Génesis 16
16
Agar soc Ismael
1Te Sarai, te yihnam Abram, ma ba alaj; pero ay jtuhl scriada egipcia-ants, Agar sbihil. 2Ha yu'un te Sarai la yalbe te Abram: Awiloj te Jehová ma xyac' alajucon; ha yu'un awocoluc taha aba soc te jcriada, hich wan ay calatac ya jta ta scuenta, xchi.
Te Abram la yich'be ta cuenta te sc'op te Sarai. 3Ha yu'un te Sarai, te yihnam Abram, la yic' tal te Agar, te scriada egipcia-ants, la ya'be yic' te Abram te smamalale. 4Hich te Abram la sta sba soc te Agar, hich hahch yal. Te c'alal la ya'iy te Agar te hahchemix yal, ma ba lequix ta sit te yajwale. 5Ha yu'un te Sarai la yalbe te Abram: Ha'at ta acuenta te ay jwocol. Ho'on la jca'bat awic' te jcriada, pero te c'alal la ya'iy te hahchemix yal, ma ba leconix ta sit. Jehová ac'a schahpanotic jchebaltic, xchi.
6Te Abram la sjac'be sc'op te Sarai: Ay ta ac'ab te acriada, ha chican bin yac ac'an yac apasbe, xchi. Ha yu'un te Sarai bayel hahch yuts'in, hich te Agar loc' ta ahnel ta stojol.
7Te ch'ul a'bat yu'un Jehová la sta te Agar ta banti sloq'uib-ha' ta jochol taquin q'uinal, ha te sloq'uib-ha' ay ta sbehlal Shur. 8Hich la yalbe: Agar, scriadahat Sarai, ¿banti talat soc banti ya xbahat? xchi.
Yacon ta ahnel ta stojol te cajwal Sarai, xchi te Agar.
9Hich halbot yu'un te ch'ul a'bat yu'un Jehová: Suhtan bahel ta stojol awajwal, ac'a xan aba ta cuentahinel yu'un, xchi.
10Hich halbot xan yu'un te ch'ul a'bat yu'un Jehová:
Hich ya jp'ohltesbat ats'umbal
te ma xhu' ta ahtayel yu'un yipal, xchi.
11Soc halbot xan yu'un te ch'ul a'bat yu'un Jehová:
Hahchemix awal, ya x'ayin atut querem-al;
ya me awa'be sbihilin Ismael,#16.11 Ismael: Dios ya ya'iy, xchi.
yu'un ya'iyej te Jehová te ay awocole.
12Ha c'ahc'al winic ya xc'oht,
ya me scontrahin spisilic,
soc ya xcontrahinot yu'un spisilic,
ma ba lamal q'uinal ya x'ayin
ta stojol spisil te yermanotac, xchi sc'oblal.
13Ha yu'un te Agar la ya'be sbihilin te Jehová te c'oponot yu'un: Ha'at Diosat te ya yilon, xchi, yu'un la yal: ¿Ma bal la jquil te Mach'a la yilon? xchi. 14Ha yu'un la ya'be sbihil te pozo: Pozo yu'un te Mach'a Cuxul te ya yilon, xchi. Ay ta ohlil yu'un Cades soc Bered.
15Te Agar la yalataybe snich'an te Abram. Te Abram la ya'be sbihilin Ismael te snich'an te ayin ta scuenta Agar. 16Ay waqueb yo'winic (86) ya'bilal a te Abram c'alal Agar la yalatay te Ismael.
Currently Selected:
Génesis 16: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
Génesis 16
16
Agar soc Ismael
1Te Sarai, te yihnam Abram, ma ba alaj; pero ay jtuhl scriada egipcia-ants, Agar sbihil. 2Ha yu'un te Sarai la yalbe te Abram: Awiloj te Jehová ma xyac' alajucon; ha yu'un awocoluc taha aba soc te jcriada, hich wan ay calatac ya jta ta scuenta, xchi.
Te Abram la yich'be ta cuenta te sc'op te Sarai. 3Ha yu'un te Sarai, te yihnam Abram, la yic' tal te Agar, te scriada egipcia-ants, la ya'be yic' te Abram te smamalale. 4Hich te Abram la sta sba soc te Agar, hich hahch yal. Te c'alal la ya'iy te Agar te hahchemix yal, ma ba lequix ta sit te yajwale. 5Ha yu'un te Sarai la yalbe te Abram: Ha'at ta acuenta te ay jwocol. Ho'on la jca'bat awic' te jcriada, pero te c'alal la ya'iy te hahchemix yal, ma ba leconix ta sit. Jehová ac'a schahpanotic jchebaltic, xchi.
6Te Abram la sjac'be sc'op te Sarai: Ay ta ac'ab te acriada, ha chican bin yac ac'an yac apasbe, xchi. Ha yu'un te Sarai bayel hahch yuts'in, hich te Agar loc' ta ahnel ta stojol.
7Te ch'ul a'bat yu'un Jehová la sta te Agar ta banti sloq'uib-ha' ta jochol taquin q'uinal, ha te sloq'uib-ha' ay ta sbehlal Shur. 8Hich la yalbe: Agar, scriadahat Sarai, ¿banti talat soc banti ya xbahat? xchi.
Yacon ta ahnel ta stojol te cajwal Sarai, xchi te Agar.
9Hich halbot yu'un te ch'ul a'bat yu'un Jehová: Suhtan bahel ta stojol awajwal, ac'a xan aba ta cuentahinel yu'un, xchi.
10Hich halbot xan yu'un te ch'ul a'bat yu'un Jehová:
Hich ya jp'ohltesbat ats'umbal
te ma xhu' ta ahtayel yu'un yipal, xchi.
11Soc halbot xan yu'un te ch'ul a'bat yu'un Jehová:
Hahchemix awal, ya x'ayin atut querem-al;
ya me awa'be sbihilin Ismael,#16.11 Ismael: Dios ya ya'iy, xchi.
yu'un ya'iyej te Jehová te ay awocole.
12Ha c'ahc'al winic ya xc'oht,
ya me scontrahin spisilic,
soc ya xcontrahinot yu'un spisilic,
ma ba lamal q'uinal ya x'ayin
ta stojol spisil te yermanotac, xchi sc'oblal.
13Ha yu'un te Agar la ya'be sbihilin te Jehová te c'oponot yu'un: Ha'at Diosat te ya yilon, xchi, yu'un la yal: ¿Ma bal la jquil te Mach'a la yilon? xchi. 14Ha yu'un la ya'be sbihil te pozo: Pozo yu'un te Mach'a Cuxul te ya yilon, xchi. Ay ta ohlil yu'un Cades soc Bered.
15Te Agar la yalataybe snich'an te Abram. Te Abram la ya'be sbihilin Ismael te snich'an te ayin ta scuenta Agar. 16Ay waqueb yo'winic (86) ya'bilal a te Abram c'alal Agar la yalatay te Ismael.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.