Marko 13
13
O Isus majanglal mothol okova so avela
(Mt 24,1–2; Lk 21,5–6)
1Kana o Isus inkljelas andar o Hramo, jek katar lešće učenikurja phendas lešće: “Sikamneja, Dik! Čefal šukar bara katar o Hramo thaj sošći šukar građevina!” 2A o Isus phendas lešće: “Dićhes akala bare građevine? Čačes phenav tumenđe, či ačhela katar akava ni bar pe bareste. Sa avela harado.”
O Isus phenel e učenikonenđe kana teljarena e nevolje
(Mt 24,3–14; Lk 21,7–19)
3Kana o Isus bešelas pe Maslinsko gora, pe okoja rig katar o Hramo, o Petar, o Jakov, o Jovan thaj o Andrija phučline les pe rig: 4“Phen amenđe, kana godova avela thaj savo znako si kaj sa akava pherdola?” 5A o Isus ačhilo te mothol lenđe: “Len sama te na vareko hohavel tumen. 6But džene avena ande mungro alav thaj phenena: ‘Me sem o Mesija’ thaj e bute manušen hohavena. 7Kana ašunena pale raturja thaj e glasurja pale raturja, na daran, kaj sa godova moraš te avel, ali godova još naj o krajo. 8Kaj o them uštela po them thaj o carstvo uštela po carstvo. E phuv ćhinola pe pe razne riga thaj avela bok. Akava si samo o početko e mukengo sago kana e manušnji džal te bijanel.
9Ali tumen len sama pe tumende! Kaj avena dine pe sudurja thaj marena tumen ande sinagoge. Inkalena tumen angle vladarja thaj angle carurja andar godova kaj sen mungre sledbenikurja. Godova avela tumenđe prilika te svedočin pale mande. 10E Bahtali nevimata trubul majsigo te propovedil pe sa e themenđe. 11A kana inđarena tumen te sudin tumenđe, na han briga majanglal so phenena, kaj avela tumenđe dino so te phenen. Mothon okova so avela tumenđe dino ande godova časo kaj či ćerena svato tumen, nego o Sveto Duho. 12O phral e phrale dela po mudaripe, a o dad pire čhavre. E čhavra uštena pe pire dada thaj pe pire deja thaj dena len po mudaripe. 13Savora mrzana tumen zbog mande, ali ko god ačhel verno džiko krajo avela spasime.
Bari nevolja
(Mt 24,15–28; Lk 21,20–24)
14A kana dićhena ‘e grozota savi anel uništenje’ sar ačhel po than kaj či tromajasas te avel askal okola save si ande Judeja, neka našen ande gore. (Ko akava čitol neka haćar so phenel pe!) 15Ko avela opre po ćher, nek na fuljel te del ando ćher te lel vareso, 16thaj ko avela ande njiva, neka na boldel pe te lel o ogrtači! 17Teško e khamne manušnjenđe thaj okolenđe save još den čuči e čhavren ande godola đesa! 18Nego molin tumen te tumaro našipe či avel ando ivend. 19Kaj ande godola đesa avela nevolje save nas sar o Del ćerda o them sa dži akana, niti posle avela. 20Thaj te o Gospod či harnjarel o brojo godole đesengo, khonik či ačhilosas džudo. Ali harnjarda godola đesa, zbog okola manuša saven o Del losardas.
21A te askal vareko phendas tumenđe: ‘Ake o Hristo si akate!’ ili: ‘Eke okote si!’, na paćan. 22Kaj uštena e but hohamne mesije thaj e hohamne prorokurja thaj ćerena znakurja thaj čudurja te šaj hohaven, ako si moguće, vi e Devlešće losarde manušen. 23Len sama pe tumende! Kaj ake sa majanglal phenav tumenđe!
O avipe e Devlešće Čhavesko
(Mt 24,29–35; Lk 21,25–33)
24A ande godola đesa – posle akale nevolje –
‘O kham kaljola,
thaj o čhonut majbut či sijola.
25E čereja perena katar o nebo
thaj e nebeske sile avena uzdrmome’.
26Askal e manuša dićhena e Čhave e manušešće sar avel ande oblakurja e silava thaj e bare slavava. 27Vo askal bičhalela e anđelen thaj ćidela pire losarde manušen katar sa e štar riga e themešće, katar o krajo e phuvjako dži ko krajo e nebesko.”
O Isus mothol paramiči pale smokva
28“Sićon katar e smokva. Kana laće krandže kovljon thaj mućen pešće patrja, džanen kaj paše si o milaj. 29Gajda vi tumen kana dićhen kaj si akate sa akava so phendem tumenđe, džanen kaj si vo paše anglo vudar. 30Čačes phenav tumenđe: akava pokoljenje či naćhela dok sa akava či avela. 31O nebo thaj e phuv naćhena, ali mungre alava či naćhena.”
O đes thaj e vrjama savi či džanel pe
(Mt 24,36–44)
32“A savo si godova đes thaj vrjama khonik či džanel, ni e anđelurja po nebo, pa čak niti o Čhavo, već samo Dad. 33Aven džungade thaj len sama, kaj či džanen kana avela godoja poslednjo vrjama. 34Godova si sago kana o manuš džaltar po drom, a pesko ćher mućel te vodin lešće sluge. Askal sa jek slugašće zapovedil so trubun te ćere, a e manušešće kaj lelas sama po vudar phendas te čhol straža. 35Dakle aven džungade, kaj či džanen kana o gospodari avela ćhere – dali avela talerjat, ili ande opaš e rjat, ili kana e bašne ašundona, ili ande detharin – 36te na avel iznenada thaj te na araćhel tumen sar soven. 37A so phenav tumenđe, savorenđe phenav: ačhen džungade!”
Currently Selected:
Marko 13: RČB
Highlight
Share
Copy
Want to have your highlights saved across all your devices? Sign up or sign in
