Marko 15
15
E jevrejengere vođe tužinena e Isuse ko Pilat
1Odmah sabajle, o šerutne sveštenici, o starešine hem o učitelja e Zakonestar hem sa o sabor ande odluka, i phandle e Isuse, legarde le hem dinde le ko Pilat.
2I o Pilat pučlja le: “Tu li injan o caro e Jevrejengoro?”
A o Isus phenđa: “Ađahari sar so pheneja.” 3A o šerutne sveštenici lelje te tužinen le zako but so.
4Tegani o Pilat palem pučlja le: “Tut li nane so te phene ko adava? Dikheja li zako so tut sa tužinena?”
5Ali o Isus ništa na phenđa, i o Pilat but začudinđa pe.
O Pilat ćerela e narodosiri volja ađahar so osudini e Isuse ko meriba
6A o Pilat ko prazniko Pasha mukela ine e narodose jekhe phandle Jevrejco kole on mangle. 7Tegani ano phandlipe, e pobunjenikonencar kola mudarde ani pobuna, inele hem o manuš vičime Varava. 8O narodo alo, i lelja te rodel e Pilatestar, palo lesoro adeti, te mukel lenđe jekhe phandle.
9A o Pilat pučlja len: “Mangena li te mukav tumenđe e jevrejengere caro?” 10Adalese so džanđa so o šerutne sveštenici e Isuse predinde tari zavist. 11Ali o šerutne sveštenici pherde e narodo te roden te mukel lenđe e Varava, umesto e Isuse.
12A o Pilat palem pučlja len: “A so mangena te ćerav akaleja kole vičinena caro e jevrejengoro?”
13A on vičinde: “Čhiv le ko krsto!”
14A o Pilat pučlja len: “A savo bišukaripe ćerđa?”
Ali on pana po zorale vičinde: “Čhiv le ko krsto!”
15I o Pilat, mangindoj te ćerel e narodosiri volja, muklja lenđe e Varava, a e Isuse dinđa ko vojnici te šibinen le hem palo adava te čhiven le ko krsto.
O vojnici marena muj e Isuseja
16I o vojnici legarde e Isuse ki e Pilatesiri palata, ko Pretorijum, i čedinde sa i četa e vojnikonendar. 17Urjavde le ano lolo ogrtači, ćerde kruna oto kare hem čhivde lese ko šero, 18i lelje te maren muj oleja vaćerindoj: “Te ove sasto e jevrejengere carona!” 19I khuvena le ine e trskaja ko šero, čhungarena le ine hem perena anglo leste ko kočija sar te ćeren pe da slavinena le. 20I palo adava so marde muj oleja, huljavde lestar o lolo ogrtači, hem urjavde le lesere šeja, i legarde le avri te čhiven le ko krsto.
E Isuse čhivena ko krsto
21A jekhe manuše, e Simone tari Kirinija, e Aleksandresere hem e Rufesere dade, kova nakhela ine adathar irindoj taro polje, terinde le te akhari e Isusesoro krsto. 22I ande e Isuse ko than vičime Golgota – so značini “Kokalo e šeresoro.” 23I kaninde le mol mešime e smirnaja zbog o dukha, ali ov na manglja te pijel. 24I kad čhivde le ko krsto, delinde maškara pumende lesere šeja ađahar so frdinde barbuti olenđe, te dikhen ko so ka lel.
25Kad čhivde le ko krsto, inele enja o sati sabajle. 26Upreder lesoro šero terdino znako kote inele pisime lesiri krivica: O Caro e Jevrejengoro . 27Oleja čhivde ko avera krstija hem duje pobunjenikonen, jekhe oti lesiri desno, a e dujtone oti lesiri levo strana. 28[Ađahar pherdilo okova so terđola ano Sveto lil: “Dikhle le sar jekhe zločinco.”]
29A okola kola nakhena ine adale dromeja vređinena le ine. Mrdinena ine šerencar, vaćerindoj: “Ej, tu kova peraveja o Hram hem vazdeja le zako trin dive, 30spasin tut! Hulji taro krsto!”
31Ađahar da marde muj oleja o šerutne sveštenici, zajedno e učiteljencar e Zakonestar, vaćerindoj jekh averese: “Averen spasinđa, a pes našti te spasini! 32Ovi o Hrist, o caro e Izraelesoro! Nek huljel akana taro krsto te dikha, i ka verujina ano leste.”
A vređinena le ine hem okola kola inele čhivde ko krsto oleja.
E Isusesoro meriba
33A ko ekvaš o dive, i tomina učharđa sa i phuv hem ađahar inele trin saća. 34Ko trin o sati, o Isus vičinđa oto sa o glaso: “Eloi, Eloi, lema sabahtani?” (so značini: “Devla mleja, Devla mleja, sose ačhavđan man?”)
35Kad adava šunde nesave okolendar kola terđona ine adari, phende: “Dikh, vičini e Ilija.”
36A jekh olendar prastandilo hem čhivđa o sunđeri ani ušli mol, čhivđa le upri trska, hem dinđa e Isusese te pijel, vaćerindoj: “Adžićeren, te dikha ka avel li o Ilija te huljaj le!”
37A o Isus vičinđa oto sa o glaso, i muklja pli duša.
38Tegani e hramesiri zavesa pharavdili ko ekvaš, odupral natele.
39A kad o kapetani, kova terdino anglo Isus, dikhlja le sar mulo, phenđa: “Čače akava manuš inele e Devlesoro Čhavo!”
40A adari inele hem nesave đuvlja kola sa adava dikhena ine odural. Maškar olende inele i Marija Magdalena, i Marija, e terne Jakovesiri hem e Josijasiri daj, hem i Saloma – 41kola džana ine palo Isus kad inele ani Galileja hem kandena le ine, hem pana but avera đuvlja kola oleja ale ano Jerusalim.
E Isusesoro paruniba
42Kad lelja te raćol, adalese so inele Dive zako pripremiba – dive anglo savato, 43o Josif tari diz Arimateja, kova inele ugledno člano oto e jevrejengoro sabor, kova hem korkoro adžićeri ine o carstvo e Devlesoro, bizi dar đerdinđa koro Pilat hem rodinđa te den le o telo e Isusesoro. 44A o Pilat čudinđa pe so o Isus već mulo, i terinđa te vičinen koro leste e kapetane te pučel le čače li o Isus već mulo. 45Kad o kapetani phenđa so čače o Isus mulo, o Pilat naredinđa te den o telo e Isusesoro ko Josif. 46I o Josif činđa skupo čaršavi, huljavđa o telo e Isusesoro taro krsto, paćarđa le čaršaveja hem čhivđa le ano grobo savo inele ćerdo ani stena. Hem o udar e grobosoro phandlja e bare bareja. 47A i Marija Magdalena hem i Marija e Josijasiri daj dikhena ine kaj čhivena lesoro telo.
Currently Selected:
Marko 15: RAB
Highlight
Share
Copy
Want to have your highlights saved across all your devices? Sign up or sign in
Marko 15
15
E jevrejengere vođe tužinena e Isuse ko Pilat
1Odmah sabajle, o šerutne sveštenici, o starešine hem o učitelja e Zakonestar hem sa o sabor ande odluka, i phandle e Isuse, legarde le hem dinde le ko Pilat.
2I o Pilat pučlja le: “Tu li injan o caro e Jevrejengoro?”
A o Isus phenđa: “Ađahari sar so pheneja.” 3A o šerutne sveštenici lelje te tužinen le zako but so.
4Tegani o Pilat palem pučlja le: “Tut li nane so te phene ko adava? Dikheja li zako so tut sa tužinena?”
5Ali o Isus ništa na phenđa, i o Pilat but začudinđa pe.
O Pilat ćerela e narodosiri volja ađahar so osudini e Isuse ko meriba
6A o Pilat ko prazniko Pasha mukela ine e narodose jekhe phandle Jevrejco kole on mangle. 7Tegani ano phandlipe, e pobunjenikonencar kola mudarde ani pobuna, inele hem o manuš vičime Varava. 8O narodo alo, i lelja te rodel e Pilatestar, palo lesoro adeti, te mukel lenđe jekhe phandle.
9A o Pilat pučlja len: “Mangena li te mukav tumenđe e jevrejengere caro?” 10Adalese so džanđa so o šerutne sveštenici e Isuse predinde tari zavist. 11Ali o šerutne sveštenici pherde e narodo te roden te mukel lenđe e Varava, umesto e Isuse.
12A o Pilat palem pučlja len: “A so mangena te ćerav akaleja kole vičinena caro e jevrejengoro?”
13A on vičinde: “Čhiv le ko krsto!”
14A o Pilat pučlja len: “A savo bišukaripe ćerđa?”
Ali on pana po zorale vičinde: “Čhiv le ko krsto!”
15I o Pilat, mangindoj te ćerel e narodosiri volja, muklja lenđe e Varava, a e Isuse dinđa ko vojnici te šibinen le hem palo adava te čhiven le ko krsto.
O vojnici marena muj e Isuseja
16I o vojnici legarde e Isuse ki e Pilatesiri palata, ko Pretorijum, i čedinde sa i četa e vojnikonendar. 17Urjavde le ano lolo ogrtači, ćerde kruna oto kare hem čhivde lese ko šero, 18i lelje te maren muj oleja vaćerindoj: “Te ove sasto e jevrejengere carona!” 19I khuvena le ine e trskaja ko šero, čhungarena le ine hem perena anglo leste ko kočija sar te ćeren pe da slavinena le. 20I palo adava so marde muj oleja, huljavde lestar o lolo ogrtači, hem urjavde le lesere šeja, i legarde le avri te čhiven le ko krsto.
E Isuse čhivena ko krsto
21A jekhe manuše, e Simone tari Kirinija, e Aleksandresere hem e Rufesere dade, kova nakhela ine adathar irindoj taro polje, terinde le te akhari e Isusesoro krsto. 22I ande e Isuse ko than vičime Golgota – so značini “Kokalo e šeresoro.” 23I kaninde le mol mešime e smirnaja zbog o dukha, ali ov na manglja te pijel. 24I kad čhivde le ko krsto, delinde maškara pumende lesere šeja ađahar so frdinde barbuti olenđe, te dikhen ko so ka lel.
25Kad čhivde le ko krsto, inele enja o sati sabajle. 26Upreder lesoro šero terdino znako kote inele pisime lesiri krivica: O Caro e Jevrejengoro . 27Oleja čhivde ko avera krstija hem duje pobunjenikonen, jekhe oti lesiri desno, a e dujtone oti lesiri levo strana. 28[Ađahar pherdilo okova so terđola ano Sveto lil: “Dikhle le sar jekhe zločinco.”]
29A okola kola nakhena ine adale dromeja vređinena le ine. Mrdinena ine šerencar, vaćerindoj: “Ej, tu kova peraveja o Hram hem vazdeja le zako trin dive, 30spasin tut! Hulji taro krsto!”
31Ađahar da marde muj oleja o šerutne sveštenici, zajedno e učiteljencar e Zakonestar, vaćerindoj jekh averese: “Averen spasinđa, a pes našti te spasini! 32Ovi o Hrist, o caro e Izraelesoro! Nek huljel akana taro krsto te dikha, i ka verujina ano leste.”
A vređinena le ine hem okola kola inele čhivde ko krsto oleja.
E Isusesoro meriba
33A ko ekvaš o dive, i tomina učharđa sa i phuv hem ađahar inele trin saća. 34Ko trin o sati, o Isus vičinđa oto sa o glaso: “Eloi, Eloi, lema sabahtani?” (so značini: “Devla mleja, Devla mleja, sose ačhavđan man?”)
35Kad adava šunde nesave okolendar kola terđona ine adari, phende: “Dikh, vičini e Ilija.”
36A jekh olendar prastandilo hem čhivđa o sunđeri ani ušli mol, čhivđa le upri trska, hem dinđa e Isusese te pijel, vaćerindoj: “Adžićeren, te dikha ka avel li o Ilija te huljaj le!”
37A o Isus vičinđa oto sa o glaso, i muklja pli duša.
38Tegani e hramesiri zavesa pharavdili ko ekvaš, odupral natele.
39A kad o kapetani, kova terdino anglo Isus, dikhlja le sar mulo, phenđa: “Čače akava manuš inele e Devlesoro Čhavo!”
40A adari inele hem nesave đuvlja kola sa adava dikhena ine odural. Maškar olende inele i Marija Magdalena, i Marija, e terne Jakovesiri hem e Josijasiri daj, hem i Saloma – 41kola džana ine palo Isus kad inele ani Galileja hem kandena le ine, hem pana but avera đuvlja kola oleja ale ano Jerusalim.
E Isusesoro paruniba
42Kad lelja te raćol, adalese so inele Dive zako pripremiba – dive anglo savato, 43o Josif tari diz Arimateja, kova inele ugledno člano oto e jevrejengoro sabor, kova hem korkoro adžićeri ine o carstvo e Devlesoro, bizi dar đerdinđa koro Pilat hem rodinđa te den le o telo e Isusesoro. 44A o Pilat čudinđa pe so o Isus već mulo, i terinđa te vičinen koro leste e kapetane te pučel le čače li o Isus već mulo. 45Kad o kapetani phenđa so čače o Isus mulo, o Pilat naredinđa te den o telo e Isusesoro ko Josif. 46I o Josif činđa skupo čaršavi, huljavđa o telo e Isusesoro taro krsto, paćarđa le čaršaveja hem čhivđa le ano grobo savo inele ćerdo ani stena. Hem o udar e grobosoro phandlja e bare bareja. 47A i Marija Magdalena hem i Marija e Josijasiri daj dikhena ine kaj čhivena lesoro telo.
Currently Selected:
:
Highlight
Share
Copy
Want to have your highlights saved across all your devices? Sign up or sign in