Marko 4
4
O Isus vaćeri i priča oto sejači
1O Isus palem lelja te sikaj e narodo uzalo jezero. Sa edobor džene čedinde pe uzalo leste, i adalese đerdinđa ko čamco upro jezero hem beštino, a sa o manuša ačhile ki phuv uzalo jezero. 2I but so sikaj len ine ano priče. I sikavđa len ađahar: 3“Šunen! Jekhvar iklilo o sejači te sejini. 4I sar sejini ine, nesave zrnja pele ko drom, i o čiriklja ale hem sa hale len. 5Nesave pele ko than kote inele hari phuv upro bara, i odmah lelje te ikljon, adalese so na inele ani hor phuv. 6Ali kad iklilo o zoralo kham, thabile hem šućile, adalese so na ine len baro koreno. 7A nesave pele maškaro kare. O kare barile hem tasavde len, i o zrnja na ande bijandipe. 8A nesave pele ki šukar phuv, lelje te ikljon, barile hem ande bijandipe – trijanda puti više, šovardeš puti više, hem šel puti više.”
9Hem phenđa: “Kas isi kana, nek šunel!”
Sose o Isus vaćeri ano priče
10A kad ačhilo korkoro, okola so inele uzalo leste hem o dešuduj apostolja pučle le so manglja te vaćeri adale pričencar.
11Ov phenđa lenđe: “Tumenđei dindo te džanen o garavdipe oto carstvo e Devlesoro, a averenđe, kolai avri, sa vaćeri pe ano priče, 12sar te šaj:
‘Anglo jaćha te na dikhen,
anglo kana te na šunen
ni te haljoven,
sar te na irinen pe kora mande,
i te ovel lenđe oprostime.’ ”
Sostar vaćeri i priča oto sejači
13Tegani o Isus pučlja len: “Sar na haljovena akaja priča? Sar onda ka haljoven avera priče?
14O sejači sejini e Devlesoro lafi. 15Nesavei manuša sar o drom ko savoi o Lafi sejime. Kad šunena le, odmah avela o Sotoni hem lela o Lafi savoi ano lende sejime. 16Nesavei sar o than kote inele hari phuv upro bara ko savoi sejime o zrnja. Kad šunena o Lafi, odmah lena le radosno. 17Ali, adalese so nane len baro koreno ana peste, na trajinena but. Kad avela i nevolja ili o progonstvo zbog o Lafi, odmah otperena oti vera. 18Nesavei sar o than maškaro kare ko savoi sejime o zrnja. Adalai okola kola šunena o Lafi, 19ali o brige akale dživdipnasere, o zavodljivost e barvalipnasoro hem o avera požude tasavena o Lafi, i našti anel plod. 20A nesavei sar i šukar phuv ki savi sejime o zrnja. Adalai okola kola šunena hem lena o Lafi. On anena plod – trijanda puti više, šovardeš puti više, hem šel puti više.”
O Isus vaćeri i priča oti svetiljka
21I tegani o Isus pučlja len: “Kad anena andre i svetiljka, tumen li čhivena la talo čaro ili talo than e pašljojbnasoro? Na! Nego čhivena la ko than zaki svetiljka. 22Adalese so, sa soi čorale, ka otkrijini pe, hem sa soi garavdo, ka ikljol ko svetlost. 23Te nekas isi kana, nek šunel!”
24Hem phenđa lenđe akava: “Šunen šukar. Sava meraja merinena, esavkaja ka merini pe tumenđe hem buderi adalestar ka del pe tumenđe. 25Adalese so, đijekhe kas isi džandipe, ka del pe lese pana, a okole kas nane, ka lel pe lestar hem adava so isi le.”
O carstvo e Devlesoroi sar o seme savo korkoro barjola
26I phenđa: “O carstvo e Devlesoroi slično sar kad o manuš sejini o seme ki phuv, 27i bilo te sovel ili te uštel, i rat hem o dive, o zrnja lena te ikljon hem barjona, a ov ni džanel sar. 28I phuv korkori pestar anela bijandipe: najangle i čar, palo adava o klaso, i ko kraj o klaso pherđola điveja. 29Kad o điv zreloni, o manuš odmah lela te čedel le, adalese so alo o vreme zako čediba.”
Priča oto zrno e gorušicakoro
30Tegani o Isus phenđa: “Soja te uporedina o carstvo e Devlesoro? Ili, sava pričaja te objasnina le? 31Ovi sar o zrno oti gorušica savoi najtikoro oto sa o zrnja save sejinena pe ki phuv. 32Ali, kad sejini pe, barjola hem ovela po baro oto sa o biljke ki bašta, i mukela edobor bare granke da hem o čiriklja šaj te ćeren gnezdija ano lesoro hlado.”
33Ano but esavke priče vaćeri lenđe ine e Devlesoro lafi, edobor kobor šaj ine te šunen, 34hem na vaćerđa lenđe ništa bizo priče. A kad inele korkoro ple učenikonencar, tegani sa objasnini lenđe ine.
E Isuse šunena hem i barval hem o panja
35I kad lelja te raćol, o Isus phenđa e učenikonenđe: “Te nakha ki aver strana oto jezero.” 36I on ačhavde e narodo hem legarde pumencar e Isuse čamcoja ano savo već inele. A palo lende džana ine hem avera manuša čamconencar.
37I muklja pe jekh zorali barval upro jezero. O talasija lelje te pheren o čamco panjeja edobor da samo so na ine te pheren le đi o muj. 38A o Isus ko paluno kotor e čamcosoro sovela ine pašljindoj šereja ko jastuko. Tegani o učenici džangavde le hem pučle le: “Učitelju, tuće li sa jekh so ka mera?”
39I o Isus uštino, naredinđa e barvaljaće te ačhol hem phenđa e jezerose: “Train! Smirin tut!” Hem i barval ačhili hem ulo baro mir.
40Tegani pučlja e učenikonen: “Sose injen edobor darutne? Pana li nane tumen vera?”
41A on but darandile, i pučle jekh avere: “Kovai onda akava so đi o barvalja hem o jezero šunena le?”
Currently Selected:
Marko 4: RAB
Highlight
Share
Copy
Want to have your highlights saved across all your devices? Sign up or sign in
Marko 4
4
O Isus vaćeri i priča oto sejači
1O Isus palem lelja te sikaj e narodo uzalo jezero. Sa edobor džene čedinde pe uzalo leste, i adalese đerdinđa ko čamco upro jezero hem beštino, a sa o manuša ačhile ki phuv uzalo jezero. 2I but so sikaj len ine ano priče. I sikavđa len ađahar: 3“Šunen! Jekhvar iklilo o sejači te sejini. 4I sar sejini ine, nesave zrnja pele ko drom, i o čiriklja ale hem sa hale len. 5Nesave pele ko than kote inele hari phuv upro bara, i odmah lelje te ikljon, adalese so na inele ani hor phuv. 6Ali kad iklilo o zoralo kham, thabile hem šućile, adalese so na ine len baro koreno. 7A nesave pele maškaro kare. O kare barile hem tasavde len, i o zrnja na ande bijandipe. 8A nesave pele ki šukar phuv, lelje te ikljon, barile hem ande bijandipe – trijanda puti više, šovardeš puti više, hem šel puti više.”
9Hem phenđa: “Kas isi kana, nek šunel!”
Sose o Isus vaćeri ano priče
10A kad ačhilo korkoro, okola so inele uzalo leste hem o dešuduj apostolja pučle le so manglja te vaćeri adale pričencar.
11Ov phenđa lenđe: “Tumenđei dindo te džanen o garavdipe oto carstvo e Devlesoro, a averenđe, kolai avri, sa vaćeri pe ano priče, 12sar te šaj:
‘Anglo jaćha te na dikhen,
anglo kana te na šunen
ni te haljoven,
sar te na irinen pe kora mande,
i te ovel lenđe oprostime.’ ”
Sostar vaćeri i priča oto sejači
13Tegani o Isus pučlja len: “Sar na haljovena akaja priča? Sar onda ka haljoven avera priče?
14O sejači sejini e Devlesoro lafi. 15Nesavei manuša sar o drom ko savoi o Lafi sejime. Kad šunena le, odmah avela o Sotoni hem lela o Lafi savoi ano lende sejime. 16Nesavei sar o than kote inele hari phuv upro bara ko savoi sejime o zrnja. Kad šunena o Lafi, odmah lena le radosno. 17Ali, adalese so nane len baro koreno ana peste, na trajinena but. Kad avela i nevolja ili o progonstvo zbog o Lafi, odmah otperena oti vera. 18Nesavei sar o than maškaro kare ko savoi sejime o zrnja. Adalai okola kola šunena o Lafi, 19ali o brige akale dživdipnasere, o zavodljivost e barvalipnasoro hem o avera požude tasavena o Lafi, i našti anel plod. 20A nesavei sar i šukar phuv ki savi sejime o zrnja. Adalai okola kola šunena hem lena o Lafi. On anena plod – trijanda puti više, šovardeš puti više, hem šel puti više.”
O Isus vaćeri i priča oti svetiljka
21I tegani o Isus pučlja len: “Kad anena andre i svetiljka, tumen li čhivena la talo čaro ili talo than e pašljojbnasoro? Na! Nego čhivena la ko than zaki svetiljka. 22Adalese so, sa soi čorale, ka otkrijini pe, hem sa soi garavdo, ka ikljol ko svetlost. 23Te nekas isi kana, nek šunel!”
24Hem phenđa lenđe akava: “Šunen šukar. Sava meraja merinena, esavkaja ka merini pe tumenđe hem buderi adalestar ka del pe tumenđe. 25Adalese so, đijekhe kas isi džandipe, ka del pe lese pana, a okole kas nane, ka lel pe lestar hem adava so isi le.”
O carstvo e Devlesoroi sar o seme savo korkoro barjola
26I phenđa: “O carstvo e Devlesoroi slično sar kad o manuš sejini o seme ki phuv, 27i bilo te sovel ili te uštel, i rat hem o dive, o zrnja lena te ikljon hem barjona, a ov ni džanel sar. 28I phuv korkori pestar anela bijandipe: najangle i čar, palo adava o klaso, i ko kraj o klaso pherđola điveja. 29Kad o điv zreloni, o manuš odmah lela te čedel le, adalese so alo o vreme zako čediba.”
Priča oto zrno e gorušicakoro
30Tegani o Isus phenđa: “Soja te uporedina o carstvo e Devlesoro? Ili, sava pričaja te objasnina le? 31Ovi sar o zrno oti gorušica savoi najtikoro oto sa o zrnja save sejinena pe ki phuv. 32Ali, kad sejini pe, barjola hem ovela po baro oto sa o biljke ki bašta, i mukela edobor bare granke da hem o čiriklja šaj te ćeren gnezdija ano lesoro hlado.”
33Ano but esavke priče vaćeri lenđe ine e Devlesoro lafi, edobor kobor šaj ine te šunen, 34hem na vaćerđa lenđe ništa bizo priče. A kad inele korkoro ple učenikonencar, tegani sa objasnini lenđe ine.
E Isuse šunena hem i barval hem o panja
35I kad lelja te raćol, o Isus phenđa e učenikonenđe: “Te nakha ki aver strana oto jezero.” 36I on ačhavde e narodo hem legarde pumencar e Isuse čamcoja ano savo već inele. A palo lende džana ine hem avera manuša čamconencar.
37I muklja pe jekh zorali barval upro jezero. O talasija lelje te pheren o čamco panjeja edobor da samo so na ine te pheren le đi o muj. 38A o Isus ko paluno kotor e čamcosoro sovela ine pašljindoj šereja ko jastuko. Tegani o učenici džangavde le hem pučle le: “Učitelju, tuće li sa jekh so ka mera?”
39I o Isus uštino, naredinđa e barvaljaće te ačhol hem phenđa e jezerose: “Train! Smirin tut!” Hem i barval ačhili hem ulo baro mir.
40Tegani pučlja e učenikonen: “Sose injen edobor darutne? Pana li nane tumen vera?”
41A on but darandile, i pučle jekh avere: “Kovai onda akava so đi o barvalja hem o jezero šunena le?”
Currently Selected:
:
Highlight
Share
Copy
Want to have your highlights saved across all your devices? Sign up or sign in