Matej 25
25
O Isus mothol e paramiči pale mudre thaj pale dile čheja
1O Isus askal phendas: “O Carstvo nebesko avela sago kana e deš čheja line pire stenkurja thaj inkljistine anglo mladoženja. 2Pandž čheja sas dile a pandž mudre. 3E dile čheja line pesa pire stenkurja, ali či line vi zetino kozom trubul len. 4A e mudre čheja line pire stenkurja thaj vi zetino ande pire posude. 5Sar o mladoženja kasnilas, sa e čhejen lijas e lindri thaj o sovipe. 6A ande opaš e rjat ašundili e vika: ‘Ake, areslo o mladoženja! Inkljen angle leste!’ 7Askal sa e čheja uštile thaj pripremisardine pire stenkurja. 8A e dile čheja askal phendine e mudre čhejenđe: ‘Den amen cara katar tumaro zetino, kaj amare stenkurja mudardona.’ 9Ali e mudre phendine lenđe: ‘Nisar! Kaj sigurno či avela dosta vi pale tumende thaj vi pale amende. Džan majlačhe thaj ćinen tumenđe zetino.’ 10Ali, kana von đeletar te ćin zetino, avilo o mladoženja, thaj okola čheja save sas spremne dine lesa andre pe svaturja, a o vudar phandadilo pale lende. 11Pale godova aviline vi okola aver čheja thaj ačhile te čhon muj: ‘Gospode! Gospode, putar amenđe!’ 12Ali vo mothoda lenđe: ‘Čačes phenav tumenđe: Či pindžarav tumen.’ 13Zato aven džungade thaj len sama, kaj či džanen ni o đes ni o sato ande savo avava!”
O Isus phenel e prispodoba pale trin sluge
14O Isus majdur motholas: “Askal e nebesko Carstvosa avela sago varesave manušesa kana teljarel po drom. Akhardas pire slugen thaj poverisardas lenđe piro barvalipe. 15Jećheste dija pandž gone sunakaj, ko dujto dijas duj gone, a ko trito dijas jek gono sunakaj, gajda svakonešće dijas prema godova kozom ko sas sposobno thaj askal đelotar po drom. 16O sluga savo dobisarda pandž gone sunakaj odma đelo, uložisardas o sunakaj thaj zaradisardas još pandž gone. 17Isto gajda, okova kaj dobisardas duje gone sunakaj zaradisardas još duj. 18A o sluga savo dobisardas jek gono, hanadas hv ande phuv thaj ande late garadas e gospodarešće love.
19Pale lungo vrjama boldape o gospodari thaj manglas katar e sluge te položin lešće o računo. 20Kana avilo leste okova kaj dobisarda pandž gone sunakaj, andas još pandž thaj phendas: ‘Gospodarina, dijan man pandž gone sunakaj. Ake, me zaradisarem lenca još pandž.’ 21A o gospodari phendas lešće: ‘Lačhe, lačho thaj paćivalo slugona! Sanas paćivalo ande cikne stvarja, zato čhava tut te upravis pe majbare stvarja. Av thaj raduisar tut ćire gospodaresa!’ 22Askal avilo leste o sluga savo dobisardas duj gone sunakaj thaj phendas: ‘Gospodarina, manđe poverisardan duj gone sunakaj. Ake, me zaradisardem još duj.’ 23A o gospodari phendas lešće: ‘Lačhe, lačho thaj paćivalo slugona! Sanas paćivalo ande cikne stvarja zato čhava tut te upravis pe majbare stvarja. Av thaj raduisar tut ćire gospodaresa!’ 24Askal avilo leste vi okova sluga savešće dijas jek gono thaj phendas: ‘Gospodarina, Džanglem kaj san pharo manuš, žanjis okote kaj či sijosardan thaj ćides okote kaj či posadisardan. 25Zato darajlem thaj garadem ćiro gono ande phuv. Ake, le ćiro gono e sunakajesa!’ 26Ali o gospodari phendas lešće: ‘Bilačho thaj leno slugona! Džanglan kaj žanjiv okote kaj či sijosardem thaj kaj ćidav kaj či posadisardem? 27Trubujanas askal barem te uložis mungre love ande banka thaj kana me boldemas man lijemas mungre love e kamatenca. 28Zato len lestar e love thaj den okolešće kas si deš gone sunakaj! 29Kaj okoles kas si, delape lešće još, thaj avela les ando izobilje, a okoles kas naj, lela pe lestar vi okova so siles. 30Zato akale beskorisno slugos čhuden avri ando majhanduk tunjariko. Okote avela roipe thaj škripipe e dandenca.’”
O Isus phenel e prispodoba pale Devlesko sudo
31A o Isus phendas: “Kana avela o Čhavo e Manušesko ande piri slava thaj lesa sa lešće anđelurja, bešela po prestolje pire slavako. 32Askal sa o them ćidelape angle leste, a vo sago kaj o pastiri odvoil e bakhren katar e buznja. 33Gajda odvoila e pravednikonen pe piri desno rig, a averen pe piri levo rig. 34Askal o caro phenela okolenđe pe desno rig: ‘Tumen, saven mungro Dad blagoslovisarda, aven thaj primin ando naslestvo o carstvo savo si pripremime pale tumende katar o postanko e themesko! 35Kaj semas bokhalo, a tumen dine man te hav; semas trušalo, a tumen dine man te pijav; semas stranco, a tumen primisardine man; 36nango semas, a tumen dine pe mande drze; semas nasvalo, a tumen vodinas e briga pale mande; semas ande tamnica, a tumen aviline mande.’ 37Askal e pravednikurja phenena lešće: ‘Gospode! Kana dikhlam tut kaj sanas bokhalo, thaj dijam tut te has? Ili kana sanas trušalo, thaj dijam tut te pijes? 38Kana dikhlam tut sago strancone, thaj primisardam tut? Ili bi drzengo thaj dijam pe tute? 39Kana dikhlam tut kaj sanas nasvalo ili ande tamnica, thaj avilam tute?’ 40A o caro phenela lenđe: ‘Čačes phenav tumenđe: Sogod ćerdine jećhešće katar akala mungre majcikne phral, manđe ćerdine!’
41Askal phenela vi okolenđe kaj si pe lešći levo rig: ‘Džantar mandar proklete ando večno oganj savo si pripremime e benđešće thaj lešće anđelenđe. 42Kaj semas bokhalo, a tumen či dine man te hav; trušalo semas, a tumen či dine man te pijav; 43stranco semas, a tumen či primisardine man; nango semas, a tumen či dine pe mande drze; nasvalo semas thaj ando phanglipe, a tumen či vodinas e briga pale mande.’ 44Askal vi von phenena lešće: ‘Gospode! Kana dikhlam tut bokhales ili trušales, ili sago stranco, ili nanđe, ili nasvale ili ande tamnica, thaj či pomognisardam tuće?’ 45A vo phenela lenđe: ‘Čačes phenav tumenđe: kana god či ćerdine vareso pale akala majcikne, manđe či ćerdine.’ 46Gajda von džana ande večno kazna, a e pravednikurja ando večno trajo.”
Currently Selected:
Matej 25: RČB
Highlight
Share
Copy
Want to have your highlights saved across all your devices? Sign up or sign in
