چھاگلاسگون 3
3
ڈول مانیانکھان لتسانگکھانجیگ پھانچوگا زادس۔
1جاگشیگ نییمے چھوتشود سومپا دُعا جوچیسّی توسپیکا حضرت پطرؔس تانگ حضرت یُوؔحنّا ٰ کیینلا بیت المقدِس لا سکیودس۔ 2سکیسپانے پھارلا جاؤ میجیگ بیت المقدِس سی دزیسمو زیرکھانّی گھویکا جاگ تانگ بیت المقدِس لا چھاکھانگونّی کانے لتسانگچیسلا کھیونگستے بورّادپین۔ 3کھوے حضرت پطرؔس تانگ حضرت یُوؔحنّا ٰ بیت المقدِس لا چھا تھونگتے کھونّگا پینے تونگ زیرین لتسانگس۔
4حضرت پطرؔس تانگ یوحنّانی کھو چھوگسلا میگ گیانگستے ستاس یانگ حضرت پطرؔس سی مولس، ”نگاجا ستوس۔“ 5کھوے پینے تانّگانوگ سامستے کھونگونلا ستاستے دُوگس۔ 6تینے حضرت پطرؔس سی مولس، ”مول یا سیر نی نگا مید، نگا یودکھانبو کھیورانّگا تانگین، حضرت عیسیٰ مسیحاناصرة پے مِنتخسی نانّگا لانگستے ڈول۔“
7حضرت پطرؔس سی کھوے لاگپا یاسپا زومستے کھو لانّگالا روگس چوس، تینّامالّا کھوے کانگپا تانگ کانگتشیگس تشانگما پھانتے شیدچان گیور۔ 8کھو چھومستے کواگ لانگس یانگ ڈولچیس گوزوگ۔ تینے کھو چھومساین، ڈولین ، خُدا ستودپا پھولین، کھونگون نیامپو بیت المقدِس لا سانگ۔
9می تشانگمے کھو ڈولین ، خُدا ستودپا پھولین تھونگتے 10بیت المقدِس سی دزیسمو زیرکھانّی گھوے لدُونلا دوگکھانّی لتسانگکھان اینکھانبو نگوشیس۔ یانگ کھوے تیزوگ چوین تھونگپا کھونگون ہالاستے ہانڈانگ سونگ۔ 11تے می بوے حضرت پطرؔس تانگ یوحنّانی لاگپا تھامستے یود زانے، میتشانگما ہالاستے کھونگون یودسے، بیت المقدِس سی نانّگا حضرت سُلیمانی یابس زیرسے ناسّیکا گیُوگستے سونگ۔
حضرت پطرؔس سی بیت المقدِس سی نانّگا چھوس سالس۔
12حضرت پطرؔس سی میمانگسگون دزومّا تھونگستے مولس، ”بنی اِسرائیل پاگون، کھیوجاگون چیا ہالاستے این؟ نگاجا رانگی ستوبس یا نگاجا ایمان یودچیسپوے، ای میبو ڈول چوگّا نیانتے اینوگ سامستے نگاجا چیا ستاستے دوگّاد۔ 13حضرت اِبراہیم، حضرت اِضحاقؔ ، حضرت یعقُوبؔ ی خُدے، نگاتانگی اتا اپو گونّی خُدے کھونگی جابستوگپا حضرت عیسیٰ سی سپال سالّا زادس۔ اِین نانگ کھیوجاگونّی کھونگ زومستے ڈاو ے لاگا ستادا تانگس، یانگ پیلاطُسی کھونگ پھودچیسّی تھاگچادنانگ، کھیوجاگونّی پیلاطُسی لدُونلا کھونگ نگاجے گیالپو مان زیرس۔ 14کھیوجاگونّی ہلژخمہ تانگ ٹانگپو اینکھانبو پھانگستے پیلاطُس لا کھیوجے پھیا میسادجیگ پھودچیسلا جُووا پھولس۔ 15نگاجے گواہ تانّگاد، کھیوجے سروک سالکھانبو سادس، اِین نانگ خُدے کھونگ شیکھانگونّی ٹونے سونتیا لانّگا زادتے اینوگ۔“
16حضرت عیسیٰ سی مِنتخسی نانّگا ایمان چوچیسپوے کھیوجے تھونگستے نگوشیسکھانّی ای میبو شیدچان چوا زادس۔ حضرت عیسیٰ سی نانّگا ایمان چوچیسپوے ای می بوے زوگسپو گیالتے شیدچان گیورکھانبو کھیوجا تشانگمے تھونگ تھوبتے اینوگ۔
17”تا نگے فونو گون نگا گیوسیود، کھیوجا تانگ کھیوجے اُسکیونگ گُونی حضرت عیسیٰ سی نیامپو چوکھانگون کھونگ سو اینکھانبو ماشیسّا چوستے اینپین۔ 18اِین نانگ خُدے سنگونمے پیغمبر تشانگما گیُودتے خُدے لدامّا زادکھانّی مسیحا ردوگنگال نیونگّوسین مولکھانبو ڈوب چوگّا زادس۔ 19دِیگپا سیلّا زادچیسّی پھیا کھیوجارانگی سدیگپیکا گیودپا چوستے خُدے چھوگسلا لوگتے یونگشیگ۔ 20تینے کھیوجا تانگ مسیح نانّگا ڈیل یودچیسپوے، کھیوجے سیمسلا سپوسپا تھوبستے خُدے لدامّا زادکھانّی مسیحا، حضرت عیسیٰ سی یانگسکیار کھیوجیکا کالا زادِین۔ 21توس مانگپوے سنگونلا ہلژخمہ پیغمبر گون گیُودتے مولّا زادکھان نانگجین حضرت عیسیٰ سی تےتےتشوگپا نامکھا جُوگسگوسین نامتشوگپا خُدے زادکھان تشانگما سوما میزاد۔ 22پیغمبر حضرت مُوسیٰؔ سی مولس، مسیح کھیوجے خُدے کھیوجاگونّی پھیا نگا تسوگسلا کھیوجارانگی فونو گونّی ٹونے پیغمبر جیک کالا زادِین۔ یانگ کھیوجاگونّی کھونگی مولکھان تشانگما نیانگوس۔ 23تے پیغمبری کھا مینیانکھانبو خُدے میگونّی ٹونے پھیستے میدکھان چوا زادِین۔“ #3:23 شریعتی شوقبُو نیسپا 18۔ 15، 18، 19
24حضرت پطرؔس سی تارُوانگ مولس، ”حضرت سمُوئیل نے گوزوگستے پیغمبر تشانگمے، ای جاگّونّی سکورلا لونگستان شادّا زادس۔ 25کھیوجا پیغمبر گونّی وعدہ گون نورسکال تھوبچیسچان یانگ خُدے کھیوجے اتا اپو گون نیامپو وعدہ زادکھانبوے نانّگا کھیوجا تھیستے اینوگ، کازوگ خُدے حضرت اِبراہیمی مولّا زاد، ’نگے کھیرانگی اولاد گون گیُودتے دُنیائی می گونلا برکت تانگین۔‘ #3:25 گوزوگ زیرکھانّی شوقبُوئ 22۔ 18، 26۔ 4 26خُدے کھونگرانگی جابستوگپا، حضرت عیسیٰ سونتیا لانّگا زادتے کھیوجا، رانگی نگانپے لامنے گیور تھوبچیسّی برکت سالچیسلا کھونگ گومارانگ کھیوجاگونّیکا کالا زادس۔“
Currently Selected:
چھاگلاسگون 3: LBJNT
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
چھاگلاسگون 3
3
ڈول مانیانکھان لتسانگکھانجیگ پھانچوگا زادس۔
1جاگشیگ نییمے چھوتشود سومپا دُعا جوچیسّی توسپیکا حضرت پطرؔس تانگ حضرت یُوؔحنّا ٰ کیینلا بیت المقدِس لا سکیودس۔ 2سکیسپانے پھارلا جاؤ میجیگ بیت المقدِس سی دزیسمو زیرکھانّی گھویکا جاگ تانگ بیت المقدِس لا چھاکھانگونّی کانے لتسانگچیسلا کھیونگستے بورّادپین۔ 3کھوے حضرت پطرؔس تانگ حضرت یُوؔحنّا ٰ بیت المقدِس لا چھا تھونگتے کھونّگا پینے تونگ زیرین لتسانگس۔
4حضرت پطرؔس تانگ یوحنّانی کھو چھوگسلا میگ گیانگستے ستاس یانگ حضرت پطرؔس سی مولس، ”نگاجا ستوس۔“ 5کھوے پینے تانّگانوگ سامستے کھونگونلا ستاستے دُوگس۔ 6تینے حضرت پطرؔس سی مولس، ”مول یا سیر نی نگا مید، نگا یودکھانبو کھیورانّگا تانگین، حضرت عیسیٰ مسیحاناصرة پے مِنتخسی نانّگا لانگستے ڈول۔“
7حضرت پطرؔس سی کھوے لاگپا یاسپا زومستے کھو لانّگالا روگس چوس، تینّامالّا کھوے کانگپا تانگ کانگتشیگس تشانگما پھانتے شیدچان گیور۔ 8کھو چھومستے کواگ لانگس یانگ ڈولچیس گوزوگ۔ تینے کھو چھومساین، ڈولین ، خُدا ستودپا پھولین، کھونگون نیامپو بیت المقدِس لا سانگ۔
9می تشانگمے کھو ڈولین ، خُدا ستودپا پھولین تھونگتے 10بیت المقدِس سی دزیسمو زیرکھانّی گھوے لدُونلا دوگکھانّی لتسانگکھان اینکھانبو نگوشیس۔ یانگ کھوے تیزوگ چوین تھونگپا کھونگون ہالاستے ہانڈانگ سونگ۔ 11تے می بوے حضرت پطرؔس تانگ یوحنّانی لاگپا تھامستے یود زانے، میتشانگما ہالاستے کھونگون یودسے، بیت المقدِس سی نانّگا حضرت سُلیمانی یابس زیرسے ناسّیکا گیُوگستے سونگ۔
حضرت پطرؔس سی بیت المقدِس سی نانّگا چھوس سالس۔
12حضرت پطرؔس سی میمانگسگون دزومّا تھونگستے مولس، ”بنی اِسرائیل پاگون، کھیوجاگون چیا ہالاستے این؟ نگاجا رانگی ستوبس یا نگاجا ایمان یودچیسپوے، ای میبو ڈول چوگّا نیانتے اینوگ سامستے نگاجا چیا ستاستے دوگّاد۔ 13حضرت اِبراہیم، حضرت اِضحاقؔ ، حضرت یعقُوبؔ ی خُدے، نگاتانگی اتا اپو گونّی خُدے کھونگی جابستوگپا حضرت عیسیٰ سی سپال سالّا زادس۔ اِین نانگ کھیوجاگونّی کھونگ زومستے ڈاو ے لاگا ستادا تانگس، یانگ پیلاطُسی کھونگ پھودچیسّی تھاگچادنانگ، کھیوجاگونّی پیلاطُسی لدُونلا کھونگ نگاجے گیالپو مان زیرس۔ 14کھیوجاگونّی ہلژخمہ تانگ ٹانگپو اینکھانبو پھانگستے پیلاطُس لا کھیوجے پھیا میسادجیگ پھودچیسلا جُووا پھولس۔ 15نگاجے گواہ تانّگاد، کھیوجے سروک سالکھانبو سادس، اِین نانگ خُدے کھونگ شیکھانگونّی ٹونے سونتیا لانّگا زادتے اینوگ۔“
16حضرت عیسیٰ سی مِنتخسی نانّگا ایمان چوچیسپوے کھیوجے تھونگستے نگوشیسکھانّی ای میبو شیدچان چوا زادس۔ حضرت عیسیٰ سی نانّگا ایمان چوچیسپوے ای می بوے زوگسپو گیالتے شیدچان گیورکھانبو کھیوجا تشانگمے تھونگ تھوبتے اینوگ۔
17”تا نگے فونو گون نگا گیوسیود، کھیوجا تانگ کھیوجے اُسکیونگ گُونی حضرت عیسیٰ سی نیامپو چوکھانگون کھونگ سو اینکھانبو ماشیسّا چوستے اینپین۔ 18اِین نانگ خُدے سنگونمے پیغمبر تشانگما گیُودتے خُدے لدامّا زادکھانّی مسیحا ردوگنگال نیونگّوسین مولکھانبو ڈوب چوگّا زادس۔ 19دِیگپا سیلّا زادچیسّی پھیا کھیوجارانگی سدیگپیکا گیودپا چوستے خُدے چھوگسلا لوگتے یونگشیگ۔ 20تینے کھیوجا تانگ مسیح نانّگا ڈیل یودچیسپوے، کھیوجے سیمسلا سپوسپا تھوبستے خُدے لدامّا زادکھانّی مسیحا، حضرت عیسیٰ سی یانگسکیار کھیوجیکا کالا زادِین۔ 21توس مانگپوے سنگونلا ہلژخمہ پیغمبر گون گیُودتے مولّا زادکھان نانگجین حضرت عیسیٰ سی تےتےتشوگپا نامکھا جُوگسگوسین نامتشوگپا خُدے زادکھان تشانگما سوما میزاد۔ 22پیغمبر حضرت مُوسیٰؔ سی مولس، مسیح کھیوجے خُدے کھیوجاگونّی پھیا نگا تسوگسلا کھیوجارانگی فونو گونّی ٹونے پیغمبر جیک کالا زادِین۔ یانگ کھیوجاگونّی کھونگی مولکھان تشانگما نیانگوس۔ 23تے پیغمبری کھا مینیانکھانبو خُدے میگونّی ٹونے پھیستے میدکھان چوا زادِین۔“ #3:23 شریعتی شوقبُو نیسپا 18۔ 15، 18، 19
24حضرت پطرؔس سی تارُوانگ مولس، ”حضرت سمُوئیل نے گوزوگستے پیغمبر تشانگمے، ای جاگّونّی سکورلا لونگستان شادّا زادس۔ 25کھیوجا پیغمبر گونّی وعدہ گون نورسکال تھوبچیسچان یانگ خُدے کھیوجے اتا اپو گون نیامپو وعدہ زادکھانبوے نانّگا کھیوجا تھیستے اینوگ، کازوگ خُدے حضرت اِبراہیمی مولّا زاد، ’نگے کھیرانگی اولاد گون گیُودتے دُنیائی می گونلا برکت تانگین۔‘ #3:25 گوزوگ زیرکھانّی شوقبُوئ 22۔ 18، 26۔ 4 26خُدے کھونگرانگی جابستوگپا، حضرت عیسیٰ سونتیا لانّگا زادتے کھیوجا، رانگی نگانپے لامنے گیور تھوبچیسّی برکت سالچیسلا کھونگ گومارانگ کھیوجاگونّیکا کالا زادس۔“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.