kawbangah doehsoe, Jesuh hmin hoiah mita khaeah doeh lok na thui hoi mak ai moa na patuk hoi mak ai, tiah a thuih pae o. 19To-e Piter hoi Johan mah loa anihcae khaeah, “Sithaw mikhnuk ah nangcae ih lok tahngai to maw, tiaibaloa Sithaw ih lok tahngai to maw kamsoem kue tito nangmahcae mah lok takroek oah. 20Kawmawtiah kai hnit loa kaimah hnit khaekhaeh mah ka hnuk ih hoi ka thaih ih to loa thuih aiah loa ka om hoi thaih ai,” tiah a naa hoi. 21Topongah lokcaekhaih kawngsi kacoetanawk mah kana aep ah acoehaih to a paek o moa a prawt o. Hmuen ka om kawng pongah mi boiboih mah Sithaw to pahlaw o pongah anih hnit to danpaek thaihaih ih lam to hnuh o ai. 22Hi ngantuihaih ih dawnraihaih a sak pae hoi ih kami hae saning quipalito cang ai boah.
Misahoih Hanah Khophoeh O
23Piter hoi Johan hnit loa a loih hoi pacoeng rumhoi angmah hnit ih ampuinawk khaeah amlaem hoi moa qaihma kacoetanawk hoi kacoetanawk mah a thuih ih to a thuih pae hoi. 24Ato to taangcanawk mah a thaih o na-ah anihcae boih mah vanto ah Sithaw khaeah khophoeh o: “Angraeng, van hoi long hoi tuiculi hoi a thungih ka om hmuennawk boih ka Sahkung,#Exo 20:11; Neh 9:6; Sam 146:6 25Cai Pakhra ranghoiah aicae ih saeza David na tamtoeh khaeah lok na thuih moa:
‘Tipongah maw Gentel kaminawk loa palungphui o moa,
tipongmaw kaminawk mah ka vanglang ai ih tamqu bangah khokhanhaih ih to a sak o? #Sam 2:1-2
26Angraeng hoi angmah ih Messiah to tuk hanah
longnui sangpahrangnawk loa amsak o moa
ukkungnawk loa angqum o cu,’ tiah na thuih o.
27Kawmawtiah nangcae ih Tamtoeh kacai, Messiah ah na suek o ih Jesuh to aek hanah Herod hoi Pontias Pilat hnit mah hi vangpui thungah hae Gentel kaminawk hoi Israel kaminawk hoiah angqum o cu tangtang.#Mat 27:1-2; Mrk 15:1; Luk 23:1,7-11; Jhn 18:28-29 28Nangmahcae ih tharahhaih hoi patoephaih hoiah ka om hankoi na thuih o coek ih cungriboih to sak hanah anihcae loa amkhueng o. 29Topongah vaihiah Angraeng, anihcae mah angpazihhaih ih hae na dawn pae aloa kaicae nang ih tamtoehnawk mah misahoihhaih boih hoiah na lok to thuih thai hanah akaa na paek ah. 30Ngantui haih hnuk hanah na ban to pazang aloa na tamtoeh kacai Jesuh hmin hoiah matsakhaih ih hoi dawnraihaih ih sak thai hanah na paek ah,” tiah lawk thuih o.
31Anihcae mah khophoeh o pacoeng na-ah acuhaih ih hmuenh loa anghuen. Anihcae loa Cai Pakhra hoiah a koi o boih moa Sithaw lok to misahoihhaih hoiah taphong o.
A Tawnh O Ih Vawn To Amzet O
32Taangcanawk bu tanawk loa dawnhaih hoi palungthin maeto ah amhong o. Amimah doeh a tawnh o ih hmuen to kai ih ni ti o ai moa a tawnh ih hmuen boih to longto hoi longto kangvan ah amzet o.#Tok 2:44-45 33Kawkpatoehnawk loa tharahhaih hoiah Angraeng Jesuh Khrih angthawklethaih kawng to saksi ah angdoet o haih moa Sithaw mah anihcae boih nuiah tahamhoihhaih zetpui a kruen pae. 34Anihcae ih abu thungah kangtoeng kavawt kami amita doeh om ai. Lawk doeh, im doeh ka tawn kaminawk mah a zawh o, zawh tho a hnuk o ih tangka to a sinh o moa, 35kawkpatoehnawk ban ah paek o; ato tangka loa angtoenghaih ih batih toengah longto hoi longto khaeah pazet o.
36Tobatih toengah Saipras tuilanglum ah ka za, Levi caeng Joseph mah, 37angmah ih lawk to a zawh, tangka to a sinh moa kawkpatoehnawk ban thungah a paek. Joseph loa kawkpatoehnawk mah Barnabas tiah kawk o, thuihkoehhaih loa “Tha Paekkung,” tihaih ih ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.