Luke 17
17
Dibi ne kokolu
1Sesu ayambile bayikitsi baandi re: «Makyesi mootsu gugubilenge maambu makelagisenge batu mu mabi. Te maguge gu yandi wukelagise mbaatsi mu mo. 2Mutu wene bweedi adwiisu dimanyi didinene mu digore, nuveru gu mubu mure akerelagise mutu wuganene bile ne gitu gingyenze. 3Kagu raambilanu!
Mwaane tayagu ga avagile yu dyaambu didibi, seembe yandi. Ga asiinge mbelandi, siingile yandi kokolu. 4Ga avagile yu dibi makyesi tsaambu mu wisi ne ga aruge makyesi tsaambu mu wisi muvonde yu kokolu, yisiingile yandi kokolu.»
Gitu
5Bakime bayambile Fumu re: «Koonde yetu gitu.» 6Fumu ayagule yawu re: «Yenu ga dibile ne gitu gigikyeki munoongu wumoosi ga mubi wu dilusi, yenu digurungule yambile ne mwiri wuwu re: “Tsulugu ne yende sumeme gugare mubu”, ne wo wuguyululu yenu.
Yisalu gi musalitsi
7Noonge nuyelige: wumoosi ve ganegarenu arebile ne musalitsi wukadyanzi gu banuungi vore wukakyeli biboodu. Veketutugu yandi gu banuungi, aguyambile nde re ruge nyavu muyi ve taka? 8Sanane, aguyambile musalitsi nde re: “Laambile me yilaambu gyami, kere yikeviinze bidwaari mu sunzile me kure. Vekemane me wuyi ne wunu, ve yulu vane, yikeyi ne wunu ve dyagu dikyesi.” 9Basakagabusi dinyi gu musalitsi mumbare atsedyanze ke natserumu yandi. 10Munoongu wumoosi ne yenu ga dimadyanze byootsu bitserumu yenu ne Nzambi, yambilanu re: “Yetu ke basalitsi bagane tsoongu ditsedyanze ke yisalu gyetu.”»
Sesu abeeluse digumi di batu bange makyedi
11Sesu ayende tselu yi Serusalem. Avyoge ve pwase divule di Samari ne Galilé. 12Ve nyingene yandi gu diimbu dimoosi, digumi di batu bange makyedi baruge mu beengunu naandi. Babile vale ne Sesu. 13Babwamugu re: «Sesu, Muloonzi, labe yetu dingyebe!» 14Sesu nulabe yawu, ayambile re: «Yendanu muritsige manyuru menu gu baveegitsi ba malagu.» Ve yendenge yawu, babeelugu. 15Ve labe wumoosi re amebeelugu, agabugu mu mataambi nugitse Nzambi pepe. 16Ve pule yandi ve wusu Sesu, asume makotulu, mbalenge mu mutambe nugabusile yandi dinyi. Mutu wene bile mwisi Samari. 17Ne vane, Sesu ayambile re: «Nga batu bootsu ba digumi batsebeelugu, ake yiwe gi bane batu bande gunyi? 18Gusaandi mutu wutsetaase wugabugu mu gabusile Nzambi dinyi, veengu ke mweenyi wuwu.» 19Kere vane Sesu ayambile yandi re: «Teleme, yendenge, gitu gyagu gitseyobule yu.»
Mwiitsu wu Bufumu bu Nzambi
20Bafwarisi bayubule Sesu dikyesi dikeruge Bufumu bu Nzambi. Ayagule yawu re: «Bufumu bu Nzambi busakeruge ga yivaave gikalabeni ne miisu. 21Gusakebile wisi wuke yambulu yenu re: “Bufumu bu Nzambi bwobu.” Vore: “Bwobune gunaa.” Ne vane yabanu re Bufumu bu Nzambi bukeke ve ganegarenu.»
22Kere Sesu ayambile bayikitsi re: «Gugubile dikyesi dikeroonde yenu wulabe Mwaane mutu nisi ke wisi wumoosi, te yenu disakelabe yandi. 23Ne vane, yenu diguyambulu re: “Ranaa, vore rawu!” Te yenu diyayende, diyababise yende guune. 24Yabanu re nakalabeni mukakedi gu yulu mu wutsoombuse yiveele gyandi tsoombu ne tsoombu, ne Mwaane mutu agulabunu munoongu wumoosi mu wisi wandi. 25Te wisi wene ne gi wupule, bweedi arenelabe maguge mambili nubusu ne batu ba nemunyi. 26Maambu mavyoge mu dikyesi di Nowé magubile munoongu wumoosi mu wisi wukeruge Mwaane mutu. 27Batu bayangenge ne banwangenge, bayoongenenge ne bayoongisenge baane bawu, kwanga ne mu wisi wu Nowé anyingene gu mbuungu; ne vane, nyidu yiyinene yigudise yawu bootsu. 28Maambu maguvyogenge ga navyogenge mo mu dikyesi di Lote. Batu bayangenge ne banwangenge, basuumbenge ne basuumbisenge, bavarenge ne baruungenge. 29Te wisi wuburugu Lote gu Sodome, Nzambi alaagise mamanyi ma mbaawu ga fule, ne batu bootsu bagude. 30Nane re nakevagenge batu maambu kwanga ne mu wisi wukeruge Mwaane mutu.
31Mu wisi wene, mutu wukebile gu yulu mwaanze ndagwandi ayasunde muboonge bivaave byandi, ne mutu wukebile gu banuungi ayagabugu gu ndagwandi. 32Bangulanu dyaambu divyoge mu mugatsi Lote!#17.32 Dibaandu 19.17, 26. 33Wotsu wukebene kyele monyu wandi mu tsi yi, asakedile monyu wu mubu ne mubu. Te wotsu wuketsyemuse monyu wandi mu tsi yi mu me, agudile monyu wu ngyenze. 34Mayambile yenu, mu dibati dyene, batu babeyi babakebile taangi moosi. Wumoosi aguboongu, wune agusiisu. 35Bagyetu babeyi bagurokenge baputu. Wumoosi aguboongu, wuna agusiisu. 36Babagele babeyi bagubile gu nuungi. Wumoosi aguboongu, wune agusiisu.»#17.36 Migaande mimosi misandi ne yirini gyene. 37Ne vane, bayikitsi batombe Sesu re: «Maambu mene maguvyoge nde gunyi?» Ayagule yawu re: «Ve yitsige gikabili fuumbi, vane gaandi re vakadugesene banyuunge.#17.37 Divindugulu di noongwene re: Gusaandi mutu wukerine mutsundu wu Nzambi.»
Currently Selected:
Luke 17: SNQ
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luke 17
17
Dibi ne kokolu
1Sesu ayambile bayikitsi baandi re: «Makyesi mootsu gugubilenge maambu makelagisenge batu mu mabi. Te maguge gu yandi wukelagise mbaatsi mu mo. 2Mutu wene bweedi adwiisu dimanyi didinene mu digore, nuveru gu mubu mure akerelagise mutu wuganene bile ne gitu gingyenze. 3Kagu raambilanu!
Mwaane tayagu ga avagile yu dyaambu didibi, seembe yandi. Ga asiinge mbelandi, siingile yandi kokolu. 4Ga avagile yu dibi makyesi tsaambu mu wisi ne ga aruge makyesi tsaambu mu wisi muvonde yu kokolu, yisiingile yandi kokolu.»
Gitu
5Bakime bayambile Fumu re: «Koonde yetu gitu.» 6Fumu ayagule yawu re: «Yenu ga dibile ne gitu gigikyeki munoongu wumoosi ga mubi wu dilusi, yenu digurungule yambile ne mwiri wuwu re: “Tsulugu ne yende sumeme gugare mubu”, ne wo wuguyululu yenu.
Yisalu gi musalitsi
7Noonge nuyelige: wumoosi ve ganegarenu arebile ne musalitsi wukadyanzi gu banuungi vore wukakyeli biboodu. Veketutugu yandi gu banuungi, aguyambile nde re ruge nyavu muyi ve taka? 8Sanane, aguyambile musalitsi nde re: “Laambile me yilaambu gyami, kere yikeviinze bidwaari mu sunzile me kure. Vekemane me wuyi ne wunu, ve yulu vane, yikeyi ne wunu ve dyagu dikyesi.” 9Basakagabusi dinyi gu musalitsi mumbare atsedyanze ke natserumu yandi. 10Munoongu wumoosi ne yenu ga dimadyanze byootsu bitserumu yenu ne Nzambi, yambilanu re: “Yetu ke basalitsi bagane tsoongu ditsedyanze ke yisalu gyetu.”»
Sesu abeeluse digumi di batu bange makyedi
11Sesu ayende tselu yi Serusalem. Avyoge ve pwase divule di Samari ne Galilé. 12Ve nyingene yandi gu diimbu dimoosi, digumi di batu bange makyedi baruge mu beengunu naandi. Babile vale ne Sesu. 13Babwamugu re: «Sesu, Muloonzi, labe yetu dingyebe!» 14Sesu nulabe yawu, ayambile re: «Yendanu muritsige manyuru menu gu baveegitsi ba malagu.» Ve yendenge yawu, babeelugu. 15Ve labe wumoosi re amebeelugu, agabugu mu mataambi nugitse Nzambi pepe. 16Ve pule yandi ve wusu Sesu, asume makotulu, mbalenge mu mutambe nugabusile yandi dinyi. Mutu wene bile mwisi Samari. 17Ne vane, Sesu ayambile re: «Nga batu bootsu ba digumi batsebeelugu, ake yiwe gi bane batu bande gunyi? 18Gusaandi mutu wutsetaase wugabugu mu gabusile Nzambi dinyi, veengu ke mweenyi wuwu.» 19Kere vane Sesu ayambile yandi re: «Teleme, yendenge, gitu gyagu gitseyobule yu.»
Mwiitsu wu Bufumu bu Nzambi
20Bafwarisi bayubule Sesu dikyesi dikeruge Bufumu bu Nzambi. Ayagule yawu re: «Bufumu bu Nzambi busakeruge ga yivaave gikalabeni ne miisu. 21Gusakebile wisi wuke yambulu yenu re: “Bufumu bu Nzambi bwobu.” Vore: “Bwobune gunaa.” Ne vane yabanu re Bufumu bu Nzambi bukeke ve ganegarenu.»
22Kere Sesu ayambile bayikitsi re: «Gugubile dikyesi dikeroonde yenu wulabe Mwaane mutu nisi ke wisi wumoosi, te yenu disakelabe yandi. 23Ne vane, yenu diguyambulu re: “Ranaa, vore rawu!” Te yenu diyayende, diyababise yende guune. 24Yabanu re nakalabeni mukakedi gu yulu mu wutsoombuse yiveele gyandi tsoombu ne tsoombu, ne Mwaane mutu agulabunu munoongu wumoosi mu wisi wandi. 25Te wisi wene ne gi wupule, bweedi arenelabe maguge mambili nubusu ne batu ba nemunyi. 26Maambu mavyoge mu dikyesi di Nowé magubile munoongu wumoosi mu wisi wukeruge Mwaane mutu. 27Batu bayangenge ne banwangenge, bayoongenenge ne bayoongisenge baane bawu, kwanga ne mu wisi wu Nowé anyingene gu mbuungu; ne vane, nyidu yiyinene yigudise yawu bootsu. 28Maambu maguvyogenge ga navyogenge mo mu dikyesi di Lote. Batu bayangenge ne banwangenge, basuumbenge ne basuumbisenge, bavarenge ne baruungenge. 29Te wisi wuburugu Lote gu Sodome, Nzambi alaagise mamanyi ma mbaawu ga fule, ne batu bootsu bagude. 30Nane re nakevagenge batu maambu kwanga ne mu wisi wukeruge Mwaane mutu.
31Mu wisi wene, mutu wukebile gu yulu mwaanze ndagwandi ayasunde muboonge bivaave byandi, ne mutu wukebile gu banuungi ayagabugu gu ndagwandi. 32Bangulanu dyaambu divyoge mu mugatsi Lote!#17.32 Dibaandu 19.17, 26. 33Wotsu wukebene kyele monyu wandi mu tsi yi, asakedile monyu wu mubu ne mubu. Te wotsu wuketsyemuse monyu wandi mu tsi yi mu me, agudile monyu wu ngyenze. 34Mayambile yenu, mu dibati dyene, batu babeyi babakebile taangi moosi. Wumoosi aguboongu, wune agusiisu. 35Bagyetu babeyi bagurokenge baputu. Wumoosi aguboongu, wuna agusiisu. 36Babagele babeyi bagubile gu nuungi. Wumoosi aguboongu, wune agusiisu.»#17.36 Migaande mimosi misandi ne yirini gyene. 37Ne vane, bayikitsi batombe Sesu re: «Maambu mene maguvyoge nde gunyi?» Ayagule yawu re: «Ve yitsige gikabili fuumbi, vane gaandi re vakadugesene banyuunge.#17.37 Divindugulu di noongwene re: Gusaandi mutu wukerine mutsundu wu Nzambi.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES