San Marcos 12
12
Te chopol j'a'teletic
1Hich te Jesús hahch yalbe ya'iyic sloc'ombahil c'op: Ay jtuhl winic la sts'un ts'usubiltic, la sjoy ta corral, la shotbe sp'e'ojibal, la spas toyol ilo-q'uinal, soc la yac' ta majanel yu'un j'a'teletic; baht ta namal. 2Ta yorahil stulbeyel sit la sticon tal jtuhl a'bat ta stojol te j'a'teletic yu'un ya yich'be sit te ts'usube. 3Pero la stsaquic soc la smajic, jochol sc'ab a la sticonic bahel. 4Te yajwal la scha'ticon xan yan a'bat; pero la sch'ojic ta ton, la yehchentesbeyic sjol, la yuts'inic bahel. 5La scha'ticon xan yan a'bat, la smilic stuquel. Ay tsobol yantic te ticombilic yu'un; ay la smajic soc ay la smilic.
6Ta slajibal, ay jtuhl snich'an te bayel c'ux ta yo'tan, ha la sticon bahel ta stojolic, yu'un hich la yal: Ya me yich'ic ta cuenta te jnich'ane, xchi. 7Pero te j'a'teletic hich la yalbe sbahic: Ha'ix te mach'a ya yich' hilel te q'uinale; la'ic, ya jmiltic, hich ya quich'tic te q'uinale, xchihic. 8Hich la stsaquic, la smilic, la sch'ojic loq'uel ta ts'usubiltic te sbaq'uetale. 9¿Bin ya spas yu'un te yajwal te ts'usubiltic? Ya me xtal smil te j'a'teletic soc ya ya'be yantic te sts'usubile.
10¿Ma bal awilojic te bin ts'ihbabil ta Shun Dios:
Te ton te ch'ayot hilel yu'un te jpas-nahetic,
ha mero yich'o-ip xuhc na c'oht.
11Ha te Cajwaltic te hich spasoje;
c'ax bayel yutsil ya quiltic, te xchihe? xchi.
12Ya c'an stsaquic te Jesús como la sna'ic te ha sc'oblalic te halbot ya'iyic te sloc'ombahil c'ope; pero la xi'ic te pueblo, hich la yihquitayic hilel, bahtic.
Sc'oblal yaq'uel patanil
13Patil la sticonic tal ta stojol Jesús cha'oxtuhl fariseohetic soc winiquetic yu'un Herodes scuenta yu'un ya stahbeyic smul a te bin ya yale. 14Hich c'oht yalbeyic: Maestro, ya jna'cotic te smelelil bin yac awal, soc te mayuc mach'a yac axi' aba soc; yu'un ma ba yac awilbe stalel te ants-winiquetic, smelelil yac awac' ta nopel te be yu'un Dios. ¿Stojil bal ta tojbeyel patanil te César, o ma'uc? ¿Ya bal ca'betic, o ma'uc? xchihic.
15Pero te Jesús la sna' te cheb yo'tanic, hich la yalbe: ¿Bin yu'un yac atsajonic? Ich'bonic tal quil jsehp denario, xchi.
16La yich'beyic tal, hich joc'obotic yu'un: ¿Mach'a sloc'omba ini soc mach'a sbihil te ts'ihbabile? xchi.
Yu'un César, xchihic.
17La sjac' te Jesús: A'beyahic César te bintic yu'un César, soc a'beyahic Dios te bintic yu'un Dios, xchi. Xcham yo'tanic yu'un.
Jesús joc'obot bin ut'il ay cha'cuxajel
18Tal ta stojol Jesús saduceohetic te ma ba sch'uhunejic te ay cha'cuxajel, hich la sjoc'obeyic: 19Maestro, la sts'ihbabotic hilel te Moisés teme ay mach'a cham sbanquil, teme cuxul hilel te yihnam, teme mayuc yal-snich'an soc, ha ya yic' yihnamin te yihts'in scuenta yu'un ay sts'umbal ya xc'oht a te sbanquile. 20Ay huctuhl winiquetic te jun sme'static; te banquilal la sta yihnam, mayuc yal-snich'an a cham. 21Ha yu'un te schebale, la yic'be te yihnam, ha nix hich mayuc yal-snich'an a cham. Hich nix te yoxebale. 22Ta shuctuhlulic mayuc yal-snich'anic hil. Patil cham te antse. 23Ta yorahil cha'cuxajel, ¿mach'a yihnam ya xc'oht te antse, como ta shuctuhlulic la yic' yihnaminic? xchihic.
24La sjac' te Jesús: Howiyemex, como ma xana'ic te bin ts'ihbabil ta Shun Dios soc ma xana'ic bin ut'il ay te yu'el Dios. 25Como te c'alal ya xcha'cuxaj te mach'atic chamenic, ma xnuhpunic soc ma xbahtic ta ich'el, pero hich ya xc'ohtic te bin ut'il te ch'ul a'batetic te ayic ta ch'ulchan. 26Pero te bin ut'il ay sc'oblal te ya xcha'cuxajic te mach'atic chamenic, ¿ma bal ayuc awilojic ta shun Moisés te c'alal c'oponot yu'un Dios ta jpeht ch'ix te hich halbot yu'une: Ho'on Dioson yu'un Abraham, Dioson yu'un Isaac soc Dioson yu'un Jacob, te xchihe? 27Te Diose ma ha'uc Dios yu'un mach'atic chamenic, ha Dios yu'un mach'atic cuxajtic. Ha yu'un bayel howiyemex ta c'op, xchi.
Te mandaril te tulan sc'oblal
28Ay jtuhl escribano nohpoj tal, la ya'iy te bin la yalbe sbahic, la sna' te lec la sjac' te Jesús, ha yu'un hich la sjoc'obe: Ta spisil te mandariletic, ¿banti ay te mero tulan sc'oblale? xchi.
29La sjac' te Jesús: Ta spisil te mandariletic, ha tulan sc'oblal ini: A'iya me awa'iyic, Israel: Te Cajwaltic Dios cu'untic, jtuhl nax te Cajwaltique. 30C'ux me xawa'iy ta awo'tan te Cajwaltic Dios ta spisil awo'tan, ta spisil ach'uhlel, ta spisil ap'ijil soc ta spisil awip, xchi. 31Te schebale, pajal soc: C'ux me xawa'iy ta awo'tan apat-axuhc hich te bin ut'il c'ux yac awa'iy aba te ha'ate, xchi. Mayuc yan mandaril ya spajbe sc'oblal te cheb ini, xchi.
32Hich la yal yu'un te escribano: Lec ay, Maestro, melel te bin la awal te jtuhl nax Dios ay, mayuc yan; 33soc te c'ux ya ca'iytic ta spisil co'tantic, ta spisil jp'ijiltic, ta spisil jch'uhleltic soc ta spisil quiptic, soc te c'ux ya ca'iy jbahtic soc te jpat-xuctic hich te bin ut'il c'ux ya ca'iy jbahtic, te ha c'ax hich sc'oblal a te bin ut'il spisil scohtol chic'bil mahtaniletic soc milbil mahtaniletic, xchi.
34Ha yu'un te Jesús, c'alal la yil te lec la sjac' te winic, hich la yalbe: Ma ba namal ayat te banti ay te cuentahinel yu'un te Diose, xchi.
Mayuquix yan mach'a ay bin la sjoc'obe xan.
¿Mach'a sts'umbal te Cristo?
35Te c'alal yac ta p'ijubteswanej ta Templo a te Jesús, hich la yal: ¿Bin ut'il ay a te ya yalic te escribanohetic te ha sts'umbal David te Cristo? 36Como ha nix te David te hich la yal ta scuenta te Ch'ul Espíritu:
Te Cajwaltic la yalbe te Cajwal:
Huclan ta jwa'el-c'ab
ha to c'alal ya ca'bat ta ye'tal awoc
te acontrataque, xchi.
37Ha nix te David te la yal, Cajwal, te xchihe. ¿Bin ut'il ay a hiche te ha sts'umbal? xchi. Tsobol te ants-winiquetic buen lec la ya'iyic te bin la yale.
Jesús la yalbe smul escribanohetic
38Hich la yal ta p'ijubteswanej te Jesús: Tsahtaya me abahic yu'un te escribanohetic te ya smulanic te ya xbehenic soc snahtil-c'u'ic soc te ya xpatbot yo'tanic ta plazahetic. 39Ya smulanic te ya shuhcan sbahic ta shahchibal huctajibaletic ta sinagoga soc ta shahchibal huctajibaletic c'alal ya stsob sbahic ta we'el. 40Ya spojbeyic sna me'ba' antsetic soc naht ya stsahtsa-c'oponic Dios. Tulan castigo ya me yich'ic yu'un, xchi.
Smahtan Dios la yac' jtuhl me'ba' ants
41La shuhcan sba te Jesús te banti snuhp'usitayej sba soc te stsobojibal smahtan Dios, yac ta yilel bin ut'il ya yotsesic taq'uin tey a te ants-winiquetique. Tsobol jc'uhlejetic la yotsesic bayel taq'uin. 42Tal jtuhl pobre me'ba' ants te la yotses cheb tut cobre-taq'uin, pajal soc jun cuadrante. 43Te Jesús la yic' talel te jnopojeletic yu'un, hich la yalbe: Jamal ya calbeyex, te pobre me'ba' ants ini c'ax hich la yac' a te bin ut'il la yaq'uic spisil te yantique; 44como spisilic la yaq'uic te sobra yu'unique, yan te ants ini, aunque pobre, la yac' spisil te bin ya xcuxaj ahe, xchi.
Currently Selected:
San Marcos 12: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
San Marcos 12
12
Te chopol j'a'teletic
1Hich te Jesús hahch yalbe ya'iyic sloc'ombahil c'op: Ay jtuhl winic la sts'un ts'usubiltic, la sjoy ta corral, la shotbe sp'e'ojibal, la spas toyol ilo-q'uinal, soc la yac' ta majanel yu'un j'a'teletic; baht ta namal. 2Ta yorahil stulbeyel sit la sticon tal jtuhl a'bat ta stojol te j'a'teletic yu'un ya yich'be sit te ts'usube. 3Pero la stsaquic soc la smajic, jochol sc'ab a la sticonic bahel. 4Te yajwal la scha'ticon xan yan a'bat; pero la sch'ojic ta ton, la yehchentesbeyic sjol, la yuts'inic bahel. 5La scha'ticon xan yan a'bat, la smilic stuquel. Ay tsobol yantic te ticombilic yu'un; ay la smajic soc ay la smilic.
6Ta slajibal, ay jtuhl snich'an te bayel c'ux ta yo'tan, ha la sticon bahel ta stojolic, yu'un hich la yal: Ya me yich'ic ta cuenta te jnich'ane, xchi. 7Pero te j'a'teletic hich la yalbe sbahic: Ha'ix te mach'a ya yich' hilel te q'uinale; la'ic, ya jmiltic, hich ya quich'tic te q'uinale, xchihic. 8Hich la stsaquic, la smilic, la sch'ojic loq'uel ta ts'usubiltic te sbaq'uetale. 9¿Bin ya spas yu'un te yajwal te ts'usubiltic? Ya me xtal smil te j'a'teletic soc ya ya'be yantic te sts'usubile.
10¿Ma bal awilojic te bin ts'ihbabil ta Shun Dios:
Te ton te ch'ayot hilel yu'un te jpas-nahetic,
ha mero yich'o-ip xuhc na c'oht.
11Ha te Cajwaltic te hich spasoje;
c'ax bayel yutsil ya quiltic, te xchihe? xchi.
12Ya c'an stsaquic te Jesús como la sna'ic te ha sc'oblalic te halbot ya'iyic te sloc'ombahil c'ope; pero la xi'ic te pueblo, hich la yihquitayic hilel, bahtic.
Sc'oblal yaq'uel patanil
13Patil la sticonic tal ta stojol Jesús cha'oxtuhl fariseohetic soc winiquetic yu'un Herodes scuenta yu'un ya stahbeyic smul a te bin ya yale. 14Hich c'oht yalbeyic: Maestro, ya jna'cotic te smelelil bin yac awal, soc te mayuc mach'a yac axi' aba soc; yu'un ma ba yac awilbe stalel te ants-winiquetic, smelelil yac awac' ta nopel te be yu'un Dios. ¿Stojil bal ta tojbeyel patanil te César, o ma'uc? ¿Ya bal ca'betic, o ma'uc? xchihic.
15Pero te Jesús la sna' te cheb yo'tanic, hich la yalbe: ¿Bin yu'un yac atsajonic? Ich'bonic tal quil jsehp denario, xchi.
16La yich'beyic tal, hich joc'obotic yu'un: ¿Mach'a sloc'omba ini soc mach'a sbihil te ts'ihbabile? xchi.
Yu'un César, xchihic.
17La sjac' te Jesús: A'beyahic César te bintic yu'un César, soc a'beyahic Dios te bintic yu'un Dios, xchi. Xcham yo'tanic yu'un.
Jesús joc'obot bin ut'il ay cha'cuxajel
18Tal ta stojol Jesús saduceohetic te ma ba sch'uhunejic te ay cha'cuxajel, hich la sjoc'obeyic: 19Maestro, la sts'ihbabotic hilel te Moisés teme ay mach'a cham sbanquil, teme cuxul hilel te yihnam, teme mayuc yal-snich'an soc, ha ya yic' yihnamin te yihts'in scuenta yu'un ay sts'umbal ya xc'oht a te sbanquile. 20Ay huctuhl winiquetic te jun sme'static; te banquilal la sta yihnam, mayuc yal-snich'an a cham. 21Ha yu'un te schebale, la yic'be te yihnam, ha nix hich mayuc yal-snich'an a cham. Hich nix te yoxebale. 22Ta shuctuhlulic mayuc yal-snich'anic hil. Patil cham te antse. 23Ta yorahil cha'cuxajel, ¿mach'a yihnam ya xc'oht te antse, como ta shuctuhlulic la yic' yihnaminic? xchihic.
24La sjac' te Jesús: Howiyemex, como ma xana'ic te bin ts'ihbabil ta Shun Dios soc ma xana'ic bin ut'il ay te yu'el Dios. 25Como te c'alal ya xcha'cuxaj te mach'atic chamenic, ma xnuhpunic soc ma xbahtic ta ich'el, pero hich ya xc'ohtic te bin ut'il te ch'ul a'batetic te ayic ta ch'ulchan. 26Pero te bin ut'il ay sc'oblal te ya xcha'cuxajic te mach'atic chamenic, ¿ma bal ayuc awilojic ta shun Moisés te c'alal c'oponot yu'un Dios ta jpeht ch'ix te hich halbot yu'une: Ho'on Dioson yu'un Abraham, Dioson yu'un Isaac soc Dioson yu'un Jacob, te xchihe? 27Te Diose ma ha'uc Dios yu'un mach'atic chamenic, ha Dios yu'un mach'atic cuxajtic. Ha yu'un bayel howiyemex ta c'op, xchi.
Te mandaril te tulan sc'oblal
28Ay jtuhl escribano nohpoj tal, la ya'iy te bin la yalbe sbahic, la sna' te lec la sjac' te Jesús, ha yu'un hich la sjoc'obe: Ta spisil te mandariletic, ¿banti ay te mero tulan sc'oblale? xchi.
29La sjac' te Jesús: Ta spisil te mandariletic, ha tulan sc'oblal ini: A'iya me awa'iyic, Israel: Te Cajwaltic Dios cu'untic, jtuhl nax te Cajwaltique. 30C'ux me xawa'iy ta awo'tan te Cajwaltic Dios ta spisil awo'tan, ta spisil ach'uhlel, ta spisil ap'ijil soc ta spisil awip, xchi. 31Te schebale, pajal soc: C'ux me xawa'iy ta awo'tan apat-axuhc hich te bin ut'il c'ux yac awa'iy aba te ha'ate, xchi. Mayuc yan mandaril ya spajbe sc'oblal te cheb ini, xchi.
32Hich la yal yu'un te escribano: Lec ay, Maestro, melel te bin la awal te jtuhl nax Dios ay, mayuc yan; 33soc te c'ux ya ca'iytic ta spisil co'tantic, ta spisil jp'ijiltic, ta spisil jch'uhleltic soc ta spisil quiptic, soc te c'ux ya ca'iy jbahtic soc te jpat-xuctic hich te bin ut'il c'ux ya ca'iy jbahtic, te ha c'ax hich sc'oblal a te bin ut'il spisil scohtol chic'bil mahtaniletic soc milbil mahtaniletic, xchi.
34Ha yu'un te Jesús, c'alal la yil te lec la sjac' te winic, hich la yalbe: Ma ba namal ayat te banti ay te cuentahinel yu'un te Diose, xchi.
Mayuquix yan mach'a ay bin la sjoc'obe xan.
¿Mach'a sts'umbal te Cristo?
35Te c'alal yac ta p'ijubteswanej ta Templo a te Jesús, hich la yal: ¿Bin ut'il ay a te ya yalic te escribanohetic te ha sts'umbal David te Cristo? 36Como ha nix te David te hich la yal ta scuenta te Ch'ul Espíritu:
Te Cajwaltic la yalbe te Cajwal:
Huclan ta jwa'el-c'ab
ha to c'alal ya ca'bat ta ye'tal awoc
te acontrataque, xchi.
37Ha nix te David te la yal, Cajwal, te xchihe. ¿Bin ut'il ay a hiche te ha sts'umbal? xchi. Tsobol te ants-winiquetic buen lec la ya'iyic te bin la yale.
Jesús la yalbe smul escribanohetic
38Hich la yal ta p'ijubteswanej te Jesús: Tsahtaya me abahic yu'un te escribanohetic te ya smulanic te ya xbehenic soc snahtil-c'u'ic soc te ya xpatbot yo'tanic ta plazahetic. 39Ya smulanic te ya shuhcan sbahic ta shahchibal huctajibaletic ta sinagoga soc ta shahchibal huctajibaletic c'alal ya stsob sbahic ta we'el. 40Ya spojbeyic sna me'ba' antsetic soc naht ya stsahtsa-c'oponic Dios. Tulan castigo ya me yich'ic yu'un, xchi.
Smahtan Dios la yac' jtuhl me'ba' ants
41La shuhcan sba te Jesús te banti snuhp'usitayej sba soc te stsobojibal smahtan Dios, yac ta yilel bin ut'il ya yotsesic taq'uin tey a te ants-winiquetique. Tsobol jc'uhlejetic la yotsesic bayel taq'uin. 42Tal jtuhl pobre me'ba' ants te la yotses cheb tut cobre-taq'uin, pajal soc jun cuadrante. 43Te Jesús la yic' talel te jnopojeletic yu'un, hich la yalbe: Jamal ya calbeyex, te pobre me'ba' ants ini c'ax hich la yac' a te bin ut'il la yaq'uic spisil te yantique; 44como spisilic la yaq'uic te sobra yu'unique, yan te ants ini, aunque pobre, la yac' spisil te bin ya xcuxaj ahe, xchi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.