لوکا 7
7
ماگیے سپونبوے ایمان۔
1میگونلا لابجا تشانگما سال تشارّاچیگ، حضرت عیسیٰ مسیح کفرنحُوم مّی ڈونگکھیرلا سکیودس۔ 2تیرو رومپا ماگیے سپونبوے، ما چیسپا چوکھانّی یوگپو جیگّا زُومو ثانٹے یونگستے شیکییس یودپین۔ 3ماگمی سپونبوا حضرت عیسیٰ سی سکورلا تشورّاچیگ، سکیودتے یوگپوبو پھانچوگا زادچیسّی جُووا پھولچیسلا یہُودی پے اُسکیونگ کھاچیگ حضرت عیسیٰ سی یودسا لامچوگس۔ 4کھونگون حضرت عیسیٰ سی یودسا یونگس یانگ سنینگنے جُووا ثانٹے پھولتے زیرس، ”ای میبو نیرانگی روگس زادچیسّی اوسپا این 5چیازیرنا کھوے نگاتانگی میگونلا چامسپا چوستے نگاتانگی مجلِس بُو سیگّالا روگس چوستے این۔“ 6تینے حضرت عیسیٰ سی کھونگون نیامپو سکیودس۔
کھانگپے نیموا لیبتے یود زانے، ماگیے سپونبوے کھورانگی دزاوگون حضرت عیسیٰ سی ایزوگ زیرچیسلا کالس، ”مسیح وبگیال مازاد، نیرانگ نگے کھانگپا سکیودچیسّی اوسپا نگا مان۔ 7تینّا گیونتشانبوے پھیا نگا نیرانگی لدُونلا جالچیسپوانگ اوسپا ماتشور۔ اِین نانگ نیرانگیکا سالنا، نگے یوگپو پھانین 8وانگچھے یوگا نگانگ دوگّاد یانگ نگے وانگچھے یوگا ماگمیگون یود۔ نگے چیگّا سونگ زیرنا چھانوگ یانگ چیگّا یونگ زیرنا یونّگانوگ، یانگ نگے یوگپوا ای لاسپو چوس زیرنا چوانوگ۔“
9حضرت عیسیٰ سی تیبو سانّاچیگ، ہالاستے کھونّگا ڈانگستے یونگکھانّی میتشوگس چھوگسلا گیورتے مولس، ”نگے کھیوجا زیرّاد، بنی اِسرائیلی نانّگانگ نگا یتسوگسّی ایمان چانجیگ مانے ماتھوب۔“ 10تینے لامچوگکھانّی میگون کھانگپا لوگتے لیبّاچیگ، یوگپوبوا زُومو گیالتے تھونگ۔
حضرت عیسیٰ سی مارانگموجیگی بُوژا سونتیا لانّگا زادس۔
11ستینگما جاگّا حضرت عیسیٰ مسیح نایین ڈونگکھیرلا سکیودس، یانگ کھونگی لوبٹوگس تانگ میتشوگس چھینموجیگ کھونگ نیامپو سونگ۔ 12ڈونگکھیرّی گیاسگھوے نیمو لیبّاچیگ انے مارانگموجیگی بُوژا چیگچیگپو شیکھانّی سپھور پھیلوگا پھینگستے کھیونّگادپین یانگ تے ڈونگکھیرّی میتشوگس چھینمو کھو نیامپو یودپین۔ 13یشُوحی بوموبو زیگسّاچیگ، سنینگرجے سکیستے کھوا مولس، ”نُگو مانگو۔“ 14تینے روگھامّی لدُونلا سکیودتے چھاگسیا زادس، جنازہ کھورکھانگون ڈول ماڈولّا دُوگس۔ کھونگی مولس، ”کھیوگتونگ کھیورانّگا نگے زیرّاد، لونگس۔“ 15شیکھانبو لانگستے سپیرا تانگچیس گوزوگس یانگ حضرت عیسیٰ سی کھو کھورانگی اما ستادا زادس۔
16می تشانگمے سیوا تانگ جیگسّی نانّگا خُدا ستودپا پھولین زیرس، ”پیغمبر ٹاگپوجیگ نگاتانگی ٹوا سکیودتے اینوگ۔ خُدے نگاتانگی میگونلا روگس زادّالا سکیودتے اینوگ۔“ 17تے ناتشولبو یہُودیہ یولجونگس گانگپو تانگ نییکھورّی یول تشانگمے نانّگا کھییبس۔
حضرت عیسیٰ تانگ حضرت یُوؔحنّا ٰ غوتا سالکھان۔
18یوحنّانی لوبٹوگس گُونی کھونّگا حضرت عیسیٰ مسیح زادکھان تشانگما شادسپا، 19لوبٹوگس نیس بودتے حضرت عیسیٰ سی یودسا ای ٹیوابو ٹیالا لامچوگس، ”پیغمبر گونّی سکیودین مولکھان مسیحا نیرانگ جُوگستے اینّا یا نگاجا یانگجیگّا ثونگ؟“
20کھونگون حضرت عیسیٰ سی یودسا لیبّاچیگ زیرس، ”حضرت یُوؔحنّا ٰ غوتا سالکھانّی نگاجا ایبو ٹیالا کالس، پیغمبر گونّی سکیودین مولکھان مسیحا نیرانگ جُوگستے اینّا یا نگاجا یانگجیگّا ثونگ؟“
21تینّا توسلا حضرت عیسیٰ سی ناد یونگکھان، زُومو یودکھان مانگپو پھانچوگس، ردود جُوگسکھان مانگپو پھینّگا زادس یانگ جارا مانگپوا میگنے تھونگ چوگّا زادس۔ 22حضرت عیسیٰ سی لون کھیونگکھانگونلا لانسالس، ”لوگستے سونگ یانگ کھیوجے تھونگکھان تانگ تشورکھانگون حضرت یُوؔحنّا ٰ شود۔ جارا گونلا تھونگ، جاؤ گُون ڈولس، دزینادچانگون گیالتے ژانگما سونگ، ماتشورکھانگونّی تشور، شیکھانگون سونتیا لانگس، یانگ نیالباچانگونلا گاموےناتسُول شادس۔ 23کھوا شود، نگے چوکھانگونّی جاستے نگا ماپھانگکھانگونلا برکت سالّا زادِین۔“
24یوحنّانی لونکھیرکھانبو لوگستے چھا تشارّاچیگ، حضرت عیسیٰ سی میتشوگسلا یوحنّانی سکورلا مولچیس گوزوگس، ”کھیوجا ریستونگی نانّگا کازوگ میجیگّا ستالا سونگپین؟ چھوی تھامے لجانگسپا لونگسپوے سکولّا تسوگسلا، لابجے نانّگا توسگیون گیورجا کھیونگکھان جیگّا؟ 25کالتیس مانّا کھیوجاگون چی ستالا سونگپین؟ می کوسلاگ جامپو تانگ رینچان گونکھانجیگ کھیوجاگونّی تھونّگا؟ ماتھونگ۔ کوس رینچان گونکھان تانگ رینچان چالاگ کولاین میتشے پھودکھانگون گیالپوے کھارلا دوگّانوگ۔ 26کھیوجا پیغمبر جیگّا ستالا سونگپینّا؟ اونا، کھو پیغمبر سانگ ٹاگاجیگ این۔ 27ہلژخمہ شوقبُو بوے نانّگا کھوے سکورلا خُدے مولّا زادتے دوگ،
ستوس، کھیرانگی سانگ سنگونلا نگے نگارانگی لونکھیرکھانبو کالین ۔
کھوے کھیرانگی پھیا لام ڈالڈیگ چوین۔
28نگے کھیوجا زیرّاد، داگسا تشوگپا سکییسکھان میگونّی نانگنے یوحنّانی سانگ ٹاگاجیگ سوانگ میدپا اینوگ، اِین نانگ نامکھے گیالثیدّی نانّگا چھونگشوگپو یوحنّانی سانگ ٹاگا این۔“
29(ٹھالنینکھانگونّانگ تھیستے حضرت عیسیٰ سی مولکھانگون تشورکھان تشانگمے، خُدے تھابسپو نی دزومسپو اینوگ زیرس چیازیرنا کھونگونی یوحنّانی سالکھانّی غوتا لینتے اینپین۔ 30اِین نانگ فریسی پاگون تانگ شریعتی عالِم گونّی یوحنّانے غوتا مالینّا کھونگرانگونّی پھیا خُدے تھابسپو پھانگس)۔
31حضرت عیسیٰ سی مولس، ”نگے ای میرابسپو سو نیامپو لدور؟ کھونگون سو ژوگس اینوگ؟ 32ٹھومسّی نانّگا دوگکھانّی ٹھوگوگون ژوگس کاگونّی چیگ تانگ چیگّا بودین زیردوگ،
نگاجے لینگبو پھوستیانگ کھیوجا ماسیس۔
نگاجے شادپا تانگ زانے کھیوجا مانگوس۔
33تینّا تسوگسلا حضرت یُوؔحنّا ٰ غوتا سالکھان یونگستے زان مازوس یا چھانگ ماتھونگسپا کھیوجے کھوے نانّگا ردود جُوگستے اینوگ زیرس۔ 34اِبنِ آدم یونگتے زان زوستے چھانگ تھونگسپا، کھیوجے کھو زین دُوگکھان تانگ راروستے دُوگکھان یانگ ٹھالّینکھان تانگ دِیگپاچان گُونی دزاو اینوگ زیرس۔ 35اِین نانگ نگاجا خُدے شیسرابسّی لامیکا ڈولکھانبو شیسراپچان گونّی شیسّانوگ#7:35 یُونانی سکادّی نانّگا ”اینّانگ لدینبے شیسرابسپو نی تیبوے ٹھوگو تشانگمے ستانّانوگ ڈِیستے یودتے اینوگ“۔“
حضرت عیسیٰ سی دِیگپاچان بوموجیگّا مُعافی سالس۔
36تینے فریسی پاجیگی حضرت عیسیٰ مسیح کھوے کھانگپا دونتانّگا بودپا، حضرت عیسیٰ سی کھوے کھانگپا سکیودتے دونتانگ دونّالا چوگتسے لدُونلا ژوگس۔ 37تے ڈونگکھیرّی نانّگا سچودلام نگانپا یودکھانّی بوموجیگّا حضرت عیسیٰ سی فریسی پے کھانگپا دونتانگ دونّا جُوگستے یودکھانبو تشورّاچیگ، کھو کایولّی نود ٹیجیم ّی مار کوسپو سکانگسکھان کھورتے یونگس۔ 38حضرت عیسیٰ سی گیابّا کھونگی جابسّی لدُونلا پِیکدونگ ژُوگستے نگواینّانگ چھیما نیامپو کھونگی کانگما لونپا چوستے کھورانگی ثا نیامپو پھیاین، پوگ تانگین، کھوے ٹیجیم چانّی مارناگ لوگس۔
39حضرت عیسیٰ سی دونتانّگا بودکھانّی فریسی پابوے تیگون تھونگتے، ”کالتیس کھونگ پیغمبر جیگ اینّا، کھونّگا لاگپا سیاین یودکھانّی بوموبو دِیگپاچان جیک اینکھان شیسگوس“ سام۔
40کھوے سامین یودکھانبوا حضرت عیسیٰ سی لانسالس، ” شمعُوؔن نگے کھیورانّگا چیگ زیرین۔“ کھوے زیرس، ”لوبپونلے مولّا زاد۔“
41”بولون تانگکھانجیگی می نیسلا پینے بولون تانگس، چیگپوا جاگ ثنا بگیے لاچھا زامشیگ یانگ چیگپوا جاگ ثنابچُوی لاچھا زامشیگ۔ 42کھونگ نییسکوا بولون لوگستے شال مانیان پاسانگ بولون تانگکھانبوے کھونگونی بولونبو پھودتانگس۔ تا کھونگونی نانگنے سوی بولون تانگکھانبوا مانّگا چیسپا چوین۔“
43شمعُوؔن ی زیرس، ”نگے سامّاراگ بولون مانّگا پھودکھانبوے۔“ حضرت عیسیٰ سی مولس، ” کھیرانگی ٹانگپو زیرس۔“
44تینے بوموبو چھوگسلا زیگستے حضرت عیسیٰ سی شمعُوؔن لا مولس، ”ای بومو تھونّگا؟ نگا کھیرانگی کھانگپا یونگستیانگ کھیرانگی نگے کانگپا ٹھوالا چھو ماتانگس، اِین نانگ ای بوموبوے نگے کانگپا کھورانگی چھیما نیامپو غوتا تے ثا نیامپو پھیس۔ 45کھیرانگی نگا پوگ ماتانگس اِین نانگ ای بوموبوے نگا نانّگا یونگسپانے پھارلا نگے کانگپا پوگ تانگین دُوگس۔ 46کھیرانگی نگے گوا مارناگ ماسکوس اِین نانگ ای بوموے ٹیجیمبو نگے کانگپیکا لوگس۔“
47”نگے کھیورانّگا زیرّاد، ای بوموے دِیگپا چوکھان مانگپوا مُعافی تانگسپا، کھوے چیسپا مانگپو چوس۔ اِین نانگ دِیگپا نیونگون چوکھانّی دِیگپا مُعافی تانگکھانبوے چامسپا نیونگون چوس۔“
48تینے حضرت عیسیٰ سی بوموبوا مولس، ” کھیرانگی دِیگپاگونلا مُعافی تانگستے این۔“
49جان ڈونپوگونّی کھورانگ چیگ تانگ چیگّا زیرس، ”دِیگپا مُعافی تانگچیسّی ہامپا چوکھانّی ای میبو سو اینوگ۔“
50حضرت عیسیٰ سی بوموبوا مولس، ” کھیرانگی ایمانی کھیرانگ سکیوبستے این۔ تا سونگ خُدے جیدے کھورانگ نیامپو اینوگ۔“
Currently Selected:
لوکا 7: LBJNT
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
لوکا 7
7
ماگیے سپونبوے ایمان۔
1میگونلا لابجا تشانگما سال تشارّاچیگ، حضرت عیسیٰ مسیح کفرنحُوم مّی ڈونگکھیرلا سکیودس۔ 2تیرو رومپا ماگیے سپونبوے، ما چیسپا چوکھانّی یوگپو جیگّا زُومو ثانٹے یونگستے شیکییس یودپین۔ 3ماگمی سپونبوا حضرت عیسیٰ سی سکورلا تشورّاچیگ، سکیودتے یوگپوبو پھانچوگا زادچیسّی جُووا پھولچیسلا یہُودی پے اُسکیونگ کھاچیگ حضرت عیسیٰ سی یودسا لامچوگس۔ 4کھونگون حضرت عیسیٰ سی یودسا یونگس یانگ سنینگنے جُووا ثانٹے پھولتے زیرس، ”ای میبو نیرانگی روگس زادچیسّی اوسپا این 5چیازیرنا کھوے نگاتانگی میگونلا چامسپا چوستے نگاتانگی مجلِس بُو سیگّالا روگس چوستے این۔“ 6تینے حضرت عیسیٰ سی کھونگون نیامپو سکیودس۔
کھانگپے نیموا لیبتے یود زانے، ماگیے سپونبوے کھورانگی دزاوگون حضرت عیسیٰ سی ایزوگ زیرچیسلا کالس، ”مسیح وبگیال مازاد، نیرانگ نگے کھانگپا سکیودچیسّی اوسپا نگا مان۔ 7تینّا گیونتشانبوے پھیا نگا نیرانگی لدُونلا جالچیسپوانگ اوسپا ماتشور۔ اِین نانگ نیرانگیکا سالنا، نگے یوگپو پھانین 8وانگچھے یوگا نگانگ دوگّاد یانگ نگے وانگچھے یوگا ماگمیگون یود۔ نگے چیگّا سونگ زیرنا چھانوگ یانگ چیگّا یونگ زیرنا یونّگانوگ، یانگ نگے یوگپوا ای لاسپو چوس زیرنا چوانوگ۔“
9حضرت عیسیٰ سی تیبو سانّاچیگ، ہالاستے کھونّگا ڈانگستے یونگکھانّی میتشوگس چھوگسلا گیورتے مولس، ”نگے کھیوجا زیرّاد، بنی اِسرائیلی نانّگانگ نگا یتسوگسّی ایمان چانجیگ مانے ماتھوب۔“ 10تینے لامچوگکھانّی میگون کھانگپا لوگتے لیبّاچیگ، یوگپوبوا زُومو گیالتے تھونگ۔
حضرت عیسیٰ سی مارانگموجیگی بُوژا سونتیا لانّگا زادس۔
11ستینگما جاگّا حضرت عیسیٰ مسیح نایین ڈونگکھیرلا سکیودس، یانگ کھونگی لوبٹوگس تانگ میتشوگس چھینموجیگ کھونگ نیامپو سونگ۔ 12ڈونگکھیرّی گیاسگھوے نیمو لیبّاچیگ انے مارانگموجیگی بُوژا چیگچیگپو شیکھانّی سپھور پھیلوگا پھینگستے کھیونّگادپین یانگ تے ڈونگکھیرّی میتشوگس چھینمو کھو نیامپو یودپین۔ 13یشُوحی بوموبو زیگسّاچیگ، سنینگرجے سکیستے کھوا مولس، ”نُگو مانگو۔“ 14تینے روگھامّی لدُونلا سکیودتے چھاگسیا زادس، جنازہ کھورکھانگون ڈول ماڈولّا دُوگس۔ کھونگی مولس، ”کھیوگتونگ کھیورانّگا نگے زیرّاد، لونگس۔“ 15شیکھانبو لانگستے سپیرا تانگچیس گوزوگس یانگ حضرت عیسیٰ سی کھو کھورانگی اما ستادا زادس۔
16می تشانگمے سیوا تانگ جیگسّی نانّگا خُدا ستودپا پھولین زیرس، ”پیغمبر ٹاگپوجیگ نگاتانگی ٹوا سکیودتے اینوگ۔ خُدے نگاتانگی میگونلا روگس زادّالا سکیودتے اینوگ۔“ 17تے ناتشولبو یہُودیہ یولجونگس گانگپو تانگ نییکھورّی یول تشانگمے نانّگا کھییبس۔
حضرت عیسیٰ تانگ حضرت یُوؔحنّا ٰ غوتا سالکھان۔
18یوحنّانی لوبٹوگس گُونی کھونّگا حضرت عیسیٰ مسیح زادکھان تشانگما شادسپا، 19لوبٹوگس نیس بودتے حضرت عیسیٰ سی یودسا ای ٹیوابو ٹیالا لامچوگس، ”پیغمبر گونّی سکیودین مولکھان مسیحا نیرانگ جُوگستے اینّا یا نگاجا یانگجیگّا ثونگ؟“
20کھونگون حضرت عیسیٰ سی یودسا لیبّاچیگ زیرس، ”حضرت یُوؔحنّا ٰ غوتا سالکھانّی نگاجا ایبو ٹیالا کالس، پیغمبر گونّی سکیودین مولکھان مسیحا نیرانگ جُوگستے اینّا یا نگاجا یانگجیگّا ثونگ؟“
21تینّا توسلا حضرت عیسیٰ سی ناد یونگکھان، زُومو یودکھان مانگپو پھانچوگس، ردود جُوگسکھان مانگپو پھینّگا زادس یانگ جارا مانگپوا میگنے تھونگ چوگّا زادس۔ 22حضرت عیسیٰ سی لون کھیونگکھانگونلا لانسالس، ”لوگستے سونگ یانگ کھیوجے تھونگکھان تانگ تشورکھانگون حضرت یُوؔحنّا ٰ شود۔ جارا گونلا تھونگ، جاؤ گُون ڈولس، دزینادچانگون گیالتے ژانگما سونگ، ماتشورکھانگونّی تشور، شیکھانگون سونتیا لانگس، یانگ نیالباچانگونلا گاموےناتسُول شادس۔ 23کھوا شود، نگے چوکھانگونّی جاستے نگا ماپھانگکھانگونلا برکت سالّا زادِین۔“
24یوحنّانی لونکھیرکھانبو لوگستے چھا تشارّاچیگ، حضرت عیسیٰ سی میتشوگسلا یوحنّانی سکورلا مولچیس گوزوگس، ”کھیوجا ریستونگی نانّگا کازوگ میجیگّا ستالا سونگپین؟ چھوی تھامے لجانگسپا لونگسپوے سکولّا تسوگسلا، لابجے نانّگا توسگیون گیورجا کھیونگکھان جیگّا؟ 25کالتیس مانّا کھیوجاگون چی ستالا سونگپین؟ می کوسلاگ جامپو تانگ رینچان گونکھانجیگ کھیوجاگونّی تھونّگا؟ ماتھونگ۔ کوس رینچان گونکھان تانگ رینچان چالاگ کولاین میتشے پھودکھانگون گیالپوے کھارلا دوگّانوگ۔ 26کھیوجا پیغمبر جیگّا ستالا سونگپینّا؟ اونا، کھو پیغمبر سانگ ٹاگاجیگ این۔ 27ہلژخمہ شوقبُو بوے نانّگا کھوے سکورلا خُدے مولّا زادتے دوگ،
ستوس، کھیرانگی سانگ سنگونلا نگے نگارانگی لونکھیرکھانبو کالین ۔
کھوے کھیرانگی پھیا لام ڈالڈیگ چوین۔
28نگے کھیوجا زیرّاد، داگسا تشوگپا سکییسکھان میگونّی نانگنے یوحنّانی سانگ ٹاگاجیگ سوانگ میدپا اینوگ، اِین نانگ نامکھے گیالثیدّی نانّگا چھونگشوگپو یوحنّانی سانگ ٹاگا این۔“
29(ٹھالنینکھانگونّانگ تھیستے حضرت عیسیٰ سی مولکھانگون تشورکھان تشانگمے، خُدے تھابسپو نی دزومسپو اینوگ زیرس چیازیرنا کھونگونی یوحنّانی سالکھانّی غوتا لینتے اینپین۔ 30اِین نانگ فریسی پاگون تانگ شریعتی عالِم گونّی یوحنّانے غوتا مالینّا کھونگرانگونّی پھیا خُدے تھابسپو پھانگس)۔
31حضرت عیسیٰ سی مولس، ”نگے ای میرابسپو سو نیامپو لدور؟ کھونگون سو ژوگس اینوگ؟ 32ٹھومسّی نانّگا دوگکھانّی ٹھوگوگون ژوگس کاگونّی چیگ تانگ چیگّا بودین زیردوگ،
نگاجے لینگبو پھوستیانگ کھیوجا ماسیس۔
نگاجے شادپا تانگ زانے کھیوجا مانگوس۔
33تینّا تسوگسلا حضرت یُوؔحنّا ٰ غوتا سالکھان یونگستے زان مازوس یا چھانگ ماتھونگسپا کھیوجے کھوے نانّگا ردود جُوگستے اینوگ زیرس۔ 34اِبنِ آدم یونگتے زان زوستے چھانگ تھونگسپا، کھیوجے کھو زین دُوگکھان تانگ راروستے دُوگکھان یانگ ٹھالّینکھان تانگ دِیگپاچان گُونی دزاو اینوگ زیرس۔ 35اِین نانگ نگاجا خُدے شیسرابسّی لامیکا ڈولکھانبو شیسراپچان گونّی شیسّانوگ#7:35 یُونانی سکادّی نانّگا ”اینّانگ لدینبے شیسرابسپو نی تیبوے ٹھوگو تشانگمے ستانّانوگ ڈِیستے یودتے اینوگ“۔“
حضرت عیسیٰ سی دِیگپاچان بوموجیگّا مُعافی سالس۔
36تینے فریسی پاجیگی حضرت عیسیٰ مسیح کھوے کھانگپا دونتانّگا بودپا، حضرت عیسیٰ سی کھوے کھانگپا سکیودتے دونتانگ دونّالا چوگتسے لدُونلا ژوگس۔ 37تے ڈونگکھیرّی نانّگا سچودلام نگانپا یودکھانّی بوموجیگّا حضرت عیسیٰ سی فریسی پے کھانگپا دونتانگ دونّا جُوگستے یودکھانبو تشورّاچیگ، کھو کایولّی نود ٹیجیم ّی مار کوسپو سکانگسکھان کھورتے یونگس۔ 38حضرت عیسیٰ سی گیابّا کھونگی جابسّی لدُونلا پِیکدونگ ژُوگستے نگواینّانگ چھیما نیامپو کھونگی کانگما لونپا چوستے کھورانگی ثا نیامپو پھیاین، پوگ تانگین، کھوے ٹیجیم چانّی مارناگ لوگس۔
39حضرت عیسیٰ سی دونتانّگا بودکھانّی فریسی پابوے تیگون تھونگتے، ”کالتیس کھونگ پیغمبر جیگ اینّا، کھونّگا لاگپا سیاین یودکھانّی بوموبو دِیگپاچان جیک اینکھان شیسگوس“ سام۔
40کھوے سامین یودکھانبوا حضرت عیسیٰ سی لانسالس، ” شمعُوؔن نگے کھیورانّگا چیگ زیرین۔“ کھوے زیرس، ”لوبپونلے مولّا زاد۔“
41”بولون تانگکھانجیگی می نیسلا پینے بولون تانگس، چیگپوا جاگ ثنا بگیے لاچھا زامشیگ یانگ چیگپوا جاگ ثنابچُوی لاچھا زامشیگ۔ 42کھونگ نییسکوا بولون لوگستے شال مانیان پاسانگ بولون تانگکھانبوے کھونگونی بولونبو پھودتانگس۔ تا کھونگونی نانگنے سوی بولون تانگکھانبوا مانّگا چیسپا چوین۔“
43شمعُوؔن ی زیرس، ”نگے سامّاراگ بولون مانّگا پھودکھانبوے۔“ حضرت عیسیٰ سی مولس، ” کھیرانگی ٹانگپو زیرس۔“
44تینے بوموبو چھوگسلا زیگستے حضرت عیسیٰ سی شمعُوؔن لا مولس، ”ای بومو تھونّگا؟ نگا کھیرانگی کھانگپا یونگستیانگ کھیرانگی نگے کانگپا ٹھوالا چھو ماتانگس، اِین نانگ ای بوموبوے نگے کانگپا کھورانگی چھیما نیامپو غوتا تے ثا نیامپو پھیس۔ 45کھیرانگی نگا پوگ ماتانگس اِین نانگ ای بوموبوے نگا نانّگا یونگسپانے پھارلا نگے کانگپا پوگ تانگین دُوگس۔ 46کھیرانگی نگے گوا مارناگ ماسکوس اِین نانگ ای بوموے ٹیجیمبو نگے کانگپیکا لوگس۔“
47”نگے کھیورانّگا زیرّاد، ای بوموے دِیگپا چوکھان مانگپوا مُعافی تانگسپا، کھوے چیسپا مانگپو چوس۔ اِین نانگ دِیگپا نیونگون چوکھانّی دِیگپا مُعافی تانگکھانبوے چامسپا نیونگون چوس۔“
48تینے حضرت عیسیٰ سی بوموبوا مولس، ” کھیرانگی دِیگپاگونلا مُعافی تانگستے این۔“
49جان ڈونپوگونّی کھورانگ چیگ تانگ چیگّا زیرس، ”دِیگپا مُعافی تانگچیسّی ہامپا چوکھانّی ای میبو سو اینوگ۔“
50حضرت عیسیٰ سی بوموبوا مولس، ” کھیرانگی ایمانی کھیرانگ سکیوبستے این۔ تا سونگ خُدے جیدے کھورانگ نیامپو اینوگ۔“
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.