Iindumiso Iindumiso 97

Iindumiso 97

Nina nithanda uYehova, kuthiyeni ububi

1uYehova ngukumkani; malibe nemihlali ihlabathi; izihlwele zaseziqithini mazivuye.

2Ngamafu nesithokothoko ngeenxa zonke kuye, ubulungisa nokusesikweni zisakha itrone yakhe.

3Kuphuma umlilo phambi kwakhe uze utshise iintshaba zakhe kuyo yonke indawo.

4Ikhanyisa elimiweyo imibane yakhe, Labona elimiweyo, lanyikima.

5Iintaba zanyibilika njengomthwebeba phambi koYehova, Phambi kweNkosi yehlabathi lonke.

6Izulu lixela ubulungisa bakhe, Zibubone ubuqaqawuli bakhe zonke iintlanga.

7Badanile bonke abakhonza umfanekiso oqingqiweyo, Abaqhayisa ngeento ezingento; mnquleni, nonke oothixo.

8Ivile iZiyon, yavuya; yaye iintombi zakwaYuda zigcobe ngezigwebo zakho, Yehova!

9Kuba wena, Yehova, ungaphezu kwehlabathi lonke, ungaphezu koothixo bonke.

10Nina nithanda uYehova, kuthiyeni okubi; Ulondoloza umphefumlo wabo bamthandayo; Uyabasindisa esandleni sabangendawo.

11Ukukhanya kuhlwayelwe ilungisa, Uvuyo luhlwayelelwe abantliziyo zithe tye.

12Vuyani ngoYehova, nina malungisa; kwaye masibe nombulelo ngokukhumbula uzuko lwakhe.

Currently Selected:

Iindumiso Iindumiso 97: CXB24

Highlight

Copy

Want to have your highlights saved across all your devices? Sign up or sign in

Contemporary Xhosa Bible