MARKA 7
7
Saezanawk Ih Patukhaih
(Mat 15:1-9)
1Jerusalem vangpui hoitoah kangzo Farasi thoemto hoi Tawklok patukkung thoemto to Jesuh khaeah paqaih o. 2A hnukbang thoemtonawk loa ka thoengkai ai ban tiah naa pae o ih tui hoiah amsaeh ai ih ban hoiah buh ka caa to a hnuk o na-ah a prong o.
3(Kawmawtiah Farasi kaminawk hoi Judah kami kalahnawk mah doehsoe amsae amzanawk mah patukhaih ih to hoihdak ta-ah pazui o; a tawk batiah ban amsae ai baloa buh caa o ai; 4Vawnsai zawhhaih hmuenh ah qanh ih hmuen tiboih doeh pasaeh hmaloe rae aialoa cak han koeh o ai. Tokhueh aiah amsae amzanawk mah patuk o ih kalah kalah, boengloeng, laom, rahumngan sabae hoi iihkroeng pasaeh tawknawk hae doeh pazui o.)
5Topongah Farasinawk hoi Tawklok patukkungnawk mah Jesuh khaeah, “Tipongmaw na hnukbangnawk mah saezanawk mah patukhaih ih tawk to pazui o aiah ban amsaeh aiah buh a cak o halat?” tiah a naa o.
6Jesuh mah, “Tahma Isaiah mah nangcae ih kawng a thuih to ahmaan tangtang! Nangcae laiha kaminawk, nangcae kawng loa hitiah tarik:#Isa 29:13
Sithaw mah, ‘Hi kaminawk mah a lok khueh hoiah khangza o,
to-e palungthin loa kai hoitoah anghla tangtang.
7Kai ang bok o hae azompui ni,
kawmawtiah kami mah sakhmang ih tawk to
Sithaw mah paek ih tawklok batih toengah patuk pae o,’ a tih.
8“Nangcae loa Sithaw ih lokpaek to takhoe o sut moa kami mah patukhaih ih to na tahngaih o lat.” tiah a naa.
9Moa Jesuh mah lok patom bae moa, “Nangmahcae patukhaih ih to na caksak o moa Sithaw ih lokpaek tahnawng loa na kop o parai! 10Kawmawtiah Mosi mah lokpaek ih thungah loa, ‘Nam no hoi nam pa khangza oh,’ tihoi ‘Ami doeh amno doehsoe, ampa doehsoe ka tangoeng to loa paduek han oh,’ tiah a oh.#Exo 20:12; 21:17; Lev 20:9; Deut 5:16 11To-e nangcae mah loa ‘Kami longto mah amno hoi ampa to: Nangcae abom hanah ka ti ih hmuen loa Korban (Korban ti ih loa Sithaw ih ni tihaih ih ni) hae ni, a ti baloa, 12to kami loa amno hoi ampa abomhaih to loih,’ tiah na thuih o. 13Hibatiah minawk kalah to na patuk o patoenghaih ih mah hae Sithaw lok to a phraek boih. Moa tobatiah na sak o ih hmuen kalah doeh a oh mang vop,” tiah a naa pae.
Kami Kamhnongsak kung Hmuen
(Mat 15:10-20)
14Topacoengah mipui to a kawk let bae moa anihcae khaeah, “Nangcae boih mah ka lokthuih ih hae tahngai oloa thaihkop oah. 15Kami hae tasabang hoitoah ka kun mah tidoeh amhnongsak ih om ai. Athungbang hoitoah ka tacawt mah ni amhnongsak lat. 16(Topongah thaihhaih naa na tawnh o nahaeloa thaih oah),” tiah a naa.
17Jesuh mah mipuinawk to a caehtak moa im thungah akun na-ah a hnukbangnawk mah ato thuih ih ahlong arui to thuih hanah pacae o. 18Jesuh mah, “Mi kalahnawk pongdoeh na cing o takren ai hae loa! Na thaihkop o ai maw? Tasabang hoitoah a thungah ka kun mah kami to amhnongsak thaih ai, 19kawmawtiah ato hmuen loa palungthin thungah akun ai moa zok thungah ni loa akun moa paelaep ah tacawt let,” tiah a naa. (Hitiah Jesuh mah a thuih na-ah hae caknaek boiboih loa cak hanah a krak, tiah thuihkoehhaih ih ni).
20Anih mah a thuih pae bae moa, “Kami tako thung hoi-ih ka tacawt mah ni kami hae amhnongsak. 21Kawmawtiah kahoih ai dawnhaih ihnawk hae kami ih athungbang palungthin thung hoitoah ka tacawt ni: Nongpui hoi nongpa zaehaih, amqukhaih, kami humhaih, 22pazang sakhaih, kaoeloe koehhaih, boesethaih, lingmahaih, Kahoih ai hmuen cungri sakhaih, uthaih, pronghaih, amoekhaih, amthu amhlonghaih, 23hi hmuen kahoih ainawk boih hae kami ih athungbang hoitoah ka tacawt moa hinawk mah hae kami to amhnongsak,” tiah a naa.
Nongpui Longto Ih Taanghaih
(Mat 15:21-28)
24Topacoengah Jesuh loa tacawt moa Taiar prae ah to a caeh. Im maeto thungah akun moa toah oh tito mita doeh panoeksak han koeh ai, to-e anghawk hmoek thaih ai. 25Nongpui longto, a canu taqawk mah a naeh ih to mah Jesuh ih tamthang a thaih na-ah karang ah angzoh moa a khokkung ah to tabok. 26Ato nongpui to loa Gentel kami ah oh moa Siria prae Fonisia prae ih ka tacawt ni. Ato nongpui mah a canu thungih taqawk to pathok pae hanah Jesuh khaeah tahmenhaih a hnik. 27To-e Jesuh mah, “Buh loa caanawk to paek o hmaloe sih. Caanawk ih buh lak pae ving moa uinawk paek pae ving hae amsoem ai,” tiah a naa.
28To nongpui mah, “Ahlong, Angraeng, caanawk ih caknoi loa caboi hlimah kaom uinawk mah doeh a cak o bae loa,” tiah a naa pae.
29Topongah Jesuh mah, “Totiah na pathim thaih pongah im ah amlaem aloa na canu thungih taqawk loa tacawt boah tito na hnuh tih,” tiah a naa.
30Anih loa im ah amlaem moa a canu loa iihkroeng ah kangsong to a hnuk; taqawk loa anih ih thung hoito tacawt tangtang.
Naapang Lok-aa A Hoihsak
31Topacoengah Jesuh loa Taiar prae to tacawt tak, Vang Hato naa pae ih Dekapolis prae ah caeh pat moa Sidon hoitoah Galili Tuili ah to caeh. 32Kami thoemto mah anih khaeah naa kapang moa lok doeh ka pae thaih ai longto angzoh o haih, a lu nuiah Jesuh mah a ban koeng pae hanah pacae o. 33Topongah Jesuh mah mipui khae hoitoah kahla ah a caeh haih moa a banpazung hoiah a naa khaw to tapawh pae; tamtui to nok moa palai to a sui pae. 34Topacoengah Jesuh loa van bangah a doeng tahang, khoeh puiah ahaam moa ato nongpa khaeah, “Effatha,” tiah a naa. A thuihkoehhaih ih loa “Am-ong ah,” tihaih ih ni.
35Vaipang ah ato nongpa loa lok apaeh thaih roep, palai doeh amnae pae moa raihaih om aiah hoihdak ta-ah apaeh thaih. 36Topacoengah Jesuh mah ato kawng to mita khaeah doeh thuih han aiah lok a paek; to-e thuih han aiah lok a paek o e a thuih o aep aep. 37Moa ka thaih kami boiboih mah a dawnrai o toktok. “A sak ih boih loa natanmaw a hoih! Naapangnawk doeh naa a khawsak moa lok-aanawk doeh lok apaehsak thaih,” tiah pakoeh o.
Currently Selected:
MARKA 7: AKNT2023
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.
MARKA 7
7
Saezanawk Ih Patukhaih
(Mat 15:1-9)
1Jerusalem vangpui hoitoah kangzo Farasi thoemto hoi Tawklok patukkung thoemto to Jesuh khaeah paqaih o. 2A hnukbang thoemtonawk loa ka thoengkai ai ban tiah naa pae o ih tui hoiah amsaeh ai ih ban hoiah buh ka caa to a hnuk o na-ah a prong o.
3(Kawmawtiah Farasi kaminawk hoi Judah kami kalahnawk mah doehsoe amsae amzanawk mah patukhaih ih to hoihdak ta-ah pazui o; a tawk batiah ban amsae ai baloa buh caa o ai; 4Vawnsai zawhhaih hmuenh ah qanh ih hmuen tiboih doeh pasaeh hmaloe rae aialoa cak han koeh o ai. Tokhueh aiah amsae amzanawk mah patuk o ih kalah kalah, boengloeng, laom, rahumngan sabae hoi iihkroeng pasaeh tawknawk hae doeh pazui o.)
5Topongah Farasinawk hoi Tawklok patukkungnawk mah Jesuh khaeah, “Tipongmaw na hnukbangnawk mah saezanawk mah patukhaih ih tawk to pazui o aiah ban amsaeh aiah buh a cak o halat?” tiah a naa o.
6Jesuh mah, “Tahma Isaiah mah nangcae ih kawng a thuih to ahmaan tangtang! Nangcae laiha kaminawk, nangcae kawng loa hitiah tarik:#Isa 29:13
Sithaw mah, ‘Hi kaminawk mah a lok khueh hoiah khangza o,
to-e palungthin loa kai hoitoah anghla tangtang.
7Kai ang bok o hae azompui ni,
kawmawtiah kami mah sakhmang ih tawk to
Sithaw mah paek ih tawklok batih toengah patuk pae o,’ a tih.
8“Nangcae loa Sithaw ih lokpaek to takhoe o sut moa kami mah patukhaih ih to na tahngaih o lat.” tiah a naa.
9Moa Jesuh mah lok patom bae moa, “Nangmahcae patukhaih ih to na caksak o moa Sithaw ih lokpaek tahnawng loa na kop o parai! 10Kawmawtiah Mosi mah lokpaek ih thungah loa, ‘Nam no hoi nam pa khangza oh,’ tihoi ‘Ami doeh amno doehsoe, ampa doehsoe ka tangoeng to loa paduek han oh,’ tiah a oh.#Exo 20:12; 21:17; Lev 20:9; Deut 5:16 11To-e nangcae mah loa ‘Kami longto mah amno hoi ampa to: Nangcae abom hanah ka ti ih hmuen loa Korban (Korban ti ih loa Sithaw ih ni tihaih ih ni) hae ni, a ti baloa, 12to kami loa amno hoi ampa abomhaih to loih,’ tiah na thuih o. 13Hibatiah minawk kalah to na patuk o patoenghaih ih mah hae Sithaw lok to a phraek boih. Moa tobatiah na sak o ih hmuen kalah doeh a oh mang vop,” tiah a naa pae.
Kami Kamhnongsak kung Hmuen
(Mat 15:10-20)
14Topacoengah mipui to a kawk let bae moa anihcae khaeah, “Nangcae boih mah ka lokthuih ih hae tahngai oloa thaihkop oah. 15Kami hae tasabang hoitoah ka kun mah tidoeh amhnongsak ih om ai. Athungbang hoitoah ka tacawt mah ni amhnongsak lat. 16(Topongah thaihhaih naa na tawnh o nahaeloa thaih oah),” tiah a naa.
17Jesuh mah mipuinawk to a caehtak moa im thungah akun na-ah a hnukbangnawk mah ato thuih ih ahlong arui to thuih hanah pacae o. 18Jesuh mah, “Mi kalahnawk pongdoeh na cing o takren ai hae loa! Na thaihkop o ai maw? Tasabang hoitoah a thungah ka kun mah kami to amhnongsak thaih ai, 19kawmawtiah ato hmuen loa palungthin thungah akun ai moa zok thungah ni loa akun moa paelaep ah tacawt let,” tiah a naa. (Hitiah Jesuh mah a thuih na-ah hae caknaek boiboih loa cak hanah a krak, tiah thuihkoehhaih ih ni).
20Anih mah a thuih pae bae moa, “Kami tako thung hoi-ih ka tacawt mah ni kami hae amhnongsak. 21Kawmawtiah kahoih ai dawnhaih ihnawk hae kami ih athungbang palungthin thung hoitoah ka tacawt ni: Nongpui hoi nongpa zaehaih, amqukhaih, kami humhaih, 22pazang sakhaih, kaoeloe koehhaih, boesethaih, lingmahaih, Kahoih ai hmuen cungri sakhaih, uthaih, pronghaih, amoekhaih, amthu amhlonghaih, 23hi hmuen kahoih ainawk boih hae kami ih athungbang hoitoah ka tacawt moa hinawk mah hae kami to amhnongsak,” tiah a naa.
Nongpui Longto Ih Taanghaih
(Mat 15:21-28)
24Topacoengah Jesuh loa tacawt moa Taiar prae ah to a caeh. Im maeto thungah akun moa toah oh tito mita doeh panoeksak han koeh ai, to-e anghawk hmoek thaih ai. 25Nongpui longto, a canu taqawk mah a naeh ih to mah Jesuh ih tamthang a thaih na-ah karang ah angzoh moa a khokkung ah to tabok. 26Ato nongpui to loa Gentel kami ah oh moa Siria prae Fonisia prae ih ka tacawt ni. Ato nongpui mah a canu thungih taqawk to pathok pae hanah Jesuh khaeah tahmenhaih a hnik. 27To-e Jesuh mah, “Buh loa caanawk to paek o hmaloe sih. Caanawk ih buh lak pae ving moa uinawk paek pae ving hae amsoem ai,” tiah a naa.
28To nongpui mah, “Ahlong, Angraeng, caanawk ih caknoi loa caboi hlimah kaom uinawk mah doeh a cak o bae loa,” tiah a naa pae.
29Topongah Jesuh mah, “Totiah na pathim thaih pongah im ah amlaem aloa na canu thungih taqawk loa tacawt boah tito na hnuh tih,” tiah a naa.
30Anih loa im ah amlaem moa a canu loa iihkroeng ah kangsong to a hnuk; taqawk loa anih ih thung hoito tacawt tangtang.
Naapang Lok-aa A Hoihsak
31Topacoengah Jesuh loa Taiar prae to tacawt tak, Vang Hato naa pae ih Dekapolis prae ah caeh pat moa Sidon hoitoah Galili Tuili ah to caeh. 32Kami thoemto mah anih khaeah naa kapang moa lok doeh ka pae thaih ai longto angzoh o haih, a lu nuiah Jesuh mah a ban koeng pae hanah pacae o. 33Topongah Jesuh mah mipui khae hoitoah kahla ah a caeh haih moa a banpazung hoiah a naa khaw to tapawh pae; tamtui to nok moa palai to a sui pae. 34Topacoengah Jesuh loa van bangah a doeng tahang, khoeh puiah ahaam moa ato nongpa khaeah, “Effatha,” tiah a naa. A thuihkoehhaih ih loa “Am-ong ah,” tihaih ih ni.
35Vaipang ah ato nongpa loa lok apaeh thaih roep, palai doeh amnae pae moa raihaih om aiah hoihdak ta-ah apaeh thaih. 36Topacoengah Jesuh mah ato kawng to mita khaeah doeh thuih han aiah lok a paek; to-e thuih han aiah lok a paek o e a thuih o aep aep. 37Moa ka thaih kami boiboih mah a dawnrai o toktok. “A sak ih boih loa natanmaw a hoih! Naapangnawk doeh naa a khawsak moa lok-aanawk doeh lok apaehsak thaih,” tiah pakoeh o.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Asang Khongso New Testament in Eastern Khumi © Bible Society of Myanmar, 2023.