MARKA 15
15
Pilat Khaeah Jesuh Ahoih O
(Mat 27:1-2,11-14; Luk 23:1-5; Jhn 18:28-38)
1Akhawnbang khawnthaw ah qaihma kacoetanawk loa kacoetanawk, Tawklok patukkungnawk hoi lokcaekhaih kawngsi ah ka omnawk boih hoiah karang ah angqum o moa lok aram o. Jesuh to sumqui hoiah pahlet o, a caeh o haih moa Pilat ban thungah a paek o. 2Pilat mah anih khaeah, “Nang loa Judah sangpahrang maw?” tiah a duengh.
Jesuh mah, “Na thuih ih batiah a oh,” tiah a naa.
3Qaihma kacoetanawk mah Jesuh to zaehaih zetpui a net o, 4Topongah Pilat mah anih khaeah, “Na pathim ai maw? Zae angnethaih o ihnawk boiboih hae tahngai e!” tiah a naa let bae.
5Jesuh loa lok pakhato doeh apaeh han koeh ai toengtoeng moa Pilat loa a dawnrai sut.
Jesuh Hum Han Lok Takroek O
(Mat 27:15-26; Luk 23:13-25; Jhn 18:39—19:16)
6Takantak Poi kruekah Pilat mah thongim ka krah longlongto mipui mah hnik ih to a prawt toemtoem. 7Ato nathuemah Barabbas a naa pae o ih, misa angthawk na-ah kami ka hum to misa kangthawkkung kalahnawk hoiah thongim ah angung o. 8Mipui loa amkhueng o moa sak noek batiah thongkrah loihsak han to Pilat khaeah a hnik o. 9Anih mah, “Judah Sangpahrang hae kang prawt pae o han na koeh o maw,” tiah a duengh. 10Qaihma kacoetanawk mah Jesuh to a ban thungah paekhaih ih loa a ut o pongah ni, tito Pilat mah hoihdak ta-ah panoek.
11To-e Pilat mah Barabbas to prawtsak hanah qaihma kacoetanawk mah mipui to pacuek o zawh boah. 12Pilat mah mipui khaeah, “Totibaloa Judah sangpahrang na ti o ih hae kawbangmaw ka sak han na koeh o?” tiah a duengh let bae.
13Anihcae mah, “Kraws ah takhing ah!” tiah a hangh o.
14Pilat mah, “Ti zaehaih ih maw a sak?” tiah a duengh let bae.
Anihcae boih mah, “Kraws ah takhing ah!” tiah a hangh o aep aep.
15Pilat mah mipui ih palung to amrimsak hanah koeh pongah Barabbas to a prawt pae. Topacoengah Jesuh to a bohsak moa kraws ah takhing hanah a paek boah.
Risanawk Mah Tamhnuih Lok Sak O Haih
(Mat 27:27-31; Jhn 19:2-3)
16Risanawk mah Jesuh to ukkung angraeng ih im salong thungah akun o haih moa mipui kalahnawk doeh a kawk cu. 17Jesuh loa kahni kathim to angkhuksak, khring hoiah lumuek to a sak o moa angmueksak o. 18Topacoengah salaam a paek o moa, “Judah sangpahrang, hingqui sawk na soe!” tiah a naa o. 19A lu ah to cungpraek hoiah a boh o, tamtui pathoih thuih o, khokkhu to samkrawn o moa a hma-ah a lu to tongkhum o. 20Totiah pacaekhlaek o pacoeng na-ah kahni kathim angkhuk o sak ih to khringh pae o moa angmah ih kahni to angkhuksak o let. Topacoengah kraws nuiah takhing hanah a caeh o haih.
Jesuh Takhing O
(Mat 27:32-44; Luk 23:26-43; Jhn 19:17-27)
21Loklam ah kami longto ahmin Simon, vangca bang hoitoah vangpui thungah kangzo to angqum o, risanawk mah a naeh o moa Jesuh ih kraws to aputsak o. (Simon loa Sairin vang ih kami ah oh moa Alekzandar hoi Rufas hnit ih ampa ni).#Rom 16:13 22Jesuh loa Golgotha naa pae ih hmuenh ah a phak o haih. Golgotha ti ih ahlongrui loa “Luhuh hmuenh” tihaih ih ni. 23Toah misurtui, murrah naa pae ih tuisi hoiah abaeh ih to a tuih o, to-e naek han koeh ai. 24Topacoengah kraws ah takhing o moa kahni to amzet o, kawbatih to vai coe tih tito panoek hanah qoihcung azuh o.#Sam 22:18 25Akhawnbang nitue takawtto na-ah kraws ah takhing o. 26A zaenethaih ca bet o ih loa, “Judah Sangpahrang,” tiah tarik o. 27Jesuh hoiah nawnto ah kamqu longhnetto, a bantang ah longto, banqoi bangah longto takhing o toengh.
28(Totiah to Cabu Kacai mah, “Kami kazaenawk khaeah a paa bo toeng,” a ti ih to acung.#Isa 53:12) 29Ka caeh thuk tahang kaminawk mah doeh lu to a haek o thuih moa Jesuh to pacaekhlaek o: “Haha! Tempal loa na phraek moa ni thumto thungah na sak let tangak hae loa!#Sam 22:7; 109:25; Mrk 14:58; Jhn 2:19 30Vaihi kraws nui hoiah sakra tathuk loa nangmah hoi nangmah to amhlong khae!” tiah padaeng o.
31Tobatih toengah qaihma kacoetanawk hoi Tawklok patukkungnawk mah, “Mi kalahnawk to pahlong e angmah to loa amhlong thaih ai pui! 32Israel sangpahrang Messiah to kraws nui hoitoah kang hum to vaihiah hnuh o noek sih, totih nahaeloa aicae mah taang o tih ca,” tiah longto hoi longto a thuih o moa padaeng o.
Jesuh hoiah nawnto kraws ah takhing ih longhnetto hnit mah doeh pahnuih thuih hoi.
Jesuh Duekhaih
(Mat 27:45-56; Luk 23:44-49; Jhn 19:28-30)
33Athun ah longprae bum boih ah vinghaih mah nitue thumto thung a khuk boih. 34Duembang nitue thumto na-ah Jesuh loa khoepui ah, “Eloi, Eloi, lema sabakthani?” tiah a hangh, a thuihkoehhaih loa, “Ka Sithaw, ka Sithaw, tipongmaw nang caehtak?” tihaih ih ni.#Sam 22:1
35Toah kaom thoemto mah a thaih o moa, “Tahngai oah, Elijah to a kawk!” tiah a ti o. 36Kami longto angcawnh moa hniiprawn to misurtui kathaaw thungah nup moa cungkui tadong ah komh moa Jesuh ih pahnii ah bah pae moa, “Zing o rae ah! Kraws nui hoiah khringh pae hanah Elijah to angzo hoi angzo ai to khen o rae si,” tiah a ti o.#Sam 69:21
37Jesuh loa khoeh puiah ahaam moa palungqui to a pet.
38Topacoeng hoiloa Tempal kahnizang ih to ranuibang hoitoah ahlimbang khoekto hnetto ah angsih thang.#Exo 26:31-33 39Toah kraws hma-ah kangdoe risa angraeng mah Jesuh to kawbangmaw a duek tito a hnuk na-ah,#15:39 A duek tihae thoemto banrikcabu ah loa a hangh moa a duek tiah a oh. “Hi kami hae Sithaw Capa tangtang ni!” a tih.
40Toah kaom nongpui thoemto loa kahla hoitoah a danh o. Tonawk thungah to Meri Magdalin, Jaem kanauk hoi Joseph hnit ih amno Meri, hoi Salom cae ni.#Luk 8:2-3 41Anihcae loa Jesuh to Galili prae ah a oh nathuemah a hnukah baang o moa abom ahlom o vaih boah. Anih hoiah nawnto Jerusalem hoitoah kangzo kalah nongpuinawk doeh toah to a oh o toengh.
Jesuh Aphumhaih
(Mat 27:57-61; Luk 23:50-56; Jhn 19:38-42)
42A duembang ngan ah oh boah moa Arimathea vang ih Joseph to ang phak. 43Anih loa lokcaekhaih kawngsi thungih khangza kaom longto ah oh toeng moa Sithaw Poenghaih kangzo han to ka zing kami ni. Ato ni loa aroephaih ih ani ni (To ni loa Sabbath phak ai nahlan, zangduem to ni). Topongah Joseph loa misa hoihhaih hoiah Pilat khaeah akun moa Jesuh ih qok to a hnik. 44Pilat loa Jesuh a duek boah, tito a thaih na-ah a dawnrai phi. Risa angraeng to a kawk moa, “Jesuh a duekhaih to akraa boah maw?” tiah a duengh. 45A duek boah tito risa angraeng mah a thuih ih lok to a thaih pacoengah Pilat mah Jesuh ih qok to na lak thaih, tiah Joseph to a thuih pae. 46Joseph loa kahni naemding to a qanh, Jesuh qok to a khringh moa kahni hoiah abam pacoengah sathaeng hlung thuk ih taprong hlungkhaw thungah a up. Topacoengah taprong akhaw to hlungtampae kalenpui hoiah a khah khoep. 47Meri Magdalin hoi Joseph amno Meri hnit doeh ka hnai ah khet hoi toengh moa Jesuh qok aphumhaih ih to a hnuk hoi.
Currently Selected:
MARKA 15: AKNT2023
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.
MARKA 15
15
Pilat Khaeah Jesuh Ahoih O
(Mat 27:1-2,11-14; Luk 23:1-5; Jhn 18:28-38)
1Akhawnbang khawnthaw ah qaihma kacoetanawk loa kacoetanawk, Tawklok patukkungnawk hoi lokcaekhaih kawngsi ah ka omnawk boih hoiah karang ah angqum o moa lok aram o. Jesuh to sumqui hoiah pahlet o, a caeh o haih moa Pilat ban thungah a paek o. 2Pilat mah anih khaeah, “Nang loa Judah sangpahrang maw?” tiah a duengh.
Jesuh mah, “Na thuih ih batiah a oh,” tiah a naa.
3Qaihma kacoetanawk mah Jesuh to zaehaih zetpui a net o, 4Topongah Pilat mah anih khaeah, “Na pathim ai maw? Zae angnethaih o ihnawk boiboih hae tahngai e!” tiah a naa let bae.
5Jesuh loa lok pakhato doeh apaeh han koeh ai toengtoeng moa Pilat loa a dawnrai sut.
Jesuh Hum Han Lok Takroek O
(Mat 27:15-26; Luk 23:13-25; Jhn 18:39—19:16)
6Takantak Poi kruekah Pilat mah thongim ka krah longlongto mipui mah hnik ih to a prawt toemtoem. 7Ato nathuemah Barabbas a naa pae o ih, misa angthawk na-ah kami ka hum to misa kangthawkkung kalahnawk hoiah thongim ah angung o. 8Mipui loa amkhueng o moa sak noek batiah thongkrah loihsak han to Pilat khaeah a hnik o. 9Anih mah, “Judah Sangpahrang hae kang prawt pae o han na koeh o maw,” tiah a duengh. 10Qaihma kacoetanawk mah Jesuh to a ban thungah paekhaih ih loa a ut o pongah ni, tito Pilat mah hoihdak ta-ah panoek.
11To-e Pilat mah Barabbas to prawtsak hanah qaihma kacoetanawk mah mipui to pacuek o zawh boah. 12Pilat mah mipui khaeah, “Totibaloa Judah sangpahrang na ti o ih hae kawbangmaw ka sak han na koeh o?” tiah a duengh let bae.
13Anihcae mah, “Kraws ah takhing ah!” tiah a hangh o.
14Pilat mah, “Ti zaehaih ih maw a sak?” tiah a duengh let bae.
Anihcae boih mah, “Kraws ah takhing ah!” tiah a hangh o aep aep.
15Pilat mah mipui ih palung to amrimsak hanah koeh pongah Barabbas to a prawt pae. Topacoengah Jesuh to a bohsak moa kraws ah takhing hanah a paek boah.
Risanawk Mah Tamhnuih Lok Sak O Haih
(Mat 27:27-31; Jhn 19:2-3)
16Risanawk mah Jesuh to ukkung angraeng ih im salong thungah akun o haih moa mipui kalahnawk doeh a kawk cu. 17Jesuh loa kahni kathim to angkhuksak, khring hoiah lumuek to a sak o moa angmueksak o. 18Topacoengah salaam a paek o moa, “Judah sangpahrang, hingqui sawk na soe!” tiah a naa o. 19A lu ah to cungpraek hoiah a boh o, tamtui pathoih thuih o, khokkhu to samkrawn o moa a hma-ah a lu to tongkhum o. 20Totiah pacaekhlaek o pacoeng na-ah kahni kathim angkhuk o sak ih to khringh pae o moa angmah ih kahni to angkhuksak o let. Topacoengah kraws nuiah takhing hanah a caeh o haih.
Jesuh Takhing O
(Mat 27:32-44; Luk 23:26-43; Jhn 19:17-27)
21Loklam ah kami longto ahmin Simon, vangca bang hoitoah vangpui thungah kangzo to angqum o, risanawk mah a naeh o moa Jesuh ih kraws to aputsak o. (Simon loa Sairin vang ih kami ah oh moa Alekzandar hoi Rufas hnit ih ampa ni).#Rom 16:13 22Jesuh loa Golgotha naa pae ih hmuenh ah a phak o haih. Golgotha ti ih ahlongrui loa “Luhuh hmuenh” tihaih ih ni. 23Toah misurtui, murrah naa pae ih tuisi hoiah abaeh ih to a tuih o, to-e naek han koeh ai. 24Topacoengah kraws ah takhing o moa kahni to amzet o, kawbatih to vai coe tih tito panoek hanah qoihcung azuh o.#Sam 22:18 25Akhawnbang nitue takawtto na-ah kraws ah takhing o. 26A zaenethaih ca bet o ih loa, “Judah Sangpahrang,” tiah tarik o. 27Jesuh hoiah nawnto ah kamqu longhnetto, a bantang ah longto, banqoi bangah longto takhing o toengh.
28(Totiah to Cabu Kacai mah, “Kami kazaenawk khaeah a paa bo toeng,” a ti ih to acung.#Isa 53:12) 29Ka caeh thuk tahang kaminawk mah doeh lu to a haek o thuih moa Jesuh to pacaekhlaek o: “Haha! Tempal loa na phraek moa ni thumto thungah na sak let tangak hae loa!#Sam 22:7; 109:25; Mrk 14:58; Jhn 2:19 30Vaihi kraws nui hoiah sakra tathuk loa nangmah hoi nangmah to amhlong khae!” tiah padaeng o.
31Tobatih toengah qaihma kacoetanawk hoi Tawklok patukkungnawk mah, “Mi kalahnawk to pahlong e angmah to loa amhlong thaih ai pui! 32Israel sangpahrang Messiah to kraws nui hoitoah kang hum to vaihiah hnuh o noek sih, totih nahaeloa aicae mah taang o tih ca,” tiah longto hoi longto a thuih o moa padaeng o.
Jesuh hoiah nawnto kraws ah takhing ih longhnetto hnit mah doeh pahnuih thuih hoi.
Jesuh Duekhaih
(Mat 27:45-56; Luk 23:44-49; Jhn 19:28-30)
33Athun ah longprae bum boih ah vinghaih mah nitue thumto thung a khuk boih. 34Duembang nitue thumto na-ah Jesuh loa khoepui ah, “Eloi, Eloi, lema sabakthani?” tiah a hangh, a thuihkoehhaih loa, “Ka Sithaw, ka Sithaw, tipongmaw nang caehtak?” tihaih ih ni.#Sam 22:1
35Toah kaom thoemto mah a thaih o moa, “Tahngai oah, Elijah to a kawk!” tiah a ti o. 36Kami longto angcawnh moa hniiprawn to misurtui kathaaw thungah nup moa cungkui tadong ah komh moa Jesuh ih pahnii ah bah pae moa, “Zing o rae ah! Kraws nui hoiah khringh pae hanah Elijah to angzo hoi angzo ai to khen o rae si,” tiah a ti o.#Sam 69:21
37Jesuh loa khoeh puiah ahaam moa palungqui to a pet.
38Topacoeng hoiloa Tempal kahnizang ih to ranuibang hoitoah ahlimbang khoekto hnetto ah angsih thang.#Exo 26:31-33 39Toah kraws hma-ah kangdoe risa angraeng mah Jesuh to kawbangmaw a duek tito a hnuk na-ah,#15:39 A duek tihae thoemto banrikcabu ah loa a hangh moa a duek tiah a oh. “Hi kami hae Sithaw Capa tangtang ni!” a tih.
40Toah kaom nongpui thoemto loa kahla hoitoah a danh o. Tonawk thungah to Meri Magdalin, Jaem kanauk hoi Joseph hnit ih amno Meri, hoi Salom cae ni.#Luk 8:2-3 41Anihcae loa Jesuh to Galili prae ah a oh nathuemah a hnukah baang o moa abom ahlom o vaih boah. Anih hoiah nawnto Jerusalem hoitoah kangzo kalah nongpuinawk doeh toah to a oh o toengh.
Jesuh Aphumhaih
(Mat 27:57-61; Luk 23:50-56; Jhn 19:38-42)
42A duembang ngan ah oh boah moa Arimathea vang ih Joseph to ang phak. 43Anih loa lokcaekhaih kawngsi thungih khangza kaom longto ah oh toeng moa Sithaw Poenghaih kangzo han to ka zing kami ni. Ato ni loa aroephaih ih ani ni (To ni loa Sabbath phak ai nahlan, zangduem to ni). Topongah Joseph loa misa hoihhaih hoiah Pilat khaeah akun moa Jesuh ih qok to a hnik. 44Pilat loa Jesuh a duek boah, tito a thaih na-ah a dawnrai phi. Risa angraeng to a kawk moa, “Jesuh a duekhaih to akraa boah maw?” tiah a duengh. 45A duek boah tito risa angraeng mah a thuih ih lok to a thaih pacoengah Pilat mah Jesuh ih qok to na lak thaih, tiah Joseph to a thuih pae. 46Joseph loa kahni naemding to a qanh, Jesuh qok to a khringh moa kahni hoiah abam pacoengah sathaeng hlung thuk ih taprong hlungkhaw thungah a up. Topacoengah taprong akhaw to hlungtampae kalenpui hoiah a khah khoep. 47Meri Magdalin hoi Joseph amno Meri hnit doeh ka hnai ah khet hoi toengh moa Jesuh qok aphumhaih ih to a hnuk hoi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.